ᒑᐢᔪᐊ 20
20
1 #
ᓇᒼᐸᕒᐢ 35:9-34; ᑎᔪᑕᕒᐊᓇᒥ 4:41-43; 19:1-13 ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒑᐢᔪᐊ, ᐁ ᐃᑌᐧᐟ, 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᒥᓯ ᐃᓯᐠ, ᐅᔭᑭᑕᒫᓱᐠ ᐁᑲᐧ ᓈᑖᒧᐢᒋᑲᓂ ᐅᑌᓇᐊᐧ, ᐊᓂᐦᐃ ᑳ ᑭ ᐃᐧᐦᑕᒫᑕᑯᐠ ᒧᓯᐢ ᐅᐦᒋ. 3ᐊᓇ ᐅᓂᐸᑖᑫᐤ ᐊᐃᐧᔭ ᐁ ᐱᐢᑕᐱᓇᑖᐟ ᒥᓇ ᐁᑳ ᐅᐦᒋᑕᐤ ᐁ ᐃᑐᑕᕽ ᐁᑯᑌ ᑭᑕ ᑭ ᐃᑖᒧᐟ; ᐁᑯᓯ ᐁᐊᐧᑯᓂ ᑭ ᑲ ᑭ ᓈᑖᒧᑐᑌᓇᐋᐤ ᐁ ᑕᐸᓯᐋᔦᐠ ᑳ ᐋᐯᐅᐟ ᒥᐦᑯ. 4ᑭᑕ ᓈᑖᒧᑐᑕᒼ ᒫᑲ ᓂᑯᑖᐧ ᐯᔭᐠ ᐅᐦᐃ ᐅᑌᓇᐊᐧ, ᐁᑯᓯ ᑭᑕ ᓂᐸᐃᐧᐤ ᐁ ᐊᑎ ᐱᐦᑐᑫᕽ ᑭᐦᒋᐃᐢᑳᐧᑌᒼ ᐁᐊᐧᑳᐧᓂᒪ ᐅᑌᓇᐤ, ᒥᓇ ᑭᑕ ᐃᐧᐦᑕᒼ ᐊᓂᒪ ᐁ ᐊᔨᑎᓂᑫᐟ ᐁ ᓇᑐᐦᑖᑯᐟ ᑳ ᓂᑳᓀᔨᑖᑯᓯᔨᐟ ᐁᐊᐧᑯ ᐅᑌᓇᐤ; ᑭᑕ ᐱᐦᑐᑲᐦᐃᐠ ᒫᑲ ᐅᑌᓈᕽ ᐃᑕ ᐁ ᐊᔮᔨᐟ, ᒥᓇ ᑭᑕ ᒥᔨᐠ ᐃᑕ ᑭᑕ ᐊᔮᐟ, ᑭᑕ ᑭ ᐃᐧᒋᐊᔮᒫᐟ. 5ᑭᐢᐱᐣ ᒫᑲ ᐊᓇ ᑳ ᐋᐯᐅᐟ ᒥᐦᑯ ᐱᒥᑎᓴᐋᐧᒋ ᓇᒪᐃᐧᔭ ᑭᑕ ᐸᑭᑎᓇᒪᐁᐧᐊᐧᐠ ᐅᒋᐦᒋᔨᕽ ᐊᓂᐦᐃ ᐅᓂᐸᑖᑫᐊᐧ; ᒋᑫᒫ ᑭ ᐱᐢᑕᐱᓇᑌᐤ ᐃᐧᒋᐊᔨᓯᔨᓂᐊᐧ, ᓇᒪᐃᐧᔭ ᑲᔭᐦᑌ ᐁ ᑭ ᐸᑳᐧᑖᐟ. 6ᑭᑕ ᐅᐟ ᐃᐦᑖᐃᐧᓂᐤ ᒫᑲ ᐁᑯᑕ ᐅᑌᓈᕽ, ᐹᑎᒫ ᐃᔨᑯᕽ ᑭ ᐅᐦᑎᐢᑲᐃᐧᑳᐸᐃᐧᐢᑕᐋᐧᒋ ᑳ ᒫᒪᐁᐧᔭᑎᔨᐟ ᐅᔭᓱᐋᐧᓯᐁᐧᐃᐧᐣ ᐅᐦᒋ, ᒥᓇ ᐹᑎᒫ ᐃᔨᑯᕽ ᑭ ᓂᐱᔨᒋ ᑭᐦᒋᐊᔭᒥᐦᐁᐃᐧᔨᓂᐊᐧ ᑫ ᐃᐦᑖᔨᐟ ᐁᑯᐢᐱ ᑲᑭᓯᑳᑭ; ᐁᑲᐧ ᒫᑲ ᐅᓂᐸᑖᑫᐤ ᑭᑕ ᑭ ᑭᐁᐧᐤ, ᒥᓇ ᑭᑕ ᑭ ᐯ ᐃᑐᐦᑌᐤ ᐃᐧᔭ ᐅᐟ ᐅᑌᓈᕽ ᒥᓇ ᐃᐧᔭ ᐅ ᐋᐧᐢᑳᐦᐃᑲᓂᕽ, ᐅᑌᓈᕽ ᐃᑕ ᑳ ᑭ ᐅᐦᒋ ᑕᐸᓯᐟ.
7ᑭ ᐅᔭᑭᑕᒪᐧᐠ ᒫᑲ ᑭᑌᐢ ᑳᓬᐃᓬᐃᕽ ᐊᓂᑕ ᓈᑊᑕᓬᐊᐩ ᐁ ᐊᐧᒋᐊᐧᕽ, ᒥᓇ ᓯᑫᒼ ᐊᓂᑕ ᐁ ᐊᐧᒋᐊᐧᕽ ᐃᐸᕒᐁᐃᒼ, ᒥᓇ ᑭᕒᐃᐊᐦᐟ ᐋᕒᐸ (ᐁᐊᐧᑳᐧᓂᒪ ᐦᐁᐸᕒᐊᐣ) ᐁ ᐊᐧᒋᐊᐧᕽ ᒍᑕ. 8ᐁᑯᓯ ᐊᑲᒥᕽ ᒑᕒᑕᓂᕽ ᒋᑭ ᒉᕒᐃᑯ ᐋᐧᐸᓄᑖᕽ ᐃᑌᐦᑫ, ᑭ ᐅᔭᑭᑕᒪᐧᐠ ᐱᓴᕒ ᐊᓂᑕ ᐱᑲᐧᑕᐢᑭᕽ ᒪᐢᑯᑌᕽ ᐅ ᐱᐢᑭᑐᑌᐃᐧᓯᐃᐧᐣ ᕒᐅᐱᐣ ᐅᐦᒋ, ᒥᓇ ᕒᐁᒫᐦᐟ ᑭᓬᐃᔭᑎᕽ ᐅ ᐱᐢᑭᑐᑌᐃᐧᓯᐃᐧᐣ ᑳᐟ ᐅᐦᒋ, ᒥᓇ ᑳᓬᐋᐣ ᐯᓵᓂᕽ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ ᐅᐦᒋ. 9ᐁᐊᐧᑯᓂ ᐅᐦᐃ ᐅᑌᓇᐊᐧ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᐋᐸᒋᐦᑖᒋᐠ, ᒥᓇ ᒫᓂᑌᐊᐧ ᑳ ᐃᐧᒋᐊᔮᒥᑯᒋᐠ, ᐱᑯ ᐊᐃᐧᔭᐠ ᓈᐣᑕᐤ ᐊᔨᓯᔨᓂᐊᐧ ᐁ ᐱᐢᑕᐱᓇᑖᐟ ᐁᑯᑌ ᑭᑕ ᐃᑖᒧᐟ, ᐁᑳ ᒫᑲ ᑭᑕ ᓂᐸᐦᐃᑯᐟ ᐊᓂᐦᐃ ᑳ ᐋᐯᐅᔨᐟ ᒥᐦᑯᔨᐤ, ᐹᑎᒫ ᐱᑯ ᐃᔨᑯᕽ ᑭ ᐅᐦᑎᐢᑲᐃᐧᑳᐸᐃᐧᐢᑕᐋᐧᒋ ᑳ ᒫᒪᐁᐧᔭᑎᔨᐟ.
Currently Selected:
ᒑᐢᔪᐊ 20: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
