ᐁᐠᓴᑕᐢ 19
19
1ᐁ ᓂᐢᑐᐱᓯᒧᐊᐧᕽ ᐁ ᑭ ᓯᐯᐧᑌᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᒋᑊᐟ ᐊᐢᑭᕽ ᐅᐦᒋ, ᐁᐊᐧᑯ ᐁ ᑭᓯᑳᐠ ᑭ ᐅᑎᐦᑕᒪᐧᐠ ᓴᐃᓇᐩ ᐱᑲᐧᑕᐢᑭ. 2ᐃᐢᐱ ᒫᑲ ᑳ ᓯᐯᐧᑌᒋᐠ ᕒᐁᐱᑎᒼ ᐅᐦᒋ ᒥᓇ ᑳ ᑕᑯᓯᐦᑭᐠ ᓴᐃᓇᐩ ᐱᑲᐧᑕᐢᑭᕽ, ᑭ ᑲᐯᓯᐊᐧᐠ ᐁᑯᑕ ᐱᑲᐧᑕᐢᑭᕽ; ᐁᑯᑕ ᒫᑲ ᐃᐢᕒᐁᐃᓬ ᑭ ᑲᐯᓯᐊᐧᐠ ᑎᐱᐢᑯᐨ ᐊᐧᒋᕽ. 3ᒧᓯᐢ ᒫᑲ ᑭ ᓈᑌᐤ ᑭᓭᒪᓂᑐᐊᐧ, ᑳ ᑎᐯᔨᐦᒋᑫᔨᐟ ᒫᑲ ᑭ ᑌᐹᐧᑎᐠ ᐊᐧᒋᕽ ᐅᐦᒋ, ᐁ ᐃᑌᐧᔨᐟ, ᐅᒥᓯ ᑭ ᑳ ᐃᑖᐊᐧᐠ ᐅ ᐋᐧᐢᑳᐦᐃᑲᓂᕽ ᒉᑲᑊ ᒥᓇ ᑭ ᑲ ᐃᓯ ᐃᐧᐦᑕᒪᐋᐧᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; 4ᑭ ᑭ ᐋᐧᐸᐦᑌᓈᐋᐧᐤ ᑳ ᑭ ᐊᔨᑐᑕᐊᐧᑭᐠ ᐊᓂᑭ ᐃᒋᑊᐟ ᐊᔨᓯᔨᓂᐊᐧᐠ, ᒥᓇ ᑳ ᑭ ᐃᓯ ᐱᒥᐃᐧᔨᑕᑯᐠ ᒥᑭᓯᐃᐧᑕᑕᑲᐧᓂᕽ, ᐁᑯᓯ ᐁ ᑭ ᐯᓯᑕᑯᐠ ᑭᑕ ᐊᔮᐃᐧᑕᑯᐠ. 5#1 ᐱᑕᕒ 2:9#ᑎᔪᑕᕒᐊᓇᒥ 4:20; 7:6; 14:2; 26:18; ᑖᐃᑕᐢ 2:14ᐁᑲᐧ ᒫᑲ ᑭᐢᐱᐣ ᑖᐯᐧ ᑭ ᐃᐧ ᓇᑐᐦᑌᓈᐋᐧᐤ ᓂᐟ ᐃᑌᐧᐃᐧᐣ, ᒥᓇ ᑭᐢᐱᐣ ᑭ ᐃᐧ ᑲᓇᐁᐧᔨᑌᓈᐋᐧᐤ ᓂᐟ ᐊᓱᑕᒫᑫᐃᐧᐣ, ᑭᔭᐋᐧᐤ ᐱᑐᐢ ᑭ ᑲ ᐃᑕᑭᒥᑎᓈᐋᐧᐤ ᐃᔨᑯᕽ ᑲᑭᔭᕽ ᐊᔨᓯᔨᓂᐊᐧᐠ; ᒋᑫᒫ ᑲᐦᑭᔭᐤ ᐊᐢᑭ ᓂᔭ ᓂ ᑎᐯᔨᑌᐣ. 6#ᑭᐢᑫᔨᐦᑖᑯᐦᑫᐃᐧᐣ 1:6; 5:10ᐁᑯᓯ ᑭᔭᐋᐧᐤ ᓂ ᑲ ᐅᐟ ᐅᑌᓇᐃᐧᐣ ᐊᔭᒥᐦᐁᐃᐧᔨᓂᐊᐧᐠ, ᒥᓇ ᐅᑲᓈᑕᐢᑳᓀᓯᐊᐧᐠ. ᐁᐊᐧᑯᓂ ᐅᐦᐃ ᐃᑌᐧᐃᐧᓇ ᑫ ᐃᐧᐦᑕᒪᐊᐧᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
7ᒧᓯᐢ ᒫᑲ ᑭ ᐯ ᐃᑐᐦᑌᐤ ᐁ ᑭ ᓇᑐᒫᐟ ᑳ ᓂᑳᓀᔨᑖᑯᓯᔨᐟ ᐊᔨᓯᔨᓂᐊᐧ, ᐁ ᑭ ᐋᐧᐸᐦᑕᐋᐟ ᒫᑲ ᑲᐦᑭᔭᐤ ᐊᓂᐦᐃ ᐃᑌᐧᐃᐧᓇ ᑳ ᑎᐯᔨᐦᒋᑫᔨᐟ ᑳ ᑭ ᐃᑕᓱᐋᐧᑎᑯᐟ. 8ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᓇᐢᑯᒧᐊᐧᐠ ᐅᒥᓯ ᐁ ᑭ ᐃᑌᐧᒋᐠ, ᑲᐦᑭᔭᐤ ᐊᓂᒪ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ ᓂ ᑲ ᑐᑌᓈᐣ. ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᑳ ᑎᐯᔨᐦᒋᑫᔨᐟ ᐅᐟ ᐃᑌᐧᐃᐧᓂᔨᐊᐧ ᐊᔨᓯᔨᓂᐊᐧ. 9ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᒫᑎᑲ ᑭ ᐃᐧ ᐯ ᓈᑎᑎᐣ ᑲᐢᑭᑕᐢᑯᕽ, ᐊᓂᑭ ᐊᔨᓯᔨᓂᐊᐧᐠ ᑭᑕ ᐯᐦᑕᑭᐠ ᐃᐢᐱ ᐊᔭᒥᐃᑖᓂ, ᐁᑯᓯ ᑭᑕ ᑖᐯᐧᑖᐢᑭᐠ ᑳᑭᑫ. ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᑳ ᑎᐯᔨᐦᒋᑫᔨᐟ ᐊᓂᐦᐃ ᐊᔨᓯᔨᓂᐊᐧ ᐅᐟ ᐃᑌᐧᐃᐧᓂᔨᐊᐧ.
10ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᓈᓯᐠ ᐊᔨᓯᔨᓂᐊᐧᐠ, ᒥᓇ ᑳᓈᒋᐃᐠ ᐊᓄᐦᐨ ᑳ ᑭᓯᑳᐠ ᒥᓇ ᐋᐧᐸᐦᑭ, ᑭᔮᒼ ᒫᑲ ᑭᑕ ᑭᓯᐯᑭᓇᒪᐧᐠ ᐅ ᑭᑭᐢᑳᒋᑲᓂᐋᐧᐊᐧ. 11ᐊᐧᐁᐧᔨᐢᑕᒧᑫᐠ ᒫᑲ ᐃᐧ ᐊᑎ ᓂᐢᑐᑭᓯᑳᑭ; ᒋᑫᒫ ᐊᑎ ᓂᐢᑐᑭᓯᑳᑭ ᑳ ᑎᐯᔨᐦᒋᑫᐟ ᑭᑕ ᐯ ᐃᑐᐦᑌᐤ ᐁ ᐋᐧᐸᐦᑕᒥᔨᐟ ᑲᐦᑭᔭᐤ ᐊᔨᓯᔨᓂᐊᐧ ᑕᐦᑯᐨ ᓴᐃᓇᐩ ᐊᐧᒋᕽ. 12#ᐦᐃᐸᕒᐅᐊᐧ 12:18-20ᐁᑯᓯ ᒫᑲ ᒥᓯᐁᐧ ᐋᐧᐢᑳ ᑭ ᑲ ᑭᐢᑭᓇᐋᐧᒋᑕᒪᐋᐧᐊᐧᐠ ᐊᔨᓯᔨᓂᐊᐧᐠ, ᑭᑕ ᐃᑕᒋᐠ, ᒣᔮᑳᐧᒼ ᐁᑳ ᑭᑕ ᐋᒪᒋᐁᐧᔦᐠ ᐊᐧᒋ, ᐊᐦᐳ ᐁᑳ ᑭᑕ ᓵᒥᓇᒣᐠ; ᐊᐃᐧᔭᐠ ᑫ ᓵᒥᓇᒧᑫᐧ ᐊᐧᒋ, ᑫᐦᒋᓈ ᑭᑕ ᓂᐸᐦᐋᐤ. 13ᓇᒪᐃᐧᔭ ᒥᒋᐦᒋ ᑭᑕ ᓵᒥᓂᐠ ᒫᑲ ᑭᑕ ᐱᒫᐧᐱᐢᑲᐋᐧᐤ, ᐊᐦᐳ ᑭᑕ ᓵᐳᐢᑕᐋᐧᐤ; ᑭᐢᐱᐣ ᐱᓯᐢᑭᐤ ᐊᐦᐳ ᐊᔨᓯᔨᓂᐤ ᓇᒪᐃᐧᔭ ᑭᑕ ᐱᒫᑎᓯᐤ; ᐃᐢᐱ ᐊᓂᒪ ᐱᐱᑲᐧᐣ ᑭᓀᐧᐢ ᑕᓯ ᐯᐦᑖᑲᐧᐦᑭ ᑭᑕ ᐯ ᓈᑕᒪᐧᐠ ᐊᐧᒋ.
14ᒧᓯᐢ ᒫᑲ ᑭ ᓂᐦᑖᒪᒋᐁᐧᐤ ᐁ ᑭ ᓈᑖᐟ ᐊᔨᓯᔨᓂᐊᐧ ᐁᑯᓯ ᐁ ᑭ ᑲᓈᒋᐋᐟ ᐊᔨᓯᔨᓂᐊᐧ; ᑭ ᑭᓯᐯᑭᓇᒪᐧᐠ ᒫᑲ ᐅ ᑭᑭᐢᑳᒋᑲᓂᐋᐧᐊᐧ. 15ᐅᒥᓯ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᐊᐧᐁᐧᔨᐢᑕᒧᐠ ᑭᑕ ᐊᑎ ᓂᐢᑐ ᑭᓯᑳᐠ; ᐁᑳᐃᐧᔭ ᓭᓯᑫᐃᕽ ᐃᐢᑫᐧᐤ.
16 #
ᑭᐢᑫᔨᐦᑖᑯᐦᑫᐃᐧᐣ 4:5
#
ᑎᔪᑕᕒᐊᓇᒥ 4:11,12 ᑭ ᐃᐦᑭᐣ ᒫᑲ ᐁᑎ ᓂᐢᑐ ᑭᓯᑳᐠ, ᐁ ᑫᑭᓭᐹᔮᐠ, ᑭ ᑭᑐᐊᐧᐠ, ᒥᓇ ᑭ ᐋᐧᐋᐧᐢᑌᐸᔨᐤ, ᒥᓇ ᐁ ᑭᐢᐸᑲᐢᑳᐧᐠ ᑕᐦᑯᐨ ᐊᐧᒋᕽ, ᒥᓇ ᐊᓂᒪ ᐱᐱᑲᐧᐣ ᓈᐢᐱᐨ ᐁ ᑭᓯᐁᐧᐠ; ᐁᑯᓯ ᒫᑲ ᑲᐦᑭᔭᐤ ᐊᔨᓯᔨᓂᐊᐧᐠ ᑲᐯᓯᐃᐧᓂᕽ ᑳ ᐊᔮᒋᐠ ᑭ ᓇᓇᒥᐸᔨᐊᐧᐠ. 17ᒧᓯᐢ ᒫᑲ ᑲᐯᓯᐃᐧᓂᕽ ᑭ ᐯ ᐅᐦᒋ ᐊᐧᔭᐃᐧᑕᐁᐤ ᐊᔨᓯᔨᓂᐊᐧ ᑭᑕ ᓇᑭᐢᑲᐋᐧᔨᐟ ᑭᓭᒪᓂᑐᐊᐧ; ᑭ ᓂᐸᐃᐧᐊᐧᐠ ᒫᑲ ᓇᑭ ᐊᐧᒋᕽ. 18ᓴᐃᓇᐩ ᐊᐧᒋ ᒫᑲ ᑭ ᑲᐢᑳᐸᑌᐤ ᒥᓯᐁᐧ, ᒋᑫᒫ ᑳ ᑎᐯᔨᐦᒋᑫᐟ ᐃᐢᑯᑌᕽ ᑭ ᐯ ᔮᓯᐤ; ᐊᓂᒪ ᒫᑲ ᑲᐢᑳᐸᑌᐤ ᑭ ᐃᐢᐸᑫᐸᔨᐤ ᑖᐱᐢᑯᐨ ᐁ ᑲᐢᑳᐸᑌᐠ ᑎᐦᑳᐱᐢᑭᓯᑲᐣ, ᒥᓯᐁᐧ ᒫᑲ ᐊᐧᒋ ᑭ ᓇᓇᒪᐢᑲᒥᑭᐸᔨᐤ. 19ᐃᐢᐱ ᒫᑲ ᑭᓀᐧᐢ ᐁᐦᑕᓯ ᐯᑖᑲᐧᕽ ᐱᐱᑲᐧᐣ, ᒥᓇ ᐋᑳᐧᐢᑲᒼ ᐁ ᐊᑎ ᑭᓯᐁᐧᒪᑲᕽ, ᒧᓯᐢ ᑭ ᐊᔭᒥᐤ, ᑭᓭᒪᓂᑐ ᒫᑲ ᑭ ᓇᐢᑫᐧᐊᐧᓯᒣᐤ ᐁ ᐯᐦᑖᑯᓯᐟ. 20ᑭᓭᒪᓂᑐ ᒫᑲ ᑭ ᐯ ᔮᓯᑐᑕᒼ ᓴᐃᓇᐩ ᐊᐧᒋ ᑕᐦᑯᑖᑎᐣ ᐁᑯᓯ ᑳ ᑎᐯᔨᐦᒋᑫᐟ ᑕᐦᑯᑖᑎᐣ ᑭ ᐃᓯ ᓇᑐᒣᐤ ᒧᓯᓴ; ᒧᓯᐢ ᒫᑲ ᑭ ᐋᒪᒋᐁᐧᐤ. 21ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᓂᐦᑕᒋᐁᐧ, ᓇᑕᐃᐧ ᐊᔮᑳᐧᒥᒥᐠ ᐊᔨᓯᔨᓂᐊᐧᐠ, ᐁᑳ ᑭᑕ ᓵᐳ ᐃᑐᐦᑌᒋᐠ ᑭᑕ ᑲᓇᐋᐧᐸᒫᒋᐠ ᑳ ᑎᐯᔨᐦᒋᑫᔨᐟ, ᐁᑯᓯ ᒥᐦᒉᐟ ᑭᑕ ᓂᓯᐊᐧᓈᑎᓯᒋᐠ. 22ᑭᔮᒼ ᒫᑲ ᐃᐧᐢᑕᐋᐧᐤ ᐊᔭᒥᐦᐁᐃᐧᔨᓂᐊᐧᐠ, ᑭᓯᐋᐧᐠ ᑳ ᐯ ᓈᑖᒋᐠ ᑳ ᑎᐯᔨᐦᒋᑫᔨᐟ, ᑭᑕ ᑲᓈᒋᐃᓱᐊᐧᐠ, ᐁᑳ ᑭᑕ ᓈᐣᑕᐤ ᐃᐦᑐᑖᑯᒋᐠ ᑳ ᑎᐯᔨᐦᒋᑫᔨᐟ. 23ᒧᓯᐢ ᒫᑲ ᐅᒥᓯ ᑭ ᐃᑌᐤ ᑳ ᑎᐯᔨᐦᒋᑫᔨᐟ, ᐊᓂᑭ ᐊᔨᓯᔨᓂᐊᐧᐠ ᓇᒪᐃᐧᔭ ᑭᑕ ᑭ ᐯ ᐋᒪᒋᐁᐧᐊᐧᐠ ᓴᐃᓇᐩ ᐊᐧᒋᕽ; ᒋᑫᒫ ᑭ ᑭ ᐊᔮᑳᐧᒥᒥᓈᐣ, ᐁ ᐃᑌᐧᔭᐣ, ᑭᐢᑭᓇᐋᐧᒋᐦᑖᐠ ᐋᐧᐢᑳ ᐊᐧᒋ, ᒥᓇ ᑲᓈᒋᐦᑖᐠ. 24ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ, ᓂᔮ, ᓂᐦᑖᒪᒋᐁᐧ; ᐁᑯᓯ ᒫᑲ ᑭ ᑲ ᐯ ᑯᐢᐹᒪᒋᐋᐧᐣ ᑭᔭ ᒥᓇ ᐁᕒᐊᐣ ᑭᑕ ᐯ ᐃᐧᒉᐃᐧᐢᐠ; ᒫᑲ ᑭᔮᒼ ᐁᑳᐃᐧᔭ ᐊᔭᒥᐦᐁᐃᐧᔨᓂᐊᐧᐠ ᒥᓇ ᐊᔨᓯᔨᓂᐊᐧᐠ ᑭᑕ ᓵᐳᐸᐢᐱᓇᒪᐧᐠ ᑭᑕ ᐯ ᓈᑖᒋᐠ ᑳ ᑎᐯᔨᐦᒋᑫᔨᐟ ᐁᑳ ᑭᑕ ᓈᐣᑕᐤ ᐃᐦᑐᑖᑯᒋᐠ. 25ᐁᑯᓯ ᒫᑲ ᒧᓯᐢ ᑭ ᓈᑌᐤ ᐊᔨᓯᔨᓂᐊᐧ, ᒥᓇ ᐁ ᑭ ᐃᐧᐦᑕᒪᐋᐧᐟ.
Currently Selected:
ᐁᐠᓴᑕᐢ 19: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
