ᑎᔪᑕᕒᐊᓇᒥ 6
6
1ᐁᐊᐧᑯ ᒫᑲ ᐅᒪ ᐃᑕᓱᐁᐧᐃᐧᐣ, ᑲᑫᐢᑫᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᐃᑕᓱᐁᐧᐟ ᑭᑕ ᑭᐢᑭᓄᐦᐊᒫᑲᐃᐧᔦᐠ ᑭᑕ ᐃᑐᑕᒣᐠ ᐁᑯᑕ ᐊᐢᑭᕽ ᐃᑌ ᑳ ᓇᑕᐃᐧ ᑎᐯᔨᐦᑕᒣᐠ. 2ᑭᑕ ᑯᓯᑫᐧᔨᒪᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᑕ ᑲᓀᐧᔨᑕᒪᐧᐟ ᑲᐦᑭᔭᐤ ᐅ ᑲᑫᐢᑫᐧᐃᐧᓇ ᒥᓇ ᐅᐟ ᐃᑕᓱᐁᐧᐃᐧᓇ, ᑳ ᐃᑕᓱᐋᐧᑎᑕᑯᐠ, ᑭᔭ ᒥᓇ ᑭᑯᓯᐢ, ᒥᓇ ᑭᑯᓯᐢ ᐅᑯᓯᓴ, ᑕᐦᑐ ᑭᓯᑳᐤ ᐃᔨᑯᕽ ᑫ ᐱᒫᑎᓯᔭᐣ; ᒥᓇ ᑭᓀᐧᐢ ᑭᑕ ᐱᒫᑎᓯᔭᐣ. 3ᓇᑐᐦᑕ ᒫᑲ ᐃᐢᕒᐁᐃᓬ, ᒥᓇ ᓈᑲᑌᔨᑕ ᑭᑕ ᐃᑐᑕᒪᐣ; ᑭᑕ ᒥᔪᐸᔨᐃᑯᔭᐣ, ᒥᐢᑕᐦᐃ ᑭᑕ ᐊᑎ ᒥᐦᒉᑎᔦᐠ, ᒣᐧᐦᒋ ᑳ ᑭ ᐃᓯ ᐊᓱᑕᒫᐢᐠ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᑯᑖᐃᐧᔭᐠ, ᐁᑯᑕ ᐊᐢᑭᕽ ᑳ ᐱᒥᒋᐊᐧᕽ ᑐᑐᓵᐳ ᒥᓇ ᐋᒧᓯᓯᐸᐢᑲᐧᐟ.
4 #
ᒫᕒᐠ 12:29
ᓇᑐᐦᑕ ᐃᐢᕒᐁᐃᓬ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᐯᔭᑯ ᐁ ᑎᐯᔨᐦᒋᑫᐟ. 5#ᒫᐟᔪ 22:37; ᒫᕒᐠ 12:30; ᓬᐅᐠ 10:27ᐁᑯᓯ ᑭ ᑲ ᓵᑭᐦᐋᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓯᐁᐧ ᑭᑌᐦᐃᕽ, ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ, ᒥᓇ ᒥᓯᐁᐧ ᐁᐢᐱᓱᔭᐣ. 6#ᑎᔪᑕᕒᐊᓇᒥ 11:18-20ᐁᑯᓯ ᐅᐦᐃ ᐃᑌᐧᐃᐧᓇ ᑳ ᐃᑕᓱᐊᐧᑎᑖᐣ ᐊᓄᐦᐨ ᑳ ᑭᓯᑳᐠ, ᑭᑕ ᐊᔮᐊᐧ ᑭᑌᐦᐃᕽ. 7ᐁᑯᓯ ᑭ ᑲ ᐋᐦᑲᒥ ᑭᐢᑭᓄᐦᐊᒪᐋᐧᐊᐧᐠ ᑭᐟ ᐊᐋᐧᓯᒥᓴᐠ, ᒥᓇ ᑭ ᑲ ᑕᓯᐦᑌᐣ ᐁᐱᔭᓂ ᑭᑭᕽ, ᒥᓇ ᐯᒧᑌᔭᓂ ᒣᐢᑲᓈᕽ, ᒥᓇ ᐯᒥᓯᓂᔭᓂ, ᒥᓇ ᐁᐧᓂᐢᑳᔭᓂ. 8ᑭ ᑲ ᑕᐦᑯᐱᑌᐣ ᒫᑲ ᑭᑕ ᒪᓂ ᐅ ᑭᐢᑭᓇᐊᐧᒋᐦᒋᑲᓂᔮᐣ ᑭᒋᐦᒋᕽ ᐁᑯᓯ ᑭᑕ ᐃᓯ ᐊᔭᑭ ᑖᐱᐢᑯᐨ ᒥᐢᑲᑌᑯ ᐋᐧᐁᐧᓯᐅᐃᐧᓇ ᑕᐢᑕᐃᐧᐨ ᑭᐢᑭᓯᑯᕽ. 9ᒥᓇ ᑭ ᑲ ᒪᓯᓇᐁᐣ ᒋᒪᒋᑲᓂᕽ ᐁ ᐃᐢᑳᐧᑌᒥᐊᐧᕽ ᑭ ᐋᐧᐢᑳᐦᐃᑲᐣ ᒥᓇ ᑭ ᑭᐦᒋᐃᐢᑳᐧᑌᒥᕽ.
10 #
ᒉᓂᓯᐢ 12:7;
ᒉᓂᓯᐢ 26:3;
ᒉᓂᓯᐢ 28:13
ᑭᑕ ᐃᐦᑭᐣ ᒫᑲ, ᐃᐢᐱ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᐯᓯᐢᑭ ᐊᐢᑭᕽ ᑳ ᑭ ᑭᐦᒋ ᐃᑖᐟ ᑯᑖᐃᐧᔭ, ᐁᑊᕒᐁᐋᒼ, ᒥᓇ ᐋᐃᓴᐠ, ᒥᓇ ᒉᑲᑊ, ᑭᑕ ᒥᔨᐢᐠ; ᐁ ᒥᓵᑭ ᒥᓇ ᐁ ᒥᔮᐧᓯᑭ ᐅᑌᓇᐊᐧ, ᐁᑳ ᑭᔭ ᑳ ᑭ ᐅᓯᐦᑖᔭᐣ, 11ᒥᓇ ᐋᐧᐢᑳᐦᐃᑲᓇ ᐁ ᒧᐢᑭᓀᑭ ᒥᔪ ᑫᑲᐧᔭ, ᐁᑳ ᑭᔭ ᑳ ᑭ ᒧᐢᑭᓇᑖᔮᐣ, ᒥᓇ ᒧᓇᐦᐃᐹᓇ ᐁᑳ ᑭᔭ ᑳ ᑭ ᒧᓇᐦᐊᒪᐣ, ᓱᒥᓂᑭᐢᑎᑳᓇ ᒥᓇ ᐊᓬᐃᑊ ᒥᓂᓵᑎᑲᐧᐠ ᐁᑳ ᑭᔭ ᑳ ᑭ ᑭᐢᑎᑫᔭᐣ, ᐁᑯᓯ ᑭ ᒥᒋᓱᔭᓂ ᒥᓇ ᑭᐢᐳᔭᓂ; 12ᒣᔮᑳᐧᒼ ᐁᑳ ᑭᑕ ᐊᐧᓂᑭᐢᑭᓯᑐᑕᐊᐧᐟ ᑳ ᑎᐯᔨᐦᒋᑫᐟ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᐠ, ᐊᐊᐧᑳᑎᑯᐃᐧᑲᒥᑯᕽ ᐅᐦᒋ. 13#ᒫᐟᔪ 4:10; ᓬᐅᐠ 4:8ᑭ ᑲ ᑯᓯᑫᐧᔨᒫᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᒥᓇ ᐁᐊᐧᑯ ᑭ ᑲ ᐊᑐᐢᑲᐋᐧᐤ ᒥᓇ ᑭ ᑲ ᐊᐢᐱᒧᐋᐧᐣ ᐅ ᐃᐧᔪᐃᐧᐣ ᐁ ᑭᐦᒋᐃᑌᐧᔭᐣ. 14ᓇᒪᐃᐧᔭ ᑭ ᑲ ᐱᒥᑎᓴᐋᐧᐋᐧᐊᐧᐠ ᑯᑕᑲᐠ ᒪᓂᑐᐊᐧᐠ, ᐅ ᒪᓂᑐᒥᐋᐧᐊᐧ ᐊᔨᓯᔨᓂᐊᐧᐠ ᑳ ᐋᐧᐢᑳᐢᑳᑯᔦᑳᐧᐤ; 15ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᒣᑳᐧ ᐊᔨᕽ ᑳ ᐃᐧᒉᐃᐧᑯᔦᐠ ᐅᐦᑌᔨᑕᒧᐃᐧ ᑭᓭᒪᓂᑐᐃᐧᐤ; ᐁᑳ ᓈᐣᑕᐤ ᐃᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᑭᓯᐢᑖᐢᐠ ᐁᑯᓯ ᑭᑕ ᓂᓯᐊᐧᓈᒋᐃᐢᐠ ᐊᐧᐢᑭᑕᐢᑲᒥᐠ ᐅᐦᒋ.
16 #
ᒫᐟᔪ 4:7; ᓬᐅᐠ 4:12;
ᐁᐠᓴᑕᐢ 17:1-7
ᓇᒪᐃᐧᔭ ᑭ ᑲ ᑯᑌᔨᒫᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᐃᓯ ᑯᑌᔨᒫᔦᐠ ᐊᓂᑕ ᒫᓴ. 17ᑭ ᑲ ᐋᐦᑲᒥ ᑲᓀᐧᔨᑕᒫᐧᓈᐋᐧᐤ ᐅᐟ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᒥᓇ ᐅ ᑭᐢᑫᔨᑐᒧᐦᐃᐁᐧᐃᐧᓇ, ᒥᓇ ᐅ ᑲᑫᐢᑫᐧᐃᐧᓇ, ᑳ ᑭ ᐃᑕᓱᐋᐧᑎᑯᔦᐠ. 18ᐁᑯᓯ ᑭ ᑲ ᐃᑐᑌᐣ ᐊᓂᒪ ᑳ ᑲᐧᔭᐢᑲᐧᕽ ᒥᓇ ᐊᓂᒪ ᑳ ᒥᔮᐧᐱᓯᒥᑯᐟ ᑳ ᑎᐯᔨᐦᒋᑫᐟ; ᑭᑕ ᒥᔪᐸᔨᐃᑯᔭᐣ; ᒥᓇ ᑭᑕ ᓇᑕᐃᐧ ᑎᐯᔨᐦᑕᒪᐣ ᐊᓂᒪ ᑳ ᒥᔮᐧᓯᐠ ᐊᐢᑭ ᑳ ᑭ ᑭᐦᒋᐃᑖᐟ ᑳ ᑎᐯᔨᐦᒋᑫᐟ ᑯᑖᐃᐧᔭ; 19ᑭᑕ ᐊᐧᔭᐃᐧᑎᓴᐊᒫᐢᐠ ᑲᐦᑭᔭᐤ ᑭ ᓄᑎᓈᑲᓇ ᑭ ᓂᑳᓂᒥᕽ, ᑳ ᑎᐯᔨᐦᒋᑫᐟ ᑳ ᑭ ᐃᑌᐧᐟ.
20ᐃᐢᐱ ᒫᑲ ᑭᑯᓯᐢ ᑲᑫᐧᒋᒥᐢᑭ ᐅᑌ ᓂᑳᐣ, ᐅᒥᓯ ᐃᑌᐧᒋ, ᑖᓂᓯ ᐁᑕᑭᑌᑭ ᐊᓂᐦᐃ ᑭᐢᑫᔨᑐᒧᐦᐃᐁᐧᐃᐧᓇ, ᒥᓇ ᑲᑫᐢᑫᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑳ ᑭ ᐃᑕᓱᐋᐧᑎᑯᔦᐠ? 21ᐁᑲᐧ ᑭ ᑲ ᐃᑖᐤ ᑭᑯᓯᐢ, ᐯᕒᐅ ᓂ ᑭ ᐊᐊᐧᑳᑎᑯᓈᐣ ᐊᓂᑕ ᐃᒋᑊᐟ ᐊᐢᑭᕽ, ᑳ ᑎᐯᔨᐦᒋᑫᐟ ᒫᑲ ᓂ ᑭ ᐯ ᐊᐧᔭᐃᐧᑕᐦᐃᑯᓇᐣ ᐁ ᓱᐦᑭᓂᐢᑫᐟ. 22ᑳ ᑎᐯᔨᐦᒋᑫᐟ ᒫᑲ ᑭ ᐋᐧᐸᐦᑕᐦᐃᐁᐧᐤ ᑭᐢᑭᓇᐋᐧᒋ ᐃᓯᐦᒋᑫᐃᐧᓇ ᒥᓇ ᑳᒪᒫᑕᐊᐧᐦᑭ, ᐁ ᑭᐦᒑᔨᐊᐧᐦᑭ ᒥᓇ ᐁ ᐊᐦᑲᐧᐦᑭ, ᐃᒋᑊᑎᕽ ᒥᓇ ᐯᕒᐅᐊᐧ ᐁ ᐃᑐᑕᐊᐧᐟ, ᒥᓇ ᑲᐦᑭᔭᐤ ᐃᐧᑭᔨᕽ, ᐁ ᐋᐧᐸᐦᑕᒫᕽ. 23ᐁᑯᑕ ᒫᑲ ᓂ ᑭ ᐯ ᐅᐦᒋ ᐊᐧᔭᐃᐧᑕᐦᐃᑯᓈᐣ, ᑭᑕ ᐱᑐᑲᐦᐃᑯᔮᕽ, ᑭᑕ ᒥᔨᑯᔮᕽ ᐊᓂᒪ ᐊᐢᑭ ᑳ ᑭ ᑭᐦᒋᐃᑖᐟ ᓄᑖᐃᐧᓈᓇ. 24ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑕᓱᐊᐧᑎᑯᓈᐣ ᑭᑕ ᐃᑐᑕᒫᕽ ᑲᐦᑭᔭᐤ ᐅᐦᐃ ᑲᑫᐢᑫᐧᐃᐧᓇ, ᑭᑕ ᑯᓯᑫᐧᔨᒫᔮᕽ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ, ᒧᓴᐠ ᑭᑕ ᐅᐦᒋ ᒥᔪᐊᔮᔮᕽ, ᑭᑕ ᑲᓇᐁᐧᔨᒥᑯᔮᕽ ᐁ ᐱᒫᑎᓯᔮᕽ, ᑳ ᐃᓯ ᐊᔮᐠ ᐊᓄᐦᐨ ᑳ ᑭᓯᑳᐠ. 25ᐁᐊᐧᑯ ᒫᑲ ᑫ ᐅ ᑲᐧᔭᐢᑳᐧᑎᓯᐃᐧᓂᔮᕽ ᑭᐢᐱᐣ ᓈᑲᑌᔨᑕᒫᑫ ᑭᑕ ᐃᑐᑕᒫᕽ ᑲᐦᑭᔭᐤ ᐅᒪ ᐃᑕᓱᐁᐧᐃᐧᐣ ᐁ ᐃᓯ ᑭᑖᐸᒥᑯᔮᕽ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᑳ ᑭ ᐃᑕᓱᐋᐧᑎᑯᔮᕽ.
Currently Selected:
ᑎᔪᑕᕒᐊᓇᒥ 6: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
