ᓇᒼᐸᕒᐢ 36
36
1ᐊᓂᑭ ᒫᑲ ᑳ ᓂᑳᓀᔨᑖᑯᓯᒋᐠ ᐅᑖᐃᐧᐋᐧᐊᐧ ᐃᐧᑭᔨᕽ ᐁ ᐃᓯ ᐋᐧᑯᑐᒋᐠ ᐅᐟ ᐊᐋᐧᓯᒥᓴ ᑭᓬᐃᔭᐟ, ᐅᑯᓯᓴ ᒫᑲᕒ, ᐅᑯᓯᓴ ᒪᓈᓯ, ᐁ ᐃᓯ ᐋᐧᑯᑐᒋᐠ ᐅᑯᓯᓴ ᒍᓯᑊ, ᑭᓯᐋᐧᐠ ᑭ ᐯ ᐃᑐᑎᐊᐧᐠ, ᐁᑯᓯ ᑭ ᐱᑭᐢᑫᐧᐊᐧᐠ ᐅᐦᑎᐢᑲᐤ ᒧᓯᐢ ᒥᓇ ᐅᐦᑎᐢᑲᐤ ᐊᓂᑭ ᐅᑭᒫᐊᐧᐠ, ᑳ ᓂᑳᓀᔨᑖᑯᓯᒋᐠ ᐅᑖᐃᐧᐋᐧᐊᐧ ᐃᐧᑭᔨᕽ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 2#ᓇᒼᐸᕒᐢ 27:7ᑭ ᐃᑌᐧᐊᐧᐠ ᒫᑲ, ᑳ ᑎᐯᔨᐦᒋᑫᐟ ᑭ ᐃᑕᓱᐊᐧᑌᐤ ᓄᑭᒫᒥᓈᐣ ᑭᑕ ᒥᔭᐟ ᐊᐢᑭ ᑭᑕ ᑎᐯᔨᐦᑕᒥᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᐢᑫᔨᐦᑖᑯᐦᑫᐃᐧᐣ ᐁ ᐋᐸᑕᕽ; ᐁᑯᓯ ᓂᐟ ᐅᑭᒫᒼ ᑭ ᐃᑕᓱᐋᐧᑎᐠ ᑳ ᑎᐯᔨᐦᒋᑫᔨᐟ ᐅᑖᓂᓯᔨᐊᐧ ᓭᓬᐋᐱᐋᐟ ᓂᒋᐋᐧᒥᓈᐣ ᑭᑕ ᒥᔨᒫᐟ ᐅ ᑎᐯᔨᒋᑲᐣ. 3ᑭᐢᐱᐣ ᒫᑲ ᐅ ᓈᐯᒥᑖᐧᐃᐧ ᓈᐣᑕᐤ ᐅᑯᓯᓯᔨᐊᐧ ᑯᑕᑲ ᐁ ᐱᐢᑭᑐᑌᐃᐧᓯᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁᑲᐧ ᐅ ᑎᐯᔨᒋᑲᓂᐋᐧᐤ ᑭᑕ ᐸᑫᐧᓂᑳᑌᐤ ᐅ ᑎᐯᔨᒋᑲᓂᐋᐧᕽ ᐅᐦᒋ ᓄᑖᐃᐧᓈᓇᐠ, ᒥᓇ ᑭᑕ ᑕᑯᓂᑳᑌᐤ ᐅ ᑎᐯᔨᒋᑲᓂᐋᐧᕽ ᐊᓂᑭ ᐁ ᐱᐢᑭᑐᑌᐃᐧᓯᒋᐠ ᐃᑕ ᑫ ᐃᐧᒋᐦᐃᐁᐧᒋᐠ; ᐁᑯᓯ ᑭᑕ ᐸᑫᐧᓂᑳᑌᐤ ᑳ ᑭ ᐃᓯ ᒥᔨᑲᐃᐧᔮᕽ ᓂ ᑎᐯᔨᒋᑲᓂᓈᐣ. 4ᐃᐢᐱ ᒫᑲ ᐅᑎᑕᑳᐧᐃᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᓂᒪ ᔪᐱᓬᐃ ᐁᑲᐧ ᐅ ᑎᐯᔨᒋᑲᓂᐋᐧᐤ ᑭᑕ ᑕᑯ ᐊᐢᑖᐊᐧᐣ ᐅ ᑎᐯᔨᒋᑲᓂᔨᕽ ᐊᓂᐦᐃ ᐁ ᐱᐢᑭᑐᑌᐃᐧᓯᔨᐟ ᐃᑕ ᑫ ᐃᐧᒋᐦᐃᐁᐧᒋᐠ; ᐁᑯᓯ ᐃᓯ ᐅ ᑎᐯᔨᒋᑲᓂᐋᐧᐤ ᑭᑕ ᐸᑫᐧᓂᑳᑌᐤ ᐅ ᑎᐯᔨᒋᑲᓂᐋᐧᕽ ᐅᐦᒋ ᐅ ᐱᐢᑭᑐᑌᐃᐧᓯᐃᐧᓂᐋᐧᐤ ᓄᑖᐃᐧᓈᓇᐠ.
5ᒧᓯᐢ ᒫᑲ ᑭ ᐃᑕᓱᐋᐧᑌᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐃᑕᐢᑌᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᐁ ᐃᑌᐧᐟ, ᑳ ᐱᐢᑭᑐᑌᐃᐧᓯᒋᐠ ᐅᑯᓯᓴ ᒍᓯᑊ ᑲᐧᔭᐢᐠ ᐃᑌᐧᐊᐧᐠ. 6ᐁᐊᐧᑯ ᐅᒪ ᑳ ᑎᐯᔨᐦᒋᑫᐟ ᑳ ᐃᑕᓯᐁᐧᐟ ᐅᑖᓂᓴ ᓭᓬᐋᐱᐋᐟ ᐅᐦᒋ, ᐁ ᐃᑌᐧᐟ, ᑭᔮᒼ ᑭᑕ ᐅ ᓈᐯᒥᐊᐧᐠ ᐊᐃᐧᔭ ᐁ ᒥᔦᐧᔨᒫᒋᐠ; ᒫᑲ ᐱᑯ ᐁ ᐃᓯ ᐋᐧᑯᑐᔨᐟ ᐁ ᐱᐢᑭᑐᑌᐃᐧᓯᔨᐟ ᐅᑖᐃᐧᐋᐊᐧ ᑭᑕ ᐅ ᓈᐯᒥᐊᐧᐠ. 7ᐁᑯᓯ ᐃᓯ ᐅ ᑎᐯᔨᒋᑲᓂᐋᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓇᒪᐃᐧᔭ ᑫᑲᐧᐩ ᑲᑫᐧᑯᐢᐠ ᑭᑕ ᑎᐯᔨᑖᑲᐧᐣ ᐁ ᐸᐯᐢᑭᑐᑌᐃᐧᓯᒋᐠ; ᒋᑫᒫ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑲᐦᑭᔭᐤ ᑭᑕ ᒥᒋᒥᓇᒪᐧᐠ ᐅ ᑎᐯᔨᒋᑲᓂᔨᐤ ᐁ ᐱᐢᑭᑐᑌᐃᐧᓯᔨᐟ ᐅᑖᐃᐧᐋᐧᐊᐧ. 8ᐁᑯᓯ ᑕᐦᑐ ᐅᑖᓂᓯᒫᐤ ᑳ ᑎᐱᔭᐁᐧᐃᐧᓯᐟ ᑎᐯᔨᒋᑲᐣ ᓈᐣᑕᐤ ᐁ ᐱᐢᑭᑐᑌᐃᐧᓯᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐅ ᓇᐯᒥᐤ ᓈᐣᑕᐤ ᐊᐃᐧᔭ ᐁ ᐋᐧᑯᑕᒥᔨᐟ ᐅᑖᐃᐧᔭ ᑳ ᐃᐧᒋᐦᐃᐁᐧᔨᐟ ᐱᐢᑭᑐᑌᐃᐧᓯᐃᐧᐣ, ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑲᐦᑭᔭᐤ ᐊᔨᓯᔨᓂᐤ ᑭᑕ ᐊᔮᐟ ᐅ ᑎᐯᔨᒋᑲᓂᔨᐤ ᐅᑖᐃᐧᔭ. 9ᐁᑯᓯ ᐃᓯ ᓇᒪᐃᐧᔭ ᒫᒥᐢᑯᐨ ᑭᑕ ᐊᔮᓂᐊᐧᐣ ᑎᐯᔨᒋᑲᐣ ᑳ ᐸᐯᐢᑭᑐᑌᐃᐧᓯᕽ; ᒋᑫᒫ ᑳ ᐸᐯᐢᑭᑐᑌᐃᐧᓯᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᒥᒋᒥᓇᒪᐧᐠ ᑲᐦᑭᔭᐤ ᐊᔨᓯᔨᓂᐤ ᐃᐧᔭ ᑎᐱᔭᐤ ᐅ ᑎᐯᔨᒋᑲᐣ.
10ᑳ ᑭ ᐃᑕᓱᐊᐧᑖᐟ ᒫᑲ ᑳ ᑎᐯᔨᐦᒋᑫᐟ ᒧᓯᓴ, ᐁᑯᓯ ᑭ ᐃᑐᑕᒪᐧᐠ ᓭᓬᐋᐱᐋᐟ ᐅᑖᓂᓴ; 11ᒋᑫᒫ ᒫᓬᐊ, ᑎᕒᓴ, ᒥᓇ ᐦᐋᑭᓬᐊ, ᒥᓇ ᒥᓬᑲ, ᒥᓇ ᓄᐊ, ᐅᑖᓂᓴ ᓭᓬᐋᐱᐋᐟ, ᑭ ᐅ ᓈᐯᒥᐊᐧᐠ ᐅᑖᐃᐧᐋᐧᐊᐧ ᐅᒋᐋᐧᒥᔨᐊᐧ ᐅᑯᓯᓯᔨᐊᐧ. 12ᑭ ᐅᓈᐯᒥᐊᐧᐠ ᐊᓂᐦᐃ ᑳ ᐅ ᐋᐧᑯᒪᑲᓂᔨᐟ ᐅᑯᓯᓴ ᒪᓈᓯ ᐅᑯᓯᓴ ᒍᓯᑊ, ᐁᑯᓯ ᐅ ᑎᐯᔨᒋᑲᓂᐋᐧᐤ ᑭ ᐃᐧᒋᐦᐃᐁᐧᒪᑲᓂᔨᐤ ᐁ ᐱᐢᑭᑐᑌᐃᐧᓯᔨᐟ ᐁ ᐃᓯ ᐅ ᐋᐧᑯᒫᑲᓂᔨᐟ ᐅᑖᐃᐧᐋᐧᐊᐧ.
13ᐁᐊᐧᑯᓂ ᐅᐦᐃ ᐃᑕᓱᐁᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ, ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒧᓯᓴ ᐅᐦᒋ ᒧᐋᑊ ᒪᐢᑯᑌᕽ, ᒋᑭ ᒑᕒᑕᐣ ᑭᓯᐋᐧᐠ ᒉᕒᐃᑯ.
Currently Selected:
ᓇᒼᐸᕒᐢ 36: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
