ᑎᔪᑕᕒᐊᓇᒥ 32
32
1ᓇᑐᐦᑕᒧᐠ ᑭᔭᐋᐧᐤ ᑭᓯᑲᐧ, ᐁᑯᓯ ᓂ ᑲ ᐱᑭᐢᑳᐧᐣ; ᒥᓇ ᑭᔮᒼ ᐊᐢᑭ ᑭᑕ ᐯᑕᒧᒪᑲᐣ ᐃᑌᐧᐃᐧᓇ ᓂᑐᓂᕽ ᐅᐦᒋ;
2ᓂ ᑭᐢᑭᓄᐦᐊᒪᑫᐃᐧᐣ ᑭᑕ ᐸᑭᑲᐊᐧᐣ ᑖᐱᐢᑯᐨ ᑭᒥᐊᐧᕽ, ᓂ ᐱᑭᐢᑫᐧᐃᐧᐣ ᑭᑕ ᐸᐦᑭᑎᐣ ᑖᐱᐢᑯᐨ ᑳ ᓂᐱᐊᐧᐢᑳᐠ; ᑖᐱᐢᑯᐨ ᑳ ᑭᒥᐊᐧᓂᐸᔨᓯᐠ ᐁ ᐅᐢᑲᐢᑯᓯᐊᐧᑳᐠ, ᒥᓇ ᑖᐱᐢᑯᐨ ᐁ ᐱᒪᐊᐧᑖᕽ ᓂᐦᑖᐃᐧᑭᒋᑲᓂᕽ;
3ᒋᑫᒫ ᓂ ᑲ ᐋᑐᑕᒫᐧᐣ ᐅ ᐃᐧᔪᐃᐧᐣ ᑳ ᑎᐯᔨᐦᒋᑫᐟ; ᑭᐦᒑᔨᐃᐧᐣ ᐊᑭᐦᑕᒫᕽ ᑭ ᑭᓭᒪᓂᑐᒥᓇᐤ.
4ᐃᐧᔭ ᑭᐢᑖᐱᐢᑯᐃᐧᐤ, ᒪᒥᑐᓂᒪᑲᓂᔨᐤ ᐅᐟ ᐊᑐᐢᑫᐃᐧᐣ; ᒋᑫᒫ ᑲᐦᑭᔭᐤ ᐅᐟ ᐃᑖᑎᓯᐃᐧᓇ ᐅᔮᓱᐋᐧᓯᐁᐧᐃᐧᐣ; ᑭᓭᒪᓂᑐ ᑳ ᐊᔮᑳᐧᒥᓯᐟ ᒥᓇ ᐁᑳ ᑳ ᑭᑭᐢᑳᑯᐟ ᐊᐧᓂᐃᑎᐃᐧᐣ, ᑖᐯᐧᐤ ᒥᓇ ᑲᐧᔭᐢᑳᐧᑎᓯᐤ.
5ᑭ ᒫᔨᑐᑕᐁᐧᐊᐧᐠ, ᓇᒪᔦᔨᐊᐧ ᐅᐟ ᐊᐋᐧᓯᒥᓴ, ᐁᐊᐧᑯᒪ ᐅ ᒪᒫᔨᓂᑫᐃᐧᓂᐋᐧᐤ; ᓇᔦᐦᑖᐃᐧᓯᐊᐧᐠ ᒥᓇ ᐱᒫᐦᑕᐁᐧ ᐊᔮᐊᐧᐠ ᐅᑭ ᐅᑖᓂᐢᑫᐢᑲᒫᑫᐊᐧᐠ.
6ᐁᑯᓯ ᒋ ᐅᒪ ᐁᓯ ᑎᐸᐦᐊᒪᐋᐧᔦᐠ ᑳ ᑎᐯᔨᐦᒋᑫᐟ, ᑳ ᒧᐦᒍᐃᐧ ᐊᔨᓯᔨᓂᐃᐧᔦᐠ ᒥᓇ ᐁᑳ ᑳ ᐃᔨᓂᓯᔦᐠ? ᓇᒪᒋ ᐁᐊᐧᑯ ᑯᑖᐃᐧ ᑳ ᑭ ᓂᐦᑖᐃᐧᑭᐦᐃᐢᐠ? ᑭ ᑭ ᐅᓯᐦᐃᐠ ᒥᓇ ᑭ ᑭ ᐋᔮᒋᐦᐃᐠ.
7ᑲᓄᑭᐢᑭᓯ ᑲᔮᐢ ᑭᓯᑳᐊᐧ, ᒫᒥᑐᓂᔨᑕ ᐊᐢᑭᐃᐧᓇ ᒥᐦᒉᑖᐧᐤ ᐁ ᐋᔮᓂᐢᑫ ᐱᒫᑎᓯᕽ; ᑲᑫᒋᒼ ᑯᑖᐃᐧ ᐁᑯᓯ ᑭ ᑲ ᐋᐧᐸᐦᑕᐦᐃᐠ; ᑭ ᑭᓭᔨᓂᒪᐠ ᐁᑯᓯ ᑭ ᑲ ᐃᐧᐦᑕᒫᑲᐧᐠ.
8 #
ᐃᓯᐦᒋᑫᐃᐧᓂᐋᐧᐊᐧ 17:26
ᐃᐢᐱ ᒫᒪᐁᐧᔭᐢ ᑳ ᑭᐦᒑᔨᐃᐧᐟ ᑳ ᒥᔮᐟ ᓇᓈᑐᑯᐢᑳᐣ ᐅ ᑎᐯᔨᒋᑲᓂᐋᐧᐤ, ᐃᐢᐱ ᑳ ᐸᐯᐢᑭᑕᔮᐟ ᐊᔨᓯᔨᓂᐊᐧᐋᐧᓯᓴ, ᑭ ᐅᔭᐢᑖᐤ ᐃᑕ ᑭᑕ ᐃᐢᑯ ᐊᔮᔨᐟ ᐊᔨᓯᔨᓂᐊᐧ; ᐁ ᑎᐸᑭᒫᐟ ᐁ ᐃᐦᑕᓯᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
9ᒋᑫᒫ ᑳ ᑎᐯᔨᐦᒋᑫᐟ ᐅ ᑎᐯᔨᒋᑲᓂᐤ ᐅᐟ ᐊᔨᓯᔨᓂᒪ; ᒉᑲᑊ ᐁᐊᐧᑯ ᐁ ᑎᐸᐦᐊᐢᑳᒋᑳᑌᔨᐠ ᐅ ᑎᐯᔨᒋᑲᐣ.
10ᑭ ᒥᐢᑲᐁᐧᐤ ᐱᑲᐧᑕᐢᑭᕽ, ᐁ ᐸᐢᑳᐧᐠ ᐁ ᑲᐸᑕᐊᕽ ᐱᑲᐧᑕᐢᑭ; ᑭ ᐋᐧᐢᑳᓇᒪᐁᐧᐤ, ᑭ ᐸᒥᐁᐤ, ᑭ ᑲᓇᐁᐧᔨᒣᐤ ᑖᐱᐢᑯᐨ ᐅ ᐋᐧᐃᐧᔦᔮᑲᒥᐢᑭᓯᑳᐧᐣ;
11ᑖᐱᐢᑯᐨ ᒥᑭᓯᐤ ᑳ ᐃᓯ ᐋᑲᒥᑖᐟ ᐅ ᐊᐧᒋᐢᑐᐣ, ᑳ ᐃᓯ ᐊᑲᐧᓂᑕᑕᑲᐧᓈᒫᐠ ᐅᐟ ᐊᔨᓯᓯᒪ. ᑭ ᓱᐃᐧᑕᑕᑲᐧᓀᔨᐤ, ᑭ ᐅᑎᓀᐤ; ᑭᐱᒥᐃᐧᔦᐤ ᐅᑕᑕᑲᐧᓂᕽ;
12ᐁᑯᓯ ᑳ ᑎᐯᔨᐦᒋᑫᐟ ᐱᑯ ᑭ ᑭᐢᑭᓄᑕᐦᐁᐤ, ᓇᒪᐃᐧᔮ ᒫᑲ ᐱᑐᓯ ᒪᓂᑐᐊᐧ ᐃᐧᒉᐃᐧᐠ.
13ᑭ ᑌᐦᑕᐱᐁᐤ ᐃᑕ ᐁ ᐋᐃᐢᐸᔨᐠ ᐊᐢᑭ, ᐁᑯᓯ ᑭ ᒥᒋᔨᐊᐧ ᑳ ᔭᑭᑭᓂᔨᐠ ᑭᐢᑎᑳᓂᕽ; ᑭ ᓄᓈᑕᒧᐁᐤ ᐋᒧᓯᓯᐹᐢᑲᐧᐟ ᑭᐢᑖᐱᐢᑳᕽ ᐅᐦᒋ, ᒥᓇ ᐱᒥ ᒐᑲᓭᐃᑲᓇᓯᓂᕽ ᐅᐦᒋ;
14ᑐᑐᓵᐳᐃᐧᐱᒥ ᒧᐢᑐᓴᐧᐠ ᐅᐦᒋ, ᒥᓇ ᑐᑐᓵᐳ ᒫᔭᑎᐦᑲᐧᐠ ᐅᐦᒋ, ᐊᓯᒋ ᐅ ᐃᐧᔨᓄᐋᐧᐤ ᒫᔭᑎᐦᑯᓯᓴᐠ, ᒥᓇ ᔮᐯᒫᔭᑎᑲᐧᐠ ᐯᓵᐣ ᑳ ᐅᐦᒋᒋᐠ, ᒥᓇ ᐋᐧᐸᑎᑲᐧᐠ, ᐊᓯᒋ ᐁ ᒫᐊᐧᒋ ᒥᔪᓯᐟ ᐸᐦᑫᐧᓯᑲᓂᑳᐣ; ᒥᓇ ᐁ ᒥᐦᑯᐃᐧᐟ ᓱᒥᓂᐢ ᑯᐦᒋ ᒥᓂᑳᐧᐣ ᓱᒥᓈᐳ.
15ᒫᑲ ᒉᐢᔪᕒᐊᐣ ᐊᑎ ᑖᐦᒋᐳ ᒥᓇ ᑕᐦᑭᐢᑳᒋᑫᐤ; ᑭᐟ ᐊᑎ ᑖᐦᒋᐳᐣ, ᑭᐟ ᐊᑎ ᒥᐦᒑᐢᑯᔭᐋᐧᐣ, ᑭᐟ ᐊᑎ ᓱᐢᑯᓯᐣ; ᐁᑲᐧ ᑭ ᓇᑲᑌᐤ ᑭᓭᒪᓂᑐᐊᐧ ᑳ ᑭ ᐅᓯᐦᐃᑯᐟ, ᒥᓇ ᑭ ᔮᑫᔨᑕᒼ ᐁ ᑭᐢᑖᐱᐢᑯᐊᐧᓂᔨᐠ ᐅ ᐱᒫᒋᐦᐃᑯᐃᐧᐣ.
16ᑭ ᐅᐦᑌᔨᑕᒥᐁᐊᐧᐠ ᐱᑐᓯ ᒪᓂᑐᐊᐧ ᐅᐦᒋ, ᑳ ᐸᑳᐧᑎᑲᐧᓂᔨᑭ ᐅᐦᒋ ᑭ ᑭᓯᐋᐧᐁᐊᐧᐟ.
17 #
1 ᑲᕒᐃᐣᑎᔭᓇ 10:20
ᑭ ᐸᑭᑎᓈᓱᐢᑕᐁᐧᐊᐧᐠ ᒪᒑᔭ, ᓇᒪᐃᐧᔭ ᑭᓭᒪᓂᑐᐊᐧ, ᒪᓂᑐᐊᐧ ᐁᑳ ᑳ ᑭᐢᑫᔨᒫᒋᐠ, ᐅᐢᑭ ᒪᓂᑐᐊᐧ ᒪᐢᑕᐤ ᑳ ᐊᔮᔨᐟ, ᑯᑖᐃᐧᐋᐧᐊᐧᐠ ᐁᑳ ᑳ ᑭ ᑯᐢᑖᒋᐠ.
18ᑭᐢᑖᐱᐢᐠ ᑳ ᑭ ᓂᐦᑖᐃᐧᑭᐃᐢᐠ ᓇᒪᐃᐧᔭ ᑭ ᐱᓯᐢᑫᔨᒫᐤ, ᒥᓇ ᑭ ᑭ ᐊᐧᓂᑭᐢᑭᓯᑐᑕᐋᐧᐤ ᑭᓭᒪᓂᑐ ᑳ ᑭ ᐅᓯᐦᐃᐢᐠ.
19ᑳ ᑎᐯᔨᐦᒋᑫᐟ ᒫᑲ ᑭ ᐋᐧᐸᐦᑕᒼ ᐁᑯᓯ ᑭ ᐸᑳᐧᑌᐤ, ᒋᑫᒫ ᐁ ᑭᓯᐋᐧᐃᑯᐟ ᐅᑯᓯᓴ ᒥᓇ ᐅᑖᓂᓴ.
20ᑭ ᐃᑌᐧᐤ ᒫᑲ, ᓂ ᑲ ᑳᓱᐢᑕᐋᐧᐊᐧᐠ, ᒫᐦᑎ ᑫ ᐃᓯ ᐳᓂᐸᔨᒋᐠ; ᒋᑫᒫ ᑳᓯᐢᐳᔮᑎᓯᐊᐧᐠ ᐊᓄᐦᐨ ᑳ ᐋᓂᐢᑫ ᐱᒫᑎᓯᒋᐠ, ᐊᐋᐧᓯᓴᐠ ᐁᑳ ᑳ ᐅ ᑖᐯᐧᔦᔨᑕᒧᐃᐧᓂᒋᐠ.
21 #
1 ᑲᕒᐃᐣᑎᔭᓇ 10:22;
ᕒᐅᒪᓇ 10:19
ᓂ ᑭ ᐅᐦᑌᔨᑕᒥᐃᐧᑲᐧᐠ ᐊᓂᒪ ᐅᐦᒋ ᐁᑳ ᑳ ᒪᓂᑐᐊᐧᓂᔨᐠ; ᓂ ᑭ ᑭᓯᐋᐧᐃᑲᐧᐠ ᐅ ᑭᐢᑫᐧᐃᐧᓂᐋᐧᐊᐧ ᐅᐦᒋ; ᓂ ᑲ ᐅᐦᑌᔨᑕᒥᐋᐊᐧᐠ ᒫᑲ ᐊᓂᐦᐃ ᐅᐦᒋ ᐁᑳ ᑳ ᐊᔨᓯᔨᓂᐃᐧᔨᐟ; ᓂ ᑲ ᑭᓯᐋᐧᐋᐊᐧᐠ ᑲᑫᐹᒋ ᐊᔨᓯᔨᓂᐊᐧ ᐅᐦᒋ.
22ᒋᑫᒫ ᐃᐢᑯᑌᐤ ᑳᐧᑯᑌᐤ ᓂ ᑭᓯᐋᐧᓯᐃᐧᓂᕽ, ᒥᓇ ᓴᐢᑭᑌᐤ ᒫᐊᐧᐨ ᓂᐦᒑᔨᕽ, ᐁᑯᓯ ᓂᓯᐊᐧᓈᒋᐦᑖᒪᑲᐣ ᐊᐢᑭ ᐊᓯᒋ ᑳ ᔭᑭᑭᕽ, ᒥᓇ ᓴᐢᑲᐊᒧᒪᑲᐣ ᑳ ᐊᐢᐸᐢᑌᑭ ᐊᐧᒋᔭ.
23ᓂ ᑲ ᑕᑯᑐᐋᐧᐊᐧᐠ ᐋᔨᒥᓯᐃᐧᓇ; ᓂ ᑲ ᒣᐢᑖᐢᑫᐧᓇᒪᐋᐧᐊᐧᐠ ᓇᑐᓴ;
24ᑭᑕ ᒣᐦᒋᐃᑲᐧᐠ ᓄᑌᑲᑌᐃᐧᐣ, ᒥᓇ ᑭᑕ ᓂᓯᐋᐧᓈᒋᐃᑲᐧᐠ ᑳ ᒣᐢᑎᑲᓱᐁᐧᐠ ᑭᓯᑌᐤ, ᒥᓇ ᐃᐧᓴᑭ ᓂᓯᐊᐧᓈᑎᓯᐃᐧᐣ; ᒥᓇ ᐃᐧᐱᑎᔨᐊᐧ ᐱᓯᐢᑭᐊᐧ ᓂ ᑲ ᐃᓯᑎᓴᐦᐊᒪᐋᐧᐊᐧᐠ, ᑭᑭ ᐅ ᐱᐦᒋᐳᐃᐁᐧᐃᐧᓂᔨᐤ ᒧᐦᒋᕽ ᑳ ᐸᐹᒥᑖᒋᒧᔨᐟ.
25ᐊᐧᔭᐃᐧᑎᒫᔨᕽ ᐃᓴᐁᐧᐢᐠ ᑭᑕ ᑭᑎᒪᐦᐃᐁᐧᒪᑲᐣ, ᐱᑐᑲᒥᕽ ᓭᑭᓯᐃᐧᐣ; ᑭᑕ ᓂᓯᐊᐧᓈᒋᐃᑲᐧᐠ ᐅᐢᑭᓂᑭᐤ ᒥᓇ ᐅᐢᑭᓂᑭᐢᑫᐧᐤ, ᑳ ᓄᓂᐟ ᒥᓇ ᐊᔨᓯᔨᓂᐤ ᑳ ᐋᐧᐱᐢᑎᑳᐧᓀᐟ.
26ᓂ ᑭ ᐃᑖᐧᐣ, ᐋᐧᔭᐤ ᓂ ᑲ ᐃᓯ ᓯᓭᐧᑎᓴᐋᐧᐊᐧᐠ, ᓂ ᑲ ᐃᓯᒋᑳᐣ ᑭᑕ ᐳᓂ ᑭᐢᑭᓯᑐᑖᐦᒋᐠ ᒣᑳᐧ ᐊᔨᓯᔨᓂᓈᕽ;
27ᑭᐢᐱᐣ ᐁᑳ ᑭ ᑯᐢᑕᒪᐧᐠ ᐅ ᑭᓯᐋᐧᑖᐧᐃᐧᐣ ᓄᑎᓈᑲᐣ, ᓈᐣᑕᐤ ᐃᓯ ᑳ ᓇᑳᐢᑳᑯᒋᐠ ᑭᑕ ᐊᐧᓂᓂᓯᑐᑕᒥᔨᐟ, ᑭᑕ ᐃᑌᐧᒋᐠ ᓂᒋᐦᒋᓈᐣ ᐅᐦᐱᓂᑳᑌᐤ, ᒥᓇ ᓇᒪᔦᐤ ᑳ ᑎᐯᔨᐦᒋᑫᐟ ᑲᐦᑭᔭᐤ ᐅᒪ ᑳ ᑭ ᐃᑐᑕᕽ.
28ᐊᔨᐢ ᐁᐊᐧᑯᓂᐠ ᐊᔨᓯᔨᓂᐊᐧᐠ ᐁᑳ ᑳ ᑲᑫᐢᑭᒥᑯᐃᐧᓯᒋᐠ, ᒥᓇ ᓇᒪᐃᐧᔭ ᓂᓯᑐᐦᑕᒧᐃᐧᐣ ᑭᑭᐢᑳᑲᐧᐠ.
29ᐱᑕᓀ ᐃᔨᓂᓯᒋᐠ, ᐱᑕᓀ ᐅᒪ ᓂᓯᑐᐦᑕᑭᐠ, ᐱᑕᓀ ᒫᒥᑐᓀᔨᑕᐦᑭᐠ ᐃᐢᑳᐧᔭᐨ ᑫ ᐃᓯ ᐳᓂ ᐊᔮᒋᐠ!
30ᑖᓂᓯ ᐃᓯ ᐃᐧᔭ ᐯᔭᐠ ᑫ ᑭ ᐃᓯ ᐱᒫᒧᑳᑖᐟ ᑭᐦᒋᒥᑖᐦᑐᒥᑕᓇᐤ, ᒥᓇ ᓂᓱ ᑫ ᑭ ᐃᓯ ᑕᐸᓯᐋᐧᒧᑫᒋᐠ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ, ᑭᐢᐱᐣ ᐁᑳ ᐅ ᑭᐢᑖᐱᐢᑯᒥᐋᐧᐤ ᑭ ᐊᑖᐋᐧᑳᑎᑯᒋᐠ, ᒥᓇ ᑳ ᑎᐯᔨᐦᒋᑫᔨᐟ ᑭ ᐸᑭᑎᓂᑯᒋᐠ?
31ᒋᑫᒫ ᐅ ᑭᐢᑖᐱᐢᑯᒥᐋᐧᐤ ᓇᒪᐃᐧᔭ ᑖᐱᐢᑯᐨ ᑭᔮᓇᐤ ᑭ ᑭᐢᑖᐱᐢᑯᒥᓇᐤ, ᐊᐦᐳ ᑭ ᓄᑎᓈᑲᓂᓇᐊᐧᐠ ᐃᐧᔭᐋᐧᐤ ᐅᔭᓱᐁᐧᒋᐠ.
32ᒋᑫᒫ ᐅ ᓱᒥᓈᑎᑯᐋᐧᐊᐧ ᐁᐊᐧᑯ ᓵᑕᒼ ᓱᒥᓈᑎᐠ, ᒥᓇ ᑲᒫᕒᐊ ᑭᐢᑎᑳᓂᕽ ᐅᐦᒋ; ᐅ ᓱᒥᓂᓯᒥᐋᐧᐊᐧ ᐃᐧᓴᑭ ᓱᒥᓂᓴ, ᐁ ᐋᐊᓴᒧᔨᐟ ᐃᐧᓴᑭᓯᔨᐊᐧ;
33ᐅ ᓱᒥᓈᐳᐋᐧᐤ ᐅ ᐱᐦᒋᐳᐃᐁᐧᐃᐧᓂᐋᐧᐤ ᑕᕒᐋᑲᓇᐠ, ᒥᓇ ᑳ ᑯᑕᑭ ᐱᐦᒋᐳᐃᐁᐧᒋᐠ ᑭᓀᐱᑯᓴᐠ.
34ᓇᒪ ᒋ ᐅᒪ ᓂᐟ ᐊᐢᑖᐧᑲᓂᑳᑲᐃᐧᐣ, ᐁ ᑭᐢᑭᓇᐋᐧᑕᐢᑭᐊᐧᓯᑳᑌᐠ ᑭᑭ ᓂ ᐁᐧᔪᑎᓯᐃᐧᓇ?
35 #
ᕒᐅᒪᓇ 12:19; ᐦᐃᐸᕒᐅᐊᐧ 10:30 ᓂᔭ ᓂᐟ ᐊᔮᐣ ᐋᐯᐅᐃᐧᐣ, ᒥᓇ ᑎᐸᐦᐊᒫᑫᐃᐧᐣ, ᐃᐢᐱ ᓱᐢᑯᓯᑌᓯᑳᐧᐃᐧ; ᒋᑫᒫ ᐊᓂᒪ ᐁ ᑭᓯᑳᐠ ᑭᑕ ᐋᔨᒥᓯᒋᐠ ᐯᓱᓈᑲᐧᓂᔨᐤ, ᒥᓇ ᐊᓂᐦᐃ ᑳ ᐃᐧ ᐅᑎᐦᑎᑯᒋᐠ ᑭᑕ ᑭᓯᐸᔨᔨᐊᐧ.
36 #
ᓂᑲᒧᓇ 135:14
ᒋᑫᒫ ᑳ ᑎᐯᔨᐦᒋᑫᐟ ᑭᑕ ᐅᔭᓱᐋᐧᑌᐤ ᐅᐟ ᐊᔨᓯᔨᓂᒪ, ᒥᓇ ᑭᑕ ᒥᐦᑖᑌᐢᑕᒫᓱ ᐅᐟ ᐊᑐᐢᑫᔮᑲᓇ; ᐃᐢᐱ ᐋᐧᐸᐦᑕᐦᑭ ᐅ ᒪᐢᑲᐃᐧᓯᐃᐧᓂᔨᐤ ᐁ ᓇᒪᑕᑲᐧᓂᔨᐠ, ᒥᓇ ᐁᑳ ᐊᐃᐧᔭ ᐁ ᐃᐢᑯᔨᐟ ᐁ ᑭᐸᐦᐃᑳᓱᐟ ᐊᐦᐳ ᐁ ᑎᐯᔨᒥᓱᐟ.
37ᐁᑯᓯ ᒫᑲ ᑭᑕ ᐃᑌᐧᐤ, ᑖᓂᐁᐧᐃ ᐅ ᒪᓂᑐᒥᐋᐧᐊᐧ, ᑭᐢᑖᐱᐢᐠ ᑳ ᑭ ᒪᒥᓯᑐᑕᑭᐠ;
38ᑳ ᑭ ᒥᒋᔨᐟ ᐁ ᐃᐧᔨᓄᐊᐧᓂᔨᑭ ᐅ ᐸᑭᑎᓈᓱᐃᐧᓂᐋᐧᐊᐧ, ᒥᓇ ᑳ ᑭ ᒥᓂᐦᑫᐧᔨᐟ ᓱᒥᓈᐳ ᐅ ᒥᓂᐦᑫᐧᐃᐧ ᐸᑭᑎᓈᓱᐃᐧᓂᐋᐧᐊᐧ? ᑭᔮᒼ ᐁᐊᐧᑯᓂᐠ ᑭᑕ ᐸᓯᑯᐊᐧᐠ ᒥᓇ ᑭ ᑲ ᐃᐧᒋᐦᐃᑯᐋᐧᐊᐧᐠ, ᑭᔮᒼ ᐁᐊᐧᑯᓂᐠ ᑭ ᑲ ᑲᓇᐁᐧᔨᒥᑯᐋᐧᐊᐧᐠ.
39ᐋᐧᐸᐦᑕᒧᐠ ᐁᑲᐧ ᓂᔭ, ᓂᔭ ᐅᑎ, ᐁᐊᐧᑳᐧᓇ, ᒥᓇ ᓇᒪᐃᐧᔭ ᐊᐃᐧᔭᐠ ᒪᓂᑐ ᓂ ᐃᐧᒉᐃᐧᐠ; ᓂ ᓂᐸᑖᑳᐣ ᒥᓇ ᓂ ᐱᒫᒋᐦᐃᐋᐧᐣ; ᓂ ᒥᓵᐧᑲᓂᑳᓯᐋᐧᐣ ᒥᓇ ᓂᐟ ᐃᔨᓂᐦᑲᐦᐃᐋᐧᐣ; ᓇᒪ ᐊᐃᐧᔭᐠ ᒫᑲ ᐃᐦᑖᐤ ᑭᑕ ᑭ ᐸᐢᐱᐦᐃᐁᐧᐟ ᓂᒋᐦᒋᕽ ᐅᐦᒋ.
40ᒋᑫᒫ ᑭᐦᒋᑭᓯᑯᕽ ᓂᐟ ᐃᓯ ᐅᐦᐱᓀᐣ ᓂᒋᐦᒋ, ᒥᓇ ᓂᐟ ᐃᑖᐧᐣ, ᐁ ᐃᓯ ᐱᒫᑎᓯᔮᐣ ᑳᑭᑫ.
41ᑭᐢᐱᐣ ᑖᓴᐦᐊᒫᓂ ᑳ ᐋᐧᓵᐱᐢᑭᑌᐠ ᓂᐟ ᐃᓴᐁᐧᑯᒫᐣ, ᒥᓇ ᓂᒋᐦᒋᕽ ᐅᑎᐦᑎᓇᒫᓂ ᐅᔭᓱᐋᐧᓯᐁᐧᐃᐧᐣ; ᓂ ᑲ ᐋᐯᐅᐣ ᓂ ᓄᑎᓈᑲᓇᐠ, ᒥᓇ ᓂ ᑲ ᑎᐸᐦᐊᒪᐋᐧᐊᐧᐠ ᐊᓂᑭ ᑳ ᐸᑳᐧᓯᒋᐠ.
42ᓂ ᑲ ᑭᐢᑫᐧᐸᐋᐊᐧᐠ ᒥᐦᑯ ᓂᐟ ᐊᑐᓴ, ᒥᓇ ᓂᐟ ᐃᓴᐁᐧᑯᒫᐣ ᑭᑕ ᑭᑖᒪᑲᐣ ᐃᐧᔮᐢ; ᑭᑭ ᐅ ᒥᐦᑯᐋᐧᐤ ᓂᐸᑖᑲᓇᐠ ᒥᓇ ᒧᐢᑎᓈᑲᓇᐠ, ᓂᐢᑕᒼ ᐁ ᑭ ᐋᐯᐅᕽ ᓄᑎᓈᑲᓇᐠ ᐅᐦᒋ.
43 #
ᕒᐅᒪᓇ 15:10; ᑭᐢᑫᔨᐦᑖᑯᐦᑫᐃᐧᐣ 19:2 ᒪᒪᐦᑖᑯᓯᐠ ᑭᔭᐋᐧᐤ ᓇᓈᑐᑯᐢᑳᐣ ᐊᓯᒋ ᐅᐟ ᐊᔨᓯᔨᓂᒪ; ᒋᑫᒫ ᑭᑕ ᐋᐯᐅᑖᐤ ᐅ ᒥᐦᑯᔨᐤ ᐅᐟ ᐊᑐᐢᑫᔮᑲᓇ, ᒥᓇ ᑭᑕ ᐋᐯᐅ ᑳ ᓇᑳᐢᑳᑯᐟ, ᐁᑯᓯ ᑭᑕ ᑎᐸᐦᐃᑫᐢᑕᒪᐋᐧᑕᒼ ᐅᐟ ᐊᐢᑭ, ᐅᐟ ᐊᔨᓯᔨᓂᒪ.
44ᒧᓯᐢ ᒫᑲ ᑭ ᐯ ᓇᑕᐃᐧ ᐃᐧᐦᑕᒼ ᑲᐦᑭᔭᐤ ᐁ ᐃᑌᐧᒪᑲᕽ ᐅᒪ ᓂᑲᒧᐣ ᐁ ᐯᑖᑯᐟ ᑲᐦᑭᔭᐤ ᐊᔨᓯᔨᓂᐊᐧ, ᐃᐧᔭ, ᒥᓇ ᐦᐋᓯᔭ ᐅᑯᓯᓴ ᓇᐣ. 45ᒧᓯᐢ ᒫᑲ ᑭ ᐳᓂ ᐃᐧᐦᑕᒪᐁᐧᐤ ᑲᐦᑭᔭᐤ ᐅᐦᐃ ᐃᑌᐧᐃᐧᓇ ᑲᐦᑭᔭᐤ ᐃᐢᕒᐁᐃᓬᐊ; 46ᐅᒥᓯ ᒫᑲ ᑭ ᐃᑌᐤ, ᒫᒥᑐᓀᔨᑕᒧᐠ ᑲᐦᑭᔭᐤ ᐃᑌᐧᐃᐧᓇ ᑳ ᐃᐧᐦᑕᒫᑕᑯᐠ ᐊᓄᐦᐨ ᑳ ᑭᓯᑳᐠ; ᑫ ᐃᑕᓱᐋᐧᑖᔦᑯᐠ ᑭᐟ ᐊᐋᐧᓯᒥᓯᐋᐧᐊᐧᐠ, ᑭᑕ ᓈᑲᑌᔨᑕᐦᑭᐠ ᑭᑕ ᐃᑐᑕᐦᑭᐠ ᑲᐦᑭᔭᐤ ᐁ ᐃᑌᐧᒪᑲᕽ ᐅᒪ ᐅᔭᓱᐁᐧᐃᐧᐣ. 47ᒋᑫᒫ ᓇᒪᐃᐧᔭ ᐱᑯᓇᑕ ᑫᑲᐧᐩ ᐅᒪ ᑭᑕ ᐃᑐᑕᒣᐠ; ᐊᔨᐢ ᐁᐊᐧᑯ ᑭ ᐱᒫᑎᓯᐃᐧᓂᐋᐧᐤ, ᒥᓇ ᐁᐊᐧᑯ ᐅᒪ ᐅᐦᒋ ᑭ ᑲ ᑭᓈᐧᑖᓈᐋᐧᐤ ᑭ ᑭᓯᑳᒥᐋᐧᐊᐧ ᐁᑯᑕ ᐊᐢᑭᕽ, ᐃᑌ ᑳ ᐋᓱᐊᐧᐦᐊᒪᐣ ᒑᕒᑕᐣ ᑭᑕ ᑎᐯᔨᐦᑕᒪᐣ.
48 #
ᓇᒼᐸᕒᐢ 27:12-14; ᑎᔪᑕᕒᐊᓇᒥ 3:23-27 ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐁᐊᐧᑳᐧᓂᒪ ᐁ ᑭᓯᑳᐠ, ᐁ ᐃᑌᐧᐟ. 49ᐋᒪᒋᐁᐧ ᐅᒪ ᐊᐢᑭ ᐋᐸᕒᐃᒼ, ᓂᐹ ᐊᐧᒋᕽ ᐃᓯ, ᐁᐊᐧᑳᐧᓂᒪ ᒧᐋᑊ ᐊᐢᑭᕽ ᑳ ᐊᔮᐠ, ᑎᐱᐢᑯᐨ ᒉᕒᐃᑯ; ᒥᓇ ᐋᐧᐸᐦᑕ ᑫᓇᐣ ᐊᐢᑭ, ᑳ ᒥᔭᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᑎᐯᔨᐦᑕᑭᐠ; 50ᒥᓇ ᑭ ᑲ ᐳᓂ ᐱᒫᑎᓯᐣ ᐊᐧᒋᕽ ᐃᑌ ᑫ ᐋᒪᒋᐁᐧᔭᐣ, ᒥᓇ ᑭ ᑲ ᑕᑯᑕᐃᑲᐃᐧᐣ ᑭᐟ ᐊᔨᓯᔨᓂᒪᐠ ᑖᐱᐢᑯᐨ ᐁᕒᐊᐣ ᑭᒋᐋᐧᒼ ᑳ ᑭ ᐃᓯ ᐳᓂ ᐱᒫᑎᓯᐟ ᐦᐋᕒ ᐊᐧᒋᕽ, ᒥᓇ ᑳ ᑭ ᑕᑯᑕᐃᐦᐟ ᐅᐟ ᐊᔨᓯᔨᓂᒪ; 51ᒋᑫᒫ ᑭ ᑭ ᐊᐧᓂᑐᑕᐃᐧᓈᐋᐧᐤ ᒣᑳᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᓂᑕ ᒣᕒᐃᐸ ᓂᐱᕽ ᑫᑎᓯᕽ, ᓯᐣ ᐱᑲᐧᑕᐢᑭᕽ; ᐊᔨᐢ ᓇᒪᐃᐧᔭ ᑯᐦ ᑲᓈᒋᐃᓈᐋᐧᐤ ᒣᑳᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 52ᒋᑫᒫ ᑭ ᑲ ᐋᐧᐸᐦᑌᐣ ᐊᐢᑭ ᐁ ᐅᐦᑎᐢᑲᐃᐧᐢᑳᑯᔭᐣ; ᒫᑲ ᓇᒪᐃᐧᔭ ᑭ ᑲ ᐅᑎᑌᐣ ᐊᓂᒪ ᐊᐢᑭ ᑳ ᒥᔭᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
Currently Selected:
ᑎᔪᑕᕒᐊᓇᒥ 32: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
