ᓬᐃᐱᑎᑲᐢ 14
14
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 2#ᒫᐟᔪ 8:4; ᒫᕒᐠ 1:44; ᓬᐅᐠ 5:14; 17:14ᐁᐊᐧᑯᒪ ᑫ ᐃᑕᓱᐋᐧᑎᐦᐟ ᐅᒪᒑᐢᐱᓀᐤ ᐊᓂᒪ ᐁ ᑭᓯᑳᐠ ᑭᑕ ᐯᑭᐃᐦᐟ; ᑭᑕ ᐯᓯᐋᐧᐤ ᑭᑕ ᐋᐧᐸᒥᑯᐟ ᐊᔭᒥᐦᐁᐃᐧᔨᓂᐊᐧ; 3ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐊᐧᔭᐃᐧᐤ ᑲᐯᓯᐃᐧᓂᕽ ᐅᐦᒋ; ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐋᐧᐸᒣᐤ, ᐁᑯᓯ ᐳᑎ, ᑭᐢᐱᐣ ᐋᔨᒫᐢᐱᓀᐃᐧᐣ ᐊᓂᒪ ᒪᒑᐢᐱᓀᐃᐧᐣ ᒥᔪ ᐊᔮᒋ ᐅᒪᒑᐢᐱᓀᐤ. 4ᐁᑲᐧ ᐊᔭᒥᐦᐁᐃᐧᔨᓂᐤ ᑭᑕ ᐃᑕᓱᐁᐧᐤ ᑭᑕ ᐅᑎᓂᒥᐦᐟ ᐁᐊᐧᑯᓂ ᐅᐦᒋ ᑳ ᐃᐧ ᐯᑭᐃᒥᐦᐟ, ᓂᓱ ᐁ ᐱᒫᑎᓯᔨᐟ ᐁ ᐯᑭᓯᔨᐟ ᐱᔦᓯᓴ ᒥᓇ ᒫᓯᑭᐢᑳᑎᑲᐧ, ᒥᓇ ᒥᐦᑫᐧᑭᐣ, ᒥᓇ ᐦᐃᓴᑊ. 5ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐃᑕᓱᐁᐧᐤ ᐯᔭᐠ ᐊᓂᐦᐃ ᐱᔦᓯᓴ ᑭᑕ ᓂᐸᐃᒥᐦᐟ ᐊᓯᐢᑭᐃᐧ ᐊᓯᐊᐧᒋᑲᓂᕽ ᐹᓯᐨ ᐁ ᐱᒥᒋᐊᐧᕽ ᓂᐱ. 6ᐁᑯᓯ ᐃᐧᔭ ᐊᓂᐦᐃ ᑳ ᐱᒫᑎᓯᔨᐟ ᐱᔦᓯᓴ, ᑭᑕ ᐅᑎᓀᐤ, ᒥᓇ ᒫᓯᑭᐢᑳᑎᐠ, ᒥᓇ ᒥᐦᑫᐧᑭᐣ, ᒥᓇ ᐦᐃᓴᑊ, ᐁᑯᓯ ᑭᑕ ᑭᐦᑖᓇᒼ ᒥᓇ ᐊᓂᐦᐃ ᑳ ᐱᒫᑎᓯᔨᐟ ᐱᔦᓯᓴ ᐊᓂᑕ ᐅ ᒥᐦᑯᔨᕽ ᐊᓂᐦᐃ ᐱᔦᓯᓴ ᑳ ᑭ ᓂᐸᐃᒥᐦᐟ ᐹᓯᐨ ᐁ ᐱᒥᒋᐊᐧᕽ ᓂᐱ. 7ᐁᑯᓯ ᒫᑲ ᑭᑕ ᓯᓭᐧᐯᑲᐊᑕᐁᐧᐤ ᑌᐸᑯᐹᐧᐤ ᐊᓂᐦᐃ ᒪᒑᐢᐱᓀᐃᐧᓂᕽ ᑳ ᐃᐧ ᐅᐦᒋ ᐯᑭᐃᒥᐦᐟ, ᐁᑯᓯ ᒫᑲ ᑭᑕ ᐃᐧᐦᑕᒼ ᐁ ᐯᑭᓯᔨᐟ, ᑭᑕ ᐸᑭᑎᓀᐤ ᒫᑲ ᐊᓂᐦᐃ ᐱᔦᓯᓴ ᑳ ᐱᒫᑎᓯᔨᐟ ᐊᓂᑕ ᐁ ᑕᐋᐧᔨᐠ ᐊᐧᔭᐃᐧᑎᒫᔨᕽ. 8ᐊᓇ ᒫᑲ ᑳ ᐃᐧ ᐯᑭᐃᐦᐟ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᒥᓇ ᑭᑕ ᑳᐢᑭᐹᑕᒼ ᑲᐦᑭᔭᐤ ᐃᐧᐢᑕᑲᔭ, ᒥᓇ ᓂᐱᕽ ᑭᑕ ᑭᒋᐢᑖᐹᐊᐧᔪ, ᐁᑯᓯ ᑭᑕ ᐯᑭᓯᐤ; ᒣᐧᐢᑕᐢ ᐃᔨᑯᕽ ᒫᑲ ᑭᑕ ᑭ ᐱᐦᑐᑫᐤ ᑲᐯᓯᐃᐧᓂᕽ, ᒫᑲ ᐊᐧᔭᐃᐧᑎᒥᕽ ᐃᐧᑭᕽ ᑭᑕ ᐊᔮᐤ ᑌᐸᑯᑊ ᑭᓯᑳᐤ. 9ᐁᑯᓯ ᒫᑲ ᑭᑕ ᐃᐢᐸᔨᐤ ᑌᐸᑯᑊ ᑕᐦᑐ ᑭᓯᑳᑭ ᑭᑕ ᑳᐢᑭᐹᑕᒼ ᑲᐦᑭᔭᐤ ᐃᐧᐢᑕᑲᔭ ᐅᐢᑎᑳᐧᓂᕽ, ᒥᓇ ᐅᒥᐃᐢᑐᐋᐧᓇ, ᒥᓇ ᐅᒥᓵᐱᐃᐧᓈᓇ, ᑲᐦᑭᔭᐤ ᑭᑕ ᑳᐢᑭᐹᑕᒼ; ᐁᑯᓯ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᒥᓇ ᑭᑕ ᑭᒋᐢᑖᐹᐊᐧᑖᐤ ᐃᐧᔭᐤ ᓂᐱᕽ, ᐁᑯᓯ ᑭᑕ ᐯᑭᓯᐤ. 10ᐊᔨᓈᓀᐤ ᒫᑲ ᑕᐦᑐ ᑭᓯᑳᔨᑭ ᑭᑕ ᐅᑎᓀᐤ ᓂᓱ ᔮᐯᒫᔭᑎᑯᓯᓴ ᐁᑳ ᐁ ᒫᐢᑭᓯᔨᐟ, ᒥᓇ ᐯᔭᐠ ᓄᓭᒫᔭᑎᑯᓯᓴ ᐁ ᐊᑎ ᐯᔭᑯᐱᐳᓀᐧᔨᐟ ᐁᑳ ᐁ ᒫᐢᑭᓯᔨᐟ, ᒥᓇ ᒥᑖᑕᐦᐟ ᑭᐦᒋᒥᓂᑳᐧᑲᐣ ᐁ ᒥᔪᓯᔨᐟ ᐸᐦᑫᐧᓯᑲᓇ ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᐱᒥ ᑭᔨᑲᐤ, ᒥᓇ ᐋᐱᑕᐤ ᑭᐦᒋᒥᓂᑳᐧᑲᐣ ᐱᒥ. 11ᐁᑯᓯ ᐊᓇ ᐊᔭᒥᐦᐁᐃᐧᔨᓂᐤ ᑳ ᐃᐧ ᐯᑯᐋᐟ ᑭᑕ ᐃᐦᑕᑌᐤ ᐊᓂᐦᐃ ᓈᐯᐊᐧ ᑳ ᐃᐧ ᐯᑭᐃᒥᐦᐟ ᒥᓇ ᐊᓂᐦᐃ ᑳ ᑭ ᐃᐧᒋᑳᑌᑭ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐊᐧᑊ. 12ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐅᑎᓀᐤ ᐯᔭᐠ ᐊᓂᐦᐃ ᔮᐯᒫᔭᑎᑲᐧ, ᒥᓇ ᑭᑕ ᐸᑯᑎᓀᐤ ᑭᑕ ᐊᑖᒣᔨᑖᑯᓯᐃᐧ ᐸᑭᑎᓇᓱᐟ, ᐊᓯᒋ ᐊᓂᒪ ᐋᐱᑕᐤ ᑭᐦᒋᒥᓂᑳᐧᑲᐣ ᐱᒥ, ᒥᓇ ᑭᑕ ᐁᐧᐋᐧᒋᐸᔨᑖᐤ ᐁᐊᐧᑯ ᐁᐧᐋᐧᒋᐸᑭᑎᓈᓱᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ. 13ᑭᑕ ᓂᐸᐁᐤ ᒫᑲ ᐊᓂᐦᐃ ᔮᐯᒫᔭᑎᑯᓯᓴ ᐃᑕ ᒫᓇ ᑳ ᓂᐸᑖᕽ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᒥᓇ ᒪᒍᐢᑌᐦᐊᒫᑫᐃᐧᐣ, ᐃᑕ ᑳ ᑲᓈᑕᕽ; ᒋᑫᒫ ᑳ ᐃᓯ ᐊᔮᐟ ᐊᔭᒥᐦᐁᐃᐧᔨᓂᐤ ᐊᓂᒪ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᐁᑯᓯ ᐃᓯ ᒥᓇ ᐊᓂᒪ ᐊᑖᒣᔨᑖᑯᓯᐃᐧ ᐸᑭᑎᓈᓱᐃᐧᐣ; ᐊᔨᐋᐧᐠ ᑲᓈᑕᐣ. 14ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐅᑎᓇᒼ ᒥᐦᑯ ᐊᓂᒪ ᐊᑖᒣᔨᑖᑯᓯᐃᐧ ᐸᑭᑎᓈᓱᐃᐧᐣ, ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐊᐢᑖᐤ ᐊᐧᓇᐢᑯᐨ ᐅᐦᑕᐊᐧᑳᔨᕽ ᑭᐦᒋᓂᐢᑭᕽ ᐃᑌᐦᑫ ᐊᓂᐦᐃ ᑳ ᐃᐧ ᐯᑭᐃᒥᐦᐟ, ᒥᓇ ᐅᒥᒋᐦᒋᓂᕽ ᐅ ᑭᐦᒋᓂᐢᑭᕽ, ᒥᓇ ᐅ ᒥᓯᓯᑖᓂᔨᕽ ᑭᐦᒋᓂᐢᑭᕽ ᐃᑌᐦᑫ. 15ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐅᑎᓇᒼ ᐊᓂᒪ ᐋᐱᑕᐤ ᑭᐦᒋᒥᓂᑳᐧᑲᐣ ᐱᒥ ᐁᑯᓯ ᑭᑕ ᓯᑭᓇᒼ ᐃᐧᔭ ᐅ ᐊᐧᔨᒋᐦᒑᓂᕽ ᐅ ᓇᒪᑎᓂᕽ. 16ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᑭᐦᑖᓇᒼ ᐅ ᔨᔨᑭᒋᐦᒑᐣ ᑭᐦᒋᓂᐢᑭᕽ ᐱᒥᕽ ᐅ ᓇᒪᑎᓂᕽ ᑳ ᐊᔮᔨᐠ, ᐁᑯᓯ ᐅᔨᔨᑭᒋᐦᒑᐣ ᐅᐦᒋ ᑭᑕ ᓯᓭᐧᐸᔨᑖᐤ ᐊᓂᒪ ᐱᒥ ᑌᐸᑯᐦᐹᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 17ᐁᑯᓯ ᐃᐧᔭ ᑳ ᐃᐢᑯᐸᔨᐠ ᐱᒥ ᐅᒋᐦᒋᕽ ᑳ ᐊᔮᔨᐠ ᐊᔭᒥᐦᐁᐃᐧᔨᓂᐤ ᑭᑕ ᐊᐢᑖᐤ ᐊᐧᓇᐢᑯᐨ ᐅᐦᑕᐊᐧᑳᔨᕽ ᑭᐦᒋᓂᐢᑭᕽ ᐃᑌᐦᑫ ᐊᓂᐦᐃ ᑳ ᐃᐧ ᐯᑭᐃᒥᐦᐟ, ᒥᓇ ᐅ ᒥᓯᒋᐦᒑᓂᔨᕽ ᐅ ᑭᐦᒋᓂᐢᑭᔨᕽ, ᒥᓇ ᐅ ᒥᓯᓯᑖᓂᔨᕽ ᑭᐦᒋᓂᐢᑭᕽ ᐃᑌᐦᑫ, ᐊᐧᐢᑭᐨ ᐊᓂᒪ ᒥᐦᑯ ᐊᑖᒣᔨᑖᑯᓯᐃᐧ ᐸᑭᑎᓈᓱᐃᐧᓂᕽ ᐅᐦᒋ. 18ᐊᓂᒪ ᒫᑲ ᑳ ᐃᐢᑯᐸᔨᐠ ᐱᒥ ᐊᔭᒥᐦᐁᐃᐧᔨᓂᐤ ᐅᒋᐦᒋᕽ ᑳ ᐊᔮᔨᐠ ᑭᑕ ᐊᐢᑖᐤ ᐅᐢᑎᑳᐧᓂᔨᕽ ᐊᓂᐦᐃ ᑳ ᐃᐧ ᐯᑭᐃᒥᐦᐟ; ᐁᑯᓯ ᐊᔭᒥᐦᐁᐃᐧᔨᓂᐤ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐁᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 19ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐸᑭᑎᓇᒼ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᐁᑯᓯ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐁᐧᐤ ᐊᓂᐦᐃ ᑳ ᐃᐧ ᐯᑭᐃᒥᐦᐟ ᐊᓂᒪ ᐅᐦᒋ ᐁᑳ ᐁ ᐯᑭᓯᔨᐟ; ᒣᐧᐢᑕᐢ ᐃᔨᑯᕽ ᑭᑕ ᓂᐸᐁᐤ ᐊᓂᐦᐃ ᒪᒍᐢᑌᐦᐊᒫᑫᐃᐧᓇ. 20ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐸᑭᑎᓇᒼ ᒪᒍᐢᑌᐦᐊᒫᑫᐃᐧᐣ ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᐸᑭᑎᓈᓱᐃᐧᓈᐱᐢᑯᕽ; ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐅᓯᐦᑕᒪᐁᐧᐤ ᐯᔭᑯᐃᑐᐃᐧᐣ, ᐁᑯᓯ ᑭᑕ ᐯᑭᓯᔨᐊᐧ.
21ᑭᐢᐱᐣ ᒫᑲ ᑭᑎᒫᑭᓯᐤ ᐁᑯᓯ ᓇᒪᐃᐧᔭ ᑲᐢᑭᑖᐤ ᐁᑯᔨᑯᕽ ᑭᑕ ᐊᔮᐟ, ᐁᑲᐧ ᑭᑕ ᐅᑎᓀᐤ ᐯᔭᐠ ᔮᐯᒫᔭᑎᑯᓯᓴ ᑭᑕ ᐊᑖᒣᔨᑖᑯᓯᐃᐧ ᐸᑭᑎᓈᓱᐟ ᑭᑕ ᐁᐧᐋᐧᒋᐸᔨᑖᕽ, ᐯᔭᑯᐃᑐᐃᐧᐣ ᑭᑕ ᐅᓯᐦᑕᒫᐦᐟ, ᒥᓇ ᓂᐢᑐ ᑭᐦᒋᒥᓂᑳᐧᑲᐣ ᒥᓇ ᐋᐱᑕᐤ ᐁ ᒥᔪᓯᔨᐟ ᐸᐦᑫᐧᓯᑲᓇ ᑭᑭ ᐱᒥ ᐁᐊᐧᑯ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᒥᓇ ᐋᐱᑕᐤ ᑭᐦᒋᒥᓂᑳᐧᑲᐣ ᐱᒥ. 22ᒥᓇ ᓂᓱ ᑖᐱᐢᑳᑲᓂ ᐅᒥᐦᒥᐊᐧ, ᐊᐦᐳ ᓂᓱ ᐅᒥᐦᒥᓯᓴ, ᐁ ᐃᓯ ᑲᐢᑭᑖᐟ ᑭᑕ ᐊᔮᐋᐧᐟ; ᐁᑯᓯ ᐊᓂᐦᐃ ᐯᔭᐠ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᒥᓇ ᐊᓂᐦᐃ ᑯᑕᑲ ᒪᒍᐢᑌᐦᐊᒫᑫᐃᐧᐣ. 23ᐊᑎ ᐊᔨᓈᓀᐅᑭᓯᑳᔨᑭ ᒫᑲ ᑭᑕ ᐯ ᒥᔦᐤ ᐊᔭᒥᐦᐁᐃᐧᔨᓂᐊᐧ ᐅ ᐯᑭᐃᑯᐃᐧᐣ ᐅᐦᒋ, ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ, ᐅᐦᑎᐢᑲᐤ ᑳ ᑎᐯᔨᐦᒋᑫᐟ. 24ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐅᑎᓀᐤ ᐊᓂᐦᐃ ᒫᔭᑎᐦᑯᓯᓴ ᐊᓂᐦᐃ ᐊᑕᒣᔨᑖᑯᓯᐃᐧ ᐸᑭᑎᓈᓱᐃᐧᓇ, ᒥᓇ ᐊᓂᒪ ᐋᐱᑕᐤ ᑭᐦᒋᒥᓂᑳᐧᑲᐣ ᐱᒥ, ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐁᐧᐋᐧᒋᐸᔨᑖᐤ ᐁᐊᐧᑯ ᐁᐧᐋᐧᒋᐸᑭᑎᓈᓱᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ. 25ᑭᑕ ᓂᐸᐁᐤ ᒫᑲ ᐊᓂᐦᐃ ᒫᔭᑎᐦᑯᓯᓴ ᐊᓂᐦᐃ ᐊᑖᒣᔨᑖᑯᓯᐃᐧ ᐸᑭᑎᓈᓱᐃᐧᓇ, ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐅᑎᓇᒼ ᒥᐦᑯ ᐊᓂᒪ ᐊᑖᒣᔨᑖᑯᓯᐃᐧ ᐸᑭᑎᓈᓱᐃᐧᐣ, ᒥᓇ ᑭᑕ ᐊᐢᑖᐤ ᐊᐧᓇᐢᑯᐨ ᐅᐦᑕᐊᐧᑳᔨᕽ ᑭᐦᒋᓂᐢᑭᕽ ᐃᑌᐦᑫ ᐊᓂᐦᐃ ᑳ ᐃᐧ ᐯᑭᐃᒥᐦᐟ, ᒥᓇ ᐅ ᒥᓯᒋᐦᒑᓂᔨᕽ ᑭᐦᒋᓂᐢᑭᕽ, ᒥᓇ ᐅ ᒥᓯᓯᑖᓂᔨᕽ ᑭᐦᒋᓂᐢᑭᕽ ᐃᑌᐦᑫ. 26ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᓯᑭᓇᒼ ᐱᒥ ᐃᐧᔭ ᐅ ᐊᐧᔨᒋᐦᒑᓂᕽ ᓇᒪᑎᓂᕽ. 27ᐁᑯᓯ ᐊᔭᒥᐦᐁᐃᐧᔨᓂᐤ ᐅ ᔨᔨᑭᒋᐦᒑᐣ ᐅᐦᒋ ᐅ ᑭᐦᒋᓂᐢᑭᕽ ᑭᑕ ᓯᓭᐧᐸᔨᑖᐤ ᐸᐦᑭ ᐊᓂᒪ ᐱᒥ ᐅ ᓇᒪᑎᓂᕽ ᑳ ᐊᔮᔨᐠ ᑌᐸᑯᐦᐹᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 28ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐊᐢᑖᐤ ᐱᒥ ᐊᓂᒪ ᐅᒋᐦᒋᕽ ᑳ ᐊᔮᔨᐠ ᐊᐧᓇᐢᑯᐨ ᐅᐦᑕᐊᐧᑳᔨᕽ ᑭᐦᒋᓂᐢᑭᕽ ᐃᑌᐦᑫ, ᐊᓂᐦᐃ ᑳ ᐃᐧ ᐯᑭᐃᒥᐦᐟ, ᒥᓇ ᐅ ᒥᒋᐦᒋᓂᔨᕽ ᑭᐦᒋᓂᐢᑭᕽ, ᒥᓇ ᐅ ᒥᓯᓯᑖᓂᔨᕽ ᑭᐦᒋᓂᐢᑭᕽ ᐃᑌᐦᑫ, ᐃᑕ ᑳ ᑭ ᐊᐢᑖᐟ ᒥᐦᑯ ᐊᑕᒣᔨᐋᑯᓯᐃᐧ ᐸᑭᑎᓈᓱᐃᐧᓂᕽ ᐅᐦᒋ. 29ᑳ ᐃᐢᑯᐸᔨᐠ ᒫᑲ ᐱᒥ ᐊᔭᒥᐦᐁᐃᐧᔨᓂᐤ ᐅᒋᐦᒋᕽ ᑳ ᐊᔮᔨᐠ ᑭᑕ ᐊᐢᑖᐤ ᐅᐢᑎᑳᐧᓂᔨᕽ ᐊᓂᐦᐃ ᑳ ᐃᐧ ᐯᑭᐃᒥᐦᐟ, ᐯᔭᑯᐃᑐᐃᐧᐣ ᑭᑕ ᐅᓯᐦᑕᒫᐦᐟ ᐅᐦᑎᐢᑲᐤ ᑳ ᑎᐯᔨᐦᒋᑫᐟ. 30ᑭᑕ ᐸᑭᑎᓀᐤ ᒫᑲ ᐯᔭᐠ ᐊᓂᐦᐃ ᑖᐱᐢᑳᑲᓂ ᐅᒥᐦᒥᐊᐧ ᐊᐦᐳ ᐊᓂᐦᐃ ᐅᒥᐦᒥᓯᓴ, ᐁ ᐃᓯ ᑲᐢᑭᑖᐟ ᑭᑕ ᐊᔮᐋᐧᐟ; 31ᐊᓂᐦᐃ ᐅᑎ ᐁ ᑲᐢᑭᑖᐟ ᑭᑕ ᐊᔮᐋᐧᐟ, ᐯᔭᐠ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᒥᓇ ᐊᓇ ᑯᑕᐠ ᒪᒍᐢᑌᐦᐊᒫᑫᐃᐧᐣ, ᑭᑭ ᐊᓂᒪ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ; ᐁᑯᓯ ᐊᔭᒥᐦᐁᐃᐧᔨᓂᐤ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒪᐁᐧᐤ ᐊᓂᐦᐃ ᑳ ᐃᐧ ᐯᑭᐃᒥᐦᐟ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 32ᐁᐊᐧᑯᒪ ᑳ ᐃᑕᓱᐋᐧᑎᐦᐟ ᐊᓇ ᑳ ᐊᔮᐟ ᐊᓂᒪ ᐊᔨᒫᐢᐱᓀᐃᐧᐣ ᒪᒑᐢᐱᓀᐃᐧᐣ, ᐁᑳ ᒫᑲ ᑳ ᑲᐢᑭᑖᐟ ᑭᑕ ᐊᔮᐟ ᐊᓂᒪ ᑳ ᐃᑕᑭᑌᔨᐠ ᐅ ᐯᑭᐃᑯᐃᐧᐣ.
33ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ, ᐁ ᐃᑖᐟ, 34ᐃᐢᐱ ᑕᑯᓯᓂᔦᑯ ᑫᓇᐣ ᐊᐢᑭᕽ, ᐊᓂᒪ ᑳ ᒥᔨᑕᑯᐠ ᑭᑕ ᑎᐯᔨᐦᑕᒣᐠ, ᑭᐢᐱᐣ ᒫᑲ ᐸᑭᑎᓇᒫᓂ ᐊᓂᒪ ᐋᔨᒫᐢᐱᓀᐃᐧᐣ ᒪᒑᐢᐱᓀᐃᐧᐣ ᐋᐧᐢᑳᐦᐃᑲᓂᕽ ᐁᑯᑕ ᐊᐢᑭᕽ ᑫ ᑎᐯᔨᐦᑕᒣᐠ. 35ᐁᑲᐧ ᐊᓇ ᑳ ᑎᐱᔭᐁᐧᐃᐧᓯᐟ ᐋᐧᐢᑳᐦᐃᑲᐣ ᑭᑕ ᐯ ᓇᑕᐃᐧ ᐃᐧᐦᑕᒪᐁᐧᐤ ᐊᔭᒥᐦᐁᐃᐧᔨᓂᐊᐧ, ᐁ ᐃᑌᐧᐟ, ᒥᔮᒫ ᐋᔨᒫᐢᐱᓀᐃᐧᐣ ᐊᔮᐤ ᓂ ᐋᐧᐢᑳᐦᐃᑲᓂᕽ. 36ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐃᑕᓱᐁᐧᐤ ᑭᑕ ᓯᑯᓂᑳᑌᐠ ᐋᐧᐢᑳᐦᐃᑲᐣ, ᒪᐧᔦᐢ ᐱᐦᑐᑫᐟ ᐊᔭᒥᐦᐁᐃᐧᔨᓂᐤ ᑭᑕ ᐋᐧᐸᐦᑕᕽ ᐊᔨᒫᐢᐱᓀᐃᐧᐣ, ᐁᑳ ᑲᐦᑭᔭᐤ ᐋᐧᐢᑳᐦᐃᑲᓂᕽ ᑳ ᐊᔮᐠ ᑭᑕ ᐃᑕᑭᑌᐠ ᐁᑳ ᐁ ᐯᑲᕽ; ᒣᐧᐢᑕᐢ ᐃᔨᑯᕽ ᒫᑲ ᐊᔭᒥᐦᐁᐃᐧᔨᓂᐤ ᑭᑕ ᐱᐦᑐᑫᐤ ᑭᑕ ᐋᐧᐸᐦᑕᕽ ᐋᐧᐢᑳᐦᐃᑲᐣ. 37ᑭᑕ ᑲᓇᐋᐧᐸᐦᑕᒼ ᒫᑲ ᐋᔨᒫᐢᐱᓀᐃᐧᐣ, ᐁᑯᓯ ᐳᑎ, ᑭᐢᐱᐣ ᐃᑖᐢᐱᓀᐃᐧᐣ ᐊᔮᑭ ᐊᓯᒋᑕᑳᕽ ᐋᐧᐢᑳᐦᐃᑲᓂᕽ ᐁ ᐋᐧᔨᐯᓴᐢᑌᐠ ᐁ ᐊᐢᑭᑕᑯᓈᑲᐧᕽ ᐊᐦᐳ ᐁ ᒥᐦᑯᓈᑲᐧᕽ, ᒥᓇ ᐊᑖᒥᕽ ᐊᓯᒋᑕᑳᕽ ᐃᓯᓈᑲᐧᑭ. 38ᐁᑲᐧ ᐊᔭᒥᐦᐁᐃᐧᔨᓂᐤ ᑭᑕ ᐊᐧᔭᐃᐧᐤ ᐋᐧᐢᑳᐦᐃᑲᓂᕽ ᐅᐦᒋ ᐃᐢᑳᐧᑌᒥᕽ ᐃᓯ, ᑭᑕ ᑭᐸᐊᒼ ᒫᑲ ᐋᐧᐢᑳᐦᐃᑲᐣ ᑌᐸᑯᑊ ᑭᓯᑳᐤ. 39ᐁᑲᐧ ᒥᓇ ᑭᑕ ᐯ ᐃᑐᐦᑌᐤ ᐊᔭᒥᐦᐁᐃᐧᔨᓂᐤ ᑌᐸᑯᑊ ᑭ ᑕᐦᑐ ᑭᓯᑲᔨᑭ, ᐁᑯᓯ ᑭᑕ ᑲᓇᐋᐧᐸᐦᑕᒼ, ᐳᑎ ᒫᑲ, ᑭᐢᐱᐣ ᐃᑖᐢᐱᓀᐃᐧᐣ ᒥᓯᑌᐸᔨᑭ ᐊᓯᒋᑕᑳᕽ ᐋᐧᐢᑳᐦᐃᑲᓂᕽ. 40ᐁᑲᐧ ᐊᔭᒥᐦᐁᐃᐧᔨᓂᐤ ᑭᑕ ᐃᑕᓱᐁᐧᐤ ᑭᑕ ᐅᑎᓈᒋᐠ ᐊᓯᓂᔭ ᐃᑕ ᐊᓂᒪ ᐋᔨᒫᐢᐱᓀᐃᐧᐣ ᑳ ᐊᔮᐠ, ᒥᓇ ᑭᑕ ᐃᓯᐁᐧᐱᓈᒋᐠ ᐃᑕ ᐁᑳ ᐁ ᐯᑲᕽ ᐊᐧᔭᐃᐧᑎᒫᔨᕽ ᐅᑌᓈᕽ. 41ᐁᑯᓯ ᒫᑲ ᑭᑕ ᐃᑕᓱᐋᐧᑕᒼ ᐊᓂᒪ ᐋᐧᐢᑳᐦᐃᑲᐣ ᑭᑕ ᑳᐢᑳᐢᑲᐦᐃᑳᑌᔨᐠ ᒥᓯᐁᐧ ᐋᐧᐢᑳ ᐱᑐᑲᒥᕽ ᑭᑕ ᓯᑭᓇᒪᐧᐠ ᒫᑲ ᐊᓂᒪ ᑳ ᒪᓈᑕᐊᑭᐠ ᐊᐧᔭᐃᐧᑎᒫᔨᕽ ᐅᑌᓈᕽ ᐃᑕ ᐁᑳ ᐁ ᐯᑲᕽ. 42ᐁᑯᓯ ᑭᑕ ᐅᑎᓀᐊᐧᐠ ᑯᑕᑲ ᐊᓯᓂᔭ ᒥᓇ ᑭᑕ ᑖᐸᔦᐊᐧᐠ ᐃᑕ ᑳ ᑭ ᐊᐱᔨᐟ ᐊᓂᐦᐃ ᑯᑕᑲ ᐊᓯᓂᔭ; ᒥᓇ ᑭᑕ ᐅᑎᓇᒼ ᑯᑕᐠ ᐊᓯᐢᑭᑳᐣ ᐁᑯᓯ ᑭᑕ ᐊᓯᐢᑭᑳᑕᒼ ᐋᐧᐢᑳᐦᐃᑲᐣ. 43ᑭᐢᐱᐣ ᒫᑲ ᐃᑖᐢᐱᓀᐃᐧᐣ ᒥᓇ ᑕᑯᓯᓄᒪᑲᐦᑭ, ᐁᑯᓯ ᒧᐢᑭᐸᔨᑭ ᐁᑯᑕ ᐋᐧᐢᑳᐦᐃᑲᓂᕽ ᐋᑕ ᐁ ᑭ ᐅᑎᓂᐦᒋᐠ ᐊᓯᓂᔭᐠ, ᒥᓇ ᐋᑕ ᐁ ᑭ ᑳᐢᑳᐢᑲᐦᐃᑳᑌᐠ ᐋᐧᐢᑳᐦᐃᑲᐣ, ᒥᓇ ᐋᑕ ᐁ ᑭ ᐊᓯᐢᑭᑳᒋᑳᑌᐠ. 44ᐁᑲᐧ ᐊᔭᒥᐦᐁᐃᐧᔨᓂᐤ ᑭᑕ ᐯ ᐱᐦᑐᑫᐤ ᒥᓇ ᑭᑕ ᑲᓇᐋᐧᐸᐦᑕᒼ, ᐁᑯᓯ ᐳᑎ ᑭᐢᐱᐣ ᐃᑖᐢᐱᓀᐃᐧᐣ ᒥᓯᑌᐸᔨᐤ ᐋᐧᐢᑳᐦᐃᑲᓂᕽ, ᐁᐊᐧᑯ ᐁ ᐱᑭᐢᑲᑕᑎᕽ ᒪᒑᐢᐱᓀᐃᐧᐣ ᐋᐧᐢᑳᐦᐃᑲᓂᕽ; ᓇᒪᐃᐧᔭ ᐯᑲᐣ. 45ᐁᑯᓯ ᑭᑕ ᐱᑯᓇᒼ ᐋᐧᐢᑳᐦᐃᑲᐣ, ᐊᓯᓂᔭᐠ ᑳ ᐋᐸᑎᓯᒋᐠ ᒥᓇ ᒥᐢᑎᐠ ᑳ ᐋᐸᑕᕽ, ᒥᓇ ᑲᐦᑭᔭᐤ ᑳ ᐊᓯᐢᑭᑳᒋᑳᑌᐠ ᐋᐧᐢᑳᐦᐃᑲᐣ; ᐁᑯᓯ ᑭᑕ ᐊᐧᔭᐃᐧᑕᑖᐤ ᐊᐧᔭᐃᐧᑎᒫᔨᕽ ᐅᑌᓈᕽ ᐃᑕ ᐁᑳ ᐁ ᐯᑲᕽ. 46ᐁᑯᓯ ᒥᓇ ᐊᐃᐧᔭᐠ ᐁ ᐱᑎᑫᐟ ᐋᐧᐢᑳᐦᐃᑲᓂᕽ ᒣᑳᐧ ᐊᓂᒪ ᐁ ᑭᐸᐦᐃᑳᑌᐠ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 47ᐊᓇ ᒫᑲ ᑳ ᐱᒥᓯᕽ ᐱᐦᒋ ᐋᐧᐢᑳᐦᐃᑲᓂᕽ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ; ᒥᓇ ᐊᓇ ᑳ ᒥᒋᓱᐟ ᐱᐦᒋ ᐋᐧᐢᑳᐦᐃᑲᓂᕽ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ. 48ᑭᐢᐱᐣ ᒫᑲ ᐊᔭᒥᐦᐁᐃᐧᔨᓂᐤ ᐯ ᐱᐦᑐᑫᒋ, ᑲᓇᐋᐧᐸᐦᑕᑭ ᒫᑲ, ᐁᑯᓯ ᐳᑎ, ᐃᑖᐢᐱᓀᐃᐧᐣ ᓇᒪᐃᐧᔭ ᐊᑎ ᒥᓯᑌᐸᔨᐤ ᐋᐧᐢᑳᐦᐃᑲᓂᕽ, ᒣᐧᐢᑕᐢ ᐃᔨᑯᕽ ᐊᓂᒪ ᐁ ᑭ ᐊᓯᐢᑭᑳᒋᑳᑌᐠ; ᐁᑲᐧ ᐊᔭᒥᐦᐁᐃᐧᔨᓂᐤ ᑭᑕ ᐃᐧᐦᑕᒼ ᐁ ᐯᑲᓂᔨᐠ ᐊᓂᒪ ᐋᐧᐢᑲᐦᐃᑲᐣ, ᒋᑫᒫ ᐁ ᑭᐱᒋᑖᓂᐊᐧᕽ ᐃᑖᐢᐱᓀᐃᐧᐣ. 49ᑭᑕ ᐅᑎᓀᐤ ᒫᑲ ᑭᑕ ᐯᑭᑖᐟ ᐋᐧᐢᑳᐦᐃᑲᐣ ᓂᓱ ᐱᔦᓯᓴ, ᒥᓇ ᒫᓯᑭᐢᑲᑎᐠ, ᒥᓇ ᒥᐦᑫᐧᑭᐣ, ᒥᓇ ᐦᐃᓴᑊ. 50ᑭᑕ ᓂᐸᐁᐤ ᒫᑲ ᐯᔭᐠ ᐊᓂᐦᐃ ᐱᔦᓯᓴ ᐊᓯᐢᑭᐃᐧ ᐊᓯᐊᐧᒋᑲᓂᕽ ᐸᓯᐨ ᐁ ᐱᒥᒋᐊᐧᕽ ᓂᐱ. 51ᑭᑕ ᐅᑎᓇᒼ ᒫᑲ ᒫᓯᑭᐢᑳᑎᐠ, ᒥᓇ ᐦᐃᓴᑊ, ᒥᓇ ᒥᐦᑫᐧᑭᐣ ᒥᓇ ᐊᓂᐦᐃ ᑳ ᐱᒫᑎᓯᔨᐟ ᐱᔦᓯᓴ, ᐁᑯᓯ ᑭᑕ ᑭᐦᑖᓀᐤ ᐅ ᒥᐦᑯᔦᕽ ᐊᓂᐦᐃ ᑳ ᑭ ᓂᐸᐃᒥᐦᐟ ᐱᔦᓯᓴ, ᒥᓇ ᐊᓂᑕ ᐁ ᐱᒥᒋᐊᐧᕽ ᓂᐱ, ᐁᑯᓯ ᑌᐸᑯᐹᐧᐤ ᑭᑕ ᓯᓭᐧᐯᑲᐊᑕᒼ ᐊᓂᒪ ᐋᐧᐢᑳᐦᐃᑲᐣ. 52ᐁᑯᓯ ᑭᑕ ᐯᑭᑖᐤ ᐊᓂᒪ ᐋᐧᐢᑳᐦᐃᑲᐣ ᐅ ᒥᐦᑯᔨᐤ ᐅᐦᒋ ᐊᓂᐦᐃ ᐱᔦᓯᓴ, ᒥᓇ ᐊᓂᒪ ᑳ ᐱᒥᒋᐊᐧᕽ ᓂᐱ, ᒥᓇ ᑳ ᐱᒫᑎᓯᔨᐟ ᐱᔦᓯᓴ, ᒥᓇ ᐊᓂᒪ ᒫᓯᑭᐢᑳᑎᐠ, ᒥᓇ ᐊᓂᒪ ᐦᐃᓴᑊ, ᒥᓇ ᒥᐦᑫᐧᑭᐣ. 53ᒫᑲ ᑳ ᐱᒫᑎᓯᔨᐟ ᐱᔦᓯᓴ ᑭᑕ ᐸᑭᑎᓀᐤ ᐊᐧᔭᐃᐧᑎᒫᔨᕽ ᐅᑌᓈᕽ ᐃᑕ ᐁ ᑕᐋᐧᐠ; ᐁᑯᓯ ᑭᑕ ᐅᓯᐦᑖᐤ ᐯᔭᑯᐃᑐᐃᐧᐣ ᐋᐧᐢᑳᐦᐃᑲᐣ ᐅᐦᒋ ᒥᓇ ᑭᑕ ᐯᑲᐣ.
54ᐁᐊᐧᑯ ᐅᒪ ᐁᑕᓱᐋᐧᒋᑳᑌᐠ ᑲᐦᑭᔭᐤ ᓇᓈᑐᕽ ᑐᐃᐧ ᐋᔨᒫᐢᐱᓀᐃᐧᐣ ᒪᒑᐢᐱᓀᐃᐧᐣ, ᒥᓇ ᒧᐢᑭᐸᔨᐃᐧᐣ. 55ᒥᓇ ᒪᒑᐢᐱᓀᐃᐧᐣ ᐁ ᐊᔮᐠ ᒥᐢᑯᑖᑲᕽ, ᒥᓇ ᐋᐧᐢᑳᐦᐃᑲᓂᕽ. 56ᒥᓇ ᐹᑭᐸᔨᐃᐧᐣ, ᒥᓇ ᐅᒥᑭᐃᐧᐣ, ᒥᓇ ᐁ ᑭᒐᑭ ᐊᔮᐠ. 57ᑭᑕ ᑭᐢᑭᓄᐦᐊᒫᑫᕽ ᑭᐢᐱᐣ ᐁ ᐯᑲᕽ ᒥᓇ ᑭᐢᐱᐣ ᐁᑳ ᐁ ᐯᑲᕽ; ᐁᐊᐧᑯᒪ ᐁᑕᓱᐋᐧᒋᑳᑌᐠ ᒪᒑᐢᐱᓀᐃᐧᐣ.
Currently Selected:
ᓬᐃᐱᑎᑲᐢ 14: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
