ᓇᒼᐸᕒᐢ 20
20
1ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑲᐦᑭᔭᐤ ᐅᑎ ᐁ ᒫᒪᐁᐧᔭᑎᒋᐠ ᑭ ᐅᑎᐦᑕᒪᐧᐠ ᓯᐣ ᐱᑲᐧᑕᐢᑭ ᓂᐢᑕᒼ ᐱᓯᒼ ᐁ ᐊᑭᒥᐦᐟ; ᐊᔨᓯᔨᓂᐊᐧᐠ ᒫᑲ ᑭ ᐊᔮᐊᐧᐠ ᐊᓂᑕ ᑫᑎᐢ; ᒥᕒᐃᔭᒼ ᒫᑲ ᐁᑯᑕ ᑭ ᐳᓂ ᐱᒫᑎᓯᐤ, ᐁᑯᑕ ᒫᑲ ᑭ ᓇᐃᓈᐤ.
2 #
ᐁᐠᓴᑕᐢ 17:1-7
ᓇᒪᐃᐧᔭ ᒫᑲ ᑭ ᐊᔮᐊᐧᐠ ᓂᐱ ᐊᓂᑭ ᑳ ᒫᒪᐁᐧᔭᑎᒋᐠ ᑭ ᒫᐊᐧᓴᑯ ᓈᑌᐊᐧᐠ ᒫᑲ ᒧᓯᓴ ᒥᓇ ᐁᕒᐊᓇ. 3ᐊᔨᓯᔨᓂᐊᐧᐠ ᒫᑲ ᑭ ᑭᓯᑭᑐᑌᐊᐧᐠ ᒧᓯᓴ ᐁᑯᓯ ᑭ ᐱᑭᐢᑫᐧᐊᐧᐠ ᐁ ᐃᑌᐧᒋᐠ, ᐱᑕᓀ ᑭᓭᒪᓂᑐ ᑭ ᐃᑌᔨᑕᕽ ᑭᑕ ᑭ ᓂᐱᔮᕽ ᐃᐢᐱ ᓂᒋᐋᐧᒥᓈᓇᐠ ᑳ ᓂᐱᒋᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ! 4ᑖᓀᐦᑭ ᑳ ᑭ ᐯᓯᒫᔦᐠ ᑳ ᒫᒪᐁᐧᔭᑎᔨᐟ ᑭᓭᒪᓂᑐ ᐅᐟ ᐊᔨᓯᔨᓂᒪ ᐅᑕ ᐱᑲᐧᑕᐢᑭᕽ, ᐁᑯᑕ ᑭᑕ ᓂᐱᔮᕽ ᓂᔭᓈᐣ ᒥᓇ ᓂ ᒧᐢᑐᓱᒥᓈᓇᐠ? 5ᒥᓇ ᑖᓀᑭ ᐃᒋᑊᑎᕽ ᑳ ᑭ ᐯ ᐅᐦᒋ ᓯᐯᐧᑕᐃᔮᕽ, ᑭᑕ ᐯᓯᐃᐧᔮᕽ ᐅᑕ ᒪᒐᓄᕽ? ᓇᒪᐃᐧᔭ ᑭᐢᑎᑳᐣ ᐅᑕ ᐊᔮᐤ, ᐊᐦᐳ ᒥᓯᓱᒥᓇᐠ, ᐊᐦᐳ ᓱᒥᓈᑎᑲᐧᐠ, ᐊᐦᐳ ᓄᑎᒥᒥᓇ; ᓇᒪᐃᐧᔭ ᒥᓇ ᐃᐦᑕᑲᐧᐣ ᓂᐱ ᐅᑕ ᑭᑕ ᒥᓂᐦᑫᐧᕽ. 6ᒧᓯᐢ ᒫᑲ ᒥᓇ ᐁᕒᐊᐣ ᑭ ᓇᑲᑌᐊᐧᐠ ᑳ ᒫᐊᐧᒋᐦᐃᑐᔨᐟ ᐁ ᑭ ᐃᑐᐦᑌᒋᐠ ᐃᐢᑳᐧᑌᒥᕽ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᐁᑯᓯ ᑭ ᐸᑕᐱᐸᔨᐦᐅᐊᐧᐠ; ᐅ ᒪᓂᑐᐋᐧᐢᑌᐃᐧᐣ ᒫᑲ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑖᑲᐧᐠ.
7ᑳ ᑎᐯᔨᐦᒋᑫᐟ ᒫᑲ ᑭ ᑭᑐᑌᐤ ᒧᓯᓴ, ᐁ ᐃᑌᐧᐟ, 8ᐅᑎᓇ ᓴᐢᑲᐅᓈᑎᐠ, ᒥᓇ ᒫᒪᐃᐧ ᓇᑐᒥᐠ ᑳ ᒫᒪᐁᐧᔭᑎᒋᐠ, ᑭᔭ, ᒥᓇ ᐁᕒᐊᐣ ᑭᒋᐋᐧᒼ, ᐱᑭᐢᑳᐧᒼ ᒫᑲ ᑭᐢᑖᐱᐢᐠ ᐁ ᑲᓇᐋᐧᐸᒥᐢᑭᐠ, ᑭᑕ ᒣᑭᒪᑲᕽ ᓂᐱ; ᑭᐢᑖᐱᐢᑯᕽ ᒫᑲ ᑭ ᑲ ᐅᐦᒋᒋᐊᐧᓂᑖᐋᐧᐣ ᓂᐱ; ᐁᑯᓯ ᑳ ᒫᒪᐁᐧᔭᑎᒋᐠ ᒥᓇ ᐅ ᐱᓯᐢᑭᒥᐋᐧᐊᐧ ᑭ ᑲ ᒥᓇᐋᐊᐧᐠ. 9ᒧᓯᐢ ᒫᑲ ᑭ ᐅᑎᓇᒼ ᓴᐢᑲᐅᓈᑎᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᐅᐦᒋ ᑳ ᑭ ᐃᑕᓱᐋᐧᑎᑯᐟ.
10ᒧᓯᐢ ᒫᑲ ᒥᓇ ᐁᕒᐊᐣ ᑭ ᒫᒪᐃᐧ ᒫᐊᐧᒋᐦᐁᐊᐧᐠ ᑳ ᒫᒪᐁᐧᔭᑎᔨᐟ ᐅᐦᑎᐢᑲᐤ ᑭᐢᑖᐱᐢᑳᕽ, ᐁᑯᓯ ᑭ ᐃᑌᐤ, ᓇᑐᐦᑕᒧᐠ ᐁᑲᐧ ᑭᔭᐋᐧᐤ ᐅᒫᔦᔨᐦᒋᑫᐢᑲᐠ; ᑭ ᑲ ᐅᐦᒋᒋᐊᐧᓂᑕᒫᑎᓈᐣ ᒋ ᓂᐱ ᐅᑕ ᐅᐦᒋ ᑭᐢᑖᐱᐢᑳᕽ? 11ᒧᓯᐢ ᒫᑲ ᑭ ᐅᐦᐱᓂᐢᑫᔨᐤ, ᐁᑯᓯ ᑭ ᐸᑲᒪᐊᒼ ᑭᐢᑖᐱᐢᐠ ᓂᓵᐧᐤ ᓴᐢᑲᐅᓈᑎᐠ ᐅᐦᒋ; ᑭ ᐁᐧᔪᒋ ᐹᐸᔨᐤ ᒫᑲ ᓂᐱ, ᐁᑯᓯ ᑳ ᒫᒪᐁᐧᔭᑎᒋᐠ ᒥᓇ ᐅ ᐱᓯᐢᑭᒥᐋᐧᐊᐧ ᑭ ᒥᓂᐦᑫᐧᐊᐧᐠ.
12ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ ᒥᓇ ᐁᕒᐊᓇ, ᒋᑫᒫ ᐁᑳ ᐁ ᑭ ᑖᐯᐧᑕᐃᐧᔦᐠ ᑭᑕ ᑲᓈᒋᐃᔦᐠ ᐁ ᐋᐧᐸᐦᑕᐦᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁᐊᐧᑯ ᐅᐦᒋ ᓇᒪᐃᐧᔭ ᑭ ᑲ ᐯᓯᐋᐧᐋᐧᐊᐧᐠ ᐅᑭ ᑳ ᒫᐊᐧᒋᐦᐃᑐᒋᐠ ᐊᓂᑕ ᐊᐢᑭᕽ ᑳ ᑭ ᒥᔭᑭᐠ. 13ᐁᐊᐧᑯᓂ ᐅᐦᐃ ᒣᕒᐃᐸ ᓂᐱᔭ; ᒋᑫᒫ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁᑯᑕ ᑭ ᑭᓯᑭᑐᑌᐊᐧᐠ ᑳ ᑎᐯᔨᐦᒋᑫᔨᐟ, ᐁᑯᓯ ᒫᑲ ᑭ ᑲᓈᑌᔨᑖᑯᐃᓱ ᐁᐊᐧᑯᓂ ᐅᐦᒋ.
14ᒧᓯᐢ ᒫᑲ ᑭ ᐃᓯᑎᓴᐁᐧᐤ ᐅᑖᒋᒧᐊᐧ ᑫᑎᐢ ᐅᐦᒋ ᑭᑕ ᓇᑕᐃᐧ ᐃᑖᔨᐟ ᐃᑕᒼ ᑭᐦᒋ ᐅᑭᒫᐊᐧ, ᐅᒥᓯ ᐃᑌᐧᐤ ᑭᒋᐋᐧᒼ ᐃᐢᕒᐁᐃᓬ, ᑭ ᑭᐢᑫᔨᑌᐣ ᑲᐦᑭᔭᐤ ᐋᔨᒥᓯᐃᐧᐣ ᑳ ᑭ ᐅᑎᐦᑎᑯᔮᕽ; 15ᐊᓂᒪ ᓄᑖᐃᐧᓈᓇᐠ ᐁ ᑭ ᐃᑐᐦᑌᒋᐠ ᐃᒋᑊᐟ ᐊᐢᑭᕽ, ᐁᑯᓯ ᐃᒋᑊᑎᕽ ᑭᓀᐧᐢ ᓂ ᑭ ᐊᔮᓈᐣ; ᐁᑯᓯ ᐊᓂᑭ ᐃᒋᑊᐟ ᐊᔨᓯᔨᓂᐊᐧᐠ ᐁ ᑭ ᑯᑕᑭᐦᐃᑯᔮᐦᑭᐠ ᒥᓇ ᓄᑖᐃᐧᓈᓇ. 16ᐃᐢᐱ ᒫᑲ ᐁ ᒪᐃᐧᒧᐢᑕᐋᐧᔮᕽ ᑳ ᑎᐯᔨᐦᒋᑫᐟ, ᓂ ᑭ ᑭᑎᒫᑭᑖᑯᓈᐣ, ᐁᑯᓯ ᑭ ᐃᓯᑎᓴᐁᐧᐤ ᐅᑭᓯᑯᐊᐧ, ᒥᓇ ᓂ ᑭ ᐯ ᐊᐧᔭᐃᐧᑕᐦᐃᑯᓈᐣ ᐃᒋᑊᑎᕽ ᐅᐦᒋ; ᐁᑯᓯ ᒫᑎᑲ, ᑫᑎᓯᕽ ᓂᐟ ᐊᔮᓈᐣ, ᐅᑌᓇᐤ ᒫᐊᐧᐨ ᑭᓯᐸᓄᕽ ᑭᐟ ᐃᐦᑖᐃᐧᓂᕽ ᑳ ᐊᔮᐠ. 17ᑭᔮᒼ ᒫᑲ ᓂ ᑲ ᓵᐳᐱᒧᑖᓈᐣ ᑭ ᐸᑯᓭᔨᒥᑎᐣ ᑭᐟ ᐊᐢᑭᕽ; ᓇᒪᐃᐧᔭ ᑭᐢᑎᑳᓂᕽ ᐊᐦᐳ ᓱᒥᓂ ᑭᐢᑎᑲᓂᕽ ᓂ ᑲ ᐱᒧᑖᓈᐣ, ᓇᒪᐃᐧᔭ ᒥᓇ ᓂ ᑲ ᒥᓂᑳᐧᓈᐣ ᓂᐱ ᒧᓇᐃᐹᓂᕽ ᐅᐦᒋ; ᑭᐦᒋ ᒣᐢᑲᓈᕽ ᓂ ᑲ ᐱᒧᑖᓈᐣ, ᓇᒪᐃᐧᔭ ᐅᐦᐱᒣ ᓂ ᑲ ᐃᑐᑖᓈᐣ ᑭᐦᒋᓂᐢᑭᕽ ᐃᑌᐦᑫ ᐊᐦᐳ ᓇᒪᑎᓂᕽ ᐃᑌᐦᑫ, ᐹᑎᒫ ᑭ ᒪᔮᐢᑲᒫᑭ ᐃᐢᑯ ᑳ ᐅᐟ ᐃᐦᑖᐃᐧᓂᔭᐣ. 18ᐃᑕᒼ ᒫᑲ ᑭ ᐃᑎᐠ, ᓇᒪᐃᐧᔭ ᑭ ᑲ ᓵᐳ ᐱᒧᑖᓈᐋᐧᐤ ᓂᐟ ᐊᐢᑭᕽ, ᑳᑲᔦ ᐃᐧᔭ ᑭ ᑲ ᒪᐃᐧᓀᐢᑳᑎᓈᐋᐧᐤ ᐃᓴᐁᐧᐢᐠ ᐁ ᑭᑭᔮᐣ. 19ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᐃᑌᐊᐧᐠ, ᑭᐦᒋ ᒣᐢᑲᓇᕽ ᓂ ᑲ ᐱᒧᑖᓈᐣ; ᑭᐢᐱᐣ ᒫᑲ ᓂᔭᓈᐣ ᒥᓇ ᓂ ᒧᐢᑐᓱᒥᓈᓇᐠ ᒥᓂᐦᑫᐧᔮᑭ ᑭ ᓂᐱᒼ, ᑭ ᑲ ᑎᐸᐦᐊᒫᑎᐣ ᐁ ᐃᑕᑭᑌᐠ; ᑭᔮᒼ ᐃᔨᓇᒪᐃᐧᐣ, ᐁᑳ ᐊᔨᐋᐧᐠ ᑫᑲᐧᐩ ᐁ ᐃᑐᑕᒫᐣ ᑭᑕ ᓵᐳ ᐱᒧᐦᑌᔮᐣ. 20ᑭ ᐃᑌᐧᐤ ᒫᑲ, ᓇᒪᐃᐧᔭ ᑭ ᑲ ᓵᐳ ᐱᒧᐦᑖᐣ, ᐃᑕᒼ ᒫᑲ ᑭ ᐯ ᒫᐃᐧᓀᐢᑲᐁᐧᐤ ᑭᐦᒋ ᒥᐦᒉᐟ ᐊᔨᓯᔨᓂᐊᐧ ᐁ ᐃᐧᒉᐋᐧᐟ, ᒥᓇ ᐁ ᓱᐦᑭᓂᐢᑫᐟ. 21ᐁᑯᓯ ᐃᓯ ᐃᑕᒼ ᑭ ᐋᓀᐧᑕᐁᐧᐤ ᐃᐢᕒᐁᐃᓬᐊ ᑭᑕ ᓵᐳ ᐱᒧᐦᑌᔨᐟ ᐅᐟ ᐊᐢᑭᕽ; ᐁᑯᓯ ᒫᑲ ᐃᐢᕒᐁᐃᓬ ᑭ ᑫᐧᐢᑭᐤ ᐁᑯᑕ ᐅᐦᒋ.
22ᑭ ᓯᐯᐧᐱᒋᐊᐧᐠ ᒫᑲ ᑫᑎᐢ ᐅᐦᒋ; ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑲᐦᑭᔭᐤ ᐅᑎ ᐁ ᒫᒪᐁᐧᔭᑎᒋᐠ, ᑭ ᑕᑯᓯᓇᐧᐠ ᐦᐋᕒ ᐊᐧᒋᕽ. 23ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ ᐦᐋᕒ ᐊᐧᒋᕽ, ᒋᑭ ᐁ ᐃᐢᑯ ᐊᔮᐠ ᐃᑕᒼ ᐊᐢᑭ, ᐁ ᐃᑌᐧᐟ. 24ᐁᕒᐊᐣ ᑭᑕ ᑕᑯᑕᐋᐤ ᐃᐧᒋᐊᔨᓯᔨᓂᐊᐧ ᒋᑫᒫ ᓇᒪᐃᐧᔭ ᑭᑕ ᐱᐦᑐᑫᐤ ᐊᓂᒪ ᐊᐢᑭ ᑳ ᑭ ᒥᔭᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒋᑫᒫ ᑭ ᑭ ᒫᔦᔨᑌᓈᐋᐧᐤ ᓂᐟ ᐃᑌᐧᐃᐧᐣ ᐊᓂᑕ ᒣᕒᐃᐸ ᓂᐱᕽ. 25ᐅᑎᓂᐠ ᐁᕒᐊᐣ ᒥᓇ ᐁᓬᐃᐁᓴᕒ ᐅᑯᓯᓴ, ᒥᓇ ᐃᑐᑕᐃᐠ ᐦᐋᕒ ᐊᐧᒋᕽ. 26ᐁᑯᓯ ᑫᑕᓵᑫᐣ, ᐁᕒᐊᐣ ᐅ ᑭᑭᐢᑳᒋᑲᓇ ᐁᑯᓯ ᑭ ᑲ ᐳᐢᑕᓵᑲᐦᐃᒫᐊᐧ ᐁᓬᐃᐁᓴᕒ ᐅᑯᓯᓴ; ᐁᕒᐊᐣ ᒫᑲ ᑭᑕ ᑕᑯᑕᐋᐤ ᐃᐧᒋᐊᔨᓯᔨᓂᐊᐧ ᐁᑯᓯ ᐁᑯᑕ ᑭᑕ ᐳᓂ ᐱᒫᑎᓯᐤ. 27ᒧᓯᐢ ᒫᑲ ᑭ ᐃᑐᑕᒼ ᑳ ᑎᐯᔨᐦᒋᑫᔨᐟ ᑳ ᑭ ᐃᑕᓱᐁᐧᔨᐟ; ᐁᑯᓯ ᑭ ᐊᑎ ᐋᒪᒋᐁᐧᐊᐧᐠ ᐦᐋᕒ ᐊᐧᒋ ᐁ ᑲᓇᐋᐧᐸᒥᑯᒋᐠ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ. 28#ᐁᐠᓴᑕᐢ 29:29; ᓇᒼᐸᕒᐢ 33:38; ᑎᔪᑕᕒᐊᓇᒥ 10:6ᒧᓯᐢ ᒫᑲ ᑭ ᑫᑕᓵᑫᓀᐤ ᐁᕒᐊᓇ ᐅ ᑭᑭᐢᑲᒋᑲᓂᔨᐊᐧ, ᐁᑯᓯ ᐁ ᑭ ᐳᓯᐢᑲᒧᑎᔨᒫᐟ ᐁᓬᐃᐁᓴᕒᐊ ᐅᑯᓯᓯᔨᐊᐧ; ᐁᕒᐊᐣ ᒫᑲ ᑭ ᐳᓂ ᐱᒫᑎᓯᐤ ᐁᑯᑕ ᑕᑯᑖᒪᑎᐣ; ᐁᑯᓯ ᒧᓯᐢ ᒥᓇ ᐁᓬᐃᐁᓴᕒ ᑭ ᐯ ᓂᑖᒪᒋᐁᐧᐊᐧᐠ. 29ᐃᐢᐱ ᒫᑲ ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᐃᐧᔮᐸᐦᑕᑭᐠ ᐁᕒᐊᓇ ᐁ ᓂᐱᔨᐟ; ᑭ ᒪᐃᐧᑳᑌᐊᐧᐠ ᐁᕒᐊᓇ ᓂᐢᑐᒥᑕᓇᐤ ᑭᓯᑳᐤ, ᑲᐦᑭᔭᐤ ᐁ ᐃᐦᑕᓯᒋᐠ ᐃᐧᑭᕽ ᐃᐢᕒᐁᐃᓬ.
Currently Selected:
ᓇᒼᐸᕒᐢ 20: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
