ᒑᐢᔪᐊ 17
17
1ᒥᓇ ᒫᑲ ᑭ ᐅᑎᐯᔨᒋᑲᓂᐊᐧᐠ ᒪᓈᓯ ᐁ ᐃᓯ ᐯᔭᑯᐢᑲᓀᒪᑭᓯᐟ ᒋᑫᒫ ᑭ ᐅᓂᐢᑕᒧᓴᓂᒥᐠ ᒍᓯᐸ; ᑭᑕ ᐃᑌᐧᕽ, ᒫᑲᕒ ᑭ ᐅᓂᐢᑕᒧᓴᓂᒥᐠ ᐊᓂᐦᐃ ᒪᓈᓯ, ᐅᑖᐃᐧᔭ ᑭᓬᐃᔭᐟ; ᒋᑫᒫ ᐁ ᑭ ᓇᑐᐸᔨᐃᐧᔨᓂᐃᐧᐟ. ᐁᐊᐧᑯ ᐅᐦᒋ ᑭ ᐊᔮᐤ ᐊᓂᒪ ᑭᓬᐃᔭᐟ ᒥᓇ ᐯᓵᐣ. 2ᒥᓇ ᒫᑲ ᑭ ᐅᑎᐯᔨᒋᑲᓂᐊᐧᐠ ᑲᐦᑭᔭᐤ ᐅᑕᐋᐧᓯᒥᓴ ᒪᓈᓯ ᑳ ᑕᑐᑌᐃᐧᓯᒋᐠ; ᐅᑕᐋᐧᓯᒥᓴ ᐋᐱᔨᓴᕒ, ᒥᓇ ᐅᑕᐋᐧᓯᒥᓴ ᐦᐃᓬᐁᐠ, ᒥᓇ ᐅᑕᐋᐧᓯᒥᓴ ᐋᐢᕒᐋᔨᓬ ᒥᓇ ᐅᑕᐋᐧᓯᒥᓴ ᓯᑭᒼ, ᒥᓇ ᐅᑕᐋᐧᓯᒥᓴ ᐦᐁᐸᕒ, ᒥᓇ ᐅᑕᐋᐧᓯᒥᓴ ᓯᒪᐃᑕ; ᐁᐊᐧᑲᐧᓂ ᐅᐦᐅ ᑳ ᐅᓇᐯᐅᓴᓂᐟ ᒪᓈᓯ ᐅᑯᓯᓴ ᒍᓯᑊ ᑳ ᑕᑐᑌᐃᐧᓯᒋᐠ.
3ᒫᑲ ᓭᓬᐋᐱᐋᐟ, ᐅᑯᓯᓴ ᐦᐁᐸᕒ, ᐅᑯᓯᓴ ᑭᓬᐃᔭᐟ, ᐅᑯᓯᓴ ᒫᑲᕒ, ᐅᑯᓯᓴ ᒪᓈᓯ, ᓇᒪᐃᐧᔭ ᑭ ᐅᑯᓯᓯᐤ, ᒫᑲ ᑭ ᐅᑕᓂᓯᐤ; ᐅᒥᓯ ᒫᑲ ᑭ ᐃᓯᓂᑲᓱᔨᐊᐧ ᐅᑖᓂᓴ, ᒫᓬᐊ, ᒥᓇ ᓄᐊ, ᐦᐋᑭᓬᐊ, ᒥᓬᑲ, ᒥᓇ ᑎᕒᓴ. 4#ᓇᒼᐸᕒᐢ 27:1-7ᑭ ᐯ ᐃᑐᐦᑌᐊᐧᐠ ᒫᑲ ᐊᓂᑕ ᐁᑕᐢᑕᒪᐱᔨᐟ ᐁᓬᐃᐁᓴᕒ ᐊᔭᒥᐦᐁᐃᐧᔨᓂᐊᐧ ᒥᓇ ᐁᑕᐢᑕᒪᐱᔨᐟ ᒑᐢᔪᐊᐊᐧ ᐅᑯᓯᓴ ᓇᐣ, ᒥᓇ ᐁᑕᐢᑕᒪᐱᔨᐟ ᑭᐦᒋ ᐅᑭᒪᓯᓴ, ᐁ ᐃᑌᐧᒋᐠ, ᑳ ᑎᐯᔨᐦᒋᑫᐟ ᑭ ᓯᑭᒣᐤ ᒧᓯᓴ ᑭᑕ ᒥᔨᑯᔭᕽ ᑎᐯᔨᒋᑲᓂᔨᐤ ᐃᑕ ᐁ ᐊᔭᔨᐟ ᓂᒋᓴᓂᓈᓇ. ᐁᑯᓯ ᒫᑲ ᐁ ᐃᓯ ᓯᑭᒥᑯᐟ ᑳ ᑎᐯᔨᐦᒋᑫᔨᐟ ᑭ ᒥᔦᐤ ᑎᐯᔨᒋᑲᓂᔨᐤ ᐃᑕ ᐁ ᐊᔭᔨᐟ ᐅᑕᐃᐧᐋᐧᐊᐧ ᐃᐧᒋᓴᓂᔨᐊᐧ. 5ᒥᑖᑕᐦᐟ ᒫᑲ ᑎᐯᔨᒋᑲᓇ ᑭ ᐊᔮᐤ ᒪᓈᓯ, ᐊᑕᐃᐧᔭ ᒥᓇ ᑭᓬᐃᔭᐟ ᐊᐢᑭ ᒥᓇ ᐯᓵᐣ, ᐊᓂᐦᐃ ᐊᑲᒥᕽ ᒑᕒᑕᓂᕽ ᑳ ᑭ ᐊᔭᑭ; 6ᒋᑫᒫ ᐅᑖᓂᓴ ᒪᓈᓯ ᑭ ᐊᔭᐊᐧᐠ ᑎᐯᔨᒋᑲᓂᔨᐤ ᐃᑕ ᐁ ᐊᔭᔨᐟ ᐅᑯᓯᓴ; ᑲᐦᑭᔭᐤ ᒫᑲ ᐊᓂᑭ ᒪᓈᓯ ᐅᑯᓯᓴ ᑭ ᐊᔭᐊᐧᐠ ᐊᓂᒪ ᑭᓬᐃᔭᐟ ᐊᐢᑭ.
7ᐊᓂᒪ ᒫᑲ ᐅᒋᑲᐢᑯᒼ ᒪᓈᓯ ᑭ ᐅᐦᒋ ᐊᔭᔨᐤ ᐊᓂᑕ ᐋᓴᕒ ᒥᐠᒥᑕ ᐃᓯ, ᐊᓂᒪ ᑳ ᐊᔭᐠ ᐅᑎᐢᑲᐤ ᓯᑭᒥᕽ; ᐊᓂᒪ ᒫᑲ ᐁ ᐊᐧᔦᑲᐧᔭᐠ ᑭ ᐊᑎ ᐃᓯᑎᐣ ᑭᐦᒋ ᓂᐢᑭᕽ ᐊᓂᑕ ᐁᐣᑕᑊᔪᐊ ᑳ ᐅᑕᐢᑭᒋᐠ ᐃᐢᑯ. 8ᒪᓈᓯ ᒫᑲ ᐅ ᑭ ᐊᔭᑕᐩ ᐊᓂᒪ ᑕᑊᔪᐊ ᐊᐢᑭ; ᒫᑲ ᑕᑊᔪᐊ ᐃᑕ ᐁ ᐅᐊᐧᔦᑲᐧᒥᐟ ᒪᓈᓯ ᑭ ᐅᑕᔭᓂᐊᐧᐠ ᐊᓂᑭ ᐃᐸᕒᐁᐃᒼ ᐅᑕᐋᐧᓯᒥᓴ: 9ᐊᓂᒪ ᒫᑲ ᐁ ᒋᑲᐢᑯᐊᐧᕽ ᑭ ᐊᑎ ᓂᑕᒪᒋᐁᐧᒧᐣ ᐊᓂᑕ ᑫᓇ ᓯᐱᕽ, ᓴᐊᐧᓄᕽ ᐃᑌᐦᑫ ᐊᓂᒪ ᓯᐱ; ᐅᐦᐅ ᐅᑐᑌᓇᐊᐧ ᐃᐸᕒᐁᐃᒼ ᐊᔭᔨᐊᐧ ᐃᑕ ᐁᔭᔨᑭ ᐅᑐᑌᓇᐊᐧ ᒪᓈᓯ; ᐅᒋᑲᐢᑯᒼ ᐃᐧᐢᑕ ᒪᓈᓯ ᑭ ᐊᔭᔨᐤ ᑭᐁᐧᑎᓄᕽ ᐃᑌᑫᑲᒼ ᓯᐱᕽ, ᑭᒋᑲᒥᕽ ᒫᑲ ᑭ ᐊᑎ ᐃᓯ ᐊᐧᔭᐃᐧᐸᔨᐤ: 10ᓴᐊᐧᓄᑕᕽ ᐃᑌᐦᑫ ᐃᐸᕒᐁᐃᒼ ᑭ ᐅᑕᔭᓂᐤ, ᑭᐁᐧᑎᓄᑕᕽ ᒫᑲ ᒪᓈᓯ ᑭ ᐅᑕᔭᓂᐤ, ᒥᓇ ᑭᒋᑲᒥᔨᐤ ᑭ ᐅᐊᐧᔦᑲᐧᒥᐤ; ᑭ ᓇᑭᐢᑯᑕᑐᒪᑲᓇᐧ ᒫᑲ ᐋᓴᕒᐃᕽ ᑭᐁᐧᑎᓄᑕᕽ, ᒥᓇ ᐃᓵᑲᕒᐃᕽ ᐊᐧᐸᓄᑕᕽ. 11ᒪᓈᓯ ᒫᑲ ᑭ ᐊᔮᐤ ᐊᓂᑕ ᐃᓵᑲᕒᐃᕽ ᒥᓇ ᐋᓴᕒᐃᕽ, ᐯᐟᓯᐊᐣ ᒥᓇ ᐅᑌᓇᓴ, ᒥᓇ ᐃᑊᓬᐃᐊᒼ ᒥᓇ ᐅᑌᓇᓴ, ᑳ ᐅᑕᐢᑭᔨᐟ ᐊᓂᑕ ᑐᕒ ᒥᓇ ᐅᑌᓇᓴ, ᒥᓇ ᑳ ᐅᑕᐢᑭᔨᐟ ᐁᐣᑑᕒ ᒥᓇ ᐅᑌᓇᓴ, ᑳ ᐅᑕᐢᑭᔨᐟ ᐊᓂᑕ ᑌᐊᓈᐠ ᒥᓇ ᐅᑌᓇᓴ, ᑳ ᐅᑕᐢᑭᔨᐟ ᐊᓂᑕ ᒣᑭᑐ ᒥᓇ ᐅᑌᓇᓴ, ᓂᐢᑐ ᐃᓴ ᐱᑯ ᐊᐢᑭᔭ. 12#ᐅᔭᓱᐁᐧᐊᐧᐠ 1:27,28ᐁᔨᐁᐧᕽ ᒫᑲ ᒪᓈᓯ ᐅᑕᐋᐧᓯᒥᓴ ᓇᒪᐃᐧᔭ ᑭ ᐊᐧᔭᐃᐧᑎᓴᐁᐧᐊᐧᐠ ᑳ ᐅᑕᐢᑭᔨᐟ ᐁᑯᑕ ᐅᑌᓈᕽ; ᒫᑲ ᑫᓇᓇᐃᑕᐠ ᑭ ᐅᑕᐢᑭᐊᐧᐠ ᐁᑯᑕ ᐊᐢᑭᕽ. 13ᐁᔨᐁᐧᕽ ᒫᑲ ᑭ ᐅᑎᐦᒋᐸᔨᐤ ᐃᐢᐱ ᐊᓂᑭ ᐃᐢᕒᐁᐃᓬᐊᐠ ᐁᑎ ᒪᐢᑲᐃᐧᓯᒋᐠ, ᑭ ᒥᔨᑲᐧᐠ ᑎᐸᐦᐊᒪᑐᐃᐧ ᓱᓂᔮᐊᐧ ᐊᓂᐦᐃ ᑫᓇᓇᐃᑕ; ᒫᑲ ᓇᒪᐃᐧᔭ ᑭ ᓇᐢᐱᒋ ᐊᐧᔭᐃᐧᑎᓴᐁᐧᐊᐧᐠ.
14ᐁᑯᓯ ᒍᓯᑊ ᐅᑕᐋᐧᓯᒥᓴ ᑭ ᐊᔭᒥᐦᐁᐊᐧᐠ ᒑᐢᔪᐊᐊᐧ, ᐅᒥᓯ ᐁ ᐃᑌᐧᒋᐠ, ᑖᓀᑭ ᐱᑯ ᐯᔭᐠ ᑎᐱᔭᐁᐧᐃᐧᓯᐃᐧᐣ ᒥᓇ ᐯᔭᐠ ᑎᐯᔨᒋᑲᐣ ᑳ ᑭ ᒥᔨᔭᕽ ᑭᑕ ᐅᑕᔭᓂᔭᕽ, ᐁ ᓄᑲᐧᕽ ᐁ ᑭᐦᒋ ᐊᔨᓯᔨᓂᐃᐧᔮᐣ, ᐃᐧᔭ ᐱᔨᐢ ᐊᓄᐦᐨ ᑳ ᑎᐯᔨᐦᒋᑫᐟ ᐁ ᑭ ᓴᐁᐧᔨᒥᐟ? 15ᒑᐢᔪᐊ ᒫᑲ ᑭ ᓇᐢᑫᐧᐊᐧᓯᒣᐤ, ᑭᐢᐱᐣ ᑭᐦᒋ ᐊᔨᓯᔨᓂᐃᐧᐊᐧᓀ, ᐃᑐᐦᑌ ᐃᓴ ᐁ ᒥᐢᑎᑯᐢᑲᐠ ᐊᐢᑭᕽ, ᑭᐢᑲᑕᐊᒪᓱ ᒫᑲ ᐁᑯᑕ ᐊᓂᑕ ᐅᑕᐢᑭᐊᐧᕽ ᐯᕒᐃᓴᐃᑕᐠ ᒥᓇ ᒥᐢᑕᐯᐊᐧᐠ, ᑭᐢᐱᐣ ᐃᐸᕒᐁᐃᒼ ᐊᐧᒋ ᐅᓴᒼ ᓯᔭᑲᐊᐧᓯᓄᑫᐧ. 16ᐊᓂᑭ ᒫᑲ ᒍᓯᑊ ᐅᑕᐋᐧᓯᒥᓴ ᑭ ᐃᑌᐧᐊᐧᐠ, ᐊᐧᒋ ᓇᒪᐃᐧᔭ ᓂ ᑌᐱᐸᔨᐃᑯᓇᐣ; ᒥᓇ ᑲᐦᑭᔭᐤ ᐊᓂᑭ ᑫᓇᓇᐃᑕᐠ ᑳ ᐅᑕᐢᑭᒋᐠ ᐊᓂᑕ ᐊᐧᔭᑎᓇᐃᐧ ᐊᐢᑭᕽ ᐱᐊᐧᐱᐢᑭᐧᔨᐊᐧ ᐅᑎᑎᐱᑕᐸᓇᐢᑯᐋᐧᐊᐧ, ᐃᐧᐢᑕᐋᐧᐤ ᐊᓂᑭ ᑳ ᐊᔮᒋᐠ ᐯᐟᓯᐊᓂᕽ ᐊᓯᒋ ᐅᑌᓇᓯᕽ, ᒥᓇ ᐊᓂᑭ ᑳ ᐊᔮᒋᐠ ᐊᓂᑕ ᒉᓴᕒᐃᓬ ᐊᐧᔭᑎᓇᕽ. 17ᒑᐢᔪᐊ ᒫᑲ ᑭ ᐊᔭᒥᐦᐁᐤ ᒍᓯᑊ ᐅᑕᐋᐧᓯᒥᓯᔨᐊᐧ, ᐃᐸᕒᐁᐃᒪ ᐃᓴ ᐱᑯ ᒥᓇ ᒪᓈᓯᐊᐧ, ᐅᒥᓯ ᐁ ᐃᑖᐟ, ᑭ ᑭᐦᒋ ᐊᔨᓯᔨᓂᐃᐧᐣ ᐃᓴ ᒥᓇ ᑭ ᑭᐦᒋ ᒪᐢᑲᐃᐧᓯᐣ; ᓇᒪᐃᐧᔭ ᐱᑯ ᐯᔭᐠ ᑎᐯᔨᒋᑲᐣ ᑭ ᑳ ᐊᔭᐣ: 18ᒫᑲ ᐊᐧᒋ ᑭᔭ ᑭ ᑳ ᐅᑕᔭᓂᐣ; ᒋᑫᒫ ᒥᐢᑎᑯᐢᑲᐤ, ᑭ ᑳ ᑭᐢᑲᑕᐁᐣ ᒫᑲ; ᒥᓇ ᐁ ᐅᐦᒋ ᐊᑎ ᐊᐧᔭᐃᐧᑎᕽ ᑭᔭ ᑭ ᑳ ᐅᑕᔭᓂᐣ; ᒋᑫᒫ ᑭ ᑳ ᐊᐧᔭᐃᐧᑎᓴᐋᐧᐊᐧᐠ ᑫᓇᓇᐃᑕᐠ, ᐊᑕ ᐁ ᐱᐊᐧᐱᐢᑯᔨᐟ ᐅᑎᑎᐱᑕᐸᓇᐢᑯᐋᐧᐊᐧ, ᒥᓇ ᐊᑕ ᐁ ᒪᐢᑲᐃᐧᓯᒋᐠ.
Currently Selected:
ᒑᐢᔪᐊ 17: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
