ᑎᔪᑕᕒᐊᓇᒥ 5
5
1ᒧᓯᐢ ᒫᑲ ᑭ ᓇᑐᒣᐤ ᑲᐦᑭᔭᐤ ᐃᐢᕒᐁᐃᓬ, ᒥᓇ ᑭ ᐃᑌᐤ, ᓇᑐᐦᑕᒧᐠ ᐃᐢᕒᐁᐃᓬ, ᐊᓂᐦᐃ ᑲᑫᐢᑫᐧᐃᐧᓇ ᒥᓇ ᐊᓂᐦᐃ ᐅᔭᓱᐋᐧᓯᐁᐧᐃᐧᓇ ᑳ ᐃᐧᐦᑕᒫᐣ ᑭᐦᑕᐊᐧᑳᐋᐧᕽ ᐊᓄᐦᐨ ᑳ ᑭᓯᑳᐠ, ᑭᑕ ᑭᐢᑫᔨᑕᒣᐠ, ᑭᑕ ᓈᑲᑌᔨᑕᒣᐠ ᑭᑕ ᐃᑐᑕᒣᐠ. 2ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑭ ᑭ ᐃᐧᒋᐦᐃᓯᒋᑫᒥᑯᓇᐤ ᐊᓂᑕ ᐦᐋᕒᐃᑊ. 3ᑳ ᑎᐯᔨᐦᒋᑫᐟ ᓇᒪᐃᐧᔭ ᑯᑖᐃᐧᓇᐊᐧ ᐅᒪ ᑳ ᑭ ᐃᐧᒋᐦᐃᓯᒋᑫᒫᐟ ᒫᑲ ᑭᔮᓇᐤ, ᑭᔮᓇᐤ ᐅᑎ, ᑲᐦᑭᔭᐤ ᐅᑕ ᑳ ᐱᒫᑎᓯᔭᕽ ᐊᓄᐦᐨ ᑳ ᑭᓯᑳᐠ. 4ᑳ ᑎᐯᔨᐦᒋᑫᐟ ᑭ ᑭ ᐊᔭᒥᐃᑯᐋᐧᐤ ᐅᐦᑎᐢᑲᐤ ᑭᐦᑳᐧᑲᓂᐋᐧᕽ ᐊᐧᒋᕽ ᒣᑳᐧ ᐃᐢᑯᑌᕽ ᐅᐦᒋ, 5(ᓂ ᑭ ᓂᐸᐃᐧᐣ ᐁᑯᐢᐱ ᑕᐢᑕᐃᐧᐨ ᑳ ᑎᐯᔨᐦᒋᑫᐟ ᒥᓇ ᑭᔭᐋᐤ ᑭᑕ ᐋᐧᐸᐦᑕᐦᐃᑕᑯᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ; ᒋᑫᒫ ᑭ ᑭ ᓭᑭᓯᓈᐋᐧᐤ ᐃᐢᑯᑌᐤ ᐅᐦᒋ, ᐁᑯᓯ ᓇᒪᐃᐧᔭ ᑭ ᑭ ᐋᒪᒋᐋᐧᓈᐋᐧᐤ;) ᐁ ᐃᑌᐧᐟ,
6ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒼ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᐠ ᐃᒋᑊᐟ ᐊᐢᑭᕽ, ᐊᐊᐧᑳᑎᑯᐃᐧᑲᒥᑯᕽ ᐅᐦᒋ.
7ᓇᒪᐃᐧᔭ ᑭ ᑲ ᐊᔮᐋᐧᐊᐧᐠ ᑯᑕᑲᐠ ᒪᓂᑐᐊᐧᐠ ᓂᔭ ᐱᑯ.
8 #
ᓬᐃᐱᑎᑲᐢ 26:1; ᑎᔪᑕᕒᐊᓇᒥ 4:15-18; 27:15 ᓇᒪᐃᐧᔭ ᑭ ᑲ ᐅᓯᐦᑖᐧᓱᐣ ᓈᐣᑕᐤ ᓇᐢᐱᓯᒋᑲᐣ ᐁ ᐃᓯᓈᑯᓯᐟ ᐊᐃᐧᔭᐠ ᐃᐢᐱᒥᕽ ᐁ ᐊᔮᐟ ᐊᐦᐳ ᐊᐢᑭᕽ ᓂᐦᒑᔨᕽ ᐁ ᐊᔮᐟ, ᐊᐦᐳ ᓂᐱᕽ ᐊᑖᒥᕽ ᐁ ᐊᔮᐠ ᐊᐢᑭᕽ; 9#ᐁᐠᓴᑕᐢ 34:6,7; ᓇᒼᐸᕒᐢ 14:18; ᑎᔪᑕᕒᐊᓇᒥ 7:9,10ᓇᒪᐃᐧᔭ ᑭ ᑲ ᐅᒋᐦᒋᐦᑲᐧᓂᐢᑕᐋᐧᐊᐧᐠ ᐊᐦᐳ ᓇᒪᐃᐧᔭ ᑭ ᑲ ᐊᑐᐢᑲᐋᐊᐧᐠ; ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒼ ᐁ ᐅᐦᑌᔨᑕᒧᐃᐧ ᒪᓂᑐᐃᐧᔮᐣ ᐁ ᐋᔨᒥᐊᑭᐠ ᐊᐋᐧᓯᓴᐠ ᐅᑖᐃᐧᐋᐧᐊᐧ ᐅ ᒪᒋᑐᑕᒧᐃᐧᓂᔨᐊᐧ ᐅᐦᒋ, ᐱᔨᐢ ᓂᐢᑖᐧᐤ ᐊᐦᐳ ᓀᐋᐧᐤ ᐁ ᐋᔮᓂᐢᑫ ᐱᒫᑎᓯᒋᐠ ᐊᓂᑭ ᑳ ᐸᑳᐧᓯᒋᐠ. 10ᐁᑯᓯ ᐁ ᐋᐧᐸᐦᑕᐊᑭᐠ ᑭᓭᐋᑎᓯᐃᐧᐣ ᑭᐦᒋᒥᑖᐦᑐᒥᑕᓇᐤ ᐊᓂᑭ ᑳ ᓵᑭᐦᐃᒋᐠ ᒥᓇ ᑳ ᑲᓀᐧᔨᑕᐦᑭᐠ ᓂᐟ ᐃᑕᓱᐁᐧᐃᐧᓇ.
11 #
ᓬᐃᐱᑎᑲᐢ 19:12
ᓇᒪᐃᐧᔭ ᐱᑯᓇᑕ ᑭ ᑲ ᐊᐧᐃᐧᔮᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᒋᑫᒫ ᑳ ᑎᐯᔨᐦᒋᑫᐟ ᓇᒪᐃᐧᔭ ᑭᑕ ᑲᓈᑌᔨᒣᐤ ᐊᓂᐦᐃ ᐱᑯᓇᑕ ᑳ ᐊᐧᐃᐧᔨᑯᐟ.
12 #
ᐁᐠᓴᑕᐢ 16:23-30; 31:12-14 ᓇᑲᑌᔨᑕ ᐊᔦᐧᐱᐃᐧ ᑭᓯᑳᐤ ᑭᑕ ᑲᓈᒋ ᑎᐱᑐᑕᒪᐣ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᐃᑕᓱᐊᐧᑎᐢᐠ. 13#ᐁᐠᓴᑕᐢ 23:12; 31:15; 34:21; 35:2; ᓬᐃᐱᑎᑲᐢ 23:3ᓂᑯᑖᐧᓱᑭᓯᑳᐤ ᑭ ᑲ ᐊᑐᐢᑲᐣ ᒥᓇ ᑭ ᑲ ᐃᐦᑐᑌᐣ ᑲᐦᑭᔭᐤ ᑭᐟ ᐊᑐᐢᑫᐃᐧᐣ. 14ᒫᑲ ᑌᐸᑯᑊ ᐁ ᐃᑕᐦᑐ ᑭᓯᑳᐠ ᐁᐊᐧᑯ ᐁ ᐊᔦᐧᐱᐃᐧᑭᓯᑲᓂᓯᐢᑖᐦᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᐁᑯᑕ ᓇᒪᐃᐧᔭ ᑭ ᑲ ᐃᑐᑌᐣ ᓈᐣᑕᐤ ᐊᑐᐢᑫᐃᐧᐣ, ᑭᔭ, ᒥᓇ ᑭᑯᓯᐢ, ᒥᓇ ᑭᑖᓂᐢ, ᑭ ᓈᐯᐊᐧᑐᐢᑫᔮᑲᐣ, ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ ᒥᓇ ᑭ ᒧᐢᑐᓱᒼ, ᒥᓇ ᑭ ᓱᓱᒥᐢᑕᑎᒧᒼ, ᒥᓇ ᓈᐣᑕᐤ ᑭ ᐱᓯᐢᑭᒪᐠ, ᒥᓇ ᐊᓇ ᒫᓂᑌᐤ ᐱᐦᒋ ᑭᐟ ᐃᐢᑳᐧᑌᒥᕽ ᑳ ᐊᔮᐟ; ᑭ ᓈᐯᐊᐧᑐᐢᑫᔮᑲᐣ ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ ᑭᑕ ᐊᔦᐧᐱᐟ ᑖᐱᐢᑯᐨ ᑭᔭ. 15ᐁᑯᓯ ᑭ ᑲ ᑲᓄᑭᐢᑭᓯᐣ ᐁ ᑭ ᐊᑐᐢᑫᔮᑲᓂᐃᐧᔭᐣ ᐃᒋᑊᐟ ᐊᐢᑭᕽ, ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᑯᑕ ᐁ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᐠ ᐁ ᒪᐢᑲᐃᐧᓯᒪᑲᓂᔨᐠ ᐅᒋᐦᒋ ᒥᓇ ᐁ ᓱᐃᐧᓂᐢᑫᔨᐟ; ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑭ ᐃᑕᓱᐋᐧᑎᐠ ᑭᑕ ᑎᐱᑐᑕᒪᐣ ᐊᔦᐧᐱᐃᐧᑭᓯᑳᐤ.
16 #
ᑎᔪᑕᕒᐊᓇᒥ 27:16; ᒫᐟᔪ 15:4; 19:19; ᒫᕒᐠ 7:10; 10:19; ᓬᐅᐠ 18:20; ᐃᐱᓯᔭᓇ 6:2;
ᐃᐱᓯᔭᓇ 6:3
ᑭᐢᑌᔨᒥᐠ ᑯᑖᐃᐧ ᒥᓇ ᑭᑳᐃᐧ; ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᐃᑕᓱᐋᐧᑎᐢᐠ; ᑭ ᑭᓯᑳᒪ ᑭᓀᐧᐢ ᑭᑕ ᐊᔮᑭ, ᒥᓇ ᑭᑕ ᓇᓇᐦᐃᐸᔨᔭᐣ, ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ.
17 #
ᒉᓂᓯᐢ 9:6; ᓬᐃᐱᑎᑲᐢ 24:17; ᒫᐟᔪ 5:21; 19:18; ᒫᕒᐠ 10:19; ᓬᐅᐠ 18:20; ᕒᐅᒪᓇ 13:9; ᒉᒥᐢ 2:11 ᓇᒪᐃᐧᔭ ᑭ ᑲ ᓂᐸᑖᑳᐣ.
18 #
ᓬᐃᐱᑎᑲᐢ 20:10; ᒫᐟᔪ 5:27; 19:18; ᒫᕒᐠ 10:19; ᓬᐅᐠ 18:20; ᕒᐅᒪᓇ 13:9; ᒉᒥᐢ 2:11 ᓇᒪᐃᐧᔭ ᒥᓇ ᑭ ᑲ ᒫᒪᐃᐧᐃᑐᐣ.
19 #
ᓬᐃᐱᑎᑲᐢ 19:11; ᒫᐟᔪ 19:18; ᒫᕒᐠ 10:19; ᓬᐅᐠ 18:20; ᕒᐅᒪᓇ 13:9 ᒥᓇ ᓇᒪᐃᐧᔭ ᑭ ᑲ ᑭᒧᑎᐣ.
20 #
ᐁᐠᓴᑕᐢ 23:1; ᒫᐟᔪ 19:18; ᒫᕒᐠ 10:19; ᓬᐅᐠ 18:20 ᒥᓇ ᓇᒪᐃᐧᔭ ᑭ ᑲ ᑭᔮᐢᑭᐋᐧᒋᒫᐤ ᑭᒋᐊᔨᓯᔨᓂᐤ.
21 #
ᕒᐅᒪᓇ 7:7; 13:9 ᒥᓇ ᓇᒪᐃᐧᔭ ᑭ ᑲ ᒧᐢᑕᐃᐧᓇᒪᐋᐧᐤ ᑭᒋᐊᔨᓯᔨᓂᐤ ᐃᐧᐊᐧ; ᒥᓇ ᓇᒪᐃᐧᔭ ᑭ ᑲ ᓄᐦᑌ ᐊᔮᐋᐧᐣ ᑭᒋᐊᔨᓯᔨᓂᐤ ᐅ ᐋᐧᐢᑳᐦᐃᑲᐣ, ᐅ ᑭᐢᑎᑳᐣ, ᐊᐦᐳ ᐅ ᓈᐯᐊᐧᑐᐢᑫᔮᑲᓇ, ᐊᐦᐳ ᐅᐟ ᐊᑐᐢᑫᔮᑲᓂᐢᑫᐧᒪ, ᐅ ᒧᐢᑐᓱᒪ, ᐊᐦᐳ ᐅ ᓱᓱᒥᐢᑕᑎᒧᒪ, ᐊᐦᐳ ᓈᐣᑕᐤ ᑫᑲᐧᐩ ᑳ ᐊᔮᐟ ᑭᒋᐊᔨᓯᔨᓂᐤ.
22 #
ᐦᐃᐸᕒᐅᐊᐧ 12:18,19 ᐁᐊᐧᑯᓂ ᐅᐦᐃ ᐃᑌᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᐃᐧᐦᑕᒫᑯᔦᐠ ᑲᐦᑭᔭᐤ ᐁ ᒫᐊᐧᒋᐦᐃᑐᔦᐠ ᐊᓂᑕ ᐊᐧᒋᕽ, ᒣᑳᐧ ᐃᐢᑯᑌᕽ ᐅᐦᒋ, ᐊᐧᐢᑯᕽ ᐅᐦᒋ ᒥᓇ ᐸᓴᑯ ᐊᐧᓂᑎᐱᐢᑳᕽ, ᒥᐢᑕᐦᐃ ᐁ ᑭᓯᐁᐧᐟ; ᐁᑯᓯ ᓇᒪᐃᐧᔭ ᐊᔨᐋᐧᐠ ᐃᑌᐧᐤ. ᑭ ᒪᓯᓇᐦᐊᒼ ᒫᑲ ᓂᓱ ᓇᐸᑳᐱᐢᑯᕽ, ᐁᑯᓯ ᐁ ᑭ ᐸᑭᑎᓇᒪᐃᐧᐟ. 23ᑭ ᐊᔨᑭᐣ ᒫᑲ ᐃᐢᐱ ᐁ ᑭ ᐯᐦᑕᒣᐠ ᐃᑌᐧᐃᐧᐣ ᒣᑳᐧ ᐊᐧᓂᑎᐱᐢᑲᕽ ᐅᐦᒋ, ᒣᑳᐧᐨ ᐊᐧᒋ ᐁ ᓴᐢᑭᑌᐠ, ᑭᓯᐋᐧᐠ ᑭ ᑭ ᐯ ᓈᓯᓈᐋᐧᐤ, ᑲᐦᑭᔭᐤ ᐅᑎ ᑳ ᐅᑭᒫᑲᑕᑭᐠ ᐁ ᐹᐱᐢᑭᑐᑌᐃᐧᓯᔦᐠ, ᒥᓇ ᑳ ᓂᑳᓇᑭᒫᔦᑯᐠ. 24ᐁᑯᓯ ᑭ ᑭ ᐃᑖᐧᓈᐋᐧᐤ, ᒫᑎᑲ, ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᓂ ᑭ ᐋᐧᐸᐦᑕᐦᐃᑯᓈᐣ ᐅ ᑭᐢᑌᔨᑖᑯᓯᐃᐧᐣ ᒥᓇ ᐅ ᑭᐦᒑᔨᐃᐧᐃᐧᐣ, ᐁᑯᓯ ᓂ ᑭ ᐯᑕᒫᐧᓈᐣ ᐅᐟ ᐃᑌᐧᐃᐧᐣ ᒣᑳᐧ ᐃᐢᑯᑌᕽ ᐅᐦᒋ; ᓂ ᑭ ᐋᐧᐸᐦᑌᓈᐣ ᐊᓄᐦᐨ ᑳ ᑭᓯᑳᐠ ᑳ ᑎᐯᔨᐦᒋᑫᐟ ᐁ ᐊᔭᒥᐦᐋᐟ ᐊᔨᓯᔨᓂᐊᐧ, ᐁᑯᓯ ᐁ ᐱᒫᑎᓯᔨᐟ. 25ᐁᑲᐧ ᒫᑲ ᑖᓀᑭ ᑫ ᓂᐱᔮᕽ? ᒋᑫᒫ ᐅᒪ ᑭᐦᒋ ᐃᐢᑯᑌᐤ ᓂ ᑲ ᒣᐦᒋᐦᐃᑯᓈᐣ; ᑭᐢᐱᐣ ᒥᓇ ᐯᑕᐋᐧᔮᑭ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᓂ ᑲ ᓂᐱᓈᐣ. 26ᒋᑫᒫ ᑖᓈᓇ ᐊᐃᐧᔭᐠ ᑕᐦᑐ ᑳ ᐅ ᐃᐧᔮᓯᐟ, ᑳ ᐯᑕᒫᐧᐟ ᐁ ᐯᐦᑖᑯᓯᔨᐟ ᑳ ᐱᒫᑎᓯᔨᐟ ᑭᓭᒪᓂᑐᐊᐧ ᒣᑳᐧ ᐃᐢᑯᑌᕽ ᐅᐦᒋ ᐁ ᐱᑭᐢᑫᐧᔨᐟ, ᑖᐱᐢᑯᐨ ᑳ ᑭ ᐃᓯ ᐯᑕᐋᐧᔮᕽ, ᐁᑯᓯ ᑭᑕ ᐱᒫᑎᓯᐟ? 27ᑭᔭ ᒫᑲ ᐁᑲᐧ ᑭᓯᐊᐧᐠ ᐃᑐᐦᑌ, ᓇᑐᐦᑕ ᒫᑲ ᑲᐦᑭᔭᐤ ᐊᓂᒪ ᑫ ᐊᔨᑌᐧᐟ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓇᐣ, ᐁᑯᓯ ᐃᐧᐦᑕᒪᐃᐧᑳᕽ ᑲᐦᑭᔭᐤ ᐊᓂᒪ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᑫ ᐃᐧᐦᑕᒫᐢᐠ; ᐁᑯᓯ ᓂ ᑲ ᓇᑐᐦᑌᓈᐣ ᒥᓇ ᓂ ᑲ ᐃᑐᑌᓈᐣ.
28ᑳ ᑎᐯᔨᐦᒋᑫᐟ ᒫᑲ ᑭ ᐯᑕᒼ ᑳ ᑭ ᐃᑌᐧᔦᐠ, ᐃᐢᐱ ᑳ ᑭ ᑭᑐᓯᔦᐠ; ᐁᑯᓯ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ, ᓂ ᑭ ᐯᑕᒫᐧᐣ ᐁᑎᑖᑲᐧᓂᔨᑭ ᐅᐟ ᐃᑌᐧᐃᐧᓂᐋᐧᐊᐧ ᐅᑭ ᐊᔨᓯᔨᓂᐊᐧᐠ, ᐊᓂᒪ ᑳ ᑭ ᐃᑎᐢᑭᐠ; ᑲᐧᔭᐢᐠ ᑭ ᐃᑌᐧᐊᐧᐠ ᑲᐦᑭᔭᐤ ᐊᓂᒪ ᑳ ᑭ ᐃᑌᐧᒋᐠ. 29ᐱᑕᓀ ᑖᐯᐧ ᐁᑯᑐᐃᐧ ᒥᑌᐦ ᑭᑭᐢᑳᑯᒋᐠ, ᑭᑕ ᑯᓯᑫᐧᔨᒥᒋᐠ, ᒥᓇ ᑭᑕ ᑲᓀᐧᔨᑕᐦᑭᐠ ᓂᐟ ᐃᑕᓱᐁᐧᐃᐧᓇ ᒧᓴᐠ, ᑭᑕ ᑭ ᒥᔪᐸᔨᐃᑯᒋᐠ ᒥᓇ ᐅᐟ ᐊᐋᐧᓯᒥᓯᐋᐧᐊᐧ ᑳᑭᑫ! 30ᓇᑕᐃᐧ ᐃᓯᐠ ᒫᑲ, ᑭᐁᐧᐠ ᑭᑭᐋᐧᕽ. 31ᒫᑲ ᐃᐧᔭ ᑭᔭ, ᓂᐸᐃᐧᐢᑕᐃᐧᐣ ᐅᑕ, ᑭ ᑲ ᐃᐧᐦᑕᒫᑎᐣ ᒫᑲ ᑲᐦᑭᔭᐤ ᐃᑕᓱᐁᐧᐃᐧᓇ, ᒥᓇ ᑲᑫᐢᑫᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ, ᑫ ᑭᐢᑭᓄᐦᐊᒪᐊᐧᒋᐠ, ᑭᑕ ᐃᑐᑕᐦᑭᐠ ᐁᑯᑕ ᐊᐢᑭᕽ ᑳ ᒥᔭᑭᐠ ᑭᑕ ᑎᐯᔨᐦᑕᑭᐠ. 32ᑭ ᑲ ᓈᑲᑌᔨᑌᓈᐋᐧᐤ ᒫᑲ ᑭᑕ ᐃᑐᑕᒣᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᐃᑕᓱᐋᐧᑎᑯᔦᐠ; ᓇᒪᐃᐧᔭ ᑭ ᑲ ᐸᐢᑳᓈᐋᐧᐤ ᑭᐦᒋᓂᐢᑭᕽ ᐃᓯ ᐊᐦᐳ ᓇᒪᑎᓂᕽ ᐃᓯ. 33ᑭ ᑲ ᐱᒧᑖᑐᑌᓈᐋᐧᐤ ᑲᐦᑭᔭᐤ ᐊᓂᒪ ᐃᑖᑎᓯᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᐃᑕᓱᐋᐧᑎᑯᔦᐠ, ᑭᑕ ᐱᒫᑎᓯᔦᐠ, ᒥᓇ ᑭᑕ ᒥᔪᐸᔨᐃᑯᔦᐠ, ᒥᓇ ᑭᓀᐧᐢ ᑭᑕ ᐱᒫᑎᓯᔦᐠ ᐊᓂᑕ ᐊᐢᑭᕽ ᑫ ᑎᐯᔨᐦᑕᒣᐠ.
Currently Selected:
ᑎᔪᑕᕒᐊᓇᒥ 5: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
