ᒑᐢᔪᐊ 7
7
1ᒫᑲ ᐃᐢᕒᐁᐃᓬ ᐅᑕᐋᐧᓯᒥᓴ ᑭᐊᐧᓂᑐᑕᒪᐧᐠ ᑳ ᐸᑭᑌᔨᑖᑲᐧᕽ; ᒋᑫᒫ ᐁᑲᐣ, ᐅᑯᓯᓴ ᑳᕒᒪᐩ, ᐅᑯᓯᓴ ᓵᐱᑕᐩ, ᐅᑯᓯᓴ ᓯᕒᐊ, ᒍᑕ ᐅ ᐱᐢᑭᑐᑌᐃᐧᓯᐃᐧᓂᕽ ᐅᐦᒋ, ᑭ ᐅᑎᓇᒼ ᑳ ᐸᑭᑌᔨᑖᑲᐧᓂᔨᐠ; ᑳ ᑎᐯᔨᐦᒋᑫᐟ ᒫᑲ ᑭ ᑭᓰᐢᑕᐁᐧᐤ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ.
2ᒑᐢᔪᐊ ᒫᑲ ᑭ ᐃᓯᑎᓴᐁᐧᐤ ᓈᐯᐊᐧ ᐊᓂᑕ ᐁᐊᐩ ᒉᕒᐃᑯᐃᕽ ᐅᐦᒋ, ᐊᓂᒪ ᐅᐦᐱᒣ ᐯᐟᐁᐱᐣ ᑳ ᐊᔮᐠ, ᐋᐧᐸᓄᑖᕽ ᐃᑌᐦᑫ ᐊᓂᒪ ᐯᐦᑎᓬ, ᐁᑯᓯ ᐁ ᑭ ᐊᔭᒥᐦᐋᐟ, ᐅᒥᓯ ᐁ ᐃᑖᐟ, ᓂᑕᐊᐧᐸᑕᒧᐠ ᐊᐢᑭ. ᐊᓂᑭ ᒫᑲ ᓈᐯᐊᐧᐠ ᑭ ᓯᐯᐧᑌᐊᐧᐠ ᐁ ᑭ ᓂᑕᐋᐧᐸᐦᑕᑭᐠ ᐁᐊᐩ. 3ᑭ ᐯ ᓈᑌᐊᐧᐠ ᒫᑲ ᐊᓂᐦᐃ ᒑᐢᔪᐊᐊᐧ, ᐅᒥᓯ ᐁ ᑭ ᐃᑕᒋᐠ, ᑭᔮᒼ ᐁᑳᐃᐧᔭ ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᐃᑐᐦᑌᐊᐧᐠ; ᑭᔮᒼ ᐱᑯ ᓈᐣᑕᐤ ᓂᓵᐧᐤ ᐊᐦᐳ ᓂᐢᑖᐧᐤ ᑭᐦᒋ ᒥᑖᑐᒥᑕᓇᐤ ᐊᔨᓯᔨᓂᐊᐧᐠ ᑭᑕ ᐃᑐᐦᑌᐊᐧᐠ ᑭᑕ ᓂᐸᑕᒋᐠ ᐁᐊᐩ, ᐁᑳᐃᐧᔭ ᐱᑯᓂᑕ ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᐊᑐᐢᑫᐊᐧᐠ; ᒋᑫᒫ ᒐᑲᐊᐧᓯᓯᐊᐧᐠ: 4ᐁᑯᓯ ᒫᑲ ᑭ ᓯᐯᐧᑌᐊᐧᐠ ᐊᔨᓯᔨᓂᐊᐧᐠ ᓈᐣᑕᐤ ᓂᐢᑖᐧᐤ ᑭᐦᒋᒥᑕᑐᒥᑕᓇᐤ ᓈᐯᐊᐧᐠ; ᑭ ᑕᐸᓯᐁᐊᐧᐠ ᒫᑲ ᐁᐊᐩ ᓈᐯᐊᐧ. 5ᐁᐊᐩ ᒫᑲ ᐊᔨᓯᔨᓂᐊᐧᐠ ᑭ ᓂᐸᐁᐊᐧᐠ, ᓇᐣᑕᐤ ᓂᐢᑐᒥᑕᓇᐤ ᓂᑯᑖᐧᓱᓵᑊ ᓈᐯᐊᐧ: ᒋᑫᒫ ᐃᐢᑳᐧᑌᒥᕽ ᑭ ᐅᐦᒋ ᐱᒥᑎᓴᐁᐧᐊᐧᐠ ᓯᐯᕒᐁᒼ ᒫᑲ ᐃᐢᑯ, ᐁᑯᓯ ᐁ ᑭ ᓂᐸᐦᐋᒋᐠ ᐁ ᐊᑎ ᐱᓇᓯᐁᐧᔭᔨᐠ; ᐁᐊᐧᑯ ᒫᑲ ᐅᐦᒋ ᐊᔨᓯᔨᓂᐊᐧᐠ ᐅᑌᐃᐋᐧᐊᐧ ᑭ ᑎᑭᑌᔨᐊᐧ, ᒥᓇ ᑖᐱᐢᑯᐨ ᓂᐱ ᐁ ᑭ ᐃᓯ ᐊᔮᔨᑭ.
6ᒑᐢᔪᐊ ᒫᑲ ᑭ ᔭᔨᑭᐱᑕᒼ ᐅ ᑭᑭᐢᑳᒋᑲᓇ ᒥᓇ ᐁ ᑭ ᐃᐢᐸᔨᐅᐟ ᒧᐢᑕᐢᑲᒥᐠ ᐅᐦᑎᐢᑲᐤ ᐅ ᑭᐢᑭᓄᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐅᑳᐧᑲᓂᕽ ᐃᓯ ᐱᔨᐢ ᐁ ᐅᑖᑯᓯᓂᔨᐠ, ᐃᐧᔮ ᒥᓇ ᑳ ᓂᑳᓀᔨᑖᑯᓯᔨᐟ ᐃᐢᕒᐁᐃᓬᐊ, ᒥᓇ ᒪᒋᑲᐧᓈᓴ ᐁ ᑭ ᐊᐢᑖᒋᐠ ᐅᐢᑎᑲᐧᓂᐊᐧᕽ. 7ᒑᐢᔪᐊ ᒫᑲ ᑭ ᐃᑌᐧᐤ, ᐋᐧᒋᐢᑕᑳᐨ, ᑳ ᑎᐯᔨᐦᒋᑫᔭᐣ ᑭᓭᒪᓂᑐ, ᑖᓀᐦᑭ ᑳ ᑭ ᐯ ᐊᓱᐊᐧᐅᔭᒋᐠ ᐅᑭ ᐊᔨᓯᔨᓂᐊᐧᐠ ᒑᕒᑕᓂᕽ, ᑭᑕ ᐸᑭᑎᓂᔮᕽ ᐅᒋᒋᐋᐧᕽ ᐊᓂᑭ ᐋᒪᕒᐊᐃᑕᐠ, ᑭᑕ ᓂᓯᐊᐧᓈᒋᐦᐃᑯᔮᐦᑭᐠ? ᐱᑕᓂ ᑭ ᐃᑌᔨᑕᒧᑯᐸᓀ ᑭᓭᒪᓂᑐ ᑭᑕ ᑭ ᑌᐯᔨᑕᒫᕽ ᐁᑯᓯ ᑭ ᐅᑕᐢᑭᔭᕽ ᒑᕒᑕᓂᕽ ᑫᐧᐢᑲᑳᒼ! 8ᑳ ᑎᐯᔨᐦᒋᑫᔭᐣ, ᑖᓂᓯ ᑫ ᐃᑌᐧᔮᐣ, ᐊᓂᑭ ᐃᐢᕒᐁᐃᓬᐊᐠ ᐁ ᐊᑎᒥᑲᐸᐃᐧᐢᑕᐋᐧᒋᐠ ᐅ ᓄᑎᓈᑲᓂᐋᐧᐊᐧ! 9ᒋᑫᒫ ᐊᓂᑭ ᑫᓇᓇᐃᑕᐠ ᒥᓇ ᑲᐦᑭᔭᐤ ᑳ ᐅᑕᐢᑭᒋᐠ ᐊᓂᑕ ᐊᐢᑭᕽ ᐯᐦᑕᒪᐧᐠ, ᐁᑯᓯ ᑭᑕ ᐊᐧᐢᑳᐢᑳᑯᔮᐦᑭᐠ, ᒥᓇ ᑭᑕ ᑲᓯᓇᑭᐠ ᓂ ᐃᐧᔪᐃᐧᓂᓈᐣ ᐊᐢᑭᕽ ᐅᐦᒋ; ᑖᓂᓯ ᒫᑲ ᑫ ᑐᑕᒪᐣ ᑭ ᑭᐦᒋ ᐃᐧᔪᐃᐧᐣ?
10ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒑᐢᔪᐊᐊᐧ, ᐊᐧᓂᐢᑳ; ᑖᓀᐦᑭ ᐅᒥᓯ ᐁᐧᒋ ᐃᓯᓂᔭᐣ ᑭᐦᑳᐧᑲᓂᕽ? 11ᐃᐢᕒᐁᐃᓬᐊᐠ ᑭ ᒪᒋᑐᑕᒪᐧᐠ, ᒥᓇ ᑭ ᐊᐧᓂᒥᑎᒣᐊᐧᐠ ᐊᓂᒪ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑭ ᐃᑕᓱᐋᐧᑕᑭᐠ; ᒋᑫᒫ ᑭ ᐅᑎᓇᒪᐧᐠ ᑳ ᐸᑭᑌᔨᑖᑲᓂᔨᐠ, ᒥᓇ ᑭ ᑭᒧᑎᐊᐧᐠ, ᒥᓇ ᑭ ᑲᑲᔦᓯ ᐊᔨᑎᐊᐠ, ᑭ ᐊᐢᑖᐊᐧᐠ ᒫᑲ ᐃᑕ ᐁ ᐊᔮᔨᑭ ᐅᑕᔮᐃᐧᓂᐋᐧᐊᐧ. 12ᐁᐊᐧᑯ ᒫᑲ ᐅᐦᒋ ᐃᐢᕒᐁᐃᓬ ᐅᑕᐋᐧᓯᒥᓴ ᓇᒪᐃᐧᔭ ᑭ ᐅᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᐅ ᓄᑎᓈᑲᓂᐋᐧᐊᐧ, ᒫᑲ ᑭ ᐊᑎᒥᑲᐸᐃᐧᐢᑕᐁᐧᐊᐧᐠ ᐅ ᓄᑎᓈᑲᓂᐋᐧᐊᐧ, ᒋᑫᒫ ᑭ ᒪᒐᑭᒋᑲᓱᐊᐧᐠ; ᐁᑯᓯ ᓇᒪᐃᐧᑳᐨ ᒥᓇ ᑭ ᑳ ᐃᐧᒉᐃᐧᑎᓈᐋᐧᐤ, ᐹᑎᒫ ᐱᑯ ᐃᔨᑯᕽ ᑭ ᓂᓯᐊᐧᓈᒋᑕᔦᑯ ᑳ ᒪᒐᑭᒋᑲᑌᐠ ᐃᑕ ᑳ ᐊᔮᔦᐠ ᐅᐦᒋ. 13ᐸᓯᑯ, ᑲᓈᒋᐦᐃᐠ ᐊᔨᓯᔨᓂᐊᐧᐠ ᒥᓇ ᐃᓯᐠ, ᑲᓈᒋᐦᐃᓱᐠ ᐋᐧᐸᐦᑭ ᐃᐢᑯ; ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᐊᔮᐤ ᑳ ᓇᓂᐳᒋᑲᓂᐊᐧᕽ ᐊᓂᑕ ᒣᑳᐧᐨ ᑳ ᐊᔭᔭᐣ, ᐃᐢᕒᐁᐃᓬ; ᓇᒪᐃᐧᔭ ᑳ ᑭ ᐅᑎᐢᑲᐃᐧᑲᐸᐃᐧᐢᑕᐋᐧᐊᐧᐠ ᑭ ᓄᑎᓈᑲᓇᐠ, ᐹᑎᒫ ᐱᑯ ᑭ ᐃᑲᑌᓇᒣᑯ ᑳ ᒪᒐᑭᒋᑲᑌᐠ ᐃᑕ ᑳ ᐊᔮᔦᐠ ᐅᐦᒋ. 14ᑫᑭᓭᐸᔭᑭ ᐃᓴ ᒫᑲ ᑭ ᑳ ᐯᓯᑲᐃᐧᓈᐋᐧᐤ ᐁ ᐊᔨᑕᑐᑌᐃᐧᓯᔦᐠ; ᑭᑕ ᐃᐦᑭᐣ ᒫᑲ, ᐊᓂᐦᐃ ᐁ ᐱᐢᑭᑐᑌᐃᐧᓯᔨᐟ ᑫ ᐅᑎᓈᐟ ᑳ ᑎᐯᔨᐦᒋᑫᐟ ᑭᑕ ᐯ ᐃᑐᐦᑌᐊᐧᐠ ᐁ ᐃᓯ ᐊᐧᑯᑐᒋᐠ; ᐊᓂᐦᐃ ᒫᑲ ᐁ ᐃᓯ ᐊᐧᑯᑐᔨᐟ ᑳ ᑎᐯᔨᐦᒋᑫᐟ ᑫ ᐅᑎᓈᐟ, ᑭᑕ ᐯ ᐃᑐᐦᑌᐊᐧᐠ ᐁ ᐃᑕᐦᑐᑲᒥᑭᓯᒋᐠ; ᐊᓂᐦᐃ ᒫᑲ ᐯᔭᑯᑲᒥᐠ ᑳ ᑎᐯᔨᐦᒋᑫᐟ ᑫ ᐅᑎᓈᐟ ᐹᐯᔭᐠ ᐊᔨᓯᔨᓂᐤ ᑭᑕ ᐯ ᐃᑐᐦᑌᐤ. 15ᑭᑕ ᐃᐦᑭᐣ ᒫᑲ ᐊᓇ ᑫ ᐅᑎᓂᐦᐟ ᑳ ᐸᑭᑌᔨᑖᑲᐧᓂᔨᐠ ᐁ ᐊᔮᐟ ᑭᑕ ᐃᐢᑳᐧᓵᐧᐤ ᐃᐢᑯᑌᐤ ᐅᐦᒋ, ᐃᐧᔭ ᒥᓇ ᑲᐦᑭᔭᐤ ᑳ ᐃᓯ ᐊᔮᐟ; ᒋᑫᒫ ᑭ ᐱᑯᓇᒼ ᐅ ᐃᐧᒋᐦᐃᓯᒋᑫᒥᐁᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᒋᑫᒫ ᑭ ᒪᒫᔨᓂᑫᐤ ᐃᐢᕒᐁᐃᓬᐃᕽ.
16ᐁᑯᓯ ᒑᐢᔪᐊ ᑭ ᐊᐧᓂᐢᑳᐤ ᐃᐧᐸᐨ ᐁ ᑫᑭᓭᐹᔮᐠ, ᒥᓇ ᐃᐢᕒᐁᐃᓬᐊ ᑭᓯᐋᐧᐠ ᑭ ᐯ ᐃᑐᐦᑕᐁᐤ ᐁ ᐃᑕᐦᑐᑌᐃᐧᓯᔨᐟ; ᒍᑕ ᒫᑲ ᐅ ᐱᐢᑭᑐᑌᐃᐧᓯᐃᐧᐣ ᑭ ᐅᑎᓈᐊᐧᐠ; 17ᐁᑯᓯ ᒍᑕ ᐁ ᐃᓯ ᐋᐧᑯᑐᔨᐟ ᑭᓯᐋᐧᐠ ᑭ ᐯ ᐃᑐᐦᑕᐁᐤ; ᐁ ᐃᓯ ᐋᐧᑯᑐᒋᐠ ᒫᑲ ᓯᕒᐊᐦᐊᐃᑕᐠ ᑭ ᐅᑎᓈᐊᐧᐠ; ᐁ ᐃᓯ ᐋᐧᑯᑐᒋᐠ ᒫᑲ ᓯᕒᐊᐦᐊᐃᑕᐠ ᑭᓯᐋᐧᐠ ᑭ ᐯ ᐃᑐᐦᑕᐋᐊᐧᐠ ᐁ ᐃᑕᐦᑐᑲᒥᑭᓯᒋᐠ; ᓵᐱᑕᐩ ᒫᑲ ᑭ ᐅᑎᓈᐤ; 18ᐁᐊᐧᑯ ᒫᑲ ᐁ ᐯᔭᑯᑲᒥᑭᓯᐟ ᑭᓯᐋᐧᐠ ᑭ ᐯ ᐃᑐᐦᑕᐋᐤ ᐁ ᐃᐦᑕᓯᒋᐠ ᓈᐯᐊᐧᐠ; ᐁᑲᐣ ᒫᑲ ᐅᑯᓯᓴ ᑳᕒᒪᐩ, ᐅᑯᓯᓴ ᓵᐱᑕᐩ, ᐅᑯᓯᓴ ᓯᕒᐊ, ᒍᑕ ᐅ ᐱᐢᑭᑕᑌᐃᐧᓯᐃᐧᐣ, ᑭ ᐅᑎᓈᐤ. 19ᒑᐢᔪᐊ ᒫᑲ ᐅᒥᓯ ᑭ ᐃᑌᐤ ᐁᑲᓇ, ᓂᑯᓭ, ᑭ ᐸᑯᓭᔨᒥᑎᐣ, ᒪᒪᑕᑭᒼ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᒥᓇ ᐃᐧᐦᑕᒪᐤ, ᐊᒋᒧᐢᑕᐃᐧᐣ ᐃᓴ ᒫᑲ ᐁᑲᐧ ᑫᑲᐧᐩ ᑳ ᑭ ᑐᑕᒪᐣ; ᐁᑳᐃᐧᔭ ᑲᑕᒪᐃᐧᐣ. 20ᐁᑲᐣ ᒫᑲ ᑭ ᓇᐢᑫᐧᐊᐧᓯᒣᐤ ᒑᐢᔪᐊ, ᐅᒥᓯ ᐁ ᑭ ᐃᑖᐟ, ᑖᐯᐧ ᐃᓴ ᓂ ᑭ ᒪᒋᑐᑕᐋᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᐁᑯᓯ ᒫᑲ ᐅᒪ ᑳ ᑐᑕᒪᐣ; 21ᐃᐢᐱ ᐁ ᐋᐧᐸᐦᑕᒪᐣ ᐃᑕ ᐁ ᐊᔭᑭ ᒪᐢᑲᑌᐧᐃᐧᓇ ᐁ ᒥᐋᐧᓯᐠ ᐹᐱᓬᐊᐣ ᒥᐢᑯᑕᑲᐩ, ᒥᓇ ᓂᓵᐧᐤ ᒥᑖᑐᒥᑕᓇᐤ ᑕᐦᑖᐧᐱᐢᐠ ᓱᓂᔮᐤ, ᒥᓇ ᐅᓴᐃᐧᓱᓂᔭᐊᐧᐱᐢᐠ ᓂᔮᓇᓄᒥᑕᓇᐤ ᑕᐦᑖᐧᐱᐢᐠ ᐁ ᐃᐢᐱᑎᓂᑳᐠ, ᓂ ᑭ ᒧᐢᑕᐃᐧᓀᐣ, ᐁᑯᓯ ᓂ ᑭ ᐅᑎᓀᐣ; ᒋᐢᐟ ᒫᑲ, ᓂ ᑭ ᑳᑖᐣ ᐊᓂᑕ ᐊᐢᑭᕽ ᑖᐊᐧᔨᕽ ᓂ ᒥᑭᐋᐧᐦᐱᕽ, ᓱᓂᔮᐤ ᒫᑲ ᐊᑖᒥᕽ ᐊᔮᐤ ᐁᑯᑕ.
22ᐁᑯᓯ ᒑᐢᔪᐊ ᑭ ᐃᓯᑎᓴᐁᐧᐤ ᒥᓯᓇᐁᐧᐊᐧ, ᑭ ᐃᐢᐸᐦᑖᐊᐧᐠ ᒫᑲ ᒥᑭᐊᐧᐱᕽ; ᒋᐢᐟ ᒫᑲ, ᑭ ᑲᑕᐤ ᒥᑭᐊᐧᐱᕽ, ᓱᓂᔮᐤ ᐊᑕᒥᕽ ᐃᑌᐦᑫ. 23ᑭ ᐅᑎᓇᒪᐧᐠ ᒫᑲ ᒥᑭᐋᐧᐦᐱᕽ ᐅᐦᒋ, ᐁ ᑭ ᐯᑕᒪᐋᐧᒋᐠ ᒑᐢᔪᐊ, ᒥᓇ ᑲᐦᑭᔭᐤ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ, ᐁ ᑭ ᒧᐢᑲᐢᑕᒪᐋᐧᒋᐠ ᑳ ᑎᐯᔨᐦᒋᑫᔨᐟ. 24ᒑᐢᔪᐊ ᒫᑲ, ᒥᓇ ᑲᐦᑭᔭᐤ ᐃᐢᕒᐁᐃᓬᐊ ᐊᓯᒋ, ᑭ ᐅᑎᓀᐊᐧᐠ ᐁᑲᐣ ᐅᑯᓯᓴ ᓯᕒᐊ, ᒥᓇ ᓱᓂᔮᐊᐧ, ᒥᐢᑯᑕᑲᔨᐤ, ᒥᓇ ᐅᓴᐃᐧᓱᓂᔭᐊᐧᐱᐢᑯᔨᐤ ᒥᓇ ᐅᑯᓯᓯᔨᐊᐧ, ᒥᓇ ᐅᑕᓂᓯᔨᐊᐧ, ᒥᓇ ᐅᒧᐢᑐᓱᒥᔨᐊᐧ, ᒥᓇ ᐅᓱᓱᒥᐢᑕᑎᒧᒥᔨᐊᐧ, ᒥᓇ ᐅᒪᔭᑎᑯᒥᔨᐊᐧ, ᒥᓇ ᐅᒥᑭᐊᐧᐱᔨᐤ, ᒥᓇ ᑲᐦᑭᔭᐤ ᑳ ᐃᓯ ᐊᔭᔨᐟ; ᑭ ᐯᓯᐁᐧᐊᐧᐠ ᒫᑲ ᐁᑯᕒ ᐊᐧᔭᑌᓇᕽ. 25ᒑᐢᔪᐊ ᒫᑲ ᑭ ᐃᑌᐤ, ᑖᓀᑭ ᑳ ᑭ ᒥᑯᐢᑳᒋᐃᔭᕽ? ᑳ ᑎᐯᔨᐦᒋᑫᐟ ᑭ ᑲ ᒥᑯᐢᑳᒋᐃᐠ ᐊᓄᐦᐨ ᑳ ᑭᓯᑳᐠ. ᑲᐦᑭᔭᐤ ᒫᑲ ᐃᐢᕒᐁᐃᓬᐊᐠ ᑭ ᐱᒪᐧᐱᐢᑲᐁᐊᐧᐠ ᐊᓯᓂᔭ ᐅᐦᒋ, ᒥᓇ ᐁ ᑭ ᓴᐢᑲᐊᐧᒋᐠ ᐃᐢᑯᑌᐤ ᐅᐦᒋ, ᐃᐢᐱ ᑳ ᐳᓂ ᐱᒪᐧᐱᐢᑲᐊᒋᐠ. 26ᑕᑯᐨ ᒫᑲ ᐁᑯᑕ ᑭ ᑭᐦᒋ ᐱᐢᑯᓯᒣᐊᐧᐠ ᐊᓯᓂᔭ ᐱᔨᐢ ᐊᓄᐦᐨ ᑳ ᑭᓯᑳᐠ. ᐁᑯᓯ ᒫᑲ ᑳ ᑎᐯᔨᐦᒋᑫᐟ ᑭ ᐳᓂᑕᐤ ᐁᓯ ᑭᐦᒋ ᑭᓯᐊᐧᓯᐟ. ᐁᐊᐧᑯ ᒫᑲ ᐅᐦᒋ ᐁᑯᑕ ᑭ ᐃᓯᔨᐦᑳᑌᐤ, ᐁᑯᕒ ᐊᐧᔭᑎᓇᐤ, ᐱᔨᐢ ᐊᓄᐦᐨ ᑳ ᑭᓯᑳᐠ.
Currently Selected:
ᒑᐢᔪᐊ 7: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
