ᐦᐋᓯᔭ 7
7
1ᐃᐢᐱ ᐃᐢᕒᐁᐃᓬ ᐋᑕ ᐁ ᐃᐧ ᓇᓈᑕᐃᐧᐊᐠ ᐁᑲᐧ ᑳ ᐸᔭᑌᓈᑲᐧᓂᔨᐠ ᐅ ᒪᒋᑐᑕᒧᐃᐧᐣ ᐃᐸᕒᐁᐃᒼ, ᒥᓇ ᐅ ᒪᒑᔨᐃᐧᐣ ᓴᒣᕒᐃᔭ; ᒋᑫᒫ ᑭᔮᐢᑭᐃᐧᐣ ᐊᔨᑐᑕᒪᐧᐠ; ᐁᑯᓯ ᑭᒧᑎᐢᐠ ᐱᐦᑐᑫᐤ, ᒥᓇ ᐁ ᒫᒪᐁᐧᔭᑎᒋᐠ ᐅᒪᐢᑲᑌᐧᐢᑲᐠ ᓂᓯᐊᐧᓈᒋᒋᑫᐊᐧᐠ ᐊᐧᔭᐃᐧᑎᒥᕽ. 2ᓇᒪᐃᐧᔭ ᒫᑲ ᒥᑐᓀᔨᑕᒪᐧᐠ ᐅᑌᐦᐃᐋᐧᕽ ᐁ ᑭᐢᑭᓯᑐᑕᒪᐧᐠ ᑲᐦᑭᔭᐤ ᐅ ᒪᒑᔨᐃᐧᓂᐋᐧᐤ; ᐁᑲᐧ ᒫᑲ ᑎᐱᔭᐤ ᐅᐟ ᐃᑐᑕᒧᐃᐧᓂᐋᐧᐊᐧ ᑭ ᐱᐦᒋᐢᑲᓇᐊᐧᐃᑲᐧᐠ; ᓄᐦᑎᐢᑲᐃᐧᐢᑳᑯᐋᐧᐣ. 3ᐊᑕᒥᐁᐊᐧᐠ ᑭᐦᒋ ᐅᑭᒫᐊᐧ ᐅ ᒪᒑᔨᐃᐧᓂᐋᐧᐋᐧᐤ ᐅᐦᒋ, ᒥᓇ ᑳ ᐅᑭᒫᑲᑕᒥᔨᐟ ᐅ ᑭᔮᐢᑭᐃᐧᓂᐋᐧᐤ ᐅᐦᒋ. 4ᑲᐦᑭᔭᐤ ᐱᓯᑳᐧᑎᓯᐢᑭᐊᐧᐠ; ᐃᓯ ᐊᔮᐊᐧᐠ ᑖᐱᐢᑯᐨ ᑲᐢᑲᒧᑎᑲᓯᑲᐣ ᐅᐸᐦᑫᐧᓯᑲᓂᑫᐤ ᐁ ᑭᓯᑲᓴᕽ; ᐳᓂ ᐊᔮᑖᐢᑭᓭᐊᐧᑲᐦᐊᒼ ᐃᐢᑯᑌᐤ ᐁ ᒫᒫᑯᓈᐟ ᐸᐦᑫᐧᓯᑲᓇ ᐅᐦᒋ ᐃᐢᑯ ᐁ ᐱᓭᐧᑲᓱᔨᐟ. 5ᒣᑳᐧᐨ ᐁ ᐊᔮᐟ ᓂ ᑭᐦᒋ ᐅᑭᒫᒥᓈᐣ ᑳ ᐅᑭᒫᑲᑕᑭᐠ ᑭ ᐋᐦᑯᓯᐃᓱᐊᐧᐠ ᐁ ᑭᓯᓱᑯᒋᐠ ᓱᒥᓈᐳ; ᑭ ᓱᐃᐧᓂᐢᑫᔨᐤ ᑭᑭ ᑳ ᒣᑕᐋᐧᑲᓯᐁᐧᔨᐟ. 6ᒋᑫᒫ ᑲᐧᔮᑕᐢᑖᐊᐧᐠ ᐅᑌᐦᐃᐋᐧᐤ ᑖᐱᐢᑯᐨ ᑲᐢᑲᒧᑎᑲᓯᑲᐣ, ᐁ ᒣᑳᐧ ᐊᓴᐧᐅᐁᐧᒋᐠ; ᐅᐸᐦᑫᐧᓯᑲᓂᑫᒥᐋᐧᐊᐧ ᓂᐹᔨᐊᐧ ᑲᐯᑎᐱᐢᐠ; ᐁ ᑫᑭᓭᐹᔮᐠ ᑳᐧᑯᑌᔨᐤ ᑖᐱᐢᑯᐨ ᐁ ᑳᐧᑯᑌᐠ ᐃᐢᑯᑌᐤ. 7ᑲᐦᑭᔭᐤ ᑭᓯᓱᐊᐧᐠ ᑖᐱᐢᑯᐨ ᑲᐢᑲᒧᑎᑲᓯᑲᐣ, ᒥᓇ ᑭᑕᒣᐧᐊᐧᐠ ᐅᔭᓱᐁᐧᒥᐋᐧᐊᐧ; ᑲᐦᑭᔭᐤ ᐅ ᑭᐦᒋ ᐅᑭᒫᒥᐋᐧᐊᐧ ᑭ ᐸᐦᑭᓯᓂᔨᐊᐧ; ᓇᒪᐋᐧᐋᐧᐨ ᐯᔭᐠ ᐃᐦᑖᐤ ᑳ ᐃᐦᑕᓯᒋᐠ ᐁ ᓇᑐᒥᐟ.
8ᐃᐸᕒᐁᐃᒼ ᑭᔨᑲᐃᐧᐃᓱ ᐱᑐᐢ ᐊᔨᓯᔨᓂᐊᐧ; ᐃᐸᕒᐁᐃᒼ ᐁᐊᐧᑯ ᓇᐸᑭᑲᓯᑲᐣ ᐁᑳ ᐁ ᑫᐧᐢᑭᓂᐦᐟ. 9ᒫᓂᑌᐊᐧ ᑭ ᑭᑖᔨᐊᐧ ᐅ ᒪᐢᑲᐃᐧᓯᐃᐧᐣ, ᐁᑯᓯ ᓇᒪᐃᐧᔭ ᑭᐢᑫᔨᑕᒼ; ᐁᐦᐁ, ᒫᒪᐃᐧ ᐊᑎ ᐋᐧᐱᐢᑳᔨᐊᐧ ᐁᐧᐢᑕᑲᔭ ᐁᑯᓯ ᓇᒪᐃᐧᔭ ᑭᐢᑫᔨᑕᒼ. 10ᐅ ᑭᐢᑌᔨᒥᓱᐃᐧᐣ ᒫᑲ ᐃᐢᕒᐁᐃᓬ ᐋᒋᒥᐠ ᐅᑳᐧᑲᓂᕽ; ᑫᔮᐱᐨ ᒫᑲ ᓇᒪᐃᐧᔭ ᑭᐁᐧᑐᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ, ᐊᐦᐳ ᓇᒪᐃᐧᔭ ᓇᓈᑐᓇᐁᐧᐊᐧᐠ, ᐋᑕ ᑲᐦᑭᔭᐤ ᐅᒪ ᑳ ᐃᓯ ᐊᔮᔨᐠ.
11ᐃᐸᕒᐁᐃᒼ ᒫᑲ ᑖᐱᐢᑯᐨ ᐁ ᑲᑫᐹᑎᓯᐟ ᐅᒥᐦᒥᐤ, ᐁᑳ ᐁ ᐅ ᓂᓯᑐᐦᑕᒧᐃᐧᓂᐟ; ᐃᒋᑊᑕ ᑭᑐᐦᐁᐊᐧᐠ, ᐊᓯᕒᐃᔭᐃᕽ ᐃᑐᐦᑌᐊᐧᐠ. 12ᐃᐢᐱ ᐃᑐᐦᑌᑖᐧᐃᐧ, ᓂᐟ ᐊᔭᐱᔭ ᓂ ᑲ ᑕᓭᐧᑳᐢᑯᐊᒪᐋᐧᐊᐧᐠ; ᓂ ᑲ ᓂᐦᒋᐱᑖᐊᐧᐠ ᑖᐱᐢᑯᐨ ᐱᔦᓯᓴᐠ ᑳ ᐸᐹᒥᔮᒋᐠ ᓇᔦᐊᐧᒋᑭᓯᑯᕽ; ᓂ ᑲ ᑲᑫᐢᑭᒧᐋᐊᐧᐠ ᑖᐱᐢᑯᐨ ᐅ ᒫᐊᐧᒋᐦᐃᑐᐃᐧᓂᐊᐧᕽ ᑳ ᑭ ᐃᓯ ᐯᐦᑕᐦᑭᐠ. 13ᑯᑕᑭᑖᐃᐧᐣ ᑭᑕ ᐊᔮᐊᐧᐠ! ᒋᑫᒫ ᓂ ᑭ ᓇᑲᑎᑲᐧᐠ; ᓂᓯᐊᐧᓈᑎᓯᐃᐧᐣ ᑭᑕ ᐊᔮᐊᐧᐠ! ᒋᑫᒫ ᓂ ᑭ ᐊᐧᓂᑐᑖᑲᐧᐠ; ᐁ ᐋᑕ ᐃᐧ ᐱᒫᒋᐦᐊᑭᐠ, ᓴᑯᐨ ᑭᔮᐢᑭᐃᐧᓂᕽ ᓂᐟ ᐃᓯ ᐋᔨᒧᒥᑲᐧᐠ. 14ᓇᒪᐃᐧᔭ ᒥᓇ ᐅᑌᐦᐃᐋᐧᕽ ᓂ ᑭ ᐅᐦᒋ ᓇᓈᑐᒥᑲᐧᐠ, ᒫᑲ ᐅ ᓂᐯᐃᐧᓂᐋᐧᕽ ᐃᑕᑌᐧᐃᐧᑕᒪᐧᐠ; ᒫᐊᐧᒋᐃᑐᐊᐧᐠ ᐸᐦᑫᐧᓯᑲᓂᑳᓇ ᒥᓇ ᓱᒥᓈᐳ ᐅᐦᒋ, ᓂ ᒫᔦᔨᒥᑲᐧᐠ. 15ᐋᑕ ᐁ ᑭ ᓵᓯᑐᐱᑕᒪᐧᐠ ᒥᓇ ᐁ ᑭ ᒪᐢᑲᐃᐧᓯᑖᐊᐧᐠ ᐅᐢᐱᑐᓂᐋᐧᐊᐧ, ᐁᔨᐁᐧᕽ ᓂ ᒪᒋᒫᒥᑐᓀᔨᒥᑲᐧᐠ. 16ᑭ ᐯ ᑭᐁᐧᐊᐧᐠ ᒫᑲ ᓇᒪᐃᐧᔭ ᑭ ᐯ ᑭᐁᐧᑐᑕᐁᐧᐊᐧᐠ ᐊᓂᐦᐃ ᐃᐢᐱᒥᕽ ᑳ ᐊᔮᔨᐟ; ᐊᐦᒑᐱ ᑳ ᑲᔦᓯᐃᐁᐧᐟ ᐃᓯᓈᑯᓯᐊᐧᐠ; ᑳ ᐅᑭᒫᑲᑖᑯᒋᐠ ᑭᑕ ᑲᐊᐧᐅᑯᔨᐊᐧ ᓯᒫᑲᓂᑯᒫᐣ ᐁ ᐃᓯ ᒪᒋᐅᑐᓂᒋᐠ; ᐁᐊᐧᑫᐧᔨᐤ ᐅᒪ ᑫ ᐃᓯ ᐹᐱᓈᓂᑳᓂᐃᐧᒋᐠ ᐃᒋᑊᐟ ᐊᐢᑭᕽ.
Currently Selected:
ᐦᐋᓯᔭ 7: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
