ᐅᔭᓱᐁᐧᐊᐧᐠ 18
18
1ᐁᑯᐢᐱ ᐁ ᑲᑭᓯᑳᐠ ᓇᒪᐃᐧᔭ ᑭ ᐃᐦᑖᐤ ᑭᐦᒋ ᐅᑭᒫᐤ ᐃᐢᕒᐁᐃᓬᐃᕽ; ᐁᑯᐢᐱ ᒫᑲ ᐁ ᑲᑭᓯᑳᐠ ᐊᓂᑭ ᐅ ᐱᐢᑭᑐᑌᐃᐧᓯᐃᐧᐣ ᑖᐣ ᑭ ᓇᑐᓇᒪᐧᐠ ᑎᐯᔨᒋᑲᐣ ᐃᑕ ᑭᑕ ᐊᔮᒋᐠ; ᒋᑫᒫ ᐱᔨᐢ ᐁᐊᐧᑳᐧᓂᒪ ᐁ ᑭᓯᑳᐠ ᓇᒪᐃᐧᔭ ᑭ ᐅᐦᒋ ᐸᑭᑎᓇᒪᐋᐧᐊᐧᐠ ᐅ ᑎᐯᔨᒋᑲᓂᐋᐧᐤ ᐃᑕ ᐁ ᐊᔮᔨᐟ ᑳ ᐱᐢᑭᑐᑌᐃᐧᓯᔨᐟ ᐃᐢᕒᐁᐃᓬᐊ. 2ᐅᐟ ᐊᐋᐧᓯᒥᓴ ᑖᐣ ᒫᑲ ᑭ ᓯᐯᐧᑎᓴᐁᐧᐊᐧᐠ ᐅ ᐋᐧᑯᒫᑲᓂᐋᐧᐊᐧ ᐅᐦᒋ ᑲᐦᑭᔭᐤ ᐁ ᐃᐦᑕᓯᒋᐠ ᓂᔮᓇᐣ ᓈᐯᐊᐧ, ᑭᐦᒋ ᐅᓇᑐᐸᔨᐃᐧᔨᓂᐊᐧ, ᓵᕒᐊ ᐅᐦᒋ ᒥᓇ ᐁᐢᑌᐊᓬ ᐅᐦᒋ, ᑭᑕ ᓇᑕᐋᐧᑖᔨᐟ ᐊᐢᑭ ᒥᓇ ᑭᑕ ᓇᑐᓇᒥᔨᐟ; ᐁᑯᓯ ᑭ ᐃᑌᐊᐧᐠ, ᓇᑕᐃᐧ ᓇᑐᓇᒧᐠ ᐊᐢᑭ; ᐁᑯᓯ ᑭ ᐅᑎᐦᑕᒪᐧᐠ ᐁ ᐊᐧᒋᐊᐧᕽ ᐃᐸᕒᐁᐃᒼ, ᐁ ᑕᑯᓯᐦᑭᐠ ᐅ ᐋᐧᐢᑲᐦᐃᑲᓂᔨᕽ ᒪᐃᑲᐊᐧ ᐁᑯᑕ ᒫᑲ ᑭ ᑲᐯᓯᐊᐧᐠ. 3ᐃᐢᐱ ᒫᑲ ᒋᑭ ᐅ ᐋᐧᐢᑳᐦᐃᑲᓂᔨᕽ ᒪᐃᑲᐊᐧ ᐁ ᐊᔮᒋᐠ ᑭ ᓂᓯᑕᐁᐧᔨᒣᐊᐧᐠ ᐁ ᐯᑕᐋᐧᒋᐠ ᐊᓂᐦᐃ ᐅᐢᑭᓂᑭᐊᐧ ᐊᓂᐦᐃ ᓬᐃᐸᐃᑕ; ᐁᑯᑕ ᒫᑲ ᑭ ᐊᑎ ᐃᑐᐦᑌᐊᐧᐠ ᐁᑯᓯ ᑭ ᐃᑌᐊᐧᐠ, ᐊᐁᐧᓇ ᐅᑕ ᑳ ᐯ ᐃᑐᐦᑕᐦᐃᐢᐠ? ᒥᓇ ᑫᑲᐧᐩ ᐁᐧᓯᑖᔭᐣ ᐅᑕ? ᒥᓇ ᑫᑲᐧᐩ ᐅᑕ ᐁᔮᔭᐣ? 4ᐅᒥᓯ ᒫᑲ ᑭ ᐃᑌᐤ ᐁᑯᓯ ᐅᒪ ᑳ ᐊᔨᑐᑕᐃᐧᐟ ᒪᐃᑲ, ᐁᑯᓯ ᓂ ᑭ ᒪᓯᓇᐦᐃᑫᐃᐠ, ᓂᔭ ᒫᑲ ᐁᑲᐧ ᐅᐟ ᐊᔭᒥᐦᐁᐃᐧᔨᓂᒪ. 5ᐁᑯᓯ ᑭ ᐃᑌᐊᐧᐠ, ᑲᑫᐧᒋᒼ ᑭᓭᒪᓂᑐ ᑭ ᐸᑯᓭᔨᒥᑎᓈᐣ, ᑭᑕ ᑭᐢᑫᔨᑕᒫᕽ ᑭᐢᐱᐣ ᑫ ᓇᓇᐦᐃᐸᔨᐊᐧᑫ ᐃᑌ ᐅᒪ ᑳ ᐃᑐᐦᑌᔮᕽ. 6ᐊᓂᐦᐃ ᒫᑲ ᐊᔭᒥᐦᐁᐃᐧᔨᓂᐊᐧ ᑭ ᐃᑎᑲᐧᐠ, ᐯᔭᐦᑕᑫᔨᒧᐃᐧᓂᕽ ᓯᐯᐧᑌᐠ; ᐁ ᒥᔪ ᑲᓇᐋᐧᐸᒥᑯᔦᐠ ᑳ ᑎᐯᔨᐦᒋᑫᐟ ᐃᑌ ᐅᒪ ᑳ ᐃᑐᐦᑌᔦᐠ.
7ᐁᑲᐧ ᒫᑲ ᐊᓂᑭ ᓂᔮᓇᐣ ᓈᐯᐊᐧᐠ ᑭ ᓯᐯᐧᑌᐊᐧᐠ, ᐁᑯᓯ ᑭ ᐅᑎᐦᑕᒪᐧᐠ ᓬᐁᐃᐢ, ᐋᐧᐸᒣᐊᐧᐠ ᒫᑲ ᐊᔨᓯᔨᓂᐊᐧ ᐁᑯᑕ ᑳ ᐅᐟ ᐃᐦᑖᐃᐧᓂᔨᐟ, ᐁ ᐃᓯ ᐁᑳ ᑫᑲᐧᐩ ᐊᐢᑖᐃᑯᔨᐟ, ᑳ ᐃᓯ ᐊᔮᒋᐠ ᓴᐃᑕᓂᐊᓇᐠ, ᐁ ᐯᔭᑕᑭ ᐊᔮᒋᐠ ᒥᓇ ᐁᑳ ᐁ ᐊᐢᑖᓯᒋᐠ; ᒋᑫᒫ ᓇᒪᐃᐧᔭ ᐊᐃᐧᔭ ᐃᐦᑖᔨᐊᐧ ᐁᑯᑕ ᐊᐢᑭᕽ ᐁ ᑎᐯᔨᒥᑯᒋᐠ, ᓇᐣᑕᐤ ᑭᑕ ᐃᓯ ᓇᓀᐯᐃᐧᐃᑯᒋᐠ, ᐋᐧᔭᐤ ᒫᑲ ᓴᐃᑕᓂᔭᓇ ᑳ ᐊᔮᔨᐟ, ᒥᓇ ᓇᒪᐃᐧᔭ ᐊᐃᐧᔭ ᐸᐱᓯᐢᑫᔨᒥᑲᐧᐠ. 8ᐁᑯᓯ ᐅᑭ ᑖᓇᐃᑕᐠ ᑭ ᐯ ᐅᑎᐦᑌᐊᐧᐠ ᐅᒋᐋᐧᒥᐋᐧᐊᐧ ᐊᓂᑕ ᓵᕒᐊ ᒥᓇ ᐁᐢᑌᐊᓬ; ᐅᒋᐋᐧᒥᐋᐊᐧ ᒫᑲ ᑭ ᐃᑎᑲᐧᐠ, ᑖᓂᓯ ᒫᑲ ᐁᑌᐧᔦᐠ? 9ᐁᑯᓯ ᑭ ᐃᑌᐧᐊᐧᐠ, ᐸᓯᑯᐠ, ᒪᐃᐧᓂᐢᑲᐋᐧᑖᓂᐠ; ᒋᑫᒫ ᓂ ᑭ ᐋᐧᐸᐦᑌᓈᐣ ᐊᐢᑭ, ᐁᑯᓯ, ᐳᑎ, ᒥᐢᑕᐦᐃ ᒥᔮᐧᓯᐣ; ᐁᑯᓯ ᑭ ᑭᔮᒪᐱᓈᐋᐧᐤ ᒋ? ᐁᑳᐃᐧᔭ ᑭᐦᑎᒣᔨᑕᒧᐠ ᑭᑕ ᓇᑕᐃᐧ ᐱᐦᑐᑫᔦᐠ ᑭᑕ ᑎᐯᔨᐦᑕᒣᐠ ᐊᐢᑭ. 10ᐃᐢᐱ ᐃᑐᐦᑌᔦᑯ ᑭ ᑲ ᐅᑎᑖᐋᐧᐊᐧᐠ ᐊᔨᓯᔨᓂᐊᐧᐠ ᐁᑳ ᐁ ᐊᐢᑖᓯᒋᐠ, ᐁᑯᓯ ᒥᓵᐤ ᐊᐢᑭ; ᒋᑫᒫ ᑭᓭᒪᓂᑐ ᑭ ᐸᑭᑎᓇᒼ ᑭᒋᐦᒋᐋᐧᕽ; ᐃᑕ ᐁᑳ ᑫᑲᐧᐩ ᑳ ᑭᐧᑕᒫᕽ ᐊᐢᑭᕽ ᑳ ᐊᔮᐠ.
11ᑭ ᓯᐯᐧᑌᐊᐧᐠ ᒫᑲ ᐁᑯᑕ ᐅᐦᒋ ᑖᓇᐃᑕᐠ ᐁ ᐃᓯ ᐋᐧᑯᑐᒋ, ᓵᕒᐊ ᒥᓇ ᐁᐢᑌᐊᓬ ᐅᐦᒋ, ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓈᐯᐊᐧᐠ ᓄᑎᓂᑐᐃᐧ ᐋᐸᒋᐦᒋᑲᓇ ᐁ ᐸᑲᐧᑌᐦᐅᑐᑕᑭᐠ. 12ᑭ ᐃᑐᐦᑌᐊᐧᐠ ᒫᑲ ᐁᑯᓯ ᑭ ᑲᐯᓯᐊᐧᐠ ᐊᓂᑕ ᑭᕒᐃᔮᐟ ᒋᔭᕒᐃᒼ, ᒍᑕᐃᕽ; ᐁᐊᐧᑯ ᐅᐦᒋ ᒫᑲ ᐃᓯᔨᐦᑳᑕᒪᐧᐠ ᒣᐦᐊᓂᑖᐣ ᐱᔨᐢ ᐊᓄᐦᐨ ᑳ ᑭᓯᑳᐠ; ᒫᑎᑲ, ᐁᑯᑕ ᐊᔮᐤ ᓄᐦᒋᒫᔨᕽ ᑭᕒᐃᔮᐟ ᒋᔭᕒᐃᒼ. 13ᐁᑯᑕ ᒫᑲ ᐅᐦᒋ ᑭ ᐋᓱᐃᐧ ᐃᑐᐦᑌᐊᐧᐠ ᐁ ᐊᐧᒋᐊᐧᕽ ᐃᐸᕒᐁᐃᒼ, ᑭ ᑕᑯᓯᓇᐧᐠ ᒫᑲ ᐅ ᐋᐧᐢᑳᐦᐃᑲᓂᔨᕽ ᒪᐃᑲᐊᐧ.
14ᐁᑲᐧ ᒫᑲ ᑭ ᓇᐢᑫᐧᐊᐧᓯᒥᐁᐧᐊᐧᐠ ᐊᓂᑭ ᓂᔮᓇᐣ ᓈᐯᐊᐧᐠ ᑳ ᑭ ᓇᑕᐋᐧᑖᒋᐠ ᓬᐁᐃᐢ ᐊᐢᑭ, ᒥᓇ ᑭ ᐃᑌᐊᐧᐠ ᐅᒋᐋᐧᒥᐋᐧᐊᐧ, ᑭ ᑭᐢᑫᔨᑌᓈᐋᐧᐤ ᒋ ᐅᑕ ᐋᐧᐢᑳᐦᐃᑲᓂᕽ ᐁ ᐊᔭᐠ ᐁᐦᐸᐟ, ᒥᓇ ᑌᕒᐊᐱᒼ, ᒥᓇ ᐅᔨᑯᒋᑲᓂ ᓇᐢᐱᓯᒋᑲᐣ, ᒥᓇ ᑎᐦᑭᓯᑲᓂ ᓇᐢᐱᓯᒋᑲᐣ? ᐁᑲᐧ ᒫᑲ ᒫᒥᑐᓀᔨᑕᒧᐠ ᑖᓂᓯ ᑫ ᐃᑐᑕᒣᐠ. 15ᐁᑯᓯ ᐁᑯᑌ ᑭ ᐃᓯ ᐸᐢᑫᐊᐧᐠ, ᑭ ᐅᑎᐦᑕᒪᐧᐠ ᒫᑲ ᐅ ᐋᐧᐢᑳᐦᐃᑲᓂᔨᐤ ᐊᓂᐦᐃ ᐅᐢᑭᓂᑭᐊᐧ ᐊᓂᐦᐃ ᓬᐃᐸᐃᑕ, ᐅ ᐋᐧᐢᑳᐦᐃᑲᓂᔨᕽ ᐅᑎ ᒪᐃᑲᐊᐧ, ᐁᑯᓯ ᑭ ᑲᑫᐧᒋᒣᐊᐧᐠ ᑖᓂᓯ ᐁ ᐃᓯ ᐊᔮᔨᐟ. 16ᐊᓂᑭ ᒫᑲ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓈᐯᐊᐧᐠ ᐁ ᐸᑲᐧᑌᐦᐅᑐᑕᑭᐠ ᐅ ᓄᑎᓂᑫᐃᐧ ᐋᐸᒋᐦᒋᑲᓂᐋᐧᐊᐧ, ᐊᓂᐦᐃ ᐅᐟ ᐊᐋᐧᓯᒥᓴ ᐅᐦᒋ ᑖᐣ, ᑭ ᓂᐸᐃᐧᐊᐧᐠ ᐁ ᐊᑎ ᐱᐦᑐᑫᕽ ᑭᐦᒋᐃᐢᑳᐧᑌᒼ. 17ᐊᓂᑭ ᒫᑲ ᓂᔮᓇᐣ ᓈᐯᐊᐧᐠ ᑳ ᑭ ᓇᑕᐋᐧᑖᒋᐠ ᐊᐢᑭ ᑭ ᐃᑐᐦᑌᐊᐧᐠ ᐁᑯᓯ ᑭ ᐱᐦᑐᑫᐊᐧᐠ, ᑭ ᐅᑎᓀᐊᐧᐠ ᒫᑲ ᐊᓂᐦᐃ ᐅᔨᑯᒋᑲᓂ ᓇᐢᐱᓯᒋᑲᓇ, ᒥᓇ ᐊᓂᒪ ᐁᐦᐸᐟ, ᒥᓇ ᑌᕒᐊᐱᒼ, ᒥᓇ ᑎᐦᑭᓯᑲᓂ ᓇᐢᐱᓯᒋᑲᓈ; ᐊᓇ ᒫᑲ ᐊᔭᒥᐦᐁᐃᐧᔨᓂᐤ ᑭ ᐃᒋᑲᐸᐃᐧᐢᑕᐁᐧᐤ ᑭᐦᒋᐃᐢᑲᐧᑌᒥᕽ ᐊᓂᐦᐃ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓈᐯᐊᐧ ᑳ ᐸᑲᑌᐦᐅᑐᑕᒥᔨᐟ ᓄᑎᓂᑐᐃᐧ ᐋᐸᒋᐦᒋᑲᓇ. 18ᐃᐢᐱ ᒫᑲ ᐊᓂᐦᐃ ᐁ ᐱᐦᑐᑫᔨᐟ ᒪᐃᑲᐊᐧ ᐅ ᐋᐧᐢᑳᐦᐃᑲᓂᔨᕽ ᒥᓇ ᐁ ᓈᑖᔨᐟ ᐅᔨᑯᒋᑲᓂ ᓇᐢᐱᓯᒋᑲᓇ, ᐊᓂᒪ ᐁᐦᐸᐟ, ᒥᓇ ᑌᕒᐊᐱᒼ, ᒥᓇ ᐊᓂᐦᐃ ᑎᐦᑭᓯᑲᓂ ᓇᐢᐱᓯᒋᑲᓇ, ᐊᔭᒥᐦᐁᐃᐧᔨᓂᐤ ᑭ ᐃᑌᐤ, ᑖᓂᓯ ᐅᒪ ᑳ ᐃᑐᑕᒣᐠ? 19ᑭ ᐃᑌᐊᐧᐠ ᒫᑲ, ᐁᑳᐃᐧᔭ ᓈᐣᑕᐤ ᐃᑌᐧ, ᑭᒋᐦᒋ ᐊᐢᑖ ᑭᑐᓂᕽ, ᒥᓇ ᐃᐧᒉᐃᐧᓈᐣ, ᐁᑯᓯ ᓇᑖᐃᐧᓈᐣ ᒥᓇ ᓂᐟ ᐊᔭᒥᐦᐁᐃᐧᔨᓂᒥᓈᐣ ᑭ ᑲ ᐃᑕᐱᐢᑕᐃᐧᓈᐣ; ᓇᐊᐧᐨ ᒋ ᒥᔮᐧᓯᐣ ᐯᔭᐠ ᐊᔨᓯᔨᓂᐤ ᐃᐧᑭᕽ ᑭᑕ ᐊᔭᒥᐦᐁᐃᐧᔨᓂᐃᐧᔭᐣ, ᐃᔨᑯᕽ ᑭᑕ ᐊᔭᒥᐦᐁᐃᐧᔨᓂᐃᐧᔭᐣ ᐯᔭᐠ ᐁ ᐃᓯ ᐱᐢᑭᑐᑌᐃᐧᓯᕽ ᒥᓇ ᐁ ᐃᓯ ᐋᐧᑯᑐᕽ ᐃᐢᕒᐁᐃᓬᐃᕽ? 20ᐊᓇ ᒫᑲ ᐊᔭᒥᐦᐁᐃᐧᔨᓂᐤ ᑭ ᒪᒪᐦᑖᑯᓯᐤ ᐅᑌᐦᐃᕽ, ᐁᑯᓯ ᑭ ᐅᑎᓇᒼ ᐁᐦᐸᐟ, ᒥᓇ ᑌᕒᐊᐱᒼ, ᒥᓇ ᐅᔨᑯᒋᑲᓂ ᓇᐢᐱᓯᒋᑲᓇ, ᒥᓇ ᑭ ᐊᑎ ᐱᒧᐦᑌᐤ ᒣᑳᐧᔭᐢ ᐊᔨᓯᔨᓂᐊᐧ. 21ᐁᑯᓯ ᑭ ᐋᐧᔪᓂᐊᐧᐠ ᒥᓇ ᑭ ᓯᐯᐧᐦᑌᐊᐧᐠ, ᐊᓂᐦᐃ ᒫᑲ ᐊᐋᐧᓯᓴ ᒥᓇ ᐱᓯᐢᑭᐊᐧ ᒥᓇ ᐊᔮᐃᐧᓇ ᓂᑳᐣ ᑭ ᐃᑐᑌᐊᐧᐠ.
22ᐃᐢᐱ ᒫᑲ ᐋᐧᔭᐃᐧᐢ ᐁ ᐊᑎ ᐊᔮᒋᐠ ᒪᐃᑲ ᐅ ᐋᐧᐢᑳᐦᐃᑲᓂᔨᕽ ᐅᐦᒋ, ᐊᓂᑭ ᐊᔨᓯᔨᓂᐊᐧᐠ ᑳ ᐃᐧᑭᒋᐠ ᐋᐧᐢᑳᐦᐃᑲᓂᕽ ᑭᓯᐋᐧᐠ ᒪᐃᑲ ᐅ ᐋᐧᐢᑳᐦᐃᑲᐣ ᑭ ᒫᐊᐧᒋᐦᐃᑐᐊᐧᐠ, ᒥᓇ ᑭ ᐊᑎᒥᓀᐁᐧᐊᐧᐠ ᑖᐣ ᐅᐟ ᐊᐋᐧᓯᒥᓯᔨᐊᐧ. 23ᑭ ᑌᐹᐧᑌᐊᐧᐠ ᒫᑲ ᑖᐣ ᐅᐟ ᐊᐋᐧᓯᒥᓯᔨᐊᐧ. ᐁᑯᓯ ᑭ ᑫᐧᐢᑭᐢᑫᐧᔨᔨᐊᐧ ᒥᓇ ᑭ ᐃᑎᐠ ᒪᐃᑲ, ᑖᓀᐦᑎᔭᐣ ᑳ ᐯ ᐅᐦᒋ ᐃᐧᒉᐊᐧᒋᐠ ᐅᑭ ᐅᒫᐊᐧᒋᐦᐃᑐᐊᐧᐠ? 24ᐁᑯᓯ ᑭ ᐃᑌᐤ, ᑭ ᑭ ᐅᑎᓈᐋᐧᐊᐧᐠ ᓂ ᒪᓂᑐᒪᐠ ᑳ ᑭ ᐅᓯᐦᐊᑭᐠ, ᒥᓇ ᐊᔭᒥᐦᐁᐃᐧᔨᓂᐤ, ᐁᑯᓯ ᑭ ᓯᐯᐧᑖᓈᐋᐧᐤ, ᑫᑲᐧᐩ ᒫᑲ ᐊᐊᐧᓯᒣ ᐁᔮᔮᐣ? ᑖᓂᓯ ᒫᑲ ᐅᒪ ᑳ ᐃᓯᔦᐠ, ᑖᓀᐦᑎᔭᐣ? 25ᐊᓂᐦᐃ ᒫᑲ ᑖᐣ ᐅᐟ ᐊᐋᐧᓯᒥᓴ ᑭ ᐃᑎᐠ, ᐁᑳᐃᐧᔭ ᑳ ᐃᑎᑖᑯᓯᔭᐣ ᑭᑕ ᐯᐦᑖᑲᐧᐣ ᐃᑕ ᐁ ᐊᔭᔮᕽ, ᓈᐣᑕᐤ ᐃᓯ ᑳ ᒪᒑᑎᓯᒋᐠ ᑭ ᑲ ᐅᑎᑎᓂᑯᐋᐧᐊᐧᐠ, ᐁᑯᓯ ᑭ ᑲ ᐊᐧᓂᑖᐣ ᑭ ᐱᒫᑎᓯᐃᐧᐣ, ᐊᓯᒋ ᐅ ᐱᒫᑎᓯᐃᐧᓂᐋᐧᐤ ᑭᑭᕽ ᑳ ᐊᔮᒋᐠ. 26ᐊᓂᑭ ᒫᑲ ᑖᐣ ᐅᐟ ᐊᐋᐧᓯᒥᓴ ᑭ ᐊᑎ ᓯᐯᐧᑌᐊᐧᐠ; ᐃᐢᐱ ᒫᑲ ᒪᐃᑲ ᐃᐧᔮᐸᐦᑕᕽ ᐅᓵᒼ ᐁ ᒪᐢᑲᐃᐧᓯᔨᐟ, ᑭ ᐋᐧᔪᓂᐤ ᒥᓇ ᑭ ᑭᐁᐧᐤ ᐃᐧᑭᕽ.
27ᑭ ᐅᑎᓇᒪᐧᐠ ᒫᑲ ᐊᓂᒪ ᒪᐃᑲᐊᐧ ᑳ ᑭ ᐅᓯᐦᑖᔨᐟ, ᒥᓇ ᐊᔭᒥᐦᐁᐃᐧᔨᓂᐊᐧ ᑳ ᑭ ᐊᔮᐊᐧᔨᐟ, ᐁᑯᓯ ᐁ ᑕᑯᓯᐦᑭᐠ ᐊᓂᑕ ᓬᐁᐃᐢ ᑭ ᐅᑎᑌᐊᐧᐠ ᐊᔨᓯᔨᓂᐊᐧ ᐁ ᐯᔭᑕᑭ ᐊᔮᔨᐟ ᒥᓇ ᐁᑳ ᐁ ᐊᐢᑖᓯᔨᐟ, ᑭ ᓂᐸᐁᐊᐧᐠ ᒫᑲ ᐁᓯ ᑭᓇᐠ ᐃᓴᐁᐧᐢᐠ ᐅᐦᒋ; ᒥᓇ ᑭ ᓴᐢᑲᐦᐊᒪᐧᐠ ᐊᓂᒪ ᐅᑌᓇᐤ ᐃᐢᑯᑌᐤ ᐅᐦᒋ. 28ᑭ ᓇᒪᑌᐤ ᒫᑲ ᐅᓈᑕᒫᑫᐤ, ᒋᑫᒫ ᐋᐧᔭᐤ ᑭ ᐊᔮᐤ ᐃᐧᔭ ᓴᐃᑕᐣ ᓇᒪᐃᐧᔭ ᒫᑲ ᐊᐃᐧᔭ ᐱᓯᐢᑫᔨᒥᑲᐧᐠ; ᐁᑯᑕ ᒫᑲ ᐋᐧᔮᒪᑎᓈᕽ ᑭ ᐊᔮᐤ ᒋᑭ ᐯᐟᕒᐃᐦᐋᑊ. ᑭ ᐅᓯᐦᑖᐊᐧᐠ ᒫᑲ ᐅᑌᓇᐤ ᒥᓇ ᐁᑯᑕ ᑭ ᐊᔮᐋᐧᐠ. 29ᐁᑯᓯ ᑖᐣ ᑭ ᐃᓯᔨᐦᑳᑕᒪᐧᐠ ᐊᓂᒪ ᐅᑌᓇᐤ, ᐁ ᑭ ᐃᓯᔨᐦᑳᓱᔨᐟ ᑖᐣ ᐅᑖᐃᐧᐋᐧᐊᐧ, ᐃᐢᕒᐁᐃᓬᐊ ᑳ ᑭ ᓂᐦᑖᐃᐧᑭᐦᐋᔨᐟ; ᒫᑲ ᐃᐧᔭ ᐊᓂᒪ ᐅᑌᓇᐤ ᓬᐁᐃᐢ ᓂᑳᐣ ᑭ ᐃᓯᔨᐦᑳᑌᐤ.
30ᐁᑯᓯ ᑖᐣ ᐅᐟ ᐊᐋᐧᓯᒥᓴ ᑭ ᐅᔭᐢᑕᒫᓱᐊᐧᐠ ᐊᓂᐦᐃ ᐅᔨᑯᒋᑲᓂ ᓇᐢᐱᒋᑲᓇ; ᐊᓂᐦᐃ ᒫᑲ ᒑᓇᐦᑕᐣ ᐅᑯᓯᓴ ᑲᕒᓴᒼ, ᐅᑯᓯᓴ ᒧᓯᐢ, ᐃᐧᔭ ᒥᓇ ᐅᑯᓯᓴ ᑭ ᐅᐟ ᐊᔭᒥᐦᐁᐃᐧᔨᓂᒥᐊᐧᐠ ᐁ ᐱᐢᑭᑐᑌᐃᐧᓯᒋᐠ ᑖᓇᐃᑕᐠ ᐱᔨᐢ ᐊᓂᒪ ᐁ ᑭᓯᑳᐠ ᑳ ᑭ ᒪᓇᐊᑳᒋᑳᑌᐠ ᐊᓂᒪ ᐊᐢᑭ. 31ᐁᑯᓯ ᒫᑲ ᑭ ᐅᔭᐢᑕᒫᓱᐊᐧᐠ ᒪᐃᑲᐊᐧ ᐅᔨᑯᒋᑲᓂ ᓇᐢᐱᓯᒋᑲᓇ ᑳ ᑭ ᐅᓯᐦᐋᔨᐟ ᒥᓴᑳᒣ ᐃᔨᑯᕽ ᐅ ᐋᐧᐢᑳᐦᐃᑲᐣ ᑭᓭᒪᓂᑐ ᓴᐃᓬᐆᐃᕽ ᑳ ᐊᔮᔨᐠ.
Currently Selected:
ᐅᔭᓱᐁᐧᐊᐧᐠ 18: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
