ᓇᒼᐸᕒᐢ 21
21
1 #
ᓇᒼᐸᕒᐢ 33:40
ᐊᓇ ᒫᑲ ᑫᓇᓇᐃᐟ ᑳ ᑭᐦᒋ ᐅᑭᒫᑲᑖᕽ ᐁᕒᐋᐟ, ᓵᐊᐧᓄᑖᕽ ᑳ ᐅᐟ ᐊᐢᑭᐟ, ᑭ ᐯᑕᒼ ᐁ ᐃᑌᐧᐃᐧᐦᐟ ᐃᐢᕒᐁᐃᓬ ᐁ ᐯ ᐃᑐᐦᑌᔨᐟ ᐃᑌ ᐅᓇᑕᐋᑖᐊᐧ ᑳ ᑭ ᐯ ᐃᑐᐦᑌᔨᐟ; ᐁᑯᓯ ᑭ ᓄᑎᓀᐤ ᐋᑎᐦᐟ ᒫᑲ ᑭ ᒧᐢᑎᓀᐤ. 2ᐃᐢᕒᐁᐃᓬ ᒫᑲ ᑭ ᑭᐦᒋᐃᑌᐤ ᑭᐦᒋᐃᑌᐧᐃᐧᐣ ᑳ ᑎᐯᔨᐦᒋᑫᔨᐟ, ᒥᓇ ᑭ ᐃᑌᐧᐤ, ᑭᐢᐱᐣ ᑖᐯᐧ ᐸᑭᑎᓇᑖᐧᐃᐧ ᐅᑭ ᐊᔨᓯᔨᓂᐊᐧᐠ ᓂᒋᐦᒋᕽ, ᒥᓇᓂ ᓂ ᑲ ᓂᓯᐊᐧᓈᒋᐦᑖᐋᐧᐣ ᐅᐟ ᐅᑌᓇᐃᐧᐋᐧᐊᐧ. 3ᑳ ᑎᐯᔨᐦᒋᑫᐟ ᒫᑲ ᑭ ᓇᑐᐦᑕᒼ ᑳ ᑭ ᐃᑌᐧᔨᐟ ᐃᐢᕒᐁᐃᓬ, ᐁᑯᓯ ᑭ ᐸᑭᑎᓀᐤ ᑫᓇᓇᐃᑕ; ᒥᑐᓂ ᒫᑲ ᑭ ᓂᓯᐊᐧᓈᒋᐁᐊᐧᐠ ᒥᓇ ᐅᐟ ᐅᑌᓈᐃᐧᔨᐊᐧ; ᐁᑯᓯ ᐁᑯᑕ ᑭ ᐃᓯᔨᐦᑳᑌᐤ ᐦᐋᕒᒪ.
4 #
ᑎᔪᑕᕒᐊᓇᒥ 2:1
ᑭ ᓯᐯᐧᐱᒋᐊᐧᐠ ᒫᑲ ᐦᐋᕒ ᐊᐧᒋ ᐅᐦᒋ ᒥᐦᑳᐧᑲᒥᐃᐧ ᐃᐧᓂᐯᑯᕽ ᐃᑌᐦᑫ, ᑭᑕ ᑌᑎᐱᐢᑲᑭᐠ ᐊᓂᒪ ᐃᑕᒼ ᐊᐢᑭ; ᐁᑯᓯ ᐅᐟ ᐊᐦᒑᐦᑯᐋᐧᕽ ᐊᔨᓯᔨᓂᐊᐧᐠ ᒥᐢᑕᐦᐃ ᑭ ᐃᐦᑫᔨᑕᒪᐧᐠ ᐁᐊᐧᑯ ᒣᐢᑲᓇᐤ. 5#1 ᑲᕒᐃᐣᑎᔭᓇ 10:9ᐊᔨᓯᔨᓂᐊᐧᐠ ᒫᑲ ᑭ ᓇᔦᐦᑖᐃᐧ ᐱᑭᐢᑳᐧᑌᐊᐧᐠ ᑭᓭᒪᓂᑐᐊᐧ ᒥᓇ ᒧᓯᓴ, ᑖᓀᐦᑭ ᑳ ᑭ ᐯ ᓯᐯᐧᑕᐃᔮᕽ ᐃᒋᑊᑎᕽ ᐅᐦᒋ ᑭᑕ ᓂᐱᔮᕽ ᐱᑲᐧᑕᐢᑭᕽ? ᒋᑫᒫ ᓇᒪᑌᐤ ᐸᐦᑫᐧᓯᑲᐣ ᒥᓇ ᓇᒪᑕᑲᐧᐣ ᓂᐱ ᒥᓇ ᓂᐟ ᐊᐦᒑᐦᑯᓈᕽ ᓂ ᓯᑲᑌᔨᒫᓈᐣ ᐊᐊᐧ ᑳ ᔮᑭᑎᓯᐟ ᐸᐦᑫᐧᓯᑲᐣ. 6ᑳ ᑎᐯᔨᐦᒋᑫᐟ ᒫᑲ ᑭ ᐃᓯᑎᓴᐁᐧᐤ ᐃᐢᑯᑌᐃᐧ ᑭᓀᐱᑲᐧ ᐃᑕ ᐁ ᐋᔮᔨᐟ ᐊᔨᓯᔨᓂᐊᐧ, ᑭ ᑕᐦᑯᒣᐊᐧ ᒫᑲ ᐊᔨᓯᔨᓂᐊᐧ; ᐁᑯᓯ ᒥᐦᒉᐟ ᐊᓂᑭ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᓂᐱᐊᐧᐠ.
7ᐁᑯᓯ ᐊᔨᓯᔨᓂᐊᐧᐠ ᑭ ᐯ ᓈᑌᐊᐧᐠ ᒧᓯᓴ ᑭ ᐃᑌᐧᐊᐧᐠ ᒫᑲ, ᓂ ᑭ ᒪᒋᑐᑌᓈᐣ, ᒋᑫᒫ ᓂ ᑭ ᒫᔨᐱᑭᐢᑳᐧᑖᓈᐣ ᑳ ᑎᐯᔨᐦᒋᑫᐟ ᒥᓇ ᑭᔭ; ᐊᔭᒥᐦᐁᐢᑕᐤ ᑳ ᑎᐯᔨᐦᒋᑫᐟ, ᑭᑕ ᒥᑖᑫᐧᓇᒫᑯᔮᕽ ᑭᓀᐱᑲᐧ. ᒧᓯᐢ ᒫᑲ ᑭ ᐊᔭᒥᐦᐁᐢᑕᒪᐁᐧᐤ ᐊᔨᓯᔨᓂᐊᐧ. 8ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐅᓯᐦ ᐃᐢᑯᑌᐃᐧ ᑭᓀᐱᑯᑳᐣ ᐃᐢᐹᑫᔮᐢᑯᐣ ᒫᑲ; ᐁᑯᓯ ᑭᑕ ᐃᐦᑭᐣ, ᑲᐦᑭᔭᐤ ᐊᐃᐧᔭᐠ ᑳ ᑕᐦᑯᒥᐦᐟ, ᐃᐢᐱ ᐋᐧᐸᒪᒋ ᑭᑕ ᐱᒫᑎᓯᐤ. 9#2 ᑭᐦᒋ ᐅᑭᒫᐊᐧᐠ 18:4; ᒑᐣ 3:14ᒧᓯᐢ ᒫᑲ ᑭ ᐅᓯᐦᐁᐤ ᐅᓵᐋᐧᐱᐢᐠ ᑭᓀᐱᑯᑳᓇ, ᒥᓇ ᑭ ᐃᐢᐹᑫᔮᐢᑯᐁᐧᐤ; ᑭ ᐊᔨᑭᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᐁ ᑭ ᑕᐦᑯᒥᑯᐟ ᑭᓀᐱᑲᐧ, ᑭᐢᐱᐣ ᐁ ᑲᓇᐋᐧᐸᒫᐟ ᐊᓂᐦᐃ ᐅᓵᐋᐧᐱᐢᐠ ᑭᓀᐱᑯᑳᓇ ᑭ ᐱᒫᑎᓯᐤ.
10ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᓯᐯᐧᐱᒋᐊᐧᐠ, ᐁᑯᓯ ᑭ ᑲᐯᓯᐊᐧᐠ ᐊᓂᑕ ᐋᐹᐦᐟ. 11ᑭ ᓯᐯᐧᐱᒋᐊᐧᐠ ᒫᑲ ᐊᓂᑕ ᐋᐹᐦᐟ ᐅᐦᒋ, ᐁᑯᓯ ᑭ ᑲᐯᓯᐊᐧᐠ ᐊᓂᑕ ᐋᐸᕒᐃᒼ, ᐱᑲᐧᑕᐢᑭᕽ ᑎᐱᐢᑯᐨ ᒧᐋᑊ ᑳ ᐊᔮᐠ, ᐁ ᓵᑳᐢᑌᐠ ᐃᑌᐦᑫ.
12ᐁᑯᑕ ᒫᑲ ᐅᐦᒋ ᑭ ᓯᐯᐧᐱᒋᐊᐧᐠ ᒥᓇ ᑭ ᑲᐯᓯᐊᐧᐠ ᐁ ᐋᐧᔮᒪᑎᓇᐠ ᓯᕒᐁᐟ. 13ᐁᑯᑕ ᐅᐦᒋ ᑭ ᓯᐯᐧᐱᒋᐊᐧᐠ, ᒥᓇ ᑭ ᑲᐯᓯᐊᐧᐠ ᐁᑳᒥᕽ ᐸᕒᓇᐣ, ᐁᐊᐧᑯ ᐱᑲᐧᑕᐢᑭᕽ ᑳ ᐊᔮᐠ, ᑳ ᐯ ᐅᐦᒋᑎᕽ ᐅᐟ ᐊᐢᑭᐋᐧᕽ ᐋᒪᕒᐊᐃᑕᐠ; ᒋᑫᒫ ᐋᕒᓇᐣ ᐁᐊᐧᑳᐧᓂᒪ ᐁ ᐃᐢᑯ ᐊᔮᐠ ᒧᐋᑊ, ᑕᐢᑕᐋᐧᔨᕽ ᒧᐋᑊ ᒥᓇ ᐋᒪᕒᐊᐃᑕᐠ. 14ᐁᐊᐧᑯ ᐅᐦᒋ ᑳ ᐃᑖᐧᓂᐠ ᐅ ᓇᑐᐸᔨᐃᐧ ᒪᓯᓇᐦᐃᑲᓂᕽ ᑳ ᑎᐯᔨᐦᒋᑫᐟ,
ᐯᐦᐁᑊ ᓱᐹᔨᕽ, ᒥᓇ ᐋᐧᔮᒪᑎᓈᐊᐧ ᐋᕒᓇᐣ,
15ᒥᓇ ᐁ ᐃᔨᐯᔮᒪᑎᓈᑭ ᐋᐧᔮᒪᑎᓈᐊᐧ ᐅᐟ ᐃᐦᑖᐃᐧᓂᐋᐧᕽ ᐋᕒ ᑳ ᐊᑎ ᐃᓯ ᓇᐁᐧᔮᒪᑎᓈᐠ, ᒥᓇ ᑳ ᐋᓱᐃᐧ ᐅᑎᐦᒋ ᐊᔮᐠ ᐁ ᑭᓯᐱ ᐊᔮᐠ ᒧᐋᑊ.
16ᐁᑯᑕ ᒫᑲ ᐅᐦᒋ ᐱᐊᕒ ᑭ ᐃᐢᐱᒋᐊᐧᐠ; ᐁᐊᐧᑯ ᐊᓂᒪ ᒧᑭᒋᐊᐧᓂᐯᐠ ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᒧᓯᓴ, ᒫᒪᐃᐧ ᒫᐊᐧᒋᐦᐃᐠ ᐊᔨᓯᔨᓂᐊᐧᐠ ᐁᑯᓯ ᓂ ᑲ ᒥᔮᐊᐧᐠ ᓂᐱ.
17ᐁᑲᐧ ᐃᐢᕒᐁᐃᓬ ᑭ ᓂᑲᒧ ᐅᒪ ᓂᑲᒧᐣ; ᒧᐢᑭᐯᐸᔨ ᒧᓇᐦᐃᐹᐣ; ᓂᑲᒧᐢᑕᒧᐠ;
18ᒧᓇᐦᐃᐸᐣ ᐅᑭᒫᐊᐧᐠ ᑳ ᑭ ᒧᓇᐦᐊᑭᐠ, ᐅᑭᒫᒥᐋᐊᐧ ᐊᔨᓯᔨᓂᐊᐧᐠ ᑳ ᑭ ᒧᓇᐦᐊᒥᔨᐟ, ᑎᐯᔨᒋᑳᑲᐣ ᐅᐦᒋ ᒥᓇ ᐅ ᓴᐢᑲᐊᓈᑎᑯᐋᐧᐊᐧ.
ᐱᑲᐧᑕᐢᑭᕽ ᒫᑲ ᐅᐦᒋ ᑭ ᐃᐢᐱᒋᐊᐧᐠ ᐊᓂᑕ ᒫᑖᓇ; 19ᐁᑯᓯ ᒫᑖᓇ ᐅᐦᒋ ᐊᓂᑕ ᓈᐦᐋᓬᐋᔨᓬ; ᐁᑯᓯ ᓈᐦᐋᓬᐋᔨᓬ ᐅᐦᒋ ᐊᓂᑕ ᐹᒫᐦᐟ. 20ᐁᑯᓯ ᐹᒫᐦᐟ ᐅᐦᒋ ᐊᓂᑕ ᐋᐧᔮᒪᑎᓈᕽ ᒧᐋᑊ ᒪᐢᑯᑌᕽ ᑳ ᐊᔮᐠ, ᐱᔨᐢ ᑕᐦᑯᑖᒪᑎᐣ ᐱᐢᑲ, ᐁᑯᑕ ᑳ ᐅᐦᒋ ᓄᑲᐧᕽ ᒉᓯᒪᐣ.
21ᐃᐢᕒᐁᐃᓬ ᒫᑲ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᐊᓂᐦᐃ ᓯᐦᐋᐣ ᐋᒪᕒᐊᐃᑕᐠ ᐅ ᑭᐦᒋ ᐅᑭᒫᒥᐋᐊᐧ ᐁ ᐃᑌᐧᐟ, 22ᑭᔮᒼ ᓂ ᑲ ᓵᐳ ᐱᒧᐦᑖᐣ ᑭᐟ ᐊᐢᑭᕽ; ᓇᒪᐃᐧᔭ ᐅᐦᐱᒣ ᓂ ᑲ ᐃᑐᑖᓈᐣ ᑭᐢᑎᑳᓂᕽ ᐊᐦᐳ ᓱᒥᓂ ᑭᐢᑎᑳᓂᕽ; ᓇᒪᐃᐧᔭ ᓂ ᑲ ᒥᓂᑳᐧᓈᐣ ᓂᐱ ᒧᓇᐃᐹᓂᕽ; ᓂ ᑲ ᐱᒧᑖᓈᐣ ᐱᑯ ᑭᐦᒋᐱᒧᑌᐢᑲᓈᕽ ᐃᐢᑯ ᑭᑕ ᑭᓯᐱᐢᑲᒫᕽ ᐁ ᑭᓯᐱ ᐊᔮᐠ ᑭᐟ ᐊᐢᑭ. 23ᓯᐦᐋᐣ ᒫᑲ ᓇᒪᐃᐧᔭ ᑭ ᐃᔨᓇᒫᐁᐧᐤ ᐃᐢᕒᐁᐃᓬᐊ ᑭᑕ ᓵᐳ ᐱᒧᐦᑌᔨᐟ ᐅᐟ ᐊᐢᑭᕽ, ᒫᑲ ᓯᐦᐋᐣ ᑭ ᒫᒪᐃᐧ ᒫᐊᐧᒋᐦᐁᐤ ᑲᐦᑭᔭᐤ ᐅᐟ ᐊᔨᓯᔨᓂᒪ ᐁᑯᓯ ᐁ ᑭ ᓇᑐᐸᔨᐢᑕᐋᐧᐟ ᐃᐢᕒᐁᐃᓬ ᐊᓂᑕ ᐱᑲᐧᑕᐢᑭᕽ, ᑭ ᐅᑎᑕᒼ ᒫᑲ ᒉᐦᐋᐢ; ᐁᑯᓯ ᑭ ᓄᑎᓀᐤ ᐃᐢᕒᐁᐃᓬᐊ. 24ᒫᑲ ᐃᐢᕒᐁᐃᓬ ᑭ ᓂᐸᐦᐃᐠ ᐁᓯ ᑭᓈᐠ ᐃᓴᐁᐧᐢᐠ, ᒥᓇ ᑭ ᑎᐯᔨᐦᑕᒥᔨᐊᐧ ᐅᐟ ᐊᐢᑭ ᐋᕒᓇᐣ ᐅᐦᒋ ᐃᐢᑯ ᒑᐸᐠ, ᐃᐢᑯ ᐋᒪᐣ ᐅᐟ ᐊᐋᐧᓯᒥᓴ; ᒋᑫᒫ ᐅᐟ ᐃᐦᑖᐃᐧᓂᐋᐧᐤ ᐊᓂᑭ ᐋᒪᐣ ᐅᐟ ᐊᐋᐧᓯᒥᓴ ᑭ ᓱᐦᑲᓂᔨᐤ. 25ᐃᐢᕒᐁᐃᓬ ᒫᑲ ᑭ ᐅᑎᓇᒼ ᑲᐦᑭᔭᐤ ᐅᐦᐃ ᐅᑌᓇᐊᐧ; ᒥᓇ ᐃᐢᕒᐁᐃᓬ ᑭ ᐃᐧᑭᐤ ᑲᐦᑭᔭᐤ ᐅᐟ ᐅᑌᓈᔨᕽ ᐋᒪᕒᐊᐃᑕ ᐊᓂᑕ ᐦᐁᐢᐸᐣ, ᒥᓇ ᑲᐦᑭᔭᐤ ᐁᑯᑕ ᑭᐢᑕᐱᓈᓇ. 26ᒋᑫᒫ ᐦᐁᐢᐸᐣ ᐁᐊᐧᑫᐧᔨᐤ ᐅᑌᓇᐤ ᓯᐦᐋᐣ ᐋᒪᕒᐊᐃᑕᐠ ᐅ ᑭᐦᒋ ᐅᑭᒫᒥᐋᐊᐧ, ᐊᓇ ᑳ ᑭ ᓄᑎᓈᐟ ᐊᓂᐦᐃ ᐊᐊᐧᓯᐢᐱ ᑳ ᑭ ᑭᐦᒋ ᐅᑭᒫᑲᑕᕽ ᒧᐋᑊ, ᒥᓇ ᑳ ᑭ ᑫᒋᒋᐦᒉᓈᐟ ᑲᐦᑭᔭᐤ ᐅᐟ ᐊᐢᑭᔨᐤ, ᐃᐢᑯ ᐋᕒᓇᐣ. 27ᐁᐊᐧᑯ ᐅᐦᒋ ᐊᓂᑭ ᑳ ᐱᑭᐢᑫᐧᒋᐠ ᐋᐁᐧᒋᑲᓂᕽ ᐃᑌᐧᐊᐧᐠ,
ᐯ ᐃᑐᐦᑌᐠ ᐦᐁᐢᐸᓂᕽ, ᑭᔮᒼ ᐅᐟ ᐅᑌᓇᐤ ᓯᐦᐋᐣ ᑭᑕ ᐅᓯᐦᑖᐋᐧᐣ ᒥᓇ ᑭᑕ ᐋᔮᑕᐢᑖᐋᐧᐣ;
28 #
ᒉᕒᐃᒫᔭ 48:45,46 ᒋᑫᒫ ᐃᐢᑯᑌᐤ ᓯᐯᐧᐸᔨᐤ ᐦᐁᐢᐸᓂᕽ ᐅᐦᒋ, ᐁ ᑳᐧᑯᑌᐠ ᐅᐟ ᐅᑌᓈᕽ ᓯᐦᐋᐣ ᐅᐦᒋ; ᑭ ᒣᐢᑎᑲᓴᒧᒪᑲᐣ ᐋᕒ ᒧᐋᐱᕽ, ᑳ ᐅᑭᒫᐃᐧᒋᐠ ᐃᐢᐹᔭᓄᕽ ᐋᕒᓇᓂᕽ.
29ᑯᑕᑭᑖᐃᐧᐣ ᑭ ᑲ ᐊᔮᐣ ᒧᐋᑊ! ᑭ ᓂᓯᐊᐧᓈᑎᓯᐣ, ᑳ ᐊᔨᓯᔨᓂᐃᐧᔭᐣ ᑭᒫᐢ; ᑭ ᒣᑭᐤ ᐅᑯᓯᓴ ᑭᑕ ᐱᒫᒧᔨᐟ, ᒥᓇ ᐅᑖᓂᓴ ᑭᑕ ᐊᐊᐧᑳᑖᔨᐟ, ᐊᓂᐦᐃ ᓯᐦᐋᐣ ᐋᒪᕒᐊᐃᑕᐠ ᐅ ᑭᐦᒋ ᐅᑭᒫᒥᐋᐧᐊᐧ.
30ᑭ ᑭ ᐱᒫᐧᓇᐋᐧᐠ; ᐦᐁᐢᐸᐣ ᓂᓯᐊᐧᓈᑕᐣ ᐃᐢᑯ ᑕᐃᐸᐣ, ᐁᑯᓯ ᑭ ᑭ ᑭᐋᐧᒋᐦᑖᓈᓇᐤ ᐃᐢᑯ ᓈᐦᐸ, ᑳ ᐊᔮᐠ ᐃᐢᑯ ᒥᑎᐸ.
31ᐁᑯᓯ ᐃᓯ ᐃᐢᕒᐁᐃᓬ ᑭ ᐊᔮᐊᐧᐠ ᐅᐟ ᐊᐢᑭᔨᕽ ᐋᒪᕒᐊᐃᑕ. 32ᒧᓯᐢ ᒫᑲ ᑭ ᐃᓯᑎᓴᐦᐅᐁᐧᐤ ᑭᑕ ᓇᑕᐋᐧᑖᐃᐧᐦᐟ ᒉᓴᕒ, ᑭ ᐅᑎᓇᒪᐧᐠ ᒫᑲ ᐅᑌᓇᐊᐧ ᐁᑯᑕ ᐁ ᐊᔮᑭ, ᒥᓇ ᑭ ᐊᐧᔭᐃᐧᑎᓴᐁᐧᐊᐧᐠ ᐋᒪᕒᐊᐃᑕ ᐁᑯᑕ ᑳ ᐊᔮᔨᐟ.
33ᑭ ᑫᐧᐢᑭᐊᐧᐠ ᒫᑲ ᑭ ᐊᑎ ᐃᑐᐦᑌᐊᐧᐠ ᒣᐢᑲᓈᕽ ᑳ ᐃᑕᒧᐠ ᐯᓵᐣ; ᐁᑯᓯ ᐋᐠ ᐯᓵᐣ ᑭᐦᒋ ᐅᑭᒫᐤ ᑭ ᓇᑐᐸᔨᐢᑖᑲᐧᐠ ᐃᐧᔭ ᒥᓇ ᑲᐦᑭᔭᐤ ᐅᐟ ᐊᔨᓯᔨᓂᒪ, ᑭᑕ ᓄᑎᓂᑯᒋᐠ ᐊᓂᑕ ᐁᑕᕒᐃᐊᐩ. 34ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐁᑳᐃᐧᔭ ᑯᐢᑎᕽ; ᒋᑫᒫ ᓂ ᑭ ᐸᑭᑎᓈᐤ ᑭ ᑭᒋᐦᒋᕽ, ᐊᓯᒋ ᑲᐦᑭᔭᐤ ᐅᐟ ᐊᔨᓯᔨᓂᒪ, ᒥᓇ ᐅᐟ ᐊᐢᑭ; ᐁᑯᓯ ᑭ ᑲ ᐃᑐᑕᐋᐧᐤ ᒣᐧᐦᒋ ᑳ ᑭ ᐃᑐᑕᐊᐧᐟ ᓯᐦᐋᐣ ᐅ ᑭᐦᒋ ᐅᑭᒫᒥᐋᐧᐊᐧ ᐋᒪᕒᐊᐃᑕᐠ, ᑳ ᑭ ᐅᐟ ᐃᐦᑖᐃᐧᓂᐟ ᐦᐁᐢᐸᓂᕽ. 35ᐁᑯᓯ ᒫᑲ ᑭ ᓂᐸᐁᐊᐧᐠ ᒥᓇ ᐅᑯᓯᓯᔨᐊᐧ ᒥᓇ ᑲᐦᑭᔭᐤ ᐅᐟ ᐃᔨᓂᒪ, ᐱᔨᐢ ᐁᑳ ᐋᐧᐋᐧᐨ ᐯᔭᐠ ᐁ ᐃᐢᑯᐋᒋᐠ; ᐁᑯᓯ ᑭ ᑎᐯᔨᐦᑕᒣᐧᐊᐧᐠ ᐅᐟ ᐊᐢᑭᔨᐤ.
Currently Selected:
ᓇᒼᐸᕒᐢ 21: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
