ᐅᔭᓱᐁᐧᐊᐧᐠ 17
17
1ᑭ ᐊᔮᐤ ᒫᑲ ᐯᔭᐠ ᐊᔨᓯᔨᓂᐤ ᐃᐸᕒᐁᐃᒼ ᐊᐧᒋᕽ ᐅᐦᒋ, ᒪᐃᑲ ᐁ ᐃᓯᔨᐦᑳᓱᐟ. 2ᐅᒥᓯ ᒫᑲ ᑭ ᐃᑌᐤ ᐅᑳᐃᐧᔭ, ᐊᓂᑭ ᒥᑖᑕᐦᐟ ᐯᔭᑯᓵᑊ ᑕᐦᑐ ᒥᑖᐦᑐᒥᑕᓇᐤ ᐋᐧᐱᐢᑭᓱᓂᔮᐊᐧᐠ ᑳ ᑭ ᑭᒧᑕᒫᑲᐃᐧᔭᐣ, ᑳ ᑭ ᐅᐦᒋ ᓈᓂᐳᒥᐁᐧᔭᐣ, ᒥᓇ ᑳ ᑭ ᐯᑖᑖᐣ ᐁ ᐃᑌᐧᔭᐣ, ᒫᑎᑲ, ᐊᓇ ᓱᓂᔮᐤ ᓂᐟ ᐊᔮᐋᐧᐤ; ᓂᔭ ᑳ ᑭ ᐅᑎᓇᐠ. ᐅᑳᐃᐧᔭ ᒫᑲ ᑭ ᐃᑎᐠ, ᑭ ᑲ ᐃᐧ ᓴᐁᐧᔨᒥᐠ ᑳ ᑎᐯᔨᐦᒋᑫᐟ ᓂᑯᓯᐢ. 3ᑳᐃᐧ ᒫᑲ ᑭ ᒥᔦᐤ ᐅᑳᐃᐧᔭ ᐊᓂᐦᐃ ᒥᑖᑕᐦᐟ ᐯᔭᑯᓵᑊ ᑕᐦᑖᐧᐤ ᒥᑖᐦᑐᒥᑕᓇᐤ ᐋᐧᐱᐢᑭᓱᓂᔮᐊᐧ, ᐁᑯᓯ ᐅᑳᐃᐧᔭ ᑭ ᐃᑌᐧᔨᐊᐧ, ᑖᐯᐧ ᓂ ᑭ ᐸᑭᑎᓇᒪᐋᐧᐤ ᑳ ᑎᐯᔨᐦᒋᑫᐟ ᐊᓂᐦᐃ ᓱᓂᔮᐊᐧ ᑳ ᑎᐯᔨᐦᒋᑫᐟ ᐅᐦᒋ ᓂᑯᓯᐢ ᑭᑕ ᐋᐸᒋᐋᐟ, ᑭᑕ ᐅᓯᐦᐋᐟ ᐅᔨᑯᒋᑲᓂ ᓇᐢᐱᓯᒋᑲᓇ ᒥᓇ ᑎᐦᑭᓯᑲᓂ ᓇᐢᐱᓯᒋᑲᓇ; ᐁᑲᐧ ᒫᑲ ᑳᐃᐧ ᑭ ᑲ ᒥᔨᑎᐣ. 4ᐁᔨᐁᐧᕽ ᒫᑲ ᑳᐃᐧ ᑭ ᒥᔦᐤ ᐅᑳᐃᐧᔭ ᐊᓂᐦᐃ ᓱᓂᔮᐊᐧ; ᐁᑯᓯ ᐅᑳᐃᐧᔭ ᑭ ᐅᑎᓀᔨᐊᐧ ᓂᓵᐧᐤ ᒥᑖᐦᑐᒥᑕᓇᐤ ᑕᐦᑖᐧᐱᐢᐠ ᐋᐧᐱᐢᑭᓱᓂᔮᐊᐧ, ᐁᑯᓯ ᑭ ᒥᔦᐤ ᐊᓂᐦᐃ ᐅᑎᐦᑭᓯᑫᐊᐧ, ᐁᑯᓯ ᐁᐊᐧᑯᓂ ᑭ ᐅᓯᐦᐁᔨᐊᐧ ᐁᑯᑕ ᐅᐦᒋ ᐅᔨᑯᒋᑲᓂ ᓇᐢᐱᓯᒋᑲᓇ ᒥᓇ ᑎᐦᑭᓯᑲᓂ ᓇᐢᐱᓯᒋᑲᓇ; ᑭ ᐊᔮᔨᐊᐧ ᒫᑲ ᐅ ᐋᐧᐢᑳᐦᐃᑲᓂᕽ ᒪᐃᑲ. 5ᐊᓇ ᒫᑲ ᓈᐯᐤ ᒪᐃᑲ ᑭ ᐊᔮᐤ ᒪᓂᑐᐃᐧᑲᒥᐠ, ᐁᑯᓯ ᑭ ᐅᓯᐦᑖᐤ ᐁᐦᐸᐟ, ᒥᓇ ᑌᕒᐊᐱᒼ, ᐁᑯᓯ ᑭ ᐅᔭᑭᒣᐤ ᐯᔭᐠ ᐅᑯᓯᓴ, ᐁᐊᐧᑯᓂ ᒫᑲ ᑭ ᐅᐟ ᐊᔭᒥᐦᐁᐃᐧᔨᓂᒥᐤ. 6#ᐅᔭᓱᐁᐧᐊᐧᐠ 21:25ᐊᔨᐢ ᐁᑯᐢᐱ ᓇᒪᐃᐧᔭ ᑭ ᐃᑖᐤ ᑭᐦᒋ ᐅᑭᒫᐤ ᐃᐢᕒᐁᐃᓬᐃᕽ; ᑲᐦᑭᔭᐤ ᐊᐃᐧᔭᐠ ᒫᑲ ᑭ ᐃᑐᑕᒼ ᐁ ᐃᓯ ᒥᔮᐧᐱᓯᒥᑯᐟ.
7ᑭ ᐊᔮᐤ ᒫᑲ ᐯᔭᐠ ᐅᐢᑭᓂᑭᐤ ᐯᐟᓬᐃᐊᒼ ᒍᑕ ᐅᐦᒋ, ᐁ ᐃᓯ ᐋᐧᑯᑐᔨᐟ ᒍᑕ ᐁ ᐃᐧᒋᐦᐃᐁᐧᐟ, ᐁ ᓬᐃᐸᐃᑎᐃᐧᐟ, ᐁᑯᑕ ᒫᑲ ᑭ ᐊᔮᐤ. 8ᐊᓇ ᒫᑲ ᓈᐯᐤ ᑭ ᓯᐯᐧᑌᐤ ᐁᑯᑕ ᐅᑌᓈᕽ ᐅᐦᒋ, ᐯᐟᓬᐃᐊᒼ ᒍᑕ ᐁ ᓇᑲᑕᕽ, ᑭᑕ ᐊᔮᐟ ᐱᑯ ᐃᑕ ᑫ ᒥᐢᑲᕽ ᑭᑕ ᐅᐟ ᐃᐦᑖᐃᐧᓂᐟ; ᑭ ᐅᑎᑕᒼ ᒫᑲ ᐁ ᐊᐧᒋᐊᐧᕽ ᐃᐸᕒᐁᐃᒼ ᐁᑯᓯ ᑭ ᑕᑯᓯᐣ ᐅ ᐋᐧᐢᑳᐦᐃᑲᓂᔨᕽ ᒪᐃᑲᐊᐧ, ᐅᒪ ᐁ ᐸᐱᒧᑌᐅᐟ. 9ᒪᐃᑲ ᒫᑲ ᑭ ᐃᑌᐤ, ᑖᓂᑌ ᐁᐧᑐᑌᔭᐣ? ᐅᒥᓯ ᒫᑲ ᑭ ᐃᑎᐠ, ᓂᔭ ᓬᐃᐸᐃᐟ ᐯᐟᓬᐃᐊᒼ ᒍᑕ ᐁ ᐅᐦᒋᔮᐣ, ᐁᑯᓯ ᓂ ᓇᑕᐃᐧ ᐊᔮᐣ ᐱᑯ ᐃᑕ ᑫ ᒥᐢᑲᒧᐋᐧᓀ ᑭᑕ ᐅᐟ ᐃᐦᑖᐃᐧᓂᔮᐣ. 10ᒪᐃᑲ ᒫᑲ ᑭ ᐃᑌᐤ ᐃᐧᒋᐊᔮᒥᐣ ᓂᔭ, ᐁᑯᓯ ᓄᑖᐃᐧ ᒥᓇ ᓂᐟ ᐊᔭᒥᐦᐁᐃᐧᔨᓂᒼ ᑭ ᑲ ᐃᑕᐱᐣ, ᑭ ᑲ ᒥᔨᑎᐣ ᒫᑲ ᒥᑖᑕᐦᑕᐧᐱᐢᐠ ᐋᐧᐱᐢᑭᓱᓂᔮᐤ ᐯᔭᐠ ᐊᐢᑭ, ᒥᓇ ᐯᔭᐠ ᑭᑭᐢᑳᒋᑲᐣ ᒥᓯᐁᐧ ᑭᑕ ᐃᓯ ᑭᑭᐢᑲᒪᐣ, ᒥᓇ ᑭ ᒥᒋᐃᐧᐣ. ᐁᑯᓯ ᐊᓇ ᓬᐃᐸᐃᐟ ᑭ ᐱᐦᑐᑫᐤ. 11ᐊᓇ ᒫᑲ ᓬᐃᐸᐃᐟ ᑭ ᓇᐁᔨᑕᒼ ᑭᑕ ᐃᐧᒋᐊᔮᒪᐟ ᐊᓂᐦᐃ ᐊᔨᓯᔨᓂᐊᐧ; ᐁᑯᓯ ᐊᓂᐦᐃ ᐅᐢᑭᓂᑭᐊᐧ ᑖᐱᐢᑯᐨ ᐯᔭᐠ ᐅᑯᓯᓴ ᑭ ᐃᓯ ᑲᓇᐋᐧᐸᒣᐤ. 12ᒪᐃᑲ ᒫᑲ ᑭ ᐅᔭᑭᒣᐤ ᐊᓂᐦᐃ ᓬᐃᐸᐃᑕ, ᐁᑯᓯ ᐊᓂᐦᐃ ᐅᐢᑭᓂᑭᐊᐧ ᑭ ᐅᐟ ᐊᔭᒥᐦᐁᐃᐧᔨᓂᒥᐤ, ᑭ ᐊᔮᔨᐊᐧ ᒫᑲ ᐅ ᐋᐧᐢᑳᐦᐃᑲᓂᕽ ᒪᐃᑲ. 13ᑭ ᐃᑌᐧᐤ ᒫᑲ ᒪᐃᑲ, ᐁᑲᐧ ᓂ ᑭᐢᑫᔨᑌᐣ ᑳ ᑎᐯᔨᐦᒋᑫᐟ ᑭᑕ ᒥᔪᑐᑕᐃᐧᐟ, ᒋᑫᒫ ᐁ ᐊᔮᐊᐧᐠ ᓬᐃᐸᐃᐟ ᑭᑕ ᐅᐟ ᐊᔭᒥᐦᐁᐃᐧᔨᓂᒥᔮᐣ.
Currently Selected:
ᐅᔭᓱᐁᐧᐊᐧᐠ 17: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
