ᐁᐠᓴᑕᐢ 17
17
1 #
ᓇᒼᐸᕒᐢ 20:2-13
ᑲᐦᑭᔭᐤ ᒫᑲ ᐊᓂᑭ ᑳ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓯᐯᐧᐱᒋᐊᐧᐠ ᓯᐣ ᐱᑲᐧᑕᐢᑭ ᐅᐦᒋ ᑳ ᐃᓯ ᐱᒥᐱᒋᒋᐠ ᐁ ᐃᑕᓱᐋᐧᑎᑯᒋᐠ ᑳ ᑎᐯᔨᐦᒋᑫᔨᐟ, ᐁᑯᓯ ᐁ ᑭ ᑲᐯᓯᒋᐠ ᐊᓂᑕ ᕒᐁᐱᑎᒼ ᓇᒪ ᒫᑲ ᑭ ᐃᐦᑕᑲᐧᐣ ᓂᐱ ᑭᑕ ᒥᓂᐦᑫᐧᒋᐠ ᐊᔨᓯᔨᓂᐊᐧᐠ. 2ᐁᐊᐧᑯ ᒫᑲ ᐅᐦᒋ ᐊᔨᓯᔨᓂᐊᐧᐠ ᑭ ᑭᐦᑳᒣᐊᐧᐠ ᒧᓯᓵ, ᐅᒥᓯ ᐁ ᑭ ᐃᑖᒋᐠ, ᒥᔨᓇᐣ ᓂᐱ ᑭᑕ ᒥᓂᐦᑫᐧᔮᕽ. ᒧᓯᐢ ᒫᑲ ᐅᒥᓯ ᑭ ᐃᑌᐤ, ᑖᓀᐦᑭ ᑳ ᑭᐦᑳᒥᔦᐠ? ᑖᓀᐦᑭ ᑳ ᑲᑫᐧᒋᐋᔦᐠ ᑳ ᑎᐯᔨᐦᒋᑫᐟ? 3ᐊᔨᓯᔨᓂᐊᐧᐠ ᒫᑲ ᑭ ᓄᑌᔭᐹᑫᐧᐊᐧᐠ ᐁᑯᑕ; ᐊᓂᑭ ᒫᑲ ᐊᔨᓯᔨᓂᐊᐧᐠ ᑭ ᒫᔨ ᐃᑌᐋᐧᐠ ᒧᓯᓴ, ᐅᒥᓯ ᐁ ᑭ ᐃᑌᐧᒋᐠ, ᑖᓀᐦᑭ ᑳ ᑭ ᐯ ᐊᐧᔭᐃᐧᑕᐦᐃᔮᕽ ᐃᒋᑊᐟ ᐊᐢᑭᕽ ᐅᐦᒋ, ᑭᑕ ᓂᐸᐃᔮᕽ ᒥᓇ ᓂᐟ ᐊᐋᐧᓯᒥᓯᓈᓇᐠ ᒥᓇ ᓂ ᐱᓯᐢᑭᒥᓈᓇᐠ ᓄᑌᔭᐹᑫᐧᐃᐧᐣ ᐅᐦᒋ? 4ᒧᓯᐢ ᒫᑲ ᑭ ᓄᓈᑐᒣᐤ ᑳ ᑎᐯᔨᐦᒋᑫᔨᐟ, ᐅᒥᓯ ᐁ ᐃᑌᐧᐟ, ᑖᓂᓯ ᑫ ᑐᑕᐊᐧᑭᐠ ᐅᑭ ᐊᔨᓯᔨᓂᐊᐧᐠ? ᓵᓴᐩ ᑫᑳᐟ ᓂ ᐱᒫᐧᐱᐢᑲᐅᑲᐧᐠ. 5ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᓂᑳᓄᑕᐃᐧᐠ ᐊᔨᓯᔨᓂᐊᐧᐠ, ᑭ ᑲ ᐃᐧᒉᐃᐧᑲᐧᐠ ᒫᑲ ᐊᓂᑭ ᑳ ᓂᑳᓀᔨᑖᑯᓯᒋᐠ ᐃᐢᕒᐁᐃᓬ; ᒥᓇ ᑭ ᓴᐢᑲᐅᓈᑎᐠ ᑳ ᑭ ᐅᐦᒋ ᐸᑲᒪᐊᒪᐣ ᓯᐱ ᑕᐦᑯᓇ ᑭᒋᐦᒋᕽ, ᒥᓇ ᓯᐯᐧᐦᑌ. 6ᒫᑎᑲ, ᑭ ᑲ ᐅᑎᐢᑲᐃᐧᑳᐸᐃᐧᐢᑖᑎᐣ ᐁᑯᑕ ᑕᐦᑯᐨ ᐦᐋᕒᐃᑊ ᑭᐢᑖᐱᐢᑳᕽ; ᑭ ᑲ ᐸᑲᒪᐋᐧᐤ ᒫᑲ ᑭᐢᑖᐱᐢᐠ, ᐁᑯᓯ ᐁᑯᑕ ᑭᑕ ᐯ ᐅᐦᒋᐸᔨᐤ ᓂᐱ, ᐊᔨᓯᔨᓂᐃᐧᐠ ᒫᑲ ᑭᑕ ᒥᓂᐦᑫᐧᐊᐧᐠ, ᒧᓯᐢ ᒫᑲ ᐁᑯᓯ ᑭ ᑐᑕᒼ ᐁ ᑲᓇᐋᐧᐸᐦᑕᒥᔨᐟ ᑳ ᓂᑳᓀᔨᑖᑯᓯᔨᐟ ᐃᐢᕒᐁᐃᓬᐊ. 7ᒫᓴ ᒫᑲ ᒥᓇ ᒣᕒᐃᐸ ᑭ ᐃᓯᔨᐦᑳᑕᒼ ᐁᑯᑕ, ᒋᑫᒫ ᐁ ᑭ ᑭᐦᑳᐃᐧᑕᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᒋᑫᒫ ᐁ ᑭ ᑲᑫᐧᒋᐋᒋᐠ ᑳ ᑎᐯᔨᐦᒋᑫᔨᐟ ᐅᒥᓯ ᐁ ᐃᑌᐧᒋᐠ, ᑳ ᑎᐯᔨᐦᒋᑭᐟ ᒋ ᑭ ᐃᐧᒉᑯᓇᐤ ᐊᐦᐳ ᒋ ᓇᒪᐃᐧᔭ?
8ᐁᑯᐢᐱ ᒫᑲ ᐋᒪᓬᐃᐠ ᑭ ᐯ ᓇᑐᐸᔨᐢᑕᐁᐧᐤ ᐃᐢᕒᐁᐃᓬᐊ ᐊᓂᑕ ᕒᐁᐱᑎᒼ. 9ᒧᓯᐢ ᒫᑲ ᐅᒥᓯ ᑭ ᐃᑌᐤ ᒑᐢᔪᐊ, ᓇᐊᐧᓱᓂᐠ ᐊᔨᓯᔨᓂᐊᐧᐠ, ᓇᑕᐃᐧ ᓄᑎᓂᐠ ᒫᑲ ᐋᒪᓬᐃᐠ; ᐋᐧᐸᑭ ᓂ ᑲ ᓂᐸᐃᐧᐣ ᑕᐦᑯᑖᒫᑎᐣ ᐁ ᑕᐦᑯᓇᒫᐣ ᓂᒋᐦᒋᕽ ᐋᓂᒪ ᑭᓭᒪᓂᑐ ᐅ ᓵᐢᑲᐅᐣ. 10ᒑᐢᔪᐊ ᒫᑲ ᐁᑯᓯ ᑭ ᐃᑐᑕᒼ ᒧᓯᓴ ᑳ ᑭ ᐃᑎᑯᐟ, ᐁ ᑭ ᓄᑎᓈᐟ ᐋᒪᓬᐃᑲ, ᒧᓯᐢ ᒫᑲ ᒥᓇ ᐁᕒᐊᐣ ᒥᓇ ᐦᐊᕒ ᑭ ᐋᒥᒋᐁᐧᐊᐧᐠ ᐊᐧᒋᕽ. 11ᑭ ᐃᐢᐸᔨᐤ ᒫᑲ ᑭᐢᐱᐣ ᒧᓯᐢ ᐁ ᐃᐢᐹᑫᓂᐢᑫᔨᐟ, ᐃᐢᕒᐁᐃᓬ ᑭ ᓵᑯᑖᐧᐊᐧᐠ; ᑭᐢᐱᐣ ᒫᑲ ᐁ ᓂᐦᒋᓂᐢᑫᔨᐟ ᐋᒪᓬᐃᐠ ᑭ ᓵᑯᑖᐧᐤ. 12ᒫᑲ ᒧᓯᐢ ᑭ ᐃᐢᑭᓂᐢᑫᐤ, ᑭ ᐅᑎᓀᐊᐧᐠ ᒫᑲ ᐊᓯᓂᔭ ᐁᑯᓯ ᐁ ᑭ ᐋᐱᐋᒋᐠ ᐁᑯᑕ, ᑭ ᑌᐦᑕᐱᐤ ᒫᑲ, ᐁᕒᐊᐣ ᒫᑲ ᒥᓇ ᐦᐊᕒ ᑭ ᓯᑐᓇᒣᐧᐊᐧᐠ ᐅᒋᐦᒋᔨᐊᐧ, ᐯᔭᐠ ᓇᐸᑌ ᒥᓇ ᑯᑕᐟ ᑫᐧᐢᑭᑌ, ᐅ ᒋᐦᒋᔭ ᒫᑲ ᓇᒪᐃᐧᔭ ᓂᐦᒋᐸᔨᔨᐊᐧ ᐱᔨᐢ ᐁ ᐸᐦᑭᓯᒧᐠ. 13ᒑᐢᔪᐊ ᒫᑲ ᑭ ᓵᑯᐁᐤ ᐋᒪᓬᐃᑲ ᒥᓇ ᐅᐟ ᐊᔨᓯᔨᓂᒥᔨᐊᐧ ᐃᓴᐁᐧᐢᐠ ᐅᐦᒋ. 14#ᑎᔪᑕᕒᐊᓇᒥ 25:17-19; 1 ᓵᒼᔪᐃᓬ 15:2-9ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᒪᓯᓇᐦᐊ ᐅᒪ ᑭᑕ ᐋᑐᒋᑳᑌᐠ ᒪᓯᓇᐦᐃᑲᓂᕽ, ᐁᑯᓯ ᑖᐳᐁᐧ ᐅᐦᑕᐊᐧᑳᕽ ᒑᐢᔪᐊ; ᒥᑐᓂ ᑭᑕ ᑳᓯᐊᒪᐧᐠ ᐅ ᑭᐢᑭᓯᑐᑖᑯᐃᐧᐣ ᐋᒪᓬᐃᐠ ᓯᐹ ᑭᓯᑯᕽ ᐅᐦᒋ. 15ᒧᓯᐢ ᒫᑲ ᑭ ᐸᑭᑎᓈᓱᐃᐧᓈᐱᐢᑯᑫᐤ, ᐁᑯᓯ ᒋᐦᐆᐊᐧᓂᓯ ᑭ ᐃᓯᔨᐦᑳᑕᒼ. 16ᒋᑫᒫ ᑭ ᐃᑌᐧᐤ, ᑳ ᑎᐯᔨᐦᒋᑫᐟ ᑭ ᑭᐦᒋᐃᑌᐧᐤ; ᑳ ᑎᐯᔨᐦᒋᑫᐟ ᑭᑕ ᓇᑐᐸᔨᐢᑕᐁᐧᐤ ᐋᒪᓬᐃᑲ ᐁ ᐊᑎ ᐋᔮᓂᐢᑫ ᐱᒫᑎᓯᔨᐟ.
Currently Selected:
ᐁᐠᓴᑕᐢ 17: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
