ᓇᒼᐸᕒᐢ 34
34
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐠ, 2ᐅᒥᓯ ᐃᑕᓱᐋᐧᓯᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᐃᓯᐠ, ᐃᐢᐱ ᑕᑯᓯᓀᑯ ᑫᓇᐣ ᐊᐢᑭᕽ (ᐁᐊᐧᑯ ᐊᓂᒪ ᐊᐢᑭ ᑫ ᐃᐢᐸᔨᐠ ᑭᑕ ᑎᐯᔨᐦᑕᒪᐧᐠ, ᐊᓂᒪ ᐊᑎ ᑫᓇᐣ ᐊᐢᑭ, ᐊᓯᒋ ᒥᓯᐁᐧ ᐋᐧᐢᑳ ᐁᑯᑌ;) 3ᐁᑲᐧ ᑭᐟ ᐊᐢᑭᐋᐧᐤ ᓵᐊᐧᓄᑖᕽ ᐃᑌᐦᑫ ᑭᑕ ᒫᒋᐸᔨᐤ ᓯᐣ ᐱᑲᐧᑕᐢᑭᕽ ᒋᑭ ᒫᑖᐳ ᐃᑕᒼ ᐊᐢᑭ, ᐁᑯᓯ ᐁ ᑭᓯᐱᐊᔮᐠ ᑭᐟ ᐊᐢᑭᐋᐧᐤ ᓵᐊᐧᓄᑖᕽ ᐃᑌᐦᑫ ᑭᑕ ᒫᒋᐸᔨᐤ ᐁ ᑭᓯᐱᑲᒫᐠ ᓯᐃᐧᑖᑲᓂ ᓵᑲᐦᐃᑲᐣ ᐋᐧᐸᓄᑖᕽ ᐃᑌᐦᑫ; 4ᐁᑯᓯ ᐁ ᑭᓯᐱ ᐊᔮᐠ ᑭᐟ ᐊᐢᑭᐋᐧᐤ ᑭᑕ ᑫᐧᐢᑭᐸᔨᐤ ᓵᐊᐧᓄᑖᕽ ᐃᑌᐦᑫ ᐁ ᐊᑎ ᐋᒪᒋᐁᐧᔮᐠ ᐋᑲᕒᐋᐱᒼ, ᐁᑯᓯ ᐊᓂᑕ ᓯᐣ ᑭᑕ ᐊᑎ ᐱᒥᐸᔨᐤ; ᑭᑕ ᐊᑎ ᐱᒥᐸᔨᐤ ᒫᑲ ᓵᐊᐧᓄᑖᕽ ᑫᑎᐢ ᐹᕒᓂᔭ; ᐁᑯᓯ ᑭᑕ ᐊᑎ ᐃᐢᐸᔨᐤ ᐊᓂᑕ ᐦᐁᓴᕒ ᐋᑕᕒ ᒥᓇ ᑫᔮᐱᐨ ᑭᑕ ᐊᑎ ᐱᒥᐸᔨᐤ ᐊᓂᑕ ᐋᐢᒪᐣ ᐃᐢᑯ. 5ᐋᐢᒪᐣ ᒫᑲ ᐅᐦᒋ ᑭᑕ ᐊᐧᐢᑭᐸᔨᐤ ᐃᒋᑊᐟ ᓯᐱᓯᓯᕽ ᐃᓯ, ᐁᑯᓯ ᑭᑕ ᑭᓯᐱᐸᔨᐤ ᑭᐦᒋᐃᐧᓂᐯᑯᕽ. 6ᐁᑯᓯ ᐃᐧᔭ ᓀᑳᐯᐊᓄᕽ ᐃᑌᑭ ᑭᑕ ᑭᓯᐱᐊᔮᐠ ᑭ ᑲ ᐊᔮᓈᐋᐧᐤ ᑭᐦᒋᐃᐧᓂᐯᐠ ᐁ ᐃᐢᑯ ᐊᔮᐠ; ᐁᑯᑕ ᐅᒪ ᑫ ᑭᓯᐱᐊᔮᐠ ᑭᐟ ᐊᐢᑭᐋᐧᐤ ᓀᑳᐯᐊᓄᕽ. 7ᐁᐊᐧᑯ ᒫᑲ ᐅᒪ ᑫ ᑭᓯᐱᐊᔮᐠ ᑭᐟ ᐊᐢᑭᐋᐧᐤ ᑭᐁᐧᑎᓄᑖᕽ ᐃᑌᐦᑫ; ᑭᐦᒋᐃᐧᓂᐯᑯᕽ ᐃᑌᐦᑫ ᑭ ᑲ ᑭᐢᑭᓇᐋᐧᒋᑕᒫᑯᓈᐋᐧᐤ ᐦᐋᕒ ᐊᐧᒋ. 8ᐁᑯᓯ ᐦᐋᕒ ᐊᐧᒋᕽ ᐅᐦᒋ ᑭ ᑲ ᑭᐢᑭᓇᐋᐧᒋᑕᒫᑯᓈᐋᐧᐤ ᐁ ᐊᑎ ᐱᐦᑐᑫᒧᐠ ᐊᓂᑕ ᐦᐁᒫᐦᐟ; ᐁᑯᓯ ᑭᑕ ᐊᑎ ᓯᐯᐧᐸᔨᐤ ᐊᓂᑕ ᓯᑖᐟ.
9ᐊᓂᒪ ᒫᑲ ᐁ ᑭᓯᐱᐋᔮᐠ ᑭᑕ ᐊᑎ ᐃᐢᐸᔨᐤ ᓯᐸᕒᐊᐣ, ᐁᑯᓯ ᑭᑕ ᐊᑎ ᑭᓯᐱᐸᔨᐤ ᐁᐊᐧᑯ ᐊᓂᑕ ᐦᐁᓴᕒᐃᓇᐣ; ᐁᐊᐧᑯ ᐅᒪ ᑫ ᐊᑎ ᐃᐢᑯ ᐊᔮᐠ ᑭᐟ ᐊᐢᑭᐋᐧᐤ ᑭᐁᐧᑎᓄᑖᕽ ᐃᓯ. 10ᐁᑯᓯ ᑭ ᑲ ᑭᐢᑭᓇᐋᐧᒋᐦᑖᓈᐋᐧᐤ ᑫ ᐃᐢᑯ ᐊᔮᐠ ᑭᐟ ᐊᐢᑭᐋᐧᐤ ᐋᐧᐸᓄᑖᕽ ᐃᑌᐦᑫ ᐦᐁᓴᕒᐃᓇᐣ ᐅᐦᒋ ᓯᐸᒼ ᐃᐢᑯ. 11ᑭᑕ ᐊᑎ ᐱᒥᐸᔨᐤ ᒫᑲ ᓯᐹᒼ ᐅᐦᒋ ᕒᐃᐸᓬᐊ ᐃᐢᑯ, ᐋᐧᐸᓄᑖᕽ ᐃᑌᐦᑫ ᐁᐃᐣ; ᐁᑯᓯ ᐊᓂᒪ ᐁ ᑭᓯᐱᐊᔮᐠ ᑭᑕ ᐊᑎ ᐃᐢᐸᔨᐤ, ᐱᔨᐢ ᑭᑕ ᐅᑎᐦᒋᐸᔨᐠ ᐁ ᐋᐧᓴᐃᑲᒫᐠ ᒋᓇᕒᐁᐦᐟ ᓵᑲᐦᐃᑲᐣ ᐋᐧᐸᓄᑖᕽ; 12ᐊᓂᒪ ᒫᑲ ᐁ ᑭᓯᐱᐊᔮᐠ ᑭᑕ ᐊᑎ ᐃᐢᐸᔨᐤ ᐱᔨᐢ ᒑᕒᑕᐣ, ᐁᑯᓯ ᑭᑕ ᐊᑎ ᑭᓯᐱᐸᔨᐤ ᓯᐃᐧᑖᑲᓂ ᓵᑲᐦᐃᑲᓂᕽ; ᐁᑯᓯ ᐅᒪ ᑭᐟ ᐊᐢᑭᐋᐧᐤ ᑫ ᐊᑎ ᐃᓯ ᑭᓯᐱᐊᔮᐠ ᒥᓯᐁᐧ ᐋᐧᓴᑳᒼ.
13 #
ᓇᒼᐸᕒᐢ 26:52-56
#
ᒑᐢᔪᐊ 14:1-5
ᒧᓯᐢ ᒫᑲ ᐅᒥᓯ ᑭ ᐃᑕᓱᐋᐧᑌᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐃᑖᐟ, ᐁᐊᐧᑯ ᐅᒪ ᐊᐢᑭ ᑫ ᑎᐯᔨᐦᑕᒣᐠ ᑭᐢᑫᔨᐦᑖᑯᐦᑫᐃᐧᐣ ᐅᐦᒋ ᒐᒉᑊ ᑭᑕ ᒥᔨᑲᐃᐧᔦᐠ, ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐁᐧᐟ ᑭᑕ ᒥᔨᐦᒋᐠ ᐊᓂᑭ ᑫᑳᐟ ᒥᑖᑕᐦᐟ ᑕᐦᑐᑌᐤ ᒥᓇ ᐋᐱᑕᐤ ᐯᔭᑯᑌᐤ. 14ᒋᑫᒫ ᐁ ᐱᐢᑭᑐᑌᐃᐧᓯᒋᐠ ᕒᐅᐱᐣ ᐅᐟ ᐊᐋᐧᓯᒥᓴ ᐁ ᐋᐃᓯ ᐃᐧᒋᐦᐃᐁᐧᒋᐠ ᐅᑖᐃᐧᐋᐧᐊᐧ ᐃᐧᑭᔨᕽ ᒥᓇ ᐁ ᐱᐢᑭᑐᑌᐃᐧᓯᒋᐠ ᑳᐟ ᐅᐟ ᐊᐋᐧᓯᒥᓴ ᐁ ᐋᐃᓯ ᐃᐧᒋᐦᐃᐁᐧᒋᐠ ᐅᑖᐃᐧᐋᐧᐊᐧ ᐃᐧᑭᔨᕽ ᓵᓴᐩ ᑭ ᒥᔮᐊᐧᐠ ᒥᓇ ᐋᐱᑕᐤ ᐁ ᐱᐢᑭᑐᑌᐃᐧᓯᐟ ᒪᓈᓯ ᑭ ᒥᔮᐊᐧᐠ, ᐃᐧᔭᐋᐧᐤ ᐅ ᑎᐯᔨᒋᑲᓂᐋᐧᐤ. 15ᐊᓂᑭ ᓂᓱ ᐁ ᐱᐢᑭᑐᑌᐃᐧᓯᒋᐠ ᒥᓇ ᐋᐱᑕᐤ ᐊᓂᑭ ᐯᔭᑯᑌᐤ ᑭ ᒥᔮᐊᐧᐠ ᐅ ᑎᐯᔨᒋᑲᓂᐋᐧᐤ ᐊᑳᒥᕽ ᒑᕒᑕᐣ ᑭᓯᐋᐧᐠ ᒉᕒᐃᑯ ᐋᐧᐸᓄᑖᕽ ᐁ ᓵᑳᐢᑌᐠ ᐃᑌᐦᑫ.
16ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁ ᐃᑌᐧᐟ, 17ᐁᐊᐧᑯᓂ ᐅᐦᐃ ᐅ ᐃᐧᔪᐃᐧᓂᐋᐧᐊᐧ ᐊᓂᑭ ᐊᔨᓯᔨᓂᐊᐧᐠ ᑫ ᐸᐯᐢᑭᑎᓇᒫᑯᔦᑯᐠ ᐊᐢᑭ ᑭᑕ ᑎᐯᔨᐦᑕᒣᐠ; ᐁᓬᐃᐁᓴᕒ ᐊᔭᒥᐦᐁᐃᐧᔨᓂᐤ, ᒥᓇ ᒑᐢᔪᐊ ᐅᑯᓯᓴ ᓇᐣ. 18ᐁᑯᓯ ᑭ ᑲ ᐅᑎᓈᐋᐧᐤ ᐯᔭᐠ ᐅᑭᒫᐤ ᐁ ᐋᐃᑕᐦᑐᑌᐃᐧᓯᔦᐠ ᐅᐦᒋ ᑭᑕ ᐸᐯᐢᑭᑎᓇᑭᐠ ᐊᐢᑭ ᑭᑕ ᑎᐯᔨᐦᑕᒣᐠ. 19ᐁᐊᐧᑯᓂ ᒫᑲ ᐅ ᐃᐧᔪᐃᐧᓂᐋᐧᐊᐧ ᐁᐊᐧᑯᓂᐠ ᓈᐯᐊᐧᐠ; ᐅ ᐱᐢᑭᑐᑌᐃᐧᓯᐃᐧᐣ ᒍᑕ ᐅᐦᒋ, ᑫᓬᐃᑊ ᐅᑯᓯᓴ ᒉᐸᓂ. 20ᐁᑯᓯ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᓯᒥᔭᐣ, ᓭᒧᐃᓬ ᐅᑯᓯᓴ ᐊᒪᐃᐦᐊᐟ, 21ᐯᐣᒋᒪᐣ ᐅ ᐱᐢᑭᑐᑌᐃᐧᓯᐃᐧᐣ ᐅᐦᒋ, ᐃᓬᐊᐩᑖᐟ ᐅᑯᓯᓴ ᒋᐢᓬᐊᐣ. 22ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᑖᐣ ᐯᔭᐠ ᐅᑭᒫᐤ, ᐸᑲᐩ ᐅᑯᓯᓴ ᒑᑲᓬᐊᐩ. 23ᐅᐟ ᐊᐋᐧᓯᒥᓴ ᒍᓯᑊ; ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᒪᓈᓯ, ᐯᔭᐠ ᐅᑭᒫᐤ, ᐦᐋᓈᔨᓬ ᐅᑯᓯᓴ ᐃᐦᐸᐟ. 24ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᐃᐸᕒᐁᐃᒼ ᐯᔭᐠ ᐅᑭᒫᐤ, ᑫᒧᐃᓬ ᐅᑯᓯᓴ ᓯᑊᑕᐣ. 25ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᓭᑊᔪᓬᐊᐣ ᐯᔭᐠ ᐅᑭᒫᐤ, ᐃᓬᐊᐃᓴᐹᐣ ᐅᑯᓯᓴ ᐸᕒᓈᐠ. 26ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᐃᓵᑲᕒ ᐯᔭᐠ ᐅᑭᒫᐤ ᐹᓬᑎᔭᓬ ᐅᑯᓯᓴ ᐋᓵᐣ. 27ᒥᓇ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᐋᓴᕒ ᐯᔭᐠ ᐅᑭᒫᐤ, ᐊᐦᐊᐃᐦᐊᐟ ᐅᑯᓯᓴ ᓯᕒᐋᒪᐩ. 28ᒥᓇ ᐁ ᐱᐢᑭᑐᑌᐃᐧᓯᔨᐟ ᐅᐟ ᐊᐋᐧᓯᒥᓴ ᓈᑊᑕᓬᐊᐩ ᐯᔭᐠ ᐅᑭᒫᐤ, ᐱᑌᐦᐃᓬ ᐅᑯᓯᓴ ᐊᒪᐃᐦᐊᐟ. 29ᐁᐊᐧᑯᓂ ᐅᐦᐃ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᑭᑕ ᐸᐯᐢᑭᑎᓇᒪᐋᐧᔨᐟ ᐅ ᑎᐯᔨᒋᑲᓂᔨᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᓂᑕ ᑫᓇᐣ ᐊᐢᑭᕽ.
Currently Selected:
ᓇᒼᐸᕒᐢ 34: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
