ᐅᔭᓱᐁᐧᐊᐧᐠ 7
7
1ᐁᑲᐧ ᒉᕒᐊᐯᐊᓬ, ᐁᐊᐧᑳᐧᓇ ᑭᑎᔭᐣ, ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ, ᑭ ᐊᐧᓂᐢᑳᐊᐧᐠ ᐃᐧᐸᐨ ᑫᑭᓭᐸ, ᒥᓇ ᑭ ᓇᑕᐃᐧ ᑲᐯᓯᐊᐧᐠ ᒋᑭ ᐦᐊᕒᐊᐟ ᒧᐦᑭᒋᐊᐧᓂᐯᐠ; ᐁᑯᓯ ᐅ ᑲᐯᓯᐃᐧᐣ ᒥᑎᔭᐣ ᑭᐁᐧᑎᓄᕽ ᑭ ᐊᔮᔨᐤ, ᒋᑭ ᒫᕒᐁ ᐊᐧᒋᕽ ᐋᐧᔮᒪᑎᓈᕽ.
2ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ, ᑭᑎᔭᓇ, ᐊᓂᑭ ᐊᔨᓯᔨᓂᐊᐧᐠ ᑳ ᐃᐧᒉᐃᐧᐢᑭᐠ ᐅᓵᒼ ᒥᐦᒉᑎᐊᐧᐠ ᑭᑕ ᑭ ᒥᔭᑭᐠ ᒥᑎᔭᓇᐃᑕ ᐅᒋᐦᒋᐋᐧᕽ, ᑳᑲᔦ ᐃᐧᔭ ᐃᐢᕒᐁᐃᓬ ᓂ ᑲ ᑲᑭᐦᒋᒧᑐᑖᑲᐧᐠ, ᐁ ᐃᑌᐧᒋᐠ, ᓂᔭ ᓂᒋᐦᒋ ᓂ ᑭ ᐱᒫᒋᐦᐃᑯᐣ. 3#ᑎᔪᑕᕒᐊᓇᒥ 20:8ᑭᔮᒼ ᒫᑲ ᐁᑲᐧ ᑌᐹᐧᑕ ᑭᑕ ᐯᐦᑕᐦᑲᐧᐠ ᐊᔨᓯᔨᓂᐊᐧᐠ ᐁ ᐃᑌᐧᔭᐣ, ᐊᐃᐧᔭᐠ ᐁ ᓭᑭᓯᐟ ᒥᓇ ᐁ ᓵᑫᐧᔨᒧᐟ, ᑭᔮᒼ ᑭᑕ ᑭᐁᐧᐤ ᒥᓇ ᑭᑕ ᓯᐯᐧᑌᐤ ᑭᓬᐃᔭᐟ ᐊᐧᒋᕽ ᐅᐦᒋ. ᑭ ᑭᐁᐧᐊᐧᐠ ᒫᑲ ᐊᔨᓯᔨᓂᐊᐧᐠ ᓂᓯᑕᓇᐤ ᓂᓱ ᐊᔨᐋᐧᐠ ᑕᐦᑐ ᑭᐦᒋᒥᑖᐦᑐᒥᑕᓇᐤ, ᑭ ᐃᐢᑯᐊᐧᐠ ᒫᑲ ᒥᑕᐦᑖᐧᐤ ᑭᐦᒋᒥᑖᐦᑐᒥᑕᓇᐤ.
4ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᑭᑎᔭᓇ, ᑫᔮᐱᐨ ᐅᓵᒼ ᒥᐦᒉᑎᐊᐧᐠ ᐊᔨᓯᔨᓂᐊᐧᐠ; ᓈᓯᐯᑕᐃᐠ ᓂᐱᕽ ᐁᑯᑕ ᒫᑲ ᑭ ᑲ ᑯᒋᑕᒫᑎᐣ; ᑭᑕ ᐃᐦᑭᐣ ᒫᑲ ᐊᓂᑭ ᑭ ᐃᑌᐧᑖᐣ, ᐁᐊᐧᑯᓂᐠ ᑫ ᐃᐧᒉᐃᐧᐢᑭᐠ, ᑭ ᑲ ᐃᐧᒉᐋᐧᐊᐧᐠ ᐁᐊᐧᑯᓂᐠ; ᐊᓂᑭ ᒫᑲ ᑫ ᐃᑕᑭᐠ, ᐅᑭ ᓇᒪᐃᐧᔭ ᑭ ᑲ ᐃᐧᒉᐃᐧᑲᐧᐠ ᐁᐊᐧᑯᓂᐠ ᓇᒪᐃᐧᔭ ᑭᑕ ᐃᑐᐦᑌᐊᐧᐠ. 5ᑭ ᓈᓯᐯᑕᐁᐤ ᒫᑲ ᐊᔨᓯᔨᓂᐊᐧ ᓂᐱᕽ; ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑌᐤ ᑭᑎᔭᓇ, ᑲᐦᑭᔭᐤ ᐊᐃᐧᔭᐠ ᑳ ᑳᐧᐸᑌᑕᕽ ᓂᐱ ᐅᑌᔭᓂ ᐅᐦᒋ, ᑖᐱᐢᑯᐨ ᐊᑎᒼ ᑳ ᐃᓯ ᑳᐧᐸᑌᑕᕽ, ᐁᐊᐧᑯ ᐱᐢᑭᐢ ᑭ ᑲ ᐊᔮᐤ ᒥᓇ ᑕᐦᑐ ᐊᐃᐧᔭᐠ ᑳ ᓂᐸᐢᑯᐟ ᑭᑕ ᒥᓂᐦᑫᐧᐟ. 6ᐁᑯᓯ ᐊᓂᑭ ᑳ ᑳᐧᐸᑌᑕᑭᐠ ᐁ ᐊᐢᑖᒋᐠ ᐅᒋᐦᒋᐋᐧᐊᐧ ᐅᑐᓂᐋᐧᕽ ᓂᐢᑖᐧᐤ ᒥᑖᐦᑐᒥᑕᓇᐤ ᑳ ᐃᑕᓯᐋᐧᐠ ᓈᐯᐊᐧᐠ; ᒫᑲ ᑲᐦᑭᔭᐤ ᐊᓂᑭ ᑯᑕᑲᐠ ᑭ ᓂᐸᐢᑯᐊᐧᐠ ᐁ ᒥᓂᐦᑫᐧᒋᐠ ᓂᐱᐩ. 7ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᑭᑎᔭᓇ, ᐊᓂᑭ ᓂᐢᑖᐧᐤ ᒥᑖᐦᑐᒥᑕᓇᐤ ᓈᐯᐊᐧᐠ ᑳ ᑳᐧᐸᑌᑕᑭᐠ ᓂᐱ ᑭ ᑲ ᐅᐦᒋ ᐱᒫᒋᐦᐃᑎᓈᐋᐧᐤ, ᒥᓇ ᓂ ᑲ ᐸᑭᑎᓈᐊᐧᐠ ᒥᑎᔭᓇᐃᑕᐠ ᑭᒋᐦᒋᕽ; ᑭᔮᒼ ᒫᑲ ᑲᐦᑭᔭᐤ ᐊᓂᑭ ᐊᔨᓯᔨᓂᐊᐧᐠ ᐸᑭᑎᓂᐠ ᑳ ᐃᑕᓯᔨᐟ ᓈᐯᐤ ᑭᑕ ᑭᐁᐧᐟ ᐃᐧᑭᕽ. 8ᐁᑯᓯ ᒫᑲ ᐊᔨᓯᔨᓂᐊᐧᐠ ᑭ ᐅᑎᓇᒪᐧᐠ ᓂᒫᐃᐧᐣ ᐁ ᑕᐦᑯᓇᑭᐠ, ᒥᓇ ᐅ ᐱᐱᑲᐧᓂᐋᐧᐊᐧ; ᐁᑯᓯ ᑭ ᓯᐯᐧᑎᓴᐁᐧᐤ ᑲᐦᑭᔭᐤ ᐃᐢᕒᐁᐃᓬ ᐊᔨᓯᔨᓂᐊᐧ ᑲᐦᑭᔭᐤ ᐊᐃᐧᔭ ᐃᐧᑭᔨᕽ, ᐱᑯ ᐊᓂᐦᐃ ᓂᐢᑖᐧᐤ ᒥᑖᐦᑐᒥᑕᓇᐤ ᓈᐯᐊᐧ ᑭ ᑭᑎᓀᐤ; ᐅ ᑲᐯᓯᐃᐧᓂᔨᐤ ᒫᑲ ᒥᑎᔭᐣ ᑭ ᐊᔮᔨᐤ ᓂᐦᒑᔨᕽ ᐊᐧᔮᒪᑌᓈᕽ.
9ᑭ ᐊᔨᑭᐣ ᒫᑲ ᐁᐊᐧᑳᐧᓂᒪ ᐁ ᑎᐱᐢᑳᐠ, ᑳ ᑎᐯᔨᐦᒋᑫᔨᐟ ᑭ ᐃᑎᐠ, ᐸᓯᑯ, ᐃᑐᐦᑌ ᑲᐯᓯᐃᐧᓂᕽ ᒋᑫᒫ ᓂ ᑭ ᐸᑭᑎᓀᐣ ᑭᒋᐦᒋᕽ. 10ᒫᑲ ᑭᐢᐱᐣ ᓵᑫᐧᔨᒧᔭᓂ ᑭᑕ ᐃᑐᐦᑌᔭᐣ, ᐃᐧᒉᐤ ᐳᕒᐊ ᑭᐟ ᐊᑐᐢᑫᔮᑲᐣ ᑲᐯᓯᐃᐧᓂᕽ; 11ᑭ ᑲ ᐯᑕᐋᐧᐊᐧᐠ ᒫᑲ ᑫ ᐊᔨᑌᐧᒋᐠ; ᐁᑯᓯ ᒣᐧᐢᑕᐢ ᐃᔨᑯᕽ ᑭ ᑲ ᓱᐦᑭᓂᐢᑳᐣ ᑭᑕ ᐃᑐᐦᑌᔭᐣ ᑲᐯᓯᐃᐧᓂᕽ. ᐁᑲᐧ ᒫᑲ ᑭ ᐃᑐᐦᑌᐤ ᐁ ᐃᐧᒉᐋᐧᐟ ᐳᕒᐊᐊᐧ ᐅᐟ ᐊᑐᐢᑫᔮᑲᓇ ᒥᑐᓂ ᑭᓯᐸᓄᕽ ᐃᑕ ᐁ ᐊᔮᔨᐟ ᐅᑕᓱᐃᐧᔨᓂᐊᐧ ᑲᐯᓯᐃᐧᓂᕽ ᑳ ᐊᔮᔨᐟ. 12ᐊᓂᑭ ᒫᑲ ᒥᑎᔭᓇᐃᑕ ᒥᓇ ᐋᒪᓬᐃᑲᐃᑕᐠ ᒥᓇ ᑲᐦᑭᔭᐤ ᐋᐧᐸᓄᑖᕽ ᑳ ᓂᐦᑖᐃᐧᑭᒋᐠ ᑭ ᐱᒪᐱᐊᐧᐠ ᐋᐧᔮᒪᑎᓈᕽ ᑖᐱᐢᑯᐨ ᑳᐧᐢᑯᑎᓯᓴᐠ ᐁ ᐃᓯ ᐅᓵᒣᔭᑎᒋᐠ; ᐁᑯᓯ ᐅ ᐱᐢᑳᐧᐃᐧᑲᓀᒥᐋᐧᐊᐧ ᐁᑳ ᑭᑕ ᑭ ᐊᑭᒥᒥᐦᐟ, ᑖᐱᐢᑯᐨ ᔦᑲᐤ ᓯᓱᓀ ᑭᐦᒋᑲᒥᕽ ᐁ ᐃᓯ ᐅᓵᒣᔭᑎᔨᐟ. 13ᐃᐢᐱ ᒫᑲ ᑭᑎᔭᐣ ᑳ ᑕᑯᑌᐟ ᐳᑎ ᐯᔭᐠ ᓈᐯᐤ ᑭ ᐋᒋᒧᐢᑕᐁᐧᐤ ᐅ ᐃᐧᒉᐋᐧᑲᓇ ᐅ ᐸᐋᐧᒥᐃᐧᐣ, ᒥᓇ ᑭ ᐃᑌᐧᐤ, ᒫᑎᑲ, ᓂ ᑭ ᐸᐋᐧᒥᐣ ᐸᐋᐧᒥᐃᐧᐣ, ᐁᑯᓯ ᐳᑎ, ᐯᔭᐠ ᐊᔭᑯᓈᐤ ᐃᐢᑫᐧᓯᓯᑳᓂ ᐸᐦᑫᐧᓯᑲᐣ ᑭ ᐱᐦᑐᑫᐸᔨᐤ ᒥᑎᔭᐣ ᑲᐯᓯᐃᐧᓂᕽ, ᐁᑯᓯ ᑭ ᑖᐊᐧᐊᒼ ᒥᑭᐋᐧᑊ, ᐁᑯᓯ ᑭ ᑲᐃᐧᐁᐧᐱᐢᑲᒼ ᐁ ᐸᑲᒥᐢᑲᕽ ᐁᑯᓯ ᐁ ᑲᐃᐧᐢᑲᕽ ᑭ ᓇᐸᑲᐢᑌᐤ. 14ᐅ ᐃᐧᒉᐋᐧᑲᓇ ᒫᑲ ᑭ ᓇᐢᑫᐧᐊᐧᓯᒥᐠ ᒥᓇ ᑭ ᐃᑎᐠ, ᐁᐊᐧᑯᒪ ᓇᒪᐃᐧᔭ ᐱᑐᐢ ᑫᑲᐧᐩ ᐅᐟ ᐃᓴᐁᐧᑯᒫᐣ ᑭᑎᔭᐣ ᐅᑯᓯᓴ ᒍᐋᐢ; ᐅᒋᐦᒋᕽ ᑭᓭᒪᓂᑐᐊᐧ ᑭ ᐸᑭᑎᓀᔨᐊᐧ ᒥᑎᔭᓇ ᒥᓇ ᑲᐦᑭᔭᐤ ᐅᓇᑐᐸᔨᐊᐧ.
15ᑭ ᐊᔨᑭᐣ ᒫᑲ ᐃᐢᐱ ᑭᑎᔭᐣ ᑳ ᐯᐦᑕᕽ ᐊᓂᒪ ᐸᐋᐧᒥᐃᐧᐣ ᒥᓇ ᐁ ᐃᑌᐧᒪᑲᓂᔨᐠ, ᑭ ᐊᔭᒥᐦᐋᐤ; ᐁᑯᓯ ᑭ ᑭᐁᐧᐤ ᐅ ᑲᐯᓯᐃᐧᓂᔨᕽ ᐃᐢᕒᐁᐃᓬᐊ, ᒥᓇ ᑭ ᐃᑌᐧᐤ, ᐸᓯᑯᐠ; ᒋᑫᒫ ᑳ ᑎᐯᔨᐦᒋᑫᐟ ᑭ ᐸᑭᑎᓀᐤ ᑭᒋᐦᒋᐋᐧᕽ ᒥᑎᔭᐣ ᐅᓇᑐᐸᔨᐊᐧ. 16ᓂᐢᑕᐧᔭᐠ ᒫᑲ ᑭ ᐸᐯᐢᑭᑕᔦᐤ ᐊᓂᐦᐃ ᓂᐢᑖᐧᐤ ᒥᑖᐦᑐᒥᑕᓇᐤ ᓈᐯᐊᐧ, ᐁᑯᓯ ᑲᐦᑭᔭᐤ ᐅᒋᐦᒋᔨᕽ ᑭ ᒥᔦᐤ ᐱᐱᑲᐧᓇ ᒥᓇ ᐁ ᐱᓯᓯᑳᐧᑭ ᑳᐧᐱᑳᑲᓇ, ᐋᐧᓴᐢᑯᑌᓂᑲᓇ ᒫᑲ ᐱᐦᒋ ᐁ ᐊᔮᑭ. 17ᐅᒥᓯ ᒫᑲ ᑭ ᐃᑌᐤ, ᑲᓇᐋᐧᐸᒥᐠ ᓂᔭ, ᐁᑯᓯ ᒫᑲ ᑕᐱᐢᑯᐨ ᐃᑐᑕᒧᐠ; ᐁᑯᓯ ᒫᑎᑲ, ᐃᐢᐱ ᐅᑎᑕᒫᓂ ᐁ ᑭᓯᐱᐊᔮᐠ ᑲᐯᓯᐃᐧᐣ, ᑭᑕ ᐃᐧ ᐃᐢᐸᔨᐤ, ᓂᔭ ᐁ ᐃᑐᑕᒫᐣ ᐁᑯᓯ ᑭᐢᑕᐋᐧᐤ ᑭᑕ ᐃᑐᑕᒣᐠ. 18ᐃᐢᐱ ᐳᑖᑕᒫᓂ ᐱᐱᑲᐧᐣ, ᓂᔭ ᒥᓇ ᑲᐦᑭᔭᐤ ᑳ ᐃᐧᒉᐃᐧᒋᐠ, ᐁᑲᐧ ᐳᑖᑕᒧᑫᐠ ᑭᐢᑕᐋᐧᐤ ᐱᐱᑲᐧᓇ ᒥᓯᐁᐧ ᐋᐧᐢᑳ ᑲᐯᓯᐃᐧᓂᕽ, ᐁᑯᓯ ᐃᑌᐧᐠ ᑳ ᑎᐯᔨᐦᒋᑫᐟ ᐅᐦᒋ ᒥᓇ ᑭᑎᔭᐣ.
19ᐁᑯᓯ ᒫᑲ ᑭᑎᔭᐣ ᒥᓇ ᐊᓂᐦᐃ ᒥᑖᐦᑐᒥᑕᓇᐤ ᓈᐯᐊᐧ ᑳ ᐃᐧᒉᐃᐧᑯᐟ, ᑭ ᐅᑎᐦᑕᒪᐧᐠ ᐊᐧᔭᐃᐧᑎᒫᔨᕽ ᑲᐯᓯᐃᐧᐣ ᐁ ᒫᒋᐸᔨᐠ ᐋᐱᑕᐤ ᐊᓂᒪ ᑲᓇᐃᐧᑎᐱᐢᑫᐧᐃᐧᐣ, ᐊᓄᐦᐨ ᒫᑲ ᐱᑯ ᐁ ᑭ ᐅᔭᔨᐦᒋᐠ ᐅᑲᓇᐃᐧᑎᐱᐢᑭᐧᐊᐧᐠ; ᑭ ᐳᑖᑕᒪᐧᐠ ᒫᑲ ᐱᐱᑲᐧᓇ, ᒥᓇ ᑭ ᐱᑯᓇᒪᐧᐠ ᐊᓂᐦᐃ ᑳᐧᐱᑳᑲᓇ ᑳ ᑭ ᑕᐦᑯᓇᐦᑭᐠ. 20ᐊᓂᑭ ᒫᑲ ᐁ ᐃᓯ ᓂᐢᑕᐧᔭᑭᓯᒋᐠ ᑭ ᐳᑖᑕᒪᐧᐠ ᐱᐱᑲᐧᓇ ᒥᓇ ᑭ ᐱᑯᓇᒪᐧᐠ ᑳᐧᐱᑳᑲᓇ, ᐁᑯᓯ ᑭ ᒥᒋᒥᓇᒪᐧᐠ ᐋᐧᓴᐢᑯᑌᓂᑲᓇ ᐅ ᓇᒪᑎᓂᐋᐧᕽ, ᒥᓇ ᐱᐱᑲᐧᓇ ᐅ ᑭᐦᒋᓂᐢᑭᐊᐧᕽ ᑭᑕ ᐳᑖᑕᑭᐠ; ᑭ ᑌᐯᐧᐊᐧᐠ ᒫᑲ, ᐅᐟ ᐃᓴᐁᐧᑯᒫᐣ ᑳ ᑎᐯᔨᐦᒋᑫᐟ ᒥᓇ ᑭᑎᔭᐣ. 21ᑭ ᓂᐸᐃᐧᐊᐧᐠ ᒫᑲ ᑲᐦᑭᔭᐤ ᓈᐯᐤ ᐃᑕ ᑳ ᑭ ᐃᑕᑭᒥᐦᐟ ᐊᐧᐢᑳ ᑲᐯᓯᐃᐧᓂᕽ; ᑲᐦᑭᔭᐤ ᒫᑲ ᐅᓇᑐᐸᔨᐊᐧ ᑭ ᓯᐯᐧᐸᑖᔨᐊᐧ; ᐁᑯᓯ ᑭ ᓵᑯᐁᐧᐊᐧᐠ, ᑭ ᑕᐸᓯᔮᒧᑫᐊᐧᐠ ᒫᑲ. 22ᑭ ᐳᑖᑕᒪᐧᐠ ᒫᑲ ᐊᓂᐦᐃ ᓂᐢᑖᐧᐤ ᒥᑖᐦᑐᒥᑕᓇᐤ ᐱᐱᑲᐧᓇ, ᑳ ᑎᐯᔨᐦᒋᑫᐟ ᒫᑲ ᑲᐦᑭᔭᐤ ᓈᐯᐊᐧ ᑭ ᐸᑲᒥᐢᑲᒧᑎᔦᐤ ᐅ ᐃᐧᒉᐊᐧᑲᓇ ᐅᐟ ᐃᓴᐁᐧᑯᒫᓂᔨᐤ, ᑲᐦᑭᔭᐤ ᐃᓴ ᐱᑯ ᐅᓇᑐᐸᔨᐊᐧ; ᐁᑯᓯ ᑲᐦᑭᔭᐤ ᐊᓂᑭ ᐅᓇᑐᐸᔨᐊᐧᐠ ᑭ ᐃᑖᒧᐊᐧᐠ ᐯᐟᓯᑕ ᐃᐢᑯ ᓭᕒᐃᕒᐊ ᐃᑌᐦᑫ, ᐱᔨᐢ ᐁ ᑭᓯᐱᐊᔮᐠ ᐁᐱᓬᒥᐦᐋᓬᐊ, ᒋᑭ ᑖᐹᐦᐟ. 23ᐁᑯᓯ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᒫᐊᐧᒋᐦᐃᑐᐊᐧᐠ ᓈᑊᑕᓬᐊᐩ ᐅᐦᒋ, ᒥᓇ ᐋᓴᕒ ᐅᐦᒋ, ᒥᓇ ᒪᓈᓯ ᐅᐦᒋ, ᑭ ᐱᒥᑎᓴᐁᐧᐊᐧᐠ ᒫᑲ ᒥᑎᔭᓇ.
24ᑭᑎᔭᐣ ᒫᑲ ᑭ ᐃᓯᑎᓴᐁᐧᐤ ᐅᑖᒋᒧᐊᐧ ᒥᓯᐁᐧ ᐁ ᐊᐧᒋᐊᐧᕽ ᐃᐸᕒᐁᐃᒼ ᐊᐢᑭ, ᐁ ᐃᑖᐟ, ᐯ ᒧᐢᑭᐢᑖᑯᐠ ᒥᑎᔭᓇᐃᑕᐠ, ᑲᑫᐧ ᐋᓯᐢᑯᓇᒫᑯᐠ ᓂᐱᔭ, ᐯᐟᐹᕒᐊ ᐃᐢᑯ ᐁᐊᐧᑳᐧᓂᒪ ᒑᕒᑕᐣ. 25ᑭ ᐅᑎᓀᐊᐧᐠ ᒫᑲ ᐊᓂᐦᐃ ᓂᓱ ᐅᑭᒫᒥᔨᐊᐧ ᒥᑎᔭᐣ, ᐋᕒᐃᑊ ᒥᓇ ᓯᑊ; ᑭ ᓂᐸᐁᐊᐧᐠ ᒫᑲ ᐋᕒᐃᑊ ᐊᓂᑕ ᐋᕒᐃᑊ ᑭᐢᑖᐱᐢᑲᕽ, ᐁᑯᓯ ᓯᑊ ᑭ ᓂᐸᐁᐊᐧᐠ ᐊᓂᑕ ᓯᑊ ᓱᒥᓈᐳᒫᑯᐃᑲᓂᕽ, ᒥᓇ ᑭ ᓇᐊᐧᓵᐧᑌᐊᐧᐠ ᒥᑎᔭᐣ; ᑭ ᐯᑕᒪᐁᐧᐊᐧᐠ ᒫᑲ ᑭᑎᔭᓇ ᐅᐢᑎᑳᐧᓂᔨᐊᐧ ᐋᕒᐃᑊ ᒥᓇ ᓯᑊ ᐁᑯᑕ ᐊᑳᒥᕽ ᒑᕒᑕᐣ.
Currently Selected:
ᐅᔭᓱᐁᐧᐊᐧᐠ 7: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
