ᒑᐢᔪᐊ 18
18
1ᑲᐦᑭᔭᐤ ᒫᑲ ᑳ ᒫᐊᐧᒋᐃᑐᒋᐠ ᐃᐢᕒᐁᐃᓬ ᐅᑕᐋᐧᓯᒥᓴ ᑭ ᒫᐊᐧᒋᐃᑐᐊᐧᐠ ᐊᓂᑕ ᓴᐃᓬᐆ, ᐁᑯᓯ ᒫᑲ ᐁᑯᑕ ᑭ ᒋᒪᑕᐊᐧᐠ ᐅᒥᑭᐊᐧᐱᔨᐤ ᑳ ᒫᐊᐧᒋᐃᑐᔨᐟ. ᐊᓂᒪ ᒫᑲ ᐊᐢᑭ ᑭ ᓴᑯᑕᐊᐧᐠ. 2ᐁᑯᓯ ᑭ ᐃᐢᑯᐊᐧ ᐃᐢᕒᐁᐃᓬ ᐅᑕᐋᐧᓯᒥᓴ ᑌᐸᑯᑊ ᐁ ᑕᑐᐢᑲᓀᒪᑭᓯᒋᐠ ᐊᓂᑭ ᐁᑳ ᒉᐢᑲᐧ ᐁ ᑭ ᐅᑎᓇᑭᐠ ᐅᑎᐯᔨᒋᑲᓂᐋᐧᐤ. 3ᒑᐢᔪᐊ ᒫᑲ ᐅᒥᓯ ᑭ ᐃᑌᐤ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ, ᑕᓂᔨᑯᕽ ᑫ ᐸᐧᐢᑕᐃᐧᔦᐠ ᑭᑕ ᑎᐯᔨᐦᑕᒣ ᐊᓂᒪ ᐊᐢᑭ, ᑳ ᑭ ᒥᔨᑯᔦᐠ ᑳ ᑎᐯᔨᐦᒋᑫᐟ ᐅᑭᓭᒪᓂᑐᒥᐋᐧᐊᐧ ᑯᑕᐃᐧᐋᐧᐊᐧᐠ? 4ᒣᑭᐠ ᐃᑕ ᑳ ᐊᔮᔦᐠ ᐅᐦᒋ ᓂᐢᑐ ᓈᐯᐊᐧᐠ ᐁᓯ ᐸᐯᔭᑯᐢᑲᓀᒪᑭᓯᔦᐠ ᐅᐦᒋ; ᓂ ᑳ ᓯᐯᐧᑎᓴᐋᐧᐊᐧᐠ ᒫᑲ, ᑭᑕ ᐸᓯᑯᐊᐧᐠ ᒫᑲ, ᑭᑕ ᓴᐳᐢᑲᑭᐠ ᐊᐢᑭᔨᐤ, ᒥᓇ ᑭᑕ ᐊᐧᐃᐧᑕᑭᐠ ᑫ ᐃᓯ ᑕᑎᐯᔨᐦᑕᑭᐠ, ᑳᐃᐧ ᒫᑲ ᒥᓇ ᓂ ᑲ ᐯ ᓇᑎᑲᐧᐠ. 5ᑭᑕ ᒪᑎᓇᐁᐧᐊᐧᐠ ᒫᑲ ᑌᐸᑯᐸᐧᔭᐠ ᐃᓯ; ᒍᑕ ᑭᑕ ᐊᔭᐊᐧᐠ ᐅᑎᑕᐃᐧᓂᐊᐧᕽ ᓴᐊᐧᓄᕽ, ᒥᓇ ᒍᓯᑊ ᐅᑕᐋᐧᓯᒥᓴ ᑭᑕ ᐊᔭᐊᐧᐠ ᐅᑎᑕᐃᐧᓂᐊᐧᕽ ᑭᐁᐧᑎᓄᑕᕽ. 6ᑭ ᑳ ᐊᑐᑌᓈᐋᐧᐤ ᐃᓴ ᒫᑲ ᐊᐢᑭ ᑌᐸᑯᐸᐧᔭᐠ ᐃᓯ, ᒥᓇ ᐯᑕᑐᑕᒪᐃᐧᐠ, ᑭᑕ ᓂᑕᐃᐧ ᑭᐢᑫᔨᑕᒪᑕᑯᐠ ᐅᑕ ᐁᑕᐢᑕᒪᐱᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ. 7ᒫᑲ ᓬᐃᐸᐃᑕᐠ ᓇᒪᐃᐧᔭ ᐅᑎᐯᔨᒋᑲᓂᐊᐧᐠ ᐃᑕ ᐁ ᐊᔮᔦᐠ; ᒋᑫᒫ ᑳ ᑎᐯᔨᐦᒋᑫᐟ ᐅᐟ ᐊᔭᒥᐦᐁᐃᐧᔨᓂᐃᐧᐃᐧᐣ ᐁᐅᑫᐧᔨᐤ ᐅᑎᐯᔨᒋᑲᓂᐋᐧᐤ, ᑳᐟ ᒫᑲ, ᒥᓇ ᕒᐅᐱᐣ, ᒥᓇ ᐊᐱᑕᐤ ᐅᑕᑐᑌᐃᐧᓯᐃᐧᐣ ᒪᓈᓯ ᑭ ᐅᑎᓇᒪᐧᐠ ᐅᑎᐯᔨᒋᑲᓂᐋᐧᐤ ᐊᑲᒥᕽ ᒑᕒᑕᓂᕽ ᐊᐧᐸᓄᑕᕽ, ᐊᓂᒪ ᒧᓯᐢ ᐅᑕᑐᐢᑫᔭᑲᓇ ᑳ ᑎᐯᔨᐦᒋᑫᐟ ᑳ ᑭ ᒥᔭᐟ.
8ᐊᓂᑭ ᒫᑲ ᓈᐯᐊᐧᐠ ᑭ ᐸᓯᑯᐊᐧᐠ ᐁ ᑭ ᓯᐯᐧᑌᒋᐠ; ᒑᐢᔪᐊ ᒫᑲ ᑭ ᐊᔮᑳᐧᒥᒣᐤ ᐊᓂᐦᐃ ᑳ ᓇᑕᐋᐧᐯᓂᑫᔨᐟ ᐊᐢᑭ, ᐅᒥᓯ ᐁ ᐃᑖᐟ, ᓂᔮᐠ, ᓵᐳ ᐱᒧᑖᑐᑕᒧᐠ ᐊᐢᑭ ᒥᓇ ᒥᑐᓂ ᒥᑎᒣ ᓇᑕᐋᐧᐯᓇᒧᐠ, ᐁᑯᓯ ᑳᐃᐧ ᒥᓇ ᐯ ᓈᓯᐠ, ᐁᑯᓯ ᑭᐢᑫᔨᐦᑖᑯᐦᑫᐃᐧᐣ ᐅᐦᒋ ᑭ ᑲ ᐸᐯᐢᑭᑎᓇᒫᑎᓈᐋᐧᐤ ᐅᑕ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᓴᐃᓬᐆᐃᕽ. 9ᐊᓂᑭ ᒫᑲ ᓈᐯᐊᐧᐠ ᑭ ᓇᑕᐃᐧ ᓵᐳ ᐱᒧᐦᑌᐊᐧᐠ ᐊᐢᑭᕽ, ᐁᑯᓯ ᑭ ᐋᑐᑕᒪᐧᐠ ᐁ ᐃᓯ ᐅᑌᓈᐊᐧᓂᔨᐠ ᒪᓯᓇᐦᐃᑲᓂᕽ ᑌᐸᑯᑊ ᑕᐦᑕᐧᔭᐠ ᐃᓯ, ᐁᑯᓯ ᑭ ᐅᑎᑌᐊᐧᐠ ᒑᐢᔪᐊ ᑲᐯᓯᐃᐧᓂᕽ ᓴᐃᓬᐆᐃᕽ. 10ᒑᐢᔪᐊ ᒫᑲ ᑭ ᐁᐧᐱᓇᒣᐧᐤ ᑭᐢᑫᔨᐦᑖᑯᐦᑫᐃᐧᐣ ᐁᑯᑕ ᓴᐃᓬᐆᐃᕽ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᐁᑯᑕ ᒫᑲ ᒑᐢᔪᐊ ᑭ ᐸᐯᐢᑭᑎᓇᒪᐁᐧᐤ ᐊᐢᑭᔨᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁ ᐃᓯ ᐸᐯᐢᑭᑎᓯᔨᐟ.
11ᐅᐟ ᐋᐁᐧᐸᔨᐃᑯᐃᐧᓂᐋᐧᐤ ᒫᑲ ᐁ ᐱᐢᑭᑐᑌᐃᐧᓯᒋᐠ ᐯᐣᒋᒪᐣ ᐅᐟ ᐊᐋᐧᓯᒥᓴ ᑭ ᐃᐢᐸᔨᔨᐤ ᐁ ᐊᑎ ᐃᓯ ᐋᐧᑯᑐᒋᐠ; ᐁᑯᓯ ᐁ ᑭᓯᐱ ᐊᔮᔨᐠ ᐅᐟ ᐋᐁᐧᐸᔨᐃᑯᐃᐧᓂᐋᐧᐤ ᑭ ᐱᒥᐸᔨᐤ ᑕᐢᑕᐋᐧᔨᕽ ᐅᐟ ᐊᐋᐧᓯᒥᓴ ᒍᑕ ᒥᓇ ᐅᐟ ᐊᐋᐧᓯᒥᓴ ᒍᓯᑊ. 12ᐁ ᑭᓯᐱ ᐊᔮᒋᐠ ᒫᑲ ᑭᐁᐧᑎᓄᑖᕽ ᐃᑌᐦᑫ ᒑᕒᑕᐣ ᐅᐦᒋ; ᐁᑯᓯ ᐁ ᐊᑎ ᑭᓯᐱ ᐊᔮᐠ ᑭ ᐊᑎ ᐱᒥᐸᔨᐤ ᒋᑭ ᒉᕒᐃᑯ ᑭᐁᐧᑎᓄᑖᕽ, ᒥᓇ ᑭ ᐊᑎ ᓵᐳᐸᔨᐤ ᐊᐧᒋᕽ ᓀᑲᐯᐊᓄᕽ; ᑭ ᐊᑎ ᑭᓯᐱᐸᔨᐤ ᒫᑲ ᐯᐟᐁᐱᐣ ᐱᑲᐧᑕᐢᑭᕽ. 13ᐁᑯᓯ ᐁ ᐊᑎ ᑭᓯᐱ ᐊᔮᐠ ᑭ ᐱᒥᐸᔨᐤ ᐁᑯᑕ ᐅᐦᒋ ᓬᐊᐢ ᐃᐢᑯ (ᐁᐊᐧᑳᐧᓂᒪ ᐯᐦᑎᓬ), ᓵᐊᐧᓄᑖᕽ ᐃᓯ; ᐁᑯᓯ ᐁ ᑭᓯᐱᐊᔮᐠ ᑭ ᐊᑎ ᐃᐢᐸᔨᐣ ᐋᑕᕒᐋᐦᐟ ᐋᑕᕒ ᐃᐢᑯ, ᒋᑭ ᐊᓂᒪ ᐊᐧᒋ ᑳ ᐊᔮᐠ ᓵᐊᐧᓄᑖᕽ ᐃᑌᐦᑫ ᐯᐟᐦᐋᕒᐊᐣ ᓂᒑᔨᕽ. 14ᐁ ᑭᓯᐱᐊᔮᐠ ᒫᑲ ᑭ ᐱᒥᐸᔨᐤ ᒥᓇ ᑭ ᐊᐧᐢᑭᐸᔨᐤ ᑭᓵᐢᑕᐤ ᓀᑳᐯᐊᓄᕽ ᒥᓇ ᓵᐊᐧᓄᑖᕽ, ᐊᓂᒪ ᐊᐧᒋ ᐅᐦᒋ ᑎᐱᐢᑯᐨ ᐯᐟᐦᐋᕒᐊᐣ ᑳ ᐊᔮᐠ ᓵᐊᐧᓄᑖᕽ; ᐁᑯᓯ ᑭ ᐊᑎ ᑭᓯᐱᐸᔨᐤ ᐁᐊᐧᑯ ᐊᓂᑕ ᑭᕒᐃᔭᐦᐟ ᐯᐊᓬ (ᐁᐊᐧᑳᐧᓂᒪ ᑭᕒᐃᔭᐦᐟ ᒋᐊᕒᐃᒼ), ᐅᑌᓇᐃᐧᐋᐧᐤ ᒍᑕ ᐅᐟ ᐊᐋᐧᓯᒥᓴ; ᐁᐊᐧᑯᒪ ᓀᑳᐯᐊᓇᕽ ᐃᑌᐦᑫ. 15ᐁᑲᐧ ᓵᐊᐧᓄᑖᕽ ᐃᑌᐦᑫ ᑭ ᒫᒋᐸᔨᐤ ᐁ ᑭᓯᐱᐊᔮᐠ ᑭᕒᐃᔮᐦᐟ ᒋᐊᕒᐃᒼ, ᐁᑯᓯ ᑭ ᐱᒥᐸᔨᐤ ᓀᑳᐯᐊᓄᕽ ᐃᓯ, ᐁᑯᓯ ᑭ ᐊᑎ ᐃᐢᐸᔨᐤ ᒧᑭᒋᐊᐧᓂᐯᑯᕽ ᐊᓂᐦᐃ ᓀᑊᑐᐊ ᓂᐱᔭ; 16ᐁ ᑭᓯᐱ ᐊᔮᐠ ᒫᑲ ᑭ ᐊᑎ ᐱᒥᐸᔨᐤ ᒥᑐᓂ ᐁ ᑭᓯᐹᒪᑎᓈᐠ ᐊᐧᒋ ᐊᓂᒪ ᑳ ᐊᔮᐠ ᑎᐱᐢᑯᐨ ᐅ ᐋᐧᔮᒪᑎᓈᒥᐋᐧᕽ ᐅᑯᓯᓴ ᐦᐃᓇᒼ, ᐁᐊᐧᑯ ᑳ ᐊᔮᐠ ᕒᐃᐯᐃᒼ ᐋᐧᔮᒪᑎᓈᕽ ᑭᐁᐧᑎᓄᕽ ᐃᓯ; ᐁᑯᓯ ᑭ ᐊᑎ ᐃᐢᐸᔨᐤ ᐦᐃᓇᒼ ᐋᐧᔮᒪᑎᓈᕽ, ᒉᑊᔪᓴᐃᐟ ᐃᑌᐦᑫ ᓵᐊᐧᓄᑖᕽ, ᐁᑯᓯ ᐁᐣᕒᐋᑫᓬ ᐃᐢᑯ ᑭ ᐃᐢᐸᔨᐤ; 17ᐁᑲᐧ ᑭᐁᐧᑎᓄᑖᕽ ᐃᑌᐦᑫ ᑭ ᐱᒥᐸᔨᐤ, ᑭ ᐊᑎ ᓯᐯᐧᐸᔨᐤ ᒫᑲ ᐊᓂᑕ ᐁᐣᓯᒣᐢ, ᐁᑯᓯ ᑭ ᐊᑎ ᐃᐢᐸᔨᐤ ᑫᓬᐃᓬᐋᐦᐟ ᐃᐢᑯ, ᐁᐊᐧᑯ ᑳ ᐊᔮᐠ ᑎᐱᐢᑯᐨ ᐁ ᐊᑎ ᐋᒪᒋᐁᐧᕽ ᐋᑕᒥᒼ; ᒥᓇ ᑭ ᐊᑎ ᐱᒥᐸᔨᐤ ᐳᐦᐋᐣ ᐊᓯᓂᕽ ᐅᑯᓯᓴ ᕒᐅᐱᐣ; 18ᑭ ᐊᑎ ᐱᒥᐸᔨᐤ ᒫᑲ ᐃᑌᐦᑫ ᐋᕒᐊᐹ ᑭᐁᐧᑎᓄᑖᕽ, ᐁᑯᓯ ᑭ ᐊᑎ ᓂᐦᑕᒋᐁᐧᐸᔨᐤ ᐊᓂᑕ ᐊᕒᐊᐸ; 19ᐁ ᐃᐢᑯ ᐊᔮᐠ ᒫᑲ ᑭ ᐱᒥᐸᔨᐤ ᒋᑭ ᐯᐟᐦᐋᑭᓬᐊ ᑭᐁᐧᑎᓄᑖᕽ; ᑭ ᐊᑎ ᑭᓯᐱᑎᐣ ᒫᑲ ᐁ ᐃᐢᑯ ᐊᔮᐠ ᑭᐁᐧᑎᓄᕽ ᑳ ᐋᓴᐋᐠ ᓯᐃᐧᑖᑲᓂ ᓵᑲᐦᐃᑲᐣ, ᓵᐊᐧᓄᑖᕽ ᐁ ᑭᓯᐱᑎᕽ ᒑᕒᑕᐣ; ᐁᐊᐧᑯᒪ ᐁ ᑭᓯᐱᐊᔮᔨᐠ ᐅᐟ ᐊᐢᑭᐋᐧᐤ ᓵᐊᐧᓄᑖᕽ. 20ᒑᕒᑕᐣ ᒫᑲ ᐁᑯᑕ ᑭ ᑭᓯᐱᐊᔮᐤ ᐋᐧᐸᓄᑖᕽ ᐃᑌᐦᑫ ᐁᐊᐧᑫᐧᔨᐤ ᐅᒪ ᐅ ᑎᐯᔨᒋᑲᓂᐋᐧᐤ ᐯᐣᒋᒪᐣ ᐅᐟ ᐊᐋᐧᓯᒥᓴ, ᐁ ᐃᓯ ᑭᓯᐱᐊᔮᐠ ᐋᐧᓴᑳᒼ, ᐁ ᐋᐃᓯ ᐋᐧᑯᑐᒋᐠ.
21ᐅᐟ ᐅᑌᓇᐃᐧᐋᐧᐊᐧ ᒫᑲ ᐅᐟ ᐊᐋᐧᓯᒥᓴ ᐯᐣᒋᒪᐣ ᐁ ᐋᐃᓯ ᐊᐧᑯᑐᒋᐠ ᐁᐊᐧᑯᓂ ᒉᕒᐃᑯ, ᒥᓇ ᐯᐟᐦᐋᑭᓬᐊ, ᒥᓇ ᐃᒣᐠᑭᓯᐢ, 22ᒥᓇ ᐯᐦᐟᐊᕒᐊᐸ, ᒥᓇ ᓭᒪᕒᐁᐃᒼ, ᒥᓇ ᐯᐦᑎᓬ; 23ᒥᓇ ᐋᐱᒼ, ᒥᓇ ᐹᕒᐊ, ᒥᓇ ᐋᐦᐸᕒᐊ; 24ᒥᓇ ᒋᐹᕒᐋᒪᓇᐩ, ᒥᓇ ᐋᐦᐱᓇᐩ, ᒥᓇ ᑭᐸ; ᒥᑖᑕᐦᐟ ᓂᓱᓵᑊ ᐅᑌᓇᐊᐧ ᐊᓯᒋ ᑭᐢᑕᐱᓈᓂᓴ; 25ᑭᐱᔭᐣ, ᒥᓇ ᕒᐁᒪ, ᒥᓇ ᐱᐃᕒᐋᐦᐟ; 26ᒥᓇ ᒥᐢᐯ, ᒥᓇ ᒉᐦᐱᕒᐊ, ᒥᓇ ᒧᓴ; 27ᒥᓇ ᕒᐃᑫᒼ, ᒥᓇ ᐊᕒᐱᓬ, ᒥᓇ ᑖᕒᐊᓬᐊ; 28ᒥᓇ ᓯᓬᐊ, ᐃᓬᐁᐦᑊ, ᒥᓇ ᐊᓇ ᒉᑊᔪᓴᐃᐟ (ᐁᐊᐧᑳᐧᓂᒪ ᒉᕒᐅᓴᓬᐊᒼ), ᑭᐱᔭᐦᐟ, ᒥᓇ ᑭᕒᐃᔮᐦᐟ; ᒥᑖᑕᐦᐟ ᓀᐅᓵᑊ ᐅᑌᓇᐊᐧ ᐊᓯᒋ ᑭᐢᑕᐱᓈᓂᓴ. ᐁᐊᐧᑫᐧᔨᐤ ᐅᒪ ᐅ ᑎᐯᔨᒋᑲᓂᐋᐤ ᐅᐟ ᐊᐋᐧᓯᒥᓴ ᐯᐣᒋᒪᐣ ᐁ ᐋᐃᓯ ᐋᐧᑯᑐᒋᐠ.
Currently Selected:
ᒑᐢᔪᐊ 18: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
