ᐅᔭᓱᐁᐧᐊᐧᐠ 19
19
1ᑭ ᐊᔨᑭᐣ ᒫᑲ ᐁᑯᐢᐱ ᐁ ᑲᑭᓯᑳᐠ, ᐁᑳ ᑭᐦᒋ ᐅᑭᒫᐤ ᐁ ᐃᐦᑖᐟ ᐃᐢᕒᐁᐃᓬᐃᕽ, ᑭ ᐊᔮᐤ ᐯᔭᐠ ᓬᐃᐸᐃᐟ ᐁ ᐅᐟ ᐃᐦᑖᐃᐧᓂᐟ ᐊᐊᐧᓵᒪᑎᐣ ᐃᐸᕒᐁᐃᒼ ᐊᐧᒋᕽ, ᑳ ᑭ ᐅᑎᓈᐟ ᑭᑕ ᐅᑲᓇᐃᐧᐢᑫᐧᐋᐧᓂᐟ ᐯᐟᓬᐃᐊᒼ ᒍᑕ ᐅᐦᒋ. 2ᐊᓂᐦᐃ ᒫᑲ ᐅ ᑲᓇᐃᐧᐢᑫᐧᐋᐧᓇ ᑭ ᐱᓯᑳᐧᑎᓯᑲᒥᑭᓯᔨᐊᐧ, ᒥᓇ ᑭ ᓇᑲᑎᐠ ᐁ ᑭᐁᐧᔨᐟ ᐅᑖᐃᐧᔨᐊᐧ ᐅ ᐋᐧᐢᑳᐦᐃᑲᓂᔨᕽ ᐊᓂᑕ ᐯᐟᓬᐃᐊᒼ ᒍᑕ, ᐁᑯᑕ ᒫᑲ ᑭ ᐊᔮᔨᐊᐧ ᓀᐅ ᐱᓯᒼ. 3ᐁᑯᓯ ᒫᑲ ᐅ ᓈᐯᒪ ᑭ ᐸᓯᑯᔨᐊᐧ, ᒥᓇ ᑭ ᐱᒥᑎᓴᐦᐅᐠ, ᐁ ᑭ ᒥᔪᐱᑭᐢᑳᐧᑎᑯᐟ, ᑳᐃᐧ ᒥᓇ ᑭᑕ ᑭᐁᐧᑕᐦᐃᑯᐟ, ᐅᐟ ᐊᑐᐢᑫᔮᑲᓂᔨᐊᐧ ᐁ ᐃᐧᒉᐋᐧᔨᐟ ᒥᓇ ᓂᓱ ᓱᓱᒥᐢᑕᑎᒪᐧ; ᐁᑯᓯ ᑭ ᐱᐦᑐᑲᐦᐁᐤ ᐅᑖᐃᐧᔭ ᐃᐧᑭᔨᕽ; ᐃᐢᐱ ᒫᑲ ᐅᑖᐃᐧᔭ ᐊᓇ ᐅᐢᑭᓂᑭᐢᑫᐧᐤ ᐃᐧᔮᐸᒫᐟ ᑭ ᒪᒪᐦᑖᑯᓯᐤ ᐁ ᓇᑕᐃᐧ ᓇᑭᐢᑲᐋᐧᐟ. 4ᐁᑯᓯ ᐅᓯᓴ, ᐊᓇ ᐅᐢᑭᓂᑭᐢᑫᐧᐤ ᐅᑖᐃᐧᔭ, ᑭ ᑭᑎᓂᐠ; ᐁᑯᑕ ᒫᑲ ᑭ ᐃᐧᒋᐊᔮᒣᐤ ᓂᐢᑐ ᑭᓯᑳᐤ; ᐁᑯᓯ ᑭ ᒥᒋᓱᐊᐧᐠ ᒥᓇ ᑭ ᒥᓂᐦᑫᐧᐊᐧᐠ, ᐁᑯᑕ ᒫᑲ ᑭ ᑲᐯᓯᐊᐧᐠ.
5ᑭ ᐊᔨᑭᐣ ᒫᑲ ᐁ ᐊᑎ ᓀᐅ ᑭᓯᑳᐠ, ᑭ ᐊᐧᓂᐢᑳᐊᐧᐠ ᐃᐧᐸᐨ ᐁ ᑫᑭᓭᐹᔮᐠ, ᑭ ᐊᐧᓂᐢᑳᐤ ᒫᑲ ᐁ ᐃᐧ ᓯᐯᐧᑌᐟ; ᒫᑲ ᐊᓇ ᐅᐢᑭᓂᑭᐢᑫᐧᐤ ᐅᑖᐃᐧᔭ ᑭ ᐃᑌᐤ ᐅᑎᑲᐧᑎᒪ, ᒥᔪᑌᐦᐁᐃᓱ ᐸᐦᑫᐧᓯᑲᐣ ᑭᑕ ᓴᐢᑲᒧᔭᐣ, ᐁᑲᐧ ᒫᑲ ᒣᐧᐢᑕᐢ ᐃᔨᑯᕽ ᑭ ᑲ ᑭ ᓯᐯᐧᑖᐣ. 6ᑭ ᓇᐦᐊᐱᐊᐧᐠ ᒫᑲ ᐁᑯᓯ ᑭ ᒥᒋᓱᐊᐧᐠ ᒥᓇ ᑭ ᒥᓂᐦᑫᐧᐊᐧᐠ, ᐁ ᐃᓯ ᓂᓯᒋᐠ; ᐊᓇ ᒫᑲ ᐅᐢᑭᓂᑭᐢᑫᐧᐤ ᐅᑖᐃᐧᔭ ᑭ ᐃᑌᐤ ᐊᓂᐦᐃ ᓈᐯᐊᐧ, ᑭᔮᒼ ᓇᐦᐃᐃᐧᓯ ᑭ ᐸᑯᓭᔨᒥᑎᐣ, ᒥᓇ ᑲᐯᑎᐱᐢᐠ ᐊᔮ, ᒥᓇ ᑭᑌᐦ ᑭᑕ ᐃᐧ ᒥᔭᐋᐧᑕᒧᒪᑲᐣ. 7ᐊᓇ ᒫᑲ ᓈᐯᐤ ᑭ ᐸᓯᑯ ᑭᑕ ᓯᐯᐧᑌᐟ; ᒫᑲ ᐅᓯᓴ ᑭ ᑭᐦᑭᒥᐠ, ᐁᑯᓯ ᒥᓇ ᑭ ᑲᐯᓯᐤ ᐁᑯᑕ. 8ᑭ ᐊᐧᓂᐢᑳᐤ ᒫᑲ ᐃᐧᐸᐨ ᑫᑭᓭᐹ ᐁ ᓂᔮᓇᓄᑭᓯᑳᔨᐠ ᑭᑕ ᓯᐯᐧᑌᐟ; ᒫᑲ ᐊᓇ ᐅᐢᑭᓂᑭᐢᑫᐧᐤ ᐅᑖᐃᐧᔭ ᑭ ᐃᑎᐠ, ᒥᔪᑌᐦᐁᐃᓯ ᑭ ᐸᑯᓭᔨᒥᑎᐣ, ᐁᑯᓯ ᐯᐦᐅ ᐃᔨᑯᕽ ᑭᑕ ᐊᑎ ᐅᑖᑯᓯᐠ; ᐁᑯᓯ ᑭ ᒥᒋᓱᐊᐧᐠ ᐁ ᐃᓯ ᓂᓯᒋᐠ. 9ᐃᐢᐱ ᒫᑲ ᐊᓇ ᓈᐯᐤ ᐯᓯᑯᐟ ᑭᑕ ᓯᐯᐧᑌᐟ ᐃᐧᔭ ᒥᓇ ᐅ ᑲᓇᐃᐧᐢᑫᐧᐋᐧᓇ, ᒥᓇ ᐅᐟ ᐊᑐᐢᑫᔮᑲᓇ, ᐅᓯᓴ, ᐊᓂᐦᐃ ᐅᐢᑭᓂᑭᐢᑫᐧᐊᐧ ᐅᑖᐃᐧᔨᐊᐧ ᑭ ᐃᑎᐠ, ᒫᑎᑲ ᐁᑲᐧ ᑭᓯᑳᐤ ᐊᑎ ᐅᑖᑯᓯᐣ, ᑭ ᐸᑯᓭᔨᒥᑎᐣ ᑲᐯᑎᐱᐢᐠ ᐅᑕ ᐊᔮ; ᒫᑎᑲ ᑭᓯᑳᐤ ᐊᑎ ᑭᓯᐱᐸᔨᐤ, ᐅᑕ ᑲᐯᓯ, ᑭᑕ ᒥᔭᐋᐧᑕᒧᒪᑲᕽ ᑭᑌᐦ; ᐁᑲᐧ ᒫᑲ ᐋᐧᐸᐦᑭ ᐃᐧᐸᐨ ᑫᑭᓭᐸ ᓯᐯᐧᐦᑌ, ᑭᑕ ᑭ ᑌᐱᑕᑯᓯᓇᐣ ᑭᑭᕽ.
10ᒫᑲ ᐊᓇ ᓈᐯᐤ ᓇᒪᐃᐧᔭ ᐃᐧ ᐃᐦᑕᓯᐊᔮᐤ ᐁᐊᐧᑳᐧᓂᒪ ᐁ ᑎᐱᐢᑳᐠ, ᒫᑲ ᑭ ᐸᓯᑯ ᒥᓇ ᑭ ᓯᐯᐧᑌᐤ, ᐁᑯᓯ ᑭ ᑕᑯᓯᐣ ᑎᐱᐢᑯᐨ ᒋᐸᐢ (ᐁᐊᐧᑳᐧᓂᒪ ᒉᕒᐅᓴᓬᐊᒼ); ᑭ ᐊᔮᐁᐧᐤ ᒫᑲ ᓂᓱ ᓱᓱᒥᐢᑕᑎᒪᐧ ᐁ ᐊᐢᐸᐱᐃᐧᓂᑳᑎᒥᐦᐟ; ᐅ ᑲᓇᐃᐧᐢᑫᐧᐋᐧᓇ ᒥᓇ ᑭ ᐃᐧᒉᐃᐧᐠ. 11ᑭᓯᐋᐧᐠ ᒫᑲ ᒋᐸᐢ ᐁ ᐊᑎ ᐊᔮᒋᐠ ᓵᓴᐩ ᑭ ᐊᑎ ᐅᑖᑯᓯᐣ; ᐊᓇ ᐊᑐᐢᑫᔮᑲᐣ ᒫᑲ ᑭ ᐃᑌᐤ ᐅᐟ ᐅᑭᒫᒪ, ᑭᔮᒼ, ᑭ ᐸᑯᓭᔨᒥᑎᐣ, ᐸᐢᑫᑖᐠ ᑭᑕ ᐃᑐᐦᑌᔭᕽ ᐅᑕ ᐅᑌᓇᐃᐧᐋᐧᕽ ᒉᑊᔪᓴᐃᑕᐠ ᐁᑯᑕ ᑭᑕ ᑲᐯᓯᔭᕽ. 12ᐅᑭᒫᒪ ᒫᑲ ᑭ ᐃᑎᐠ, ᓇᒪᐃᐧᔭ ᑭ ᑲ ᐸᐢᑳᓇᐤ ᑭᑕ ᐃᑐᐦᑌᔭᕽ ᐅᐟ ᐅᑌᓇᐤ ᒫᓂᑌᐤ, ᐁᑳ ᑳ ᐅᐦᒋᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᒫᑲ ᑭ ᑲ ᐋᓱᐃᐧ ᐃᑐᑖᓇᐤ ᑭᐱᔭᐃᕽ. 13ᐁᑯᓯ ᑭ ᐃᑌᐤ ᐅᐟ ᐊᑐᐢᑫᔮᑲᓇ, ᑭᔮᒼ ᐊᑎ ᓈᑕᐦᑖᐠ ᓂᑯᑖᐧ ᐯᔭᐠ ᐅᐦᐃ ᐃᐦᑖᐃᐧᓇ; ᐁᑯᓯ ᑭ ᑲ ᑲᐯᓯᓈᓇᐤ, ᑭᐱᔭᐃᕽ, ᐊᐦᐳ ᕒᐁᒪᐃᕽ. 14ᑭ ᓵᐳ ᐱᒧᐦᑌᐊᐧᐠ ᒫᑲ ᐁ ᐊᑎ ᓯᐯᐧᑌᒋᐠ; ᐁᑯᓯ ᑭ ᐊᑎ ᐸᐦᑭᓯᒧ ᑭᓯᐋᐧᐠ ᑭᐱᔭ ᐁ ᐊᑎ ᐃᐦᑖᒋᐠ, ᐁᐊᐧᑳᐧᓂᒪ ᐯᐣᒋᒪᐣ ᑳ ᐊᔮᒋᐠ. 15ᐁᑯᑕ ᒫᑲ ᑭ ᐃᓯ ᐸᐢᑫᐊᐧᐠ ᑭᑕ ᐱᐦᑐᑫᒋᐠ ᑭᑕ ᑲᐯᓯᒋᐠ ᑭᐱᔭᐃᕽ; ᐁᑯᓯ ᑭ ᐱᐦᑐᑫᐤ ᒥᓇ ᑭ ᓇᐦᐊᐱᐤ ᐱᒧᐦᑌᐢᑲᓈᕽ ᐅᑌᓈᕽ; ᒋᑫᒫ ᓇᒪᐃᐧᔭ ᐊᐃᐧᔭ ᐊᔨᓯᔨᓂᐊᐧ ᐱᑐᑲᐦᐃᐠ ᐃᐧᑭᔨᕽ ᑭᑕ ᑲᐯᓯᐟ.
16ᒫᑲ, ᐳᑎ, ᑭᓭᔨᓂᐤ ᑭ ᐯ ᐃᑎᑌᐤ ᐁ ᐳᓂᑖᐟ ᐁ ᐅᑖᑯᓯᓂᔨᐠ ᐁ ᑭ ᐊᑐᐢᑫᐟ ᑭᐢᑎᑳᓂᕽ; ᐊᓇ ᒫᑲ ᓈᐯᐤ ᐁ ᐊᐧᒋᐊᐧᕽ ᐃᐸᕒᐁᐃᒼ ᑭ ᐅᐦᒋᐤ, ᐁᑯᓯ ᑭᐱᔭᐃᕽ ᐊᔮᐤ; ᒫᑲ ᐯᐣᒋᒪᐃᑕᐠ ᐃᐧᔭ ᐊᔨᓯᔨᓂᐊᐧᐠ ᐁᑯᑕ ᑳ ᐊᔮᒋᐠ. 17ᑭ ᐃᑖᐱᐤ ᒫᑲ ᐁᑯᓯ ᐋᐧᐸᒣᐤ ᐊᓂᐦᐃ ᐅᐱᒧᑌᐦᐅᐊᐧ ᐱᒧᐦᑌᐢᑲᓈᕽ ᐅᑌᓈᕽ; ᐁᑯᓯ ᐊᓇ ᑭᓭᔨᓂᐤ ᑭ ᐃᑌᐧᐤ, ᑖᓂᑌ ᐁᑐᐦᑌᔭᐣ? ᒥᓇ ᑖᓂᑌ ᐁᐧᑐᑌᔭᐣ? 18ᑭ ᐃᑎᐠ ᒫᑲ, ᐯᐟᓬᐃᐊᒼ ᒍᑕ ᓄᑐᑖᓈᐣ ᐁ ᐃᑐᐦᑌᔮᕽ ᐊᐊᐧᓵᔨᕽ ᐁ ᐊᐧᒋᐊᐧᕽ ᐃᐸᕒᐁᐃᒼ; ᐁᑯᑌ ᑳ ᐅᐦᒋᔮᐣ, ᐁᑯᓯ ᓂ ᑭ ᐃᑐᐦᑖᐣ ᐯᐟᓬᐃᐊᒼ ᒍᑕ; ᐁᑲᐧ ᒫᑲ ᑳ ᑎᐯᔨᐦᒋᑫᐟ ᐅ ᐋᐧᐢᑳᐦᐃᑲᓂᕽ ᐁ ᐃᑐᐦᑌᔮᐣ; ᓇᒪᐃᐧᔭ ᒫᑲ ᐊᐃᐧᔭᐠ ᐊᔨᓯᔨᓂᐤ ᐃᐦᑖᐤ ᑭᑕ ᐱᑐᑲᐦᐃᐟ ᐅ ᐋᐧᐢᑳᐦᐃᑲᓂᕽ. 19ᐁᔨᐁᐧᕽ ᒫᑲ ᐃᐦᑕᑲᐧᐣ ᐸᐦᑫᐧᓯᑲᓇᐢᐠ ᒥᓇ ᐅ ᒥᒋᐃᐧᓂᐋᐧᐤ ᓂ ᓱᓱᒥᐢᑕᑎᒧᒥᓈᓇᐠ; ᒥᓇ ᐃᐦᑖᐤ ᐸᐦᑫᐧᓯᑲᐣ ᒥᓇ ᓱᒥᓈᐳ ᓂᔭ ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ ᑭᑕ ᐋᐸᒋᐋᔮᕽ ᒥᓇ ᐅᐢᑭᓂᑭᐤ ᑳ ᐃᐧᒉᐃᐧᑯᒋᐠ ᑭᐟ ᐊᑐᐢᑫᔮᑲᓇᐠ; ᓇᒪᐃᐧᔭ ᑫᑲᐧᐩ ᓄᐦᑌᐸᔨᐤ. 20ᐁᑲᐧ ᐊᓇ ᑭᓭᔨᓂᐤ ᑭ ᐃᑌᐧᐤ, ᐯᔭᐦᑕᑫᔨᒧᐃᐧᐣ ᑭ ᑲ ᐃᐧ ᐊᔮᐣ, ᐁᔨᐁᐧᕽ ᒫᑲ ᑭᔮᒼ ᑲᐦᑭᔭᐤ ᑳ ᐃᓯ ᓇᑕᐁᐧᔨᑕᒪᐣ ᓂᔭ ᓂ ᑲ ᐅᐦᑎᓀᐣ; ᐱᑯ ᐁᑳᐃᐧᔭ ᐱᒧᐦᑌᐢᑲᓈᕽ ᑲᐯᓯᐠ. 21ᐁᑯᓯ ᒫᑲ ᑭ ᐱᐦᑐᑲᐦᐁᐤ ᐃᐧᑭᕽ, ᐁᑯᓯ ᑭ ᐊᓴᒣᐤ ᓱᓱᒥᐢᑕᑎᒪᐧ; ᑭ ᑭᓯᐯᑭᓇᒪᐧᐠ ᒫᑲ ᐅᓯᑎᐋᐧᐊᐧ, ᒥᓇ ᑭ ᒥᒋᓱᐊᐧᐠ ᒥᓇ ᑭ ᒥᓂᐦᑫᐧᐊᐧᐠ.
22 #
ᒉᓂᓯᐢ 19:5-8
ᒣᑳᐧᐨ ᒫᑲ ᐁ ᒥᔭᐋᐧᑎᑯᑌᐦᐁᒋᐠ, ᐳᑎ, ᐊᔨᓯᔨᓂᐊᐧᐠ ᐁᑯᑕ ᐅᑌᓈᕽ, ᐋᑎᐦᐟ ᐅᑯᓯᓴ ᐱᓬᐃᔭᓬ, ᑭ ᐋᐧᐢᑳᐢᑲᒪᐧᐠ ᐋᐧᐢᑳᐦᐃᑲᐣ, ᐁ ᐹᐸᑲᒪᐊᑭᐠ ᐃᐢᑳᐧᑌᒼ; ᐁᑯᓯ ᑭ ᑭᑐᑌᐊᐧᐠ ᐊᓂᐦᐃ ᑳ ᑎᐯᔨᐦᑕᒥᔨᐟ ᐋᐧᐢᑳᐦᐃᑲᐣ, ᐊᓂᐦᐃ ᑭᓭᔨᓂᐊᐧ, ᐁ ᐃᑖᒋᐠ, ᐯ ᐊᐧᔭᐃᐧᑕᐦ ᐊᓇ ᓈᐯᐤ ᑳ ᑭ ᐱᐦᑐᑫᐟ ᑭᑭᕽ ᑭᑕ ᑭᐢᑫᔨᒫᔮᕽ. 23ᐊᓇ ᒫᑲ ᓈᐯᐤ ᑳ ᑎᐯᔨᐦᑕᕽ ᐋᐧᐢᑳᐦᐃᑲᐣ, ᑭ ᐊᐧᔭᐃᐧᐤ ᐁ ᓈᑖᐟ, ᐁᑯᓯ ᑭ ᐃᑌᐤ, ᓇᒪᐃᐧᔭ ᓂᒋᐋᐧᒥᑎᐠ, ᑭ ᐸᑯᓭᔨᒥᑎᓈᐋᐧᐤ, ᐁᑳᐃᐧᔭ ᐁᑯᓯ ᐃᓯ ᒪᒋᑐᑕᒧᐠ; ᐊᔨᐢ ᐊᐊᐧ ᓈᐯᐤ ᑭ ᐯ ᐱᐦᑐᑫᐤ ᓂᑭᕽ, ᐁᑳᐃᐧᔭ ᐁᑯᓯ ᐃᓯ ᑲᑫᐹᒐᔨᑎᐠ. 24ᒫᑎᑲ ᐊᐄᐧᑕ ᓂᑖᓂᐢ, ᐅᐢᑭᓂᑭᐢᑫᐧᐤ, ᒥᓇ ᐅ ᑲᓇᐃᐧᐢᑫᐧᐋᐧᓇ; ᐁᐊᐧᑯᓂᐠ ᓂ ᑲ ᐯ ᐊᐧᔭᐃᐧᑕᐦᐋᐊᐧᐠ ᐁᑲᐧ, ᐁᑯᓯ ᑕᐸᐦᑌᔨᒧᐃᑯᐠ ᐁᐊᐧᑯᓂᐠ, ᒥᓇ ᐃᑐᑖᑯᐠ ᐁ ᐃᓯ ᒥᔮᐧᐱᓯᒥᑯᔦᐠ; ᒫᑲ ᐃᐧᔭ ᐊᐊᐧ ᓈᐯᐤ ᐁᑳᐃᐧᔭ ᐁᑯᓯ ᐃᓯ ᑲᑫᐹᑎᓂᑫᑲᑖᕽ. 25ᒫᑲ ᐊᓂᑭ ᐊᔨᓯᔨᓂᐊᐧᐠ ᓇᒪᐃᐧᔭ ᐃᐧ ᓇᑐᐦᑕᐁᐧᐊᐧᐠ; ᐁᑯᓯ ᐊᓇ ᓈᐯᐤ ᑭ ᐅᑎᐦᑎᓀᐤ ᐅ ᑲᓇᐃᐧᐢᑫᐧᐊᓇ, ᒥᓇ ᑭ ᐊᐧᔭᐃᐧᑕᑕᒪᐁᐧᐤ; ᐁᑯᓯ ᑭ ᑭᐢᑫᔨᒣᐊᐧᐠ, ᒥᓇ ᐁ ᑭ ᑭᑎᒪᐋᒋᐠ ᑲᐯᑎᐱᐢᐠ ᐱᔨᐢ ᐁ ᑫᑭᓭᐸᔮᐠ; ᐃᐢᐱ ᒫᑲ ᐁᑎ ᐋᐧᐸᕽ, ᑭ ᐸᑭᑎᓀᐊᐧᐠ. 26ᐁᑲᐧ ᐊᓇ ᐃᐢᑫᐧᐤ ᑭ ᐯ ᐃᑐᐦᑌᐤ ᐁ ᐯᑖᐸᓂᔨᐠ ᐁᑯᓯ ᑭ ᐸᐦᑭᓯᐣ ᐁ ᐃᐢᑳᐧᑌᒥᐊᐧᓂᔨᐠ ᐊᓂᐦᐃ ᓈᐯᐊᐧ ᐅ ᐋᐧᐢᑳᐦᐃᑲᓂᔨᐤ ᐃᑕ ᐅᐟ ᐅᑭᒫᒪ ᐁ ᐊᔮᔨᐟ ᐱᔨᐢ ᐁ ᑭᓯᑳᔨᐠ.
27ᐊᓂᐦᐃ ᒫᑲ ᐅᐟ ᐅᑭᒫᒪ ᑭ ᐊᐧᓂᐢᑳᔨᐊᐧ ᐁ ᑫᑭᓭᐹᔮᔨᐠ, ᐁᑯᓯ ᑭ ᔪᑌᓇᒥᔨᐊᐧ ᐃᐢᑳᐧᑌᒪ ᐋᐧᐢᑳᐦᐃᑲᓂᕽ, ᒥᓇ ᑭ ᐊᐧᔭᐃᐧᔨᐊᐧ ᑭᑕ ᓯᐯᐧᑌᔨᐟ; ᐁᑯᓯ ᐳᑎ, ᐊᓂᐦᐃ ᐃᐢᑫᐧᐊᐧ ᐅ ᑲᓇᐃᐧᐢᑫᐧᐋᐧᓇ ᑭ ᐱᒥᓯᓂᔨᐊᐧ ᐃᐢᑲᐧᑌᒥᕽ ᐋᐧᐢᑳᐦᐃᑲᓂᕽ, ᐊᐧᔭᐃᐧᑎᒥᐢᑳᐧᐦᐠ ᐁ ᐃᓯᒋᐦᒉᓯᕽ. 28ᑭ ᐃᑌᐤ ᒫᑲ, ᐊᐧᓂᐢᑳ, ᐁᑲᐧ ᓯᐯᐧᑌᑖᐠ; ᒫᑲ ᓇᒪᐃᐧᔭ ᐊᐃᐧᔭ ᓇᐢᑫᐧᐊᐧᓯᒥᐠ; ᐁᑲᐧ ᒫᑲ ᑭ ᑌᐦᑕᔦᐤ ᓱᓱᒥᐢᑕᑎᒪᐧ; ᐊᓇ ᒫᑲ ᓈᐯᐤ ᑭ ᓯᐯᐧᑌᐤ ᒥᓇ ᑭ ᐃᑐᑌᐤ ᐅᐟ ᐃᐦᑖᐃᐧᓂᕽ.
29 #
1 ᓵᒼᔪᐃᓬ 11:7
ᐃᐢᐱ ᒫᑲ ᑳ ᑕᑯᓯᕽ ᐃᐧᑭᕽ, ᑭ ᐅᑎᓇᒼ ᒧᑯᒫᐣ, ᐁᑯᓯ ᑭ ᐅᑎᓀᐤ ᐊᓂᐦᐃ ᐅ ᑲᓇᐃᐧᐢᑫᐧᐋᐧᔭᓇ ᒥᓇ ᑭ ᓇᓈᓂᐢᒋᓵᐋᐧᑌᐤ, ᐁ ᐋᔨᑕᐦᑐᐸᐢᑫᓯᐃᐧᓀᔨᐟ, ᒥᑖᑕᐦᐟ ᓂᓱᓵᑊ ᐁ ᐃᑕᐦᑐ ᓇᓈᓂᐢᒋᓵᐋᐧᑖᐟ, ᐁᑯᓯ ᑭ ᐃᓯᑎᓴᐁᐧᐤ ᒥᓯᐁᐧ ᐃᑕ ᐁ ᐅᐟ ᐊᐢᑭᔨᐟ ᐃᐢᕒᐁᐃᓬ. 30ᑭ ᐊᔨᑭᐣ ᒫᑲ, ᑲᐦᑭᔭᐤ ᑳ ᐋᐧᐸᐦᑕᐦᑭᐠ ᑭ ᐃᑌᐧᐊᐧᐠ, ᓇᒪᐃᐧᑳᐨ ᐁᑯᓯ ᑭ ᐅᐦᒋ ᐃᓯᒋᑳᓂᐊᐧᐣ ᐊᐦᐳ ᑭ ᐅᐦᒋ ᐋᐧᐸᒋᑳᑌᐤ ᐊᓂᒪ ᐁ ᑭᓯᑳᐠ ᐅᐦᒋ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐃᑐᐦᑌᔨᐟ ᐱᔨᐢ ᐊᓄᐦᐨ ᑳ ᑭᓯᑳᐠ; ᒫᒥᑐᓀᔨᑕᒧᐠ ᒫᑲ, ᐅᔭᓱᐁᐧᐠ, ᐁᑯᓯ ᐱᑭᐢᑫᐧᐠ.
Currently Selected:
ᐅᔭᓱᐁᐧᐊᐧᐠ 19: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
