ᐁᐠᓴᑕᐢ 26
26
1ᒥᓇ ᒫᑲ ᑭ ᑲ ᐅᓯᐦᑖᐣ ᒥᑭᐋᐧᑊ ᑭᑕ ᐊᐢᑖᔭᐣ ᒥᑖᑕᐦᐟ ᐋᑯᔦᑲᐦᐃᑲᓇ; ᐁ ᒥᔪᒋᑳᑌᐠ ᐋᐧᐱᐢᑫᑭᐣ, ᒥᓇ ᐁ ᒋᐯᑕᑳᐧᐠ, ᒥᓇ ᐁ ᒋᐯᑕᑯᒥᐦᑳᐧᐠ, ᒥᓇ ᐁ ᐸᑲᐢᑭᒥᐦᑳᐧᐠ, ᒥᓇ ᒉᕒᐊᐱᒼ ᐁ ᒪᓯᓂᐢᑕᐃᑳᓱᒋᐠ; ᐁ ᐃᓯ ᓇᑲᒋᐦᑖᐟ ᑳ ᒪᒥᔪᐟ ᐅᑕᑐᐢᑫᐤ ᑭ ᑲ ᐃᓯᑖᐣ. 2ᐯᔭᐠ ᐋᑯᔦᑲᐦᐃᑲᐣ ᓂᓯᑕᓇᐤ ᐊᔨᓈᓀᐤ ᐊᔨᐋᐧᐠ ᑕᐦᑐ ᑯᐱᑕ ᑭᑕ ᐃᐢᑳᐧᑲᐣ, ᒥᓇ ᐯᔭᐠ ᐋᑯᔦᑲᐦᐃᑲᐣ ᓀᐤ ᑯᐱᑕ ᑭᑕ ᐃᐢᐱᑕᔭᑲᐢᑳᐤ; ᑲᐦᑭᔭᐤ ᐋᑯᔦᑲᐦᐃᑲᓇ ᑭᑕ ᐯᔭᑲᐧᐣ ᐁ ᐃᐢᐱᒑᑭ. 3ᓂᔮᓈᐣ ᐋᑯᔦᑲᐦᐃᑲᓇ ᑭᑕ ᒫᒪᐃᐧ ᓴᑭᐸᑌᐊᐧ; ᐁᑯᓯ ᐊᓂᐦᐃ ᑯᑕᑲ ᓂᔮᓇᐣ ᐋᑯᔦᑲᐦᐃᑲᓇ ᑭᑕ ᒫᒪᐃᐧ ᓴᑭᐸᑌᐊᐧ. 4ᐁᑯᓯ ᑭ ᑲ ᐅᓯᐦᑖᐣ ᓇᐳᑳᐧᒋᑲᓇ ᐁ ᒋᐯᑕᑳᐧᑭ, ᐋᐧᓴᑳᒼ ᓇᐸᑌ ᐊᓂᒪ ᐯᔭᐠ ᐋᑯᔦᑲᐦᐃᑲᐣ ᑎᑎᐱᐢᑕᐃᑲᓂᕽ ᐃᑕ ᐁ ᓇᐳᐊᔮᑭ; ᐁᑯᓯ ᒫᑲ ᑭ ᑲ ᐃᓯ ᐅᓯᐦᑖᐣ ᒥᓇ ᐋᐧᓴᑳᒼ ᐊᓂᒪ ᐋᑯᔦᑲᐦᐃᑲᐣ ᐊᐊᐧᓵᔨᕽ ᑳ ᐊᔮᐠ ᑭᐦᑖᐧᒼ ᐁ ᐊᑎ ᐋᓂᐢᑯᐊᔮᑭ. 5ᓂᔮᓇᓄᒥᑕᓇᐤ ᓇᐳᑳᐧᒋᑲᓇ ᑭ ᑲ ᐅᓯᐦᑖᐣ ᐯᔭᐠ ᐋᑯᔦᑲᐦᐃᑲᓂᕽ, ᒥᓇ ᓂᔮᓇᓄᒥᑕᓇᐤ ᓇᐳᑳᐧᒋᑲᓇ ᑭ ᑲ ᐅᓯᐦᑖᐣ ᐁ ᑭᐦᑫᔦᑲᕽ ᐋᑯᔦᑲᐦᐃᑲᐣ ᐊᐢᑯᐦᐨ ᑳ ᐊᑎ ᐋᓂᐢᑯ ᐊᔮᐠ; ᑖᑎᐱᐢᑯᐨ ᑭᑕ ᐊᔮᐋᐧ ᓇᐳᑳᐧᒋᑲᓇ. 6ᐁᑯᓯ ᑭ ᑲ ᐅᓯᐦᑖᐣ ᓂᔮᓇᓄᒥᑕᓇᐤ ᓴᑭᐹᒋᑲᓇ ᐅᓴᐃᐧᓱᓂᔮᐤ ᐅᐦᒋ, ᐁᑯᓯ ᑭ ᑲ ᓴᑭᐸᑌᐣ ᐊᓂᐦᐃ ᐋᑯᔦᑲᐦᐃᑲᓇ ᓴᑭᐹᒋᑲᓇ ᐅᐦᒋ, ᑭᑕ ᐯᔭᑲᐧᐣ ᒫᑲ ᒥᑭᐋᐧᑊ.
7ᑭ ᑲ ᐅᓯᐦᑖᐣ ᒫᑲ ᐋᑯᔦᑲᐦᐃᑲᓇ ᐋᐧᐸᑎᑯᐱᐊᐧᔭ ᐅᐦᒋ ᑭᑕ ᐊᑲᐧᓇᐃᑫᒪᑲᕽ ᒥᑭᐋᐧᑊ, ᒥᑖᑕᐦᐟ ᐯᔭᑯᓵᑊ ᐋᑯᔦᑲᐦᐃᑲᓇ ᑭ ᑲ ᐅᓯᐦᑖᐣ. 8ᐯᔭᐠ ᐊᓂᒪ ᐋᑯᔦᑲᐦᐃᑲᐣ ᓂᐢᑐᒥᑕᓇᐤ ᑯᐱᑕ ᑭᑕ ᐃᐢᑳᐧᐤ, ᒥᓇ ᓀᐤ ᑯᐱᑕ ᑭᑕ ᐃᐢᐱᑕᔭᑲᐢᑳᐤ ᐯᔭᐠ ᐋᑯᔦᑲᐦᐃᑲᐣ; ᐊᓂᐦᐃ ᒥᑖᑕᐦᐟ ᐯᔭᑯᓵᑊ ᐋᑯᔦᑲᐦᐃᑲᓇ ᑭᑕ ᐯᔭᑲᐧᐣ ᐁ ᐃᐢᐱᒑᑭ. 9ᐁᑯᓯ ᑭ ᑲ ᐋᓂᐢᑫ ᓴᑲᒧᑖᐣ ᓂᔮᓇᐣ ᐋᑯᔦᑲᐦᐃᑲᓇ ᐱᐢᑭᐢ, ᒥᓇ ᓂᑯᑖᐧᓯᐠ ᐋᑯᔦᑲᐦᐃᑲᓇ ᐱᐢᑭᐢ, ᐁᑯᓯ ᐊᓂᒪ ᓂᑯᑖᐧᓯᐠ ᐁ ᐃᑕᑭᑌᐠ ᐋᑯᔦᑲᐦᐃᑲᐣ ᑭᑕ ᐋᑭᐧᑕᐊᐧᒧᐣ ᐃᑌᐦᑫ ᐁ ᐃᐢᑳᐧᑌᒥᐊᐧᕽ ᒥᑭᐋᐧᑊ. 10ᐁᑯᓯ ᑭ ᑲ ᐅᓯᐦᑖᐣ ᓂᔮᓇᓄᒥᑕᓇᐤ ᓇᐳᑳᐧᒋᑲᓇ ᐁ ᑭᐦᑫᔦᑲᕽ ᐊᓂᒪ ᐋᑯᔦᑲᐦᐃᑲᐣ ᓂᐢᑕᒼ ᑳ ᐊᔮᐠ ᐁ ᐊᑎ ᓴᑭᐹᑌᑭ, ᒥᓇ ᓂᔮᓇᓄᒥᑕᓇᐤ ᓇᐳᑳᐧᒋᑲᓇ ᐁ ᑭᐦᑫᔦᑲᕽ ᐋᑯᔦᑲᐦᐃᑲᐣ ᑭᐦᑖᐧᒼ ᑳ ᐊᑕ ᐊᔮᐠ ᐁ ᐊᑎ ᓴᑭᐹᒋᑳᑌᑭ. 11ᑭ ᑲ ᐅᓯᐦᑖᐣ ᒫᑲ ᓂᔮᓇᓄᒥᑕᓇᐤ ᓴᑭᐹᒋᑲᓇ ᐅᓵᐋᐧᐱᐢᐠ ᐅᐦᒋ, ᐁᑯᓯ ᑭ ᑲ ᐊᐢᑖᐣ ᓴᑭᐹᒋᑲᓇ ᐊᓂᑕ ᓇᐳᑳᐧᒋᑲᓂᕽ, ᐁᑯᓯ ᑭᑕ ᓴᑭᐹᑕᒪᐣ ᒥᑭᐋᐧᑊ ᒫᒪᐃᐧ, ᑭᑕ ᐯᔭᑲᐧᕽ. 12ᐊᓂᒪ ᒫᑲ ᑳ ᑳᓯᐢᐳᐸᔨᐠ ᐁ ᐊᔨᐋᐧᑭᐸᔨᑭ ᐋᑯᔦᑲᐦᐃᑲᓇ ᒥᑭᐋᐧᐱᕽ, ᐊᓂᒪ ᐋᐱᑕᐤ ᐋᑯᔦᑲᐦᐃᑲᐣ ᑳ ᐊᔨᐋᐧᑭᐸᔨᐠ ᑭᑕ ᐋᑭᐧᑕᐊᐧᑯᑌᐤ ᐅᐢᐱᐢᑲᐧᓈᔨᕽ ᐊᓂᒪ ᒥᑭᐋᐧᑊ. 13ᐁᑯᓯ ᐊᓂᒪ ᐯᔭᐠ ᑯᐱᐟ ᐃᔨᑯᕽ ᓇᐸᑌ ᒥᓇ ᐊᓂᒪ ᐯᔭᐠ ᑯᐱᐟ ᐃᔨᑯᕽ ᑫᐧᐢᑭᑌ ᑳ ᐊᔨᐋᐧᑭᐸᔨᐠ ᐁ ᐃᐢᑳᐧᑭ ᐋᑯᔦᑲᐦᐃᑲᓇ ᒥᑭᐋᐧᐱᕽ ᑭᑕ ᑳᓯᐢᐳ ᐊᑯᑌᐤ ᐋᔨᑕᐤ ᒥᑭᐋᐧᐱᕽ ᑭᑕ ᐊᑲᐧᓇᒧᑭ. 14ᐁᑯᓯ ᒥᓇ ᑭ ᑲ ᐅᓯᐦᑖᐣ ᑭᑕ ᐅᐦᒋ ᐊᑲᐧᓇᐃᑳᑌᐠ ᒥᑭᐋᐧᑊ ᔮᐯᒫᔭᑎᑲᐧᔮᓇᐠ ᐁ ᒥᑲᐧᑎᓱᒋᐠ, ᒥᓇ ᐊᐧᐢᑭᐨ ᑭᑕ ᐊᑲᐧᓇᐃᑳᑌᐠ ᐋᐦᑭᑯᔮᓇᐠ ᐅᐦᒋ.
15ᑭ ᑲ ᐅᓯᐦᑖᐣ ᒫᑲ ᓇᐸᑭᑕᑲᐧ ᑫ ᐋᐸᑕᑭ ᒥᑭᐋᐧᐱᕽ, ᐊᑫᓯᔭ ᑐᐋᐧᑎᐠ ᐅᐦᒋ, ᐁ ᒋᒪᑌᑭ. 16ᒥᑖᑕᐦᐟ ᑯᐱᐟ ᑭᑕ ᐃᐢᑳᐧᐤ ᐯᔭᐠ ᓇᐸᑭᑕᐠ, ᒥᓇ ᐯᔭᐠ ᑯᐱᐟ ᒥᓇ ᐋᐱᑕᐤ ᑭᑕ ᐃᐢᐱᑕᔭᑲᐢᑳᐤ. 17ᓂᓱ ᑖᐱᐦᒋᒋᑲᓇ ᑭᑕ ᐊᔮᐊᐧ ᐯᔭᐠ ᓇᐸᑭᑕᐠ ᐁ ᓇᐦᐊᒧᑭ; ᐁᑯᓯ ᑫ ᐃᓯᑖᔭᐣ ᑲᐦᑭᔭᐤ ᓇᐸᑭᑕᑲᐧ ᑳ ᐋᐸᑕᑭ ᒥᑭᐋᐧᐱᕽ. 18ᑭ ᑲ ᐅᓯᐦᑖᐣ ᒫᑲ ᐊᓂᐦᐃ ᓇᐸᑭᑕᑲᐧ ᑭᑕ ᐋᐸᑕᑭ ᒥᑭᐋᐧᐱᕽ, ᓂᓯᑕᓇᐤ ᓇᐸᑭᑕᑲᐧ ᓵᐊᐧᓄᕽ ᐃᑌᐦᑫ, ᓵᐊᐧᓄᑖᕽ. 19ᐁᑯᓯ ᑭ ᑲ ᐅᓯᐦᑖᐣ ᓀᒥᑕᓇᐤ ᑖᐱᑎᑖᑲᓇ ᐋᐧᐱᐢᑭᓱᓂᔮᐤ ᐅᐦᒋ ᐃᑕ ᑭᑕ ᒋᒪᑌᑭ ᐊᓂᐦᐃ ᓂᓯᑕᓇᐤ ᓇᐸᑭᑕᑲᐧ; ᓂᓱ ᑖᐱᑎᑖᑲᓇ ᐯᔭᐠ ᓇᐸᑭᑕᐠ ᐁ ᓂᓯᑭ ᑖᐱᐦᒋᒋᑲᓇ ᐃᑕ ᑭᑕ ᒋᒪᑌᐠ, ᐁᑯᓯ ᒥᓇ ᓂᓱ ᑖᐱᑎᑖᑲᓇ ᑯᑕᐠ ᓇᐸᑭᑕᐠ ᐁ ᓂᓯᑭ ᑖᐱᐦᒋᒋᑲᓇ ᐃᑕ ᑭᑕ ᒋᒪᑌᐠ. 20ᐁᑯᓯ ᑫᐧᐢᑭ ᐊᓂᒪ ᒥᑭᐋᐧᑊ ᑭᐁᐧᑎᓄᕽ ᐃᑌᐦᑫ, ᓂᓯᑕᓇᐤ ᓇᐸᑭᑕᑲᐧ ᑭᑕ ᐊᔮᐊᐧ. 21ᐁᑯᓯ ᐁᐊᐧᑯᓂ ᒥᓇ ᓀᒥᑕᓇᐤ ᑖᐱᑎᑖᑲᓇ ᐊᐧᐱᐢᑭᓱᓂᔭᐤ; ᓂᓱ ᑖᐱᑎᑖᑲᓇ ᐯᔭᐠ ᓇᐸᑭᑕᐠ, ᒥᓇ ᓂᓱ ᑖᐱᑎᑖᑲᓇ ᑯᑕᐠ ᓇᐸᑭᑕᐠ. 22ᐁᑯᓯ ᐃᐧᔭ ᐅᐢᐱᐢᑲᐧᓈᔨᕽ ᐁᐊᐧᑯ ᒥᑭᐋᐧᑊ ᓇᑳᐯᐊᓄᕽ ᐃᑌᐦᑫ ᑭ ᑲ ᐅᓯᐦᑖᐣ ᓂᑯᑖᐧᓯᐠ ᓇᐸᑭᑕᑲᐧ. 23ᐁᑯᓯ ᓂᓱ ᓇᐸᑭᑕᑲᐧ ᑭ ᑲ ᐅᓯᐦᑖᐣ ᐁ ᑭᐦᑫᔮᐠ ᐊᓂᒪ ᒥᑭᐋᐧᑊ ᐅᐢᐱᐢᑲᐧᓈᔨᕽ ᐃᓯ. 24ᐁᑯᓯ ᑭᑕ ᓇᐸᐧᒧᓇᐧ ᑕᐸᓯᐢ ᐁᑯᓯ ᒫᑲ ᐃᓯ ᑭᑕ ᒥᓯᐁᐧᔮᐊᐧ ᐱᔨᐢ ᑕᐦᑯᐨ ᓂᐢᑕᒼ ᓵᐳᑕᐁᐧᔮᐱᐢᐠ ᑫ ᐊᔮᐠ. 25ᑭᑕ ᐃᐦᑕᑲᐧᓇᐧ ᒫᑲ ᐊᔨᓈᓀᐤ ᓇᐸᑭᑕᑲᐧ, ᐁᑯᓯ ᐃᑕ ᐁ ᑖᐱᑎᑭ ᐋᐧᐱᐢᑭᓱᓂᔮᐋᐧᐱᐢᐠ ᒥᑖᑕᐦᐟ ᓂᑯᑖᐧᓱᓵᑊ ᑖᐱᑎᑖᑲᓇ; ᓂᓱ ᑖᐱᑎᑖᑲᓇ ᐯᔭᐠ ᓇᐸᑭᑕᐠ ᐃᑕ ᐁ ᒋᒪᑌᐠ, ᒥᓇ ᓂᓱ ᑖᐱᑎᑖᑲᓇ ᑯᑕᐠ ᓇᐸᑭᑕᐠ ᐃᑕ ᐁ ᒋᒪᑌᐠ.
26ᑭ ᑲ ᐅᓯᐦᑖᐣ ᒫᑲ ᓯᑖᐧᐢᑯᐃᑲᓈᑎᑲᐧ ᐋᑫᓯᔭ ᑐᐋᐧᑎᐠ ᐅᐦᒋ; ᓂᔮᓇᐣ ᑭᑕ ᓯᑐᓇᒧᒪᑲᐦᑭ ᓇᐸᑭᑕᑲᐧ ᓇᐸᑌ ᒥᑭᐋᐧᐱᕽ; 27ᒥᓇ ᓂᔮᓇᐣ ᓯᑖᐧᐢᑯᐃᑲᓈᑎᑲᐧ ᑭᑕ ᓯᑐᓇᒧᒪᑲᐦᑭ ᓇᐸᑭᑕᑲᐧ ᑫᐧᐢᑭᑌ ᒥᑭᐋᐧᐱᕽ, ᒥᓇ ᓂᔮᓇᐣ ᓯᑖᐧᐢᑯᐃᑲᓇ ᑭᑕ ᓯᑐᓇᒧᒪᑲᐦᑭ ᓇᐸᑭᑕᑲᐧ ᒥᑭᐋᐧᐱᕽ ᐅᐢᐱᐢᑲᐧᓈᔨᕽ ᐃᑌᐦᑫ ᓇᑳᐯᐊᓄᕽ. 28ᐊᓂᒪ ᒫᑲ ᓯᑖᐧᐢᑯᐃᑲᓈᑎᐠ ᑖᐋᐧᔨᕽ ᑳ ᐱᒫᐢᑯᒧᐠ ᓇᐸᑭᑕᑯᕽ ᑭᑕ ᓵᐹᐧᐢᑯᒧᐣ ᐋᔨᑕᐤ ᑭᑕ ᐅᑎᐦᑕᒧᐠ. 29ᑭ ᑲ ᐁᐧᐁᐧᑲᒧᐋᐤ ᒫᑲ ᐅᓵᐃᐧᓱᓂᔮᐤ ᓇᐸᑭᑕᑯᕽ, ᒥᓇ ᑭ ᑲ ᐅᓯᐦᑖᐣ ᓵᐳᑕᐁᐧᔮᐱᐢᑲᐧ ᐅᓵᐃᐧᓱᓂᔮᐤ ᐅᐦᒋ ᐃᑕ ᑭᑕ ᑖᐱᑎᑭ ᓯᑖᐧᐢᑯᐃᑲᓈᑎᑲᐧ ᐁᑯᓯ ᒥᓇ ᐅᓵᐃᐧᓱᓂᔮᐤ ᑭ ᑲ ᐁᐧᐁᐧᑲᒧᐋᐤ ᓯᑖᐧᐢᑯᐃᑲᓈᑎᑯᕽ. 30ᑭ ᑲ ᐅᔭᐢᑭᑖᐣ ᒫᑲ ᐊᓂᒪ ᒥᑭᐊᐧᑊ ᐁ ᐃᓯ ᑭᐢᑭᓇᐋᐧᐸᐦᑕᒪᐣ ᑳ ᑭ ᐋᐧᐸᐦᑕᐦᐃᑲᐃᐧᔭᐣ ᐊᐧᒋᕽ.
31ᐁᑯᓯ ᑭ ᑲ ᐅᓯᐦᑖᐣ ᐋᑯᔦᑲᐦᐃᑲᐣ ᐁ ᒋᐯᑕᑳᐧᐠ ᒥᓇ ᐁ ᒋᐯᑕᑯᒥᐦᑳᐧᐠ, ᒥᓇ ᐁ ᐸᑲᐢᑭᒥᐦᑳᐧᐠ, ᒥᓇ ᐁ ᒥᔪᒋᑳᑌᐠ ᐋᐧᐱᐢᑫᑭᐣ; ᒉᕒᐊᐱᒼ ᐁ ᒪᓯᓂᐊᔮᒋᐠ ᐁ ᓂᐦᑖᐃᐧᒋᑫᐟ ᐅᑕᑐᐢᑫᐤ ᑭᑕ ᐅᓯᐦᑖᐤ. 32ᐁᑯᓯ ᓀᐤ ᒋᒪᒋᑲᓈ ᐊᑫᓯᔭ ᑐᐋᐧᑎᐠ ᐅᓴᐃᐧᓱᓂᔭᐤ ᐁ ᐁᐧᐁᐧᑲᒧᐟ ᐁᑯᑕ ᑭ ᑲ ᐊᑯᑖᐣ, ᐅᒋᑳᐧᒋᑲᓈᐱᐢᑯᓴᐧ ᑭᑕ ᐅᓵᐃᐧᓱᓂᔮᐊᐧᓇᐧ. ᓀᐤ ᐋᐧᐱᐢᑭᓱᓂᔮᐤ ᑖᐱᑎᑖᑲᓂᕽ ᐁ ᑖᑖᐸᐢᑭᑌᑭ.
33 #
ᐦᐃᐸᕒᐅᐊᐧ 6:19; 9:3-5 ᐁᑯᓯ ᒫᑲ ᑭ ᑲ ᐊᑯᑖᐣ ᐋᑯᔦᑲᐦᐃᑲᐣ ᓯᐹ ᐊᓂᐦᐃ ᓴᑭᐹᒋᑲᓇ, ᐁᑯᓯ ᐁᑲᐧ ᑭ ᑲ ᐱᑐᑲᑖᐣ ᐁᑯᑕ ᐱᐦᒋ ᑳ ᐋᑯᔦᑲᐦᐃᑳᑌᐠ ᐊᓂᒪ ᑭᐢᑫᔨᑕᒧᐦᐃᐁᐧᐃᐧᓂᐊᐧᐟ; ᐊᓂᒪ ᒫᑲ ᐋᑯᔦᑲᐦᐃᑲᐣ ᑭ ᑲ ᐱᐢᑭᐦᑎᓇᒫᑯᓈᐋᐧᐤ ᐊᓂᒪ ᑳ ᑲᓈᑕᕽ ᒥᓇ ᐊᓂᒪ ᒫᒪᐁᐧᔭᐢ ᑳ ᑲᓈᑕᕽ. 34ᐁᑯᓯ ᒫᑲ ᑭ ᑲ ᑌᐦᑕᐢᑖᐣ ᐊᓂᒪ ᑭᓭᐊᐧᑎᓯᐃᐧᓂᐊᐱᐃᐧᐣ ᐁᑯᑕ ᐊᓂᒪ ᑭᐢᑫᔨᑕᒧᐦᐃᐁᐧᐃᐧᓂᐊᐧᑎᕽ, ᐃᑕ ᐊᓂᒪ ᒫᒪᐁᐧᔭᐢ ᑳ ᑲᓈᑕᕽ. 35ᐊᐧᔭᐃᐧᑎᒫᔨᕽ ᒫᑲ ᐊᓂᒪ ᐋᑯᔦᑲᐦᐃᑲᐣ ᑭ ᑲ ᐊᐢᑖᐣ ᐊᓂᒪ ᒥᒋᓱᐃᐧᓈᑎᐠ, ᐁᑯᓯ ᐊᓂᒪ ᐋᐧᐢᑌᓇᒫᑲᓈᑎᐠ ᑎᐱᐢᑯᐨ ᑭ ᑲ ᐊᐢᑖᐣ ᒥᑭᐋᐧᐱᕽ, ᓵᐊᐧᓄᑖᕽ, ᐃᑌᐦᑫ, ᐁᑯᓯ ᒥᒋᓱᐃᐧᓈᑎᐠ ᑭ ᑲ ᐊᐢᑖᐣ ᑭᐁᐧᑎᓄᕽ ᐃᑌᐦᑫ. 36ᑭ ᑲ ᐅᓯᐦᑖᐣ ᒫᑲ ᑭᑕ ᒪᓂ ᐊᑯᑌᐠ ᐃᐢᑳᐧᑌᒥᕽ ᒥᑭᐋᐧᐱᕽ, ᐁ ᒋᐯᑕᑳᐧᐠ, ᒥᓇ ᐁ ᒋᐯᑕᑯᒥᐦᑳᐧᐠ, ᒥᓇ ᐁ ᐸᑲᐢᑭᒥᐦᑳᐧᐠ, ᒥᓇ ᐁ ᒥᔪᒋᑳᑌᐠ ᐋᐧᐱᐢᑫᑭᐣ, ᐁ ᐃᓯᒋᑳᑕᕽ ᐅᒪᓯᓂᐢᑕᐃᑫᐤ. 37ᑭ ᑲ ᐅᓯᐦᑖᐣ ᒫᑲ ᐃᑕ ᐊᓂᒪ ᑭᑕ ᐊᑯᑌᐠ ᓂᔮᓇᐣ ᒋᒪᒋᑲᓇ ᐊᑫᓯᔭ ᑐᐋᐧᑎᐠ ᐅᐦᒋ, ᒥᓇ ᑭᑕ ᐁᐧᐁᐧᑲᒧᑖᔭᐣ ᐅᓵᐃᐧᓱᓂᔮᐤ; ᐅᒋᑳᐧᒋᑲᓈᐱᐢᑯᓴ ᑭᑕ ᐅᓵᐃᐧᓱᓂᔮᐋᐧᐱᐢᑯᐊᐧᓇᐧ; ᒥᓇ ᑭ ᑲ ᐅᓯᐦᑖᐣ ᑎᑳᐱᐢᑭᓯᑲᓂᕽ ᓂᔮᓇᐣ ᑖᐱᑎᑖᑲᓇ ᐅᓵᐋᐧᐱᐢᐠ ᐅᐦᒋ.
Currently Selected:
ᐁᐠᓴᑕᐢ 26: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
