ᐃᐱᓯᔭᓇ 4
4
1ᓂᔭ ᒫᑲ, ᑭᐸᐋᐧᑲᐣ ᑳ ᑎᐯᔨᐦᒋᑫᐟ ᐅᐦᒋ, ᑭ ᐸᑯᓭᔨᒥᑎᓈᐋᐧᐤ ᑌᐸᑫᔨᑖᑯᓯᐃᐧᓂᕽ ᑭᑕ ᐱᒧᑖᑐᑕᒣᐠ ᐊᓂᒪ ᓇᑐᒥᑯᐃᐧᐣ ᑳ ᑭ ᐃᓯ ᓇᑐᒥᑲᐃᐧᔦᐠ, 2#ᑲᓬᐋᓯᔭᓇ 3:12,13ᒥᓯᐁᐧ ᑕᐸᑌᔨᒧᐃᐧᓂᕽ ᒥᓇ ᔪᐢᑳᑎᓯᐃᐧᓂᕽ, ᑭᑭ ᓯᐯᔨᑕᒧᐃᐧᐣ, ᐁ ᓴᓯᐯᔨᑕᒫᑐᔦᐠ ᓵᑭᐦᐃᐁᐧᐃᐧᓂᕽ; 3ᐁ ᐋᑲᒣᔨᒧᔦᐠ ᑭᑕ ᑲᓇᐁᐧᔨᑕᒣᐠ ᐅ ᒫᒪᐃᐧᐃᐁᐧᐃᐧᐣ ᐊᐦᒑᕽ ᐁ ᒫᒪᐊᐧᐱᑎᑯᔦᐠ ᐯᔭᑕᑫᔨᒧᐃᐧᐣ. 4ᐯᔭᑲᐧᐣ ᒥᔭᐤ, ᒥᓇ ᐯᔭᑯ ᐊᐦᒑᕽ, ᑳ ᐃᓯ ᓇᑐᒥᑲᐃᐧᔦᐠ ᐁ ᐯᔭᑲᐧᕽ ᑳ ᐃᓯ ᐊᐢᐯᔨᒧᕽ ᑭ ᓇᑐᒥᑯᐃᐧᓂᐋᐧᕽ; 5ᐯᔭᑯ ᑳ ᑎᐯᔨᐦᒋᑫᐟ, ᐯᔭᑲᐧᐣ ᑖᐯᐧᔦᔨᑕᒧᐃᐧᐣ, ᐯᔭᑲᐧᐣ ᐹᑊᑕᐃᓯᐃᐧᐃᐧᐣ, 6ᐯᔭᑯ ᑭᓭᒪᓂᑐ ᒫᒪᐃᐧ ᑯᑖᐃᐧᓇᐤ, ᑳ ᒫᐊᐧᒋ ᑭᐦᒑᔨᐃᐧᐟ, ᑲᐦᑭᔭᐤ ᑳ ᐅᐦᒋ ᐊᔮᕽ, ᒥᓇ ᑳ ᑭᑭᐢᑳᑯᔦᐠ ᑲᐦᑭᔭᐤ. 7ᒫᑲ ᑲᐦᑭᔭᐤ ᑳ ᐃᑕᓯᔭᕽ ᑭ ᑭ ᒥᔨᑲᐃᐧᓈᓇᐤ ᓂᓱᑲᒫᑯᐃᐧᐣ ᐁ ᐃᐢᐱᑌᔨᑖᑲᐧᓂᔨᐠ ᐅ ᒣᑭᐃᐧᐣ ᙭. 8#ᓂᑲᒧᓇ 68:18ᐁᐊᐧᑯ ᒫᑲ ᐅᐦᒋ ᐃᑌᐧᐤ, ᐃᐢᐱ ᐃᐢᐱᒥᕽ ᐁ ᐃᓯ ᐅᐱᐢᑳᐟ, ᑎᐯᔨᒥᑯᐃᐧᐣ ᑭ ᓯᐯᐧᑕᑖᐤ ᐁ ᑎᐯᔨᑕᕽ, ᒥᓇ ᑭ ᒥᔦᐤ ᒣᑭᐃᐧᓇ ᐊᔨᓯᔨᓂᐊᐧ. 9(ᐅᒪ ᒫᑲ ᑳ ᐃᑌᐧᕽ, ᑭ ᐅᐱᐢᑳᐤ, ᑫᑲᐧᐩ ᐁᐊᐧᑯ ᐁ ᑭ ᔮᓯᐟ ᒫᑲ ᓂᒑᔨᕽ ᐊᐢᑭᕽ? 10ᐊᓇ ᑳ ᑭ ᔮᓴᐢᑫᐟ ᐁᐊᐧᑯ ᒥᓇ ᑳ ᑭ ᐅᐱᐢᑳᐟ ᐃᐢᐱᒥᕽ ᐃᓯ ᑲᐦᑭᔭᐤ ᑭᓯᑲᐧ, ᑭᑕ ᑭ ᒧᐢᑭᓇᑖᐟ ᑲᐦᑭᔭᐤ ᑫᑲᐧᐩ.) 11ᐁᑯᓯ ᐋᑎᐦᐟ ᑭ ᐃᓯ ᒥᔦᐤ ᑭᑕ ᐊᐹᐢᑎᓬᐃᐃᐧᔨᐟ; ᒥᓇ ᐋᑎᐦᐟ, ᑭᑕ ᐅᑭᐢᑭᐁᐧᐦᐃᑫᐃᐧᔨᐟ; ᒥᓇ ᐋᑎᐦᐟ, ᑭᑕ ᒥᔮᐧᒋᒧᐃᐧᔨᓂᐃᐧᔨᐟ; ᒥᓇ ᐋᑎᐦᐟ, ᑭᑕ ᐊᔭᒥᐦᐁᐃᐧᔨᓂᐃᐧᔨᐟ ᒥᓇ ᑭᑕ ᑭᐢᑭᓄᐦᐊᒫᑫᔨᐟ; 12ᑭᑕ ᑭᓯᐃᑯᐃᐧᓯᒋᐠ ᐅᑲᓈᑎᓯᐊᐧᐠ, ᑭᑕ ᐊᑐᐢᑳᑕᒥᕽ ᐸᒥᐢᑖᑫᐃᐧᐣ, ᑭᑕ ᐊᑎ ᔭᑭᓯᒋᑳᑌᔨᐠ ᐃᐧᔭᐤ ᙭: 13ᐱᔨᐢ ᑲᐦᑭᔭᐤ ᑭᑕ ᐅᑎᑕᒪᕽ ᒫᒪᐃᐧ ᐊᔮᐃᐧᐣ ᑖᐯᐧᔦᔨᑕᒧᐃᐧᓂᕽ, ᒥᓇ ᐅ ᑭᐢᑫᔨᒥᑯᐃᐧᓂᕽ ᐊᓇ ᑭᓭᒪᓂᑐ ᐅᑯᓯᓴ, ᑭᑕ ᐅᑎᑕᒪᕽ ᐁ ᑮᓯᓂᑖᐃᐧᑭᐟ ᐊᔨᓯᔨᓂᐤ, ᐁ ᐃᐢᐱᑌᔨᑖᑲᐧᓂᔨᐠ ᐅ ᒫᒪᐁᐧᔨᑖᑯᓯᐃᐧᐣ ᙭: 14ᐁᑳ ᐁᑲᐧ ᐃᐧᑳᐨ ᑭᑕ ᐊᐋᐧᓯᓯᐃᐧᔭᕽ, ᑲᑭᐧᑯᐢᐠ ᑭᑕ ᐃᑖᐅᑯᔭᕽ ᒥᓇ ᑭᑕ ᐸᐹᒥ ᐁᐧᐹᐢᑎᒥᑯᔭᕽ ᑲᐦᑭᔭᐤ ᐁ ᐃᓯ ᑭᐢᑭᓄᐦᐊᒫᑫᕽ, ᐅ ᒪᒥᔪᐃᐧᓂᐋᐧᐤ ᐅᐦᒋ ᐊᔨᓯᔨᓂᐊᐧᐠ, ᐁ ᑲᑲᔦᔨᓯᒋᐠ, ᐁ ᐃᓯ ᐊᐧᓂᓯᒥᐁᐧᐠ ᓇᐢᐹᐨ ᑭᐢᑭᓄᐦᐊᒫᑫᐃᐧᐣ; 15ᒫᑲ ᑖᐯᐧᐃᐧᐣ ᐁ ᐃᑌᐧᔭᕽ ᓵᑭᐦᐃᐁᐧᐃᐧᓂᕽ, ᑭᑕ ᑭ ᐅᐱᑭᐢᑕᐋᐧᔭᕽ ᐃᐧᔭ ᒥᓯᐁᐧ ᐃᓯ, ᐊᓇ ᑳ ᐅᐢᑎᑳᐧᓂᐢᑲᕽ, ᐁᐊᐧᑯ ᙭; 16#ᑲᓬᐋᓯᔭᓇ 2:19ᐁᑯᑕ ᐅᐦᒋ ᒥᓯᐁᐧ ᒥᔭᐤ ᐁ ᒫᒪᐃᐧ ᑕᑖᐸᐁᐧᐸᔨᐠ ᒥᓇ ᐁ ᒪᐢᑲᐃᐧ ᒫᒪᐊᐧᕽ ᐊᓂᒪ ᐅᐦᒋ ᐁ ᐃᑕᑎᑭ ᐋᓂᐢᑲᐃᐧᑲᓈᓇ ᑳ ᐃᓯ ᐃᐧᒋᑖᒪᑲᑭ, ᐁ ᐃᓯ ᑲᐧᔭᐢᐠ ᐊᑐᐢᑫᒪᑲᑭ ᑲᐦᑭᔭᐤ ᑳ ᐃᑕᑕᐧᔭᑲᕽ, ᔭᑭᐅᒪᑲᐣ ᒥᔭᐤ ᐁ ᐊᑎ ᐅᓯᐃᓱᒪᑲᕽ ᓵᑭᐦᐃᐁᐧᐃᐧᓂᕽ.
17ᐅᒪ ᒫᑲ ᓂᐟ ᐃᑖᐧᐣ, ᒥᓇ ᓂᐟ ᐋᑐᑌᐣ ᑳ ᑎᐯᔨᐦᒋᑫᐟ ᐃᓯ, ᐁᑳ ᐁᑲᐧ ᑭᑕ ᐱᒧᐦᑌᔦᐠ ᒉᐣᑕᐃᓬᐊᐠ ᑳ ᐃᓯ ᐱᒧᐦᑌᒋᐠ, ᐁ ᐃᓯ ᐱᑯᓇᑕ ᐅ ᒥᑐᓀᔨᒋᑲᓀᒋᐠ, 18ᐁ ᐊᐧᓂᑎᐱᐢᑭ ᐊᔮᔨᐠ ᐅ ᓂᓯᑐᐦᑕᒧᐃᐧᓂᐋᐧᐤ, ᐁ ᐊᔭᑎᓯᐢᑕᑭᐠ ᐅ ᐱᒫᑎᓯᐃᐧᐣ ᑭᓭᒪᓂᑐ ᐃᐧᔭ ᐁᑳ ᑭᐢᑫᔨᑕᒧᐃᐧᐣ ᐁ ᑭᑭᐢᑳᑯᒋᐠ, ᒋᑫᒫ ᐁ ᒪᐢᑲᐃᐧᑌᐁᒋᐠ; 19ᐁᐊᐧᑯᓂᐠ ᐁ ᐳᓂ ᐅ ᒧᓯᐅᐃᐧᓂᒋᐠ ᑳ ᐸᑭᑎᓂᓱᒋᐠ ᐱᓯᑳᐧᑎᓯᐃᐧᓂᕽ, ᑭᑕ ᐊᑐᐢᑳᑕᐦᑭᐠ ᑲᑭᔭᐤ ᑫᑲᐧᐩ ᐁᑳ ᑳ ᐯᑲᕽ ᑳᓴᑳᑎᓯᐃᐧᓂᕽ. 20ᒫᑲ ᑭᔭᐋᐧᐤ ᓇᒪᐃᐧᔭ ᐁᑯᓯ ᑳ ᑭ ᐃᓯ ᑭᐢᑫᔨᒫᔦᐠ ᙭; 21ᑭᐢᐱᐣ ᑳ ᐯᑕᐊᐧᐁᐧᑫᐧ, ᒥᓇ ᑳ ᑭᐢᑭᓄᐦᐊᒫᑲᐃᐧᐁᐧᑫᐧ, ᑖᐯᐧᐃᐧᐣ ᑳ ᐃᓯ ᐊᔮᐟ ᒋᓴᐢ: 22#ᑲᓬᐋᓯᔭᓇ 3:9ᐅᐦᐱᒣ ᑭᑕ ᐊᐢᑖᔦᐠ, ᑲᔮᐢ ᑳ ᑭ ᐯ ᐃᓯ ᐱᒫᑎᓯᔦᐠ, ᑲᔭᑌ ᐊᔨᓯᔨᓂᐤ, ᑳ ᐊᑎ ᓂᓯᐊᐧᓈᒋ ᐊᔮᐟ ᑳ ᑲᔦᓯᐃᐁᐧᑭ ᒪᒋ ᒧᐢᑕᐁᐧᔨᑕᒧᐃᐧᓇ ᐅᐦᒋ; 23ᐁᑯᓯ ᑭᑕ ᐅᐢᑭ ᐅᓯᐃᑲᐃᐧᔦᐠ ᐁ ᐊᐦᒑᐦᑯᐊᐧᕽ ᑭ ᒫᒥᑐᓀᔨᒋᑲᓂᐋᐧᐤ, 24#ᑲᓬᐋᓯᔭᓇ 3:10; ᒉᓂᓯᐢ 1:26ᐁᑯᓯ ᑭᑕ ᐳᓯᐢᑲᐋᐧᔦᐠ ᐅᐢᑭ ᐊᔨᓯᔨᓂᐤ, ᑭᓭᒪᓂᑐ ᐅᐟ ᐃᓯᓈᑯᓯᐃᐧᓂᕽ ᑳ ᑭ ᐃᓯ ᐅᓯᐃᐦᐟ ᑲᐧᔭᐢᑭᑖᑎᓯᐃᐧᓂᕽ ᒥᓇ ᐁ ᐃᓯ ᑲᓈᑕᕽ ᑖᐯᐧᐃᐧᐣ.
25 #
ᓭᑲᕒᐋᔭ 8:16
ᐁᑯᓯ ᒫᑲ, ᐅᐦᐱᒣ ᐁ ᐊᐢᑖᔦᐠ ᑭᔮᐢᑭᐃᐧᐣ, ᑖᐯᐧᐃᐧᐣ ᐃᐧᐦᑕᒫᑐᐠ ᑳ ᐃᐧᒋ ᐊᔨᓯᔨᓂᑐᔦᐠ: ᒋᑫᒫ ᑲᐦᑭᔭᐤ ᑯ ᐃᐧᒉᐋᐧᑲᓂᑐᓈᓇᐤ. 26#ᓂᑲᒧᓇ 4:4ᑭᓯᐋᐧᓯᐠ, ᐁᑳᐃᐧᔭ ᒫᑲ ᒪᒋᑐᑕᒧᐠ: ᐁᑳᐃᐧᔭ ᑭᑕ ᐸᐦᑭᓯᒧ ᐱᓯᒼ ᐁ ᑭᓯᐋᐧᓯᔦᐠ: 27ᐁᑳᐃᐧᔭ ᒥᓇ ᑕᐃᐧᐢᑕᒫᕽ ᒪᒑᔭ. 28ᑭᔮᒼ ᐊᓇ ᑳ ᑭ ᑭᒧᑎᐟ ᐁᑳᐃᐧᔭ ᒥᓇ ᑭᑕ ᑭᒧᑎᐤ: ᒫᑲ ᑭᔮᒼ ᑭᑕ ᐊᑐᐢᑫᐤ, ᐁ ᐊᑐᐢᑳᑕᕽ ᐅ ᒋᐦᒋᔭ ᐅᐦᒋ ᐊᓂᒪ ᑳ ᒥᔮᐧᓯᓂᔨᐠ, ᑭᑕ ᐊᔮᐟ ᑫᑲᐧᐩ ᑭᑕ ᒥᔮᐟ ᐊᓂᐦᐃ ᑳ ᑭᐧᑕᒫᔨᐟ. 29ᑭᔮᒼ ᐁᑳᐃᐧᔭ ᒪᒋ ᐱᑭᐢᑫᐧᐃᐧᐣ ᑭᑐᓂᐋᐧᕽ ᑭᑕ ᐅᐦᒋᐸᔨᐤ, ᒫᑲ ᐊᓂᒪ ᑳ ᒥᔮᐧᓯᐠ ᑭᑕ ᐅᐦᒋ ᑭᐢᑭᓄᐦᐊᒫᑯᐃᐧᓯᕽ ᐁ ᐃᓯ ᑭᐧᑕᒫᕽ, ᑭᑕ ᓂᓱᑲᒫᑯᒋᐠ ᐊᓂᑭ ᑳ ᐯᐦᑕᐦᑭᐠ. 30ᐁᑳᐃᐧᔭ ᒥᓇ ᒥᑯᐢᑳᑌᔨᑕᒥᐃᒫᕽ ᑭᓭᒪᓂᑐ ᐅ ᑲᓈᒋ ᐊᐦᒑᐦᑲᐧ, ᐃᑕ ᐅᐦᒋ ᑳ ᑭ ᑭᐢᑭᓇᐋᐧᒋᐃᑲᐃᐧᔦᐠ ᐱᔨᐢ ᑭᑕ ᐱᒫᒋᐦᐃᐁᐧᐃᐧ ᑭᓯᑳᐠ. 31ᑭᔮᒼ ᑲᐦᑭᔭᐤ ᐸᑳᐧᑎᑐᐃᐧᐣ, ᒥᓇ ᑭᓯᐋᐧᓯᐃᐧᐣ, ᒥᓇ ᑭᓯᐁᐧᔨᑕᒧᐃᐧᐣ, ᒥᓇ ᐹᓯᑳᐧᑎᓯᐃᐧᐣ, ᒥᓇ ᑭᑳᐃᐧᑕᒧᐃᐧᐣ, ᐅᐦᐱᒣ ᑭ ᑲ ᐊᐢᑖᓈᐋᐧ, ᑭᑭ ᑭᒧᒋ ᓇᔦᑖᐁᐧᔨᒥᑐᐃᐧᐣ: 32#ᑲᓬᐋᓯᔭᓇ 3:13ᐁᑯᓯ ᒥᔪ ᑐᑖᑐᐠ, ᑭᓭᐋᐧᑐᑖᑐᐠ, ᐁ ᐸᐳᓀᔨᑕᒫᑐᔦᐠ, ᑖᐱᐢᑯᐨ ᑭᓭᒪᓂᑐ ᒥᓇ ᙭ ᐅᐦᒋ ᑳ ᑭ ᐳᓀᔨᑕᒫᑯᔦᐠ.
Currently Selected:
ᐃᐱᓯᔭᓇ 4: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
