ᐦᐋᓯᔭ 5
5
1ᓇᑐᐦᑕᒧᐠ ᐅᒪ, ᑭᔭᐋᐧᐤ ᐊᔭᒥᐦᐁᐃᐧᔨᓂᑎᐠ, ᒥᓇ ᓇᑐᐦᑕᒧᐠ ᑭᔭᐋᐧᐤ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ, ᒥᓇ ᐱᓯᒋᑕᒧᐠ ᑭᔭᐋᐧᐤ ᐅ ᐋᐧᐢᑳᐦᐃᑲᓂᕽ ᑭᐦᒋ ᐅᑭᒫᐤ, ᒋᑫᒫ ᑭᔭᐋᐧᐤ ᑯᔭᓱᐋᐧᑎᑲᐃᐧᓈᐋᐧᐤ; ᐊᔨᐢ ᑭᔭᐋᐧᐤ ᐅᐦᒋ ᓇᑳᐧᑲᐣ ᑳ ᑭ ᐊᑯᑖᕽ ᒥᐢᐸᐃᕽ ᒥᓇ ᐊᔭᐱ ᑳ ᑭ ᓯᑳᐯᑯᑎᐦᐟ ᑌᐹᕒᐃᕽ. 2ᐁᑯᓯ ᐊᓂᑭ ᑳ ᐁᐧᐱᓂᐁᐧᒋᐠ ᒥᐢᑕᐦᐃ ᐃᑐᑕᒪᐧᐠ ᓂᐸᑖᑫᐃᐧᓂᕽ; ᒫᑲ ᑲᐦᑭᔭᐤ ᓂ ᑭᑕᐦᐊᒪᐋᐧᐊᐧᐠ.
3ᓂ ᑭᐢᑫᔨᒫᐤ ᐃᐸᕒᐁᐃᒼ, ᒥᓇ ᐃᐢᕒᐁᐃᓬ ᓇᒪᐃᐧᔭ ᓂ ᑭ ᑳᓱᐢᑖᐠ; ᒋᑫᒫ ᐁᑲᐧ ᐃᐸᕒᐁᐃᒼ ᑭ ᑭ ᑐᑌᐣ ᐱᓯᑳᐧᑎᓯᐃᐧᐣ, ᐃᐢᕒᐁᐃᓬ ᐃᐧᓀᔨᑖᑯᐋᐤ. 4ᐅᐟ ᐃᓯᐦᒋᑫᐃᐧᓂᐋᐧᐊᐧ ᓇᒪᐃᐧᔭ ᐸᑭᑎᓂᑲᐧᐠ ᑭᑕ ᑭ ᑫᐧᐢᑭᐢᑕᐋᐧᒋᐠ ᐅ ᑭᓭᒪᓂᑐᒥᐋᐧᐊᐧ; ᒋᑫᒫ ᐱᓯᑳᐧᑎᓯᐃᐧ ᒫᒥᑐᓀᔨᒋᑲᐣ ᑭᑭᐢᑳᑲᐧᐠ, ᐁᑯᓯ ᓇᒪᐃᐧᔭ ᑭᐢᑫᔨᒣᐊᐧᐠ ᑳ ᑎᐯᔨᐦᒋᑫᔨᐟ. 5ᐅ ᑭᐢᑌᔨᒥᓱᐃᐧᐣ ᒫᑲ ᐃᐢᕒᐁᐃᓬ ᐋᒋᒥᐠ ᐅᑳᐧᑲᓂᕽ; ᐁᐊᐧᑯ ᐅᐦᒋ ᐃᐸᕒᐁᐃᒼ ᒥᓇ ᐃᐢᕒᐁᐃᓬ ᑭᑕ ᐸᐦᑭᓯᓇᐧᐠ ᐅ ᒪᒋᐃᑎᐃᐧᓂᐋᐧᕽ; ᒍᑕ ᒥᓇ ᑭᑕ ᑭᑭ ᐸᐦᑭᓯᐣ. 6ᑭᑕ ᐃᑐᐦᑌᐊᐧᐠ ᑭᑭ ᐅ ᒫᔭᑎᐦᑯᒥᐋᐧᐊᐧ ᒥᓇ ᐅ ᒧᐢᑐᓱᒥᐋᐧᐊᐧ ᑭᑕ ᓇᑐᓇᐋᐧᒋᐠ ᑳ ᑎᐯᔨᐦᒋᑫᔨᐟ; ᒫᑲ ᓇᒪᐃᐧᔭ ᑭᑕ ᒥᐢᑲᐁᐧᐊᐧᐠ; ᑭ ᓇᑲᑎᑲᐧᐠ. 7ᑭ ᑲᑲᔦᔨᓯᑲᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ; ᒥᓇ ᐊᔭᐦᐃ ᐊᐋᐧᓯᓴ ᑭ ᓂᐦᑖᐃᐧᑭᐁᐊᐧᐠ; ᐁᑲᐧ ᒫᑲ ᐅᐢᑭ ᐱᓯᒪᐧ ᑭᑕ ᑭᑕᒧᑲᐧᐠ ᑭᑭ ᐅ ᑭᐢᑎᑳᓂᐋᐧᐊᐧ.
8ᐳᑖᑕᒧᐠ ᐱᐱᑲᐧᐣ ᑭᐱᔭᐃᕽ, ᒥᓇ ᑭᐦᒋᐱᐱᑲᐧᐣ ᐊᓂᑕ ᕒᐁᒪ; ᑭᑐᐦᑖᐠ ᑭᑕ ᐊᐢᑖᓯᒋᐠ ᐊᓂᑕ ᐯᐟᐁᐱᐣ; ᑭᔭ ᐯᐣᒋᒪᐣ ᑳ ᐱᒥᑎᓴᐦᐅᑯᔭᐣ. 9ᐃᐸᕒᐁᐃᒼ ᑭᑕ ᑭᐋᐧᑌᔨᑖᑯᐋᐤ ᑭᑐᓯᐁᐧᐃᐧᑭᓯᑳᑭ; ᒣᑳᐧᐨ ᐅ ᐱᐢᑭᑐᑌᐃᐧᓯᐃᐧᓂᕽ ᐃᐢᕒᐁᐃᓬ ᓂ ᑭ ᑭᐢᑫᔨᑖᑯᑖᐣ ᐊᓂᒪ ᑫᐦᒋᓈ ᑫ ᐃᑭᕽ.
10ᑳ ᐅᑭᒪᑲᑕᐋᐧᒋᐠ ᒍᑕᐊᐧ ᐃᓯ ᐊᔮᐋᐧᐠ ᑖᐱᐢᑯᐨ ᐊᓂᑭ ᑳ ᐃᑲᑌᓇᑭᐠ ᑭᐢᑭᓇᐋᐧᒋᐦᒋᑲᐣ; ᓂ ᑲ ᑲᐧᔭᑯᓇᒪᐋᐧᐊᐧᐠ ᓂ ᑭᓯᐋᐧᓯᐃᐧᐣ ᑖᐱᐢᑯᐨ ᓂᐱ. 11ᐃᐸᕒᐁᐃᒼ ᑭᑎᒪᐋᐤ, ᐹᑕᑯᐢᑲᐋᐤ ᐅᔭᓱᐋᐧᓯᐁᐧᐃᐧᓂᕽ; ᒋᑫᒫ ᑭ ᓇᐦᐃᐃᐧᓯᐤ ᑭᑕ ᐱᒥᑎᓴᐦᐊᕽ ᐱᑯᓇᑕ ᑫᑲᐧᐩ. 12ᐁᐊᐧᑯ ᐅᐦᒋ ᑖᐱᐢᑯᐨ ᒧᐦᑌᐤ ᓂᐟ ᐃᐦᑐᑕᐋᐧᐤ ᐃᐸᕒᐁᐃᒼ, ᒥᓇ ᐅ ᐋᐧᐢᑳᐦᐃᑲᐣ ᒍᑕ ᑖᐱᐢᑯᐨ ᐱᑭᐢᑲᑕᑎᐃᐧᐣ, 13ᐃᐢᐱ ᐃᐸᕒᐁᐃᒼ ᐃᐧᔮᐸᐦᑕᕽ ᐅᐟ ᐋᑯᓯᐃᐧᐣ, ᒥᓇ ᒍᑕ ᐃᐧᔮᐸᐦᑕᕽ ᐅ ᒥᓵᐧᑲᓂᑳᑎᑯᐃᐧᐣ, ᐁᑲᐧ ᐃᐸᕒᐁᐃᒼ ᑭ ᓈᑕᒼ ᐊᓯᕒᐃᔭ, ᒥᓇ ᑭ ᓈᒋᐸᐃᐁᐧᐤ ᑭᐦᒋ ᐅᑭᒫᐊᐧ ᒉᕒᐃᑊ; ᒫᑲ ᓇᒪᐃᐧᔭ ᑲᐢᑭᑖᐤ ᑭᑕ ᒥᓈᐧᒋᐃᐢᐠ, ᒥᓇ ᓇᒪᐃᐧᔭ ᑭ ᑲ ᐃᔨᓂᐦᑲᐦᐃᐠ ᑭ ᒥᓵᐧᑲᓂᑳᑎᑯᐃᐧᐣ. 14ᒋᑫᒫ ᑖᐱᐢᑯᐨ ᒥᐢᑕᐦᑫᓯᐤ ᓂ ᑲ ᐃᐦᑐᑕᐋᐧᐤ ᐃᐸᕒᐁᐃᒼ, ᒥᓇ ᑖᐱᐢᑯᐨ ᐅᐢᑭ ᒥᐢᑕᐦᑫᓯᐤ ᓂ ᑲ ᐃᐦᑐᑕᐋᐧᐊᐧᐠ ᒍᑕ ᐅ ᐋᐧᐢᑳᐦᐃᑲᐣ; ᓂᔭ, ᓂᔭ ᐅᑎ, ᓂ ᑲ ᐱᑯᐱᑖᐊᐧᐠ ᐁᑯᓯ ᑭᑕ ᐊᑎ ᓯᐯᐧᑌᔮᐣ; ᓂ ᑲ ᓯᐯᐧᑕᐃᐋᐧᐣ ᓇᒪᐃᐧᔭ ᒫᑲ ᑭᑕ ᐃᐦᑖᐤ ᐊᐃᐧᔭᐠ ᑭᑕ ᐸᐢᐱᐦᐃᐁᐧᐟ.
15ᓂ ᑲ ᓯᐯᐧᑖᐣ ᐁᑯᓯ ᓂ ᑲ ᑭᐋᐧᐣ ᓂᐟ ᐃᐦᑖᐃᐧᓂᕽ, ᐹᑎᒫ ᐃᔨᑯᕽ ᐃᐧᑕᑳᐧᐃᐧ ᐅ ᐊᐧᓂᑐᑕᒧᐃᐧᓂᐋᐧᐤ, ᒥᓇ ᓇᓈᑐᓇᐃᐧᑖᐧᐃᐧ; ᐋᔨᒥᓯᐃᐧᓂᕽ ᐊᔮᑖᐧᐃᐧ ᐁᔨᑯᑫᐧᔨᒧᐃᐧᓂᕽ ᓂ ᑲ ᓇᓈᑐᓈᑲᐧᐠ.
Currently Selected:
ᐦᐋᓯᔭ 5: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
