ᐦᐋᓯᔭ 6
6
1ᐋᐢᑕᒥᑎᐠ, ᑭᐁᐧᑐᑕᐋᑖᐠ ᑳ ᑎᐯᔨᐦᒋᑫᐟ; ᒋᑫᒫ ᐃᐧᔭ ᑳ ᑭ ᐱᑯᐱᑎᑯᔭᕽ, ᐁᑯᓯ ᑭ ᑲ ᐃᔨᓂᐦᑲᐦᐃᑯᓇᐤ; ᐃᐧᔭ ᑳ ᑭ ᐸᑲᒪᐅᑯᔭᕽ, ᐁᑯᓯ ᑭ ᑲ ᓴᓯᑕᐧᐱᑎᑯᓇᐤ. 2ᑭ ᓂᓱᑭᓯᑳᑭ ᑭ ᑲ ᐋᐱᓯᐋᐧᒋᐦᐃᑯᓇᐤ; ᐁ ᓂᐢᑐᑭᓯᑳᐠ ᑭ ᑲ ᐊᐧᓂᐢᑳᓂᑯᓇᐤ, ᐁᑯᓯ ᑭ ᑲ ᐱᒫᑎᓯᓈᓇᐤ ᐁ ᑲᓇᐋᐧᐸᒥᑯᔭᕽ. 3ᐁᑯᐢᐱ ᒫᑲ ᑫ ᑭᐢᑫᔨᒫᔭᕽ, ᑭᐢᐱᐣ ᑭ ᐱᒥᑎᓴᐋᐧᓇᐤ ᑭᑕ ᑭᐢᑫᔨᒫᔭᕽ ᑳ ᑎᐯᔨᐦᒋᑫᐟ; ᐅ ᓯᐯᐧᑌᐃᐧᐣ ᑫᒋᓈᑕᓂᔨᐤ ᑖᐱᐢᑯᐨ ᐁ ᑫᑭᓭᐸᔮᐠ; ᐁᑯᓯ ᑭ ᑲ ᐯ ᓈᑎᑯᓇᐤ ᑖᐱᐢᑯᐨ ᑭᒥᐊᐧᐣ, ᑖᐱᐢᑯᐨ ᐃᐢᑳᐧᔮᐨ ᑭᒥᐊᐧᐣ ᑳ ᓵᐳᐸᑖᒪᑲᕽ ᐊᐢᑭ.
4ᑭᔭ ᐃᐸᕒᐁᐃᒼ, ᑖᓂᓯ ᑫ ᑐᑖᑖᐣ? ᑭᔭ ᒍᑕ, ᑖᓂᓯ ᑫ ᑐᑖᑖᐣ? ᒋᑫᒫ ᑭ ᒥᔮᐧᑎᓯᐃᐧᓂᐋᐧᐤ ᑖᐱᐢᑯᐨ ᐊᐧᐢᑯ ᐁ ᑫᑭᓭᐹᔮᐠ, ᒥᓇ ᑖᐱᐢᑯᐨ ᐁ ᓂᐱᐊᐧᐢᑳᐠ ᐃᐧᐸᐨ ᑫᑭᓭᐹ ᑳ ᓯᐯᐧᐸᔨᐠ. 5ᐁᐊᐧᑯ ᐅᐦᒋ ᑳ ᑭ ᑭᐢᑲᑕᐊᐧᑭᐠ ᐅᑭᐢᑭᐁᐧᐦᐃᑫᐊᐧ ᐅᐦᒋ; ᓂ ᑭ ᓂᐸᐦᐋᐊᐧᐠ ᐃᑌᐧᐃᐧᓇ ᓂᑐᓂᕽ ᐅᐦᒋ; ᑯᔭᓱᐋᑎᑯᐃᐧᓇ ᒫᑲ ᑖᐱᐢᑯᐨ ᐋᐧᐢᑌᐤ ᑳ ᓯᐯᐧᐸᔨᐠ. 6#ᒫᐟᔪ 9:13; 12:7ᒋᑫᒫ ᑭᓭᐋᐧᑎᓯᐃᐧᐣ ᑳ ᓇᑕᐁᐧᔨᑕᒫᐣ, ᓇᒪᐃᐧᔭ ᒫᑲ ᒪᒍᐢᑌᐦᐊᒫᑫᐃᐧᐣ; ᒥᓇ ᑭᑕ ᑭᐢᑫᔨᒥᐦᐟ ᑭᓭᒪᓂᑐ ᐊᐊᐧᓯᒣ ᐃᔨᑯᕽ ᑳ ᒪᒍᐢᑌᐃᑳᑌᑭ ᐸᑭᑎᓈᓱᐃᐧᓇ.
7ᒫᑲ ᐃᐧᔭᐋᐧᐤ ᑖᐱᐢᑯᐨ ᐋᑕᒼ ᑭ ᐱᑯᓇᒪᐧᐠ ᐃᐧᒋᐦᐃᓯᒋᑫᒥᑐᐃᐧᐣ; ᐁᑯᑕ ᓂ ᑭ ᑲᑲᔦᔨᓯᑲᑖᑲᐧᐠ. 8ᑭᓬᐃᔭᐟ ᐁᐊᐧᑫᐧᔨᐤ ᐅᑌᓇᐃᐧᐋᐧᐤ ᐊᓂᑭ ᑳ ᐊᑐᐢᑳᑕᐦᑭᐠ ᒪᒋᐃᑎᐃᐧᐣ, ᐊᑎᐦᑌᐤ ᒥᐦᑯ ᐅᐦᒋ. 9ᒥᓇ ᑖᐱᐢᑯᐨ ᐁ ᒪᒫᒪᐁᐧᔭᑎᒋᐠ ᐅᒪᐢᑲᑌᐧᐢᑲᐠ ᑳ ᐊᓱᐋᐧᒋᐠ ᐊᔨᓯᔨᓂᐊᐧ, ᐁᑯᓯ ᐃᓯ ᐁ ᒫᒪᐁᐧᔭᑎᒋᐠ ᐊᔭᒥᐦᐁᐃᐧᔨᓂᐊᐧᐠ ᓂᐸᑖᑫᐊᐧᐠ ᒣᐢᑲᓈᕽ ᓯᑫᒥᕽ ᐃᓯ; ᒋᑫᒫ ᐁ ᐸᐱᓯᑳᐧᒋ ᐊᔨᑎᒋᐠ. 10ᐅ ᐋᐧᐢᑳᐦᐃᑲᓂᕽ ᓂ ᑭ ᐋᐧᐸᐦᑌᐣ ᐁ ᑲᑳᐧᐃᔭᑫᔨᑖᑲᐧᕽ ᑫᑲᐧᐩ; ᐁᑯᑕ ᐱᓯᑳᐧᑎᓯᐃᐧᐣ ᒥᐢᑭᑳᑌᐤ ᐃᐸᕒᐁᐃᒥᕽ, ᐃᐢᕒᐁᐃᓬ ᐃᐧᓀᔨᑖᑯᐋᐤ.
11ᐁᑯᓯ ᒥᓇ ᑭᔭ ᒍᑕ, ᒪᓂᓯᑫᐃᐧᐣ ᑯᔭᑭᑕᒫᑲᐃᐧᐣ ᐃᐢᐱ ᒥᓇ ᐯᑖᐊᐧᑭ ᐅᐟ ᐊᐊᐧᑳᑎᑯᐃᐧᓂᐋᐧᐤ ᓂᐟ ᐊᔨᓯᔨᓂᒪᐠ.
Currently Selected:
ᐦᐋᓯᔭ 6: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
