ᑎᔪᑕᕒᐊᓇᒥ 33
33
1ᐁᐊᐧᑯ ᒫᑲ ᐅᒪ ᓴᐁᐧᔨᐦᒋᑫᐃᐧᐣ, ᐊᓂᒪ ᒧᓯᐢ ᑭᓭᒪᓂᑐ ᐅᐟ ᐃᔨᓂᒪ ᑳ ᑭ ᐃᓯ ᓴᐁᐧᔨᒫᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒪᐧᔦᐢ ᐳᓂ ᐱᒫᑎᓯᐟ. 2ᑭ ᐃᑌᐧᐤ ᒫᑲ.
ᑳ ᑎᐯᔨᐦᒋᑫᐟ ᑭ ᐯ ᐅᐦᑐᑌᐤ ᓴᐃᓇᐩ, ᒥᓇ ᑭ ᐸᓯᑯᐢᑕᐁᐧᐣ ᓯᔭᕒ ᐅᐦᒋ; ᐯᕒᐋᐣ ᐊᐧᒋᕽ ᑭ ᐅᐦᑖᓯᑫᐤ, ᑭ ᐯ ᐅᐦᑐᑌᐤ ᒫᑲ ᐃᑕ ᒥᑖᐦᑖᐧᐤ ᑳ ᑭᐦᒋᒥᑖᐦᑐᒥᑕᓇᐁᐧᔨᐟ ᑳ ᑲᓈᑎᓯᔨᐟ; ᐅ ᑭᐦᒋᓂᐢᑭᕽ ᐁ ᐊᔮᔨᐠ ᐃᐢᑯᑌᐃᐧ ᐅᔮᓱᐁᐧᐃᐧᐣ ᑭᑕ ᒥᔮᐟ.
3ᐁᐦᐁ, ᓵᑭᐦᐁᐤ ᐊᔨᓯᔨᓂᐊᐧ; ᑲᐦᑭᔭᐤ ᐅᑲᓈᑎᓯᒪ ᑭᒋᐦᒋᕽ ᐊᔮᐊᐧᐠ; ᒥᓇ ᑭ ᓇᐦᐊᐱᐊᐧᐠ ᑭᓯᑎᕽ; ᑲᐦᑭᔭᐤ ᑭᑕ ᐅᑎᓇᒪᐧᐠ ᑭᐟ ᐃᑌᐧᐃᐧᓇ ᐅᐦᒋ.
4ᒧᓯᐢ ᑭ ᑭ ᐃᑕᓱᐋᐧᑎᑯᓇᐤ ᐅᔭᓱᐁᐧᐃᐧᐣ, ᑭᑕ ᐋᓂᐢᑫ ᐊᔮᒋᐠ ᑳ ᒫᐊᐧᒋᐦᐃᑐᔨᐟ ᒉᑲᑊ.
5ᑭ ᑭᐦᒋ ᐅᑭᒫᐃᐧᐤ ᒫᑲ ᒉᐢᔪᕒᐊᓂᕽ, ᐃᐢᐱ ᑳ ᓂᑳᓂᐢᑕᒪᐋᐧᒋᐠ ᐊᔨᓯᔨᓂᐊᐧ ᐁ ᒫᐊᐧᒋᐦᐃᑐᒋᐠ, ᑲᐦᑭᔭᐤ ᐁ ᐃᑕᐦᑐᑌᐃᐧᓯᐟ ᐃᐢᕒᐁᐃᓬ ᒫᒪᐃᐧ.
6ᑭᔮᒼ ᕒᐅᐱᐣ ᑭᑕ ᐱᒫᑎᓯᐤ ᐁᑳ ᑭᑕ ᓂᐱᐟ; ᒥᓇ ᐁᑳᐃᐧᔭ ᑭᑕ ᒐᑲᐋᐧᓯᓯᔨᐊᐧ ᐅᐟ ᐊᔨᓯᔨᓂᒪ.
7ᐁᐊᐧᑫᐧᔨᐤ ᒫᑲ ᐅᒪ ᐅ ᓴᐁᐧᔨᒥᑯᐃᐧᐣ ᒍᑕ; ᑭ ᐃᑌᐧᐤ ᒫᑲ, ᓂᑐᐦᑕᒼ ᑎᐯᔨᐦᒋᑫᔭᐣ ᐅᐟ ᐃᑌᐧᐃᐧᐣ ᒍᑕ, ᒥᓇ ᐱᑐᑲ ᐃᑕ ᐁ ᐊᔮᔨᐟ ᐅᐟ ᐊᔨᓯᔨᓂᒪ; ᐅᒋᐦᒋᔭ ᐅᐦᒋ ᑭ ᓇᐢᑳᐧᐢᑕᒫᓱ; ᒥᓇ ᑭ ᑲ ᓈᑕᒪᐋᐧᐤ ᐊᓂᐦᐃ ᑳ ᓇᑳᐢᑳᑯᐟ.
8 #
ᐁᐠᓴᑕᐢ 28:30;
ᐁᐠᓴᑕᐢ 17:7;
ᐁᐠᓴᑕᐢ 17:7; ᓇᒼᐸᕒᐢ 20:13 ᓬᐃᐸᔭ ᐅᐦᒋ ᒫᑲ ᑭ ᐃᑌᐧᐤ, ᑳ ᐊᔮᔭᐣ ᑕᒥᒼ ᒥᓇ ᔪᕒᐃᒼ ᑭᑭᐤ ᑭ ᑲᓈᑎᓯᒼ, ᐊᓇ ᑳ ᑭ ᑯᑌᔨᒪᐟ ᐊᓂᑕ ᒫᓴ, ᑳ ᑭ ᓇᑳᐢᑲᐊᐧᐟ ᒣᕒᐃᐸ ᓂᐱᕽ;
9ᑳ ᑭ ᐃᑖᐟ ᐅᑖᐃᐧᔭ ᒥᓇ ᐅᑳᐃᐧᔭ, ᓇᒪᐃᐧᔭ ᓄᐦ ᐋᐧᐸᒫᐤ, ᐊᐦᐳ ᓇᒪᐃᐧᔭ ᑭ ᓂᓯᑕᐁᐧᔨᒣᐤ ᐅᒋᐋᐧᒪ, ᒥᓇ ᓇᒪᐃᐧᔭ ᑭᐢᑫᔨᒣᐤ ᑎᐱᔭᐤ ᐅᐟ ᐊᐋᐧᓯᒥᓴ; ᒋᑫᒫ ᑭ ᓈᑲᑌᔨᑕᒪᐧᐠ ᑭᐟ ᐃᑌᐧᐃᐧᐣ, ᒥᓇ ᑎᐱᑐᑕᒪᐧᐠ ᑭ ᐃᐧᒋᐦᐃᓯᒋᑫᒥᐁᐧᐃᐧᐣ.
10ᐁᐊᐧᑯᓂᐠ ᑭᑕ ᑭᐢᑭᓄᐦᐊᒪᐁᐧᐊᐧᐠ ᒉᑲᐸ ᑯᔭᓱᐋᐧᓯᐁᐧᐃᐧᓇ, ᒥᓇ ᐃᐢᕒᐁᐃᓬᐊ ᑯᔭᓱᐁᐧᐃᐧᐣ; ᑭ ᑲ ᐅᐦᑎᐢᑲᐊᐧᐢᑖᐧᑲᐧᐠ ᐃᐧᑭᒫᓯᑲᐣ, ᒥᓇ ᒥᓯᐁᐧ ᒪᒍᐢᑌᐦᐊᒫᑫᐃᐧᓇ ᑭ ᐸᑭᑎᓈᓱᐃᐧᓈᐱᐢᑯᕽ.
11ᓴᐁᐧᔨᑕᒼ ᑳ ᑎᐯᔨᐦᒋᑫᔭᐣ ᐅ ᑭᑭᐃᐧᓯᐃᐧᐣ, ᒥᓇ ᐅᑌᓇᒪᐤ ᐅᐟ ᐊᑐᐢᑫᐃᐧᐣ ᐅᒋᐦᒋᕽ; ᓵᐳᐢᑕᐦᐅᒼ ᐋᐱᑐᓯᔭᐤ ᐊᓂᐦᐃ ᑳ ᐸᓯᑯᐢᑖᑯᐟ, ᒥᓇ ᐊᓂᐦᐃ ᑳ ᐸᑳᐧᑎᑯᐟ, ᐁᑳ ᒥᓇ ᑳᐃᐧ ᑭᑕ ᐊᐧᓂᐢᑳᔨᐟ.
12ᐯᐣᒋᒪᓇ ᒫᑲ ᐅᐦᒋ ᑭ ᐃᑌᐧᐤ, ᐅ ᓵᑭᐦᐋᑲᓇ ᑳ ᑎᐯᔨᐦᒋᑫᐟ ᐊᐧᐋᐧᓇᐢᑫᐃᐧᓂᕽ ᑭᑕ ᐊᔮᔨᐊᐧ ᐃᐧᔭ ᐅᐦᒋ; ᐊᑲᐧᓇᐁᐧᐤ ᑲᐯᑭᓯᐠ, ᒥᓇ ᐃᑕ ᐁ ᐅᐟ ᐃᐦᑖᐃᐧᓂᔨᐟ ᑭᑕ ᑕᐢᑕᐃᐧᑎᑎᒪᓀᐢᑳᐠ.
13ᒍᓯᐸ ᒫᑲ ᐅᐦᒋ ᑭ ᐃᑌᐧᐤ, ᐅᐟ ᐊᐢᑭ ᑭᑕ ᓴᐁᐧᔨᑕᒥᔨᐊᐧ ᑳ ᑎᐯᔨᐦᒋᑫᔨᐟ; ᒥᔪᑫᑲᐧᔭ ᑭᓯᑯᕽ ᐅᐦᒋ, ᐁ ᓂᐱᐊᐧᐢᑳᐠ, ᒥᓇ ᑎᒥᔮᐤ ᐊᑕᒥᕽ ᑳ ᐱᒥᑎᕽ,
14ᒥᓇ ᒥᔪᒥᓂᓴ ᐱᓯᒧᕽ ᑳ ᐅᐦᒋᑭ, ᒥᓇ ᒥᔪᑫᑲᐧᔭ ᑎᐱᐢᑳᐃᐧᐱᓯᒧᕽ ᑳ ᐅᐦᒋ ᐅᐦᐱᑭᐦᑭ,
15ᒥᓇ ᑭᐦᒋᑫᑲᐧᔭ ᑲᔭᓯ ᐊᐧᒋᕽ, ᒥᓇ ᒥᔪᑫᑲᐧᔭ ᑳᑭᑫ ᐊᐧᒋᕽ,
16ᒥᓇ ᒥᔪᑫᑲᐧᔭ ᐊᐢᑭᕽ ᐁᐊᐧᑯᓂ ᐁ ᓵᑲᐢᑭᓀᑭ, ᒥᓇ ᐅ ᒥᔦᐧᔨᒥᐁᐧᐃᐧᐣ ᐊᓇ ᐱᐢᑯᑯᐹᕽ ᑳ ᑭ ᐊᔮᐟ; ᑭᔮᒼ ᓴᐁᐧᔨᑖᑯᓯᐃᐧᐣ ᑭᑕ ᐅᑎᐦᑎᐠ ᐅᐢᑎᑳᐧᓂᕽ ᒍᓯᑊ, ᒥᓇ ᑕᐦᑯᐨ ᐅᐢᑎᑳᐧᓂᕽ ᐊᓇ ᑳ ᑭ ᐸᐢᑫᐃᐧᔮᐟ ᐅᒋᐋᐧᒪ.
17ᑳ ᓂᐢᑕᒥ ᓂᐦᑖᐃᐧᑭᔨᐟ ᐅ ᔮᐯᒧᐢᑐᓱᒪ, ᓱᑫᔨᑖᑯᓯᐃᐧᐣ ᐊᔮᐤ; ᐅᐟ ᐁᐢᑲᓇ ᑖᐱᐢᑯᐨ ᐅᐟ ᐁᐢᑲᓇ ᐱᑲᐧᒋᒧᐢᑐᐢ; ᐁᐊᐧᑯᓂ ᐅᐦᒋ ᑭᑕ ᐁᐧᐸᐁᐧᐤ ᐊᔨᓯᔨᓂᐊᐧ ᑲᐦᑭᔭᐤ, ᐱᔨᐢ ᐁ ᑭᓯᐸᐢᑲᒥᑳᐠ ᐊᐢᑭ; ᐁᐊᐧᑯᓂᐠ ᒥᑖᐦᑖᐧᐤ ᑳ ᑭᐦᒋᒥᑖᐦᑐᒥᑕᓇᐁᐧᒋᐠ ᐃᐸᕒᐁᐃᒼ, ᒥᓇ ᐁᐊᐧᑯᓂᐠ ᑳ ᑭᐦᒋᒥᑖᐦᑐᒥᑕᓇᐁᐧᒋᐠ ᒪᓈᓯ.
18ᐁᑯᓯ ᓭᑊᔪᓬᐊᐣ ᐅᐦᒋ ᑭ ᐃᑌᐧᐤ, ᒪᒪᐦᑖᑯᓯ ᓭᑊᔪᓬᐊᐣ ᐁ ᐊᐧᔭᐃᐧᔭᐣ: ᒥᓇ ᐃᓵᑲᕒ ᑭ ᒥᑭᐋᐧᐱᕽ.
19ᑭᑕ ᓇᑐᒣᐊᐧᐠ ᐊᔨᓯᔨᓂᐊᐧ ᐊᐧᒋᕽ ᐃᓯ; ᐁᑯᑕ ᑫ ᐸᑭᑎᓇᑭᐠ ᑲᐧᔭᐢᑭᑖᑎᓯᐃᐧᓂ ᐸᑭᑎᓈᓱᐃᐧᓇ; ᒋᑫᒫ ᑭᑕ ᐅᑕᑕᒪᐧᐠ ᐁ ᐃᓯ ᐁᐧᔪᑕᑭ ᑭᐦᒋᑲᒥᔭ, ᒥᓇ ᑳ ᔨᑲᐧᑖᐊᐧᑲᐦᐃᑳᑌᑭ ᐁᐧᔪᑎᓯᐃᐧᓇ.
20ᐁᑯᓯ ᐊᓂᐦᐃ ᑳᐟ ᑭ ᐃᑌᐤ, ᓴᐁᐧᔨᑖᑯᓯᐤ ᐊᓇ ᑳ ᔭᑭᐋᐟ ᑳᐟ; ᐅᐟ ᐃᐦᑖᐃᐧᓂᐤ ᑖᐱᐢᑯᐨ ᓄᓭ ᒥᐢᑕᐦᑫᓯᐤ, ᒥᓇ ᐱᑯᐱᑕᒼ ᒥᐢᐱᑐᐣ, ᐁᐦᐁ, ᒥᓇ ᐸᐦᑲᐧᓂᐱᑕᒼ ᒥᐢᑎᑳᐧᐣ.
21ᐊᓂᒪ ᒫᑲ ᓂᐢᑕᒼ ᐃᐧᔭ ᐅᐦᒋᐢᑕᒫᓱ, ᒋᑫᒫ ᐁᑯᑐᐊᐧ ᐅᔭᓱᐁᐧᐃᐧᔨᓂᐤ ᑳ ᐃᐢᑯᓇᒫᐦᐟ; ᑭ ᐯ ᐃᐧᒉᐁᐧᐤ ᒫᑲ ᑳ ᓂᑳᓀᔨᑖᑯᓯᔨᐟ ᐊᔨᓯᔨᓂᐊᐧ, ᑭ ᑎᐱᑐᑕᒣᐧᐤ ᐅᔭᓱᐋᐧᓯᐁᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᑳ ᐃᑕᓱᐋᐧᑖᔨᐟ ᐃᐢᕒᐁᐃᓬ.
22ᑖᐣ ᒫᑲ ᐅᐦᒋ ᑭ ᐃᑌᐧᐤ, ᑖᐣ ᐁᐊᐧᑯ ᒥᐢᑕᐦᑫᓯᓯᐢ, ᐯᓵᓂᕽ ᑳ ᐅᐦᒋ ᑳᐧᐢᑯᑎᐟ.
23ᓈᑊᑕᓬᐊᐩ ᒫᑲ ᐅᐦᒋ ᑭ ᐃᑌᐧᐤ, ᑭᔭ ᓈᑊᑕᓬᐊᐩ, ᐁ ᑌᐱᔭᐁᐧᓯᔭᐣ ᒥᔪᑐᑖᑯᐃᐧᐣ, ᒥᓇ ᐁ ᒧᐢᑭᓀ ᐊᔮᔭᐣ ᐅ ᓴᐁᐧᔨᐦᒋᑫᐃᐧᐣ ᑳ ᑎᐯᔨᐦᒋᑫᐟ; ᑎᐯᔨᐦᑕ ᓀᑳᐯᐊᐣ ᒥᓇ ᓵᐊᐧᓄᕽ.
24ᐋᓴᕒ ᒫᑲ ᐅᐦᒋ ᑭ ᐃᑌᐧᐤ, ᑭᑕ ᐃᐧ ᓴᐁᐧᔨᑖᑯᓯᐤ ᐋᓴᕒ ᐊᐋᐧᓯᓴ ᐅᐦᒋ; ᑭᔮᒼ ᐅᒋᐋᐧᒪ ᑭᑕ ᒥᔦᐧᔨᒥᐠ, ᒥᓇ ᑭᔮᒼ ᐱᒥᕽ ᑭᑕ ᑕᐦᑯᐢᑫᐤ.
25ᑭ ᒪᐢᑭᓯᓇ ᑭᑕ ᐱᐋᐧᐱᐢᑯᐊᐧᓇᐧ ᒥᓇ ᑭᑕ ᐅᓵᐋᐧᐱᐢᑯᐊᐧᓇᐧ; ᒥᓇ ᐁ ᐃᓯ ᐅ ᑭᓯᑳᒥᔭᐣ ᐁᑯᓯ ᑭᑕ ᐃᓯ ᐊᔮᐤ ᑭ ᒪᐢᑲᐃᐧᓯᐃᐧᐣ.
26ᓇᒪᐃᐧᔭ ᐊᐃᐧᔭᐠ ᐃᓯ ᐊᔮᐤ ᑖᐱᐢᑯᐨ ᐅ ᑭᓭᒪᓂᑐᒪ ᒉᐢᔪᕒᐊᐣ, ᑳ ᑌᐦᑕᐱᐟ ᑭᓯᑯᕽ ᑭᑕ ᓂᓱᑲᒫᐢᐠ, ᒥᓇ ᐊᐧᐢᑯᕽ ᐅ ᑭᐢᑌᔨᑖᑯᓯᐃᐧᓂᕽ.
27ᑳᑭᑫ ᑳ ᐃᐦᑖᐟ ᑭᓭᒪᓂᑐ ᐁᐊᐧᑯ ᑯᑎᐦᑖᐃᐧᓂᐣ, ᒥᓇ ᓯᐹ ᐊᔮᐊᐧ ᑳᑭᑫ ᒥᐢᐱᑐᓇ; ᑭ ᐊᐧᔭᐃᐧᑎᓯᓀᐤ ᒫᑲ ᑭ ᓄᑎᓈᑲᓇ ᑭ ᓂᑳᓂᒥᕽ, ᒥᓇ ᑭ ᐃᑌᐧᐤ ᓂᓯᐊᐧᓈᒋᐃᐠ.
28ᐃᐢᕒᐁᐃᓬ ᒫᑲ ᑭᑕ ᐅᐟ ᐃᐦᑖᐃᐧᓂᐤ ᐊᐧᐋᐧᓇᐢᑫᐃᐧᓂᕽ, ᓇᔦᐢᑕᐤ ᐅ ᒧᐦᑭᒋᐊᐧᓂᐯᐠ ᒉᑲᑊ, ᐊᐢᑭᕽ ᐃᑕ ᐸᐦᑫᐧᓯᑲᓂᑳᐣ ᒥᓇ ᓱᒥᓈᐳ ᐁ ᐊᔮᐠ; ᐁᐦᐁ, ᐅ ᑭᓯᑯᒥᕽ ᐅᐦᒋ ᐸᐦᑭᐦᑎᐣ ᐁ ᓂᐱᐊᐧᐢᑳᐠ.
29ᑭ ᒥᔦᐧᔨᒧᐣ ᐊᓂ ᐃᐢᕒᐁᐃᓬ; ᐊᐁᐧᓇ ᐁᓯ ᐊᔮᐟ ᑖᐱᐢᑯᐨ ᑭᔭ, ᐊᔨᓯᔨᓂᐊᐧᐠ ᑳ ᐱᒫᒋᐦᐃᑯᒋᐠ ᑳ ᑎᐯᔨᐦᒋᑫᔨᐟ, ᐁ ᐅ ᐸᐸᐦᐊᑳᐧᓂᐊᐧᕽ ᑭ ᓂᓱᑲᒫᑯᐃᐧᐣ, ᒥᓇ ᐁᐊᐧᑯ ᑳ ᐃᓴᐁᐧᑯᒫᓂᐊᐧᕽ ᑭ ᑭᐢᑌᔨᑖᑯᓯᐃᐧᐣ! ᑭ ᓄᑎᓈᑲᓇᐠ ᒫᑲ ᑭ ᑲ ᐸᑕᐱᐢᑖᑳᐧᐠ; ᒥᓇ ᑭ ᑲ ᑖᑕᑯᐢᑲᑕᒫᐧᐣ ᑳ ᐃᐢᐹᔨᑭ ᐅᐟ ᐃᐦᑖᐃᐧᓂᐋᐧᐊᐧ.
Currently Selected:
ᑎᔪᑕᕒᐊᓇᒥ 33: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
