ᒑᐢᔪᐊ 21
21
1ᐁᑲᐧ ᒫᑲ ᐊᓂᑭ ᑳ ᓂᑳᓂᒋᐠ ᐅᑖᐃᐧᐋᐧᐊᐧ ᐅ ᐋᐧᐢᑳᐦᐃᑲᓂᔨᕽ ᐊᓂᑭ ᓬᐃᐸᐃᑕᐠ ᑭ ᐯ ᓈᑌᐊᐧᐠ ᐁᓬᐃᐁᓴᕒᐊ ᐊᔭᒥᐦᐁᐃᐧᔨᓂᐊᐧ, ᒥᓇ ᒑᐢᔪᐊ ᐅᑯᓯᓴ ᓇᐣ, ᒥᓇ ᑳ ᓂᑳᓂᔨᐟ ᐅᑖᐃᐧᐋᐧᐊᐧ ᐅ ᐋᐧᐢᑳᐦᐃᑲᓂᔨᕽ ᐁ ᐃᑕᐦᑐᑌᐃᐧᓯᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; 2#ᓇᒼᐸᕒᐢ 35:1-8ᑭ ᑭᑐᑌᐊᐧᐠ ᒫᑲ ᐁᑯᑕ ᓴᐃᓬᐆᐃᕽ ᑫᓇᐣ ᐊᐢᑭᕽ, ᐁ ᐃᑌᐧᒋᐠ, ᑳ ᑎᐯᔨᐦᒋᑫᐟ ᑭ ᐃᑕᓱᐁᐧᐤ ᒧᓯᓴ ᐅᐦᒋ ᑭᑕ ᒥᔨᑲᐃᐧᔮᕽ ᐅᑌᓇᐊᐧ ᐃᑕ ᑭᑕ ᐅᐟ ᐃᐦᑖᐃᐧᓂᔮᕽ, ᒥᓇ ᐊᐢᑭ ᐋᐧᐢᑳ ᓂ ᐱᓯᐢᑭᒥᓈᓇᐠ ᐅᐦᒋ. 3ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒥᔦᐊᐧᐠ ᓬᐃᐸᐃᑕ ᐅ ᑎᐯᔨᒋᑲᓂᐋᐧᕽ ᐅᐦᒋ ᐁ ᐃᑕᐢᑌᔨᐠ ᐅᐟ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ, ᐅᐦᐃ ᐅᑌᓇᐊᐧ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ. 4ᐊᓂᒪ ᒫᑲ ᐋᐁᐧᐸᔨᒋᑲᐣ ᑭ ᐃᐢᐸᔨᔨᐤ ᐁ ᐃᓯ ᐋᐧᑯᑐᒋᐠ ᑳᐦᐋᑕᐃᑕᐠ; ᐁᑯᓯ ᐅᐟ ᐊᐋᐧᓯᒥᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ, ᓬᐃᐸᐃᑕᐠ ᑳ ᐅᐦᒋᒋᐠ, ᑭ ᐊᔮᐊᐧᐠ ᐋᐁᐧᐸᔨᐦᒋᑫᐃᐧᐣ ᐅᐦᒋ ᐅ ᐱᐢᑭᑐᑌᐃᐧᓯᐃᐧᐣ ᒍᑕ ᐁ ᐅᐦᒋ ᒥᔨᐦᒋᐠ, ᒥᓇ ᐅ ᐱᐢᑭᑐᑌᐃᐧᓯᐃᐧᓂᐋᐧᐤ ᓯᒥᔭᓇᐃᑕᐠ, ᒥᓇ ᐅ ᐱᐢᑭᑐᑌᐃᐧᓯᐃᐧᐣ ᐯᐣᒋᒪᐣ, ᒥᑖᑕᐦᐟ ᓂᐢᑐᓵᑊ ᐅᑌᓇᐊᐧ. 5ᐊᓂᐦᐃ ᒫᑲ ᑯᑕᑲ ᐅᐟ ᐊᐋᐧᓯᒥᓴ ᑳᐦᐋᐦᐟ ᑭ ᐊᔮᐊᐧᐠ ᐋᐁᐧᐸᔨᒋᑲᐣ ᐅᐦᒋ ᐁ ᐃᓯ ᐋᐧᑯᑐᒋᐠ ᐅ ᐱᐢᑭᑐᑌᐃᐧᓯᐃᐧᓂᕽ ᐃᐸᕒᐁᐃᒼ ᐁ ᐅᐦᒋ ᒥᔨᐦᒋᐠ, ᒥᓇ ᐅ ᐱᐢᑭᑐᑌᐃᐧᓯᐃᐧᓂᕽ ᑖᐣ, ᒥᓇ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᓂᕽ ᒪᓈᓯ, ᒥᑖᑕᐦᐟ ᐅᑌᓇᐊᐧ. 6ᐊᓂᑭ ᒫᑲ ᑲᕒᓴᐣ ᐅᐟ ᐊᐋᐧᓯᒥᓴ ᑭ ᐊᔮᐊᐧᐠ ᐋᐁᐧᐸᔨᐦᒋᑫᐃᐧᐣ ᐅᐦᒋ ᐁ ᐃᓯ ᐋᐧᑯᑐᒋᐠ ᐅ ᐱᐢᑭᑐᑌᐃᐧᓯᐃᐧᐣ ᐃᓵᑲᕒ ᐁ ᐅᐦᒋ ᒥᔨᐦᒋᐠ, ᒥᓇ ᐅ ᐱᐢᑭᑐᑌᐃᐧᓯᐃᐧᐣ ᐋᓴᕒ, ᒥᓇ ᐅ ᐱᐢᑭᑐᑌᐃᐧᓯᐃᐧᐣ ᓈᑊᑕᓬᐊᐩ, ᒥᓇ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ ᐯᓵᓂᕽ, ᒥᑖᑕᐦᐟ ᓂᐢᑐᓵᑊ ᐅᑌᓇᐊᐧ. 7ᐅᐟ ᐊᐋᐧᓯᒥᓴ ᒣᕒᐊᕒᐊᐩ ᐁ ᐋᐃᓯ ᐋᐧᑯᑐᒋᐠ ᑭ ᐊᔮᐊᐧᐠ ᐅ ᐱᐢᑭᑐᑌᐃᐧᓯᐃᐧᓂᕽ ᕒᐅᐱᐣ ᐁ ᐅᐦᒋ ᒥᔨᐦᒋᐠ, ᒥᓇ ᐅ ᐱᐢᑭᑐᑌᐃᐧᓯᐃᐧᐣ ᑳᐟ, ᒥᓇ ᐅ ᐱᐢᑭᑐᑌᐃᐧᓯᐃᐧᐣ ᓭᑊᔪᓬᐊᐣ, ᒥᑖᑕᐦᐟ ᓂᓱᓵᑊ ᐅᑌᓇᐊᐧ. 8ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒥᔦᐊᐧᐠ ᐊᓂᐦᐃ ᓬᐃᐸᐃᑕ ᐋᐁᐧᐸᔨᐦᒋᑫᐃᐧᐣ ᐁ ᐋᐸᒋᐦᑖᒋᐠ ᐅᐦᐃ ᐅᑌᓇᐊᐧ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐁᐧᐟ ᒧᓯᓴ ᐅᐦᒋ.
9ᑭ ᒣᑭᐊᐧᐠ ᒫᑲ ᐅ ᐱᐢᑭᑐᑌᐃᐧᓯᐃᐧᓂᐋᐧᕽ ᒍᑕ ᐅᐟ ᐊᐋᐧᓯᒥᓴ ᐅᐦᒋ, ᒥᓇ ᐅ ᐱᐢᑭᑐᑌᐃᐧᓯᐃᐧᓂᐋᐧᕽ ᓯᒥᔭᐣ ᐅᐟ ᐊᐋᐧᓯᒥᓴ ᐅᐦᒋ, ᐅᐦᐃ ᐅᑌᓇᐊᐧ ᐅᑕ ᑳ ᐃᐧᒋᑳᑌᑭ; 10ᐁ ᒥᔮᒋᐠ ᐁᕒᐊᐣ ᐅᐟ ᐊᐋᐧᓯᒥᓯᔨᐊᐧ, ᐁ ᐃᓯ ᐋᐧᑯᑐᒋᐠ ᑳᐦᐋᑕᐃᑕᐠ, ᐁᐊᐧᑯᓂ ᑳ ᐅᐦᒋᒋᐠ ᐅᐟ ᐊᐋᐧᓯᒥᓴ ᓬᐃᐸᐩ; ᒋᑫᒫ ᐁᐊᐧᑯᓂᐠ ᓂᐢᑕᒼ ᐋᐁᐧᐸᔨᒋᑲᐣ. 11ᑭ ᒥᔦᐊᐧᐠ ᒫᑲ ᑭᕒᐃᐊᐦᐟ ᐋᕒᐸ, ᐁᐊᐧᑯ ᐋᕒᐸ ᑳ ᑭ ᐅᔪᑖᐃᐧᐟ ᐁᓈᐠ (ᐁᐊᐧᑳᐧᓂᒪ ᐦᐁᐸᕒᐊᐣ), ᐁ ᐊᐧᒋᐊᐧᕽ ᒍᑕ, ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ. 12ᒫᑲ ᑭᐢᑎᑳᓇ ᐁᑯᑕ ᐅᐦᒋ ᐅᑌᓇᐤ, ᒥᓇ ᑭᐢᑕᐱᓈᓂᓴ ᐁᑯᑕ ᐅᐦᒋ ᑭ ᒥᔦᐊᐧᐠ ᑫᓬᐃᐸ ᐅᑯᓯᓴ ᒉᐸᓂ ᑭᑕ ᐅ ᑎᐯᔨᒋᑲᓂᔨᐟ.
13ᐁᑯᓯ ᐅᐟ ᐊᐋᐧᓯᒥᓯᔨᐊᐧ ᐁᕒᐊᐣ ᐊᓇ ᐊᔭᒥᐦᐁᐃᐧᔨᓂᐤ ᑭ ᒥᔦᐊᐧᐠ ᐦᐁᐸᕒᐊᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᐅᑌᓇᐤ ᐅᓂᐸᑖᑫᐤ ᑭᑕ ᐃᑖᒧᐟ, ᒥᓇ ᓬᐃᑊᓇ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; 14ᐊᓯᒋ ᒑᑕᕒ ᒥᓇ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᐁᐢᑎᒧᐊ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; 15ᒥᓇ ᐦᐅᓬᐅᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᑎᐸᕒ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; 16ᒥᓇ ᐁᐃᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᒍᑕ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᐯᐦᐟ ᓯᒣᐢ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᑫᑳᐟ ᒥᑖᑕᐦᐟ ᐅᑌᓇᐊᐧ ᓂᓱ ᐊᓂᑭ ᐁ ᐱᐢᑭᑐᑌᐃᐧᓯᒋᐠ ᐁ ᒣᑭᒋᐠ. 17ᐁᑯᓯ ᐅ ᐱᐢᑭᑐᑌᐃᐧᓯᐃᐧᐣ ᐯᐣᒋᒪᐣ ᐅᐦᒋ, ᑭᐱᔭᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᑭᐸ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; 18ᐋᓇᑖᐦᐟ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᐋᓬᒪᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓀᐤ ᐅᑌᓇᐊᐧ. 19ᑲᐦᑭᔭᐤ ᐅᑌᓇᐃᐧᐋᐧᐊᐧ ᐅᐟ ᐊᐋᐧᓯᒥᓴ ᐁᕒᐊᐣ, ᐊᔭᒥᐦᐁᐃᐧᔨᓂᐊᐧᐠ, ᒥᑖᑕᐦᐟ ᓂᐢᑐᓵᑊ ᐅᑌᓇᐊᐧ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ.
20ᐁᑯᓯ ᐁ ᐃᓯ ᐋᐧᑯᑐᔨᐟ ᑳᐦᐋᐦᐟ ᐅᐟ ᐊᐋᐧᓯᒥᓴ, ᐊᓂᑭ ᓬᐃᐸᐃᑕᐠ ᐊᓂᐦᐃ ᐅᑎ ᑯᑕᑲ ᐅᐟ ᐊᐋᐧᓯᒥᓴ ᑳᐦᐋᐦᐟ, ᐁᐊᐧᑯᓂᐠ ᑭ ᐊᔮᐊᐧᐠ ᐅᑌᓇᐊᐧ ᑳ ᐋᐁᐧᐸᔨᑖᐧᐦᒋᐠ ᐅ ᐱᐢᑭᑐᑌᐃᐧᓯᐃᐧᓂᕽ ᐃᐸᕒᐁᐃᒼ ᐅᐦᒋ. 21ᑭ ᒥᔦᐊᐧᐠ ᒫᑲ ᓯᑫᒼ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ ᐁ ᐊᐧᒋᐊᐧᕽ ᐃᐸᕒᐁᐃᒼ ᐊᓂᒪ ᐅᑌᓇᐤ ᑭᑕ ᓈᑖᒧᑐᑕᕽ ᐅᓂᐸᑖᑫᐤ, ᒥᓇ ᑭᓴᕒ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; 22ᒥᓇ ᑭᑊᓭᐃᒼ ᐊᓯᒋ ᐊᐢᑭ ᐋᐧᐢᑳ ᑳ ᐊᔭᐠ, ᒥᓇ ᐯᐟᐦᐋᕒᐊᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓀᐤ ᐅᑌᓇᐊᐧ. 23ᑖᐣ ᒫᑲ ᐅ ᐱᐢᑭᑐᑌᐃᐧᓯᐃᐧᐣ ᐅᐦᒋ, ᐁᓬᑌᑫ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᑭᐱᐦᑕᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ: 24ᐋᒋᓬᐊᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᑳᐦᐟᕒᐃᒪᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓀᐤ ᐅᑌᓇᐊᐧ. 25ᐁᑯᓯ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ ᐅᐦᒋ, ᑌᐊᓈᐠ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᑳᐦᐟᕒᐃᒪᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓂᓱ ᐅᑌᓇᐊᐧ. 26ᑲᐦᑭᔭᐤ ᐅᑌᓇᐃᐧᐋᐧᐊᐧ ᐁ ᐃᓯ ᐋᐧᑯᑐᒋᐠ ᑯᑕᑲᐠ ᐊᓂᑭ ᑳᐦᐋᐦᐟ ᐅᐟ ᐊᐋᐧᓯᒥᓴ ᒥᑖᑕᐦᐟ ᑭ ᐃᑕᐦᑎᓂᔨᐊᐧ ᐊᓯᒋ ᐊᐢᑭ ᐊᐧᐢᑳ ᑳ ᐊᔮᐠ.
27ᐅᐟ ᐊᐋᐧᓯᒥᓴ ᑲᕒᓴᐣ ᒫᑲ ᐁ ᐃᓯ ᐊᐧᑯᑐᒋᐠ ᐊᓂᑭ ᓬᐃᐸᐃᑕᐠ, ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ ᐅᐦᒋ ᑭ ᒥᔦᐊᐧᐠ ᑳᓬᐋᐣ ᐯᓵᓂᕽ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᐅᑌᓇᐤ ᑭᑕ ᐃᑖᒧᐟ ᐅᓂᐸᑖᑫᐤ; ᒥᓇ ᐱᐁᐢᑕᕒᐊ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ ᓂᓱ ᐅᑌᓇᐊᐧ. 28ᐁᑯᓯ ᐅ ᐱᐢᑭᑐᑌᐃᐧᓯᐃᐧᓂᕽ ᐃᓵᑲᕒ ᐅᐦᒋ, ᑭᓯᔭᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᑖᐱᕒᐋᐦᐟ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; 29ᒐᕒᒪᐟ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᐁᐣᑳᓂᒼ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓀᐤ ᐅᑌᓇᐊᐧ. 30ᐁᑯᓯ ᐅ ᐱᐢᑭᑐᑌᐃᐧᓯᐃᐧᐣ ᐋᓴᕒ ᐅᐦᒋ, ᒥᓵᓬ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᐋᑊᑕᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; 31ᐦᐁᓬᑳᐦᐟ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᕒᐃᐦᐋᑊ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓀᐤ ᐅᑌᓇᐊᐧ. 32ᓈᑊᑕᓬᐊᐩ ᒫᑲ ᐁ ᐱᐢᑭᑐᑌᐃᐧᓯᐟ ᐅᐦᒋ, ᑭᑌᐢ ᑳᓬᐃᓬᐃᕽ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᐅᑌᓇᐤ ᐃᑕ ᐅᓂᐸᑖᑫᐤ ᑭᑕ ᐃᑖᒧᐟ, ᒥᓇ ᑳᕒᑖᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓂᐢᑐ ᐅᑌᓇᐊᐧ. 33ᑲᐦᑭᔭᐤ ᐅᐟ ᐅᑌᓇᐃᐧᐋᐧᐊᐧ ᐊᓂᑭ ᑲᕒᓴᓇᐃᑕᐠ ᐁ ᐃᓯ ᐊᐧᑯᑐᒋᐠ ᒥᑖᑕᐦᐟ ᓂᐢᑐᓵᑊ ᐅᑌᓇᐊᐧ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ.
34ᐁᑯᓯ ᐁ ᐃᓯ ᐊᐧᑯᑐᒋᐠ ᐅᐟ ᐊᐋᐧᓯᒥᓴ ᒣᕒᐊᕒᐊᐩ, ᐊᓂᑭ ᑯᑕᑲᐠ ᓬᐃᐸᐃᑕᐠ, ᓭᑊᔪᓬᐊᐣ ᐅ ᐱᐢᑭᑐᑌᐃᐧᓯᐃᐧᐣ ᐅᐦᒋ, ᒑᐠᓂᐊᒼ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᑳᕒᑖ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, 35ᑎᒼᓇ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᓀᐦᐋᓬᐋᓬ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓀᐤ ᐅᑌᓇᐊᐧ. 36ᕒᐅᐱᐣ ᒫᑲ ᐅ ᐱᐢᑭᑐᑌᐃᐧᓯᐃᐧᐣ ᐅᐦᒋ, ᐱᓴᕒ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᒉᐦᐋᐢ ᐊᓯᒋ ᐊᐢᑭ ᐊᐧᐢᑲ ᑳ ᐊᔮᐠ, 37ᑭᑎᒫᐦᐟ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒥᓇ ᒣᐦᐯᐋᐦᐟ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓀᐤ ᐅᑌᓇᐊᐧ. 38ᐅ ᐱᐢᑭᑐᑌᐃᐧᓯᐃᐧᐣ ᒫᑲ ᑳᐟ ᐅᐦᒋ, ᕒᐁᒫᐦᐟ ᑭᓬᐃᔭᑎᕽ ᐊᓯᒋ ᐊᐢᑭ ᐊᐧᐢᑳ ᑳ ᐊᔮᐠ, ᐅᑌᓇᐤ ᑭᑕ ᓈᑖᒧᑐᑕᕽ ᐅᓂᐸᑖᑫᐤ, ᒥᓇ ᒣᐦᐋᓀᐃᒼ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; 39ᐦᐁᐢᐸᐣ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ, ᒉᓴᕒ ᐊᓯᒋ ᐊᐢᑭ ᐋᐧᐢᑳ ᑳ ᐊᔮᐠ; ᓀᐤ ᐅᑌᓇᐊᐧ ᒫᒪᐃᐧ. 40ᑲᐦᑭᔭᐤ ᐅᐦᐃ ᐁᐊᐧᑯᓂ ᐅᑌᓇᐃᐧᐋᐊᐧ ᐅᐟ ᐊᐋᐧᓯᒥᓴ ᒣᕒᐊᕒᐊᐩ ᐁ ᐃᓯ ᐋᐧᑯᑐᒋᐠ, ᐊᓂᑭ ᐅᑎ ᑯᑕᑲᐠ ᐁ ᐃᓯ ᐋᐧᑯᑐᒋᐠ ᓬᐃᐸᐃᑕᐠ; ᐁᑯᓯ ᒥᑖᑕᐦᐟ ᓂᓱᓵᑊ ᐅᑌᓇᐊᐧ ᐅᐟ ᐋᐁᐧᐸᔨᒋᑲᓂᐋᐧᐤ.
41ᑲᐦᑭᔭᐤ ᐅᑌᓇᐊᐧ ᓬᐃᐸᐃᑕᐠ ᑳ ᐊᔮᒋᐠ ᒣᑳᐧ ᐊᔨᕽ ᐅ ᑎᐯᔨᒋᑲᓂᔨᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓀᒥᑕᓇᐤ ᐊᔨᓈᓀᐤ ᐊᔨᐋᐧᐠ ᑭ ᐃᑖᑎᓇᐧ ᐊᓯᒋ ᐊᐢᑭ ᐊᐧᐢᑳ ᑳ ᐊᔮᐠ. 42ᐅᐦᐃ ᐅᑌᓇᐊᐧ ᑲᐦᑭᔭᐤ ᑭ ᑭᑭ ᐊᔮᐊᐧ ᐊᐢᑭ ᐋᐧᐢᑳ; ᐁᑯᓯ ᑲᐦᑭᔭᐤ ᑭ ᐃᓯ ᐊᔮᐊᐧ ᐅᐦᐃ ᐅᑌᓇᐊᐧ.
43ᐁᑯᓯ ᑳ ᑎᐯᔨᐦᒋᑫᐟ ᑭ ᒥᔦᐤ ᐃᐢᕒᐁᐃᓬᐊ ᑲᐦᑭᔭᐤ ᐊᓂᒪ ᐊᐢᑭ ᑳ ᑭ ᑭᐦᒋᐃᑖᐟ ᑭᑕ ᒥᔨᒫᐟ ᐅᑖᐃᐧᔨᐊᐧ; ᑭ ᑎᐯᔨᐦᑕᒪᐧᐠ ᒫᑲ ᒥᓇ ᐁᑯᑕ ᑭ ᐅᐟ ᐃᐦᑖᐃᐧᓂᐊᐧᐠ. 44ᑳ ᑎᐯᔨᐦᒋᑫᔨᐟ ᒫᑲ ᑭ ᒥᔨᑲᐧᐠ ᐯᔭᑕᑭ ᐊᔮᐃᐧᐣ ᒥᓯᐁᐧ ᐋᐧᐢᑳ, ᑳ ᑭ ᐃᓯ ᑭᐦᒋᐃᑖᔨᐟ ᐅᑖᐃᐧᐋᐧᐊᐧ; ᐁᑯᓯ ᓇᒪ ᐊᐃᐧᔭ ᓈᐯᐊᐧ ᑲᐦᑭᔭᐤ ᐅ ᓄᑎᓈᑲᓂᐋᐧᐊᐧ ᑭ ᐅᐦᑎᐢᑲᐃᐧᑳᐸᐃᐧᐢᑖᑲᐧᐠ; ᑳ ᑎᐯᔨᐦᒋᑫᔨᐟ ᑭ ᐹᑭᑎᓀᔨᐊᐧ ᑲᐦᑭᔭᐤ ᐅ ᓄᑎᓈᑲᓂᐋᐧᐊᐧ ᐅᒋᐦᒋᐋᐧᕽ. 45ᓇᒪᐋᐧᐨ ᓄᐦᑌᐸᔨᔨᐤ ᓈᐣᑕᐤ ᒥᔪ ᑫᑲᐧᐩ ᑳ ᑎᐯᔨᐦᒋᑫᐟ ᑳ ᑭ ᐊᓱᑕᒪᐋᐧᐟ ᐃᐢᕒᐁᐃᓬ ᐅ ᐋᐧᐢᑳᐦᐃᑲᓂᕽ; ᑲᐦᑭᔭᐤ ᑭ ᑎᐱᐸᔨᐤ.
Currently Selected:
ᒑᐢᔪᐊ 21: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
