ᐁᐠᓴᑕᐢ 27
27
1ᐁᑯᓯ ᑭ ᑲ ᐅᓯᐦᑖᐣ ᐸᑭᑎᓈᓱᐃᐧᓈᐱᐢᐠ ᐊᑫᓯᔭ ᑐᐊᐧᑎᐠ ᐅᐦᒋ, ᓂᔮᓇᐣ ᑯᐱᑕ ᑭᑕ ᐃᐢᑳᐧᐠ ᒥᓇ ᓂᔮᓇᐣ ᑯᐱᑕ ᑭᑕ ᐃᐢᐱᑕᔭᑲᐢᑳᐠ; ᑭᑕ ᑲᐦᑲᐦᑫᔮᐤ ᐸᑭᑎᓈᓱᐃᐧᓈᐱᐢᐠ; ᒥᓇ ᓂᐢᑐ ᑯᐱᑕ ᐃᔨᑯᕽ ᑭᑕ ᐃᐢᐹᐤ. 2ᑭ ᑲ ᐅᐟ ᐁᐢᑲᓂᑖᐣ ᒫᑲ ᓀᐊᐧᔭᐠ ᐁ ᑭᐦᑫᔭᐠ; ᐁ ᐅᐟ ᐁᐢᑲᓂᐊᐧᕽ ᑭᑕ ᒫᒪᐊᐧᐣ; ᐅᓵᐋᐧᐱᐢᐠ ᒫᑲ ᑭ ᑲ ᐁᐧᐁᐧᑲᒧᑖᐣ. 3ᑭ ᑲ ᐅᓯᐦᑖᐣ ᒫᑲ ᐅᔮᑲᓇ ᑭᑕ ᐊᓯᐊᐧᑌᑭ ᐱᐦᑯᑌᐊᐧ, ᒥᓇ ᑲᐧᐸᐊᐊᐧᑳᐧᓇ, ᒥᓇ ᐊᓯᐊᐧᒋᑲᓇ, ᒥᓇ ᐃᐧᔮᓯ ᐅᒋᑳᐧᒋᑲᓇ, ᒥᓇ ᐃᐢᑯᑌᐃᐧᔮᑲᓇ, ᑲᐦᑭᔭᐤ ᐊᓯᐊᐧᒋᑲᓇ ᐁᑯᑕ ᑫ ᐋᐸᑕᑭ ᐅᓵᐋᐧᐱᐢᐠ ᑭ ᑲ ᐅᐦᒋ ᐅᓯᐦᑖᐣ. 4ᑭ ᑲ ᐅᓯᐦᑖᐣ ᒫᑲ ᐁᑯᑕ ᑭᑕ ᐋᐸᑕᕽ ᐁ ᐊᔭᐸᐱᐢᑳᐠ ᐅᓵᐋᐧᐱᐢᐠ ᐅᐦᒋ; ᐁᑯᑕ ᒫᑲ ᑭ ᑲ ᐅᓯᐦᑖᐣ ᓀᐤ ᓵᐸᑕᐁᐧᔮᐱᐢᑲᐧ ᓀᐊᐧᔭᐠ ᐁ ᑭᐦᑫᔮᐠ. 5ᐅᒪ ᒫᑲ ᑭ ᑲ ᐊᐢᑖᐣ ᓯᐹ ᐁ ᑳᓯᐢᐳ ᐊᔮᐠ ᐊᓂᒪ ᐸᑭᑎᓇᓱᐃᐧᓈᐱᐢᐠ ᐊᑖᒥᕽ, ᐊᓂᒪ ᑳ ᐊᔭᐹᐠ ᓇᔦᐊᐧᐨ ᐋᐱᑕᐤ ᑭᑕ ᐊᔮᐠ ᐸᑭᑎᓈᓱᐃᐧᓈᐱᐢᑯᕽ. 6ᑭ ᑲ ᐅᓯᐦᑖᐣ ᒫᑲ ᐊᐸᓱᔭ ᐸᑭᑎᓈᓱᐃᐧᓈᐱᐢᑯᕽ ᑭᑕ ᐋᐸᑕᑭ, ᐊᐸᓱᔭ ᐊᑫᓯᔭ ᑐᐋᐧᑎᐠ, ᐁᑯᓯ ᐊᓵᐋᐧᐱᐢᐠ ᑭ ᑲ ᐁᐧᐁᐧᑲᒧᑖᐣ. 7ᐊᓂᐦᐃ ᒫᑲ ᐊᐸᓱᔭ ᑭᑕ ᑖᐸᒧᑖᓂᐊᐧᓇᐧ ᑳ ᐊᔭᐹᑭ ᐱᐋᐧᐱᐢᑲᐧ, ᐁᑯᓯ ᐊᓂᐦᐃ ᐊᐸᓱᔭ ᐋᔨᑕᐤ ᐸᑭᑎᓈᓱᐃᐧᓈᐱᐢᑯᕽ ᑭᑕ ᐊᔮᐊᐧ ᐁ ᐱᒥᐃᐧᑖᕽ. 8ᑭᑕ ᐃᐧᐸᐤ, ᓇᐸᑭᑕᑲᐧ ᐅᐦᒋ ᑭ ᑲ ᐅᓯᐦᑖᐣ; ᑳ ᑭ ᐃᓯ ᐋᐧᐸᐦᑕᐦᐃᑲᐃᐧᔭᐣ ᐊᐧᒋᕽ ᐁᑯᓯ ᑫ ᐃᓯᑖᒋᐠ.
9ᐁᑯᓯ ᒫᑲ ᑭ ᑲ ᐅᓯᐦᑖᐣ ᑭᑕ ᐱᐢᑭᐦᒋ ᑕᐊᐧᐠ ᐊᓂ ᒥᑭᐋᐧᑊ; ᓵᐊᐧᓄᕽ ᐃᑌᐦᑫ ᐁᑯᑌ ᑭᑕ ᐊᑯᒋᑲᓂᐊᐧᐣ ᑳ ᐱᐢᑭᐦᒋ ᑕᐋᐧᐠ ᐁ ᒥᔪᒋᑳᑌᐠ ᐋᐧᐱᐢᑫᑭᐣ ᒥᑖᐦᑐᒥᑕᓇᐤ ᑯᐱᑕ ᑭᑕ ᐃᐢᑳᐧᐠ ᓇᐸᑌ. 10ᐁᑯᑌ ᒫᑲ ᓂᓯᑕᓇᐤ ᒋᒪᒋᑲᓇ ᑭᑕ ᐊᔮᐊᐧ, ᒥᓇ ᐁ ᑖᐱᑎᑖᓂᐊᐦᑭ ᓂᓯᑕᓇᐤ, ᐅᓵᐊᐧᐱᐢᐠ; ᐅᒋᑳᐧᒋᑲᓈᐱᐢᑯᓴ ᐃᐧᔭ ᒥᓇ ᓴᑳᐱᑳᓂᓴ ᐊᐧᐱᐢᑭᓱᓂᔮᐤ. 11ᐁᑯᓯ ᒫᑲ ᑫᔮᐱᐨ ᑭᐁᐧᑎᓄᕽ ᐃᑌᐦᑫ ᑭᑕ ᐃᐦᑕᑲᐧᓇᐧ ᐊᑯᒋᑲᓇ ᒥᑖᐦᑐᒥᑕᓇᐤ ᑯᐱᑕ ᐁ ᐃᐢᑳᐧᑭ, ᒥᓇ ᓂᓯᑕᓇᐤ ᒋᒪᒋᑲᓇ, ᒥᓇ ᑖᐱᑎᑖᑳᓇ ᓂᓯᑕᓇᐤ ᐅᓵᐋᐧᐱᐢᐠ; ᐅᒋᑳᐧᒋᑲᓈᐱᐢᑯᓴ ᒥᓇ ᓴᑳᐱᑳᓂᓴ ᑭᑕ ᐋᐧᐱᐢᑭᓱᓂᔮᐊᐧᓇᐧ. 12ᐁ ᐃᐢᐱᑕᔭᑲᐢᑳᐠ ᒫᑲ ᐊᓂᒪ ᐁ ᐱᐢᑭᑖᔭᐋᐧᕽ ᓇᑳᐯᐊᓄᕽ ᐃᑌᐦᑫ ᑭᑕ ᐊᔮᐊᐧ ᐊᑯᒋᑲᓇ ᓂᔮᓇᓄᒥᑕᓇᐤ ᑯᐱᑕ ᐁ ᐃᐢᑳᐧᑭ; ᒋᒪᒋᑲᓇ ᒥᑖᑕᐦᐟ, ᒥᓇ ᑖᐱᑎᑖᑲᓇ ᒥᑖᑕᐦᐟ. 13ᑭᑕ ᐃᐢᐱᑕᔭᑲᐢᑳᐤ ᒫᑲ ᑳ ᐱᐢᑭᑖᔭᐊᐧᕽ ᐋᐧᐸᓄᑖᕽ ᐃᑌᐦᑫ, ᓂᔮᓇᓄᒥᑕᓇᐤ ᑯᐱᑕ. 14ᐊᑯᒋᑲᓇ ᓇᐸᑌ ᐃᐢᑳᐧᑌᒥᕽ ᒥᑖᑕᐦᐟ ᓂᔮᓇᓄᓵᑊ ᑯᐱᑕ ᑭᑕ ᐃᐢᑳᐧᐊᐧ; ᒋᒪᒋᑲᓇ ᓂᐢᑐ ᒥᓇ ᑖᐱᑎᑖᑲᓇ ᓂᐢᑐ. 15ᑫᐧᐢᑭᑌ ᒫᑲ ᑭᑕ ᐊᔮᐊᐧ ᐊᑯᒋᑲᓇ ᒥᑖᑕᐦᐟ ᓂᔮᓇᓄᓵᑊ ᑕᐦᑐ ᑯᐱᑕ ᐃᐢᑯ; ᒋᒪᒋᑲᓇ ᓂᐢᑐ ᒥᓇ ᑖᐱᑎᑖᑲᓇ ᓂᐢᑐ. 16ᐁᑯᓯ ᒫᑲ ᐃᐢᑳᐧᑌᒥᕽ ᐱᐢᑭᑖᔭᐋᐧᕽ ᑭᑕ ᐃᐦᑕᑲᐧᐣ ᑭᐯᑲᒧᒋᑲᐣ ᓂᓯᑕᓇᐤ ᑯᐱᑕ ᑭᑕ ᐃᐢᑳᐧᐠ, ᒋᐯᑕᑫᐧᑭᐣ, ᒥᓇ ᒋᐯᑕᑯᒥᐦᑫᐧᑭᐣ, ᒥᓇ ᐸᑲᐢᑭᒥᐦᑫᐧᑭᐣ, ᒥᓇ ᐁ ᒥᔪᒋᑳᑌᐠ ᐋᐧᐱᐢᑫᑭᐣ, ᐁ ᐃᓯᑖᐟ ᐅᒪᓯᓂᐢᑕᐃᑫᐤ; ᒋᒪᒋᑲᓇ ᒫᑲ ᓀᐤ, ᒥᓇ ᑖᐱᑎᑖᑲᓇ ᓀᐤ. 17ᑲᐦᑭᔭᐤ ᒋᒪᒋᑲᓇ ᐋᐧᐢᑳ ᐱᐢᑭᑖᔭᐋᐧᕽ ᑭᑕ ᐊᐧᐁᐧᓯᒋᑳᑌᐊᐧ ᐋᐧᐱᐢᑭ ᓱᓂᔮᐤ ᐅᐦᒋ; ᐅᒋᑳᐧᒋᑲᓈᐱᐢᑯᓴ ᑭᑕ ᐋᐧᐱᐢᑭᓱᓂᔮᐊᐧᓇᐧ, ᒥᓇ ᑖᐱᑎᑖᑲᓇ ᐅᓵᐋᐧᐱᐢᐠ. 18ᒥᑖᐦᑐᒥᑕᓇᐤ ᑯᐱᑕ ᑭᑕ ᐃᐢᑳᐧᐤ ᐊᓂᒪ ᐁ ᐱᐢᑭᑖᔭᐋᐧᐠ, ᐁᑯᓯ ᓂᔮᓇᓄᒥᑕᓇᐤ ᑯᐱᑕ ᑭᑕ ᐃᐢᐱᑕᔭᑲᐢᑳᐤ ᒥᓯᐁᐧ, ᓂᔮᓇᐣ ᑯᐱᑕ ᐃᔨᑯᕽ ᑭᑕ ᐃᐢᐸᐤ, ᐁ ᒥᔪᒋᑳᑌᐠ ᐋᐧᐱᐢᑫᑭᐣ, ᒥᓇ ᑖᐱᑎᑖᑲᓇ ᐅᓵᐋᐧᐱᐢᐠ. 19ᑲᐦᑭᔭᐤ ᐋᐸᒋᐦᒋᑲᓇ ᒥᑭᐊᐧᐱᕽ ᒥᓯᐁᐧ ᑳ ᐃᑕᑐᐢᑫᕽ ᐁᑯᑕ, ᒥᓇ ᑲᐦᑭᔭᐤ ᒋᐢᑌᑲᐦᐃᑲᓇ, ᒥᓇ ᑲᐦᑭᔭᐤ ᒋᐢᑌᑲᐦᐃᑲᓇ ᑳ ᐱᐢᑭᑖᔭᐊᐧᐠ ᐅᓵᐋᐧᐱᐢᐠ ᑭᑕ ᐋᐸᒋᐋᐤ.
20ᐁᑯᓯ ᒫᑲ ᑭ ᑲ ᐃᑕᓱᐋᐧᑖᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐯᑖᐧᐢᑭᐠ ᐋᓬᐃᑊ ᐱᒥ ᐁ ᐯᑲᕽ ᐁ ᐸᑲᒪᓂᑳᑌᐠ, ᑭᑕ ᐋᐧᓴᐢᑯᑌᓂᑳᑫᕽ, ᑕᐦᑭ ᑭᑕ ᑳᐧᑯᑌᐠ ᐋᐧᐢᑌᓇᒫᑲᐣ. 21ᐊᓂᑕ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᐊᐧᔭᐃᐧᑎᒫᔨᕽ ᐊᓂᒪ ᐋᑯᔦᑲᐦᐃᑲᐣ ᒋᑭ ᑭᐢᑫᔨᑕᒧᐦᐃᐁᐧᐃᐧᓂᕽ ᑳ ᐊᑯᑌᐠ, ᐁᕒᐊᐣ ᒥᓇ ᐅᑯᓯᓴ ᑭᑕ ᐋᑲᒥᑕᒪᐁᐧᐊᐧᐠ ᑳ ᑎᐯᔨᐦᒋᑫᔨᐟ ᐁ ᐅᑖᑯᓯᐠ ᐅᐦᒋ ᐁ ᑫᑭᓭᐹᔮᐠ ᐃᐢᑯ; ᐁᐊᐧᑫᐧᔨᐤ ᑳᑭᑫ ᑭᑕ ᐃᓯᐦᒋᑫᐊᐧᐠ ᐃᐢᑯ ᑫ ᐋᔮᓂᐢᑫ ᐱᒫᑎᓯᒋᐠ, ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐅᐦᒋ.
Currently Selected:
ᐁᐠᓴᑕᐢ 27: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
