ᑎᔪᑕᕒᐊᓇᒥ 9
9
1ᓇᑐᐦᑕ ᐃᐢᕒᐁᐃᓬ; ᐊᓄᐦᐨ ᑳ ᑭᓯᑳᐠ ᑭ ᑲ ᐋᓱᐊᐁᐣ ᒑᕒᑕᐣ, ᑭᑕ ᓇᑕᐃᐧ ᑎᐯᔨᒪᒋᐠ ᐊᔨᓯᔨᓂᐊᐧᐠ ᐊᔨᐋᐧᐠ ᐁ ᑭᐦᒑᔨᐃᐧᒋᐠ ᒥᓇ ᐁ ᓱᑳᔭᐃᐧᓯᒋᐠ ᐃᔨᑯᕽ ᑭᔭ, ᐅᑌᓇᐊᐧ ᐁ ᒥᓵᑭ ᒥᓇ ᐁ ᒣᓂᐢᑭᑲᑌᑭ ᑭᓯᑯᕽ ᐃᓯ, 2ᐊᔨᓯᔨᓂᐊᐧᐠ ᐁ ᒥᓯᑭᑎᒋᐠ ᒥᓇ ᐁ ᑭᓄᑳᐸᐃᐧᒋᐠ, ᐅᑯᓯᓯᐋᐧᐊᐧ ᐊᓂᑭ ᐁᓈᑭᒼ, ᑳ ᑭᐢᑫᔨᒪᒋᐠ, ᑳ ᑭ ᐯᑕᒪᐣ ᐁ ᐃᑎᐦᒋᐠ, ᐊᐁᐧᓇ ᑫ ᑭ ᐅᐦᑎᐢᑲᐃᐧᑳᐸᐃᐧᐢᑕᐋᐧᐟ ᐅᑯᓯᓴ ᐁᓈᐠ? 3ᑭᐢᑫᔨᑕ ᒫᑲ ᐊᓄᐦᐨ ᑳ ᑭᓯᑳᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᐊᐧᑳᐧᓇ ᑳ ᓂᑳᓄᑖᐢᐠ ᑖᐱᐢᑯᐨ ᐁ ᒣᐢᑎᑲᓯᑫᒪᑲᕽ ᐃᐢᑯᑌᐤ; ᑭᑕ ᓂᓯᐊᐧᓈᒋᐁᐤ, ᑭᑕ ᓂᐦᒋᐁᐧᐸᐁᐧᐤ ᑭ ᓂᑳᓂᒥᕽ; ᐁᑯᓯ ᐃᓯ ᑭ ᑲ ᐊᐧᔭᐃᐧᑎᓴᐋᐧᐊᐧᐠ ᒥᓇ ᑭᔨᐸ ᑭ ᑲ ᓂᓯᐊᐧᓈᒋᐦᐋᐊᐧᐠ ᑳ ᑭ ᐃᓯ ᐃᐧᐦᑕᒫᐢᐠ ᑳ ᑎᐯᔨᐦᒋᑫᐟ. 4ᐁᑳᐃᐧᔭ ᐃᑌᐧ ᑭᑌᐃᕽ, ᐃᐢᐱ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᐊᐧᔭᐃᐧᑎᓯᓈᒋ ᑭ ᓂᑳᓂᒥᕽ, ᑭᑕ ᐃᑌᐧᔭᐣ, ᓂ ᑲᐧᔭᐢᑳᐧᑎᓯᐃᐧᐣ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᐱᑐᑲᐦᐃᐟ ᑭᑕ ᑎᐯᔨᐦᑕᒫᐣ ᐅᒪ ᐊᐢᑭ; ᐊᔨᐢ ᐅ ᒪᒑᔨᐃᐧᓂᔨᐤ ᐅᐦᐃ ᐊᔨᓯᔨᓂᐊᐧ ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᐊᐧᔭᐃᐧᑎᓴᐋᐧᐟ ᑭ ᓂᑳᓂᒥᕽ. 5ᓇᒪᐃᐧᔭ ᑭᔭ ᑭ ᑲᐧᔭᐢᑳᐧᑎᓯᐃᐧᐣ ᐅᐦᒋ, ᐊᐦᐳ ᐁ ᑲᐧᔭᐢᑲᐧᐢᑌᐠ ᑭᑌᐦ, ᑳ ᐅᐦᒋ ᓇᑕᐃᐧ ᑎᐯᔨᐦᑕᒪᐧᐟ ᐅᐟ ᐊᐢᑭᐋᐧᐤ; ᒫᑲ ᐅ ᒪᒑᔨᐃᐧᓂᐋᐧᐤ ᐅᑭ ᐊᔨᓯᔨᓂᐊᐧᐠ ᐁᐊᐧᑫᐧᔨᐤ ᐅᐦᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᐊᐧᔭᐃᐧᑎᓴᐋᐧᐠ ᑭ ᓂᑳᓂᒥᕽ ᒥᓇ ᑭᑕ ᐋᔮᑕᐢᑖᐟ ᐊᓂᒪ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᑭᐦᒋᐃᑖᐟ ᑯᑖᐃᐧᐸᓇ, ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ. 6ᑭᐢᑫᔨᑕ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᑳ ᐁ ᒥᔨᐢᐠ ᐅᒪ ᒥᔪ ᐊᐢᑭ ᑭᑕ ᑎᐯᔨᐦᑕᒪᐣ ᑭ ᑲᐧᔭᐢᑳᐧᑎᓯᐃᐧᐣ ᐅᐦᒋ; ᒋᑫᒫ ᑭ ᓯᑕᐃᐧᑲᐧᔭᐁᐧᐃᐧ ᐊᔨᓯᔨᓂᐃᐧᓈᐋᐧᐤ.
7ᑲᓄᑭᐢᑭᓯ, ᐁᑳᐃᐧᔭ ᐊᐧᓂᑭᐢᑭᓯ, ᑳ ᑭ ᐃᓯ ᑭᓯᐋᐧᐦᐊᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐊᓂᑕ ᐱᑲᐧᑕᐢᑭᕽ; ᐊᓂᒪ ᐅᐦᒋ ᐁ ᑭᓯᑳᐠ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᓯᐯᐧᑌᔦᐠ, ᐱᔨᐢ ᐅᑕ ᐁ ᑕᑯᓯᓀᐠ, ᑕᐦᑭ ᑭ ᑭ ᒫᔦᔨᒫᐋᐧᐤ ᑳ ᑎᐯᔨᐦᒋᑫᐟ. 8ᒥᓇ ᐊᓂᑕ ᐦᐋᕒᐃᑊ ᑭ ᑭ ᑭᓯᐋᐧᐦᐋᐋᐧᐤ ᑳ ᑎᐯᔨᐦᒋᑫᐟ, ᐁᑯᓯ ᒫᑲ ᑳ ᑎᐯᔨᐦᒋᑫᐟ ᑭ ᑭ ᑭᓯᐢᑖᑯᐋᐧᐤ ᑭᑕ ᑭ ᓂᓯᐊᐧᓈᒋᐦᐃᑯᔦᐠ. 9#ᐁᐠᓴᑕᐢ 24:18ᐃᐢᐱ ᐊᓂᒪ ᑳ ᐋᒪᒋᐁᐧᔮᐣ ᑭᑕ ᒥᔨᑲᐃᐧᔮᐣ ᓇᐸᑳᐱᐢᑲᐧᐠ ᐊᓂᑭ ᐅᑎ ᓇᐸᑳᐱᐢᑲᐧᐠ ᑳ ᑭ ᐃᐧᒋᐦᐃᓯᒋᑫᒥᑯᔦᐠ ᑳ ᑎᐯᔨᐦᒋᑫᐟ, ᐁᑯᐢᐱ ᑳ ᐊᔮᔮᐣ ᐊᐧᒋᕽ ᓀᒥᑕᓇᐤ ᑭᓯᑳᐤ ᒥᓇ ᓀᒥᑕᓇᐤ ᑎᐱᐢᑳᐤ; ᓇᒪᐃᐧᔭ ᓄᐦ ᒧᐋᐧᐤ ᐸᐦᑫᐧᓯᑲᐣ ᐊᐦᐳ ᓇᒪᐃᐧᔭ ᓄᐦ ᒥᓂᑳᐧᐣ ᓂᐱ. 10ᑳ ᑎᐯᔨᐦᒋᑫᐟ ᒫᑲ ᓂ ᑭ ᐸᑭᑎᓇᒫᐠ ᐊᓂᐦᐃ ᓂᓱ ᓇᐸᑳᐱᐢᑲᐧ ᑭᓭᒪᓂᑐ ᐅᒋᐦᒋ ᐁ ᐅᐦᒋ ᒪᓯᓇᐃᑳᓱᒋᐠ; ᐁᑯᑕ ᒫᑲ ᑭ ᒪᓯᓇᐃᑳᑌᐊᐧ ᐁ ᐃᑕᐢᑌᑭ ᑲᐦᑭᔭᐤ ᐊᓂᐦᐃ ᐃᑌᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐃᑎᑯᔦᐠ ᐊᐧᒋᕽ ᒣᑳᐧ ᐃᐢᑯᑌᕽ ᐅᐦᒋ ᐊᓂᒪ ᐁ ᑭᓯᑳᐠ ᑳ ᒫᐊᐧᒋᐦᐃᑐᔦᐠ. 11ᑭ ᐊᔨᑭᐣ ᒫᑲ ᐁ ᐳᓂᐸᔨᑭ ᓀᒥᑕᓇᐤ ᑭᓯᑳᐤ ᒥᓇ ᓀᒥᑕᓇᐤ ᑎᐱᐢᑲᐤ, ᑳ ᑎᐯᔨᐦᒋᑫᐟ ᓂ ᑭ ᒥᔨᐠ ᐊᓂᐦᐃ ᓂᓱ ᓇᐸᑳᐱᐢᑲᐧ, ᐊᓂᐦᐃ ᐅᑎ ᓇᐸᑳᐱᐢᑲᐧ ᐃᐧᒋᐦᐃᓯᒋᑫᒥᑐᐃᐧᐣ. 12ᑳ ᑎᐯᔨᐦᒋᑫᐟ ᒫᑲ ᐅᒥᓯ ᓂ ᑭ ᐃᑎᐠ, ᐸᓯᑯ, ᑭᔨᐸ ᓂᐦᑖᒪᒋᐁᐧ ᐅᑕ ᐅᐦᒋ; ᒋᑫᒫ ᑭᐟ ᐊᔨᓯᔨᓂᒪᐠ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐊᒋᐠ ᑭ ᒫᔨᑐᑖᓱᐊᐧᐠ; ᑭᔨᐸ ᐊᓂ ᐸᐢᑫᐊᐧᐠ ᐊᓂᒪ ᒣᐢᑲᓇᐤ ᑳ ᑭ ᐃᑕᓱᐊᑕᑭᐠ; ᑭ ᐅᓯᐦᑕᒫᓱᐊᐧᐠ ᑎᐦᑭᓯᑲᓂ ᓇᐢᐱᓯᒋᑲᓇ. 13ᐊᔨᐊᐧᐠ ᒥᓇ ᑳ ᑎᐯᔨᐦᒋᑫᐟ ᓂ ᑭ ᑭᑐᑎᐠ ᐁ ᐃᑌᐧᐟ, ᓂ ᑭ ᐋᐧᐸᒫᐊᐧᐠ ᐅᑭ ᐊᔨᓯᔨᓂᐊᐧᐠ, ᐁᑯᓯ, ᒫᑎᑲ, ᓯᑕᐃᐧᑲᐧᔭᐁᐧᐃᐧ ᐊᔨᓯᔨᓂᐃᐧᐊᐧᐠ; 14ᑭᔮᒼ ᐁᑯᓵᓂ, ᑭᑕ ᓂᓯᐊᐧᓈᒋᐦᐊᑭᐠ, ᒥᓇ ᑭᑕ ᑳᓯᐊᒪᐧᐠ ᐅ ᐃᐧᔪᐃᐧᓂᐋᐧᐤ ᓯᐹ ᑭᓯᑯᕽ ᐅᐦᒋ; ᐁᑯᓯ ᒫᑲ ᑭᔭ ᐅᐦᒋ ᐁ ᐱᐢᑭᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᓂ ᑲ ᐅᓯᐦᐋᐊᐧᐠ ᐊᔨᐋᐧᐠ ᐁ ᓱᑳᔭᐃᐧᓯᒋᐠ ᒥᓇ ᐁ ᑭᐦᒐᔨᐃᐧᒋᐠ ᐃᔨᑯᕽ ᐃᐧᔭᐋᐧᐤ. 15ᐁᑯᓯ ᒫᑲ ᓂ ᑭ ᐯ ᑭᐋᐧᐣ ᐁ ᑭ ᐯ ᓂᐦᑖᒪᒋᐁᐧᔮᐣ, ᐊᓂᒪ ᒫᑲ ᐊᐧᒋ ᑭ ᓴᐢᑭᑌᐤ ᐃᐢᑯᑌᐤ ᐅᐦᒋ; ᐊᓂᑭ ᒫᑲ ᓂᓱ ᓇᐸᑳᐱᐢᑲᐧᐠ ᐃᐧᒋᐦᐃᓯᒋᑫᒥᑐᐃᐧᐣ ᐁ ᑕᐦᑯᓇᑭᐠ ᐁ ᓂᓯᑭ ᓂᒋᐦᒋᔭ. 16ᓂ ᑭ ᐃᑖᐱᐣ ᒫᑲ ᐁᑯᓯ ᐳᑎ ᑭ ᑭ ᐊᐧᓂᑐᑕᐋᐧᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑭ ᑭ ᐅᓯᐦᐋᐋᐧᐤ ᑎᐦᑭᓯᑲᓂ ᒧᐢᑐᓱᓯᑳᐣ; ᑭᔨᐸ ᑭ ᑭ ᐸᐢᑳᓈᐋᐧᐤ ᐊᓂᒪ ᒣᐢᑲᓇᐤ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑎᑯᔦᐠ. 17ᓂ ᑭ ᐅᑎᐦᑎᓈᐊᐧᐠ ᒫᑲ ᐊᓂᑭ ᓂᓱ ᓇᐸᑳᐱᐢᑲᐧᐠ, ᐁᑯᓯ ᓂ ᑭ ᐁᐧᐱᓈᐋᐧᐠ ᐁ ᐃᓯ ᓂᓯᑭ ᓂᒋᐦᒋᔭ ᐅᐦᒋ, ᓂ ᑭ ᐱᑯᓯᒫᐊᐧᐠ ᒫᑲ ᐁ ᐋᐧᐸᒥᔦᐠ. 18ᓂ ᑭ ᐅᑎᐦᑕᐱᐸᔨᐅᐣ ᒫᑲ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᑖᐱᐢᑯᐨ ᓂᐢᑕᒼ, ᓀᒥᑕᓇᐤ ᑭᓯᑳᐊᐧ ᒥᓇ ᓀᒥᑕᓇᐤ ᑎᐱᐢᑳᐊᐧ; ᓇᒪᐃᐧᔭ ᓄᐦ ᒧᐋᐧᐤ ᐸᐦᑫᐧᓯᑲᐣ ᐊᐦᐳ ᓇᒪᐃᐧᔭ ᓄᐦ ᒥᓂᑳᐧᐣ ᓂᐱ; ᑭ ᒪᒋᐃᑎᐃᐧᓂᐋᐧᐊᐧ ᐅᐦᒋ, ᐊᓂᒪ ᑳ ᑭ ᐃᓯ ᒪᒋᑐᑕᒣᐠ, ᐁ ᑭ ᒪᒋᑐᑕᒣᐠ ᐅᐦᑎᐢᑳᐤ ᑳ ᑎᐯᔨᐦᒋᑫᐟ, ᑭᑕ ᑭᓯᐋᐧᐋᔦᐠ. 19#ᐦᐃᐸᕒᐅᐊᐧ 12:21ᒋᑫᒫ ᓂ ᑭ ᑯᐢᑕᒫᐧᐣ ᐅ ᑭᓯᐋᐧᓯᐃᐧᐣ ᒥᓇ ᐅ ᑭᓯᐢᑖᑫᐃᐧᐣ, ᑳ ᑭ ᐃᓯ ᑭᓯᐢᑖᑯᔦᐠ ᑳ ᑎᐯᔨᐦᒋᑫᐟ ᑭᑕ ᓂᓯᐊᐧᓈᒋᐦᐃᑯᔦᐠ, ᒫᑲ ᑳ ᑎᐯᔨᐦᒋᑫᐟ ᐁᑯᐢᐱ ᒥᓇ ᓂ ᑭ ᓇᑐᐦᑖᐠ. 20ᑳ ᑎᐯᔨᐦᒋᑫᐟ ᒫᑲ ᓈᐢᐱᐨ ᑭ ᑭᓯᐢᑕᐁᐧᐤ ᐁᕒᐊᓇ ᑭᑕ ᑭ ᓂᓯᐊᐧᓈᒋᐦᐋᐟ; ᐁᑯᓯ ᓂ ᑭ ᐊᔭᒥᐦᐁᐢᑕᒪᐋᐧᐤ ᐁᕒᐊᐣ ᒥᓇ ᐁᑯᐢᐱ. 21ᐁᑯᓯ ᓂ ᑭ ᐅᑎᓀᐣ ᑭ ᒪᒋᑐᑕᒧᐃᐧᓂᐋᐧᐤ ᐊᓇ ᒧᐢᑐᓱᓯᐢ ᑳ ᑭ ᐅᓯᐦᐋᔦᐠ, ᐁᑯᓯ ᓂ ᑭ ᑭᓯᓵᐧᐤ ᐃᐢᑯᑌᕽ, ᒥᓇ ᓂ ᑭ ᐱᑲᐧᑕᐋᐧᐤ, ᐁ ᐱᑭᓂᐳᔭᐠ, ᐱᔨᐢ ᐁ ᐱᓯᓯᐟ ᑖᐱᐢᑯᐨ ᔦᑲᐤ; ᐁᑯᓯ ᓂ ᑭ ᐸᑲᐢᑕᐁᐧᐁᐧᐱᓀᐣ ᐊᓂᒪ ᐁ ᐱᓵᐊᐧᑭᓯᐟ ᓯᐱᓯᓯᕽ ᐊᐧᒋᐠ ᑳ ᐅᐦᒋᑎᕽ. 22#ᓇᒼᐸᕒᐢ 11:3; ᐁᐠᓴᑕᐢ 17:7; ᓇᒼᐸᕒᐢ 11:34ᐁᑯᓯ ᒥᓇ ᐊᓂᑕ ᑖᐱᕒᐊ, ᒥᓇ ᐊᓂᑕ ᒫᓴ, ᒥᓇ ᐊᓂᑕ ᑭᐸᕒᐋᐦᐟ ᐦᐋᑌᐋᐸ, ᑭ ᑭ ᑭᓯᐋᐧᐦᐋᐋᐧᐤ ᑳ ᑎᐯᔨᐦᒋᑫᐟ. 23#ᓇᒼᐸᕒᐢ 13:17; ᑎᔪᑕᕒᐊᓇᒥ 1:21; ᓇᒼᐸᕒᐢ 13:31; ᑎᔪᑕᕒᐊᓇᒥ 1:26; ᐦᐃᐸᕒᐅᐊᐧ 3:16ᒥᓇ ᐃᐢᐱ ᑳ ᑎᐯᔨᐦᒋᑫᐟ ᑳ ᓯᐯᐧᑎᓴᐅᑯᔦᐠ ᑫᑎᐢ ᐹᕒᓂᔭ ᐅᐦᒋ, ᐁ ᐃᑌᐧᐟ, ᓇᑕᐃᐧ ᐅᑎᓇᒧᐠ ᐊᓂᒪ ᐊᐢᑭ ᑳ ᑭ ᒥᔨᑕᑯᐠ; ᐁᑯᐢᐱ ᑭ ᑭ ᐋᑕᐁᐧᔨᑕᒫᐧᓈᐋᐧᐤ ᐅᐟ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᓇᒪᐃᐧᔭ ᑭ ᑭ ᑖᐯᐧᑕᐋᐧᐋᐧᐤ ᐊᐦᐳ ᓇᒪᐃᐧᔭ ᑭ ᑭ ᓇᑐᐦᑕᐋᐧᐋᐧᐤ. 24ᑭ ᑭ ᒫᔦᔨᒫᐋᐧᐤ ᑕᐦᑭ ᑳ ᑎᐯᔨᐦᒋᑫᐟ ᐊᐢᐱᐣ ᐊᓂᒪ ᐁ ᑭᓯᑳᐠ ᑳ ᑭ ᑭᐢᑫᔨᒥᑕᑯᐠ.
25ᐁᑯᓯ ᐃᓯ ᒫᑲ ᑳ ᑭ ᐅᑎᑕᐱᐸᔨᐅᔮᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᐊᓂᐦᐃ ᓀᒥᑕᓇᐤ ᑭᓯᑳᐊᐧ ᒥᓇ ᓀᒥᑕᓇᐤ ᑎᐱᐢᑳᐊᐧ ᑳ ᑭ ᑲᐃᐧᓯᓂᔮᐣ; ᒋᑫᒫ ᑳ ᑎᐯᔨᐦᒋᑫᐟ ᐁ ᑭ ᐃᑌᐧᐟ ᐁ ᐃᐧ ᓂᓯᐊᐧᓈᒋᐦᐃᑯᔦᐠ. 26ᓂ ᑭ ᐊᔭᒥᐦᐁᐢᑕᐋᐧᐤ ᒫᑲ ᑳ ᑎᐯᔨᐦᒋᑫᐟ, ᐅᒥᓯ ᐁ ᑭ ᐃᑌᐧᔮᐣ, ᑌᐯᔨᐦᒋᑫᔭᐣ ᑭᓭᒪᓂᑐ, ᐁᑳᐃᐧᔭ ᓂᓯᐊᐧᓈᒋᐃᐠ ᑭᐟ ᐊᔨᓯᔨᓂᒪᐠ ᒥᓇ ᑭ ᑎᐯᔨᒋᑲᓇᐠ, ᑳ ᑭ ᐸᐢᐱᐊᒋᐠ ᑭ ᑭᐦᒑᔨᐃᐧᓂᕽ, ᑳ ᑭ ᐯ ᐊᐧᔭᐃᐧᑕᐊᒋᐠ ᐃᒋᑊᑎᕽ ᐅᐦᒋ ᐁ ᓱᑭᒋᐦᒉᔮᐣ. 27ᑭᐢᑭᓯᑐᑕᐃᐧᐠ ᑭᐟ ᐊᑐᐢᑫᔮᑲᓇᐠ ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ; ᐁᑳᐃᐧᔭ ᑲᓇᐋᐧᐸᐦᑕᒼ ᐅ ᓴᓯᐱᑕᒧᐃᐧᓂᐋᐧᐤ ᐅᑭ ᐊᔨᓯᔨᓂᐊᐧᐠ, ᐊᐦᐳ ᐅ ᒪᒑᔨᐃᐧᓂᐋᐧᐤ, ᐊᐦᐳ ᐅ ᒪᒋᑐᑕᒧᐃᐧᓂᐋᐧᐤ. 28ᑳᑲᔦ ᐃᐧᔭ ᐊᓂᒪ ᐊᐢᑭ ᐃᑌ ᑳ ᑭ ᐯ ᐅᐦᑐᑕᐃᔮᕽ ᑭᑕ ᐃᑌᐧᐊᐧᐠ, ᒋᑫᒫ ᑳ ᑎᐯᔨᐦᒋᑫᐟ ᐁᑳ ᐁ ᑲᐢᑭᑖᐟ ᑭᑕ ᐃᑐᐦᑕᐦᐋᐟ ᐊᓂᑕ ᐊᐢᑭᕽ ᑳ ᑭ ᐊᓱᑕᒪᐋᐧᐟ, ᒥᓇ ᒋᑫᒫ ᐁ ᐸᑳᐧᑖᐟ, ᑳ ᑭ ᐯ ᐅᐦᒋ ᓯᐯᐧᑕᐋᐟ ᑭᑕ ᓂᐸᐦᐋᐟ ᐱᑲᐧᑕᐢᑭᕽ. 29ᐁᔨᐁᐧᕽ ᒫᑲ ᑭᔭ ᑭᐟ ᐊᔨᓯᔨᓂᒪᐠ ᒥᓇ ᑭ ᑎᐯᔨᒋᑲᓇᐠ, ᑳ ᑭ ᐯ ᐊᐧᔭᐃᐧᑕᐊᒋᐠ ᑭ ᑭᐦᒋ ᒪᐢᑲᐃᐧᓯᐃᐧᐣ ᐅᐦᒋ ᒥᓇ ᑭ ᓱᐃᐧᓂᐢᑫᐃᐧᐣ.
Currently Selected:
ᑎᔪᑕᕒᐊᓇᒥ 9: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
