ᐦᐋᓯᔭ 11
11
1 #
ᐁᐠᓴᑕᐢ 4:22; ᒫᐟᔪ 2:15 ᒣᑳᐧᐨ ᐃᐢᕒᐁᐃᓬ ᐁ ᐊᐋᐧᓯᓯᐃᐧᐟ ᐁᑯᐢᐱ ᓂ ᑭ ᓵᑭᐦᐋᐤ, ᒥᓇ ᐃᒋᑊᑎᕽ ᐅᐦᒋ ᓂ ᑭ ᓇᑐᒫᐤ ᓂᑯᓯᐢ. 2ᐁ ᓇᑐᒥᑯᒋᐠ ᐁᑯᓯ ᑭ ᐊᑎ ᓇᑲᑌᐊᐧᐠ; ᑭ ᒪᒍᐢᑌᐊᒪᐁᐧᐊᐧᐠ ᐯᐊᓬᐃᒼ, ᒥᓇ ᑭ ᐃᐧᑭᒫᓴᒪᐁᐧᐊᐧᐠ ᐅᔨᑯᒋᑲᓂ ᓇᐢᐱᓯᒋᑲᓇ.
3ᐁᔨᐁᐧᕽ ᒫᑲ ᓂ ᑭ ᑭᐢᑭᓄᐦᐊᒪᐋᐧᐤ ᐃᐸᕒᐁᐃᒼ ᑭᑕ ᐱᒧᐦᑌᐟ; ᓂ ᑭ ᑕᐦᑯᓈᐊᐧᐠ; ᒫᑲ ᓇᒪᐃᐧᔭ ᑭᐢᑫᔨᑕᒪᐧᐠ ᓂᔭ ᐁ ᐃᔨᓂᑲᐊᑭᐠ. 4ᓂ ᑭ ᐅᒋᐱᑖᐊᐧᐠ ᐊᔨᓯᔨᓂᐃᐧ ᑕᐦᑯᐱᒋᑲᓇ ᐅᐦᒋ, ᓵᑭᐦᐃᐁᐧᐃᐧᓂ ᑕᐦᑯᐱᒋᑲᓇ; ᒥᓇ ᓂ ᑭ ᐃᓯᑳᐸᐃᐧᐢᑕᐋᐧᐊᐧᐠ ᑖᐱᐢᑯᐨ ᐊᓂᑭ ᑖᐱᐢᑳᑲᐣ ᑳ ᐅᑎᓇᒥᔨᐟ ᐅᐢᑎᑳᐧᓂᐋᐧᕽ ᐅᐦᒋ, ᐁᑯᓯ ᒥᒋᐃᐧᐣ ᓂ ᑭ ᐅᐦᑎᐢᑲᐃᐧᐢᑐᐋᐧᐊᐧᐠ.
5ᓇᒪᐃᐧᔭ ᑳᐃᐧ ᑭᑕ ᐃᑐᐦᑌᐤ ᐃᒋᑊᐟ ᐊᐢᑭᕽ; ᒫᑲ ᐊᓯᕒᐃᔭᓇ ᑭᑕ ᐅ ᑭᐦᒋ ᐅᑭᒫᒥᐤ, ᐃᐧᔭ ᐁ ᑭ ᐋᓀᐧᑕᑭᐠ ᑭᑕ ᐯ ᑭᐁᐧᒋᐠ. 6ᐁᑯᓯ ᐃᓴᐁᐧᐢᐠ ᑭᑕ ᐸᑲᒥᐢᑲᒧᒪᑲᓂᔨᐤ ᐅᐟ ᐅᑌᓇᐊᐧ, ᒥᓇ ᑭᑕ ᒣᐦᒋᑕᒫᐠ ᐅᐟ ᐋᑖᐢᑯᐃᑲᓇ ᒥᓇ ᑭᑕ ᓂᓯᐊᐧᓈᒋᑕᒫᐠ, ᐃᐧᔭᐋᐤ ᐅᔭᓱᐁᐧᐃᐧᓂᐋᐧᐊᐧ ᐅᐦᒋ. 7ᒥᓇ ᓂᐟ ᐊᔨᓯᔨᓂᒪᐠ ᓂ ᓀᑳᒥ ᐊᓭᐸᔨᐢᑖᑲᐧᐠ; ᐋᑕ ᓇᑐᒪᑖᐧᐃᐧ ᐃᐢᐱᒥᕽ ᐃᓯ, ᓇᒪᐃᐧᔭ ᐊᐃᐧᔭᐠ ᑭᑕ ᐸᓯᑯ.
8 #
ᑎᔪᑕᕒᐊᓇᒥ 29:23
ᑖᓂᓯ ᑫ ᑭ ᐃᓯ ᐸᑭᑎᓂᑖᐣ ᐃᐸᕒᐁᐃᒼ? ᑖᓂᓯ ᑫ ᑭ ᐃᓯ ᐸᐢᐱᐦᐃᑖᐣ ᐃᐢᕒᐁᐃᓬ? ᑖᓂᓯ ᑫ ᑭ ᐃᓯᐃᑖᐣ ᑖᐱᐢᑯᐨ ᐋᐟᒪ? ᑖᓂᓯ ᑫ ᑭ ᐃᑕᔨᑖᐣ ᑖᐱᐢᑯᐨ ᓯᐹᔨᒼ? ᓂᑌᐦ ᐱᐦᒋᔭᐤ ᑫᐧᐢᑭᐸᔨᐤ, ᓂ ᓴᐃᐧᑌᐦᐁᐃᐧᐣ ᒫᒪᐃᐧ ᓴᐢᑲᐦᐃᑳᑌᐤ. 9ᓇᒪᐃᐧᔭ ᓂ ᑲ ᑎᐱᑐᑌᐣ ᐁ ᐃᓯ ᐋᑲᐧᕽ ᓂ ᑭᓯᐋᐧᓯᐃᐧᐣ, ᓇᒪᐃᐧᔭ ᑳᐃᐧ ᓂ ᑲ ᓂᓯᐊᐧᓈᒋᐦᐋᐤ ᐃᐸᕒᐁᐃᒼ; ᒋᑫᒫ ᓂ ᒪᓂᑐᐃᐧᐣ, ᓇᒪᐃᐧᔭ ᓂᐟ ᐊᔨᓯᔨᓂᐃᐧᐣ; ᓂᔭ ᐅᑲᓈᑎᓯᐤ ᒣᑳᐧᐨ ᑭᔭ; ᐁᑯᓯ ᓇᒪᐃᐧᔭ ᓂ ᑲ ᐱᑐᑳᐣ ᐅᑌᓈᕽ. 10ᑭᑕ ᐱᒥᑎᓴᐁᐧᐊᐧᐠ ᑳ ᑎᐯᔨᐦᒋᑫᔨᐟ, ᐁᐊᐧᑯ ᑭᑕ ᐱᑎᑲᐧᑖᒧ ᑖᐱᐢᑯᐨ ᒥᐢᑕᐦᑫᓯᐤ; ᒋᑫᒫ ᑭᑕ ᐱᑎᑲᐧᑖᒧ, ᐁᑯᓯ ᐊᐋᐧᓯᓴᐠ ᓀᑳᐯᐊᓄᕽ ᑭᑕ ᐯ ᐅᐦᑐᑌᐊᐧᐠ ᐁ ᓇᓇᒥᐸᔨᒋᐠ. 11ᑭᑕ ᐯ ᓇᓇᒥᐸᔨᐊᐧᐠ ᑖᐱᐢᑯᐨ ᐱᔦᓯᐢ ᐃᒋᑊᑎᕽ ᐅᐦᒋ, ᒥᓇ ᑖᐱᐢᑯᐨ ᐅᒥᐦᒥᐤ ᐊᓯᕒᐃᔭ ᐊᐢᑭᕽ ᐅᐦᒋ; ᐁᑯᓯ ᓂ ᑲ ᑭᐢᑕᐱᐋᐊᐧᐠ ᐅ ᐋᐧᐢᑳᐦᐃᑲᓂᐋᐧᕽ, ᐃᑌᐧᐤ ᑳ ᑎᐯᔨᐦᒋᑫᐟ.
12ᐃᐸᕒᐁᐃᒼ ᓂ ᐋᐧᐢᑳᐢᑳᐠ ᑭᔮᐢᑭᐃᐧᐣ ᐅᐦᒋ, ᒥᓇ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ ᑲᑲᔦᔨᓯᐃᐧᐣ; ᒫᑲ ᒍᑕ ᑫᔮᐱᐨ ᐃᐧᑕᓱᐁᐧᒣᐤ ᑭᓭᒪᓂᑐᐊᐧ, ᒥᓇ ᐊᔮᑳᐧᒥᓯᐢᑕᐁᐧᐤ ᑳ ᑲᓈᑎᓯᔨᐟ.
Currently Selected:
ᐦᐋᓯᔭ 11: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
