ᑎᔪᑕᕒᐊᓇᒥ 31
31
1ᒧᓯᐢ ᒫᑲ ᑭ ᓇᑕᐃᐧ ᐃᐧᐦᑕᒪᐁᐧᐤ ᐅᐦᐃ ᐃᑌᐧᐃᐧᓇ ᑲᐦᑭᔭᐤ ᐃᐢᕒᐁᐃᓬᐊ. 2#ᓇᒼᐸᕒᐢ 20:12ᑭ ᐃᑌᐤ ᒫᑲ, ᒥᑖᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ ᓂᐟ ᐃᑕᐦᑐᐱᐳᓈᐧᐣ ᐊᓄᐦᐨ ᑳ ᑭᓯᑳᐠ; ᓇᒪᐃᐧᔭ ᐁᑲᐧ ᓂ ᑲ ᑭ ᐊᐧᔭᐃᐧᐣ ᒥᓇ ᐱᑐᑳᐣ; ᐁᑯᓯ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ, ᓇᒪᐃᐧᔭ ᑭ ᑲ ᐊᓱᐊᐁᐣ ᐅᒪ ᒑᕒᑕᐣ. 3ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᐊᐧᑯ ᑫ ᓂᑳᓄᑖᐢᐠ; ᑭᑕ ᓂᓯᐊᐧᓈᒋᐁᐤ ᐅᐦᐃ ᐊᔨᓯᔨᓂᐊᐧ ᑭ ᓂᑳᓂᒥᕽ, ᐁᑯᓯ ᑭ ᑲ ᓇᑕᐃᐧ ᑎᐯᔨᒫᐊᐧᐠ; ᒥᓇ ᒑᐢᔪᐊ ᐁᐊᐧᑯ ᑫ ᓂᑳᓄᑖᐢᐠ, ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ. 4#ᓇᒼᐸᕒᐢ 21:21-35ᑳ ᑎᐯᔨᐦᒋᑫᐟ ᒫᑲ ᑭᑕ ᐃᑐᑕᐁᐧᐤ ᑳ ᑭ ᐃᑐᑕᐋᐧᐟ ᐊᓂᐦᐃ ᓯᐦᐋᐣ ᒥᓇ ᐋᐠ ᐅ ᑭᐦᒋ ᐅᑭᒫᒥᐋᐧᐊᐧ ᐋᒪᕒᐊᐃᑕᐠ, ᒥᓇ ᐅᐟ ᐊᐢᑭᐋᐧᐤ; ᐊᓂᐦᐃ ᑳ ᑭ ᓂᓯᐊᐧᓈᒋᐦᐋᐟ. 5ᑳ ᑎᐯᔨᐦᒋᑫᐟ ᒫᑲ ᑭᑕ ᐸᑭᑎᓀᐤ ᑭ ᓂᑳᓂᒥᐋᐧᕽ, ᐁᑯᓯ ᑭ ᑲ ᐃᑐᑕᐋᐧᐋᐧᐊᐧᐠ ᐁ ᐃᑕᐢᑌᐠ ᑲᑭᔭᐤ ᐃᑕᓱᐁᐧᐃᐧᐣ ᑳ ᑭ ᐃᑕᓱᐋᐧᑎᑕᑯᐠ. 6ᐃᐧ ᒪᐢᑲᐃᐧᓯᐠ ᒥᓇ ᓱᑫᔨᒧᐠ, ᐁᑳᐃᐧᔭ ᓭᑭᓯᐠ ᒥᓇ ᐁᑳᐃᐧᔭ ᑯᐢᑎᑯᐠ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᐁᐊᐧᑯ ᑳ ᐃᐧᒉᐃᐧᑯᔦᐠ; ᓇᒪᐃᐧᔭ ᑭ ᑲ ᓄᐦᑌᐸᔨᐃᐠ ᒥᓇ ᓇᒪᐃᐧᔭ ᑭ ᑲ ᐁᐧᐱᓂᐠ.
7ᒧᓯᐢ ᒫᑲ ᑭ ᓇᑐᒣᐤ ᒑᐢᔪᐊ, ᒥᓇ ᑭ ᐃᑌᐤ ᐁ ᐋᐧᐸᒥᑯᐟ ᑲᐦᑭᔭᐤ ᐃᐢᕒᐁᐃᓬ, ᐃᐧ ᒪᐢᑲᐃᐧᓯ ᒥᓇ ᓱᑫᔨᒧ; ᒋᑫᒫ ᑭ ᑲ ᐃᓯ ᐃᐧᒉᐋᐧᐊᐧᐠ ᐅᑭ ᐊᔨᓯᔨᓂᐊᐧᐠ ᐊᓂᑕ ᐊᐢᑭᕽ ᑳ ᑎᐯᔨᐦᒋᑫᔨᐟ ᑳ ᑭ ᑭᐦᒋᐃᑖᔨᐟ ᐅᑖᐃᐧᐋᐧᐊᐧ ᑭᑕ ᒥᔨᑯᒋᐠ; ᐁᑯᓯ ᑭ ᑲ ᑎᐯᔨᐦᑕᒧᐋᐊᐧᐠ. 8#ᒑᐢᔪᐊ 1:5; ᐦᐃᐸᕒᐅᐊᐧ 13:5ᑳ ᑎᐯᔨᐦᒋᑫᐟ ᒫᑲ, ᐁᐊᐧᑯ ᑳ ᓂᑳᓄᑖᐢᐠ; ᑭ ᑲ ᐃᐧᒉᐃᐧᐠ, ᓇᒪᐃᐧᔭ ᑭ ᑲ ᓄᐦᑌᐸᔨᐃᐠ ᒥᓇ ᓇᒪᐃᐧᔭ ᑭ ᑲ ᐁᐧᐱᓂᐠ; ᐁᑳᐃᐧᔭ ᓭᑭᓯ ᒥᓇ ᐁᑳᐃᐧᔭ ᓵᑫᐧᔨᒧ.
9ᒧᓯᐢ ᒫᑲ ᑭ ᒪᓯᓇᐦᐊᒼ ᐅᒪ ᐅᔭᓱᐁᐧᐃᐧᐣ, ᒥᓇ ᑭ ᒥᔦᐤ ᐊᔭᒥᐦᐁᐃᐧᔨᓂᐊᐧ ᐅᑯᓯᓴ ᓬᐃᐸᐩ, ᑳ ᐱᒥᐃᐧᑖᒋᐠ ᐊᓂᒪ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ, ᒥᓇ ᑲᐦᑭᔭᐤ ᑳ ᓂᑳᓀᔨᑖᑯᓯᒋᐠ ᐃᐢᕒᐁᐃᓬ. 10#ᑎᔪᑕᕒᐊᓇᒥ 15:1,2; ᑎᔪᑕᕒᐊᓇᒥ 16:13-15ᒧᓯᐢ ᒫᑲ ᑭ ᐃᑕᓱᐋᐧᑌᐤ, ᐁ ᐃᑌᐧᐟ, ᑕᐦᑖᐧᐤ ᑌᐸᑯᑊ ᐊᐢᑭ ᐁ ᐳᓂᐸᔨᐠ ᐃᑕ ᑳ ᐅᔭᑭᒋᑳᑌᐠ ᑭᑕ ᐸᑭᑎᓂᐁᐧᐃᐧ ᐊᐢᑭᐊᐧᕽ, ᐊᓂᒪ ᒫᓄᑫᐃᐧ ᐃᐧᐦᑯᐦᑐᐃᐧᓂᕽ, 11ᐃᐢᐱ ᑲᐦᑭᔭᐤ ᐃᐢᕒᐁᐃᓬ ᐯ ᐃᑐᐦᑌᑖᐧᐃᐧ ᑭᑕ ᓄᑯᓯᒋᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐃᑕ ᐊᓂᒪ ᑫ ᓇᐊᐧᓱᓇᕽ, ᑭ ᑲ ᐊᔭᒥᑖᐣ ᐅᒪ ᐅᔭᓱᐁᐧᐃᐧᐣ ᐅᐦᑎᐢᑲᐤ ᑲᐦᑭᔭᐤ ᐃᐢᕒᐁᐃᓬ ᐁ ᐯᐦᑕᑭᐠ. 12ᒫᒪᐃᐧ ᒫᐊᐧᒋᐦᐃᐠ ᐊᔨᓯᔨᓂᐊᐧᐠ, ᓈᐯᐊᐧᐠ ᒥᓇ ᐃᐢᑫᐧᐊᐧᐠ ᒥᓇ ᐊᐋᐧᓯᓴᐠ, ᒥᓇ ᒫᓂᑌᐤ ᐱᐦᒋ ᑭᐟ ᐃᐢᑳᐧᑌᒥᕽ ᑳ ᐊᔮᐟ, ᑭᑕ ᐯᐦᑕᐦᑭᐠ, ᒥᓇ ᑭᑕ ᑭᐢᑫᔨᑕᐦᑭᐠ, ᒥᓇ ᑭᑕ ᑯᓯᑫᐧᔨᒫᒋᐠ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒥᐋᐧᐊᐧ, ᒥᓇ ᑭᑕ ᓈᑲᑌᔨᑕᐦᑭᐠ ᑭᑕ ᐃᑐᑕᐦᑭᐠ ᑲᐦᑭᔭᐤ ᐁ ᐃᑌᐧᒪᑲᕽ ᐅᒪ ᐅᔭᓱᐁᐧᐃᐧᐣ; 13ᒥᓇ ᐅᐟ ᐊᐋᐧᓯᒥᓯᐋᐧᐊᐧ, ᐁᑳ ᑳ ᑭᐢᑫᔨᑕᒥᔨᐟ. ᑭᑕ ᐯᑕᒥᔨᐟ ᒥᓇ ᑭᑕ ᑭᐢᑫᔨᑕᒥᔨᐟ ᑭᑕ ᑯᓯᑫᐧᔨᒫᒋᐠ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒪ, ᐃᔨᑯᕽ ᑫ ᐱᒫᑎᓯᔦᐠ ᐁᑯᑕ ᐊᐢᑭᕽ ᑳ ᐋᓱᐊᐧᐦᐊᒣᐠ ᒑᕒᑕᐣ ᑭᑕ ᑎᐯᔨᐦᑕᒣᐠ.
14ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᒫᑎᑲ, ᑭᓯᑳᐊᐧ ᐯᓱᓈᑲᐧᓇᐧ ᑭᑕ ᐳᓂ ᐱᒫᑎᓯᔭᐣ; ᓇᑕᐣ ᒑᐢᔪᐊ, ᐯ ᐃᑐᐦᑌᐠ ᒫᑲ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᑭᑕ ᐊᔮᑳᐧᒥᒪᐠ. ᒧᓯᐢ ᒫᑲ ᒥᓇ ᒑᐢᔪᐊ ᑭ ᓇᑕᐃᐧ ᐃᑐᐦᑌᐊᐧᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 15ᑳ ᑎᐯᔨᐦᒋᑫᐟ ᒫᑲ ᑭ ᓄᑯᓯᐤ ᒥᑭᐋᐧᐱᕽ ᐁ ᓴᒪᑕᐢᑯᐊᐧᕽ; ᐁᑯᓯ ᐊᓂᒪ ᐁ ᓴᒪᑕᐢᑯᐊᐧᕽ ᑭ ᑭᐱᐦᒋ ᐊᔮᐤ ᐃᐢᐱᒥᕽ ᐁ ᐃᐢᑳᐧᑌᒥᐊᐧᕽ ᒥᑭᐊᐧᑊ.
16ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᒫᑎᑲ ᑭ ᑲ ᐃᐧᒋᓂᐹᒫᐊᐧᐠ ᑯᑖᐃᐧᔭᐠ; ᐁᑯᓯ ᐅᑭ ᐊᔨᓯᔨᓂᐊᐧᐠ ᑭᑕ ᐸᓯᑯᐊᐧᐠ, ᐁᑯᓯ ᑭᑕ ᐊᔨᐋᐧᑫᔨᒣᐊᐧᐠ ᐱᑐᓯ ᒪᓂᑐᐊᐧ ᐁᑯᑕ ᐊᐢᑭᕽ, ᐃᑌ ᑫ ᐃᑐᐦᑌᒋᐠ ᑭᑕ ᐃᐧᒋᐊᔮᒫᒋᐠ, ᓂ ᑲ ᐁᐧᐱᓂᑲᐧᐠ ᒫᑲ, ᒥᓇ ᑭᑕ ᐱᑯᓇᒪᐠ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑭ ᐃᓯᐦᒋᑫᐊᑭᐠ. 17ᓂ ᑲ ᑭᓯᐢᑕᐋᐧᐊᐧᐠ ᒫᑲ ᐁᑯᐢᐱ ᑭᓯᑳᑭ, ᒥᓇ ᓂ ᑲ ᐁᐧᐱᓈᐊᐧᐠ, ᓂ ᑲ ᑳᓱᐢᑕᐋᐧᐊᐧᐠ ᒫᑲ ᐁᑯᓯ ᑭᑕ ᓂᓯᐊᐧᓈᒋᐦᐋᐊᐧᐠ, ᒥᐦᒉᐟ ᒫᑲ ᒫᔨᑫᑲᐧᔭ ᒥᓇ ᐋᔨᒥᓯᐃᐧᓇ ᑭᑕ ᐅᑎᐦᑎᑲᐧᐠ; ᑭᑕ ᐃᑌᐧᐊᐧᐠ ᒫᑲ ᐁᐊᐧᑯ ᑭᓯᑳᑭ, ᓇᒪ ᒋ ᐅᐦᐃ ᒪᒋᑫᑲᐧᔭ ᑯᑎᑎᑯᓈᓇᐤ ᐁᑳ ᑭ ᑭᓭᒪᓂᑐᒥᓇᐤ ᐁ ᐃᐧᒉᐃᐧᑯᔭᕽ? 18ᑫᐦᒋᓈ ᒫᑲ ᓂ ᑲ ᑳᓱᐢᑕᐋᐧᐊᐧᐠ ᐁᐊᐧᑯ ᑭᓯᑳᑭ ᑲᐦᑭᔭᐤ ᐊᓂᒪ ᒪᒋ ᑫᑲᐧᐩ ᐅᐦᒋ ᑳ ᑭ ᐃᓯᐦᒋᑫᒋᐠ, ᐁ ᑫᐧᐢᑭᐢᑕᐋᐧᒋᐠ ᑯᑕᑲ ᒪᓂᑐᐊᐧ. 19ᐁᑲᐧ ᒫᑲ ᒪᓯᓇᐦᐊᒧᐠ ᐅᒪ ᓂᑲᒧᐣ ᑭᔭᐋᐧᐤ ᐅᐦᒋ, ᒥᓇ ᑭᐢᑭᓄᐦᐊᒪᐃᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᐅᑐᓂᐋᐧᕽ ᐊᐢᑖᐤ, ᐅᒪ ᓂᑲᒧᐣ ᑭᑕ ᐋᒋᒥᑯᔮᐣ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᓯ. 20ᒋᑫᒫ ᐃᐢᐱ ᑭ ᐃᑐᐦᑕᐊᑳᐧᐃᐧ ᐊᓂᑕ ᐊᐢᑭᕽ ᑳ ᑭ ᑭᐦᒋᐃᑎᒪᐠ ᐅᑖᐃᐧᐋᐧᐊᐧ, ᑳ ᐱᒥᒋᐊᐧᕽ ᑐᑐᓴᐳ ᒥᓇ ᐋᒧᓯᓯᐹᐢᑲᐧᐟ ᑭ ᒥᒋᓱᑖᐧᐃᐧ ᒫᑲ ᒥᓇ ᑭᐢᐳᑖᐧᐃᐧ ᒥᓇ ᐊᑎ ᑖᐦᒋᐳᑖᐧᐃᐧ; ᐁᑲᐧ ᑫ ᑫᐧᐢᑭᐢᑕᐋᐧᒋᐠ ᑯᑕᑲ ᒪᓂᑐᐊᐧ, ᒥᓇ ᑭᑕ ᐊᑐᐢᑲᐁᐧᐊᐧᐠ, ᐁᑯᓯ ᓂᔭ ᑭᑕ ᐋᑕᐁᐧᔨᒥᒋᐠ ᒥᓇ ᑭᑕ ᐱᑯᓇᑭᐠ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ. 21ᑭᑕ ᐃᐦᑭᐣ ᒫᑲ, ᐃᐢᐱ ᒥᐦᒉᐟ ᒪᒋ ᑫᑲᐧᔭ ᒥᓇ ᐋᔨᒥᓯᐃᐧᓇ ᐅᑎᐦᑎᑯᑖᐧᐃᐧ, ᐅᒪ ᓂᑲᒧᐣ ᑭᑕ ᐋᒋᒧᐢᑖᑲᐧᐠ ᑖᐱᐢᑯᐨ ᐅᑖᒋᒧ; ᒋᑫᒫ ᓇᒪᐃᐧᔭ ᑭᑕ ᐊᐧᓂᑭᐢᑭᓯᔨᐊᐧ ᐅᑐᓂᔨᕽ ᐅᐦᒋ ᐅ ᓂᐦᑖᐃᐧᑭᐦᐋᑲᓂᐋᐧᐊᐧ; ᒋᑫᒫ ᓂ ᑭᐢᑫᔨᑕᒫᐧᐣ ᐅ ᒥᑐᓀᔨᒋᑲᓂᐋᐧᐤ ᑳ ᐸᐹ ᓇᑐᓇᐦᑭᐠ, ᐊᐦᐳ ᓵᓴᐩ, ᒪᐧᔦᐢ ᐯᓯᐊᐧᑭᐠ ᐁᑯᑕ ᐊᐢᑭᕽ ᑳ ᑭ ᑭᐦᒋᐃᑕᑭᐠ.
22ᐁᑯᓯ ᒫᑲ ᒧᓯᐢ ᑭ ᒪᓯᓇᐦᐊᒼ ᐅᒪ ᓂᑲᒧᐣ ᐁᐊᐧᑯ ᐁ ᑭᓯᑳᐠ, ᒥᓇ ᑭ ᑭᐢᑭᓄᐦᐊᒪᐁᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 23#ᓇᒼᐸᕒᐢ 27:23; ᒑᐢᔪᐊ 1:6ᑭ ᐊᔮᑳᐧᒥᒣᐤ ᒫᑲ ᒑᐢᔪᐊ ᐅᑯᓯᓴ ᓇᐣ, ᐅᒥᓯ ᐁ ᑭ ᐃᑖᐟ, ᐃᐧ ᒪᐢᑲᐃᐧᓯ ᒥᓇ ᓱᐦᑫᔨᒧ; ᒋᑫᒫ ᑭ ᑲ ᐯᓯᐋᐧᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᓂᑕ ᐊᐢᑭᕽ ᑳ ᑭ ᑭᐦᒋᐃᑕᑭᐠ; ᑭ ᑲ ᐃᐧᒉᐃᐧᑎᐣ ᒫᑲ.
24ᑭ ᐊᔨᑭᐣ ᒫᑲ ᐃᐢᐱ ᒧᓯᐢ ᑳ ᐳᓂ ᒪᓯᓇᐦᐊᕽ ᐁ ᐃᑌᐧᒪᑲᕽ ᐅᒪ ᐅᔭᓱᐁᐧᐃᐧᐣ ᒪᓯᓇᐦᐃᑲᓂᕽ ᐱᔨᐢ ᐁ ᑭᓴᓯᓇᐊᕽ, 25ᒧᓯᐢ ᑭ ᐃᑕᓱᐋᐧᑌᐤ ᐊᓂᐦᐃ ᓬᐃᐸᐃᑕ ᑳ ᐱᒥᐃᐧᑖᔨᐟ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ, ᐁ ᐃᑌᐧᐟ, 26ᐅᑎᓇ ᐅᒪ ᐅᔭᓱᐁᐧᐃᐧᓂ ᒪᓯᓇᐦᐃᑲᐣ, ᐁᑯᓯ ᐊᓯᑕᐢᑖ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᑯᑕ ᑭᑕ ᐊᔮᐠ ᑭᑕ ᐋᒋᒥᑯᔭᐣ. 27ᒋᑫᒫ ᓂ ᑭᐢᑫᔨᑌᐣ ᑭ ᒫᔦᔨᐦᒋᑫᐃᐧᐣ, ᒥᓇ ᑭ ᓯᑕᐃᐧᑲᐧᔭᐁᐧᐃᐧᐣ; ᒫᑎᑲ ᒣᑳᐧᐨ ᑫᔮᐱᐨ ᐁ ᐱᒫᑎᓯᔮᐣ ᒥᓇ ᐁ ᐃᐧᒉᐃᐧᑕᑯᐠ ᐊᓄᐦᐨ ᑳ ᑭᓯᑳᐠ ᑭ ᑭ ᒫᔦᔨᒫᐋᐧᐤ ᑳ ᑎᐯᔨᐦᒋᑫᐟ; ᐋᐧᐃᐧᐢ ᒫᑲ ᐃᐢᐱ ᐳᓂ ᐱᒫᑎᓯᔮᓂ?
28ᐯ ᒫᐊᐧᒋᐦᐃᑐᐠ ᑲᐦᑭᔭᐤ ᑳ ᓂᑳᓀᔨᑖᑯᓯᒋᐠ ᑭ ᐱᐢᑭᑐᑌᐃᐧᓯᐃᐧᓂᐋᐧᐊᐧ, ᒥᓇ ᑯᑭᒫᒥᐋᐧᐊᐧᐠ, ᑭᑕ ᐃᐧᐦᑕᒪᐊᐧᑭᐠ ᐅᐦᑕᐊᐧᑳᐋᐧᕽ ᐅᐦᐃ ᐃᑌᐧᐃᐧᓇ, ᒥᓇ ᑭᑕ ᑌᐸᐧᑕᒫᐣ ᑭᓯᐠ ᒥᓇ ᐊᐢᑭ ᑭᑕ ᐋᒋᒥᑯᒋᐠ. 29ᒋᑫᒫ ᓂ ᑭᐢᑫᔨᑌᐣ ᐃᐢᐱ ᑭ ᐳᓂ ᐱᒫᑎᓯᔮᓂ ᒥᑐᓂ ᑭᑕ ᓂᓯᐊᐧᓈᒋᐦᐅᔦᐠ, ᒥᓇ ᑭᑕ ᐸᐢᑫᔦᐠ ᐊᓂᒪ ᒣᐢᑲᓇᐤ ᑳ ᑭ ᐃᑕᓱᐋᐧᑎᑕᑯᐠ; ᐁᑯᓯ ᒪᒑᔨᐃᐧᐣ ᑭ ᑲ ᐸᑲᒥᐢᑳᑯᓈᐋᐧᐤ ᐅᑖᕽ ᐊᑎ ᑲᑭᓯᑲᑭ; ᒋᑫᒫ ᑭ ᐃᐧ ᐃᑐᑌᓈᐋᐧᐤ ᐊᓂᒪ ᑳ ᒫᔮᑕᕽ ᐁ ᐃᑖᐱᓯᒥᑯᐟ ᑳ ᑎᐯᔨᐦᒋᑫᐟ ᑭᑕ ᑭᓯᐋᐧᐋᔦᐠ ᑭᐟ ᐃᓯᐦᒋᑫᐃᐧᓂᐋᐧᐊᐧ ᑭᒋᐦᒋᐋᐧᕽ ᐅᐦᒋ.
30ᒧᓯᐢ ᒫᑲ ᑭ ᐃᐧᐦᑕᒼ ᐁ ᐯᑖᑯᐟ ᑲᐦᑭᔭᐤ ᐁ ᒫᐊᐧᒋᐦᐃᑐᔨᐟ ᐃᐢᕒᐁᐃᓬ ᐁ ᐃᑌᐧᒪᑲᕽ ᐅᒪ ᓂᑲᒧᐣ, ᐱᔨᐢ ᐁ ᑭᓯᐱ ᐃᐧᐦᑕᕽ.
Currently Selected:
ᑎᔪᑕᕒᐊᓇᒥ 31: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
