ᐅᔭᓱᐁᐧᐊᐧᐠ 12
12
1ᐃᐸᕒᐁᐃᒼ ᐊᔨᓯᔨᓂᐊᐧᐠ ᒫᑲ ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ, ᑭᐁᐧᑎᓄᑖᕽ ᐁ ᑭ ᐃᑐᐦᑌᒋᐠ; ᐁᑯᓯ ᑭ ᐃᑌᐊᐧᐠ ᒉᑊᑕᐊᐧ, ᑖᓀᐦᑭ ᑳ ᑭ ᐋᓱᐃᐧ ᐃᑐᐦᑌᔭᐣ ᑭᑕ ᓄᑎᓇᒋᐠ ᐋᒪᐣ ᐅᐟ ᐊᐋᐧᓯᒥᓴ, ᐁᑳ ᒫᑲ ᐁ ᑭ ᓇᑐᒥᔮᕽ ᑭᑕ ᐃᐧᒉᐃᐧᑖᕽ? ᑭ ᑲ ᓴᐢᑲᐅᑎᓈᐣ ᑭ ᐋᐧᐢᑳᐦᐃᑲᓂᕽ ᐃᐢᑯᑌᐤ ᐅᐦᒋ. 2ᒉᑊᑕ ᒫᑲ ᑭ ᐃᑌᐤ, ᓂᔭ ᒥᓇ ᓂᐟ ᐊᔨᓯᔨᓂᒪᐠ ᒥᐢᑕᐦᐃ ᓂ ᑭ ᓄᑎᓂᑐᓈᐣ ᐋᒪᐣ ᐅᐟ ᐊᐋᐧᓯᒥᓴ; ᐁᑯᓯ ᐃᐢᐱ ᐁ ᓇᑐᒥᑕᑯᐠ, ᓇᒪᐃᐧᔭ ᑯᐦ ᐸᐢᐱᐦᐃᓈᐋᐧᐤ ᐅᒋᐦᒋᐋᐧᕽ ᐅᐦᒋ. 3ᐃᐢᐱ ᒫᑲ ᐃᐧᔮᐸᐦᑕᒫᐣ ᐁᑳ ᐁ ᐸᐢᐱᐦᐃᔦᐠ, ᓂ ᐱᒫᑎᓯᐃᐧᐣ ᓂ ᑭ ᐊᐢᑖᐣ ᓂᒋᐦᒋᕽ, ᒥᓇ ᓂ ᑭ ᐋᓱᐃᐧ ᓈᑖᐊᐧᐠ ᐋᒪᐣ ᐅᐟ ᐊᐋᐧᓯᒥᓴ, ᑳ ᑎᐯᔨᐦᒋᑫᐟ ᒫᑲ ᑭ ᐸᑭᑎᓀᐤ ᓂᒋᐦᒋᕽ; ᑖᓀᐦᑭ ᒫᑲ ᑳ ᐯ ᓈᓯᔦᐠ ᐊᓄᐦᐨ ᑳ ᑭᓯᑳᐠ ᑭᑕ ᓄᑎᓂᔦᐠ? 4ᐁᑲᐧ ᒫᑲ ᒉᑊᑕ ᑭ ᒫᒪᐃᐧ ᒫᐊᐧᒋᐦᐁᐤ ᑲᐦᑭᔭᐤ ᑭᓬᐃᔭᐟ ᐊᔨᓯᔨᓂᐊᐧ, ᐁᑯᓯ ᑭ ᓄᑎᓂᐤ ᐃᐸᕒᐁᐃᒪ; ᐊᓂᑭ ᒫᑲ ᑭᓬᐃᔭᐟ ᐊᔨᓯᔨᓂᐊᐧᐠ ᑭ ᐸᑲᒪᐁᐧᐊᐧᐠ ᐃᐸᕒᐁᐃᒪ, ᒋᑫᒫ ᑭ ᐃᑌᐧᔨᐊᐧ, ᑭᔭᐋᐧᐤ ᐃᐸᕒᐁᐃᒼ ᐅᐦᒋ ᐅᑕᐸᓯᐊᐧᐠ, ᑭᔭᐋᐧᐤ ᑭᓬᐃᔭᑕᐃᑕᐠ, ᒣᑳᐧᐨ ᑭᓬᐃᔭᐟ ᒥᓇ ᒣᑳᐧᐨ ᒪᓈᓯ. 5ᐊᓂᑭ ᒫᑲ ᑭᓬᐃᔭᑕᐃᑕᐠ ᑭ ᐅᑎᓇᒪᐧᐠ ᐋᓱᐊᐧᑳᓯᐃᐧᓇ ᒑᕒᑕᓂᕽ ᐁ ᐋᓯᐢᑯᓇᒪᐋᐧᒋᐠ ᐃᐸᕒᐁᐃᒪᐃᑕ; ᐁᑯᓯ ᒫᑲ, ᑭᐢᐱᐣ ᐊᐃᐧᔭ ᐁ ᐱᒫᒧᔨᐟ ᐃᐸᕒᐁᐃᒪ ᐁᑌᐧᔨᒋ, ᑭᔮᒼ ᓂ ᑲ ᐋᓱᐊᐧᑳᓯᐣ, ᐊᓂᑭ ᑭᓬᐃᔭᐟ ᓈᐯᐊᐧᐠ ᑭ ᐃᑌᐊᐧᐠ, ᑭᔭ ᒋ ᐃᐸᕒᐁᐃᒪᐃᐟ? ᑭᐢᐱᐣ ᒫᑲ ᐁᑌᐧᒋ, ᓇᒪᐃᐧᔭ. 6ᐁᑲᐧ ᒫᓇ ᑭ ᐃᑌᐊᐧᐠ, ᒫᐦᑎ ᐃᑌᐧ ᓯᐦᐃᐸᓬᐁᐦᐟ; ᑭ ᐃᑌᐧᔨᐊᐧ ᒫᑲ ᓯᐸᓬᐃᐦᐟ; ᒋᑫᒫ ᓇᒪᐃᐧᔭ ᑭ ᑲᐢᑭᑖᐤ ᑲᐧᔭᐢᐠ ᑭᑕ ᐃᑌᐧᐟ; ᐁᑲᐧ ᒫᓇ ᑭ ᐅᑎᐦᑎᓀᐊᐧᐠ ᒥᓇ ᑭ ᓂᐸᐁᐊᐧᐠ ᐁᑯᑕ ᒑᕒᑕᐣ ᐋᓱᐊᐧᑳᓯᐃᐧᓂᕽ; ᑭ ᐸᐦᑭᓯᓇᐧᐠ ᒫᑲ ᐁᑯᐢᐱ ᐃᐸᕒᐁᐃᒼ ᓀᒥᑕᓇᐤ ᓂᓱ ᐊᔨᐋᐧᐠ ᑕᐦᑐ ᑭᐦᒋᒥᑖᐦᑐᒥᑕᓇᐤ.
7ᒉᑊᑕ ᒫᑲ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ ᓂᑯᑖᐧᓯᐠ ᑕᐦᑐ ᐊᐢᑭ. ᐁᑲᐧ ᑭ ᐳᓂ ᐱᒫᑎᓯᐤ ᒉᑊᑕ ᐊᓇ ᑭᓬᐃᔭᑕᐃᐟ, ᐁᑯᓯ ᑭ ᓇᐃᓈᐤ ᐯᔭᐠ ᐅᑌᓈᕽ ᑭᓬᐃᔭᑎᕽ.
8ᐃᑊᓵᐣ ᒫᑲ ᐯᐟᓬᐃᐊᒼ ᐅᐦᒋ ᑭ ᐋᓂᐢᑫ ᐅᔭᓱᐋᐧᑌᐤ ᐃᐢᕒᐁᐃᓬᐊ. 9ᑭ ᓂᐢᑐᒥᑕᓇᐁᐧᔨᐊᐧ ᒫᑲ ᐅᑯᓯᓴ, ᒥᓇ ᑭ ᓂᐢᑐᒥᑕᓇᐁᐧᔨᐊᐧ ᐅᑖᓂᓴ ᐁᐊᐧᑯᓂ ᑭ ᓯᐯᐧᑎᓴᐁᐧᐤ ᐁᑯᓯ ᑭ ᐅᑎᓀᐤ ᓂᐢᑐᒥᑕᓇᐤ ᐅᑖᓂᓯᒫᐊᐧ ᐅᑯᓯᓴ ᑭᑕ ᐊᔮᐊᐧᔨᐟ. ᑭ ᐅᔭᓱᐋᐧᑌᐤ ᒫᑲ ᐃᐢᕒᐁᐃᓬᐊ ᑌᐸᑯᑊ ᑕᐦᑐ ᐊᐢᑭ. 10ᐃᑊᓵᐣ ᒫᑲ ᑭ ᐳᓂ ᐱᒫᑎᓯᐤ, ᐁᑯᓯ ᑭ ᓇᐃᓈᐤ ᐯᐟᓬᐃᐊᒥᕽ.
11ᓈᐊᐧᐩ ᒫᑲ ᐃᓬᐊᐣ ᐊᓇ ᓭᑊᔪᓬᐊᓇᐃᐟ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ; ᐁᑯᓯ ᒥᑖᑕᐦᐟ ᐊᐢᑭ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ. 12ᐃᓬᐊᐣ ᒫᑲ ᐊᓇ ᓭᑊᔪᓬᐊᓇᐃᐟ ᑭ ᐳᓂ ᐱᒫᑎᓯᐤ, ᐁᑯᓯ ᑭ ᓇᐃᓈᐤ ᐋᒋᓬᐊᓂᕽ ᓭᑊᔪᓬᐊᐣ ᐊᐢᑭᕽ.
13ᓈᐊᐧᐩ ᒫᑲ ᐋᑊᑕᐣ ᐅᑯᓯᓴ ᐦᐃᓬᐁᓬ ᐊᓇ ᐱᕒᐋᑕᓇᐃᐟ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ. 14ᑭ ᓀᒥᑕᓇᐁᐧᔨᐊᐧ ᒫᑲ ᐅᑯᓯᓴ ᒥᓇ ᑭ ᓂᐢᑐᒥᑕᓇᐁᐧᔨᐊᐧ ᐅᑯᓯᓴ ᐅᑯᓯᓯᔨᐊᐧ, ᐁ ᑌᐦᑕᐱᔨᐟ ᑌᐸᑯᐦᐳᒥᑕᓇᐤ ᓱᓱᒥᐢᑕᑎᒧᓯᓴ; ᐁᑯᓯ ᑭ ᐅᔭᓱᐋᐧᑌᐤ ᐃᐢᕒᐁᐃᓬᐊ ᐊᔨᓈᓀᐤ ᑕᐦᑐ ᐊᐢᑭ. 15ᐋᑊᑕᐣ ᒫᑲ ᐅᑯᓯᓴ ᐦᐃᓬᐁᓬ ᐊᓇ ᐱᕒᐋᑕᓇᐃᐟ ᑭ ᐳᓂ ᐱᒫᑎᓯᐤ, ᐁᑯᓯ ᑭ ᓇᐃᓈᐤ ᐱᕒᐋᐦᑕᓂᕽ ᐃᐸᕒᐁᐃᒼ ᐊᐢᑭᕽ, ᐊᐧᒋᕽ ᐊᒫᓬᐃᑲᐃᑕᐠ ᐅᐟ ᐊᐢᑭᐋᐧᕽ.
Currently Selected:
ᐅᔭᓱᐁᐧᐊᐧᐠ 12: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
