ᐦᐋᓯᔭ 10
10
1ᐃᐢᕒᐁᐃᓬ ᐁᐊᐧᑳᐧᓇ ᓱᒥᓈᑎᐠ ᑳ ᐁᐧᔪᒋᒥᓂᓯᐃᐧᐟ, ᑳ ᓂᐦᑖᐃᐧᑭᑖᐟ ᐅ ᒥᓂᓯᐃᐧᐃᐧᐣ; ᐁ ᐃᓯ ᐅᓵᒣᔭᑎᓂᔨᑭ ᐅ ᒥᓂᓯᒪ ᑭ ᐃᓯ ᒥᐦᒉᑐᑖᐤ ᐅ ᐸᑭᑎᓈᓯᐃᐧᓈᐱᐢᑲᐧ; ᐁ ᐃᓯ ᒥᔮᐧᓯᓂᔨᐠ ᐅᐟ ᐊᐢᑭ ᑭ ᐃᓯ ᒥᔪᐁᐤ ᐅ ᒋᒪᒋᑲᓇ. 2ᐅᑌᐦᐃᐋᐧᐤ ᓂᓴᐧᔭᐠ ᐃᑕᐢᑌᔨᐤ; ᐁᑲᐧ ᒫᑲ ᑭᑕ ᒥᐢᑲᒫᐧᐣ ᐁ ᐊᑖᒣᔨᑖᑯᓯᒋᐠ; ᑭᑕ ᐸᑲᒪᐊᒣᐧᐤ ᐅ ᐸᑭᑎᓈᓱᐃᐧᓈᐱᐢᑯᔨᐊᐧ, ᒥᓇ ᑭᑕ ᓂᓯᐊᐧᓈᒋᐦᑖᐁᐧᐤ ᐅ ᒋᒪᒋᑲᓂᔨᐊᐧ. 3ᐁᑲᐧ ᒫᑲ ᑭᑕ ᐃᑌᐧᐊᐧᐠ, ᓇᒪᐃᐧᔭ ᓄᑭᐦᒋ ᐅᑭᒫᒥᓈᐣ; ᒋᑫᒫ ᓇᒪᐃᐧᔭ ᓂ ᑯᓯᑫᐧᔨᒫᓈᐣ ᑳ ᑎᐯᔨᐦᒋᑫᐟ; ᐁᑯᓯ ᐃᐧᔭ ᑭᐦᒋ ᐅᑭᒫᐤ, ᑫᑲᐧᐩ ᑫ ᑭ ᑐᑕᒫᑯᔮᕽ?
4ᐱᑯᓇᑕ ᐊᔭᒥᐃᐧᓇ ᐱᑭᐢᑫᐧᐊᐧᐠ, ᐁ ᑭᔮᐢᑭᐃᐧ ᑭᐦᒋᐃᑌᐧᒋᐠ ᐃᐧᒋᐦᐃᓯᒋᑫᒥᑐᐃᐧᓇ ᐁ ᐅᓯᐦᑖᒋᐠ; ᐁᐊᐧᑯ ᐅᐦᒋ ᐅᔭᓱᐋᐧᓯᐁᐧᐃᐧᐣ ᒧᐢᑭᒪᑲᐣ ᑖᐱᐢᑯᐨ ᐱᐦᒋᐳᐃᐧᐸᑲᐧ ᐸᓴᒋᐱᒋᑲᓂᕽ ᑭᐢᑎᑳᓂᕽ. 5ᑳ ᐅᐟ ᐃᐦᑖᐃᐧᓂᒋᐠ ᓴᒣᕒᐃᔭᐃᕽ ᑭᑕ ᓭᑭᓯᐢᑕᒪᐁᐧᐊᐧᐠ ᐯᐟᐁᐱᐣ ᒧᐢᑐᓱᓯᑳᓇ; ᒋᑫᒫ ᐊᔨᓯᔨᓂᐊᐧ ᐁᑯᑕ ᑭᑕ ᒥᐦᑖᑌᐊᐧᐠ, ᒥᓇ ᐊᔭᒥᐦᐁᐃᐧᔨᓂᐊᐧᐠ ᐁᑯᑕ ᑳ ᑭ ᐅᐦᒋ ᒥᔭᐋᐧᑕᐦᑭᐠ, ᐊᓂᒪ ᑳ ᑭ ᐃᓯ ᑭᐢᑌᔨᑖᑲᐧᕽ, ᒋᑫᒫ ᓯᐯᐧᑌᒪᑲᐣ. 6ᐁᐊᐧᑯ ᒥᓇ ᑭᑕ ᐃᑐᑕᐋᐤ ᐊᓯᕒᐃᔭᐃᕽ ᑭᑕ ᒥᔨᐦᐟ ᑭᐦᒋ ᐅᑭᒫᐤ ᒉᕒᐃᑊ; ᐃᐸᕒᐁᐃᒼ ᑭᑕ ᓇᓀᐯᐃᐧᐦᐋᐤ, ᒥᓇ ᐃᐢᕒᐁᐃᓬ ᑭᑕ ᓇᓀᐯᐃᐧᐃᐠ ᐃᐧᔭ ᐅᔭᓱᐁᐧᐃᐧᐣ.
7ᐁᑯᓯ ᐃᐧᔭ ᓴᒣᕒᐃᔭ, ᐅ ᑭᐦᒋ ᐅᑭᒫᒪ ᑭᐢᑭᐁᐧᐸᐅᒫᐊᐧ, ᑖᐱᐢᑯᐨ ᐱᐢᑌᐤ ᐊᐧᐢᑭᑎᐯᐠ. 8#ᓬᐅᐠ 23:30; ᑭᐢᑫᔨᐦᑖᑯᐦᑫᐃᐧᐣ 6:16ᐃᐢᐹᔭᓇᐧ ᒥᓇ ᐊᓂᑕ ᐁᐱᐣ, ᐅ ᒪᒋᑐᑕᒧᐃᐧᐣ ᐃᐢᕒᐁᐃᓬ ᑭᑕ ᓂᓯᐊᐧᓈᒋᐦᑖᐋᐧᐣ; ᒥᓯᑳᐃᐧᒥᓇᑲᓯ ᒥᓇ ᒪᓵᐣ ᑭᑕ ᓵᑭᑭᐊᐧᐠ ᐅ ᐸᑭᑎᓈᓱᐃᐧᓈᐱᐢᑯᐋᐧᕽ; ᐁᑯᓯ ᑭᑕ ᐃᑌᐊᐧᐠ ᐊᐧᒋᔭ, ᐊᑲᐧᓇᐅᓈᐣ; ᒥᓇ ᒑᑲᑎᓈᐊᐧ, ᐹᑕᑯᐢᑲᐃᐧᓈᐣ.
9 #
ᐅᔭᓱᐁᐧᐊᐧᐠ 19:1-30
ᑭᔭ ᐃᐢᕒᐁᐃᓬ ᑭ ᑭ ᒪᒋᑐᑌᐣ ᐊᐢᐱᐣ ᐊᓂᐦᐃ ᑭᓯᑳᐊᐧ ᑭᐱᔭ ᑳ ᑭ ᐊᔮᐠ; ᐁᑯᑕ ᑭ ᓂᐸᐃᐧᐊᐧᐠ; ᓄᑎᓂᑫᐃᐧᐣ ᑭᐱᔭ ᐁ ᓄᑎᓂᐦᒋᐠ ᒪᒋᑐᑕᒧᐃᐧ ᐊᐋᐧᓯᓴᐠ ᐁᑳ ᑭᑕ ᐊᑎᒥᓀᐅᑯᒋᐠ. 10ᐃᑌᔨᑕᒫᓂ ᓂ ᑲ ᐹᐸᓴᐢᑌᐋᐧᐊᐧᐠ, ᐁᑯᓯ ᐊᔨᓯᔨᓂᐊᐧ ᑭᑕ ᒫᐊᐧᓴᑯᐢᑖᑲᐧᐠ, ᐃᐢᐱ ᐊᓯᑕᐱᓱᑖᐧᐃᐧ ᑳ ᓂᓯᓂᔨᑭ ᐅ ᐊᐧᓂᑐᑕᒧᐃᐧᓂᐋᐧᐊᐧ. 11ᐃᐸᕒᐁᐃᒼ ᒫᑲ ᐁᐊᐧᑳᐧᓇ ᐅᐢᑭ ᐅᓂᒑᓂᐤ ᑳ ᓇᑲᔮᐃᐦᐟ ᒥᓇ ᑳ ᒥᔦᐧᔨᑕᕽ ᐁ ᐸᐃᐧᐢᑲᐋᐧᐟ ᐸᐦᑫᐧᓯᑲᓂᑳᓇ: ᐁᑯᓯ ᓂ ᑭ ᒪᓈᒋᐦᑖᐋᐧᐣ ᐅᑲᐧᔭᐤ ᐁᑲᑕᐊᐧᓯᓯᐟ; ᒫᑲ ᐁᑲᐧ ᓂ ᑲ ᐅᑖᐸᐋᐤ ᐃᐸᕒᐁᐃᒼ; ᒍᑕ ᑭᑕ ᐱᑯᐱᒋᑫᐤ, ᒉᑲᑊ ᑭᑕ ᓯᑲᐧᐢᑲᒥᑭᐱᒋᑫᐤ.
12 #
ᒉᕒᐃᒫᔭ 4:3
ᑭᐢᑎᑫᐢᑕᒫᓱᐠ ᑲᐧᔭᐢᑭᑖᑎᓯᐃᐧᓂᕽ, ᒪᓂᓯᑫᐠ ᐁ ᐃᓯ ᑭᑎᒫᑭᓈᑯᐃᐧᓯᔦᐠ; ᓯᑲᐧᐢᑲᒥᑭᐱᑕᒧᐠ ᑳ ᐊᔦᐧᐱᑖᔦᐠ ᑭᐟ ᐊᐢᑭᐋᐧᐤ; ᒋᑫᒫ ᐅᑎᐦᒋᐸᔨᐤ ᑭᑕ ᓇᓈᑐᓇᐋᐧᔦᐠ ᑳ ᑎᐯᔨᐦᒋᑫᐟ, ᐱᔨᐢ ᑭᑕ ᐯ ᓇᑕᐃᐧ ᑭᒥᐊᐧᓂᐸᔨᑖᐧᑯᔦᐠ ᑲᐧᔭᐢᑭᑖᑎᓯᐃᐧᐣ. 13ᑭ ᑭ ᓯᑲᐧᒋᐱᑌᓈᐋᐧᐤ ᒪᒑᔨᐃᐧᐣ, ᑭ ᑭ ᒪᓂᓯᑳᓈᐋᐧᐤ ᒪᒋᐃᑎᐃᐧᐣ; ᑭ ᑭ ᒥᒋᓈᐋᐧᐤ ᐁ ᐃᓯ ᒥᓂᓯᐊᐧᑭ ᑭᔮᐢᑭᐃᐧᓇ; ᒋᑫᒫ ᑭ ᑭ ᒪᒥᓯᑐᑌᐣ ᑭᐟ ᐃᑖᑎᓯᐃᐧᐣ, ᐁ ᐃᓯ ᐅᓵᒣᔭᑎᒋᐠ ᑳ ᓱᑳᔭᐃᐧᓯᒋᐠ ᑭᐟ ᐊᔨᓯᔨᓂᒪᐠ.
14ᐁᐊᐧᑯ ᐅᐦᒋ ᒫᑲ ᑫ ᒥᑯᐢᑳᑕᑲᒥᑭᓯᒋᐠ ᑭᐟ ᐊᔨᓯᔨᓂᒪᐠ, ᐁᑯᓯ ᑲᐦᑭᔭᐤ ᑭ ᓱᑳᔭᐃᐧᑲᒥᑲᐧ ᑭᑕ ᓂᓯᐊᐧᓈᑕᓇᐧ, ᑖᐱᐢᑯᐨ ᓵᓬᒫᐣ ᑳ ᑭ ᐃᓯ ᓂᓯᐊᐧᓈᒋᐦᐋᐟ ᐯᐦᐟᐋᕒᐯᓬ ᐁ ᓄᑎᓂᑐᐃᐧ ᑭᓯᑳᐠ; ᐅᑳᐃᐧᒫᐤ ᑳ ᑭ ᓯᑯᐸᑲᒥᓯᒥᐦᐟ ᑭᑭ ᐅᐟ ᐊᐋᐧᓯᒥᓴ. 15ᐁᑯᓵᓂ ᐯᐦᑎᓬ ᑫ ᑐᑖᑯᔦᐠ ᑭ ᑭᐦᒋᒪᒑᔨᐃᐧᓂᐋᐧᐤ ᐅᐦᒋ; ᐁ ᐯᑖᐸᓂᔨᐠ ᐃᐢᕒᐁᐃᓬ ᑭᐦᒋ ᐅᑭᒫᐤ ᑭᑕ ᓈᐢᐱᒋ ᓂᓯᐊᐧᓈᒋᐦᐋᐤ.
Currently Selected:
ᐦᐋᓯᔭ 10: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
