ᓬᐃᐱᑎᑲᐢ 15
15
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ, ᐅᒥᓯ ᐁ ᐃᑖᐟ, 2ᐊᔭᒥᐃᐠ ᐊᓂᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᒥᓯ ᒫᑲ ᐃᑎᑯᐠ, ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐅᐦᒋᑲᐃᐧᒋ ᐅ ᐃᐧᔮᓯᕽ, ᐊᓂᒪ ᐅᐦᒋᑲᐃᐧᐃᐧᐣ ᐅᐦᒋ ᓇᒪᐃᐧᔭ ᑭᑕ ᐯᑭᓯᐤ. 3ᐁᐊᐧᑫᐧᔨᐤ ᒫᑲ ᐅᒪ ᑫ ᐃᓯ ᐁᑳ ᐯᑭᓯᐟ ᑳ ᐅᐦᒋᑲᐋᐧᐢᐱᓀᐟ. ᑭᐢᐱᐣ ᐅ ᐃᐧᔮᐢ ᐁ ᑭᑭ ᐅᐦᒋᑲᐊᐧᓂᔨᐠ ᐊᐦᐳ ᐅᐃᐧᔭᐢ ᑭᐱᐦᒋ ᐅᐦᒋᑲᐊᐧᓂᔨᐠ, ᐁᐊᐧᑫᐧᔨᐤ ᐅᐦᒋ ᐁᑳ ᑳ ᐯᑭᓯᐟ. 4ᑲᐦᑭᔭᐤ ᓂᐯᐃᐧᐣ ᐃᑕ ᐁ ᐱᒥᓯᕽ ᐊᓇ ᑳ ᐅᐦᒋᑲᐋᐧᐢᐱᓀᐟ ᓇᒪᐃᐧᔭ ᑭᑕ ᐯᑲᐣ; ᒥᓇ ᑲᐦᑭᔭᐤ ᑫᑲᐧᐩ ᑳ ᑌᐦᑕᐱᐟ ᓇᒪᐃᐧᔭ ᑭᑕ ᐯᑲᐣ. 5ᐊᐃᐧᔭᐠ ᒫᑲ ᓵᒥᓇᒫᐧᔨᒋ ᐅᓂᐯᐃᐧᓂᔨᐤ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᑭᑕ ᑭᒋᐢᑖᐸᐊᐧᔪ ᓂᐱᕽ, ᐁᑯᓯ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 6ᐊᐃᐧᔭᐠ ᒫᑲ ᑌᐦᑕᐱᒋ ᓈᐣᑕᐤ ᑫᑲᐧᐩ ᐁ ᑭ ᑌᐦᑕᐱᔨᐟ ᐊᓂᐦᐃ ᑳ ᐅᐦᒋᑲᐋᐧᐢᐱᓀᔨᐟ, ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᑭᑕ ᑭᒋᐢᑖᐸᐊᐧᔪ ᓂᐱᕽ, ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 7ᐊᓇ ᒫᑲ ᑳ ᓵᒥᓇᒫᐧᐟ ᐅ ᐃᐧᔮᓯᔨᐤ ᐊᓂᐦᐃ ᑳ ᐅᐦᒋᑲᐋᐧᐢᐱᓀᔨᐟ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᑭᑕ ᑭᒋᐢᑖᐸᐊᐧᔪ ᓂᐱᕽ, ᐁᑯᓯ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 8ᑭᐢᐱᐣ ᒫᑲ ᐊᓇ ᑳ ᐅᐦᒋᑲᐋᐧᐢᐱᓀᐟ ᓯᑳᐧᑖᒋ ᐊᐃᐧᔭ ᐁ ᐯᑭᓯᔨᐟ; ᐁᑲᐧ ᐁᐊᐧᑲᐧᓇ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᑭᑕ ᑭᒋᐢᑖᐸᐊᐧᔪ ᓂᐱᕽ ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 9ᒥᓇ ᐱᑯ ᐊᓂᒪ ᐊᐢᐸᐱᐃᐧᐣ ᐊᓇ ᑳ ᐅᐦᒋᑲᐊᐧᐢᐱᓀᐟ ᐋᐸᒋᐦᑖᒋ ᐁ ᑌᐦᑕᐱᐟ ᓇᒪᐃᐧᔭ ᑭᑕ ᐯᑲᐣ. 10ᒥᓇ ᐱᑯ ᐊᐃᐧᔭᐠ ᓵᒥᓇᑭ ᓈᐣᑕᐤ ᑫᑲᐧᐩ ᐁ ᑭ ᐊᐢᐸᐱᔨᐟ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ; ᒥᓇ ᐊᐃᐧᔭᐠ ᐱᒥᐃᐧᑖᒋ ᐁᐊᐧᑯᓂ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᒥᓇ ᑭᑕ ᑭᒋᐢᑖᐹᐊᐧᔪ ᓂᐱᕽ, ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 11ᒥᓇ ᐱᑯ ᐊᐃᐧᔭ ᑳ ᓵᒥᓈᐟ ᐊᓇ ᐅᐦᒋᑲᐋᐧᐢᐱᓀᐃᐧᐣ ᑳ ᐊᔮᐟ, ᐁᑳ ᐁ ᐅᐦᒋ ᑳᓯᒋᐦᒉᐟ ᓂᐱᕽ, ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᒥᓇ ᑭᑕ ᑭᒋᐢᑖᐸᐊᐧᔪ ᓂᐱᕽ, ᐁᑯᓯ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᑭᑕ ᐅᑖᑯᓯᓂᔨᐠ. 12ᐊᓯᐢᑭᐃᐧ ᐊᓯᐊᐧᒋᑲᐣ ᒫᑲ ᓵᒥᓇᑭ ᐊᓇ ᑳ ᐅᐦᒋᑲᐋᐧᐢᐱᓀᐟ ᑭᑕ ᐱᑯᓂᑳᑌᐤ; ᒥᓇ ᑲᐦᑭᔭᐤ ᒥᐢᑎᐠ ᐊᓯᐊᐧᒋᑲᐣ ᑭᑕ ᑭᓯᐯᑭᓂᑳᑌᐤ. 13ᐃᐢᐱ ᒫᑲ ᐊᓇ ᑳ ᐅᐦᒋᑲᐋᐧᐢᐱᓀᐟ ᐯᑭᐃᐦᒋ ᐅᐦᒋᑲᐃᐧᐃᐧᐣ, ᐁᑲᐧ ᑭᑕ ᐊᑭᐦᑕᒫᓱ ᑌᐸᑯᑊ ᑭᓯᑳᐤ ᐅ ᐯᑭᐃᑯᐃᐧᐣ ᐅᐦᒋ, ᒥᓇ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ; ᒥᓇ ᑭᑕ ᑭᒋᐢᑖᐸᐊᐧᑖᐤ ᐃᐧᔭᐤ ᐁ ᐱᒥᒋᐊᐧᓂᔨᐠ ᓂᐱ, ᐁᑯᓯ ᑭᑕ ᐯᑭᓯᐤ. 14ᐊᔨᓈᓀᐅᑭᓯᑳᔨᑭ ᒫᑲ ᑭᑕ ᐅᑎᓀᐤ ᓂᓱ ᑖᐱᐢᑳᑲᓂ ᐅᒥᐦᒥᐊᐧ ᐊᐦᐳ ᓂᓱ ᐅᒥᐦᒥᓯᓴ, ᐁᑯᓯ ᑭᑕ ᐯ ᓇᑕᐃᐧ ᐅᐦᑎᐢᑲᐃᐧᐢᑲᐁᐧᐤ ᑳ ᑎᐯᔨᐦᒋᑫᔨᐟ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐊᐧᑊ, ᒥᓇ ᑭᑕ ᒥᔦᐤ ᐊᔭᒥᐦᐁᐃᐧᔨᓂᐊᐧ. 15ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᐸᑭᑎᓀᐤ, ᐊᓂᐦᐃ ᐯᔭᐠ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᐁᑯᓯ ᐊᓇ ᑯᑕᐠ ᒪᒍᐢᑌᐦᐊᒫᑫᐃᐧᐣ; ᐁᑯᓯ ᐊᔭᒥᐦᐁᐃᐧᔨᓂᐊᐧ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒫᐠ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᐅᐦᒋᑲᐋᐧᐢᐱᓀᐃᐧᐣ ᐅᐦᒋ.
16ᑭᐢᐱᐣ ᒫᑲ ᐊᔨᓯᔨᓂᐤ ᐁᐧᐦᒋ ᐅᐟ ᐊᐋᐧᓯᒥᓯᐟ ᓇᑲᑎᑯᒋ, ᑭᑕ ᑭᒋᐢᑖᐹᐊᐧᔪ ᒥᓯᐁᐧ ᐃᐧᔭᐃᐧᕽ, ᐁᑯᓯ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 17ᑲᐦᑭᔭᐤ ᒫᑲ ᑭᑭᐢᑳᒋᑲᐣ ᐃᑕ ᑳ ᐊᔮᐠ ᒥᓇ ᑲᐦᑭᔭᐤ ᐸᑫᑭᐣ ᐃᑕ ᑳ ᐊᔮᐠ ᑭᑕ ᑭᓯᐯᑭᓂᑳᑌᐤ ᓂᐱ ᐅᐦᒋ ᒥᓇ ᓇᒪᐃᐧᔭ ᑭᑕ ᐯᑲᐣ ᐃᐢᑯ ᑭᑕ ᐅᑖᑯᓯᐠ. 18ᐃᐢᑫᐧᐤ ᒥᓇ ᑫ ᐃᐧᒋᐊᔮᒥᑯᐟ ᓈᐯᐊᐧ ᐃᑕ ᑭᑕ ᐅᐦᒋ ᐅᐟ ᐊᐋᐧᓯᒥᓯᐟ, ᑖᐱᐢᑯᐨ ᑭᑕ ᑭᒋᐢᑖᐹᐊᐧᔪᐊᐧᐠ ᓂᐱ ᐅᐦᒋ, ᒥᓇ ᓇᒪᐃᐧᔭ ᑭᑕ ᐯᑭᓯᐊᐧᐠ ᐃᐢᑯ ᐁ ᐅᑖᑯᓯᓂᔨᐠ.
19ᑭᐢᐱᐣ ᒫᑲ ᐃᐢᑫᐧᐤ ᐊᔮᒋ ᐅᐦᒋᑲᐋᐧᐢᐱᓀᐃᐧᐣ, ᐁ ᐅᐦᒋᑲᐃᐧᐟ ᒫᑲ ᐅ ᐃᐧᔮᓯᕽ ᒥᐦᑯᐊᐧᓂᔨᑭ, ᑭᑕ ᐱᐢᑭᐦᒋ ᐊᔮᐤ ᑌᐸᑯᑊ ᑭᓯᑳᐊᐧ; ᐊᐃᐧᔭᐠ ᒫᑲ ᓵᒥᓈᒋ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᑭᑕ ᐅᑖᑯᓯᓂᔨᐠ. 20ᑕᐦᑐ ᑫᑲᐧᐩ ᒫᑲ ᐁ ᐊᐢᐱᓯᒧᐟ ᒣᑳᐧᐨ ᐁ ᐱᐢᑭᒋ ᐊᔮᐟ ᓇᒪᐃᐧᔭ ᑭᑕ ᐯᑲᓂᔨᐤ; ᑕᐦᑐ ᑫᑲᐧᐩ ᒥᓇ ᐁ ᐊᐢᐸᐱᐟ ᓇᒪᐃᐧᔭ ᑭᑕ ᐯᑲᓂᔨᐤ. 21ᐊᐃᐧᔭᐠ ᒫᑲ ᓵᒥᓇᒫᐧᒋ ᐅ ᓂᐯᐃᐧᓂᔨᐤ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᒥᓇ ᑭᑕ ᑭᒋᐢᑖᐸᐊᐧᔪ ᓂᐱᕽ, ᐁᑯᓯ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᑭᑕ ᐅᑖᑯᓯᓂᔨᐠ. 22ᐊᐃᐧᔭᐠ ᒫᑲ ᓵᒥᓇᒫᐧᔨᒋ ᓈᐣᑕᐤ ᑫᑲᐧᐩ ᐁ ᑭ ᐊᐢᐸᐱᔨᐟ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᒥᓇ ᑭᑕ ᑭᒋᐢᑖᐹᐊᐧᔪ ᓂᐱᕽ, ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᑭᑕ ᐅᑖᑯᓯᓂᔨᐠ. 23ᑭᐢᐱᐣ ᒫᑲ ᐅ ᓂᐯᐃᐧᓂᔨᐤ ᐊᐦᐳ ᓈᐣᑕᐤ ᑫᑲᐧᐩ ᐁ ᑭ ᐊᐢᐸᐱᔨᐟ, ᑭᐢᐱᐣ ᓵᒥᓇᒫᐧᒋ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᑭᑕ ᐅᑖᑯᓯᓂᔨᐠ. 24ᑭᐢᐱᐣ ᒫᑲ ᐊᐃᐧᔭᐠ ᓈᐯᐤ ᐃᐧᒉᐋᐧᒋ ᐁᑯᓯ ᐅᐟ ᐃᓯᐊᔮᐃᐧᓂᔨᐤ ᑭᑭᐢᑳᑯᒋ, ᓇᒪᐃᐧᔭ ᑭᑕ ᐯᑭᓯᐤ ᑌᐸᑯᑊ ᑕᐦᑐ ᑭᓯᑳᐤ; ᒥᓇ ᑲᐦᑭᔭᐤ ᓂᐯᐃᐧᐣ ᐃᑕ ᑫ ᐱᒥᓯᕽ ᓇᒪᐃᐧᔭ ᑭᑕ ᐯᑲᐣ.
25ᑭᐢᐱᐣ ᒫᑲ ᐃᐢᑫᐧᐤ ᐅᐦᒋᑲᐃᐧᑫᐧᒋ ᒥᐦᒉᑐᑭᓯᑳᐤ, ᓇᒪᐃᐧᔭ ᒣᑳᐧᐨ ᐅᐟ ᐋᐦᑯᓯᐃᐧᓂᕽ ᐊᐦᐳ ᐅᐦᒋᑲᐃᐧᑫᐧᒋ ᑳᓯᐢᐳ ᐅᐟ ᐋᐦᑯᓯᐃᐧᓂᕽ; ᑲᐦᑭᔭᐤ ᐊᓂᐦᐃ ᑭᓯᑳᐊᐧ ᑳ ᐅᐦᒋᑲᐋᐧᐢᐱᓀᐟ ᑭᑕ ᐃᓯ ᐊᔮᐤ ᑖᐱᐢᑯᐨ ᒣᑳᐧᐨ ᐅ ᐱᐢᑭᒋ ᐊᔮᐃᐧᓂᕽ; ᓇᒪᐃᐧᔭ ᐯᑭᓯᐤ. 26ᑲᐦᑭᔭᐤ ᓂᐯᐃᐧᐣ ᐃᑕ ᑫ ᐱᒥᓯᕽ ᒣᑳᐧᐨ ᐁ ᐅᐦᒋᑲᐋᐧᐢᐱᓀᐟ ᑭᑕ ᐃᓯᐊᔮᔨᐤ ᑖᐱᐢᑯᐨ ᐅ ᓂᐯᐃᐧᐣ ᒣᑳᐧᐨ ᐁ ᐱᐢᑭᒋ ᐊᔮᐟ; ᒥᓇ ᑲᐦᑭᔭᐤ ᑫᑲᐧᐩ ᑫ ᐊᐢᐸᐱᐟ ᓇᒪᐃᐧᔭ ᑭᑕ ᐯᑲᐣ ᑖᐱᐢᑯᐨ ᐁᑳ ᐁ ᐯᑭᓯᐟ ᐅ ᐱᐢᑭᒋ ᐊᔮᐃᐧᓂᕽ. 27ᐊᐃᐧᔭᐠ ᒫᑲ ᑫ ᓵᒥᓇᒧᑫᐧ ᐁᐊᐧᑯᓂ ᓇᒪᐃᐧᔭ ᑭᑕ ᐯᑭᓯᐤ, ᐁᑯᓯ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᒥᓇ ᑭᑕ ᑭᒋᐢᑖᐹᐊᐧᔪ ᓂᐱᕽ, ᐁᑯᓯ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᑭᑕ ᐅᑖᑯᓯᓂᔨᐠ. 28ᒫᑲ ᑭᐢᐱᐣ ᑭ ᐯᑭᐃᐦᒋ ᐅᐦᒋᑲᐋᐧᐢᐱᓀᐃᐧᓂᕽ, ᐁᑲᐧ ᑭᑕ ᐊᑭᐦᑕᒫᓱ ᑌᐸᑯᑊ ᑭᓯᑳᐊᐧ, ᒣᐧᐢᑕᐢ ᐃᔨᑯᕽ ᒫᑲ ᑭᑕ ᐯᑭᓯᐤ. 29ᐊᑎ ᐊᔨᓈᓀᐅᑭᓯᑳᔨᑭ ᒫᑲ ᑭᑕ ᐅᑎᓀᐤ ᓂᓱ ᑖᐱᐢᑳᑲᓂ ᐅᒥᐦᒥᐊᐧ, ᐊᐦᐳ ᓂᓱ ᐅᒥᐦᒥᓯᓴ, ᒥᓇ ᑭᑕ ᐯ ᒥᔦᐤ ᐊᔭᒥᐦᐁᐃᐧᔨᓂᐊᐧ ᐃᐢᑲᐧᑌᒥᕽ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 30ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐸᑭᑎᓀᐤ ᐯᔭᐠ ᐊᓂᐦᐃ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᐁᑯᓯ ᐊᓂᐦᐃ ᑯᑕᑲ ᒪᒍᐢᑌᐦᐊᒫᑫᐃᐧᐣ; ᐊᔭᒥᐦᐁᐃᐧᔨᓂᐊᐧ ᒫᑲ ᑭᑕ ᐅᓯᐦᑕᒫᐠ ᐯᔭᑯᐃᑐᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᐊᓂᒪ ᐅᐦᒋ ᐁᑳ ᑳ ᑭ ᐯᑭᓯᐟ.
31ᐁᑯᓯ ᐅᒪ ᑫ ᐃᓯ ᐱᐢᑭᒋᐋᔦᑳᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᓂᒪ ᐁᑳ ᑳ ᐯᑭᓯᒋᐠ; ᐁᑳ ᑭᑕ ᑭᑭ ᓂᐱᒋᐠ ᐁᑳ ᐁ ᐯᑭᓯᒋᐠ, ᑭᐢᐱᐣ ᐁ ᐃᐧᔨᐱᑖᒋᐠ ᓂᑭ ᒣᑳᐧ ᐊᔨᕽ ᑳ ᐊᔮᐠ ᐃᑕ ᑳ ᐊᔮᒋᐠ.
32ᐁᑯᓯ ᐅᒪ ᐁᑕᓱᐋᐧᑎᐦᐟ ᐊᓇ ᑳ ᐅᐦᒋᑲᐋᐧᐢᐱᓀᐟ, ᒥᓇ ᐊᓇ ᑳ ᓇᑲᑎᑯᐟ ᐁᐧᒋ ᐅᐟ ᐊᐋᐧᓯᒥᓯᐟ, ᐁᑯᓯ ᐁᑯᑕ ᐅᐦᒋ ᐁᑳ ᐁ ᐯᑭᓯᐟ. 33ᒥᓇ ᐊᓇ ᑳ ᐋᐦᑯᓯᐟ ᐅ ᐱᐢᑭᒋᐦᐃᑯᐃᐧᓂᕽ ᒥᓇ ᐊᓇ ᑳ ᐅᐦᒋᑲᐋᐧᐢᐱᓀᐟ, ᐊᓇ ᓈᐯᐤ ᒥᓇ ᐊᓇ ᐃᐢᑫᐧᐤ, ᒥᓇ ᐊᓇ ᑳ ᐃᐧᒉᐋᐧᐟ ᐋᓂᐃ ᐁᑳ ᑳ ᐯᑭᓯᔨᐟ.
Currently Selected:
ᓬᐃᐱᑎᑲᐢ 15: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
