ᒑᐢᔪᐊ 14
14
1ᐁᐊᐧᑲᐧᓂ ᒫᑲ ᐅᐦᐅ ᐊᐢᑭᔭ ᐊᓂᑭ ᐃᐢᕒᐁᐃᓬ ᐅᑕᐋᐧᓯᒥᓴ ᑳ ᑭ ᑎᐯᔨᐦᑕᑭᐠ ᐊᓂᑕ ᑫᓇᐣ ᐊᐢᑭᕽ, ᐊᓂᐦᐃ ᐁᓬᐃᐁᓴᕒ ᐊᔭᒥᐦᐁᐃᐧᔨᓂᐤ, ᒥᓇ ᒑᐢᔪᐊ ᐅᑯᓯᓴ ᓇᐣ, ᒥᓇ ᑳ ᓂᑳᓀᔨᑖᑯᓯᒋᐠ ᐅᑕᐃᐧᒪᐊᐧᐠ ᐁ ᑕᑐᐢᑲᓀᒪᑭᓯᒋᐠ ᐃᐢᕒᐁᐃᓬ ᐅᑕᐋᐧᓯᒥᓴ, ᑳ ᑭ ᒪᑎᓇᒪᐊᐧᒋᐠ ᑭᑕ ᑎᐯᔨᐦᑕᒥᔨᐟ. 2#ᓇᒼᐸᕒᐢ 26:52-56; 34:13ᓂᐦᑖᐃᐧᑭᐢᑫᔨᒋᑲᓂᕽ ᑭ ᐅᐦᒋ ᑎᐯᔨᐦᑕᒪᐧᐠ, ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓯᑭᑫᒧᐟ ᐅᒋᒋᔨᕽ ᐅᐦᒋ ᒧᓯᓴ, ᑫᑲᐟ ᑳ ᒥᑖᑕᑐᐢᑲᓀᒪᑭᓯᒋᐠ ᒥᓇ ᑳ ᐊᐱᑕᐁᐧᐢᑲᓂᒪᑭᓯᒋᐠ ᑭᑕ ᐃᓯ ᒥᔨᒥᐟ. 3#ᓇᒼᐸᕒᐢ 32:33; 34:14,15; ᑎᔪᑕᕒᐊᓇᒥ 3:12-17ᒋᑫᒫ ᒧᓯᐢ ᑭ ᒥᔦᐤ ᑎᐯᔨᒋᑲᓂᔨᐤ ᐊᓂᐦᐃ ᑳ ᓂᓱᐢᑲᓀᒪᑭᓯᔨᐟ ᒥᓇ ᑳ ᐊᐱᑕᐁᐧᐢᑲᓀᒪᑭᓯᔨᐟ ᐊᑲᒥᕽ ᒑᕒᑕᓂᕽ; ᒫᑲ ᐃᐧᔭ ᐊᓂᐦᐃ ᓬᐃᐸᐃᑕ ᓇᒪᐃᐧᔭ ᑭ ᐊᓯᒋ ᒥᔦᐤ ᑎᐯᔨᒋᑲᓂᔨᐤ. 4ᒋᑫᒫ ᒍᓯᑊ ᐅᑕᐋᐧᓯᒥᓴ ᑭ ᓂᓱᐢᑲᓀᒪᑭᓯᐊᐧᐠ ᒪᓈᓯ ᒥᓇ ᐃᐸᕒᐁᐃᒼ; ᐁᐊᐧᑯ ᐅᐦᒋ ᓇᒪᐃᐧᔭ ᑭ ᒥᔦᐊᐧᐠ ᑫ ᑎᐯᔨᐦᑕᒥᔨᐟ ᓬᐃᐸᐃᑕ ᐊᓂᑕ ᐊᐢᑭᕽ, ᐱᑯ ᐅᑌᓇᐊᐧ ᐃᑕ ᑭᑕ ᐊᔭᔨᐟ, ᐊᓯᒋ ᐊᐧᐢᑲ ᐃᑕᐃᐧᓇ ᐅᑕᐊᐧᑳᓂᐋᐧᐊᐧ ᐅᐦᒋ ᒥᓇ ᐅᑕᔭᓂᐋᐧᐊᐧ. 5ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓯᑭᒪᐟ ᒧᓯᓴ, ᐁᑯᓯ ᑳ ᑐᑕᐦᑭᐠ ᐃᐢᕒᐁᐃᓬ ᐅᑕᐋᐧᓯᒥᓴ, ᑭ ᒪᑎᓇᐁᐧᐊᐧᐠ ᒫᑲ ᐊᐢᑭᔨᐤ.
6 #
ᓇᒼᐸᕒᐢ 14:30
ᐁᑯᐢᐱ ᒫᑲ ᒍᑕ ᐅᑕᐋᐧᓯᒥᓴ ᑭ ᐯᓇᑌᐊᐧᐠ ᒑᐢᔪᐊᐊᐧ ᐊᓂᑕ ᑭᓬᑳᓬ; ᑫᓬᐃᑊ ᒫᑲ, ᐅᑯᓯᓴ ᒉᐸᓂ ᐊᓇ ᑫᓀᓴᐃᐟ ᐅᒥᓯ ᑭ ᐃᑌᐤ, ᑭ ᑭᐢᑫᔨᑌᐣ ᐊᓂᒪ ᑫᑲᐧᐩ ᑳ ᑎᐯᔨᐦᒋᑫᐟ ᑳ ᑭ ᐃᑕᐸᐣ ᒧᓯᓴ ᐊᓇ ᑭᓭᒪᓂᑐ ᐅᑕᔨᓯᔨᓂᒪ ᓂᔭ ᐅᐦᒋ ᒥᓇ ᑭᔭ ᑫᑎᐢ ᐹᕒᓂᔭᐃᕽ. 7#ᓇᒼᐸᕒᐢ 13:1-30ᓀᒥᑖᓇᐤ ᓂ ᑕᑐ ᐱᐳᓇᐧᑕᐩ ᐃᐢᐱ ᒧᓯᐢ ᐅᑕᑐᐢᑫᔭᑲᓇ ᑳ ᑎᐯᔨᐦᒋᑫᐟ ᑳ ᓯᐯᐧᑎᓴᐅᐟ ᑫᑎᐢ ᐹᕒᓂᔭ ᐅᐦᒋ ᑭᑕ ᑭᒪᐸᑕᒫᐣ ᐊᐢᑭ; ᓂ ᑭ ᐯᑕᒪᐋᐧᐤ ᒫᑲ ᑳᐃᐧ ᐃᑌᐧᐃᐧᓂᔨᐤ ᓂᑌᐃᕽ ᐁᑕᐢᑌᔨᐠ. 8ᐁᔨᐁᐧᕽ ᒫᑲ ᐋᓂᑭ ᓂᒋᓴᓇᐠ ᑳ ᑭ ᐯ ᐃᐧᒉᐃᐧᐊᐧᐸᐣ ᑭ ᑎᑭᑌᐦᐁᐁᐊᐧᐠ ᐊᔨᓯᔨᓂᐊᐧ, ᒫᑲ ᓂᔭ ᒥᑐᓂ ᓂ ᑭ ᐱᒥᑎᓴᐋᐧᐤ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ. 9#ᓇᒼᐸᕒᐢ 14:24ᒧᓯᐢ ᒫᑲ ᐅ ᑭ ᑭᐦᒋ ᐃᑕᐧᑕᐩ ᐁᑯᐢᐱ ᐁ ᑭᓯᑳᔨᐠ, ᐁ ᐃᓯᐟ, ᑫᒋᓇ ᐊᓂᒪ ᐊᐢᑭ ᑭᓯᑎᕽ ᑳ ᑭ ᓴᒥᐢᑲᒪᐣ ᑭᔭ ᑭ ᑳ ᑎᐯᔨᑌᐣ, ᒥᓇ ᑭᑕᐊᐧᓯᒥᓴᐠ ᑲᑭᑫ ᒋᑭᒪ ᒥᑐᓂ ᑭ ᑭ ᐱᒥᑎᓴᐋᐧᐤ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᐣ. 10ᐁᑲᐧ ᒫᑲ, ᒋᐢᐟ ᑳ ᑎᐯᔨᐦᒋᑫᐟ ᓂ ᑭ ᑲᓇᐁᐧᔨᒥᐠ ᑭᑕ ᐱᒫᑎᓯᐊᐧᐠ ᒣᐧᐦᒋ ᑳ ᑭ ᐃᑌᐧᐟ, ᐅᒪ ᐁᑲᐧ ᓀᒥᑕᓇᐤ ᓂᔭᓇᓄᓵᑊ ᑕᑐ ᐊᐢᑭᐃᐧᓇ, ᐊᐢᐱᐣ ᐃᓴ ᐱᑯ ᑳ ᑎᐯᔨᐦᒋᑫᐟ ᐅᒥᓯ ᑳ ᑭ ᐃᑕᐸᒼ ᒧᓯᓴ ᒣᑳᐧᐨ ᐃᐢᕒᐁᐃᓬ ᐅᑕᐋᐧᓯᒥᓴ ᐁ ᐸᐸᒪᑎᓯᒋᐠ ᐱᑲᐧᑕᐢᑲᒥᑲᕽ; ᐊᓄᐦᐨ ᒫᑲ ᒋᐢᐟ, ᐊᓄᐦᐨ ᑳ ᑭᓯᑳᐠ ᐊᔨᓇᓀᒥᑕᓇᐤ ᓂᔭᓇᓄᓴᑊ ᓂ ᑕᑐ ᐊᐢᑭᐃᐧᓇᐧᐣ. 11ᑫᔮᐱᐨ ᓂᐟ ᐃᓯ ᒪᐢᑲᐃᐧᓯᐣ ᐊᓄᐦᐨ ᑳ ᑭᓯᑳᐠ ᑳ ᐃᓯ ᒪᐢᑲᐃᐧᓯᔭᐸᐣ ᐊᓂᒪ ᐁ ᑭᓯᑳᐠ ᐃᐢᐱ ᒧᓯᐢ ᑳ ᓯᐯᐧᑎᓴᐅᐟ; ᑳ ᐃᓯ ᒪᐢᑲᐃᐧᓯᔭᐹᐣ ᐁᑯᐢᐱ, ᐁᑯᓯ ᒣᐧᐦᒋ ᐊᓄᐦᐨ ᐁᓯ ᒪᐢᑲᐃᐧᓯᔮᐣ, ᑭᑕ ᓄᑎᓂᑫᔭᐣ, ᑭᑕ ᐊᐧᔭᐃᐧᔮᐣ ᒥᓇ ᑭᑕ ᐱᐦᑐᑫᐧᔮᐣ. 12ᐁᑲᐧ ᒫᑲ ᒥᔨᐣ ᐅᒪ ᐊᐧᒋ, ᐊᓂᒪ ᑳ ᑎᐯᔨᐦᒋᑫᐟ ᑳ ᑭ ᐊᔨᒧᑕᑭᐸᐣ ᐁᑯᐢᐱ ᐁ ᑭᓯᑳᐠ; ᒋᑫᒫ ᑭ ᑭ ᐯᑌᐣ ᐁᑯᐢᐱ ᐁ ᑭᓯᑳᐠ ᐊᓂᑭ ᐁᓈᑭᒪᐠ ᐁᑯᑕ ᐁ ᑭ ᐊᔭᐊᐧᐸᐣ, ᒥᓇ ᐅᑌᓇᐊᐧ ᐁ ᑭ ᒪᒥᓴᑭ ᒥᓇ ᐁ ᑭ ᒣᓂᑭᑲᒋᑲᑌᑭ; ᑭᐢᐱᐣ ᐁᑯᓯ ᑳ ᑎᐯᔨᐦᒋᑫᐟ ᑫ ᐃᓯ ᐃᐧᒉᐃᐧᑫᐧ, ᓂ ᑳ ᑲᐢᑭᑕᐣ ᑭᑕ ᐊᐧᔭᐃᐧᑎᓴᐊᐧᑭᐠ, ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ.
13ᒑᐢᔪᐊ ᒫᑲ ᑭ ᓴᐁᐧᔨᒣᐤ, ᐁᑯᓯ ᑭ ᒥᔦᐤ ᐊᓂᐦᐃ ᑫᓬᐃᐸ ᐅᑯᓯᓴ ᒉᐸᓂ ᐊᓂᒪ ᐦᐁᐸᕒᐊᐣ ᑭᑕ ᑎᐯᔨᐦᑕᒥᔨᐠ. 14ᐦᐁᐸᕒᐊᐣ ᒫᑲ ᑭ ᐅᑎᐯᔨᒋᑲᓂᐤ ᑫᓬᐃᑊ ᐅᑯᓯᓴ ᒉᐸᓂ, ᐊᓇ ᑫᓀᓴᐃᐟ ᐱᔨᐢ ᐊᓄᐦᐨ ᑳ ᑭᓯᑳᐠ, ᒋᑫᒫ ᒥᑕᓂ ᐁ ᑭᐱᒥᑎᓴᐋᐧᐟ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᔨᐊᐧ ᐃᐢᕒᐁᐃᓬᐊ. 15ᐊᓂᒪ ᒫᑲ ᐦᐁᐸᕒᐊᐣ, ᑲᕒᒐᐟᐊᕒᐸ ᐅᐢᑲᐨ ᑭ ᐃᓯᔨᐦᑳᑌᐸᐣ, ᐊᓇ ᐊᕒᐸ ᑭ ᑭᐦᒋ ᐃᔨᓂᐃᐧᐤ ᐃᑕ ᐁ ᐊᔭᔨᐟ ᐁᓈᑭᒪ. ᐊᓂᒪ ᒫᑲ ᐊᐢᑭ ᑭ ᐳᓂ ᓇᑐᐸᔨᒪᑲᐣ.
Currently Selected:
ᒑᐢᔪᐊ 14: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
