ᒑᐢᔪᐊ 4
4
1ᑭ ᐊᔨᐦᑭᐣ ᒫᑲ ᐃᐢᐱ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᒣᐦᒋ ᐊᓱᐊᐧᐊᑭᐠ ᒑᕒᑕᓂᕽ, ᑳ ᑎᐯᔨᐦᒋᑫᐟ ᑭ ᐊᔭᒥᐦᐁᐤ ᒑᐢᔪᐊ, ᐅᒥᓯ ᐁ ᐃᑖᐟ, 2ᐅᑎᓂᐠ ᒥᑖᑕᐟ ᓂᓱᓵᑊ ᓈᐯᐊᐧᐠ ᐊᔨᓯᔨᓂᓈᕽ ᐅᐦᒋ, ᐯᔭᐠ ᓈᐯᐤ ᐯᔭᐠ ᐱᐢᑭᑐᑌᐃᐧᓯᐃᐧᐣ. 3ᓯᑭᒥᑯᐠ ᒫᑲ ᐁᐊᐧᑯᓂᐠ, ᑭᑕ ᐃᑌᑯᐠ, ᐅᑎᓂᑯᐠ ᒑᕒᑕᓂᕽ ᐅᐦᒋ, ᐊᓂᑕ ᐅᐦᒋ ᐊᔭᒥᐦᐁᐃᐧᔨᓂᐊᐧᐠ ᐅᓯᑎᐋᐧᐊᐧ ᑳ ᓂᐸᐃᐧᒪᑲᓂᔨᑭ, ᒥᑖᑕᐦᐟ ᓂᓱᓵᑊ ᐊᓯᓂᔭᐠ, ᑭ ᑲ ᑕᐦᑯᓈᐋᐧᐊᐧᐠ ᒫᑲ, ᐁᑯᓯ ᑭᑕ ᓇᑲᑌᑯᐠ ᑲᐯᓯᐃᐧᓂᕽ, ᐃᑌ ᑫ ᑲᐯᓯᔦᐠ ᑫ ᑎᐱᐢᑳᐠ. 4ᒑᐢᔪᐊ ᒫᑲ ᑭ ᓇᑐᒣᐤ ᒥᑖᑕᐦᐟ ᓂᓱᓵᑊ ᓈᐯᐊᐧ ᐊᓂᐦᐃ ᑳ ᑭ ᑲᐧᔮᒋᐦᐋᐟ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ ᐅᐦᒋ, ᐯᔭᐠ ᓈᐯᐤ ᐯᔭᐠ ᐱᐢᑭᑐᑌᐃᐧᓯᐃᐧᐣ: 5ᒑᐢᔪᐊ ᒫᑲ ᐅᒥᓯ ᑭ ᐃᑌᐤ, ᒪᔮᐢᑲᒧᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᒣᑲᐧ ᒑᕒᑕᓂᕽ, ᐅᑎᓂᕽ ᒫᑲ ᑳ ᐃᑕᓯᔦᐠ ᐸᐯᔭᐠ ᓈᐯᐤ ᐊᓯᓂᔭ ᐅᑎᑎᒪᓂᕽ, ᒣᐧᐦᒋ ᑳ ᑕᐦᑐᑌᐃᐧᓯᔨᐟ ᐅᑕᐋᐧᓯᒥᓴ ᐃᐢᕒᐁᐃᓬ: 6ᐁᐊᐧᑯ ᐅᒪ ᑭᑕ ᑭᐢᑭᓇᐊᐧᒋᐦᒋᑲᓂᔦᐠ ᐊᓂᒪ ᐃᐢᐱ ᑭᑕᐋᐧᓯᒥᓯᐋᐧᐊᐧᐠ ᑲᑫᐧᒋᒫᑖᐧᐃᐧ ᐅᑖᐃᐧᐋᐧᐊᐧ ᐸᑎᒫ, ᐃᑌᐧᑖᐧᐃᐧ, ᑖᓀᑖᐸᒋᐁᑳᐧᐤ ᐅᑭ ᐊᓯᓂᔭᐠ? 7ᑭ ᑲ ᐃᓯ ᓇᐢᑫᐧᐊᐧᓯᒪᐋᐧᐊᐧᐠ, ᐊᓂᐦᐃ ᒐᕒᑕᐣ ᓂᐱᔭ ᐁ ᑭ ᑭᐢᑭᐸᔨᑭ ᐁᓯ ᓂᑳᓂᒪᑲᕽ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ; ᐃᐢᐱ ᐁ ᐊᓱᐊᐧᐊᒧᒪᑲᕽ ᒐᕒᑕᐣ, ᒑᕒᑕᐣ ᓂᐱᔭ ᑭ ᑭᐢᑭᐸᔨᓇᐧ; ᐅᑭ ᒫᑲ ᐊᓯᓂᔭᐠ ᑫ ᐋᒋᒧᐢᑖᑯᒋᐠ ᐃᐢᕒᐁᐃᓬ ᐅᑕᐋᐧᓯᒥᓴ ᑳᑭᑫ. 8ᐊᓂᑭ ᒫᑲ ᐃᐢᕒᐁᐃᓬ ᐅᑕᐋᐧᓯᒥᓴ ᑭ ᑐᑕᒪᐧᐠ ᑳ ᑭ ᐃᓯ ᓯᑭᒥᑯᒋᐠ ᒑᐢᔪᐊ, ᐁᑯᓯ ᑭ ᐅᑎᓀᐊᐧᐠ ᒥᑖᑕᐦᐟ ᓂᓱᓵᑊ ᐊᓯᓂᔭ, ᒣᑳᐧ ᒑᕒᑕᓂᕽ ᐅᐦᒋ, ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᒑᐢᔪᐊ, ᒣᐧᐦᒋ ᑳ ᑕᐦᑐᑌᐃᐧᓯᔨᐟ ᐃᐢᕒᐁᐃᓬ ᐅᑕᐋᐧᓯᒥᓴ, ᐁ ᑭ ᐃᑐᐦᑕᐋᒋᐠ ᐃᑕ ᐁ ᐃᓯ ᑲᐯᓯᒋᐠ, ᐁᑯᑕ ᒫᑲ, ᑭ ᐊᔦᐊᐧᐠ. 9ᒑᐢᔪᐊ ᒫᑲ ᑭ ᒋᒪᔦᐤ ᒥᑖᑕᐟ ᓂᓱᓵᑊ ᐊᓯᓂᔭ ᑖᐊᐧᑳᒼ ᒑᕒᑕᓂᕽ, ᐊᓂᑕ ᑳ ᐃᓯ ᓂᐸᐃᐧᒋᐠ ᐊᔭᒥᐦᐁᐃᐧᔨᓂᐊᐧᐠ ᑳ ᑭ ᐱᒥᐃᐧᑖᒋᐠ ᑭᐢᑭᓇᐋᐧᒋᐅᐃᐧᓂᐊᐧᐟ ᐁᑯᑕ ᒫᑲ ᐊᐱᐊᐧᐠ ᐱᔨᐢ ᐊᓄᐦᐨ ᑳ ᑭᓯᑳᐠ.
10ᒋᑫᒫ ᐊᔭᒥᐦᐁᐃᐧᔨᓂᐊᐧᐠ ᑳ ᐱᒥᐃᐧᑖᒋᐠ ᐊᓂᒪ ᑭᐢᑭᓇᐋᐧᒋᐅᐃᐧᓂᐊᐧᐟ ᑭ ᓂᐸᐃᐧᐊᐧᐠ ᑖᐊᐧᑳᐣ ᒑᕒᑕᐣ, ᐹᑎᒫ ᑲᐦᑭᔭᐤ ᑫᑲᐧᐩ ᐁ ᑭ ᑎᐱᐸᔨᐠ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓯᑭᒫᐟ ᒑᐢᔪᐊ ᑭᑕ ᐃᑖᔨᐟ ᐊᔨᓯᔨᓂᐊᐧ, ᒣᐧᐦᒋ ᑲᐦᑭᔭᐤ ᐊᓂᒪ ᒧᓯᐢ ᑳ ᑭ ᐃᓯ ᓯᑭᒫᐟ ᒑᐢᔪᐊᐊᐧ; ᐊᔨᓯᔨᓂᐊᐧᐠ ᒫᑲ ᑭ ᑭᓯᐢᑲ ᐋᓱᐊᐧᐊᒪᐧᐠ. 11ᑭ ᐊᔨᐦᑭᐣ ᒫᑲ ᐃᐢᐱ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᒣᐦᒋ ᐊᓱᐊᐧᐊᑭᐠ, ᐊᓂᒪ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ ᑭ ᐊᓱᐊᐧᐊᒧᒪᑲᐣ, ᒥᓇ ᐊᔭᒥᐦᐁᐃᐧᔨᓂᐊᐧᐠ ᐁ ᐋᐧᐸᐦᑕᐦᑭᐠ ᐊᔨᓯᔨᓂᐊᐧᐠ. 12ᐁᑯᓯ ᐅᑕᐋᐧᓯᒥᓴ ᕒᐅᐱᐣ, ᒥᓇ ᐅᑕᐋᐧᓯᒥᓴ ᑳᐟ, ᒥᓇ ᐋᐱᑕᐤ ᐅᐱᐢᑭᑐᑌᐃᐧᓯᐃᐧᐣ ᒪᓈᓯ, ᑭ ᐊᓱᐊᐧᐊᒪᐧᐠ ᐁ ᓂᒪᐢᑫᐧᒋᐠ ᓂᑳᐣ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ, ᒣᐧᐦᒋ ᒧᓯᐢ ᑳ ᑭ ᐃᑖᐟ: 13ᓈᓂᑕᐤ ᓀᒥᑕᓇᐤ ᑭᐦᒋ ᒥᑖᑐᒥᑕᓇᐤ ᐁ ᑲᐧᔮᒋ ᓂᒫᐢᑫᐧᒋᐠ ᑭ ᐊᓱᐊᐧᐊᒪᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᑭᑕ ᓄᑎᓂᑫᒋᐠ ᒉᕒᐃᑯ ᒪᐢᑯᑌᕽ. 14ᐁᑯᐢᐱ ᐁ ᑭᓯᑳᐠ ᑳ ᑎᐯᔨᐦᒋᑫᐟ ᑭ ᒪᒥᒋᐁᐤ ᒑᐢᔪᐊᐊᐧ ᐁᑐᐢᑕᒪᐱᔨᐟ ᑲᐦᑭᔭᐤ ᐃᐢᕒᐁᐃᓬᐊ; ᑭ ᑯᓯᑫᐧᔨᒣᐊᐧᐠ ᒫᑲ ᒣᐧᐦᒋ ᑳ ᑭ ᐃᓯ ᑯᓯᑫᐧᔨᒫᒋᐠ ᒧᓯᓴ, ᐃᔨᑯᕽ ᑳ ᐱᒫᑎᓯᔨᐟ.
15ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒑᐢᔪᐊ, ᐁ ᐃᑖᐟ, 16ᓯᑭᒥᐠ ᐊᔭᒥᐦᐁᐃᐧᔨᓂᐊᐧᐠ ᑳ ᐱᒥᐃᐧᑖᒋᐠ ᑭᐢᑭᓇᐋᐧᒋᐅᐃᐧᓂᐊᐧᐟ, ᑭᑕ ᑲᐸᒋᐠ ᒑᕒᑕᓂᕽ ᐅᐦᒋ. 17ᒑᐢᔪᐊ ᒫᑲ ᑭ ᓯᑭᒣᐤ ᐊᔭᒥᐦᐁᐃᐧᔨᓂᐊᐧ, ᐁ ᐃᑖᐟ, ᐯᒋ ᑲᐹᐠ ᒑᕒᑕᓂᕽ ᐅᐦᒋ. 18ᑭ ᐊᔨᐦᑭᐣ ᒫᑲ, ᐃᐢᐱ ᐊᓂᑭ ᐊᔭᒥᐦᐁᐃᐧᔨᓂᐊᐧᐠ ᑳ ᐱᒥᐃᐧᑖᒋᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ, ᑳ ᑲᐸᒋᐠ ᒑᕒᑕᓂᕽ ᐅᐦᒋ, ᒥᓇ ᐃᐢᐱ ᑳ ᑲᐸᑌ ᑕᑯᐢᑫᒋᐠ ᐊᔭᒥᐦᐁᐃᐧᔨᓂᐊᐧᐠ ᐸᑲᐧᐢᑲᒥᑲᕽ, ᒑᕒᑕᐣ ᓂᐱᔭ ᑭ ᑭᐁᐧᐸᔨᐊᐧ, ᒥᓇ ᑭ ᔨᐢᑭᐯᐸᔨᐤ ᒋᑲᐢᐠ ᑖᐱᐢᑯᐨ ᑲᔭᐦᑌ.
19ᐊᓂᑭ ᒫᑲ ᐊᔨᓯᔨᓂᐊᐧᐠ ᑭ ᑲᐸᐊᐧᐠ ᒑᕒᑕᓂᕽ ᐅᐦᒋ ᒥᑖᑕᐦᐟ ᐁ ᑕᐦᑐᑭᓯᑫᐧᔨᐟ ᓂᐢᑕᒼ ᐱᓯᒪᐧ, ᐁᑯᓯ ᑭ ᑲᐯᓯᐊᐧᐠ ᑭᓬᑳᓬᐃᕽ, ᐊᐧᐸᓄᑕᕽ ᐃᑌᐦᑫ ᐊᓂᒪ ᒉᕒᐃᑯ. 20ᐊᓂᐦᐃ ᒫᑲ ᒥᑖᑕᐦᐟ ᓂᓱᓵᑊ ᐊᓯᓂᔭ ᒑᕒᑕᓂᕽ ᑳ ᑭ ᐅᑎᓈᒋᐠ ᒑᐢᔪᐊ ᑭ ᒋᒪᔦᐤ ᐊᓂᑕ ᑭᓬᑳᓬᐃᕽ. 21ᑭ ᐊᔭᒥᐦᐁᐤ ᒫᑲ ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓯᔨᐊᐧ, ᐅᒥᓯ ᐁ ᐃᑖᐟ, ᐃᐢᐱ ᑭᑕᐊᐧᓯᒥᓯᐋᐧᐊᐧᐠ ᑲᑫᐧᒋᒫᑖᐧᐃᐧ ᐅᑖᐃᐧᐋᐧᐊᐧ ᐹᑎᒫ, ᐃᑌᐧᑖᐧᐃᐧ, ᑖᓀᑖᐸᑎᓯᒋᐠ ᐅᑭ ᐊᓯᓂᔭᐠ? 22ᑭ ᑲ ᑭᐢᑫᔨᐦᑕᒧᐦᐋᐋᐧᐊᐧᐠ ᑭᐟ ᐊᐋᐧᓯᒥᓯᐋᐧᐊᐧᐠ ᑭᑕ ᐃᑌᑯᐠ, ᐃᐢᕒᐁᐃᓬᐊᐠ ᑭ ᐋᓱᐊᐧᐊᒪᐧᐠ ᐅᒪ ᒑᕒᑕᐣ ᐁ ᒧᐢᑕᐢᑲᒥᑳᔨᐠ. 23ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᐹᐦᑯᐸᔨᑕᐤ ᒑᕒᑕᐣ ᓂᐱᔭ ᑭ ᓂᑳᓂᒥᐋᐧᕽ ᐱᔨᐢ ᐃᔨᑯᕽ ᐁ ᑭ ᐊᓱᐊᐧᐊᒣᐠ, ᒣᐧᐦᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᑐᑕᕽ ᒥᐦᑳᐧᑲᒥᐃᐧ ᐃᐧᓂᐯᐠ, ᐊᓂᒪ ᑳ ᑭ ᐹᐦᑯᐸᔨᑕᒫᑯᔦᐠ, ᐱᔨᐢ ᐁ ᑭ ᑭᓯ ᐊᓱᐊᐧᐊᒪᕽ: 24ᑲᐦᑭᔭᐤ ᐊᔨᓯᔨᓂᐊᐧᐠ ᐊᐢᑭᕽ ᑳ ᐊᔮᒋᐠ ᑭᑕ ᑭᐢᑫᔨᑕᐦᑭᐠ ᑳ ᑎᐯᔨᐦᒋᑫᐟ ᐅᒋᐦᒋ ᐁ ᓱᑳᑎᓯᒪᑲᓂᔨᐠ; ᑭᑕ ᑯᓯᑫᐧᔨᒫᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳᑭᑫ.
Currently Selected:
ᒑᐢᔪᐊ 4: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
