ᑎᔪᑕᕒᐊᓇᒥ 10
10
1ᐁᑯᐢᐱ ᒫᑲ ᑳ ᑎᐯᔨᐦᒋᑫᐟ ᐅᒥᓯ ᓂ ᑭ ᐃᑎᐠ, ᐸᑫᐧᐅᐠ ᓂᓱ ᓇᐸᑳᐱᐢᑲᐧᐠ ᑖᐱᐢᑯᐨ ᐊᓂᑭ ᓂᐢᑕᒼ, ᐯ ᓈᓯᐣ ᒫᑲ ᐅᑕ ᐊᐧᒋᕽ, ᒥᓇ ᐅᓯᐦᑕᒫᓱ ᒥᐢᑎᑯᐊᐧᐟ. 2ᐁᑯᓯ ᓂ ᑲ ᒪᓯᓇᐁᐣ ᓇᐸᑳᐱᐢᑯᕽ ᐊᓂᐦᐃ ᐃᑌᐧᐃᐧᓇ ᑳ ᑭ ᐊᔮᑭ ᓂᐢᑕᒼ ᓇᐸᑲᐱᐢᑯᕽ ᑳ ᑭ ᐱᑯᑎᑖᔭᐣ ᑭ ᑲ ᐊᓯᐊᐧᑖᐣ ᒫᑲ ᒥᐢᑎᑯᐊᐧᑎᕽ. 3ᓂ ᑭ ᐅᓯᐦᑖᐣ ᒫᑲ ᒥᐢᑎᑯᐊᐧᐟ ᐋᑫᓯᔮ ᑐᐋᐧᑎᐠ ᐁ ᐋᐸᒋᐊᐠ, ᒥᓇ ᓂ ᑭ ᐸᑫᐧᐋᐧᐊᐧᐠ ᓂᓱ ᓇᐸᑳᐱᐢᑲᐧᐠ, ᑖᐱᐢᑯᐨ ᐊᓂᑭ ᓂᐢᑕᒼ, ᐁᑯᓯ ᓂ ᑭ ᑯᐢᐸᒪᒋᐋᐧᐣ ᐊᐧᒋᕽ, ᐁ ᑕᐦᑯᓇᑭᐠ ᓂᒋᐦᒋᕽ ᐊᓂᑭ ᓂᓱ ᓇᐸᑳᐱᐢᑲᐧᐠ. 4ᑭ ᒪᓯᓇᐁᐧᐤ ᒫᑲ ᐊᓂᐦᐃ ᓇᐸᑳᐱᐢᑲᐧ, ᒣᐧᐦᒋ ᐊᓂᐦᐃ ᓂᐢᑕᒼ ᑳ ᑭ ᐃᑕᓯᓇᐋᐧᐟ, ᐊᓂᐦᐃ ᒥᑖᑕᐦᐟ ᐅᔭᓱᐁᐧᐃᐧᓇ, ᑳ ᑭ ᐃᐧᐦᑕᒫᑯᔦᐠ ᑳ ᑎᐯᔨᐦᒋᑫᐟ ᐊᓂᑕ ᐊᐧᒋᕽ ᒣᑳᐧ ᐃᐢᑯᑌᕽ ᐅᐦᒋ ᐊᓂᒪ ᐁ ᑭᓯᑳᐠ ᑳ ᒫᐊᐧᒋᐦᐃᑐᔦᐠ; ᐁᑯᓯ ᑳ ᑎᐯᔨᐦᒋᑫᐟ ᓂ ᑭ ᒥᔨᐠ. 5ᓂ ᑫᐧᐢᑭᐣ ᒫᑲ ᐁ ᑭ ᐯ ᓂᐦᑕᒋᐁᐧᔮᐣ, ᐁᑯᓯ ᐁ ᑭ ᐊᓯᐊᐧᔭᑭᐠ ᐊᓂᑭ ᓇᐸᑳᐱᐢᑲᐧᐠ ᒥᐢᑎᑯᐊᐧᑎᕽ ᑳ ᑭ ᐅᓯᐦᑖᔮᐣ; ᐁᑯᑕ ᒫᑲ ᐊᐱᐊᐧᐠ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᓯᐟ. 6#ᓇᒼᐸᕒᐢ 20:28; 33:38(ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᓯᐯᐧᐱᒋᐊᐧᐠ ᐱᐊᕒᐋᐦᐟ ᐱᓀᒉᐊᑲᐣ ᐅᐦᒋ ᒧᓯᕒᐊ ᐃᓯ; ᐁᑯᑕ ᒫᑲ ᐁᕒᐊᐣ ᑭ ᐳᓂ ᐱᒫᑎᓯᐤ, ᒥᓇ ᐁᑯᑕ ᑭ ᓇᐃᓈᐤ; ᐊᓂᐦᐃ ᒫᑲ ᐁᓬᐃᐁᓴᕒ ᐅᑯᓯᓴ ᑭ ᒥᐢᑯᑎᐢᑲᒫᐠ ᐁ ᐊᑐᐢᑫᔨᐟ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᐣ. 7ᐁᑯᑕ ᒫᑲ ᐅᐦᒋ ᑭ ᐃᐢᐱᒋᐊᐧᐠ ᐊᓂᑕ ᑲᐟ ᑳᑕ; ᐁᑯᓯ ᑲᐟ ᑳᑕ ᐅᐦᒋ ᐊᓂᑕ ᒑᐟ ᐹᐦᐟ, ᐋᓂᒪ ᐊᐢᑭ ᑳ ᑮᐁᐧᔪᑕᕽ ᓯᐱᓯᓵᐳᔭ.
8 #
ᓇᒼᐸᕒᐢ 3:5-8
ᐁᑯᐢᐱ ᑳ ᑎᐯᔨᐦᒋᑫᐟ ᑭ ᐱᐢᑭᑕᔦᐤ ᓬᐃᐸᐩ ᑳ ᐱᐢᑭᑐᑌᐃᐧᓯᔨᐟ, ᑭᑕ ᐱᒥᐃᐧᑖᒋᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ, ᑭᑕ ᐅᐦᑎᐢᑲᐃᐧᑳᐸᐃᐧᐢᑕᐋᒋᐠ ᑳ ᑎᐯᔨᐦᒋᑫᔨᐟ ᑭᑕ ᐊᑐᐢᑲᐋᐧᒋᐠ, ᒥᓇ ᑭᑕ ᓴᐁᐧᔨᒥᐁᐧᒋᐠ ᐅ ᐃᐧᔪᐃᐧᓂᔨᕽ, ᐱᔨᐢ ᐊᓄᐦᐨ ᑳ ᑭᓯᑳᐠ. 9ᐁᐊᐧᑯ ᐅᐦᒋ ᒫᑲ ᓬᐃᐸᐩ ᓇᒪᐃᐧᔭ ᐃᐧᒋᑎᐯᔨᐦᑕᒧᒣᐤ ᐅᒋᐋᐧᒪ; ᑳ ᑎᐯᔨᐦᒋᑫᔨᐟ ᐅᐦᑎᓇᒫᐠ ᐅ ᑎᐯᔨᒋᑲᐣ, ᑖᐱᐢᑯᐨ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᐃᑎᑯᐟ.) 10#ᐁᐠᓴᑕᐢ 34:28ᓂ ᑭ ᐃᑕᓯ ᐊᔮᐣ ᒫᑲ ᐊᓂᑕ ᐊᐧᒋᕽ, ᑖᐱᐢᑯᐨ ᓂᐢᑕᒼ, ᓀᒥᑕᓇᐤ ᑭᓯᑳᐊᐧ ᒥᓇ ᓀᒥᑕᓇᐤ ᑎᐱᐢᑳᐊᐧ; ᐁᑯᓯ ᑳ ᑎᐯᔨᐦᒋᑫᐟ ᓂ ᑭ ᓇᑐᐦᑖᐠ ᐁᑯᐢᐱ ᒥᓇ; ᓇᒪᐃᐧᔭ ᒫᑲ ᑳ ᑎᐯᔨᐦᒋᑫᐟ ᑭ ᐃᐧ ᓂᓯᐊᐧᓈᒋᐦᐃᑯᐋᐧᐤ. 11ᑳ ᑎᐯᔨᐦᒋᑫᐟ ᒫᑲ ᐅᒥᓯ ᓂ ᑭ ᐃᑎᐠ, ᐸᓯᑯ, ᓂᑳᓂᐱᒋᐢᑕᐃᐧᐠ ᐊᔨᓯᔨᓂᐊᐧᐠ; ᐁᑯᓯ ᑭᑕ ᓇᑕᐃᐧ ᑎᐯᔨᐦᑕᒪᐧᐠ ᐊᓂᒪ ᐊᐢᑭ ᑳ ᑭ ᑭᐦᒋᐃᑎᒪᐠ ᐅᑖᐃᐧᐋᐧᐊᐧ ᑭᑕ ᒥᔭᑭᐠ.
12ᐁᑲᐧ ᒫᑲ ᐃᐢᕒᐁᐃᓬ ᑫᑲᐧᐩ ᑳ ᓇᑕᐁᐧᔨᑕᒫᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐱᑯ ᑭᑕ ᑯᓯᑫᐧᔨᒪᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᑕ ᐱᒧᑖᑐᑕᒪᐧᐟ ᑲᐦᑭᔭᐤ ᐅᐟ ᐃᑖᑎᓯᐃᐧᓇ, ᒥᓇ ᑭᑕ ᓵᑭᐦᐊᐟ, ᒥᓇ ᑭᑕ ᐊᑐᐢᑲᐊᐧᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓯᐁᐧ ᑭᑌᐦᐃᕽ ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ, 13ᑭᑕ ᑲᓀᐧᔨᑕᒪᐧᐟ ᐅᐟ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ, ᒥᓇ ᐅ ᑲᑫᐢᑫᐧᐃᐧᓇ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ ᑭᑕ ᐅᐦᒋ ᒥᔪᐊᔮᔭᐣ? 14ᒫᑎᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐅᐟ ᐊᔮᐃᐧᓂᐤ ᐁ ᐋᔮᑭᐧᑕᐃᐧᑭᓯᑯᐊᐧᕽ, ᐊᐢᑭ ᐊᓯᒋ ᑲᐦᑭᔭᐤ ᐁᑯᑕ ᑳ ᐊᔮᐠ. 15ᐱᑯ ᑳ ᑎᐯᔨᐦᒋᑫᐟ ᑭ ᒥᔦᐧᔨᒣᐤ ᑯᑖᐃᐧᔭ ᑭᑕ ᓵᑭᐦᐋᐟ, ᐁᑯᓯ ᐁ ᑭ ᐋᓂᐢᑫ ᓇᐊᐧᓱᓂᒫᐟ ᐅᐟ ᐊᐋᐧᓯᒥᓯᔨᐊᐧ, ᑭᔭᐋᐧᐤ ᐅᑎ ᓂᑳᐣ ᐃᔨᑯᕽ ᑲᐦᑭᔭᐤ ᐊᔨᓯᔨᓂᐊᐧᐠ, ᑳ ᐃᐦᑭᕽ ᐊᓄᐦᐨ ᑳ ᑭᓯᑳᐠ. 16ᓴᕒᑲᒼᓴᐃᓯᐃᐧᐠ ᒫᑲ ᑭ ᓂᑳᓂᓴᑳᓂᐋᐧᐤ ᑭᑌᐦᐃᐋᐧᕽ, ᒥᓇ ᐁᑳᐃᐧᔭ ᐁᑲᐧ ᓯᑕᐃᐧᑲᐧᔭᐁᐧᐠ. 17#1 ᑎᒪᑏ 6:15; ᑭᐢᑫᔨᐦᑖᑯᐦᑫᐃᐧᐣ 17:14; 19:16; ᐃᓯᐦᒋᑫᐃᐧᓂᐋᐧᐊᐧ 10:34; ᕒᐅᒪᓇ 2:11; ᑲᓬᐁᓯᔭᓇ 2:6; ᐃᐱᓯᔭᓇ 6:9ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᐁᐊᐧᑯ ᐅ ᑭᓭᒪᓂᑐᒥᐋᐧᐊᐧ ᒪᓂᑐᐊᐧᐠ, ᒥᓇ ᑳ ᑎᐯᔨᒫᐟ ᐅᑎᐯᔨᐦᒋᑫᐊᐧ, ᑭᐦᒋ ᑭᓭᒪᓂᑐ, ᑳ ᓱᑳᑎᓯᐟ ᒥᓇ ᑳ ᑯᐢᑖᑌᔨᑖᑯᓯᐟ, ᐁᑳ ᐁ ᐃᓯ ᐊᔮᔨᐟ ᐊᔨᓯᔨᓂᐊᐧ ᑳ ᑭᑖᐸᑕᕽ, ᒥᓇ ᐁᑳ ᑳ ᐅᑎᓇᕽ ᑎᐸᐦᐊᒫᑯᐃᐧᐣ. 18ᑎᐱᑐᑕᒪᐁᐧᐤ ᐅᔭᓱᐋᐧᓯᐁᐧᐃᐧᐣ ᑳ ᑭᐊᐧᑎᓯᔨᐟ ᒥᓇ ᓯᑳᐃᐧᐢᑫᐧᐊᐧ, ᒥᓇ ᓵᑭᐦᐁᐤ ᒫᓂᑌᐊᐧ ᐁ ᒥᔮᐟ ᒥᒋᐃᐧᐣ ᒥᓇ ᑭᑭᐢᑳᒋᑲᐣ. 19ᑭᔭᐋᐧᐤ ᒥᓇ ᓵᑭᐦᐃᕽ ᒫᓂᑌᐤ, ᒋᑫᒫ ᑭ ᑭ ᒫᓂᑌᐃᐧᓈᐋᐧᐤ ᐃᒋᑊᐟ ᐊᐢᑭᕽ. 20ᑭ ᑲ ᑯᓯᑫᐧᔨᒪᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᐁᐊᐧᑯ ᑭ ᑲ ᐊᑐᐢᑲᐋᐧᐤ; ᒥᓇ ᐁᐊᐧᑯ ᑭ ᑲ ᒥᒋᒥᓈᐤ, ᒥᓇ ᐅ ᐃᐧᔪᐃᐧᐣ ᑭ ᑲ ᐊᐢᐱᒧᐣ ᐁ ᑭᐢᒋᐃᑌᐧᔭᐣ. 21ᐁᐊᐧᑳᐧᓇ ᑭ ᒪᒥᐦᒋᒧᐃᐧᐣ, ᒥᓇ ᐁᐊᐧᑯ ᑭ ᑭᓭᒪᓂᑐᒼ, ᑳ ᑭ ᐃᑐᑕᒫᐢᐠ ᑳ ᑭᐦᒑᔨᐊᐧᑭ ᒥᓇ ᑳ ᑯᐢᑖᑌᔨᑖᑲᐧᐦᑭ, ᑳ ᑭ ᐋᐧᐸᐦᑕᒪᐣ ᑭᐢᑭᓯᑯᕽ ᐅᐦᒋ. 22#ᒉᓂᓯᐢ 46:27; ᒉᓂᓯᐢ 15:5; 22:17ᑯᑖᐃᐧᐸᓇᐠ ᑭ ᐃᑐᐦᑌᐊᐧᐠ ᐃᒋᑊᐟ ᐊᐢᑭᕽ ᑌᐸᑯᐦᐳᒥᑕᓇᐤ ᐊᔨᓯᔨᓂᐊᐧᐠ ᐁ ᐃᐦᑕᓯᒋᐠ; ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᐟ ᐃᓯ ᒥᐦᒉᑐᐃᐠ ᑖᐱᐢᑯᐨ ᐊᒐᐦᑯᓴᐠ ᑭᓯᑯᕽ.
Currently Selected:
ᑎᔪᑕᕒᐊᓇᒥ 10: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
