ᑎᔪᑕᕒᐊᓇᒥ 8
8
1ᑲᐦᑭᔭᐤ ᐊᓂᒪ ᐃᑕᓱᐁᐧᐃᐧᐣ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ ᑭ ᑲ ᓈᑲᑌᔨᑌᐣ ᑭᑕ ᐃᑐᑕᒪᐣ, ᑭᑕ ᐱᒫᑎᓯᔦᐠ, ᒥᓇ ᑭᑕ ᒥᐦᒉᑎᔦᐠ, ᒥᓇ ᑭᑕ ᓇᑕᐃᐧ ᑎᐯᔨᐦᑕᒣᐠ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑳ ᑭ ᑭᐦᒋᐃᑖᐟ ᑯᑖᐃᐧᐋᐧᐊᐧ. 2ᐁᑯᓯ ᑭ ᑲ ᑲᓄᑭᐢᑭᓯᐣ ᐃᑌ ᑳ ᑎᐯᔨᐦᒋᑫᐟ ᑳ ᑭ ᐊᔨᑐᑕᐃᐢᐠ ᐅᐦᐃ ᓀᒥᑕᓇᐤ ᑕᐦᑐ ᐊᐢᑭ ᐱᑲᐧᑕᐢᑭᕽ, ᑭᑕ ᑕᐸᐦᑌᔨᒧᐃᐢᐠ, ᒥᓇ ᑭᑕ ᑯᒋᐃᐢᐠ, ᑭᑕ ᑭᐢᑫᔨᑕᕽ ᐊᓂᒪ ᑭᑌᐦᐃᕽ ᑳ ᐊᔮᐠ, ᑭᐢᐱᐣ ᑫ ᑲᓀᐧᔨᑕᒫᐧᐊᐧᑌ ᐅᐟ ᐃᑕᓱᐁᐧᐃᐧᓇ ᐊᐦᐳ ᐁᑳ. 3#ᒫᐟᔪ 4:4; ᓬᐅᐠ 4:4ᑭ ᑭ ᑕᐸᐦᑌᔨᒧᐃᐠ ᒫᑲ, ᒥᓇ ᑭ ᑭ ᓄᑌᑲᑕᐃᐠ, ᐁᑯᓯ ᒫᓇ ᑭ ᑭ ᐊᓴᒥᐠ, ᐊᓂᒪ ᐁᑳ ᑳ ᑭ ᑭᐢᑫᔨᑕᒪᐣ, ᐊᐦᐳ ᑯᑖᐃᐧᐸᓇᐠ ᐁᑳ ᑳ ᑭ ᑭᐢᑫᔨᑕᐦᑭᐠ; ᑭᑕ ᑭᐢᑫᔨᑕᒧᐃᐢᐠ ᐊᔨᓯᔨᓂᐤ ᐁᑳ ᐱᑯ ᐸᐦᑫᐧᓯᑲᓇ ᐁ ᐅᐦᒋ ᐱᒫᑎᓯᐟ ᒫᑲ ᑲᐦᑭᔭᐤ ᑫᑲᐧᐩ ᐅᑐᓂᔨᕽ ᑳ ᑎᐯᔨᐦᒋᑫᔨᐟ ᑳ ᐅᐦᒋᐸᔨᔨᐠ ᑳ ᐅᐦᒋ ᐱᒫᑎᓯᐟ ᐊᔨᓯᔨᓂᐤ. 4ᑭ ᑭᑭᐢᑳᒋᑲᓇ ᓇᒪᐃᐧᔭ ᑭ ᑲᔮᓭᓂᑲᐧᓇᐧ, ᒥᓇ ᓇᒪᐃᐧᔭ ᑭᓯᐟ ᑭ ᐹᑭᐸᔨᐤ, ᐁᑲᐧ ᓀᒥᑕᓇᐤ ᑕᐦᑐ ᐊᐢᑭ. 5ᒥᓇ ᒫᑲ ᑭ ᑲ ᒫᒥᑐᓀᔨᑌᐣ ᑭᑌᐦᐃᕽ, ᑖᐱᐢᑯᐨ ᐊᔨᓯᔨᓂᐤ ᑳ ᐃᓯ ᐸᐸᓴᐢᑌᐋᐧᐟ ᐅᑯᓯᓴ, ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᓯ ᐸᐸᓴᐢᑌᐅᐢᐠ. 6ᐁᑯᓯ ᒫᑲ ᑭ ᑲ ᑲᓀᐧᔨᑕᒫᐧᐣ ᐅᐟ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᑕ ᐱᒧᑖᑐᑕᒪᐧᐟ ᐅᐟ ᐃᑖᑎᓯᐃᐧᓇ, ᒥᓇ ᑭᑕ ᑯᓯᑫᐧᔨᒪᐟ. 7ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᐯᓯᐠ ᒥᔪ ᐊᐢᑭᕽ, ᐊᐢᑭ ᐁ ᐸᐱᒥᒋᐊᐧᑭ ᓯᐱᓯᓴ, ᐁ ᒧᑭᒋᐊᐧᓂᐯᑯᐊᐧᕽ ᒥᓇ ᑎᒥᔮᐊᐧ, ᑳ ᐅᐦᒋᒋᐊᐧᐦᑭ ᐊᐧᔮᒪᑎᓈᕽ ᒥᓇ ᒑᑲᑎᓈᕽ; 8ᐊᐢᑭ ᐃᑕ ᑳ ᐃᑖᐟ ᐸᐦᑫᐧᓯᑲᓂᑳᐣ ᒥᓇ ᐃᐢᑫᐧᓯᓯᑳᐣ, ᒥᓇ ᓱᒥᓈᑎᑲᐧᐠ ᒥᓇ ᒥᓯᓱᒥᓈᑎᑲᐧᐠ ᒥᓇ ᓄᑎᒥᒥᓇ; ᐊᐢᑭ ᐃᑕ ᐁ ᐊᔮᑭ ᐋᓬᐃᑊ ᐱᒥᐋᐧᑎᑲᐧᐠ ᒥᓇ ᐋᒧᓯᓯᐸᐢᑲᐧᐟ; 9ᐊᐢᑭ ᐃᑕ ᑫ ᒧᐊᐧᐟ ᐸᐦᑫᐧᓯᑲᐣ ᐁᑳ ᐁ ᑭᐧᑕᒫᔭᐣ; ᐊᐢᑭ ᐊᓯᓂᔭᐠ ᐁᑯᑕ ᑳ ᐱᐋᐧᐱᐢᑯᐃᐧᒋᐠ, ᒥᓇ ᐁᑯᑕ ᐁ ᐊᐧᒋᐊᐧᕽ ᑫ ᑭ ᒧᓇᐦᐊᒪᐣ ᐅᓵᐋᐧᐱᐢᐠ. 10ᐁᑯᓯ ᑭ ᑲ ᒥᒋᓱᐣ ᒥᓇ ᑭ ᑲ ᑭᐢᐳᐣ, ᑭ ᑲ ᓇᓈᐢᑯᒫᐤ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐊᓂᒪ ᐅᐦᒋ ᒥᔪ ᐊᐢᑭ ᑳ ᑭ ᒥᔨᐢᐠ.
11 #
ᐦᐋᓯᔭ 13:5,6 ᒣᔮᑳᐧᒼ ᐁᑳ ᑭᑕ ᐊᐧᓂᑭᐢᑭᓯᑐᑕᐊᐧᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᑯᓯ ᐁᑳ ᑭᑕ ᑲᓀᔨᑕᒪᐧᐟ ᐅᐟ ᐃᑕᓱᐁᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ, ᒥᓇ ᐅ ᑲᑫᐢᑫᐧᐃᐧᓇ, ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ; 12ᐁᑳ ᓈᐣᑕᐤ ᐃᓯ ᑭ ᒥᒋᓱᔭᓂ ᒥᓇ ᑭ ᑭᐢᐳᔭᓂ, ᒥᓇ ᑭ ᐅᓯᐦᑖᔭᓂ ᐁ ᒥᔮᐧᓯᑭ ᐋᐧᐢᑳᐦᐃᑲᓇ ᐁᑯᑕ ᒫᑲ ᐃᐧᑭᔭᓂ; 13ᒥᓇ ᑭ ᒧᐢᑐᓱᒪᐠ ᒥᓇ ᑭ ᒫᔭᑎᐦᑯᒪᐠ ᐊᑎ ᒥᐦᒉᑎᑖᐧᐃᐧ, ᒥᓇ ᑭ ᐋᐧᐱᐢᑭᓱᓂᔮᒼ ᒥᓇ ᑯᓵᐃᐧᓱᓂᔮᒼ ᐊᑎ ᒥᐦᒉᑎᒋ, ᒥᓇ ᑲᐦᑭᔭᐤ ᑫᑲᐧᐩ ᑳ ᐊᔮᔭᐣ ᐊᑎ ᒥᐦᒉᑎᑳᐧᐃᐧ; 14ᐁᑲᐧ ᑭᑌᐦ ᐊᑎ ᐃᐢᐯᔨᒧᒪᑲᐦᑭ, ᒥᓇ ᐊᐧᓂᑭᐢᑭᓯᑐᑕᐊᐧᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᐠ ᐊᐊᐧᑳᑎᑯᐃᐧᑲᒥᑯᕽ ᐅᐦᒋ; 15ᐊᓇ ᑳ ᑭ ᓵᐳᑕᐃᐢᐠ ᐁ ᒥᓴᐠ ᒥᓇ ᐁ ᑯᐢᑖᑌᔨᑖᑲᐧᕽ ᐱᑲᐧᑕᐢᑭ ᐃᑕ ᐁ ᐊᔮᒋᐠ ᐃᐢᑯᑌᐃᐧ ᑭᓀᐱᑲᐧᐠ ᒥᓇ ᐅᒋᐢᑕᐅᐁᐧᐊᐧᐠ, ᒥᓇ ᐁ ᓄᑌᔮᐸᑫᐧᐃᒪᑲᕽ ᐊᐢᑭ ᐃᑕ ᐁᑳ ᓂᐱ ᐁ ᐊᔮᐠ; ᐊᓇ ᑳ ᑭ ᐅᐦᒋᒋᐊᐧᓂᑕᒫᐢᐠ ᓂᐱ ᒐᑭᓭᐃᑲᓇᓯᓂᕽ. 16ᑳ ᑭ ᐊᓴᒥᐢᐠ ᒫᑲ ᐱᑲᐧᑕᐢᑭᕽ, ᐊᓂᒪ ᐁᑳ ᑯᑖᐃᐧᐸᓇᐠ ᑳ ᑭ ᑭᐢᑫᔨᑕᐦᑭᐠ; ᑭᑕ ᑕᐸᐦᑌᔨᒧᐃᐢᐠ ᒥᓇ ᑭᑕ ᑯᑌᔨᒥᐢᐠ ᑭᑕ ᒥᔪᑐᑖᐢᐠ ᐁ ᐊᑎ ᑭᓯᐱ ᐊᔮᔭᐣ; 17ᐁᑯᓯ ᐃᑌᐧᔭᓂ ᑭᑌᐦᐃᕽ, ᓂ ᒪᐢᑲᐃᐧᓯᐃᐧᐣ ᒥᓇ ᐁ ᐃᓯ ᓱᑳᔭᐊᐧᕽ ᓂᒋᐦᒋ ᓂ ᑭ ᑲᐢᑭᑕᒫᑯᐣ ᐅᒪ ᐁᐧᔪᑎᓯᐃᐧᐣ. 18ᒫᑲ ᑭ ᑲ ᑭᐢᑭᓯᑐᑕᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒋᑫᒫ ᐁᐊᐧᑯ ᑳ ᒥᔨᐢᐠ ᒪᐢᑲᐃᐧᓯᐃᐧᐣ ᑭᑕ ᑭ ᐊᔮᔭᐣ ᐁᐧᔪᑎᓯᐃᐧᐣ; ᑭᑕ ᐋᔮᑕᐢᑖᐟ ᐅᐟ ᐊᓱᑕᒫᑫᐃᐧᐣ ᑳ ᑭ ᑭᐦᒋᐃᑖᐟ ᑯᑖᐃᐧᐸᓇ, ᑳ ᐃᐦᑭᕽ ᐊᓄᐦᐨ ᑳ ᑭᓯᑳᐠ. 19ᑭᑕ ᐃᐦᑭᐣ ᒫᑲ, ᑭᐢᐱᐣ ᐊᐧᓂᑭᐢᑭᓯᑐᑕᐊᐧᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐁᑯᓯ ᐱᒥᑎᓴᐦᐊᐧᑖᐧᐃᐧ ᑯᑕᑲᐠ ᒪᓂᑐᐊᐧᐠ, ᒥᓇ ᐊᑐᐢᑲᐊᐧᑖᐧᐃᐧ, ᒥᓇ ᑳᑭᓯᒧᑐᑕᐊᐧᑖᐧᐃᐧ, ᑭᐟ ᐋᒋᒧᐢᑖᑎᓈᐋᐧᐤ ᐊᓄᐦᐨ ᑳ ᑭᓯᑳᐠ ᑫᐦᒋᓈ ᑭᑕ ᓂᓯᐊᐧᓈᑎᓯᔦᐠ. 20ᑖᐱᐢᑯᐨ ᐊᓂᑭ ᐊᔨᓯᔨᓂᐊᐧᐠ ᑳ ᓂᓯᐊᐧᓈᒋᑕᒫᐢᐠ ᑳ ᑎᐯᔨᐦᒋᑫᐟ, ᐁᑯᓯ ᑫ ᐃᓯ ᓂᓯᐊᐧᓈᑎᓯᔦᐠ; ᒋᑫᒫ ᐁᑳ ᐁ ᐃᐧ ᓇᑐᐦᑕᒫᐧᔦᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ.
Currently Selected:
ᑎᔪᑕᕒᐊᓇᒥ 8: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
