ᐁᐠᓴᑕᐢ 21
21
1ᐁᐊᐧᑯᓂ ᒫᑲ ᐅᐦᐃ ᐅᔭᓱᐋᐧᓯᐁᐧᐃᐧᓇ ᑫ ᐅᐦᑎᐢᑲᐊᐧᐢᑐᐊᐧᒋᐠ.
2 #
ᓬᐃᐱᑎᑲᐢ 25:39-46
ᑭᐢᐱᐣ ᐊᑖᐁᐧᔭᓂ ᐦᐃᐸᕒᐅ ᐊᑐᐢᑫᔮᑲᐣ, ᓂᑯᑖᐧᓯᐠ ᐊᐢᑭ ᑭᑕ ᐊᑐᐢᑫᐤ; ᑌᐸᑯᑊ ᒫᑲ ᑕᐦᑐ ᐊᐢᑭᐊᐧᑭ ᑭᑕ ᐊᐧᔭᐃᐧᐤ ᐁ ᑎᐯᔨᒥᓱᐟ ᐁᑳ ᑫᑲᐧᐩ ᐁ ᑎᐸᐊᕽ. 3ᑭᐢᐱᐣ ᑭ ᐯᔭᑯ ᐁ ᐯ ᐱᐦᑐᑫᐟ ᑭᑕ ᐯᔭᑯ ᐊᐧᔭᐃᐧᐤ; ᑭᐢᐱᐣ ᑳ ᐃᐧᐃᐧᑫᐧ ᐃᐧᐊᐧ ᑭᑕ ᐃᐧᒉᐃᐧᐠ ᐁ ᐊᐧᔭᐃᐧᐟ. 4ᑭᐢᐱᐣ ᒫᑲ ᐅᑭᒫᒪ ᒣᑭᐢᑫᐧᐊᐧᒥᑯᒋ, ᑭ ᓂᐦᑖᐃᐧᑭᑕᒫᑯᒋ ᒫᑲ ᐅᑯᓯᓴ ᐊᐦᐳ ᐅᑖᓂᓴ; ᐃᐧᐊᐧ ᒥᓇ ᐅᐟ ᐊᐋᐧᓯᒥᓴ ᐅᑭᒫᒪ ᑭᑕ ᑎᐯᔨᒣᔨᐊᐧ, ᐁᑯᓯ ᑭᑕ ᐯᔭᑯ ᐊᐧᔭᐃᐧᐤ. 5ᒫᑲ ᑭᐢᐱᐣ ᐊᓇ ᐊᑐᐢᑫᔮᑲᐣ ᒧᓯᓭ ᐃᑌᐧᒋ, ᓂ ᓵᑭᐦᐋᐤ ᓂᐟ ᐅᑭᒫᐣ, ᓂᐊᐧ, ᒥᓇ ᓂᐟ ᐊᐋᐧᓯᒥᓴᐠ; ᓇᒪᐃᐧᔭ ᓂ ᑲ ᑎᐯᔨᒥᓱᐃᐧ ᐊᐧᔭᐃᐧᐣ; 6ᐁᑲᐧ ᐅᑭᒫᒪ ᑭᑕ ᐃᑐᑕᐃᐠ ᐃᑕ ᐁ ᐊᔮᔨᐟ ᐅᔭᓱᐁᐧᐃᐧᔨᓂᐊᐧ, ᒥᓇ ᐃᐢᑳᐧᑌᒥᕽ ᑭᑕ ᐃᑐᑕᐃᐠ, ᐊᐦᐳ ᐃᐢᑳᐧᑌᒥ ᒋᒪᒋᑲᓂᕽ; ᐅᐟ ᐅᑭᒫᒪ ᒫᑲ ᑭᑕ ᐸᑯᓀᑕᐊᐧᑫᐅᐠ ᐅᐢᑳᒋᕽ ᐅᐦᒋ; ᐁᑯᓯ ᑭᑕ ᓈᐢᐱᒋ ᐊᑐᐢᑲᐁᐧᐤ.
7ᑭᐢᐱᐣ ᐊᔨᓯᔨᓂᐤ ᐊᑖᐋᐧᑫᒋ ᐅᑖᓂᓴ ᑭᑕ ᐊᑐᐢᑫᔮᑲᓂᐢᑫᐧᐃᐧᔭᐟ, ᓇᒪᐃᐧᔭ ᑭᑕ ᐋᐧᔭᐃᐧᐤ ᑖᐱᐢᑯᐨ ᓈᐯᐊᐧᑐᐢᑫᔮᑲᓇᐠ ᑳ ᑐᑕᐦᑭᐠ. 8ᑭᐢᐱᐣ ᐁᑳ ᓇᐦᐃᔭᐁᐧᐋᒋ ᐅᑭᒫᒪ ᑳ ᑭ ᑭᐢᑭᒥᑯᐟ ᑭᔮᒼ ᑭᑕ ᐸᑭᑎᓂᐠ ᑭᑕ ᑎᐸᐅᐦᐟ; ᑭᑕ ᐊᑖᐋᐧᑳᑎᑯᐟ ᐱᑐᐢ ᐊᔨᓯᔨᓂᓈᕽ ᓇᒪᐃᐧᔭ ᑭᑕ ᑲᐢᑭᐦᑖᔨᐊᐧ, ᒋᑫᒫ ᐁ ᑭ ᑲᔦᓯᑐᑖᑯᐟ. 9ᑭᐢᐱᐣ ᒫᑲ ᑭᐢᑭᒫᒋ ᐅᑯᓯᓴ ᐅᐦᒋ ᑭᑕ ᐃᐦᑐᑕᐁᐧᐤ ᑖᐱᐢᑯᐨ ᑳ ᐃᐦᑐᑖᐦᒋᐠ ᐁ ᐅᑖᓂᓯᕽ. 10ᑭᐢᐱᐣ ᒫᑲ ᐅᑎᓇᒫᓱᒋ ᑯᑕᑲ ᐃᐢᑫᐧᐊᐧ; ᐅ ᒥᒋᐃᐧᓂᔨᐤ, ᐅ ᑭᑭᐢᑲᒋᑲᓂᔨᐤ, ᒥᓇ ᐅ ᑎᐱᑐᑖᑯᐃᐧᐣ ᐃᐧᑭᑐᐃᐧᓂᕽ ᓇᒪᐃᐧᔭ ᑭᑕ ᐊᒋᐃᐧᓇᒪᐋᐧᐤ. 11ᑭᐢᐱᐣ ᒫᑲ ᐅᐦᐃ ᓂᐢᑐ ᐁᑳ ᐃᐦᑐᑕᐋᐧᒋ, ᐁᑲᐧ ᑭᑕ ᐊᐧᔭᐃᐧᐤ ᐁᑳ ᑫᑲᐧᐩ ᐁ ᑎᐸᐊᕽ, ᐁᑳ ᓱᓂᔮᐤ ᐁ ᐋᐸᑎᓯᐟ.
12 #
ᓬᐃᐱᑎᑲᐢ 24:17
ᐊᓇ ᑳ ᐸᑲᒪᐋᐧᐟ ᐊᔨᓯᔨᓂᐊᐧ ᐁᑯᓯ ᑳ ᓂᐱᔨᐟ ᑫᐦᒋᓈ ᑭᑕ ᓂᐸᐦᐋᐤ. 13#ᓇᒼᐸᕒᐢ 35:10-34; ᑎᔪᑕᕒᐊᓇᒥ 19:1-13; ᒑᐢᔪᐊ 20:1-9ᑭᐢᐱᐣ ᒫᑲ ᐊᔨᓯᔨᓂᐤ ᐁᑳ ᐊᓴᐧᐋᐧᒋ ᒫᑲ ᑭᓭᒪᓂᑐᐊᐧ ᐸᑭᑎᓇᒫᑯᒋ ᐅᒋᐦᒋᕽ; ᐁᑯᓯ ᐃᓯ ᓂ ᑲ ᐅᔭᑭᑕᒪᐋᐧᐤ ᐃᑕ ᑭᑕ ᐃᑖᒧᐟ. 14ᒫᑲ ᑭᐢᐱᐣ ᐊᔨᓯᔨᓂᐤ ᐅᐦᒋᑕᐤ ᒧᐢᑭᐢᑕᐋᐧᒋ ᐃᐧᒋ ᐊᔨᓯᔨᓂᐊᐧ ᑭᑕ ᑲᔦᓯ ᓂᐸᐦᐋᐟ; ᑭ ᑲ ᐅᑎᓈᐤ ᓂ ᐸᑭᑎᓈᓱᐃᐧᓈᐱᐢᑯᕽ ᐅᐦᒋ ᑭᑕ ᓂᐱᐟ.
15ᐊᓇ ᑳ ᐸᑲᒪᐋᐧᐟ ᐅᑖᐃᐧᔭ ᐊᐦᐳ ᐅᑳᐃᐧᔭ ᑫᐦᒋᓈ ᑭᑕ ᓂᐸᐦᐋᐤ.
16 #
ᑎᔪᑕᕒᐊᓇᒥ 24:7
ᐊᓇ ᑳ ᑭᒧᑎᐟ ᐊᔨᓯᔨᓂᐊᐧ ᒥᓇ ᑳ ᐊᑖᐋᐧᑫᐟ, ᐊᐦᐳ ᒥᐢᑳᐦᒋ ᐁ ᒥᒋᒥᓈᐟ, ᑫᐦᒋᓈ ᑭᑕ ᓂᐸᐦᐋᐤ.
17 #
ᓬᐃᐱᑎᑲᐢ 20:9; ᒫᐟᔪ 15:4; ᒫᕒᐠ 7:10 ᐊᓇ ᑳ ᒪᒋᐃᑖᐟ ᐅᐦᑖᐃᐧᔭ ᐊᐦᐳ ᐅᑳᐃᐧᔭ ᑫᐦᒋᓈ ᑭᑕ ᓂᐸᐦᐋᐤ.
18ᑭᐢᐱᐣ ᓈᐯᐊᐧᐠ ᒫᓯᐃᑐᑖᐧᐃᐧ, ᐯᔭᐠ ᒫᑲ ᐸᑲᒪᐋᐧᒋ ᑯᑕᑲ ᐊᓯᓂᔭ ᐅᐦᒋ, ᐊᐦᐳ ᐅᒋᐦᒋ ᐅᐦᒋ, ᐁᑳ ᒫᑲ ᓂᐱᔨᒋ, ᒫᑲ ᐱᑯ ᐱᒥᓯᕽ ᐅ ᓂᐯᐃᐧᓂᐠ. 19ᑭᐢᐱᐣ ᑳᐃᐧ ᐊᐧᓂᐢᑳᔨᒋ ᒥᓇ ᐸᐹ ᓴᐢᑲᐅᑌᔨᒋ, ᐊᓇ ᑳ ᑭ ᐸᑲᒪᐋᐧᐟ ᑭᑕ ᐸᐢᐱᐤ; ᐱᑯ ᑭᑕ ᑎᐸᐊᒼ ᐁ ᑭ ᐊᐧᓂᒋᑫᔨᐟ ᐅ ᑭᓯᑲᒥᔨᐊᐧ, ᒥᓇ ᑭᑕ ᐃᓯᐦᒋᑫᐤ ᒥᑐᓂ ᑭᑕ ᓇᓈᑕᐃᐧᐃᒥᐦᐟ.
20ᑭᐢᐱᐣ ᐊᔨᓯᔨᓂᐤ ᐸᑲᒪᐋᐧᒋ ᐅᐟ ᐊᑐᐢᑫᔮᑲᓇ ᐊᐦᐳ ᐅᐟ ᐊᑐᐢᑫᔮᑲᓂᐢᑫᐧᒪ, ᒥᐢᑎᐠ ᐅᐦᒋ ᐁᑯᓯ ᐅᒋᐦᒋ ᐅᐦᒋ ᓂᐱᔨᒋ; ᑫᐦᒋᓈ ᑭᑕ ᐅᔭᓱᐋᐧᑖᐤ. 21ᒫᑲ ᐃᐧᔭ ᑭᐢᐱᐣ ᐁᑳ ᓭᒫᐠ ᓂᐱᔨᒋ, ᓇᒪᐃᐧᔭ ᑭᑕ ᐅᔭᓱᐋᐧᑖᐤ, ᒋᑫᒫ ᐃᐧᔭ ᐅ ᓱᓂᔮᒪ.
22ᑭᐢᐱᐣ ᓈᐯᐊᐧᐠ ᓄᑎᓂᑐᑖᐧᐃᐧ, ᐁᑯᓯ ᐃᐧᓴᑭᐢᑲᐋᐧᑖᐧᐃᐧ ᐃᐢᑫᐧᐊᐧ ᐊᐋᐧᓯᓴ ᐁ ᑭᑭᐢᑲᐋᐧᔨᐟ; ᐁᑯᓯ ᐊᐧᓂᐋᒋ ᐅᐟ ᐊᐋᐧᓯᒥᓴ, ᐁᑳ ᒫᑲ ᓇᐣᑕᐤ ᐊᐊᐧᓯᒣ ᐃᐢᐸᔨᑭ; ᑫᐦᒋᓈ ᑭᑕ ᑎᐸᐦᐃᑫᐋᐤ ᐱᑭᐧᔨᑯᕽ ᐊᓇ ᐃᐢᑫᐧᐤ ᐅ ᓈᐯᒪ ᑫ ᐃᑕᑭᑕᒪᐋᐧᑫᐧ; ᐁᑯᓯ ᑭᑕ ᑎᐸᐦᐃᑫᐤ ᐅᔭᓱᐁᐧᐃᐧᔨᓂᐊᐧ ᑫ ᐃᑕᓱᐁᐧᔨᐟ. 23ᒫᑲ ᑭᐢᐱᐣ ᐊᔨᐋᐧᐠ ᐃᐢᐸᔨᑭ, ᐁᑲᐧ ᑫ ᐸᑭᑎᓇᒪᐣ ᐱᒫᑎᓯᐃᐧᐣ ᒥᐢᑯᐨ ᐱᒫᑎᓯᐃᐧᐣ. 24#ᓬᐃᐱᑎᑲᐢ 24:19,20; ᑎᔪᑕᕒᐊᓇᒥ 19:21; ᒫᐟᔪ 5:38ᒥᐢᑭᓯᐠ ᒥᐢᑯᐨ ᒥᐢᑭᓯᐠ, ᒥᐱᐟ ᒥᐢᑯᐨ ᒥᐱᐟ, ᒥᒋᐦᒋ ᒥᐢᑯᐨ ᒥᒋᐦᒋ, ᒥᓯᐟ ᒥᐢᑯᐨ ᒥᓯᐟ. 25ᑭᓯᓱᐃᐧᐣ ᒥᐢᑯᐨ ᑭᓯᓱᐃᐧᐣ, ᒥᓵᐧᑲᓂᑳᑎᑯᐃᐧᐣ ᒥᐢᑯᐨ ᒥᓵᐧᑲᓂᑫᐃᐧᐣ, ᐸᓴᐢᑌᐅᑯᐃᐧᐣ ᒥᐢᑯᐨ ᐸᓴᐢᑌᐅᐁᐧᐃᐧᐣ.
26ᑭᐢᐱᐣ ᐊᔨᓯᔨᓂᐤ ᐸᑲᒪᐋᐧᒋ ᐅᐟ ᐊᑐᐢᑫᔮᑲᓇ ᐅᐢᑭᓯᑯᔨᕽ, ᐊᐦᐳ ᐅᐟ ᐊᑐᐢᑫᔮᑲᓂᐢᑫᐧᒪ ᐅᐢᑭᓯᑯᔨᕽ ᐁᑯᓯ ᓂᓯᐊᐧᓈᒋᐦᑖᐋᐧᒋ; ᑭᑕ ᐸᑭᑎᓀᐤ ᑭᑕ ᑎᐯᔨᒥᓱᔨᐟ ᐅᐢᑭᓯᑯᔨᐤ ᐅᐦᒋ. 27ᑭᐢᐱᐣ ᒫᑲ ᑭᑕ ᑲᐢᑳᐱᑌᐁᐧᐤ ᐅᐟ ᐊᑐᐢᑫᔮᑲᓇ, ᐊᐦᐳ ᑭᐢᐱᐣ ᑭᑕ ᑲᐢᑳᐱᑌᐁᐧᐤ ᐅᐟ ᐊᑐᐢᑫᔮᑲᓂᐢᑫᐧᒪ; ᑭᑕ ᐸᑭᑎᓀᐤ ᑭᑕ ᑎᐯᔨᒥᓱᔨᐟ ᐃᐧᐱᑎᔨᐤ ᐅᐦᒋ.
28ᑭᐢᐱᐣ ᒧᐢᑐᐢ ᐁᐧᐸᐊᐧᒋ ᓈᐯᐊᐧ ᐊᐦᐳ ᐃᐢᑫᐧᐊᐧ, ᓂᐱᔨᒋ ᒫᑲ, ᐊᓇ ᒧᐢᑐᐢ ᑭᑕ ᐱᒪᐧᐱᐢᑲᐋᐧᐤ, ᐁᑯᓯ ᐅ ᐃᐧᔮᐢ ᓇᒪᐃᐧᔭ ᑭᑕ ᒥᒋᐋᐧᐣ; ᒫᑲ ᐃᐧᔭ ᑳ ᐅ ᒧᐢᑐᓱᒥᐟ ᑭᑕ ᐸᐢᐱᐤ. 29ᒫᑲ ᑭᐢᐱᐣ ᐊᓇ ᒧᐢᑐᐢ ᑳ ᑭᐢᑫᔨᑖᑯᓯᑫᐧ ᑲᔭᐦᑌ ᐁ ᑭ ᐁᐧᐸᐅᐁᐧᐢᑭᐟ, ᐁᑯᓯ ᐁ ᑭ ᐋᒋᒧᐢᑖᐦᐟ ᐊᓇ ᑳ ᑎᐯᔨᒫᐟ, ᐁᑯᓯ ᐁᑳ ᐁ ᑭᐸᐋᐧᐟ, ᐁᑯᓯ ᐁ ᑭ ᓂᐸᐦᐋᔨᐟ ᓈᐯᐊᐧ ᐊᐦᐳ ᐃᐢᑫᐧᐊᐧ; ᐊᓇ ᒧᐢᑐᐢ ᑭᑕ ᐱᒫᐧᐱᐢᑲᐋᐧᐤ, ᐁᑯᓯ ᐊᓇ ᒥᓇ ᑳ ᑎᐯᔨᒫᐟ ᑭᑕ ᓂᐸᐊᐤ. 30ᑭᐢᐱᐣ ᒫᑲ ᑎᐸᐦᐃᑫᐃᐧᐣ ᐃᑕᑭᑕᒫᐦᒋ, ᐁᑲᐧ ᑭᑕ ᒣᑭᐤ ᐁ ᑌᐸᐃᑫᐢᑕᒪᐋᐧᑕᕽ ᐅ ᐱᒫᑎᓯᐃᐧᐣ ᐱᑯ ᐃᔨᑯᕽ ᑫ ᑎᐸᐦᐃᑫᐃᐦᐟ. 31ᑭᐢᐱᐣ ᑳ ᐁᐧᐸᐋᐧᑫᐧ ᐅᑯᓯᓯᒫᐊᐧ ᐊᐦᐳ ᐅᑖᓂᓯᒫᐊᐧ, ᑳ ᐃᑕᐢᑌᐠ ᐅᒪ ᐅᔭᓱᐋᐧᓯᐁᐧᐃᐧᐣ ᐁᑯᓯ ᑫ ᑐᑖᐦᐟ. 32ᑭᐢᐱᐣ ᒧᐢᑐᐢ ᐁᐧᐸᐊᐧᒋ ᓈᐯᐊᐧᑐᐢᑫᔮᑲᓇ ᐊᐦᐳ ᐊᑐᐢᑫᔮᑲᓂᐢᑫᐧᐊᐧ; ᑭᑕ ᑎᐸᐦᐊᒪᐁᐧᐤ ᐅᑭᒫᒥᔨᐊᐧ ᓂᐢᑐᒥᑕᓇᐤ ᑕᑖᐧᐱᐢᐠ ᐋᐧᐱᐢᑭᓱᓂᔮᐊᐧ, ᐁᑯᓯ ᒧᐢᑐᐢ ᑭᑕ ᐱᒫᐧᐱᐢᑲᐋᐧᐤ.
33ᑭᐢᐱᐣ ᐊᔨᓯᔨᓂᐤ ᑫ ᐹᐢᑭᑌᓇᒧᑫᐧ ᐋᐧᑎᑳᐣ, ᐊᐁᐧᑳ ᑭᐢᐱᐣ ᐊᔨᓯᔨᓂᐤ ᑫ ᒧᓇᐦᐊᒧᑫᐧ ᐋᐧᑎᑳᐣ ᐁᑳ ᒫᑲ ᐊᑲᐧᓇᐊᑭ, ᐁᑯᓯ ᒧᐢᑐᓴᐧ ᐊᐦᐳ ᓱᓱᒥᐢᑕᑎᒪᐧ ᐳᐦᒋᐸᔨᔨᒋ. 34ᐊᓇ ᑳ ᐅ ᐋᐧᑎᑳᓂᐟ ᑭᑕ ᑎᐸᐁᐧᐤ, ᑭᑕ ᒥᔦᐤ ᓱᓂᔮᐊᐧ ᐊᓂᐦᐃ ᑳ ᑎᐯᔨᒫᔨᐟ, ᐁᑯᓯ ᐊᓂᐦᐃ ᑳ ᓂᐱᔨᐟ ᐱᓯᐢᑭᐊᐧ ᐃᐧᔭ ᑭᑕ ᐊᔮᐁᐧᐤ.
35ᑭᐢᐱᐣ ᐯᔭᐠ ᐊᔨᓯᔨᓂᐤ ᐅ ᒧᐢᑐᓱᒪ ᐃᐧᓴᑲᐊᐧᔨᒋ ᑯᑕᑲ ᐊᔨᓯᔨᓂᐊᐧ ᐅ ᒧᐢᑐᓱᒥᔨᐊᐧ, ᓂᐱᔨᒋ ᒫᑲ, ᑭᑕ ᐊᑖᐋᐧᑫᐊᐧᐠ ᑳ ᐱᒫᑎᓯᔨᐟ ᒧᐢᑐᓴᐧ; ᐁᑯᓯ ᑭᑕ ᓂᓱᑖᐧᑐᐊᐧᐠ ᐃᔨᑯᕽ ᐁ ᑎᐸᐃᑳᓱᔨᐟ ᒥᓇ ᐊᓂᐦᐃ ᑳ ᓂᐱᔨᐟ ᒧᐢᑐᓴᐧ ᑭᑕ ᓂᓱᑖᐧᑐᐊᐧᐠ. 36ᐊᐦᐳ ᑭᐢᐱᐣ ᑭᐢᑫᔨᑖᑲᐧᐦᑭ ᐊᓇ ᒧᐢᑐᐢ ᐁ ᑭ ᒫᓇ ᐁᐧᐸᐅᐁᐧᐟ ᑲᔭᐦᑌ, ᐁᑯᓯ ᐊᓇ ᑳ ᑎᐯᔨᒫᐟ ᐁᑳ ᐁ ᑭ ᑭᐸᐋᐧᐟ; ᑫᐦᒋᓈ ᑭᑕ ᑎᐸᐦᐃᑫᐤ ᒧᐢᑐᓴᐧ ᒥᐢᑯᐨ ᐊᓂᐦᐃ ᒧᐢᑐᓴᐧ, ᐁᑯᓯ ᐊᓂᐦᐃ ᑳ ᓂᐱᔨᐟ ᒧᐢᑐᓴᐧ ᐃᐧᔭ ᑭᑕ ᐊᔮᐁᐧᐤ.
Currently Selected:
ᐁᐠᓴᑕᐢ 21: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
