ᒑᐢᔪᐊ 5
5
1ᑭ ᐊᔨᑭᐣ ᒫᑲ, ᐃᐢᐱ ᑲᐦᑭᔭᐤ ᐅ ᑭᒍᑭᒫᒥᐋᐧᐊᐧ ᐋᒪᕒᐊᐃᑕᐠ, ᐊᓂᑭ ᓀᑲᐱᐊᓄᕽ ᐃᑌᐦᑫ ᒑᕒᑕᓂᕽ ᑳ ᑭ ᐊᔮᒋᐠ, ᒥᓇ ᑲᐦᑭᔭᐤ ᐅ ᑭᒍᑭᒫᒥᐋᐧᐊᐧ ᑫᓇᓇᐃᑕᐠ, ᐊᓂᑭ ᒋᑭ ᑭᒋᑲᒥᕽ, ᑳ ᑭ ᐊᔮᒋᐠ, ᑳ ᐯᐦᑕᐦᑭᐠ ᑳ ᑎᐯᔨᐦᒋᑫᐟ ᐁ ᑭ ᐹᐦᑯᐸᔨᑕᒪᐋᐧᐟ ᐊᓂᐦᐃ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ, ᐃᔨᑯᕽ ᐁ ᑭ ᐊᓱᐊᐧᐊᒪᕽ, ᐅᑌᐃᐋᐧᐊᐧ ᑭ ᑎᑭᑌᔨᐊᐧ, ᐊᐦᐳ ᓇᒪᐃᐧᑳᐨ ᒥᓇ ᑭ ᑭᑭᐢᑳᑲᐧᐠ ᓱᑫᔨᒧᐃᐧᐣ ᐃᐢᕒᐁᐃᓬ ᐅᑕᐋᐧᓯᓯᔨᐊᐧ ᐅᐦᒋ.
2ᐁᑯᐢᐱ ᑳ ᑎᐯᔨᐦᒋᑫᐟ, ᑭ ᐃᑌᐤ ᐅᒥᓯ ᒑᐢᔪᐊ, ᑕᓴᐊ ᒧᑯᒫᓇ, ᒥᓇ ᒫᑲ ᑭᐦᑖᐧᒼ ᐁᑲᐧ ᓴᕒᑲᒼᓴᐃᓯᐃᐧᐦᐃᐠ ᐃᐢᕒᐁᐃᓬ ᐅᑕᐋᐧᓯᒥᓴ. 3ᒑᐢᔪᐊ ᒫᑲ ᑭ ᑕᓴᐊᒼ ᒧᑯᒫᓇ, ᐁᑯᓯ ᑭ ᓴᕒᑲᒼᓴᐃᓯᐃᐧᐦᐁᐤ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ ᐊᓂᑕ ᐊᐧᐢᑭᑎᓴᑳᐃᐧ ᐊᐧᒋᕽ. 4#ᓇᒼᐸᕒᐢ 14:28-35ᐁᐊᐧᑯ ᒫᑲ ᐅᒪ ᐅᐦᒋ ᒑᐢᔪᐊ ᑳ ᑭ ᓴᕒᑲᒼᓴᐃᓯᐃᐧᐦᐋᐟ ᑲᐦᑭᔭᐤ, ᐊᓂᑭ ᐊᔨᓯᔨᓂᐊᐧᐠ ᐃᒋᑊᑎᕽ ᑳ ᑭ ᐯ ᐅᐦᑐᐦᑌᒋᐠ, ᑳ ᑭ ᓈᐯᐃᐧᒋᐠ, ᑲᐦᑭᔭᐤ ᐃᓴ ᐱᑯ ᐅᓇᑐᐸᔨᐃᐧᔨᓂᐊᐧᐠ, ᑭ ᓂᐱᐊᐧᐠ ᐱᑲᐧᑕᐢᑭᕽ ᐁ ᐯ ᐱᒧᐦᑌᒋᐠ, ᐃᐢᐱ ᐃᒋᑊᑎᕽ ᐁ ᑭ ᐯ ᐅᐦᒋ ᐊᐧᔭᐃᐧᒋᐠ. 5ᑲᐦᑭᔭᐤ ᒫᑲ ᐊᓂᑭ ᐊᔨᓯᔨᓂᐊᐧᐠ ᑳ ᑭ ᐯ ᐊᐧᔭᐃᐧᒋᐠ ᑭ ᓴᕒᑲᒼᓴᐃᓯᐃᐧᐊᐧᐠ; ᒫᑲ ᐃᐧᔭ ᑲᐦᑭᔭᐤ ᐊᓂᑭ ᐊᔨᓯᔨᓂᐊᐧᐠ ᑳ ᑭ ᓂᐦᑖᐃᐧᑭᒋᐠ ᐱᑲᐧᑕᐢᑭᕽ ᐁ ᐯ ᐱᒧᐦᑌᒋᐠ ᐃᒋᑊᑎᕽ ᐁ ᐯ ᐅᑐᑎᒋᐠ, ᐁᐊᐧᑲᐧᓂ ᓇᒪᐃᐧᔭ ᐅᐦᒋ ᓴᕒᑲᒼᓴᐃᓯᐃᐧᐁᐊᐧᐠ. 6ᒋᑫᒫ ᐃᐢᕒᐁᐃᓬ ᐅᑕᐋᐧᓯᒥᓴ ᓀᒥᑕᓇᐤ ᐱᐳᓇᐧ ᑭ ᐱᒧᐦᑌᐊᐧᐠ ᐊᓂᑕ ᐱᑲᐧᑕᐢᑲᒥᑲᕽ, ᐱᔨᐢ ᑲᐦᑭᔭᐤ ᐊᓂᑭ ᐊᔨᓯᔨᓂᐊᐧᐠ ᑳ ᑭ ᓇᑐᐸᔨᐃᐧᔨᓂᐃᐧᒋᐠ ᐃᒋᑊᑎᕽ ᑳ ᑭ ᐯ ᐅᐦᑐᐦᑌᒋᐠ, ᐁ ᑭ ᓂᓯᐊᐧᓈᑎᓯᒋᐠ, ᒋᑫᒫ ᓇᒪᐃᐧᔭ ᑭ ᓇᓇᐦᐃᐦᑕᒪᐧᐠ ᐅᑎᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ; ᑳ ᑎᐯᔨᐦᒋᑫᐟ ᑳ ᑭ ᑭᐦᒋ ᐃᑖᐟ ᐁᑳ ᑭᑕ ᐋᐧᐸᐦᑕᐋᐟ ᐊᐢᑭᔨᐤ, ᐊᓂᒪ ᑳ ᑎᐯᔨᐦᒋᑫᐟ ᑳ ᑭ ᑭᐦᒋ ᐃᑖᐟ ᐅᑕᐃᐧᔨᐊᐧ ᑭᑕ ᒥᔨᑯᔭᕽ, ᐊᓂᒪ ᐊᐢᑭ ᐃᑕ ᑳ ᐱᒥᒋᐊᐧᕽ ᑐᑐᓴᐳ ᒥᓇ ᐊᒧᓯᓯᐸᐢᑲᐧᐟ. 7ᐊᓂᐦᐃ ᒫᑲ ᐅᑕᐋᐧᓯᒥᓯᐋᐧᐊᐧ, ᑳ ᑭ ᐸᓯᑯᓇᐟ ᒥᐢᑯᐨ ᐃᐧᔭᐋᐧᐤ ᐁᐊᐧᑲᐧᓂ ᒑᐢᔪᐊ ᑳ ᑭ ᓴᕒᑲᒼᓴᐃᓯᐃᐧᐦᐋᐟ; ᒋᑫᒫ ᓇᒪᐃᐧᔭ ᑭ ᓴᕒᑲᒼᓴᐃᓯᐃᐧᐊᐧᐠ, ᐊᔨᐢ ᓇᒪᐃᐧᔭ ᑭ ᓴᕒᑲᒼᓴᐃᓯᐃᐧᐁᐊᐧᐠ ᐁ ᐯ ᐱᒧᑎᒋᐠ. 8ᑭ ᐊᔨᐦᑭᐣ ᒫᑲ, ᐃᐢᐱ ᑳ ᐳᓂ ᓴᕒᑲᒼᓴᐃᓯᐃᐧᐦᐋᒋᐠ ᑲᐦᑭᔭᐤ ᐊᔨᓯᔨᓂᐊᐧ, ᑭ ᑭᔭᒪᐱᐊᐧᐠ ᑲᐯᓯᐃᐧᓂᕽ ᐹᑎᒫ ᐃᔨᑯᕽ ᐁ ᑭ ᒥᔪᐊᔭᒋᐠ. 9ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒑᐢᔪᐊᐊᐧ, ᐊᓄᐦᐨ ᑳ ᑭᓯᑳᐠ ᑭ ᑭ ᐃᑲᑌᓇᒫᑎᓈᐋᐧᐤ ᐁᓯ ᒪᒉᔪᑕᑲᐧᕽ ᐃᒋᑊᐟ, ᐁᐊᐧᑯ ᒫᑲ ᐅᐦᒋ ᑭᓬᑳᓬ ᐃᓯᔨᐦᑳᑌᐤ ᐁᑯᑕ ᐱᔨᐢ ᐊᓄᐦᐨ ᑳ ᑭᓯᑳᐠ.
10 #
ᐁᐠᓴᑕᐢ 12:1-13
ᐁᑯᓯ ᐃᐢᕒᐁᐃᓬ ᐅᑕᐋᐧᓯᒥᓴ, ᑭ ᑲᐯᓯᐊᐧᐠ ᐊᓂᑕ ᑭᓬᑳᓬᐃᕽ, ᑭ ᑎᐱᑐᑕᒪᐧᐠ ᒫᑲ ᐊᓂᒪ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ ᐃᐢᐱ ᒥᑖᑕᐟ ᓀᐅᓵᑊ ᐁ ᑕᐦᑐᑭᓯᑫᐧᔨᐟ ᐱᓯᒪᐧ ᐁ ᐅᑖᑯᓯᓂᔨᐠ ᒉᕒᐃᑯ ᒪᐢᑯᑌᕽ. 11ᑭ ᒧᐁᐧᐊᐧᐠ ᒫᑲ ᑲᔮᓯ ᐸᐦᑫᐧᓯᑲᓇ ᐁᑯᑕ ᐊᐢᑭᕽ ᐅᐦᒋ ᐁ ᐊᑎ ᐋᐧᐸᓂᔨᐠ ᑳ ᐳᓂ ᒪᔮᐢᑯᑖᑐ ᐃᐧᐦᑯᐦᑐᒋᐠ, ᐁᑳ ᐁ ᐅᐦᐱᓯᒥᒥᐟ ᐊᔭᑯᓇᐊᐧ, ᒥᓇ ᐁ ᑳᐢᐱᓱᔨᐟ ᐸᐦᑫᐧᓯᑲᓂᑳᓇ ᐁᐊᐧᑯ ᐁ ᑭᓯᑳᔨᐠ.
12 #
ᐁᐠᓴᑕᐢ 16:35
ᐊᓂᒪ ᒫᑲ ᒫᓇ ᑭ ᐳᓂᐸᔨᐤ ᑳ ᐊᑎ ᐋᐧᐸᕽ, ᐃᐢᐱ ᑳ ᒧᐋᐧᒋᐠ ᑲᔮᓯ ᐸᐦᑫᐧᓯᑲᓂᑳᓇ ᐁᑯᑕ ᐊᐢᑭᕽ ᐅᐦᒋ; ᐊᐦᐳ ᓇᒪᐃᐧᑳᐨ ᒥᓇ ᑭ ᐊᔮᐊᐧᐠ ᒫᓇ ᐃᐢᕒᐁᐃᓬ ᐅᑕᐋᐧᓯᒥᓴ; ᒫᑲ ᑭ ᒥᒋᐊᐧᐠ ᑳ ᐃᓯ ᓂᐦᑖᐃᐧᑭᓂᔨᐠ ᐊᓂᑕ ᑫᓇᐣ ᐊᐢᑭᕽ ᐁᐊᐧᑯ ᐊᐢᑭᐃᐧᓂᕽ.
13ᑭ ᐊᔨᑭᐣ ᒫᑲ, ᐃᐢᐱ ᒑᐢᔪᐊ ᒋᑭ ᒉᕒᐃᑯᐃᕽ ᐁ ᐊᔮᐟ, ᐁ ᑭ ᐅᐦᐱᐢᑫᐧᔨᐟ, ᑭ ᐃᑕᐱᐤ, ᑭ ᐋᐧᐸᒣᐤ ᒫᑲ ᓈᐯᐊᐧ ᐁ ᑎᐱᐢᑯᒋᑲᐸᐃᐧᐢᑖᑯᐟ, ᐅᓯᒫᑲᓂᔨᐤ ᐁ ᑭ ᑫᒋᑯᐱᒋᑲᑌᔨᐠ ᐅᒋᒋᔨᕽ: ᒑᐢᔪᐊ ᒫᑲ ᑭ ᓇᑌᐤ, ᐅᒥᓯ ᐁ ᑭ ᐃᑖᐟ, ᑭ ᐃᐧᒋᐦᐃᓈᐣ ᒋ, ᐊᐦᐳ ᒋ ᓂ ᓄᑎᓈᑲᓂᓈᓇᐠ? 14ᐅᒥᓯ ᒫᑲ ᑭ ᐃᑎᐠ, ᓇᒪ; ᒫᑲ ᑭᑕ ᓂᑲᓂᐢᑕᒪᐊᐧᑭᐠ ᑳ ᑎᐯᔨᐦᒋᑫᐟ ᐅᓄᑎᓂᑫᒪ ᐊᓄᐦᐨ ᑳ ᐯ ᐅᐦᒋ ᐃᑐᐦᑌᔮᐣ. ᒑᐢᔪᐊ ᒫᑲ ᑭ ᐃᐢᐸᔨᐦᐅ ᒧᐢᑕᐢᑲᒥᐠ, ᒥᓇ ᐁ ᑭ ᐅᒋᐦᒋᐦᑲᐧᓇᐱᐟ, ᐅᒥᓯ ᑭ ᐃᑌᐤ, ᑖᓂᓯ ᑳ ᐃᐧ ᐃᑖᐟ ᓂᑐᑭᒫᒼ ᐅᑕᑐᐢᑫᔮᑲᓇ? 15ᐊᓇ ᒫᑲ ᑳ ᓂᑲᓂᐢᑕᒪᐋᐧᐟ ᑳ ᑎᐯᔨᐦᒋᑫᔨᐟ ᐅᓄᑎᓂᑫᒥᔨᐊᐧ ᐅᒥᓯ ᑭ ᐃᑌᐤ ᒑᐢᔪᐊᐊᐧ, ᑫᑕᐢᑭᓯᓀ; ᒋᑫᒫ ᐊᓂᒪ ᐃᑕ ᑳ ᓂᐸᐃᐧᔭᐣ ᑲᓈᑕᐣ. ᒑᐢᔪᐊ ᒫᑲ ᐁᑯᓯ ᑭ ᑐᑕᒼ.
Currently Selected:
ᒑᐢᔪᐊ 5: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
