ᐁᐠᓴᑕᐢ 25

1ᑳ ᑎᐯᔨᐦᒋᑫᐟ ᒫᑲ ᑭ ᑭᑐᑌᐤ ᒧᓯᓴ ᐁ ᐃᑌᐧᐟ. 2ᐃᐧᐦᑕᒪᐃᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᐅᑎᓇᑭᐠ ᓂᔭ ᐅᐦᒋ ᐸᑭᑎᓈᓱᐃᐧᐣ; ᑕᐦᑐ ᐊᔨᓯᔨᓂᐤ ᒋᑫᔨᑕᒧᐃᐧᓂᕽ ᑳ ᐅᐦᒋ ᒣᑭᐟ ᑭ ᑲ ᐅᑎᓇᒫᐧᓈᐋᐧᐤ ᐁ ᐸᑭᑎᓇᒪᐃᐧᐟ. 3ᐁᑯᑐᐊᐧ ᒫᑲ ᐅᒪ ᐸᑭᑎᓈᓱᐃᐧᐣ ᑫ ᐅᑎᓇᒪᐊᐧᒋᐠ; ᐅᓴᐃᐧᓱᓂᔮᐤ, ᒥᓇ ᐋᐧᐱᐢᑭᓱᓂᔮᐤ, ᒥᓇ ᐅᓵᐋᐧᐱᐢᐠ; 4ᒥᓇ ᒋᐯᑕᑫᐧᑭᐣ, ᒥᓇ ᒋᐯᑕᑯᒥᐦᑫᐧᑭᐣ, ᒥᓇ ᐸᑲᐢᑭ ᒥᐦᑫᐧᑭᐣ, ᐁ ᒥᔮᐧᓯᐠ ᐋᐧᐱᐢᑫᑭᐣ, ᒥᓇ ᐋᐧᐸᑎᑯᐱᐊᐧᔭ; 5ᒥᓇ ᔮᐯᒫᔭᑎᑯᔮᓇᐠ ᐁ ᒥᐦᑲᐧᑎᓱᒋᐠ, ᒥᓇ ᐋᐦᑭᑲᐧᔮᓇᐠ, ᒥᓇ ᐋᑫᓯᐊ ᑐᐋᐧᑎᐠ; 6ᒥᓇ ᐱᒥ ᑭᑕ ᐋᐧᓴᐢᑯᑌᓂᑳᑫᕽ, ᓯᐊᐧᔭᑫᐢᐠ ᑐᒥᓂᑲᓂ ᐱᒥᕽ ᑭᑕ ᐋᐸᑕᕽ ᒥᓇ ᐃᐧᑭᒫᓯᑲᓂᕽ; 7ᐋᓂᐠᐢ ᐊᓯᓂᔭᐠ, ᒥᓇ ᐊᓯᓂᔭᐠ ᑭᑕ ᑭᑲᒧᐃᐦᒋᐠ, ᐁᐸᑎᕽ ᑭᑕ ᐋᐸᑎᓯᒋᐠ ᒥᓇ ᐋᐧᐢᑭᑲᓈᐱᐢᑯᕽ. 8ᑭᔮᒼ ᒫᑲ ᓂ ᑲ ᐅᓯᐦᑕᒫᑲᐧᐠ ᑲᓈᒋᑲᒥᐠ ᑭᑕ ᐃᐧᒋ ᐊᔮᒪᑭᐠ. 9ᒣᐧᐦᒋ ᐊᓂᒪ ᑲᐦᑭᔭᐤ ᑫ ᐋᐧᐸᐦᑕᐦᐃᑖᐣ, ᑫ ᐃᓯᓈᑲᐧᕽ ᒥᑭᐋᐧᐦᑊ, ᒥᓇ ᑫ ᐃᓯᓈᑲᐧᑭ ᑲᐦᑭᔭᐤ ᐁᑯᑕ ᑫ ᐋᐸᑕᑭ, ᐁᑯᓯ ᑫ ᐃᓯᑖᔦᐠ.

10ᑭᑕ ᐅᓯᐦᑖᐊᐧᐠ ᒫᑲ ᒥᐢᑎᑯᐋᐧᐟ ᐋᑫᓯᔭ ᑐᐋᐧᑎᐠ ᐅᐦᒋ; ᓂᓱ ᑯᐱᑕ ᒥᓇ ᐋᐱᑕᐤ ᑭᑕ ᐃᐢᑳᐧᐤ, ᒥᓇ ᐯᔭᐠ ᑯᐱᐟ ᒥᓇ ᐋᐱᑕᐤ ᑭᑕ ᐃᐢᐱᑕᔭᑲᐢᑳᐤ, ᐁᑯᓯ ᐯᔭᐠ ᑯᐱᐟ ᒥᓇ ᐋᐱᑕᐤ ᑭᑕ ᐃᐢᐱᒋ ᐃᐢᐹᐤ. 11ᐁᑯᓯ ᒫᑲ ᒣᒧᐦᒋ ᐅᓵᐃᐧᓱᓂᔮᐤ ᑭ ᑲ ᐁᐧᐁᐧᑲᒧᐋᐤ, ᐱᐦᒑᔨᕽ ᒥᓇ ᐊᐧᐢᑭᐨ ᑭ ᑲ ᐁᐧᐁᐧᑲᒧᐋᐤ, ᐁᑯᓯ ᒪᓯᓂᑯᒋᑲᐣ ᑭ ᑲ ᐊᐢᑖᐣ ᐅᓵᐃᐧᓱᓂᔮᐤ ᐅᐦᒋ ᒥᓯᐁᐧ ᐋᐧᓴᑳᒼ. 12ᐁᑯᓯ ᑭ ᑲ ᐅᓯᐦᑖᐣ ᑎᐦᑳᐱᐢᑭᓯᑲᓂᕽ ᓀᐤ ᐅᓵᐃᐧᓱᓂᔮᐤ ᓵᐳᑕᐁᐧᔮᐱᐢᑲᐧ, ᑭ ᑲ ᐊᐢᑖᐣ ᒫᑲ ᓀᐊᐧᔭᐠ ᐁ ᑭᐦᑫᔮᐠ; ᓂᓱ ᓵᐳᑕᐁᐧᔮᐱᐢᑲᐧ ᓇᐸᑌ ᑭᑕ ᐊᔮᐊᐧ, ᐁᑯᓯ ᓂᓱ ᓵᐳᑕᐁᐧᔮᐱᐢᑲᐧ ᑫᐧᐢᑭᑌ ᑭᑕ ᐊᔮᐊᐧ. 13ᐁᑯᓯ ᒫᑲ ᑭ ᑲ ᐅᓯᐦᑖᐣ ᓂᓱ ᐊᐸᓱᔭ ᐊᑫᓯᔭ ᑐᐋᐧᑎᐠ ᐅᐦᒋ, ᒥᓇ ᑭᑕ ᐁᐧᐁᐧᑲᒧᐊᐟ ᐊᓵᐃᐧᓱᓂᔮᐤ. 14ᐁᑯᓯ ᑭ ᑲ ᓵᐳᒧᑖᐣ ᐊᐸᓱᔭ ᓵᐳᑕᐁᐧᔮᐱᐢᑯᕽ ᐋᔨᑕᐤ ᒥᐢᑎᑯᐊᐧᑎᕽ ᑳ ᐊᔮᑭ ᑭᑕ ᐅᐦᒋ ᐱᒥᐃᐧᑖᕽ ᒥᐢᑎᑯᐊᐧᐟ. 15ᐊᓂᐦᐃ ᐊᐸᓱᔭ ᑭᑕ ᓵᐳᒧᓇᐧ ᓵᐳᑕᐁᐧᔮᐱᐢᑳᕽ ᐊᓂᑕ ᒥᐢᑎᑯᐊᐧᑎᕽ, ᓇᒪᐃᐧᔭ ᑭᑕ ᑫᒋᑯᓂᑳᑌᐊᐧ. 16ᐁᑯᓯ ᒫᑲ ᑭ ᑲ ᐊᓯᐊᐧᑖᐣ ᐁᑯᑕ ᒥᐢᑎᑯᐊᐧᑎᕽ ᐊᓂᒪ ᑭᐢᑫᔨᑕᒧᐦᐃᐁᐧᐃᐧᐣ ᑫ ᒥᔨᑖᐣ. 17#ᐦᐃᐸᕒᐅᐊᐧ 9:5ᑭ ᑲ ᐅᓯᐦᑕᒪᐃᐧᐣ ᒫᑲ ᑭᓭᐋᐧᑎᓯᐃᐧᓂᐊᐱᐃᐧᐢ ᒣᒧᐦᒋ ᐅᓵᐃᐧᓱᓂᔮᐤ ᐅᐦᒋ; ᓂᓱ ᑯᐱᑕ ᒥᓇ ᐋᐱᑕᐤ ᑭᑕ ᐃᐢᑳᐧᐤ, ᐯᔭᐠ ᑯᐱᐟ ᒥᓇ ᐋᐱᑕᐤ ᑭᑕ ᐃᐢᐱᑕᔭᑲᐢᑳᐤ. 18ᐁᑯᓯ ᒫᑲ ᑭ ᑲ ᐅᓯᐦᐋᐊᐧᐠ ᓂᓱ ᒉᕒᐊᐱᒼ ᐅᓵᐃᐧᓱᓂᔮᐤ ᐅᐦᒋ; ᐁ ᐃᑕᑕᐅᐦᐟ ᓱᓂᔮᐤ ᑭᑕ ᐃᓯ ᐅᓯᐦᒋᑳᓱᐊᐧᐠ, ᐋᔨᑕᐤ ᐁ ᑭᓯᐹᐠ ᑭᓭᐋᐧᑎᓯᐃᐧᓂ ᐊᐱᐃᐧᐣ. 19ᑭ ᑲ ᐅᓯᐦᐋᐤ ᒫᑲ ᐯᔭᐠ ᒉᕒᐊᑊ ᓇᐸᑌ ᑭᓯᐸᓄᕽ, ᐁᑯᓯ ᑯᑕᐠ ᒉᕒᐊᑊ ᑫᐧᐢᑭᑌ ᑭᓯᐸᓄᕽ; ᑭᑕ ᒫᒪᐊᐧᐣ ᐊᓂᒪ ᑭᓭᐋᐧᑎᓯᐃᐧᓂ ᐊᐱᐃᐧᐣ ᒥᓇ ᐊᓂᑭ ᒉᕒᐊᐱᒼ ᐊᔨᑕᐤ ᐁ ᑭᓯᐹᐠ. 20ᐊᓂᑭ ᒫᑲ ᒉᕒᐊᐱᒼ ᐃᐢᐱᒥᕽ ᑭᑕ ᐃᓯ ᓱᐃᐧᑕᑕᑲᐧᓀᐊᐧᐠ, ᑭᑕ ᐋᑯᐢᑲᑭᐠ ᑭᓭᐋᐧᑎᓯᐃᐧᓂ ᐊᐱᐃᐧᐣ ᐅ ᑕᑕᑲᐧᓂᐋᐧᐊᐧ ᐅᐦᒋ, ᐁ ᐁᐧᐋᐧᐦᒋᑳᐸᐃᐧᐢᑖᑐᒋᐠ, ᑭᓭᐊᐧᑎᓯᐃᐧᓂ ᐊᐱᐃᐧᓂᕽ ᑭᑕ ᐃᑎᐢᑫᐧᑳᐸᐃᐧᐊᐧᐠ ᐊᓂᑭ ᒉᕒᐊᐱᒼ. 21ᑭ ᑲ ᑌᑕᐢᑖᐣ ᒫᑲ ᐊᓂᒪ ᑭᓭᐋᐧᑎᓯᐃᐧᓂ ᐊᐱᐃᐧᐣ ᒥᐢᑎᑯᐊᐧᑎᕽ; ᒥᐢᑎᑯᐊᐧᑎᕽ ᒫᑲ ᑭ ᑲ ᐊᓯᐊᐧᑖᐣ ᐊᓂᒪ ᑭᐢᑫᔨᑕᒧᐦᐃᐁᐧᐃᐧᐣ ᑫ ᒥᔨᑖᐣ. 22ᐁᑯᑕ ᒫᑲ ᑫ ᓇᑭᐢᑳᑖᐣ, ᒥᓇ ᐁᑯᑕ ᑭ ᑲ ᐃᐧᒋ ᐱᑭᐢᑫᐧᒥᑎᐣ ᐃᐢᐱᒥᕽ ᑭᓭᐋᐧᑎᓯᐃᐧᓂ ᐊᐱᐃᐧᓂᕽ ᐅᐦᒋ, ᑕᐢᑕᐋᐧᔨᕽ ᐊᓂᑭ ᓂᓱ ᒉᕒᐊᐱᒼ ᑳ ᐊᔮᒋᐠ ᑭᐢᑫᔨᑕᒧᐦᐃᐁᐧᐃᐧᓂᐊᐧᑎᕽ, ᑲᐦᑭᔭᐤ ᑫᑲᐧᐩ ᑫ ᐃᑕᓱᐋᐧᑎᑖᐣ ᑭᑕ ᑭᐢᑫᔨᑕᒧᐊᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.

23ᒥᓇ ᒫᑲ ᑭ ᑲ ᐅᓯᐦᑖᐣ ᒥᒋᓱᐃᐧᓈᑎᐠ ᐋᑫᓯᔭ ᑐᐋᐧᑎᐠ ᐅᐦᒋ; ᓂᓱ ᑯᐱᑕ ᑭᑕ ᐃᐢᑳᐧᐤ, ᒥᓇ ᐯᔭᐠ ᑯᐱᐟ ᑭᑕ ᐃᐢᐱᑕᔭᑲᐢᑳᐤ, ᒥᓇ ᐯᔭᐠ ᑯᐱᐟ ᒥᓇ ᐋᐱᑕᐤ ᑭᑕ ᐃᐢᐱᐦᒋ ᐃᐢᐸᐤ, 24ᐁᑯᓯ ᒫᑲ ᑭ ᑲ ᐁᐧᐁᐧᑲᒧᐋᐤ ᒣᒧᐦᒋ ᐅᓵᐃᐧᓱᓂᔮᐤ, ᐁᑯᑕ ᒫᑲ ᒪᓯᓂᑯᒋᑲᐣ ᑭ ᑲ ᐊᐢᑕᐣ ᐅᓵᐃᐧᓱᓂᔮᐤ ᐅᐦᒋ ᒥᓯᐁᐧ ᐋᐧᓴᑳᒼ. 25ᑭ ᑲ ᐋᐧᓴᑳᒣᒧᑖᐣ ᒫᑲ ᒥᒋᐦᒋ ᐁ ᐃᐢᐱᑕᔭᑲᐢᑳᐠ; ᐁᑯᑕ ᒫᑲ ᑭ ᑲ ᐊᐢᑖᐣ ᐅᓵᐃᐧᓱᓂᔮᐤ ᒪᓯᓂᑯᒋᑲᐣ ᒥᓯᐁᐧ ᐋᐧᓴᑳᒼ. 26ᐁᑯᓯ ᒫᑲ ᑭ ᑲ ᐅᓯᐦᑖᐣ ᐁᑯᑕ ᑭᑕ ᐋᐸᑖᑭ ᓀᐤ ᐅᓵᐃᐧᓱᓂᔮᐤ ᓵᐳᑕᐁᐧᔮᐱᐢᑲᐧ, ᑭ ᑲ ᐊᐢᑖᐣ ᒫᑲ ᐊᓂᐦᐃ ᓀᐤ ᓵᐳᑕᐁᐧᔮᐱᐢᑲᐧ ᐁ ᑲᑭᑫᔮᐠ ᐃᑕ ᐅᐢᑳᑕ ᑳ ᓀᐃᐧᑭ ᐁ ᐊᔮᑭ. 27ᒋᑭ ᑳ ᐋᐧᐢᑳᔮᐠ ᐁᑯᑕ ᐊᓂᐦᐃ ᓵᐳᑖᐁᐧᔮᐱᐢᑲᐧ ᑫ ᐊᔮᑭ, ᑭᑕ ᑖᐱᑎᑭ ᐊᐸᓱᔭ ᐃᑕ ᑭᑕ ᐅᐦᒋ ᐱᒥᐃᐧᑖᕽ ᐊᓂᒪ ᒥᒋᓱᐃᐧᓈᑎᐠ. 28ᐁᑯᓯ ᒫᑲ ᑭ ᑲ ᐅᓯᐦᑖᐣ ᐊᐸᓱᔭ ᐊᑫᓯᔭ ᑐᐋᐧᑎᐠ ᐅᐦᒋ, ᒥᓇ ᐅᓵᐃᐧᓱᓂᔮᐤ ᑭ ᑲ ᐁᐧᐁᐧᑲᒧᐊᐧ; ᑭᑕ ᐅᐦᒋ ᐱᒥᐃᐧᑖᕽ ᒥᒋᓱᐃᐧᓈᑎᐠ. 29ᑭ ᑲ ᐅᓯᐦᑖᐣ ᒫᑲ ᐅᔮᑲᓇ ᒥᓇ ᐁᒥᑳᐧᓇᐠ, ᒥᓇ ᐊᓯᐊᐧᒋᑲᓇ, ᒥᓇ ᒥᓂᑳᐧᑲᓇ, ᐃᑕ ᑭᑕ ᓯᑭᓇᒥᕽ ᑫᑲᐧᐩ, ᒣᒧᐦᒋ ᐅᓵᐃᐧᓱᓂᔮᐤ ᑭ ᑲ ᐅᐦᒋ ᐅᓯᐦᑖᐣ. 30#ᓬᐃᐱᑎᑲᐢ 24:5-8ᒥᒋᓯᐃᐧᓈᑎᑯᕽ ᒫᑲ ᒧᓴᐠ ᑭ ᑲ ᐅᔭᐢᑕᒪᐃᐧᐣ ᐋᐧᐸᐦᑕᐦᐃᐁᐧᐃᐧ ᐸᐦᑫᐧᓯᑲᐣ.

31ᒥᓇ ᑭ ᑲ ᐅᓯᐦᑖᐣ ᐋᐧᓴᐢᑯᑌᓂᑲᓈᑎᐠ ᒣᒧᐦᒋ ᐅᓵᐃᐧᓱᓂᔮᐤ; ᐁ ᐊᔨᑕᑕᐃᑳᑌᐠ ᑭᑕ ᐃᓯ ᐅᓯᐦᒋᑳᑌᐤ ᐊᓂᒪ ᐋᐧᓴᐢᑯᑌᓂᑲᓈᑎᐠ, ᐃᑕ ᐁ ᐊᐢᐸᐢᑭᑌᐠ, ᒥᓇ ᐁ ᐅᐢᑳᑎᐊᐧᕽ; ᐁ ᐃᓯᒋᑳᑌᐠ ᐋᐧᔭᐱᐢᑲᑕᐃᑲᓂᓴ, ᐸᐯᐢᑯᒥᓂᑳᓇ, ᒥᓇ ᐋᐧᐱᑯᓂᑲᓇ ᑲᐦᑭᔭᐤ ᑭᑕ ᒫᒪᐋᐧᐣ. 32ᓂᑯᑖᐧᓵᐧᐤ ᒫᑲ ᑭᑕ ᐸᐢᑫᔮᐤ ᐋᔨᑕᐤ ᐅᐦᒋ; ᓂᐢᑖᐧᐤ ᑭᑕ ᐸᐢᑫᔮᐤ ᓇᐸᑌ ᐋᐧᓴᐢᑯᑌᓂᑯᓈᑎᑯᕽ, ᒥᓇ ᓂᐢᑖᐧᐤ ᑭᑕ ᐸᐢᑫᔮᐤ ᐋᐧᓴᐢᑯᑌᓂᑲᓈᑎᑯᕽ ᑫᐧᐢᑭᑌ. 33ᓂᐢᑐ ᐋᐧᔮᐱᐢᑲᑕᐃᑲᓂᓴ ᑖᐱᐢᑯᐨ ᓇᐸᑭᐸᑳᓂ ᐋᐧᐱᑯᓂᔭ ᐯᔭᐠ ᐁ ᐸᐢᑫᔮᐠ, ᐁᑯᓯ ᐸᐯᐢᑯᒥᓂᑳᐣ ᒥᓇ ᐋᐧᐱᑯᓂᑳᐣ; ᐁᑯᓯ ᓂᐢᑐ ᐋᐧᔮᐱᐢᑲᑕᐃᑲᓂᓴ ᑖᐱᐢᑯᐨ ᓇᐸᑭᐸᑳᓂ ᐋᐧᐱᑯᓂᔭ ᑯᑕᐠ ᐁ ᐸᐢᑫᔮᐠ ᐁᑯᓯ ᐸᐯᐢᑯᒥᓂᑳᐣ ᒥᓇ ᐋᐧᐱᑯᓂᑳᐣ; ᐁᑯᓯ ᒫᑲ ᑲᐦᑭᔭᐤ ᓂᑯᑖᐧᓵᐧᐤ ᑳ ᐸᐢᑫᔮᐠ ᐋᐧᓴᐢᑯᑌᓂᑲᓈᑎᐠ. 34ᐋᐧᓴᐢᑯᑌᓂᑲᓈᑎᑯᕽ ᒫᑲ ᓀᐤ ᐋᐧᔮᐱᐢᑲᑕᐃᑲᓂᓴ ᑖᐱᐢᑯᐨ ᓇᐸᑭᐸᑳᓂ ᐋᐧᐱᑯᓂᔭ ᐁ ᐃᓯᒋᑳᑌᑭ, ᐁ ᐸᐯᐢᑯᒥᓂᑳᓂᐊᐧᕽ ᒥᓇ ᐁ ᐋᐧᐱᑯᓂᑳᓂᐋᐧᕽ; 35ᐁᑯᓯ ᒥᓇ ᐸᐯᐢᑯᒥᓂᑳᐣ ᑭᑕ ᐊᔮᐤ ᓯᐸ ᓂᓱ ᑳ ᐸᐢᑫᔮᑭ, ᒥᓇ ᐸᐯᐢᑯᒥᓂᑳᐣ ᓯᐹ ᐃᑕ ᒥᓇ ᓂᓱ ᑳ ᐸᐢᑫᔮᑭ, ᒥᓇ ᐸᐯᐢᑯᒥᓂᑳᐣ ᓯᐹ ᐃᑕ ᓂᓱ ᑳ ᐸᐢᑫᔮᑭ, ᑲᐦᑭᔭᐤ ᐁ ᒫᒪᐊᐧᑭ, ᐁᑯᓯ ᐃᓯ ᓂᑯᑖᐧᓯᐠ ᑳ ᐸᐢᑫᔮᑭ ᐋᐧᓴᐢᑯᑌᓂᑲᓈᑎᑯᕽ. 36ᐁ ᐸᐯᐢᑯᒥᓂᑳᒋᑳᑌᑭ ᒥᓇ ᐁ ᐸᐢᑫᔮᑭ ᑭᑕ ᒫᒪᐊᐧᐣ ᑭᑭ ᐋᐧᓴᐢᑯᑌᓂᑲᓈᑎᐠ ᐁᑯᓯ ᒫᒪᐃᐧ ᑭᑕ ᐊᔨᑕᑕᐋᐧᐤ ᒣᒧᐦᒋ ᐅᓵᐃᐧᓱᓂᔮᐤ. 37ᐁᑯᓯ ᑭ ᑲ ᐅᓯᐦᑖᐣ ᐋᐧᓴᐢᑯᑌᓂᑲᓇ ᑭᑕ ᐊᔮᑭ ᑌᐸᑯᑊ; ᑭᑕ ᓴᐢᑲᐦᐊᒪᐧᐠ ᒫᑲ ᐋᐧᓴᐢᑯᑌᓂᑲᓇ ᑭᑕ ᐋᐧᐢᑌᐠ ᐁᑯᑕ. 38ᒥᓇ ᒥᒋᒥᓂᑲᓇ, ᒥᓇ ᑭᐢᑲᓴᐁᐧᓯᑲᓇ ᑫ ᐊᓯᐊᐧᑌᑭ, ᒣᒧᐦᒋ ᐅᓵᐃᐧᓱᓂᔮᐤ ᑭᑕ ᐅᐦᒋ ᐅᓯᐦᒋᑳᑌᐊᐧ. 39ᐯᔭᐠ ᑖᓬᐊᐣᐟ ᐃᔨᑯᕽ ᒣᒧᐦᒋ ᐅᓵᐃᐧᓱᓂᔮᐤ ᑭᑕ ᐅᐦᒋ ᐅᓯᐦᒋᑳᑌᐤ ᐊᓯᒋ ᑲᐦᑭᔭᐤ ᐅᐦᐃ ᐊᓯᐊᐧᒋᑲᓇ. 40#ᐃᓯᐦᒋᑫᐃᐧᓂᐋᐧᐊᐧ 7:44; ᐦᐃᐸᕒᐅᐊᐧ 8:5ᑭᑖᐸᑕ ᒫᑲ ᑭᑕ ᐃᓯ ᐅᓯᐦᑖᔭᐣ ᑳ ᐃᓯ ᑭᐢᑭᓇᐋᐧᐸᐦᑕᐃᑲᐃᐧᔭᐣ, ᑳ ᑭ ᐋᐧᐸᐦᑕᐦᐃᑲᐃᐧᔭᐣ ᐊᐧᒋᕽ.

Currently Selected:

ᐁᐠᓴᑕᐢ 25: KKMs

Highlight

Copy

Compare