Popular Bible Verses from ᐃᐱᓯᔭᓇ 4

Share

ᐁᑯᓯ ᒥᔪ ᑐᑖᑐᐠ, ᑭᓭᐋᐧᑐᑖᑐᐠ, ᐁ ᐸᐳᓀᔨᑕᒫᑐᔦᐠ, ᑖᐱᐢᑯᐨ ᑭᓭᒪᓂᑐ ᒥᓇ ᙭ ᐅᐦᒋ ᑳ ᑭ ᐳᓀᔨᑕᒫᑯᔦᐠ.

ᒥᓯᐁᐧ ᑕᐸᑌᔨᒧᐃᐧᓂᕽ ᒥᓇ ᔪᐢᑳᑎᓯᐃᐧᓂᕽ, ᑭᑭ ᓯᐯᔨᑕᒧᐃᐧᐣ, ᐁ ᓴᓯᐯᔨᑕᒫᑐᔦᐠ ᓵᑭᐦᐃᐁᐧᐃᐧᓂᕽ

ᑭᔮᒼ ᐁᑳᐃᐧᔭ ᒪᒋ ᐱᑭᐢᑫᐧᐃᐧᐣ ᑭᑐᓂᐋᐧᕽ ᑭᑕ ᐅᐦᒋᐸᔨᐤ, ᒫᑲ ᐊᓂᒪ ᑳ ᒥᔮᐧᓯᐠ ᑭᑕ ᐅᐦᒋ ᑭᐢᑭᓄᐦᐊᒫᑯᐃᐧᓯᕽ ᐁ ᐃᓯ ᑭᐧᑕᒫᕽ, ᑭᑕ ᓂᓱᑲᒫᑯᒋᐠ ᐊᓂᑭ ᑳ ᐯᐦᑕᐦᑭᐠ.

ᑭᔮᒼ ᑲᐦᑭᔭᐤ ᐸᑳᐧᑎᑐᐃᐧᐣ, ᒥᓇ ᑭᓯᐋᐧᓯᐃᐧᐣ, ᒥᓇ ᑭᓯᐁᐧᔨᑕᒧᐃᐧᐣ, ᒥᓇ ᐹᓯᑳᐧᑎᓯᐃᐧᐣ, ᒥᓇ ᑭᑳᐃᐧᑕᒧᐃᐧᐣ, ᐅᐦᐱᒣ ᑭ ᑲ ᐊᐢᑖᓈᐋᐧ, ᑭᑭ ᑭᒧᒋ ᓇᔦᑖᐁᐧᔨᒥᑐᐃᐧᐣ

ᑭᓯᐋᐧᓯᐠ, ᐁᑳᐃᐧᔭ ᒫᑲ ᒪᒋᑐᑕᒧᐠ: ᐁᑳᐃᐧᔭ ᑭᑕ ᐸᐦᑭᓯᒧ ᐱᓯᒼ ᐁ ᑭᓯᐋᐧᓯᔦᐠ: ᐁᑳᐃᐧᔭ ᒥᓇ ᑕᐃᐧᐢᑕᒫᕽ ᒪᒑᔭ.

ᐅᐦᐱᒣ ᑭᑕ ᐊᐢᑖᔦᐠ, ᑲᔮᐢ ᑳ ᑭ ᐯ ᐃᓯ ᐱᒫᑎᓯᔦᐠ, ᑲᔭᑌ ᐊᔨᓯᔨᓂᐤ, ᑳ ᐊᑎ ᓂᓯᐊᐧᓈᒋ ᐊᔮᐟ ᑳ ᑲᔦᓯᐃᐁᐧᑭ ᒪᒋ ᒧᐢᑕᐁᐧᔨᑕᒧᐃᐧᓇ ᐅᐦᒋ; ᐁᑯᓯ ᑭᑕ ᐅᐢᑭ ᐅᓯᐃᑲᐃᐧᔦᐠ ᐁ ᐊᐦᒑᐦᑯᐊᐧᕽ ᑭ ᒫᒥᑐᓀᔨᒋᑲᓂᐋᐧᐤ, ᐁᑯᓯ ᑭᑕ ᐳᓯᐢᑲᐋᐧᔦᐠ ᐅᐢᑭ ᐊᔨᓯᔨᓂᐤ, ᑭᓭᒪᓂᑐ ᐅᐟ ᐃᓯᓈᑯᓯᐃᐧᓂᕽ ᑳ ᑭ ᐃᓯ ᐅᓯᐃᐦᐟ ᑲᐧᔭᐢᑭᑖᑎᓯᐃᐧᓂᕽ ᒥᓇ ᐁ ᐃᓯ ᑲᓈᑕᕽ ᑖᐯᐧᐃᐧᐣ.

ᐁ ᐋᑲᒣᔨᒧᔦᐠ ᑭᑕ ᑲᓇᐁᐧᔨᑕᒣᐠ ᐅ ᒫᒪᐃᐧᐃᐁᐧᐃᐧᐣ ᐊᐦᒑᕽ ᐁ ᒫᒪᐊᐧᐱᑎᑯᔦᐠ ᐯᔭᑕᑫᔨᒧᐃᐧᐣ.

ᐁᑯᓯ ᐋᑎᐦᐟ ᑭ ᐃᓯ ᒥᔦᐤ ᑭᑕ ᐊᐹᐢᑎᓬᐃᐃᐧᔨᐟ; ᒥᓇ ᐋᑎᐦᐟ, ᑭᑕ ᐅᑭᐢᑭᐁᐧᐦᐃᑫᐃᐧᔨᐟ; ᒥᓇ ᐋᑎᐦᐟ, ᑭᑕ ᒥᔮᐧᒋᒧᐃᐧᔨᓂᐃᐧᔨᐟ; ᒥᓇ ᐋᑎᐦᐟ, ᑭᑕ ᐊᔭᒥᐦᐁᐃᐧᔨᓂᐃᐧᔨᐟ ᒥᓇ ᑭᑕ ᑭᐢᑭᓄᐦᐊᒫᑫᔨᐟ; ᑭᑕ ᑭᓯᐃᑯᐃᐧᓯᒋᐠ ᐅᑲᓈᑎᓯᐊᐧᐠ, ᑭᑕ ᐊᑐᐢᑳᑕᒥᕽ ᐸᒥᐢᑖᑫᐃᐧᐣ, ᑭᑕ ᐊᑎ ᔭᑭᓯᒋᑳᑌᔨᐠ ᐃᐧᔭᐤ ᙭: ᐱᔨᐢ ᑲᐦᑭᔭᐤ ᑭᑕ ᐅᑎᑕᒪᕽ ᒫᒪᐃᐧ ᐊᔮᐃᐧᐣ ᑖᐯᐧᔦᔨᑕᒧᐃᐧᓂᕽ, ᒥᓇ ᐅ ᑭᐢᑫᔨᒥᑯᐃᐧᓂᕽ ᐊᓇ ᑭᓭᒪᓂᑐ ᐅᑯᓯᓴ, ᑭᑕ ᐅᑎᑕᒪᕽ ᐁ ᑮᓯᓂᑖᐃᐧᑭᐟ ᐊᔨᓯᔨᓂᐤ, ᐁ ᐃᐢᐱᑌᔨᑖᑲᐧᓂᔨᐠ ᐅ ᒫᒪᐁᐧᔨᑖᑯᓯᐃᐧᐣ ᙭

ᐁᑳ ᐁᑲᐧ ᐃᐧᑳᐨ ᑭᑕ ᐊᐋᐧᓯᓯᐃᐧᔭᕽ, ᑲᑭᐧᑯᐢᐠ ᑭᑕ ᐃᑖᐅᑯᔭᕽ ᒥᓇ ᑭᑕ ᐸᐹᒥ ᐁᐧᐹᐢᑎᒥᑯᔭᕽ ᑲᐦᑭᔭᐤ ᐁ ᐃᓯ ᑭᐢᑭᓄᐦᐊᒫᑫᕽ, ᐅ ᒪᒥᔪᐃᐧᓂᐋᐧᐤ ᐅᐦᒋ ᐊᔨᓯᔨᓂᐊᐧᐠ, ᐁ ᑲᑲᔦᔨᓯᒋᐠ, ᐁ ᐃᓯ ᐊᐧᓂᓯᒥᐁᐧᐠ ᓇᐢᐹᐨ ᑭᐢᑭᓄᐦᐊᒫᑫᐃᐧᐣ; ᒫᑲ ᑖᐯᐧᐃᐧᐣ ᐁ ᐃᑌᐧᔭᕽ ᓵᑭᐦᐃᐁᐧᐃᐧᓂᕽ, ᑭᑕ ᑭ ᐅᐱᑭᐢᑕᐋᐧᔭᕽ ᐃᐧᔭ ᒥᓯᐁᐧ ᐃᓯ, ᐊᓇ ᑳ ᐅᐢᑎᑳᐧᓂᐢᑲᕽ, ᐁᐊᐧᑯ ᙭