ᑎᔪᑕᕒᐊᓇᒥ 34
34
1ᒧᓯᐢ ᒫᑲ ᑭ ᓯᐯᐧᑌᐤ ᒧᐋᑊ ᒪᐢᑯᑌᕽ ᐅᐦᒋ ᐁ ᐋᒪᒋᐁᐧᐟ ᓂᐹ ᐊᐧᒋᕽ, ᑕᐦᑯᐨ ᐱᐢᑲ, ᐁᐊᐧᑳᐧᓂᒪ ᑎᐱᐢᑯᐨ ᒉᕒᐃᑯ. ᐁᑯᓯ ᑳ ᑎᐯᔨᐦᒋᑫᔨᐟ ᑭ ᐋᐧᐸᐦᑕᐦᐃᐠ ᒥᓯᐁᐧ ᑭᓬᐃᔭᐟ ᐊᐢᑭ, ᑖᐣ ᐃᐢᑯ; 2ᒥᓇ ᒥᓯᐁᐧ ᓈᑊᑕᓬᐊᐩ, ᒥᓇ ᐃᐸᕒᐁᐃᒼ ᒥᓇ ᒪᓈᓯ ᐊᐢᑭ, ᒥᓇ ᒥᓯᐁᐧ ᒍᑕ ᐊᐢᑭ, ᓀᑳᐯᐊᓄᑖᕽ ᑭᐦᒋᑲᒥᕽ ᐃᐢᑯ; 3ᒥᓇ ᓵᐊᐧᓄᑖᕽ ᒥᓇ ᒪᐢᑯᑌᐤ ᒉᕒᐃᑯ ᐋᐧᔮᒪᑎᓈᐤ ᐅᑌᓇᐤ ᐹᒼ ᒥᐢᑎᑲᐧᐠ ᑳ ᐊᔮᒋᐠ, ᓱᐋᕒ ᐃᐢᑯ. 4#ᒉᓂᓯᐢ 12:7; ᒉᓂᓯᐢ 26:3; ᒉᓂᓯᐢ 28:13ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ, ᐁᐊᐧᑯ ᐅᒪ ᐊᐢᑭ ᑳ ᑭ ᑭᐦᒋᐃᑕᐠ ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ, ᐁ ᐃᑌᐧᔮᐣ, ᓂ ᑲ ᒥᔮᐊᐧᐠ ᑭᐟ ᐊᐋᐧᓯᒥᓵᐠ; ᑭ ᑭ ᐋᐧᐸᐦᑕᐦᐃᑎᐣ ᑭᐢᑭᓯᑯᕽ ᒫᑲ ᓇᒪᐃᐧᔭ ᑭ ᑲ ᐅᑎᑌᐣ.
5ᐁᑯᓯ ᒫᑲ ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑭ ᐳᓂ ᐱᒫᑎᓯᐤ ᒧᐋᑊ ᐊᐢᑭᕽ, ᑳ ᑭ ᐃᑎᑯᐟ ᑳ ᑎᐯᔨᐦᒋᑫᔨᐟ. 6ᑭ ᓇᐦᐃᓂᐠ ᒫᑲ ᐋᐧᔭᒪᑎᓈᕽ ᒧᐋᑊ ᐊᐢᑭᕽ ᑎᐱᐢᑯᐨ ᐯᐦᐟᐱᐋᕒ; ᒫᑲ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᐢᑫᔨᑕᒼ ᐃᑕ ᑳ ᑭ ᓇᐃᓂᐦᐟ ᐱᔨᐢ ᐊᓄᐦᐨ ᑳ ᑭᓯᑳᐠ. 7ᒧᓯᐢ ᒫᑲ ᒥᑖᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ ᑭ ᑕᐦᑐᐱᐳᓀᐧᐤ ᐃᐢᐱ ᑳ ᐳᓂ ᐱᒫᑎᓯᐟ; ᐅ ᓇᐦᐋᐱᐃᐧᐣ ᓇᒪᐃᐧᔭ ᐋᐢᑕᒥᕽ ᐃᓯ ᐊᔮᔨᐤ, ᒥᓇ ᐅ ᒪᐢᑲᐃᐧᓯᐃᐧᐣ ᓇᒪᐃᐧᔭ ᓄᐦᑌᐸᔨᔨᐤ.
8ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᒪᐃᐧᑳᑌᐊᐧᐠ ᒧᓯᓴ ᐊᓂᑕ ᒧᐋᑊ ᒪᐢᑯᑌᕽ ᓂᐢᑐᒥᑕᓇᐤ ᑭᓯᑳᐊᐧ; ᐁᑯᓯ ᒫᑲ ᐊᓂᐦᐃ ᑭᓯᑳᐊᐧ ᐁ ᒪᐃᐧᑳᑎᐦᐟ ᒧᓯᐢ ᑭ ᐳᓂᐸᔨᐊᐧ.
9ᒑᐢᔪᐊ ᒫᑲ ᐅᑯᓯᓴ ᓇᐣ ᑭ ᒧᐢᑭᓀᐢᑳᐠ ᐃᔨᓂᓯᐃᐧ ᐊᐦᒑᐦᑲᐧ; ᒋᑫᒫ ᒧᓯᐢ ᑭ ᓵᒥᒋᐦᒑᒣᐤ; ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓇᑐᐦᑖᐠ, ᒥᓇ ᑭ ᐃᑐᑕᒥᔨᐊᐧ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ.
10 #
ᐁᐠᓴᑕᐢ 33:11
ᐊᐢᐱᐣ ᒫᑲ ᐁᑯᐢᐱ ᓇᒪᐃᐧᔭ ᐅᐦᒋ ᐃᐦᑖᐤ ᐃᐢᕒᐁᐃᓬᐃᕽ ᐅᑭᐢᑭᐁᐧᐦᐃᑫᐤ ᑖᐱᐢᑯᐨ ᒧᓯᐢ, ᐅᐦᑳᐧᑲᓂᔨᕽ ᑳ ᑎᐯᔨᐦᒋᑫᔨᐟ ᑳ ᑭ ᑭᐢᑫᔨᒥᑯᐟ; 11ᑲᐦᑭᔭᐤ ᐊᓂᐦᐃ ᐋᐧᐸᑕᐃᐁᐧᐃᐧᓇ ᒥᓇ ᑳ ᒫᒪᐢᑳᑌᔨᑖᑲᐧᐦᑭ ᑳ ᑎᐯᔨᐦᒋᑫᔨᐟ ᑳ ᑭ ᐃᓯᑎᓴᐦᐅᑯᐟ ᑭᑕ ᐃᑐᑕᕽ ᐃᒋᑊᐟ ᐊᐢᑭᕽ ᐁ ᐃᑐᑕᐋᐧᐟ ᐯᕒᐅᐊᐧ ᒥᓇ ᐅᐟ ᐊᑐᐢᑫᔮᑲᓂᔨᐊᐧ, ᒥᓇ ᒥᓯᐁᐧ ᐅᐟ ᐊᐢᑭᔨᐤ. 12ᒥᓇ ᒥᓯᐁᐧ ᐊᓂᒪ ᐁ ᓱᑳᔭᐊᐧᕽ ᒥᒋᐦᒋ, ᒥᓇ ᑲᐦᑭᔭᐤ ᐁ ᑭᐦᒋ ᑯᐢᑖᑌᔨᑖᑲᐧᕽ, ᒧᓯᐢ ᑳ ᑭ ᐋᐧᐸᐦᑕᐦᐃᐁᐧᐟ ᐁ ᐋᐧᐸᐦᑕᒥᔨᐟ ᑲᐦᑭᔭᐤ ᐃᐢᕒᐁᐃᓬ.
Currently Selected:
ᑎᔪᑕᕒᐊᓇᒥ 34: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
