ᐁᐠᓴᑕᐢ 18
18
1ᐃᐢᐱ ᒉᑕᕒᐅ ᒥᑎᔭᐣ ᐊᔭᒥᐦᐁᐃᐧᔨᓂᐤ ᒧᓯᐢ ᐅᓯᓴ, ᐱᔦᐦᑕᕽ ᑲᐦᑭᔭᐤ ᐊᓂᒪ ᑭᓭᒪᓂᑐ ᑳ ᑭ ᐊᔨᑐᑕᒪᐋᐧᔨᐟ, ᒧᓯᓴ, ᒥᓇ ᐃᐢᕒᐁᐃᓬ ᐅᐟ ᐊᔨᓯᔨᓂᒥᔨᐊᐧ, ᒥᓇ ᑳ ᑎᐯᔨᐦᒋᑫᐟ ᐃᒋᑊᑎᕽ ᐁ ᑭ ᐯ ᐅᐦᒋ ᐊᐧᔭᐃᐧᑕᐦᐋᐟ. 2#ᐁᐠᓴᑕᐢ 2:21,22ᐁᑲᐧ ᒉᑕᕒᐅ, ᒧᓯᐢ ᐅᓯᓴ ᑭ ᐅᑎᓀᐤ ᐊᓂᐦᐃ ᓯᐹᕒᐊᐋᐧ, ᒧᓯᐢ ᐃᐧᐊᐧ ᓵᓴᐩ ᐁ ᑭ ᑭᐁᐧᑎᓴᐋᐧᔨᐟ; 3#ᐃᓯᐦᒋᑫᐃᐧᓂᐋᐧᐊᐧ 7:29ᐊᓯᒋ ᐁ ᓂᓯᔨᐟ ᐅᑯᓯᓴ; ᐯᔭᐠ ᑲᕒᓴᒼ ᑳ ᑭ ᐃᓯᔨᐦᑳᓱᔨᐟ; ᒋᑫᒫ ᐁ ᑭ ᐃᑌᐧᐟ, ᓂ ᑭ ᒪᓂᑌᐃᐧᐣ ᐊᔭᐦᐨ ᐊᐢᑭᕽ; 4ᑯᑕᐠ ᒫᑲ ᐁᓬᐃᐁᓴᕒ ᑳ ᑭ ᐃᓯᔨᐦᑳᑖᐟ ᒋᑫᒫ ᐁ ᑭ ᐃᑌᐧᐟ, ᐅᑭᓭᒪᓂᑐᒪ ᓄᑖᐃᐧ ᓂ ᑭ ᓂᓱᑲᒫᐠ; ᒥᓇ ᓂ ᑭ ᐸᐢᐱᐦᐃᐠ ᐯᕒᐅ ᐅᐟ ᐃᓴᐁᐧᑯᒫᓂᕽ ᐅᐦᒋ. 5ᒉᑕᕒᐅ ᒫᑲ ᒧᓯᐢ ᐅᓯᓴ, ᑭ ᐅᑎᐦᑌᐤ ᒧᓯᓴ ᐊᓂᑕ ᐱᑲᐧᑕᐢᑭᕽ, ᐁ ᐯᓯᒫᐟ ᐅᑯᓯᓯᔨᐊᐧ ᒥᓇ ᐃᐧᐃᐧᔨᐊᐧ, ᐊᓂᑕ ᐁ ᑭ ᑲᐯᓯᔨᐟ ᑭᓭᒪᓂᑐ ᐅ ᐊᐧᒋᒥᔨᕽ: 6ᐅᒥᓯ ᒫᑲ ᑭ ᐃᑌᐤ ᒧᓯᓴ, ᓂᔭ ᑭᓯᐢ ᒉᑕᕒᐅ ᑭ ᐯ ᓇᑕᐋᐧᐸᒥᑎᐣ, ᐊᓯᒋ ᑭᐊᐧ ᒥᓇ ᐅᑯᓯᓴ ᐁ ᐃᓯ ᓂᓯᔨᐟ.
7ᒧᓯᐢ ᒫᑲ ᑭ ᐊᐧᔭᐃᐧᐤ ᐁ ᑭ ᓇᑕᐃᐧ ᓇᑭᐢᑲᐋᐧᐟ, ᐅᓯᓴ, ᐁᑯᓯ ᐁ ᑭ ᐊᑕᒥᐢᑲᐋᐧᐟ, ᒥᓇ ᐁ ᑭ ᐊᔪᒉᒫᐟ, ᑭ ᑲᑫᐧᒋᑐᐊᐧᐠ ᒫᑲ ᐁ ᐃᓯ ᐊᔮᒋᐠ; ᐁᑯᓯ ᐁ ᑭ ᐱᐦᑐᑫᒋᐠ ᒥᑭᐋᐧᐱᕽ. 8ᒧᓯᐢ ᒫᑲ ᑭ ᐋᒋᒧᐢᑕᐁᐧᐤ ᐅᓯᓴ ᑲᐦᑭᔭᐤ ᐊᓂᒪ ᑳ ᑎᐯᔨᐦᒋᑫᐟ ᑳ ᑭ ᐊᔨᑐᑕᐋᐧᐟ ᐊᓂᐦᐃ ᐯᕒᐅᐊᐧ ᒥᓇ ᐊᓂᐦᐃ ᐃᒋᑊᐟ ᐊᔨᓯᔨᓂᐊᐧ ᐃᐢᕒᐁᐃᓬ ᐅᐦᒋ, ᒥᓇ ᑲᐦᑭᔭᐤ ᐊᓂᒪ ᑳ ᑭ ᐯ ᐃᓯ ᐊᐧᔪᑎᑎᑯᒋᐠ ᐁ ᐸᐱᒧᑌᐅᒋᐠ, ᒥᓇ ᑖᓂᓯ ᑳ ᑎᐯᔨᐦᒋᑫᔨᐟ ᐁ ᑭ ᐃᓯ ᐸᐢᐱᐦᐃᑯᒋᐠ. 9ᒉᑕᕒᐅ ᒫᑲ ᑭ ᒪᒪᐦᑖᑯᓯᐤ ᑲᐦᑭᔭᐤ ᐊᓂᒪ ᐅᐦᒋ ᑳ ᑎᐯᔨᐦᒋᑫᔨᐟ ᑳ ᑭ ᐃᓯ ᒥᔪᑐᑕᐋᐧᔨᐟ ᐃᐢᕒᐁᐃᓬᐊ, ᐊᓂᐦᐃ ᐃᒋᑊᐟ ᐊᔨᓯᔨᓂᐊᐧ ᐁ ᒥᒋᒥᓂᑯᔨᐟ. 10ᒉᑕᕒᐅ ᒫᑲ ᐅᒥᓯ ᑭ ᐃᑌᐧᐤ, ᑭᑕ ᒪᒥᐦᒋᒫᐤ ᑳ ᑎᐯᔨᐦᒋᑫᐟ, ᑳ ᑭ ᐸᐢᐱᐦᐃᑯᔦᐠ ᐁ ᒥᒋᒥᓂᑯᔦᑯᐠ ᐊᓂᑭ ᐃᒋᑊᐟ ᐊᔨᓯᔨᓂᐊᐧᐠ ᒥᓇ ᐯᕒᐅ; ᑳ ᑭ ᐸᐢᐱᐦᐋᐟ ᐊᔨᓯᔨᓂᐊᐧ ᐅᒋᐦᒋᔨᕽ ᐅᐦᒋ ᐊᓂᐦᐃ ᐃᒋᑊᐟ ᐊᔨᓯᔨᓂᐊᐧ. 11ᐁᑲᐧ ᓂ ᑭᐢᑫᔨᑌᐣ ᑳ ᑎᐯᔨᐦᒋᑫᐟ ᐁ ᐊᔨᐋᐧᑭᐢᑲᐋᐧᐟ ᑲᐦᑭᔭᐤ ᒪᓂᑐᐊᐧ; ᒋᑫᒫ ᐊᓂᒪ ᑳ ᑭᐢᑌᔨᒧᐃᑯᔨᐟ ᐃᐧᔭ ᑭ ᐊᔨᐋᐧᑭᐢᑲᐁᐧᐤ. 12ᒉᑕᕒᐅ ᒫᑲ ᒧᓯᐢ ᐅᓯᓴ ᑭ ᐅᑎᓇᒼ ᒪᒍᐢᑌᐦᐊᒫᑫᐃᐧᐣ ᒥᓇ ᐸᑭᑎᓈᓱᐃᐧᓇ ᑭᓭᒪᓂᑐᐊᐧ ᐅᐦᒋ; ᐁᕒᐊᐣ ᒫᑲ ᑭ ᐯ ᐃᑐᐦᑎᐤ ᒥᓇ ᑲᐦᑭᔭᐤ ᑳ ᓂᑳᓀᔨᑖᑯᓯᒋᐠ ᐃᐢᕒᐁᐃᓬ, ᑭᑕ ᐃᐧᒋᒥᒋᓱᒫᒋᐠ ᐸᐦᑫᐧᓯᑲᓇ ᒧᓯᐢ ᐅᓯᓴ ᐅᐟ ᐋᐢᑕᒥᐃᐧᓂᔨᕽ ᑭᓭᒪᓂᑐᐊᐧ.
13ᑭ ᐊᔨᐢᐸᔨᐤ ᒫᑲ ᐃᐧᔮᐸᓂᔨᐠ, ᒧᓯᐢ ᑭ ᐊᐱᐤ ᑭᑕ ᐅᔭᓱᐋᐧᑖᐟ ᐊᔨᓯᔨᓂᐊᐧ; ᐊᓂᑭ ᒫᑲ ᐊᔨᓯᔨᓂᐊᐧᐠ ᑭ ᓂᐸᐃᐧᐢᑕᐁᐧᐊᐧᐠ ᒧᓯᓴ ᐁ ᑫᑭᓭᐹᔮᔨᐠ ᐅᐦᒋ ᐱᔨᐢ ᐁ ᐅᑖᑯᓯᓂᔨᐠ. 14ᐃᐢᐱ ᒫᑲ ᒧᓯᐢ ᐅᓯᓴ ᐃᐧᔮᐸᐦᑕᕽ ᑲᐦᑭᔭᐤ ᐊᓂᒪ ᑳ ᑭ ᐊᔨᑐᑕᐋᐧᔨᐟ ᐊᓂᐦᐃ ᐊᔨᓯᔨᓂᐊᐧ, ᐅᒥᓯ ᑭ ᐃᑌᐤ, ᑫᑲᐧᐩ ᐅᒪ ᑳ ᐊᔨᑐᑕᐊᐧᒋᐠ ᐅᑭ ᐊᔨᓯᔨᓂᐊᐧᐠ? ᑖᓀᐦᑭ ᑳ ᐯᔭᑲᐧᐱᔭᐣ ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᐁ ᓂᐸᐃᐧᐢᑖᐢᑭᐠ ᐁ ᑫᑭᓭᐹᔮᐠ ᐅᐦᒋ ᐱᔨᐢ ᐁ ᐅᑖᑯᓯᐠ? 15ᒧᓯᐢ ᒫᑲ ᑭ ᐃᑌᐤ ᐅᓯᓴ, ᒋᑫᒫ ᐊᓂᑭ ᐊᔨᓯᔨᓂᐊᐧᐠ ᓂ ᐯ ᓈᑎᑲᐧᐠ ᐁ ᑲᑫᐧᒋᑫᒧᒋᐠ ᑭᓭᒪᓂᑐᐊᐧ ᐅᐦᒋ. 16ᑭᐢᐱᐣ ᓈᐣᑕᐤ ᑫᑲᐧᐩ ᐁᑕᑲᐧᓂᔨᑭ ᓂ ᐯ ᓈᑎᑲᐧᐠ; ᓄᔭᓱᐋᐧᑖᐊᐧᐠ ᒫᑲ ᓈᐯᐤ ᒥᓇ ᐃᐧᒋᔨᓂᐊᐧ ᒥᓇ ᓂ ᑭᐢᑫᔨᑕᒧᐋᐊᐧᐠ ᐅ ᑲᑫᐧᐢᑫᐧᐃᐧᓇ ᑭᓭᒪᓂᑐ ᒥᓇ ᐅᔭᓱᐁᐧᐃᐧᓇ.
17ᒧᓯᐢ ᒫᑲ ᐅᓯᓴ ᐅᒥᓯ ᑭ ᐃᑎᐠ, ᐊᓂᒪ ᑳ ᑐᑕᒪᐣ ᓇᒪᐃᐧᔭ ᒥᔮᐧᓯᐣ. 18ᑫᐦᒋᓈ ᑭ ᑲ ᓄᐦᑌᓯᓂᐣ ᑭᔭ ᒥᓇ ᐅᑭ ᐊᔨᓯᔨᓂᐊᐧᐠ ᑳ ᐃᐧᒉᐃᐧᐢᑭᐠ; ᒋᑫᒫ ᐅᒪ ᐅᓵᒼ ᑯᓯᑲᐧᐣ ᑭᔭ ᑭᑕ ᓵᑯᑖᔭᐣ; ᓇᒪᐃᐧᔭ ᑭ ᑲ ᑲᐢᑭᑖᐣ ᑭᑕ ᐯᔭᑯ ᓵᑯᑖᔭᐣ. 19ᓇᑐᐦᑕ ᐁᑲᐧ ᓂᐟ ᐃᑌᐧᐃᐧᐣ, ᑭ ᑲ ᑲᑫᐢᑭᒥᑎᐣ, ᐁᑯᓯ ᑭᓭᒪᓂᑐ ᑭ ᑲ ᐃᐧ ᐃᐧᒉᐃᐧᐠ; ᐅᑭ ᐊᔨᓯᔨᓂᐊᐧᐠ ᑭᓭᒪᓂᑐᕽ ᐃᓯᑳᐸᐃᐧᐢᑕᐃᐧᐠ, ᐁᑯᓯ ᑭᔭ ᐃᑐᐦᑕᑕᒪᐤ ᑭᓭᒪᓂᑐ ᑳ ᐸᑭᑎᓇᒪᐢᑭᐠ. 20ᐁᑯᓯ ᒫᑲ ᑭ ᑲ ᑭᐢᑭᓄᐦᐊᒪᐋᐧᐊᐧᐠ ᑲᑫᐢᑫᐧᐃᐧᓇ ᒥᓇ ᐅᔭᓱᐁᐧᐃᐧᓇ, ᒥᓇ ᑭ ᑲ ᐋᐧᐸᐦᑕᐋᐊᐧᐠ ᐃᑕ ᑫ ᐱᒧᐦᑌᒋᐠ, ᒥᓇ ᐊᓂᒪ ᐊᑐᐢᑫᐃᐧᐣ ᑫ ᑐᑕᐦᑭᐠ. 21ᒥᓇ ᒫᑲ ᑭ ᑲ ᐅᐦᑎᓈᐊᐧᐠ ᑲᐦᑭᔭᐤ ᐊᔨᓯᔨᓂᐊᐧᐠ ᐁ ᐅᐦᒋ ᓇᐊᐧᓱᓇᒋᐠ, ᐁ ᑲᐢᑭᑖᒋᐠ ᐊᔨᓯᔨᓂᐊᐧᐠ, ᐊᓂᑭ ᐅᑎ ᐁ ᑯᓯᑫᐧᔨᒫᒋᐠ ᑭᓭᒪᓂᑐᐊᐧ, ᐁ ᑖᐯᐧᐃᐧᓂ ᐊᔨᓯᔨᓂᐃᐧᒋᐠ, ᐁ ᐸᑳᐧᑕᑭᐠ ᑲᔦᓯ ᑲᐢᑭᒋᑫᐃᐧᐣ; ᐁᐊᐧᑯᓂᐠ ᒫᑲ ᐅᔭᑭᒥᐠ ᑭᑕ ᐅᔭᓱᐋᐧᑖᒋᐠ ᑭᐦᒋ ᒥᑖᐦᑐᒥᑕᓇᐤ, ᒥᓇ ᑭᑕ ᐅᔭᓱᐋᐧᑖᒋᐠ ᒥᑖᐦᑐᒥᑕᓇᐤ, ᒥᓇ ᑭᑕ ᐅᔭᓱᐋᐧᑖᒋᐠ ᓂᔮᓇᓄᒥᑕᓇᐤ, ᒥᓇ ᑭᑕ ᐅᔭᓱᐋᐧᑕᒋᐠ ᒥᑖᑕᐦᐟ. 22ᑭᔮᒼ ᒫᑲ ᑕᐦᑭ ᑭᑕ ᐅᔭᓱᐋᐧᑌᐊᐧᐠ ᐊᔨᓯᔨᓂᐊᐧ; ᑭᑕ ᐃᐦᑭᐣ ᒫᑲ ᑕᐦᑐ ᑫᑲᐧᐩ ᐁ ᑯᓯᑲᐧᕽ ᑭᔭ ᑭ ᑲ ᐯᑕᒫᑲᐧᐠ, ᒫᑲ ᐃᐧᔭ ᑕᐦᑐ ᑫᑲᐧᐩ ᐁ ᐊᐱᐢᑌᔨᑖᑲᐧᕽ ᐃᐧᔭᐋᐧᐤ ᑭᑕ ᐅᔭᓱᐋᐧᑕᒪᐧᐠ; ᐁᑯᓯ ᒫᑲ ᑭ ᑲ ᐁᐧᐦᒋᔪᐣ ᒥᓇ ᑭ ᑲ ᐃᐧᒋᐦᐃᑲᐧᐠ ᐅᒪ ᑳ ᓇᔭᑕᒪᐣ. 23ᑭᐢᐱᐣ ᒫᑲ ᐅᒪ ᑫ ᑐᑕᒧᐊᐧᓀ, ᒥᓇ ᑭᓭᒪᓂᑐ ᐁᑯᓯ ᐃᑕᓱᐋᐧᑎᐢᑭ, ᐁᑲᐧ ᑭ ᑲ ᑌᐱ ᑲᐢᑭᑖᐣ ᒥᓇ ᑲᐦᑭᔭᐤ ᐅᑭ ᐊᔨᓯᔨᓂᐊᐧᐠ ᑭᑕ ᐃᑐᐦᑌᐊᐧᐠ ᐯᔭᐦᑕᑫᔨᒧᐃᐧᓂᕽ ᐃᑌ ᑳ ᐃᐧ ᐊᔮᒋᐠ.
24ᐁᑯᓯ ᒫᑲ ᒧᓯᐢ ᑭ ᓇᑐᐦᑕᒼ ᑳ ᐃᑌᐧᔨᐟ ᐅᓯᓴ, ᒥᓇ ᐁ ᑭ ᐃᐦᑐᑕᕽ ᑲᐦᑭᔭᐤ ᐊᓂᒪ ᑳ ᑭ ᐃᑌᐧᔨᐟ. 25ᒧᓯᐢ ᒫᑲ ᑭ ᓇᐊᐧᓱᓀᐤ ᐁ ᑲᐢᑭᑕᒫᐃᐧᓯᔨᐟ ᓈᐯᐊᐧ ᒥᓯᐁᐧ ᐃᐢᕒᐁᐃᓬ ᐅᐦᒋ, ᐁᑯᓯ ᐁ ᑭ ᐅᔭᑭᒫᐟ ᑭᑕ ᐅᔭᓱᐋᐧᑖᔨᐟ ᐁ ᑭᐦᒋ ᒥᑖᐦᑐᒥᑕᓇᐁᐧᔨᐟ, ᐁ ᒥᑖᐦᑐᒥᑕᓇᐁᐧᔨᐟ, ᐁ ᓂᔮᓇᓄᒥᑕᓇᐁᐧᔨᐟ, ᒥᓇ ᐁ ᒥᑖᐦᑕᓯᔨᐟ. 26ᑕᐦᑭ ᒫᑲ ᑭ ᐅᔭᓱᐋᐧᑌᐊᐧᐠ ᐊᔨᓯᔨᓂᐊᐧ, ᐁ ᐋᔨᒪᓂᔨᑭ ᑭ ᐯᑐᐁᐧᐊᐧᐠ ᒧᓯᓴ, ᒫᑲ ᑲᐦᑭᔭᐤ ᐁ ᐊᐱᐢᑌᔨᑖᑲᐧᓂᔨᑭ ᐃᐧᔭᐋᐧᐤ ᑭ ᐅᔭᓱᐋᐧᑕᒪᐧᐠ. 27ᒧᓯᐢ ᒫᑲ ᑭ ᐸᑭᑎᓀᐤ ᐅᓯᓴ ᑭᑕ ᓯᐯᐧᑌᔨᐟ; ᐁᑯᓯ ᑭ ᓯᐯᐧᑌᔨᐊᐧ ᐅᐟ ᐊᐢᑭᔨᕽ ᐃᓯ.
Currently Selected:
ᐁᐠᓴᑕᐢ 18: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
