ᒑᐢᔪᐊ 13
13
1ᒑᐢᔪᐊ ᒫᑲ ᓵᓴᐩ ᑭ ᑭᓭᔨᓂᐃᐧᐤ ᒥᓇ ᑭ ᑫᑌᔭᑎᓯᐤ; ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ, ᓵᓴᐩ ᐃᓴ ᑭ ᑭᓭᔨᓂᐃᐧᐣ ᒥᓇ ᑭ ᑫᑌᔭᑎᓯᐣ, ᑫᔮᐱᐨ ᒫᑲ ᓇᐢᐱᐨ ᒥᐢᑕᐦᐃ ᐊᐢᑌᐤ ᐊᐢᑭ ᑭᑕ ᑎᐯᔨᐦᑕᒥᕽ. 2ᐁᐊᐧᑯ ᐅᒪ ᐊᐢᑭ ᑫᔮᐱᐨ ᑳ ᐊᐢᑌᐠ; ᑲᐦᑭᔭᐤ ᐅᑎᑕᐃᐧᓂᐋᐧᐤ ᐱᓬᐃᐢᑎᓇᐠ, ᒥᓇ ᒥᓯᐁᐧ ᐊᓂᒪ ᑭᐢᔪᕒᐩ, 3ᓴᐃᐅᕒ ᐅᐦᒋ, ᑭᐦᒋ ᐃᒋᑊᑎᕽ ᑳ ᐊᔭᐠ, ᐊᓂᑕ ᐃᓴ ᐱᑯ ᐁᑲᕒᐅᐣ ᐃᑕᐃᐧᓂᕽ ᐃᐢᑯ ᑭᐁᐧᑎᓄᕽ, ᐊᓂᒪ ᑫᓇᓇᐃᑕᐠ ᑳ ᐅᑕᔭᓂᒋᐠ; ᓂᔭᓇᐣ ᐅᑐᑭᒪᒥᐋᐧᐊᐧ ᐱᓬᐃᐢᑎᓇᐠ; ᑫᓴᑕᐃᑕᐠ, ᒥᓇ ᐋᐢᑖᑕᐃᑕᐠ, ᐋᐢᑫᓬᐅᓇᐃᑕᐠ, ᑭᑕᐃᑕᐠ, ᒥᓇ ᐁᑲᕒᐊᓇᐃᑕᐠ; ᒥᓇ ᒫᑲ ᐋᐸᐃᑕᐠ: 4ᓴᐊᐧᓄᕽ ᐅᐦᒋ, ᒥᓯᐁᐧ ᐅᑕᐢᑭᐋᐧᐤ ᐊᓂᑭ ᑫᓇᓇᐃᑕᐠ, ᒥᓇ ᒥᐁᕒᐊ, ᐊᓂᒪ ᐅᐦᐱᒣ ᓴᐃᑕᓂᐊᓇ ᑳ ᐊᔭᐠ, ᐋᐦᐯᐠ ᐃᐢᑯ, ᐅᑎᑕᐃᐧᓂᐋᐧᐤ ᐋᒪᕒᐊᐃᑕᐠ ᐃᓯ: 5ᒥᓇ ᐅᑕᐢᑭᐋᐧᐤ ᐊᓂᑭ ᑭᑊᓬᐃᑕᐠ, ᒥᓇ ᒥᓯᐁᐧ ᓬᐁᐱᓇᐣ, ᐃᑌᐦᑫ ᑳ ᐅᐦᒋ ᓴᑲᐢᑌᐠ, ᐯᐊᓬᑲᐟ ᐅᐦᒋ, ᓂᒋ ᐦᐊᕒᒪᐣ ᐊᐧᒋ ᑳ ᐊᑎ ᐅᐦᒋ ᐱᐦᑐᑫᒧᐠ ᐦᐁᒫᐦᐟ ᐃᐢᑯ. 6#ᓇᒼᐸᕒᐢ 33:54ᑲᐦᑭᔭᐤ ᑳ ᐅᑕᐢᑭᒋᐠ ᐊᐧᒋᐊᐧᐢᑭᕽ, ᓬᐁᐱᓇᐣ ᐅᐦᒋ ᒥᐢᕒᐃᐳᐟ ᒣᐃᒼ ᐃᐢᑯ, ᒥᓇ ᑲᐦᑭᔭᐤ ᓴᐃᑕᓂᐊᓇᐠ, ᐁᐊᐧᑲᐧᓂ ᑫ ᐊᐧᔭᐃᐧᑎᓴᐊᒪᐊᐧᑭᐠ ᐃᐢᕒᐁᐃᓬ ᐅᑕᐋᐧᓯᒥᓴ; ᐱᑯ ᒪᑎᓇᒪᐃᐧᐠ ᐃᐢᕒᐁᐃᓬᐊᐃᑕᐠ ᑭᑕ ᑎᐯᔨᐦᑕᑭᐠ, ᒣᐧᐦᒋ ᑳ ᑭ ᐃᓯ ᓯᑭᒥᑕᐣ. 7ᐁᑲᐧ ᒫᑲ ᒪᑎᓇᒪᐃᐧᐠ ᐅᒪ ᐊᐢᑭᔨᐤ ᑫᑲᐟ ᒥᑕᑐᐢᑲᓀᒪᑭᓯᒋᐠ ᑭᑕ ᑎᐯᔨᐦᑕᑭᐠ, ᒥᓇ ᐊᐱᑕᐁᐧᐢᑲᓀᒪᑭᓯᐟ ᒪᓈᓯ, 8#ᓇᒼᐸᕒᐢ 32:33; ᑎᔪᑕᕒᐊᓇᒥ 3:12ᐊᓂᐦᐃ ᕒᐅᐱᓇᐃᑕᐠ ᒥᓇ ᑳᑕᐃᑕᐠ ᑳ ᑭ ᐃᐧᒋ ᐅᑎᓇᒧᒪᒋᐠ ᐅᑎᐯᔨᒋᑲᓂᐋᐧᐤ, ᐊᓂᒪ ᒧᓯᐢ ᑳ ᑭ ᒥᔭᐸᐣ ᐊᑲᒥᕽ ᒑᕒᑕᓂᕽ ᐊᐧᐸᓄᕽ ᐃᑌᐦᑫ, ᒣᐧᐦᒋ ᒧᓯᐢ ᐅᑕᑐᐢᑫᔭᑲᓇ ᑳ ᑎᐯᔨᐦᒋᑫᐟ ᑳ ᑭ ᐃᓯ ᒥᔭᐟ; 9ᐋᕒᐅᐊᕒ ᐅᐦᒋ, ᐊᓂᒪ ᑕᑯᑕᒪᑎᐣ ᐋᕒᓇᐣ ᓯᐱᕽ ᑳ ᐊᔭᐠ, ᒥᓇ ᐊᓂᒪ ᐅᑌᓇᐤ ᑌᑕᐊᐧᒋᐊᐧᓄᕽ ᑳ ᐊᔭᐠ, ᒥᓇ ᒥᓯᐁᐧ ᒥᑎᐸ ᒪᐢᑯᑌᐤ ᑕᐃᐸᐣ ᐃᐢᑯ; 10ᒥᓇ ᑲᐦᑭᔭᐤ ᐅᑐᑌᓇᐊᐧ ᓯᐦᐋᐣ ᐅ ᑭᐦᒋ ᐅᑭᒪᒥᐋᐧᐊᐧ ᐊᓂᑭ ᐋᒪᕒᐊᐃᑕᐠ, ᐊᓇ ᑳ ᑭ ᐅᑭᒪᐃᐧᐟ ᐊᓂᑕ ᐦᐁᐢᐸᐣ, ᐅᑎᑕᐃᐧᓂᐊᐧᕽ ᐋᒪᐣ ᐅᑕᐋᐧᓯᒥᓴ ᐃᐢᑯ; 11ᒥᓇ ᑭᓬᐃᔭᐟ, ᒥᓇ ᐅᑎᑕᐃᐧᓂᐋᐧᐤ ᐊᓂᑭ ᑭᐢᔪᕒᐃᑕᐠ, ᒥᓇ ᒣᐁᑲᑕᐃᑕᐠ, ᒥᓇ ᒥᓯᐁᐧ ᐦᐊᕒᒪᐣ ᐊᐧᒋ, ᒥᓇ ᒥᓯᐁᐧ ᐯᓵᐣ, ᓵᓬᐃᑲ ᐃᐢᑯ; 12ᑲᐦᑭᔭᐤ ᐅᐟ ᐅᑭᒪᐃᐧᐃᐧᐣ ᐋᐠ ᐯᓵᓂᕽ, ᐊᓇ ᑳ ᑭ ᐅᑭᒪᑲᑕᕽ ᐊᓂᑕ ᐊᐢᑌᕒᐅᐟ ᒥᓇ ᐊᓂᑕ ᐁᑕᕒᐃᐊᐩ, ᐊᓇ ᑳ ᑭ ᐃᐢᑯᐃᐟ ᐁ ᐃᐢᑯᐃᒥᑎᐸᐣ ᒥᐢᑕᐯᐊᐧ; ᒋᑫᒫ ᐅᐦᐅ ᒧᓯᐢ ᑭ ᓄᑎᓀᐤ ᒥᓇ ᐁ ᑭ ᐊᐧᔭᐃᐧᐁᐧᐱᓈᐟ. 13ᐁᔨᐁᐧᕽ ᒫᑲ ᐃᐢᕒᐁᐃᓬ ᐅᑕᐋᐧᓯᒥᓴ ᓇᒪᐃᐧᔭ ᑭ ᐊᐧᔭᐃᐧᑎᓴᐁᐧᐊᐧᐠ ᑭᐢᔪᕒᐃᑕ, ᐊᐦᐳ ᒣᐁᑲᑕᐃᑕ; ᒫᑲ ᐊᓂᑭ ᑭᐢᔪᕒᐃᑕᐠ ᒥᓇ ᒣᐁᑲᑕᐃᑕᐠ ᑭ ᐃᐧᑕᐢᑭᒣᐊᐧᐠ ᐃᐢᕒᐁᐃᓬᐊᐃᑕ ᐱᔨᐢ ᐊᓄᐦᐨ ᑳ ᑭᓯᑳᐠ. 14#ᑎᔪᑕᕒᐊᓇᒥ 18:1ᐱᑯ ᐊᓂᐦᐃ ᓬᐃᐸᐩ ᐅᑕᑐᑌᐃᐧᓯᐃᐧᐣ ᓇᒪᐃᐧᔭ ᑭ ᒥᔦᐤ ᑎᐯᔨᒋᑲᓂᔨᐤ; ᐸᑭᑎᓈᓱᐃᐧᓇ ᑳ ᒥᔨᐦᐟ ᑳ ᑎᐯᔨᐦᒋᑫᐟ ᐅᑭᓭᒪᓂᑐᒪ ᐊᓇ ᐃᐢᕒᐁᐃᓬ, ᐃᐢᑯᑌᕽ ᑳ ᐅᐦᒋ ᐸᑭᑎᓇᒫᐦᐟ, ᐁᐊᐧᑲᐧᓂ ᐅᑎᐯᔨᒋᑲᓂᐋᐧᐊᐧ, ᒣᐧᐦᒋ ᑳ ᑭ ᐃᑕᐸᐣ.
15ᒧᓯᐢ ᒫᑲ ᑭ ᒥᔦᐤ ᑎᐯᔨᒋᑲᓂᔨᐤ ᐁᓯ ᐯᔭᑯᐢᑲᓀᒪᑭᓯᔨᐟ ᕒᐅᐱᓇ ᐅᑕᐋᐧᓯᒥᓯᔨᐊᐧ, ᒣᐧᐦᒋ ᐁ ᐊᔨᑕᑐᑌᐃᐧᓯᔨᐟ: 16ᐅᐟ ᐃᑕᐃᐧᓂᐋᐧᐤ ᒫᑲ ᐋᕒᐅᐊᕒ ᑭ ᐅᐦᒋ ᐊᔭᔨᐤ, ᐊᓂᒪ ᑳ ᐊᔭᐠ ᒋᑭᐯᐠ ᐋᕒᓇᐣ ᓯᐱᕽ, ᒥᓇ ᐊᓂᒪ ᐅᑌᓇᐤ ᑌᑕᐊᐧᒋᐊᐧᓄᕽ ᑳ ᐊᔭᐠ, ᒥᓇ ᒥᓯᐁᐧ ᒪᐢᑯᑌᐤ ᒋᑭ ᒥᑎᐸ; 17ᐦᐁᐢᐸᐣ, ᒥᓇ ᑲᐦᑭᔭᐤ ᐅᑌᓇᐊᐧ ᒪᐢᑯᑌᕽ ᑳ ᐊᔭᑭ; ᑕᐃᐸᐣ ᒥᓇ ᐯᒧᐟᐯᐊᓬ, ᒥᓇ ᐯᐟᐯᐊᓬᒥᐅᐣ. 18ᒥᓇ ᒉᐁᓴ, ᒪᓇ ᑭᑎᒫᐦᐟ, ᒥᓇ ᒣᐦᐯᐋᐦᐟ, 19ᒥᓇ ᑲᕒᒐᐟᐁᐃᒼ, ᒥᓇ ᓯᑊᒪ, ᒥᓇ ᓭᕒᐁᐟᓭᐊᕒ ᐊᓂᑕ ᐊᐧᒋᐃᐧ ᐊᐧᔭᑎᓇᕽ, 20ᒥᓇ ᐯᐦᐟᐱᐋᕒ, ᒥᓇ ᐊᐢᑕᐟᐱᐢᑲ, ᒥᓇ ᐯᐟᒉᓯᒪᐟ, 21ᒥᓇ ᑲᐦᑭᔭᐤ ᐅᑌᓇᐊᐧ ᒪᐢᑯᑌᕽ, ᒥᓇ ᒥᓯᐁᐧ ᐅᑐᑌᓇᐤ ᓴᐃᐅᐣ ᐅ ᑭᐦᒋ ᐅᑭᒪᒥᐋᐧᐊᐧ ᐋᒪᕒᐊᐃᑕᐠ, ᑳ ᑭ ᐅᑭᒪᑲᑕᕽ ᐦᐁᐢᐸᓂᕽ, ᐊᓂᐦᐃ ᒧᓯᐢ ᑳ ᑭ ᐊᓯᒋᓂᐸᐋᐟ ᒥᑎᔭᐣ ᐅᑭᒪᓯᓴ, ᐃᐸᐩ, ᒥᓇ ᕒᐃᑭᒼ, ᒥᓇ ᓴᕒ, ᒥᓇ ᐦᐊᕒ, ᒥᓇ ᕒᐃᐸ, ᐊᓂᑭ ᑳ ᑭ ᐅᑭᒪᓯᓯᒥᐟ ᓯᐦᐋᐣ, ᐁ ᐅᑕᐢᑭᒋᐠ ᐁᑯᑕ ᐊᐢᑭᕽ.
22ᐯᓬᐋᒼ ᐊᓯᒋ ᐅᑯᓯᓴ ᐱᐋᕒ, ᐅᑯᓴᐸᑕᒧ, ᑭ ᓂᐸᐁᐊᐧᐠ ᐊᓂᑭ ᐃᐢᕒᐁᐃᓬ ᐅᑕᐋᐧᓯᒥᓴ, ᓯᒪᑲᐣ ᐅᐦᒋ ᐃᑕ ᐁ ᐊᔭᔨᐟ ᐊᓂᐦᐃ ᑳ ᑭ ᓂᐸᐦᐋᒋᐠ. 23ᒑᕒᑕᓂᕽ ᒫᑲ ᑭ ᐃᐢᑲᐧᐢᑌᔨᐤ ᐅᐟ ᐃᑕᐃᐧᓂᐋᐧᐤ ᐊᓂᑭ ᕒᐅᐱᐣ ᐅᑕᐋᐧᓯᒥᓴ, ᒥᓇ ᐁᐢᑲᐧᐢᑌᔨᐠ. ᐁᐊᐧᑯ ᐅᒪ ᑳ ᐅᑎᐯᔨᒋᑲᓂᒋᐠ ᕒᐅᐱᐣ ᐅᑕᐋᐧᓯᒥᓴ ᑳ ᑐᑕᑌᐃᐧᓯᒋᐠ, ᐅᑌᓇᐊᐧ ᒥᓇ ᑭᐢᑕᐱᓇᓂᓴ ᐁᑯᑕ.
24ᒧᓯᐢ ᒫᑲ ᑭ ᒥᔦᐤ ᑎᐯᔨᒋᑲᓂᔨᐤ ᐁᓯ ᐯᔭᑯᐢᑲᓀᒪᑭᓯᔨᐟ ᑳᑕ, ᑳᐟ ᐅᑎ ᐅᑕᐋᐧᓯᒥᓴ ᐁ ᑕᑐᑌᐃᐧᓯᔨᐟ: 25ᐅᐟ ᐃᑕᐃᐧᓂᐊᐤ ᒫᑲ ᒉᓴᕒ ᑭ ᐅᐦᒋ ᐊᔭᔨᐤ ᒥᓇ ᑲᐦᑭᔭᐤ ᑭᓬᐃᔭᐟ ᐅᑌᓇᐊᐧ, ᒥᓇ ᐊᐱᑕᐤ ᐅᑕᐢᑭᐋᐧᐤ ᐊᓂᑭ ᐋᒪᐣ ᐅᑕᐋᐧᓯᒥᓴ, ᐊᓬᐅᐃᕒ ᐃᐢᑯ ᐊᓂᑕ ᒋᑭ ᕒᐋᐸ; 26ᐦᐁᐢᐸᐣ ᒫᑲ ᐅᐦᒋ ᕒᐁᒪᐟᒥᐢᐸ ᐃᐢᑯ, ᒥᓇ ᐱᑐᓂᒼ; ᒥᓇ ᒣᐦᐋᓀᐃᒼ ᐅᐦᒋ ᑎᐱᕒ ᐃᑕᐃᐧᓂᕽ ᐃᐢᑯ; 27ᒥᓇ ᐊᓂᑕ ᐊᐧᔭᑎᓇᕽ ᐯᐟᐊᕒᐊᒼ, ᒥᓇ ᐯᐟᓂᒪᕒᐊ, ᒥᓇ ᓴᑲᐦᐟ, ᒥᓇ ᓭᐳᐣ, ᒥᓇ ᐃᔨᑯᕽ ᐁ ᐃᐢᑯᐸᔨᔨᐠ ᐅᐟ ᐅᑭᒪᐃᐧᐃᐧᐣ ᐊᓇ ᓯᐦᐋᐣ ᐦᐁᐢᐸᐣ ᑭᐦᒋ ᐅᑭᒫᐤ, ᒐᕒᑕᐣ ᒥᓇ ᐁ ᑭᓯᐸᐠ, ᐃᑕ ᐃᓴ ᐱᑯ ᐃᐢᑯ ᐁ ᑭᓯᐸᐠ ᒋᓇᕒᐁᐦᐟ ᑭᒋᑲᒥᕽ, ᐊᑲᒥᕽ ᒑᕒᑕᓂᕽ ᐊᐧᐸᓄᑕᕽ ᐃᑌᐦᑫ. 28ᐁᐊᐧᑯ ᐅᒪ ᐅ ᑎᐯᔨᒋᑲᓂᐋᐧᐤ ᑳᐟ ᐅᑕᐋᐧᓯᒥᓴ ᑳ ᑕᑐᑌᐃᐧᓯᒋᐠ, ᐅᑌᓇᐊᐧ ᒥᓇ ᑭᐢᑕᐱᓇᓂᓴ.
29ᒧᓯᐢ ᒫᑲ ᑭ ᒥᔦᐤ ᑎᐯᔨᒋᑳᓂᔨᐤ ᐁᓯ ᐊᐱᑕᐁᐧᐢᑲᓀᒪᑭᓯᔨᐟ ᒪᓈᓯ; ᐁᐊᐧᑯ ᒫᑲ ᐅᒪ ᐅᑎᐯᔨᒋᑲᓂᐋᐧᐤ ᐊᓂᑭ ᐁᓯ ᐊᐱᑕᐁᐧᐢᑲᓀᒪᑭᓯᒋᐠ ᒪᓈᓯ ᐅᑕᐋᐧᓯᒥᓴ, ᑳ ᑕᑐᑌᐃᐧᓯᒋᐠ: 30ᐅᐟ ᐃᑕᐃᐧᓂᐋᐧᐤ ᒫᑲ ᒣᐦᐋᓀᐃᒼ ᑭ ᐅᐦᒋ ᐊᔭᔨᐤ, ᒥᓯᐁᐧ ᐯᓵᐣ, ᑲᐦᑭᔭᐤ ᐅᑐᑌᓇᐤ ᐋᐠ ᑭᐦᒋ ᐅᑭᒫᐤ ᐯᓴᓂᕽ, ᒥᓇ ᑲᐦᑭᔭᐤ ᐅᑌᓇᓴ ᐊᓂᑕ ᒉᐊᕒ, ᐯᓴᓂᕽ ᑳ ᐊᔭᑭ, ᓂᑯᑖᐧᓱᒥᑕᓇᐤ ᐅᑌᓇᐊᐧ: 31ᒥᓇ ᐊᐱᑕᐤ ᑭᓬᐃᔭᐟ, ᒥᓇ ᐊᐢᑌᕒᐅᐟ, ᒥᓇ ᐁᑕᕒᐃᐊᐩ, ᐅᑌᓇᐊᐧ ᐅᑐᑌᓇᕽ ᐊᓇ ᐋᐠ ᐯᓵᓂᕽ, ᑭ ᐊᔭᐊᐧᐠ ᐅᑕᐋᐧᓯᒥᓴ ᐊᓇ ᒫᑲᕒ ᐅᑯᓯᓴ ᒪᓈᓯ, ᐊᐱᑕᐤ ᐃᓴ ᐱᑯ ᐃᔨᑯᕽ ᐅᑕᐋᐧᓯᒥᓴ ᒣᑲᕒ ᑳ ᑕᑐᑌᐃᐧᓯᔨᐟ.
32ᐁᐊᐧᑲᐧᓂ ᐅᐦᐅ ᐊᐢᑭᔭ ᒧᓯᐢ ᑳ ᑭ ᒪᑎᓇᐁᐧᐟ ᑭᑕ ᑎᐯᔨᐦᑕᒧᐟ ᐊᓂᑕ ᒧᐋᑊ ᒪᐢᑯᑌᕽ, ᐊᑲᒥᕽ ᒑᕒᑕᓂᕽ, ᒋᑭ ᒉᕒᐃᑯ, ᐊᐧᐸᓄᕽ ᐃᑌᐦᑫ. 33#ᓇᒼᐸᕒᐢ 18:20; ᑎᔪᑕᕒᐊᓇᒥ 18:2ᒫᑲ ᐃᐧᔭ ᓬᐃᐸᐩ ᐅᑕᑐᑌᐃᐧᓯᐃᐧᓂᔨᐊᐧ ᒧᓯᐢ ᓇᒪᐃᐧᔭ ᑭ ᒥᔦᐤ ᑎᐯᔨᒋᑲᓂᔨᐤ; ᑳ ᑎᐯᔨᐦᒋᑫᔨᐟ ᐅᑭᓭᒪᓂᑐᒥᔨᐊᐧ ᐃᐢᕒᐁᐃᓬᐊ ᑭ ᐅᑎᐯᔨᒋᑲᓂᐊᐧᐠ; ᒣᐧᐦᒋ ᑳ ᑭ ᐃᑕᐸᐣ.
Currently Selected:
ᒑᐢᔪᐊ 13: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
