ᐁᐠᓴᑕᐢ 16
16
1ᐃᓬᐊᒥᕽ ᒫᑲ ᑭ ᐅᐦᒋ ᓯᐯᐧᐱᒋᐊᐧᐠ, ᑲᐦᑭᔭᐤ ᒫᑲ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐯ ᐃᑐᐦᑌᐊᐧᐠ ᐊᓂᑕ ᓯᐣ ᐱᑲᐧᑕᐢᑭᕽ, ᐊᓂᒪ ᑳ ᐊᔮᐠ ᑕᐢᑕᐋᐧᔨᕽ ᐃᓬᐃᒼ ᒥᓇ ᓴᐃᓇᐩ, ᒥᑖᑕᐦᐟ ᓂᔮᓇᓄᓴᑊ ᐁ ᐃᑕᑭᒥᐦᐟ ᓂᓱ ᐱᓯᒼ, ᐊᐢᐱᐣ ᐃᒋᑊᐟ ᐊᐢᑭᕽ ᑳ ᐯ ᐅᐦᒋ ᓯᐯᐧᑌᒋᐠ. 2ᑲᐦᑭᔭᐤ ᒫᑲ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓇᔦᐦᑖᐃᐧ ᐃᑌᐊᐧᐠ ᒧᓯᓴ ᒥᓇ ᐁᕒᐊᓇ ᐱᑲᐧᑕᐢᑭᕽ. 3ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᐅᒥᓯ ᑭ ᐃᑌᐊᐧᐠ, ᐱᑕᓀ ᑭ ᓂᐸᐦᐃᑯᔮᕽ ᑳ ᑎᐯᔨᐦᒋᑫᐟ ᐊᓂᑕ ᐃᒋᑊᐟ ᐊᐢᑭᕽ ᐁᑯᐢᐱ ᐁ ᐊᐱᐢᑕᐋᔮᑭᐠ ᐃᐧᔮᐢ ᐊᐢᑭᑲᐧᐠ, ᐁᑯᓯ ᒥᓇ ᐁ ᑭᐢᐳᔮᕽ ᐸᐦᑫᐧᓯᑲᐣ; ᒋᑫᒫ ᑭ ᑭ ᐯ ᐃᑐᐦᑕᐦᐃᓈᐣ ᐅᑕ ᐱᑲᐧᑕᐢᑭᕽ, ᑭᑕ ᓂᐸᐦᐋᑲᑐᓱᐁᑯᐠ ᑲᐦᑭᔭᐤ ᐅᑭ ᑳ ᒫᒪᐁᐧᔭᑎᒋᐠ.
4 #
ᒑᐣ 6:31
ᐁᑲᐧ ᒫᑲ ᑳ ᑎᐯᔨᐦᒋᑫᐟ ᐅᒥᓯ ᑭ ᐃᑌᐤ ᒧᓯᓴ, ᑭᓯᑯᕽ ᑭ ᑲ ᐅᐦᒋ ᑭᒥᐊᐧᓂᑕᒫᑎᓈᐋᐧᐤ ᐸᐦᑫᐧᓯᑲᐣ; ᐊᔨᓯᔨᓂᐊᐧᐠ ᒫᑲ ᑭᑕ ᓇᑕᐃᐧ ᒫᐊᐧᒋᐦᑖᐊᐧᐠ ᓇᐦᐃᔨᑯᕽ ᑕᐦᑐ ᑭᓯᑳᐤ, ᑭᑕ ᑲᑫᐧᒋᐊᑭᐠ, ᑭᐢᐱᐣ ᑫ ᐱᒧᐦᑌᐋᐧᑫᐧ ᓄᔭᓱᐁᐧᐃᐧᓂᕽ ᐊᐦᐳ ᐁᑳ? 5ᑭᑕ ᐃᐦᑭᐣ ᒫᑲ ᐃᐢᐱ ᐊᑎ ᓂᑯᑖᐧᓱᑭᓯᑳᑭ, ᑭᑕ ᑲᐧᔮᒋᐦᑖᐊᐧᐠ ᐊᓂᒪ ᑳ ᐱᑐᑲᑖᒋᐠ; ᓂᓵᐧᐤ ᒫᑲ ᐃᔨᑯᕽ ᑭᑕ ᒫᐊᐧᒋᐦᑖᐊᐧᐠ ᐃᔨᑯᕽ ᒫᓇ ᑳ ᒫᐊᐧᒋᐦᑖᒋᐠ ᑕᐦᑐ ᑭᓯᑳᐤ. 6ᒧᓯᐢ ᒫᑲ ᒥᓇ ᐁᕒᐊᐣ ᑭ ᐃᑌᐊᐧᐠ ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᑖᑯᓯᑭ ᑭ ᑲ ᑭᐢᑫᔨᑌᓈᐋᐧᐤ ᑳ ᑎᐯᔨᐦᒋᑫᐟ ᐃᒋᑊᐟ ᐊᐢᑭᕽ ᐁ ᑭ ᐯ ᐅᐦᒋ ᐊᐧᔭᐃᐧᑕᐦᐃᑯᔦᐠ. 7ᐊᑎ ᑫᑭᓭᐹᔮᑭ ᒫᑲ, ᐁᑯᐢᐱ ᑫ ᐋᐧᐸᐦᑕᒣᐠ ᑳ ᑎᐯᔨᐦᒋᑫᐟ ᐅ ᑭᐢᑌᔨᑖᑯᓯᐃᐧᐣ, ᒋᑫᒫ ᐯᐦᑕᒼ ᑳ ᐃᓯ ᒫᔨ ᐱᑭᐢᑳᐧᑖᔦᐠ ᑳ ᑎᐯᔨᐦᒋᑫᐟ; ᑫᑲᐧᐩ ᒫᑲ ᐃᐧᔭ ᓂᔭᓈᐣ ᑳ ᒫᔨ ᐱᑭᐢᑳᐧᓯᔮᕽ? 8ᒧᓯᐢ ᒫᑲ ᑭ ᐃᑌᐧᐤ, ᐅᒥᓯ ᑭᑕ ᐃᐦᑭᐣ ᐃᐢᐱ ᑳ ᑎᐯᔨᐦᒋᑫᐟ ᒥᔨᑯᔦᑯ ᐅᑖᑯᓯᑭ ᐃᐧᔮᐢ ᑭᑕ ᒥᒋᔦᐠ, ᒥᓇ ᑫᑭᓭᐹᔭᑭ ᐸᐦᑫᐧᓯᑲᐣ ᑭᑕ ᑭᐢᐳᔦᐠ; ᒋᑫᒫ ᑳ ᑎᐯᔨᐦᒋᑫᐟ ᐁ ᑭ ᐯᐦᑕᕽ ᐊᓂᒪ ᑳ ᐃᓯ ᒫᔨ ᐃᑖᔦᐠ; ᑫᑲᐧᐩ ᒫᑲ ᓂᔭᓈᐣ ᑳ ᒫᔨ ᐱᑭᐢᑳᐧᓯᔮᕽ? ᓇᒪᐃᐧᔭ ᓂᔭᓈᐣ ᑳ ᒫᔨ ᐱᑭᐢᑳᐧᓯᔮᕽ, ᒫᑲ ᑳ ᑎᐯᔨᐦᒋᑫᐟ.
9ᒧᓯᐢ ᒫᑲ ᑭ ᐃᑌᐤ ᐁᕒᐊᓇ, ᐃᐧᐦᑕᒪᐃᐧᐠ ᑲᐦᑭᔭᐤ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᓯᐋᐧᐠ ᐯ ᓈᑎᕽ ᑳ ᑎᐯᔨᐦᒋᑫᐟ; ᒋᑫᒫ ᑭ ᐯᐦᑕᒼ ᑳ ᐃᓯ ᒫᔨ ᐃᑖᔦᐠ. 10ᑭ ᐃᐦᑭᐣ ᒫᑲ ᒣᑳᐧᐨ ᐁᕒᐊᐣ ᐁ ᐊᔭᒥᐦᐋᐟ ᑲᐦᑭᔭᐤ ᑳ ᒫᒪᐁᐧᔭᑎᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐱᑲᐧᑕᐢᑭᕽ ᐃᑎᑫ ᐁ ᐃᑖᐱᒋᐠ, ᑭ ᐋᐧᐸᐦᑕᒪᐧᐠ ᑳ ᑎᐯᔨᐦᒋᑫᐟ ᐅ ᒪᓂᑐᐋᐧᐢᑌᐃᐧᐣ ᐁ ᓄᑲᐧᓂᔨᐠ ᐊᐧᐢᑯᕽ.
11ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑌᐧᐟ, 12ᓂ ᑭ ᐯᐦᑕᒫᐧᐣ ᐅ ᒫᔨ ᐱᑭᐢᑫᐧᐃᐧᓂᐋᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᐊᔭᒥᐃᐠ ᐅᒥᓯ ᑭᑕ ᐃᑕᒋᐠ, ᐅᑖᑯᓯᑭ ᑭ ᑲ ᒥᒋᓈᐋᐧᐤ ᐃᐧᔮᐢ, ᐊᑎ ᑫᑭᓭᐹᔮᑭ ᑭ ᑲ ᑭᐢᐳᓈᐋᐧᐤ ᐸᐦᑫᐧᓯᑲᐣ; ᑭ ᑲ ᑭᐢᑫᔨᑌᓈᐋᐧᐤ ᒫᑲ ᓂᔭ ᐁ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ. 13ᑭ ᐊᔨᐦᑭᐣ ᒫᑲ, ᐃᐢᐱ ᐁᑎ ᐅᑖᑯᓯᐠ, ᐱᔦᐊᐧᐠ ᑭ ᑕᑯᐸᔨᐊᐧᐠ ᒥᓇ ᐁ ᑭ ᐊᑲᐧᓂᐢᑲᑭᐠ ᑲᐯᓯᐃᐧᐣ; ᐁᑎ ᑫᑭᓭᐹᔮᐠ ᒫᑲ ᐊᓂᒪ ᑳ ᓂᐱᐊᐧᐢᑲᐠ ᐋᐧᐢᑳ ᑲᐯᓯᐃᐧᓂᕽ ᑭ ᐊᔮᐤ, 14ᐃᐢᐱ ᒫᑲ ᑳ ᓂᐱᐊᐧᐢᑳᐠ ᑳ ᐃᐢᐹᑫᐸᔨᐠ, ᐳᑎ ᐊᐧᐢᑭᑕᐢᑲᒥᐠ ᐱᑲᐧᑕᐢᑭᕽ ᑭ ᐊᐢᑌᐤ ᐁ ᐊᐱᓵᓯᐠ ᑫᑲᐧᐩ ᐁ ᐋᐧᐃᐧᔦᔭᐠ, ᐁ ᐊᐱᓵᓯᐠ ᑖᐱᐢᑯᐨ ᐁ ᐃᔨᑲᐧᑎᕽ ᐊᐢᑭᕽ.
15 #
1 ᑲᕒᐃᐣᑎᔭᓇ 10:3
ᐃᐢᐱ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᐧᔮᐸᐦᑕᑭᐠ, ᐅᒥᓯ ᑭ ᐃᑎᑐᐊᐧᐠ, ᑫᑲᐧᐩ ᐊᓂᒪ? ᒋᑫᒫ ᓇᒪᐃᐧᔭ ᑭᐢᑫᔨᑕᒪᐧᐠ ᐁᑐᐃᐧᑳᓂᐊᐧᓂᔨᐠ. ᒧᓯᐢ ᒫᑲ ᐅᒥᓯ ᑭ ᐃᑌᐤ, ᐁᐊᐧᑯ ᐸᐦᑫᐧᓯᑲᐣ ᑳ ᑎᐯᔨᐦᒋᑫᐟ ᑳ ᒥᔨᑯᔦᐠ ᑭᑕ ᒧᐋᐧᔦᐠ. 16ᐁᐊᐧᑯ ᐅᒪ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑎᑯᔦᐠ, ᒫᐊᐧᒋᐦᑖᐠ ᑲ ᐃᐦᑕᓯᐟ ᐊᔨᓯᔨᓂᐤ ᐃᔨᑯᕽ ᑫ ᒥᒋᓱᐟ; ᐯᔭᐠ ᐦᐋᒪᕒ ᐯᔭᐠ ᐊᔨᓯᔨᓂᐤ, ᐃᔨᑯᕽ ᐁ ᐋᐃᑕᓯᔦᐠ ᑭ ᑲ ᐃᓯ ᐅᑎᓀᓈᐋᐧᐤ; ᑲᐦᑭᔭᐤ ᐊᐃᐧᔭᐠ ᐊᓂᐦᐃ ᐅᐦᒋ ᐃᐧᑭᕽ ᑳ ᐊᔮᔨᐟ. 17ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᐁᑯᓯ ᑭ ᑐᑕᒪᐧᐠ, ᒥᓇ ᐁ ᑭ ᒧᓴᑭᓇᑭᐠ ᐋᑎᐦᐟ ᐊᐊᐧᓯᒣ, ᐋᑎᐦᐟ ᓄᐦᑕᐤ. 18#2 ᑲᕒᐃᐣᑎᔭᓇ 8:15ᐃᐢᐱ ᒫᑲ ᑳ ᑎᐸᐊᑭᐠ ᐦᐋᒪᕒ ᐅᐦᒋ, ᐊᓇ ᒥᐢᑕᐦᐃ ᑳ ᑭ ᒫᐊᐧᒋᐦᑖᐟ ᓇᒪ ᑫᑲᐧᐩ ᑭ ᐊᔨᐋᐧᑭᐸᔨᐃᐠ; ᒥᓇ ᑳ ᑭ ᒫᐊᐧᒋᐦᑖᐟ ᐊᐱᓯᐢ ᓇᒪ ᑫᑲᐧᐩ ᑭ ᓄᐦᑌᐸᔨᐃᐠ; ᑭ ᒫᐊᐧᒋᐦᑖᐊᐧᐠ ᑲᐦᑭᔭᐤ ᐊᔨᓯᔨᓂᐤ ᐃᔨᑯᕽ ᑭᑕ ᒥᒋᐟ. 19ᒧᓯᐢ ᒫᑲ ᑭ ᐃᑌᐧᐤ, ᐁᑳᐃᐧᔭ ᐊᐃᐧᔭᐠ ᑭᑕ ᐃᐢᑲᐧᐢᑕᒼ ᑫᑭᓭᐹᔮᔨᑭ. 20ᐁᔨᐁᐧᕽ ᒫᑲ ᓇᒪᐃᐧᔭ ᑭ ᓇᑐᐦᑕᐁᐧᐊᐧᐠ ᒧᓯᓴ; ᒫᑲ ᐋᑎᐦᐟ ᑭ ᐃᐢᑯᓇᒪᐧᐠ ᐁ ᑫᑭᓭᐹᔮᔨᐠ, ᐁᑯᓯ ᑭ ᒪᓂᒍᓯᐊᐧᐣ ᒥᓇ ᑭ ᐃᐧᒉᑲᐣ; ᒧᓯᐢ ᒫᑲ ᑭ ᑭᓯᐋᐧᐃᐠ. 21ᑭ ᒧᓴᑭᓇᒪᐧᐠ ᒫᑲ ᑕᐦᑐ ᑫᑭᓭᐹᔮᐤ, ᑳ ᐃᐦᑕᓯᐟ ᐊᔨᓯᔨᓂᐤ ᐃᔨᑯᕽ ᑭᑕ ᒥᒋᐟ; ᐃᐢᐱ ᒫᑲ ᐁᑎ ᑭᓵᐢᑌᑭ ᑭ ᑎᐦᑭᑌᐤ.
22ᑭ ᐃᐦᑭᐣ ᒫᑲ ᐁ ᓂᑯᑖᐧᓱᑭᓯᑳᔨᐠ ᓂᓵᐧᐤ ᐃᔨᑯᕽ ᑭ ᒫᐊᐧᒋᐦᐁᐊᐧᐠ ᐸᐦᑫᐧᓯᑲᓇ, ᓂᓱ ᐦᐆᒪᕒ ᐃᔨᑯᕽ ᐯᔭᐠ ᐊᔨᓯᔨᓂᐤ; ᑲᐦᑭᔭᐤ ᒫᑲ ᐊᓂᑭ ᑳ ᑎᐯᔨᒫᒋᐠ ᐊᔨᓯᔨᓂᐊᐧ ᑭ ᐯ ᓇᑕᐃᐧ ᐃᐧᐦᑕᒪᐁᐧᐊᐧᐠ ᒧᓯᓴ. 23#ᐁᐠᓴᑕᐢ 20:8-11ᐅᒥᓯ ᒫᑲ ᑭ ᐃᑌᐤ, ᐁᐊᐧᑯ ᐊᓂᒪ ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ, ᐋᐧᐸᐦᑭ ᐁᐊᐧᑯ ᐊᔦᐧᐱᐃᐧᐣ ᑭᑕ ᐅ ᑲᓈᒋ ᐊᔭᒥᐦᐁᑭᓯᑳᒥᐟ ᑳ ᑎᐯᔨᐦᒋᑫᐟ; ᓇᐊᐧᒋᐠ ᐊᓂᒪ ᐁ ᐃᐧ ᓇᐊᐧᒋᔦᐠ, ᒥᓇ ᐸᑳᐦᑖ ᐊᓂᒪ ᐁ ᐃᐧ ᐸᑳᐦᑖᔦᐠ; ᐁᑯᓯ ᐊᓂᒪ ᑳ ᐊᔨᐋᐧᑭᐸᔨᐠ ᐊᐢᑖᐧᐠ ᑭᑕ ᐋᐸᒋᐦᑖᔦᐠ ᑫᑭᓭᐹᔮᑭ. 24ᑭ ᐊᐢᑖᐧᐊᐧᐠ ᒫᑲ ᐱᔨᐢ ᐁ ᑫᑭᓭᐹᔮᔨᐠ, ᒣᐧᐦᒋ ᒧᓯᐢ ᑳ ᑭ ᐃᑌᐧᐟ; ᓇᒪᐃᐧᔭ ᒫᑲ ᑭ ᐃᐧᐦᒉᑲᐣ ᐊᐦᐳ ᓇᒪᐃᐧᔭ ᒥᓇ ᑭ ᒪᓂᒍᓯᐊᐧᐣ. 25ᒧᓯᐢ ᒫᑲ ᑭ ᐃᑌᐧᐤ, ᒥᒋᐠ ᐁᐊᐧᑯ ᐊᓄᐦᐨ ᑳ ᑭᓯᑳᐠ ᒋᑫᒫ ᐊᓄᐦᐨ ᑳ ᑭᓯᑳᐠ ᐅᐟ ᐊᔭᒥᐦᐁᑭᓯᑳᒥᐤ ᑳ ᑎᐯᔨᐦᒋᑫᐟ; ᐊᓄᐦᐨ ᑳ ᑭᓯᑳᐠ ᓇᒪᐃᐧᔭ ᑭ ᑲ ᒥᐢᑫᓈᐋᐧᐤ ᐊᐧᔭᐃᐧᑎᒥᕽ. 26ᓂᑯᑖᐧᓱᑭᓯᑳᐤ ᑭ ᑲ ᒧᓴᑭᓀᓈᐋᐧᐤ; ᒫᑲ ᑌᐸᑯᑊ ᐊᑎ ᑕᐦᑐᑭᓯᑳᑭ, ᐁᐊᐧᑳᐧᓂᒪ ᑭᑕ ᐊᔭᒥᐦᐁᑭᓯᑳᐠ, ᐁᑯᐢᐱ ᓇᒪᐃᐧᔭ ᑭᑕ ᐃᐦᑕᑲᐧᐣ.
27ᑭ ᐊᔨᐦᑭᐣ ᒫᑲ ᑌᐸᑯᑊ ᐁ ᐃᑕᐦᑐ ᑭᓯᑳᐠ ᐋᑎᐦᐟ ᐊᔨᓯᔨᓂᐊᐧᐠ ᑭ ᐊᐧᔭᐃᐧᐊᐧᐠ ᑭᑕ ᒧᓴᑭᓇᑭᐠ, ᐁᑯᓯ ᓇᒪᐃᐧᔭ ᑭ ᒥᐢᑲᒪᐧᐠ. 28ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᑖᓂᔨᑯᕽ ᑭᓀᐧᐢ ᑫ ᐋᓀᐧᑕᒣᐠ ᑭᑕ ᐱᒥᑎᓴᐦᐊᒣᐠ ᓂ ᑳᑫᐢᑫᐧᐃᐧᓇ ᒥᓇ ᓄᔭᓱᐁᐧᐃᐧᓇ? 29ᐋᐧᐸᐦᑕᒧᐠ, ᒋᑫᒫ ᑳ ᑎᐯᔨᐦᒋᑫᐟ ᑭ ᑭ ᒥᔨᑯᐋᐧᐤ ᐊᔭᒥᐦᐁᑭᓯᑳᐤ, ᐁᐊᐧᑯ ᐅᐦᒋ ᑭ ᒥᔨᑯᐋᐧᐤ ᐸᐦᑫᐧᓯᑲᓇ ᐁ ᓂᑲᑖᐧᓱᑭᓯᑳᐠ ᓂᓱ ᑭᓯᑳᐤ ᑭᑕ ᐋᐸᒋᐋᔦᐠ; ᐊᔮᐠ ᒫᑲ ᑳ ᐃᐦᑕᓯᔦᐠ ᑭ ᑲᐯᓯᐃᐧᓂᐋᐧᐣ ᑭᔮᒼ ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐅ ᑲᐯᓯᐃᐧᓂᕽ ᑭᑕ ᐅᐦᒋ ᐊᐧᔭᐃᐧᐤ ᑌᐸᑯᑊ ᐁ ᑕᐦᑐᑭᓯᑳᔨᐠ. 30ᐁᑯᓯ ᒫᑲ ᐊᔨᓯᔨᓂᐊᐧᐠ ᑭ ᐊᔦᐧᐱᐊᐧᐠ ᑌᐸᑯᑊ ᐁ ᑕᐦᑐ ᑭᓯᑳᔨᐠ. 31#ᓇᒼᐸᕒᐢ 11:7,8ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᓇ ᑭ ᐃᓯᔨᐦᑳᑕᒪᐧᐠ, ᑖᐱᐢᑯᐨ ᑭᐢᑎᑳᓂᒥᓂᐢ ᑭ ᐃᓯᓈᑲᐧᐣ, ᐁ ᐋᐧᐱᐢᑳᐠ; ᒥᓇ ᒫᑲ ᑖᐱᐢᑯᐨ ᐋᐧᐃᐧᔦᑲᓯᑲᓂᐢ ᐊᒧᓯᓯᐹᐢᑲᐧᐟ ᐁ ᑭᑭᓂᑳᑌᐠ ᑭ ᐃᐢᐸᑲᐧᐣ.
32ᒧᓯᐢ ᒫᑲ ᐅᒥᓯ ᑭ ᐃᑌᐧᐤ, ᐁᐊᐧᑯ ᐅᒪ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐁᐧᐟ, ᓵᑲᐢᑭᓇᑖᐠ ᐯᔭᐠ ᐦᐋᒪᕒ ᐁᐊᐧᑯ ᑭᑕ ᑲᓇᐁᐧᔨᑕᒣᐠ ᑫ ᐊᑎ ᐋᔮᓂᐢᑫ ᐱᒫᑎᓯᔦᐠ; ᑭᑕ ᐋᐧᐸᒫᒋᐠ ᐊᓂᐦᐃ ᐸᐦᑫᐧᓯᑲᓇ ᑳ ᑭ ᐊᓴᒥᑕᑯᐠ ᐱᑲᐧᑕᐢᑭᕽ, ᐃᐢᐱ ᐃᒋᑊᐟ ᐊᐢᑭᕽ ᐁ ᐯ ᐅᐦᒋ ᐊᐧᔭᐃᐧᑕᐦᐃᑕᑯᐠ. 33#ᐦᐃᐸᕒᐅᐊᐧ 9:4ᒧᓯᐢ ᒫᑲ ᐅᒥᓯ ᑭ ᐃᑌᐤ ᐁᕒᐊᓇ, ᐅᑎᓇ ᐊᓯᐊᐧᒋᑲᐣ ᐁᑯᓯ ᐁᑯᑕ ᐊᓯᐊᐧᑖ ᐯᔭᐠ ᐦᐆᒪᕒ ᐃᔨᑯᕽ ᐊᓂᒪ ᒫᓇ, ᐁᑯᓯ ᐅᑌᐢᑲᐊᐧᐢᑖᐤ ᑳ ᑎᐯᔨᐦᒋᑫᐟ, ᑭᑕ ᑲᓇᐁᐧᔨᐦᒋᑳᑌᐠ ᑫ ᐊᑎ ᐋᔮᓂᐢᑫ ᐱᒫᑎᓯᔦᐠ. 34ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ, ᐁᑯᓯ ᐁᕒᐊᐣ ᑳ ᐃᓯ ᓇᐦᐊᐢᑖᐟ ᐅᑎᐢᑲᐤ ᑭᐢᑫᔨᑕᒧᐦᐃᐁᐧᐃᐧᓂᕽ ᑭᑕ ᑲᓇᐁᐧᔨᐦᒋᑳᑌᐠ. 35#ᒑᐢᔪᐊ 5:12ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᒥᒋᐊᐧᐠ ᒫᓇ ᓀᒥᑕᓇᐤ ᑕᐦᑐ ᐊᐢᑭ, ᐱᔨᐢ ᐁ ᐅᑎᐦᑕᐦᑭᐠ ᐊᓂᒪ ᐊᐢᑭ ᑳ ᐅᐟ ᐃᐦᑖᐃᐧᓂᐊᐧᕽ; ᑭ ᒥᒋᐊᐧᐠ ᐊᓂᒪ ᒫᓇ ᐱᔨᐢ ᐁ ᑕᑯᓯᐦᑭᐠ ᐊᓂᑕ ᒋᑭ ᑫᓇᐣ ᐊᐢᑭᕽ. 36ᐊᓂᒪ ᒫᑲ ᐯᔭᐠ ᐦᐆᒪᕒ ᐁᐊᐧᑯ ᐯᔭᐠ ᐁ ᑭ ᒥᑖᑕᐦᑐᑖᕽ ᐯᔭᐠ ᐃᐦᐸ.
Currently Selected:
ᐁᐠᓴᑕᐢ 16: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
