ᒑᐢᔪᐊ 6
6
1ᐊᓂᒪ ᒫᑲ ᒉᕒᐃᑯ ᒥᑐᓂ ᑭ ᑭᐸᐦᐃᑳᑌᐤ ᐃᐢᕒᐁᐃᓬ ᐅᑕᐋᐧᓯᒥᓴ ᐅᐦᒋ; ᓇᒫᐃᐧᔭᐠ ᑭ ᐊᐧᔭᐃᐧᐤ, ᓇᒫᐃᐧᔭᐠ ᑭ ᐱᐦᑐᑫᐤ. 2ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒑᐢᔪᐊ, ᒋᐢᐟ ᓂ ᑭ ᐸᑭᑎᓀᐣ ᒉᕒᐃᑯ ᑭᒋᒋᕽ, ᒥᓇ ᑭᐦᒋ ᐅᑭᒫᐤ ᐁᑯᑕ, ᒥᓇ ᑭᐦᒋ ᓇᑐᐸᔨᐃᐧᔨᓂᐊᐧᐠ. 3ᑭ ᑲ ᐊᐧᐢᑲᐢᑫᓈᐋᐧᐤ ᒫᑲ ᐅᑌᓇᐤ ᑲᐦᑭᔭᐤ ᑭᔭᐋᐧᐤ ᓇᑐᐸᔨᐃᐧᔨᓂᑎᐠ, ᐯᔭᑳᐧᐤ ᑭᑕ ᐋᐧᐢᑳᐢᑲᒣᐠ ᐅᑌᓇᐤ. ᐁᑯᓯ ᑫᑐᑕᒣᐠ ᓂᑯᑖᐧᓱ ᑭᓯᑳᐊᐧ. 4ᑌᐸᑯᐦᑊ ᒫᑲ ᐊᔭᒥᐦᐁᐃᐧᔨᓂᐊᐧᐠ ᑭᑕ ᐱᒥᐃᐧᑕᐊᐧᐠ ᓂᑲᓂᕽ ᑭᐢᑭᓄᐋᐧᒋᐅᐃᐧᓂᐊᐧᑎᕽ ᑌᐸᑯᑊ ᐱᐱᑲᐧᓇ ᔭᐯ ᒪᔭᑎᕽ ᐅᑌᐢᑲᓇ; ᐊᑎ ᑌᐸᑯᐦᐳ ᑭᓯᑳᑭ ᒫᑲ ᑭ ᑲ ᐊᐧᐢᑲᐢᑫᓈᐋᐧᐤ ᐅᑌᓇᐤ ᑌᐸᑯᐦᐹᐧᐤ, ᐊᓂᑭ ᒫᑲ ᐊᔭᒥᐦᐁᐃᐧᔨᓂᐊᐧᐠ ᑭᑕ ᐳᑖᑕᒪᐧᐠ ᐱᐱᑲᐧᓇ. 5ᑭᑕ ᐅᑎᐦᒋᐸᔨᐤ ᒫᑲ ᐃᐢᐱ ᑭᓀᐧᐢ ᐳᑖᑕᑳᐧᐃᐧ ᔭᐯᐃᐧ ᒪᔭᑎᕽ ᐅᐟ ᐁᐢᑲᓇ, ᒥᓇ ᐃᐢᐱ ᐯᐦᑕᒣᑯ ᐁ ᐯᑕᑲᐧᕽ ᐱᐱᑲᐧᐣ, ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᑭᐦᒋ ᓵᐦᑯᐁᐧᐊᐧᐠ; ᐊᓂᒪ ᒫᑲ ᒣᓂᑲᐣ ᐅᑌᓈᕽ ᑭᑕ ᓇᐸᑭ ᐸᐦᑭᐦᑎᐣ, ᐊᓂᑭ ᒥᓇ ᐊᔨᓯᔨᓂᐊᐧᐠ ᑭᑕ ᐸᓯᑐᑌᐊᐧᐠ, ᑳ ᐃᑕᓯᐟ ᐊᔨᓯᔨᓂᐤ ᑲᐧᔭᐢᐠ ᐁᑕᐢᑕᒥᐟ.
6ᐁᑯᓯ ᒑᐢᔪᐊ ᐅᑯᓯᓴ ᓇᐣ ᑭ ᓇᑐᒣᐤ ᐊᔭᒥᐦᐁᐃᐧᔨᓂᐊᐧ, ᐅᒥᓯ ᒫᑲ ᐁ ᑭ ᐃᑕᐟ, ᐅᑎᓇᒧᐠ ᑭᐢᑭᓄᐋᐧᒋᐅᐃᐧᓂᐊᐧᐟ, ᑭᔮᒼ ᒫᑲ ᑌᐸᑯᑊ ᐊᔭᒥᐦᐁᐃᐧᔨᓂᐊᐧᐠ ᑭᑕ ᐱᒥᐃᐧᑖᐊᐧᐠ ᑌᐸᑯᑊ ᐱᐱᑲᐧᓇ ᔭᐯᐃᐧ ᒪᔭᑎᕽ ᐅᐟ ᐁᐢᑲᓇ, ᓂᑲᓂᕽ ᐅᑭᐢᑭᓄᐋᐧᒋᐅᐃᐧᓂᐊᐧᑎᕽ ᑳ ᑎᐯᔨᐦᒋᑫᐟ. 7ᐅᒥᓯ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᐱᒧᐦᑌᐠ, ᐋᐧᐢᑳᐢᑲᒧᐠ ᐅᑌᓇᐤ, ᑭᔮᒼ ᒫᑲ ᑳ ᓂᒪᐢᑫᐧᐟ ᑭᑕ ᓂᑳᓄᑕᒼ ᐅᑭᐢᑭᓄᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ.
8ᑭ ᐊᔨᑭᐣ ᒫᑲ, ᐃᐢᐱ ᒑᐢᔪᐊ ᑳ ᐊᔭᒥᐦᐋᐟ ᐊᔨᓯᔨᓂᐊᐧ, ᐊᓂᑭ ᑌᐸᑯᑊ ᐊᔭᒥᐦᐁᐃᐧᔨᓂᐊᐧᐠ ᑳ ᑕᑯᓈᒋᐠ ᑌᐸᑯᑊ ᐱᐱᑲᐧᓇ ᔭᐯ ᒪᔭᑎᕽ ᐅᐟ ᐁᐢᑲᓇ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᐁ ᐳᑕᑕᑭᐠ ᐱᐱᑲᐧᓇ; ᐊᓂᒪ ᒫᑲ ᐅ ᑭᐢᑭᓄᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐁ ᐱᒥᑎᓴᐦᐅᑯᒋᐠ.
9ᐊᓂᑭ ᒫᑲ ᐅᓇᑐᐸᔨᐃᐧᔨᓂᐊᐧᐠ ᑭ ᓂᑲᓄᑕᐁᐧᐊᐧᐠ ᐊᓂᐦᐃ ᐊᔭᒥᐦᐁᐃᐧᔨᓂᐊᐧ ᑳ ᐳᑕᑕᒥᔨᐟ ᐱᐱᑲᐧᓇ, ᐊᓂᑭ ᒫᑲ ᐅᑕᓈᕽ ᑳ ᒥᓀᔭᑎᒋᐠ ᑭ ᐯ ᐱᒥᑎᓴᐦᐊᒪᐧᐠ ᑭᐢᑭᓄᐋᐧᒋᐅᐃᐧᓂᐊᐧᐟ, ᐊᔭᒥᐦᐁᐃᐧᔨᓂᐊᐧᐠ ᐁ ᐊᑎ ᐱᒧᐦᑌᒋᐠ ᐁ ᐳᑖᑕᑭᐠ ᐱᐱᑲᐧᓇ. 10ᒑᐢᔪᐊ ᒫᑲ ᑭ ᓯᑭᒣᐤ ᐊᔨᓯᔨᓂᐊᐧ, ᐁ ᐃᑖᐟ, ᓇᒪᐃᐧᔭ ᑭ ᑲ ᓵᑯᐋᐧᓈᐧᐋᐧᐤ ᐊᐦᐳ ᓇᒪ ᑭ ᑲ ᑭᑐᓈᐋᐧᐤ, ᐊᐦᐳ ᓇᒪ ᑫᑲᐧᐩ ᐊᔭᒥᐃᐧᐣ ᑭᑕ ᐅᐦᒋᐸᔨᐤ ᑭᑐᓂᐋᐧᕽ, ᐹᑎᒫ ᐃᔨᑯᕽ ᐊᓂᒪ ᐁ ᑭᓯᑳᐠ ᓯᑭᒥᑕᑳᐧᐃᐧ ᑭᑕ ᓵᑯᐁᐧᔦᐠ; ᐁᑲᐧ ᑫ ᓵᑯᐁᐧᔦᐠ. 11ᐁᑯᓯ ᒫᑲ ᐊᓂᒪ ᐅᑭᐢᑭᓄᐋ ᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ ᑭ ᐋᐧᐢᑳᐢᑲᒧᒪᑲᐣ ᐊᓂᒪ ᐅᑌᓇᐤ, ᐯᔭᑳᐧᐤ ᐁ ᑭ ᐋᐧᐢᑳᑌᒋᐠ; ᑭ ᑕᑯᓯᓇᐧᐠ ᒫᑲ ᑲᐯᓯᐃᐧᓂᕽ, ᐁ ᑭ ᐊᔭᔭᒋᐠ ᐊᓂᑕ ᑲᐯᓯᐃᐧᓂᕽ.
12ᒑᐢᔪᐊ ᒫᑲ ᐃᐧᐸᐨ ᑫᑭᓭᑊ ᑭ ᐊᐧᓂᐢᑳᐤ, ᒥᓇ ᐊᓂᑭ ᐊᔭᒥᐦᐁᐃᐧᔨᓂᐊᐧᐠ ᑭ ᐅᑎᓇᒪᐧᐠ ᐅᑭᐢᑭᓄᐋᐧᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᔨᐟ. 13ᐊᓂᑭ ᒫᑲ ᑌᐸᑯᑊ ᐊᔭᒥᐦᐁᐃᐧᔨᓂᐊᐧᐠ ᐁ ᐱᒧᑕᑕᒋᐠ ᑌᐸᑯᑊ ᐱᐱᑲᐧᓇ ᔭᐯ ᒫᔭᑎᐦᑯᑌᐢᑲᓇ, ᐁ ᓂᑲᓄᑕᑭᐠ ᐅᑭᐢᑭᓄᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᐟ ᑖᐦᑭᓀ ᑭ ᐊᑎ ᐱᒧᐦᑌᐊᐧᐠ, ᐁ ᐳᑖᑕᑭᐠ ᐱᐱᑲᐧᓇ; ᐊᓂᑭ ᒫᑲ ᐅᓇᑐᐸᔨᐃᐧᔨᓂᐊᐧᐠ ᐁ ᑭ ᓂᑳᓄᑕᐋᐧᒋᐠ; ᒫᑲ ᐃᐧᔭ ᐊᓂᑭ ᑳ ᐅᑕᑫᒋᐠ ᐁ ᑭ ᐯᐱᒥᑎᓴᐊᑭᐠ ᐅᑭᐢᑭᓄᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ, ᐊᔭᒥᐦᐁᐃᐧᔨᓂᐊᐧᐠ ᐁ ᐊᑎ ᐱᒧᐦᑌᒋᐠ, ᐁ ᐊᑎ ᐳᑕᑕᑭᐠ ᐱᐱᑲᐧᓇ, 14ᓂᓵᐧᐤ ᒫᑲ ᐁ ᑭᓯᑳᐠ ᐯᔭᑳᐧᐤ ᑭ ᐋᐧᐢᑳᐢᑲᒪᐧᐠ ᐅᑌᓇᔨᐤ, ᐁᑯᓯ ᑲᐯᓯᐃᐧᓂᕽ ᐁ ᑭ ᐃᓯ ᑭᐁᐧᒋᐠ: ᐁᑯᓯ ᐅᒪ ᑳ ᑐᑕᐦᑭᐠ ᓂᑯᑖᐧᓱᑭᓯᑲᐊᐧ. 15ᑭ ᐅᑎᐦᒋᐸᔨᐤ ᒫᑲ ᐁ ᐊᑎ ᑌᐸᑯᐳᑭᓯᑳᐠ, ᑭ ᐊᐧᓂᐢᑳᐊᐧᐠ ᐱᒉᔭᐠ ᐁ ᐯᑕᐸᓂᔨᐠ, ᐁᑯᓯ ᑌᐸᑯᐦᐹᐧᐤ ᐁ ᑭ ᐋᐧᐢᑳᐢᑲᑭᐠ ᐅᑌᓇᐤ ᒣᐧᐦᒋ ᒫᓇ ᑳ ᑭ ᐃᑐᑕᐦᑭᐠ; ᐱᑯ ᐁᐊᐧᑯ ᐁ ᑭᓯᑳᔨᐠ ᑌᐸᑯᐦᐹᐧᐤ ᑳ ᑭ ᐋᐧᐢᑳᐢᑲᑭᐠ ᐅᑌᓇᐤ. 16ᑭ ᐅᑎᐦᒋᐸᔨᐤ ᒫᑲ ᑌᐸᑯᐦᐹᐧᐤ ᑳ ᐋᐧᐢᑳᐢᑲᐦᑭᐠ, ᐃᐢᐱ ᐊᓂᑭ ᐊᔭᒥᐦᐁᐃᐧᔨᓂᐊᐧᐠ ᐁ ᐳᑕᑕᑭᐠ ᐱᐱᑲᐧᓇ, ᒑᐢᔪᐊ ᐅᒥᓯ ᑭ ᐃᑌᐤ ᐊᔨᓯᔨᓂᐊᐧ, ᐁᑲᐧ ᓴᐦᑯᐁᐧᐠ; ᒋᑫᒫ ᑳ ᑎᐯᔨᐦᒋᑫᐟ ᑭ ᒥᔨᑯᐋᐧᐤ ᐅᑌᓇᐤ.
17ᐊᓂᒪ ᒫᑲ ᐅᑌᓇᐤ ᑭᑕ ᒪᒐᑭᐦᑕᒼ ᑳ ᑎᐯᔨᐦᒋᑫᐟ, ᒥᓇ ᑲᐦᑭᔭᐤ ᐁᑯᑕ ᑳ ᐊᔮᔨᐟ, ᐱᑯ ᕒᐁᐊᑊ ᐱᓯᑳᐧᑎᐢᑫᐧᐤ ᑭᑕ ᐱᒫᑎᓯᐤ, ᐃᐧᔭ ᒥᓇ ᑲᐦᑭᔭᐤ ᐊᓂᐦᐃ ᐃᐧᑭᕽ ᑳ ᐊᔮᔨᐟ; ᒋᑫᒫ ᑭ ᑳᑌᐤ ᐊᓂᐦᐃ ᐃᓯᑎᓴᐦᐊᑲᓇ ᑳ ᑭ ᐃᓯᑎᓴᐦᐊᐧᔭᑯᐠ. 18ᑭᔭᐋᐤ ᒫᑲ ᒥᑕᑫᐧᓂᓱᐠ ᑫᑲᐧᐩ ᑳ ᒪᒐᑭᒋᑲᑌᐠ, ᐁ ᑭ ᒪᒐᑭᑕᒣᐠ ᐁᑳ ᑭᑕ ᐅᑎᓇᒣ ᑫᑲᐧᐩ ᑳ ᒪᒐᑭᒋᑲᑌᐠ, ᐁᑯᓯ ᑭᑕ ᒪᒐᑭᑕᒣᐠ ᐃᐢᕒᐁᐃᓬ ᐅᑲᐯᓯᐃᐧᐣ, ᒥᓇ ᑭᑕ ᒥᑯᐢᑳᒋᑕᔦᐠ. 19ᒫᑲ ᑲᐦᑭᔭᐤ ᓱᓂᔮᐤ ᒥᓇ ᐅᓵᐃᐧᓱᓂᔮᐤ, ᒥᓇ ᐅᓵᐋᐧᐱᐢᑯ ᐊᓯᐊᐧᒋᑲᓇ, ᒥᓇ ᐱᐋᐧᐱᐢᑯ ᐊᓯᐊᐧᒋᑲᓇ, ᐸᑭᑎᓇᒪᐋᐧᐤ ᑳ ᑎᐯᔨᐦᒋᑫᐟ; ᑭᑕ ᐃᑐᑕᒋᑲᑌᐊᐧ ᐅ ᓱᓂᔮᐊᐧᑎᕽ ᑳ ᑎᐯᔨᐦᒋᑫᐟ. 20#ᐦᐃᐸᕒᐅᐊᐧ 11:30ᐁᑯᓯ ᒫᑲ ᐊᔨᓯᔨᓂᐊᐧᐠ ᑭ ᓵᑯᐁᐧᐊᐧᐠ ᐃᐢᐱ ᐊᓂᐦᐃ ᐊᔭᒥᐦᐁᐃᐧᔨᓂᐊᐧ ᐁ ᐳᑖᑕᒥᔨᐟ ᐱᐱᑲᐧᓇ; ᑭ ᐃᐦᑭᐣ ᒫᑲ, ᐃᐢᐱ ᐊᔨᓯᔨᓂᐊᐧᐠ ᐱᔦᐦᑕᐦᑭᐠ ᐁ ᐯᑖᑲᐧᓂᔨᑭ ᐱᐱᑲᐧᓇ, ᒥᓇ ᐊᔨᓯᔨᓂᐊᐧ ᐁ ᑭ ᓴᑯᐁᐧᒋᐠ, ᒣᓂᑳᐣ ᑭ ᓇᐸᑭᐸᑭᑎᐣ; ᐁᑯᓯ ᐊᔨᓯᔨᓂᐊᐧᐠ ᑭ ᐃᑐᐦᑌᐊᐧᐠ ᐅᑌᓈᕽ, ᑳ ᐃᑕᓯᐟ ᐊᔨᓯᔨᓂᐤ ᑲᐧᔭᐢᐠ ᐁᓯ ᐅᑕᐢᑕᒥᐟ, ᑭ ᐅᑎᓇᒪᐧᐠ ᒫᑲ ᐅᑌᓇᐤ. 21ᒥᓇᓂ ᒫᑲ ᑭ ᓂᓯᐊᐧᓈᒋᐦᑖᐊᐧᐠ ᑲᐦᑭᔭᐤ ᐱᐦᒋ ᐅᑌᓈᕽ ᑳ ᐊᔮᔨᐠ, ᓈᐯᐊᐧ ᒥᓇ ᐃᐢᑫᐧᐊᐧ, ᐅᐢᑭᓂᑭᐊᐧ ᒥᓇ ᑭᓭᔨᓂᐊᐧ, ᒥᓇ ᒧᐢᑐᓴᐧ, ᒥᓇ ᒫᔭᑎᐦᑲᐧ, ᒥᓇ ᓱᓱᒥᐢᑕᑎᒪᐧ, ᐁᓯ ᑭᓇᐠ ᓯᒪᑲᐣ ᐅᐦᒋ.
22ᒫᑲ ᒑᐢᔪᐊ ᑭ ᐃᑌᐤ ᐊᓂᐦᐃ ᓂᓱ ᓈᐯᐊᐧ ᑳ ᑭ ᓂᑕᐊᐧᑕᔨᐟ ᐊᐢᑭ, ᐱᐦᑐᑫᐧᐠ ᐱᓯᑳᐧᑎᐢᑫᐧᐤ ᐃᐧᑭᕽ, ᐯ ᐊᐧᔭᐃᐧᑕᐦᐃᕽ ᒫᑲ ᐃᐢᑫᐧᐤ, ᒥᓇ ᑲᐦᑭᔭᐤ ᑳ ᐃᓯ ᐊᔮᐟ, ᒣᐧᐦᒋ ᑳ ᑭ ᐃᓯ ᑭᐦᒋ ᐃᑎᐠ. 23ᐊᓂᑭ ᒫᑲ ᐅᐢᑭᓂᑭᐊᐧᐠ ᑳ ᑭ ᓂᑕᐊᐧᑕᒋᐠ ᑭ ᐱᐦᑐᑫᐊᐧᐠ, ᐁᑯᓯ ᑭ ᐯ ᐊᐧᔭᐃᐧᑕᐁᐊᐧᐠ ᕒᐁᐊᐸ, ᒥᓇ ᐅᑖᐃᐧᔨᐊᐧ ᒥᓇ ᐅᑳᐃᐧᔨᐊᐧ, ᒥᓇ ᐅᑕᐁᐧᒪᔨᐊᐧ, ᒥᓇ ᑲᐦᑭᔭᐤ ᑳ ᐃᓯ ᐊᔮᔨᐟ; ᒥᓇ ᑭ ᐯ ᐊᐧᔭᐃᐧᑕᐦᐃᒣᐊᐧᐠ ᑲᐦᑭᔭᐤ ᐅᐊᐧᑯᒪᑲᓂᔨᐊᐧ, ᐁᑯᓯ ᐁ ᑭ ᓇᑲᑖᒋᐠ ᐊᐧᔭᐃᐧᑎᒥᕽ ᐅ ᑲᐯᓯᐃᐧᓂᔨᕽ ᐃᐢᕒᐁᐃᓬᐊ. 24ᑭ ᓴᐢᑲᐦᐊᒪᐧᐠ ᒫᑲ ᐅᑌᓇᔨᐤ ᐃᐢᑯᑌᐤ ᐅᐦᒋ, ᒥᓇ ᑲᐦᑭᔭᐤ ᐁᑯᑕ ᑳ ᐊᔮᔨᐠ; ᐱᑯ ᓱᓂᔮᐊᐧ, ᒥᓇ ᐅᓵᐃᐧᓱᓂᔮᐊᐧ, ᒥᓇ ᐅᓵᐋᐧᐱᐢᑯ ᐊᓯᐊᐧᒋᑲᓇ ᒥᓇ ᐱᐊᐧᐱᐢᑯ ᐊᓯᐊᐧᒋᑲᓇ, ᑭ ᐊᐢᑖᐊᐧᐠ ᓱᓂᔮᐃᐧᐊᐧᑎᕽ ᐅ ᐊᐧᐢᑲᐦᐃᑲᓂᒥᕽ ᑳ ᑎᐯᔨᐦᒋᑫᐟ. 25#ᐦᐃᐸᕒᐅᐊᐧ 11:31ᒑᐢᔪᐊ ᒫᑲ ᑭ ᐃᐢᑯᐁᐤ ᕒᐁᐊᑊ ᐱᓯᑳᐧᑎᐢᑫᐧᐊᐧ, ᒥᓇ ᐅᑕᐁᐧᒫᔨᐊᐧ ᐅᑕᐋᐧᓯᒥᓯᔨᐊᐧ, ᒥᓇ ᑲᐦᑭᔭᐤ ᑳ ᐃᓯ ᐊᔮᔨᐟ; ᐅᑕᐢᑭᐤ ᒫᑲ ᐃᐢᕒᐁᐃᓬᐃᕽ ᐱᔨᐢ ᐊᓄᐦᐨ ᑳ ᑭᓯᑳᔨᐠ; ᒋᑫᒫ ᑭ ᑲᑌᐤ ᐃᓯᑎᓴᐦᐊᐧᑲᓇ, ᐊᓂᐦᐃ ᒑᐢᔪᐊ ᑳ ᑭ ᐃᓯᑎᓴᐦᐊᐧᐟ ᑭᑕ ᓂᑕᐊᐧᑕᔨᐟ ᒉᕒᐃᑯ. 26#1 ᑭᐦᒋ ᐅᑭᒫᐊᐧᐠ 16:34ᒑᐢᔪᐊ ᒫᑲ ᑭ ᑭᐦᒋ ᐃᑌᐤ ᐁᑯᐢᐱ, ᐁ ᐃᑖᐟ, ᑭᑕ ᓇᓂᐳᒫᐤ ᐊᔨᓯᔨᓂᐤ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᑫ ᐸᓯᑯᐟ ᐁ ᐅᓯᐦᑖᐟ ᐅᒪ ᐅᑌᓇᐤ ᒉᕒᐃᑯ, ᑭᑕ ᐅᔮᐢᑯᑎᑖᐤ ᐁᐅᑫᐧᔨᐤ ᐅᐢᑌᓯᒫᐊᐧ ᐅᑯᓯᓴ ᐁ ᐊᐧᓂᐦᐋᐟ, ᐁᑯᓯ ᑭᑕ ᐊᑯᑕᐤ ᐃᐢᑳᐧᑌᒪ ᐅᓯᒥᒫᐊᐧ ᐁ ᐊᐧᓂᐦᐋᐟ. 27ᐁᑯᓯ ᒫᑲ ᑳ ᑎᐯᔨᐦᒋᑫᐟ ᑭ ᐃᐧᒉᐁᐧᐤ ᒑᐢᔪᐊ; ᒥᓯᐁᐧ ᒫᑲ ᐊᐢᑭᕽ ᑭ ᐯᑕᑲᐧᓂᔨᐤ ᐅᐟ ᐋᒋᒥᑯᐃᐧᐣ.
Currently Selected:
ᒑᐢᔪᐊ 6: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
