ᑎᔪᑕᕒᐊᓇᒥ 7
7
1 #
ᐃᓯᐦᒋᑫᐃᐧᓂᐋᐧᐊᐧ 13:19
ᐃᐢᐱ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐱᑐᑲᐦᐃᐢᑭ ᐊᓂᒪ ᐊᐢᑭ ᑳ ᓈᑕᒪᐣ ᑭᑕ ᑎᐯᔨᐦᑕᒪᐣ ᒥᓇ ᑭ ᐊᐧᔭᐃᐧᐁᐧᐱᓈᒋ ᑭ ᓂᑳᓂᒥᕽ ᒥᐦᒉᑐᐢᑳᐣ ᐊᔨᓯᔨᓂᐊᐧ, ᐊᓇ ᐦᐃᑕᐃᐟ ᒥᓇ ᑲᕒᑲᓴᐃᐟ, ᒥᓇ ᐋᒪᕒᐊᐃᐟ, ᒥᓇ ᑫᓇᓇᐃᐟ, ᒥᓇ ᐯᕒᐃᓴᐃᐟ, ᒥᓇ ᐦᐊᐃᐸᐃᐟ, ᒥᓇ ᒉᑊᔪᓴᐃᐟ, ᑌᐸᑯᑊ ᐁ ᐸᐱᑐᓯᐢᑳᓀᓯᒋᐠ ᐊᔨᓯᔨᓂᐊᐧᐠ ᐊᐊᐧᓯᒣ ᐁ ᑭᐦᒑᔨᐃᐧᒋᐠ ᒥᓇ ᐊᐊᐧᓯᒣ ᐁ ᒪᐢᑲᐃᐧᓯᒋᐠ ᐃᔨᑯᕽ ᑭᔭ. 2ᐃᐢᐱ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐸᑭᓂᑎᓇᒫᐢᑭ; ᒥᓇ ᐸᑲᒪᐊᐧᑖᐧᐃᐧ; ᐁᑲᐧ ᒥᑐᓂ ᑭ ᑲ ᓂᓯᐊᐧᓈᒋᐦᐋᐊᐧᐠ; ᓇᒪᐃᐧᔭ ᓈᐣᑕᐤ ᑭ ᑲ ᐃᓯ ᐃᐧᒋᐦᐃᓯᒋᑫᒫᐊᐧᐠ, ᒥᓇ ᓇᒪᐃᐧᔭ ᑭ ᑲ ᑭᑎᒫᑭᓇᐋᐧᐊᐧᐠ; 3ᓇᒪᐃᐧᔭ ᒥᓇ ᑭ ᑲ ᐱᒥᐦᑫ ᐃᐧᑭᑐᓈᐋᐧᐤ; ᑭᑖᓂᓴ ᓇᒪᐃᐧᔭ ᑭ ᑲ ᒥᔨᒫᐊᐧ ᐅᑯᓯᓴ, ᒥᓇ ᓇᒪᐃᐧᔭ ᑭ ᑲ ᐅᑎᓂᒫᐊᐧ ᐅᑖᓂᓴ ᑭᑯᓯᐢ ᑭᑕ ᐃᐧᑭᒫᐟ. 4ᒋᑫᒫ ᑭᑕ ᑫᐧᐢᑭᓀᐤ ᑭᑯᓯᓴ ᐁ ᐱᒥᑐᑌᓴᐅᔨᐟ, ᑭᑕ ᐊᑐᐢᑲᐋᐧᔨᐟ ᑯᑕᑲ ᒪᓂᑐᐊᐧ; ᐁᑯᓯ ᑳ ᑎᐯᔨᐦᒋᑫᐟ ᑭ ᑲ ᑭᓯᐢᑖᑯᐋᐧᐤ ᒥᓇ ᑭᔨᐸ ᑭ ᑲ ᓂᓯᐊᐧᓈᒋᐦᐃᑯᐋᐧᐤ. 5#ᑎᔪᑕᕒᐊᓇᒥ 12:3ᒫᑲ ᐅᒥᓯ ᑭ ᑲ ᐃᑐᑕᐋᐧᐋᐧᐊᐧᐠ; ᑭ ᑲ ᓂᓯᐊᐧᓈᒋᐦᑖᐋᐧᓈᐋᐧᐤ ᐅ ᐸᑭᑎᓈᓱᐃᐧᓈᐱᐢᑯᐋᐧᐊᐧ, ᒥᓇ ᑭ ᑲ ᐱᑲᑕᐅᒫᒪᐊᐧ ᐅ ᒪᓯᓂᒋᑲᓂᐋᐧᐊᐧ, ᒥᓇ ᑭ ᑲ ᑭᐢᑲᑕᐦᐅᒪᐊᐧ ᐅ ᒪᓂᑐᑳᓂᐋᐧᐊᐧ, ᒥᓇ ᑭ ᑲ ᒣᐢᑎᑲᓱᒫᐊᐧ ᐃᐢᑯᑌᕽ ᑳ ᐅᔨᐦᑯᑖᒋᒼ ᐅ ᓇᐢᐱᓯᒋᑲᓂᐋᐧᐊᐧ.
6 #
ᐁᐠᓴᑕᐢ 19:5; ᑎᔪᑕᕒᐊᓇᒥ 4:20; 14:2; 26:18; ᑖᐃᑕᐢ 2:14; 1 ᐱᑕᕒ 2:9 ᒋᑫᒫ ᑭᔭᐋᐧᐤ ᑳ ᑲᓈᑎᓯᔨᐟ ᐅᐟ ᐊᔨᓯᔨᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑭ ᓇᐊᐧᓱᓂᐠ ᑭᑕ ᐅᐟ ᐊᔨᓯᔨᓂᒥᐟ, ᑭᔭᐋᐧᐤ ᓂᑳᐣ ᐃᔨᑯᕽ ᑲᐦᑭᔭᐤ ᐊᔨᓯᔨᓂᐊᐧᐠ ᐊᐧᐢᑭᑕᐢᑲᒥᐠ ᑳ ᐊᔮᒋᐠ. 7ᓇᒪᐃᐧᔭ ᐊᔨᐋᐧᐠ ᐁ ᒥᐦᒉᑎᔦᐠ ᐃᔨᑯᕽ ᑯᑕᑲᐠ ᐊᔨᓯᔨᓂᐊᐧᐠ ᑳ ᑭ ᐅᐦᒋ ᐸᑭᑎᓇᒫᑯᔦᐠ ᐅ ᓵᑭᐦᐃᐁᐧᐃᐧᐣ ᒥᓇ ᑳ ᑭ ᐅᐦᒋ ᓇᐊᐧᓱᓂᑯᔦᐠ ᑳ ᑎᐯᔨᐦᒋᑫᐟ; ᒋᑫᒫ ᑭᔭᐋᐧᐤ ᓇᐊᐧᐨ ᑭ ᑭ ᒐᑲᐋᐧᓯᓯᓈᐋᐧᐤ ᑳ ᐃᐦᑕᓯᒋᐠ ᐊᔨᓯᔨᓂᐊᐧᐠ; 8ᒫᑲ ᑳ ᑎᐯᔨᐦᒋᑫᐟ ᐁ ᓵᑭᐦᐃᑯᔦᐠ, ᒥᓇ ᐁ ᐃᐧ ᑎᐱᑐᑕᕽ ᑭᐦᒋᐃᑌᐧᐃᐧᐣ ᑳ ᑭ ᑭᐦᒋᐃᑖᐟ ᑯᑖᐃᐧᐋᐊᐧ, ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᐯ ᐊᐧᔭᐃᐧᑕᐦᐃᑯᔦᐠ ᐁ ᓱᐦᑭᓂᐢᑫᐟ, ᒥᓇ ᑳ ᑭ ᐸᐢᐱᐦᐃᑯᔦᐠ ᐊᐊᐧᑳᑎᑯᐃᐧᑲᒥᑯᕽ, ᐅᒋᐦᒋᕽ ᐅᐦᒋ ᐯᕒᐅ, ᐃᒋᑊᐟ ᑭᐦᒋ ᐅᑭᒫᐤ. 9#ᐁᐠᓴᑕᐢ 20:5,6; 34:6,7; ᓇᒼᐸᕒᐢ 14:18; ᑎᔪᑕᕒᐊᓇᒥ 5:9,10ᑭᐢᑫᔨᑕ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐁ ᑭᓭᒪᓂᑐᐃᐧᐟ; ᐊᓇ ᑳ ᑖᐯᐧᐃᐧᓂᐃᐧᐟ ᑭᓭᒪᓂᑐ, ᑳ ᑎᐱᑐᑕᒪᐋᐧᐟ ᐅᐟ ᐊᓱᑕᒫᑫᐃᐧᐣ ᒥᓇ ᑭᓭᐋ ᑎᓯᐃᐧᐣ ᐊᓂᐦᐃ ᑳ ᓵᑭᐦᐃᑯᐟ ᒥᓇ ᑳ ᑲᓀᐧᔨᑕᒥᔨᐠ ᐅᐟ ᐃᑕᓱᐁᐧᐃᐧᓇ ᐱᔨᐢ ᑭᐦᒋᒥᑖᐦᑐᒥᑕᓇᐤ ᐁ ᐊᑎ ᐋᓂᐢᑫ ᐱᒫᑎᓯᔨᐟ; 10ᐁᑯᓯ ᐁ ᑎᐸᐦᐊᒪᐋᐧᐟ ᐅᐦᑳᐧᑲᓂᔨᕽ ᐊᓂᐦᐃ ᑳ ᐸᑳᐧᑎᑯᐟ, ᑭᑕ ᓂᓯᐊᐧᓈᒋᐦᐋᐟ; ᓇᒪᐃᐧᔭ ᑭᑕ ᐋᔮᒋᐢᑕᐃᐧᐁᐤ ᐊᓂᐦᐃ ᑳ ᐸᑳᐧᑎᑯᐟ, ᑲᐧᔭᐢᑯᓈᐠ ᐅᐦᑳᐧᑲᓂᔨᕽ ᑭᑕ ᑎᐸᐦᐊᒪᐁᐧᐤ. 11ᑭ ᑲ ᑲᓀᐧᔨᑌᐣ ᒫᑲ ᐃᑕᓱᐁᐧᐃᐧᓇ, ᒥᓇ ᑲᑫᐢᑫᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ, ᑳ ᐃᑕᓱᐊᐧᑎᑖᐣ ᐊᓄᐦᐨ ᑳ ᑭᓯᑳᐠ ᑭᑕ ᐃᑐᑕᒪᐣ.
12 #
ᑎᔪᑕᕒᐊᓇᒥ 11:13-17
ᑭᑕ ᐃᐦᑭᐣ ᒫᑲ ᑭᐢᐱᐣ ᓇᑐᐦᑕᒣᑯ ᐅᐦᐃ ᐅᔭᓱᐋᐧᓯᐁᐧᐃᐧᓇ, ᒥᓇ ᑲᓀᐧᔨᑕᒣᑯ, ᒥᓇ ᐃᑐᑕᒣᑯ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᑎᐱᑐᑕᒫᐠ ᐊᓂᒪ ᐃᐧᒋᐦᐃᓯᒋᑫᒥᑐᐃᐧᐣ ᒥᓇ ᑭᓭᐊᐧᑎᓯᐃᐧᐣ ᑳ ᑭ ᑭᐦᒋᐃᑖᐟ ᑯᑖᐃᐧᔭ; 13ᐁᑯᓯ ᑭ ᑲ ᓵᑭᐦᐃᐠ, ᒥᓇ ᑭ ᑲ ᓴᐁᐧᔨᒥᐠ, ᒥᓇ ᑭ ᑲ ᒥᐦᒉᑐᐃᐠ; ᑭᑕ ᓴᐁᐧᔨᑕᒼ ᒥᓇ ᑳ ᓂᐦᑖᐃᐧᑭᑖᔭᐣ ᑭᔭᐃᐧᕽ ᐅᐦᒋ ᒥᓇ ᑳ ᓂᐦᑖᐃᐧᑭᑖᔭᐣ ᐊᐢᑭᕽ ᐅᐦᒋ ᑭ ᐸᐦᑫᐧᓯᑲᓂᑳᐣ ᒥᓇ ᑭ ᓱᒥᓈᐳᒼ ᒥᓇ ᑭ ᐱᒥᒼ, ᑳ ᔭᑭᓂᑖᐃᐧᑭᐃᑐᒋᐠ ᑭ ᒧᐢᑐᓱᒪᐠ ᒥᓇ ᑭ ᒫᔭᑎᐦᑯᒪᐠ, ᐁᑯᑕ ᐊᐢᑭᕽ ᑳ ᑭ ᑭᐦᒋᐃᑖᐟ ᑯᑖᐃᐧᔭ ᑭᑕ ᒥᔨᐢᐠ. 14ᐊᔨᐋᐧᐠ ᑭ ᑲ ᓴᐁᐧᔨᑖᑯᓯᐣ ᐃᔨᑯᕽ ᑲᐦᑭᔭᐤ ᐊᔨᓯᔨᓂᐊᐧᐠ; ᓇᒪ ᐊᐃᐧᔭᐠ ᑳ ᓈᐯᐃᐧᔦᐠ ᐊᐦᐳ ᑳ ᐃᐢᑫᐃᐧᔦᐠ ᑭᑕ ᓂᐦᑎᓯᐤ, ᐊᐦᐳ ᑭ ᐱᓯᐢᑭᒥᐋᐧᐊᐧᐠ. 15ᒥᓇ ᑳ ᑎᐯᔨᐦᒋᑫᐟ ᑭ ᑲ ᒥᑖᑫᐧᓇᒫᐠ ᑲᐦᑭᔭᐤ ᐋᑯᓯᐃᐧᐣ ᒥᓇ ᓇᒪᐃᐧᔭ ᑭ ᑲ ᐸᑭᑎᓇᒫᑯᐋᐧᐤ ᓈᐣᑕᐤ ᐊᓂᐦᐃ ᒪᒑᐢᐱᓀᐃᐧᓇ ᐃᒋᑊᑎᕽ ᑳ ᐊᔮᑭ ᑳ ᑭᐢᑫᔨᑕᒪᐣ, ᒫᑲ ᑭᑕ ᐸᑭᑎᓇᒪᐁᐧᐤ ᐊᓂᐦᐃ ᑳ ᐸᑳᐧᑎᐢᑭᐠ. 16ᑭ ᑲ ᓂᓯᐊᐧᓈᒋᐦᐋᐊᐧᐠ ᒫᑲ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᐸᑭᑎᓇᒫᐢᐠ; ᓇᒪᐃᐧᔭ ᑭ ᑲ ᑭᑎᒫᑭᓇᐋᐧᐊᐧᐠ; ᒥᓇ ᓇᒪᐃᐧᔭ ᑭ ᑲ ᐊᑐᐢᑳᒫᐊᐧ ᐅ ᒪᓂᑐᒥᐋᐧᐊᐧ; ᒋᑫᒫ ᑭ ᑲ ᒥᓯᐃᑯᐣ ᐁᐊᐧᑯ.
17ᑭᐢᐱᐣ ᐃᑌᐧᔭᓂ ᑭᑌᐃᕽ, ᐅᑭ ᐊᔨᓯᔨᓂᐊᐧᐠ ᐊᔨᐋᐧᐠ ᒥᐦᒉᑎᐊᐧᐠ ᐃᔨᑯᕽ ᓂᔭ; ᑖᓂᓯ ᐃᐧᔭ ᑫ ᑭ ᐃᓯ ᒥᐢᑯᑎᐢᑲᒪᐊᐧᑭᐠ? 18ᓇᒪᐃᐧᔭ ᑭ ᑲ ᑯᐢᑖᐊᐧᐠ; ᒫᑲ ᒥᑐᓂ ᑭ ᑲ ᑲᓄᑭᐢᑭᓯᐣ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᐃᑐᑕᐋᐧᐟ ᐊᓂᐦᐃ ᐯᕒᐅ, ᒥᓇ ᒥᓯᐁᐧ ᐃᒋᑊᐟ. 19ᐊᓂᐦᐃ ᑭᐦᒋ ᐋᐧᐸᐦᑕᐦᐃᐁᐧᐃᐧᓇ ᑳ ᑭ ᐋᐧᐸᐦᑕᒪᐣ ᑭᐢᑭᓯᑯᕽ ᐅᐦᒋ ᒥᓇ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ, ᒥᓇ ᑳ ᒫᒪᐢᑳᑌᔨᑖᑲᐧᐦᑭ, ᒥᓇ ᓱᐃᐧᓂᐢᑫᐃᐧᐣ, ᑳ ᑭ ᐅᐦᒋ ᐯ ᐊᐧᔭᐃᐧᑕᐦᐃᐢᐠ; ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᐃᑐᑕᐋᐧᐟ ᑲᐦᑭᔭᐤ ᐊᓂᐦᐃ ᐊᔨᓯᔨᓂᐊᐧ ᑳ ᑯᐢᑎᒪᐟ. 20ᐁᑯᓯ ᒥᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᐃᓯᑎᓴᐦᐊᒪᐁᐧᐤ ᐅᒋᐢᑕᐅᐁᐧᓯᐊᐧ, ᐱᔨᐢ ᐃᔨᑯᕽ ᐊᓂᑭ ᑳ ᐃᐢᑯᒋᐠ ᒥᓇ ᑳ ᑳᓱᒋᐠ ᑭᑕ ᓂᓯᐊᐧᓈᑎᓯᒋᐠ. 21ᓇᒪᐃᐧᔭ ᑭ ᑲ ᓭᑭᐃᑲᐧᐠ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᐃᐧᒉᑯᐋᐧᐤ, ᐁ ᑭᐦᒑᔨᐃᐧᐟ ᑭᓭᒪᓂᑐ ᒥᓇ ᐁ ᑯᐢᑖᑌᔨᑖᑯᓯᐟ. 22ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᐊᐧᔭᐃᐧᐁᐧᐱᓀᐤ ᐊᓂᐦᐃ ᐊᔨᓯᔨᓂᐊᐧ ᑭ ᓂᑳᓂᒥᕽ ᐋᐢᑲᐃᐧ; ᓇᒪᐃᐧᔭ ᓭᒫᐠ ᑲᐦᑭᔭᐤ ᑭ ᑲ ᓂᓯᐊᐧᓈᒋᐦᐋᐊᐧᐠ, ᐁᑳ ᐱᑲᐧᒋ ᐱᓯᐢᑭᐊᐧᐠ ᑭᑕ ᐅᓵᒣᐃᐢᑭᐠ. 23ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᐸᑭᑎᓇᒪᐠ ᐁᑯᓯ ᑭ ᑲ ᓵᑯᒋᐋᐊᐧᐠ ᑭᐦᒋ ᓵᑯᒋᐦᐃᐁᐧᐃᐧᓂᕽ ᐱᔨᐢ ᑲᐦᑭᔭᐤ ᑭᑕ ᓂᓯᐊᐧᓈᑎᓯᒋᐠ. 24ᐁᑯᓯ ᒥᓇ ᑭᑕ ᐸᑭᑎᓂᒣᐤ ᐅ ᑭᐦᒋ ᐅᑭᒫᒥᔨᐊᐧ ᑭᒋᐦᒋᕽ, ᑭ ᑲ ᓂᓯᐊᐧᓈᒋᐦᑖᐋᐧᐣ ᒫᑲ ᐅ ᐃᐧᔪᐃᐧᓂᐋᐧᐤ ᓯᐹ ᑭᓯᑯᕽ ᐅᐦᒋ; ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭ ᑲ ᑭ ᐅᐦᑎᐢᑲᐃᐧᑳᐸᐃᐧᐢᑖᐠ ᐱᔨᐢ ᑭ ᓂᓯᐊᐧᓈᒋᐦᐊᑖᐧᐃᐧ. 25ᐁ ᒪᓯᓂᒋᑳᓱᔨᐟ ᐅ ᒪᓂᑐᑳᓂᐋᐧᐊᐧ ᑭ ᑲ ᒣᐢᑎᑲᓱᒫᐊᐧ; ᓇᒪᐃᐧᔭ ᑭ ᑲ ᒧᐢᑕᐃᐧᓈᒫᐊᐧ ᐋᐧᐱᐢᑭᓱᓂᔮᐊᐧ ᐊᐦᐳ ᐅᓵᐃᐧᓱᓂᔮᐊᐧ ᑳ ᑭᑭᐢᑲᐋᐧᒋᐠ, ᒥᓇ ᓇᒪᐃᐧᔭ ᑭ ᑲ ᐅᑎᓈᐤ, ᐁᑳ ᑭᑕ ᒥᓯᐃᑯᔭᐣ; ᒋᑫᒫ ᐸᑳᐧᑕᒼ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 26ᐁᑯᓯ ᓇᒪᐃᐧᔭ ᑭ ᑲ ᐱᑐᑲᑖᐣ ᑳ ᐸᑳᐧᑎᑲᐧᕽ ᑫᑲᐧᐩ ᑭᑭᕽ, ᐁᑯᓯ ᑭᐢᑕ ᑳ ᐸᑭᑌᔨᑖᑲᐧᕽ ᑫᑲᐧᐩ ᑭᑕ ᐃᓯ ᐊᔮᔭᐣ ᑖᐱᐢᑯᐨ ᐁᐊᐧᑯ; ᒥᑐᓂ ᑭ ᑲ ᐸᑳᐧᑌᐣ ᒥᓇ ᑭ ᑲ ᓭᓭᐢᑫᔨᑌᐣ; ᒋᑫᒫ ᐁᐊᐧᑯ ᑳ ᐸᑭᑌᔨᑖᑲᐧᕽ.
Currently Selected:
ᑎᔪᑕᕒᐊᓇᒥ 7: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
