ᑎᔪᑕᕒᐊᓇᒥ 30
30
1ᑭᑕ ᐃᐦᑭᐣ ᒫᑲ ᐃᐢᐱ ᑲᐦᑭᔭᐤ ᐅᐦᐃ ᐅᑎᐦᑎᑯᔭᓂ, ᓴᐁᐧᔨᐦᒋᑫᐃᐧᐣ ᒥᓇ ᓈᓂᐳᒥᐁᐧᐃᐧᐣ, ᑳ ᑭ ᐅᐦᑎᐢᑲᐊᐧᐢᑖᐧᑖᐣ, ᑭᐢᑭᓱᐸᔨᔭᓂ ᒫᑲ ᒣᑳᐧ ᑲᐦᑭᔭᐤ ᐊᔨᓯᔨᓂᓈᕽ, ᐃᑕ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁ ᑭ ᐃᓯᑎᓴᐦᐅᐢᐠ, 2ᐁᑯᓯ ᑳᐃᐧ ᓈᑕᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᓇᓇᐃᑕᒪᐧᒋ ᐅᐟ ᐃᑌᐧᐃᐧᐣ ᐁ ᐃᑕᐢᑌᐠ ᑲᐦᑭᔭᐤ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ, ᑭᔭ ᒥᓇ ᑭᐟ ᐊᐋᐧᓯᒥᓴᐠ, ᒥᓯᐁᐧ ᑭᑌᐃᕽ, ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ; 3ᐁᑲᐧ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᑫᐧᐢᑭᓇᒼ ᑭᐟ ᐊᐊᐧᑳᑎᑯᐃᐧᐣ, ᒥᓇ ᑭ ᑲ ᑭᑎᒫᑭᓈᐠ, ᒥᓇ ᑳᐃᐧ ᑭ ᑲ ᒫᐊᐧᓴᑯᓂᐠ ᑲᐦᑭᔭᐤ ᐊᔨᓯᔨᓂᓈᕽ ᐅᐦᒋ, ᐃᑌ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᓯᓭᐧᑎᓴᐅᐢᐠ. 4ᑭᐢᐱᐣ ᐊᐃᐧᔭᐠ ᑭᔭᐋᐧᐤ ᑳ ᑭ ᐊᐧᔭᐃᐧᐁᐧᐱᓂᑲᐃᐧᔦᐠ ᐁ ᑭᓯᐱ ᐊᔮᐠ ᑭᓯᑯᕽ ᐊᔮᒋ, ᐁᑯᑕ ᐅᐦᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᒫᐊᐧᓴᑯᓂᐠ, ᒥᓇ ᐁᑯᑌ ᐅᐦᒋ ᑭ ᑲ ᓈᑎᐠ: 5ᑭ ᑲ ᐯᓯᐠ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᑯᑕ ᐊᐢᑭᕽ ᑯᑖᐃᐧᔭᐠ ᑳ ᑭ ᑎᐯᔨᐦᑕᑭᐠ, ᐁᑯᓯ ᑭᔭ ᑭ ᑲ ᑎᐯᔨᑌᐣ; ᑭ ᑲ ᒥᔪᑐᑖᐠ ᒫᑲ, ᒥᓇ ᑭ ᑲ ᒥᐦᒉᑐᐃᐠ ᐊᔨᐋᐧᐠ ᐃᔨᑯᕽ ᑯᑖᐃᐧᔭᐠ. 6ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᓴᕒᑲᒼᓴᐃᓯᐃᐧᑖᐤ ᑭᑌᐦ, ᒥᓇ ᐅᑌᐦᐃᔨᐊᐧ ᑭ ᓂᐦᑖᐃᐧᑭᐦᐋᑲᓇ, ᑭᑕ ᓵᑭᐦᐊᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓯᐁᐧ ᑭᑌᐦᐃᕽ, ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ, ᑭᑕ ᐱᒫᑎᓯᔭᐣ. 7ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒫᑲ ᑭᑕ ᐸᑭᑎᓇᒪᐁᐧᐤ ᑲᐦᑭᔭᐤ ᐅᐦᐃ ᓈᓂᐳᒥᐁᐧᐃᐧᓇ ᑭ ᓄᑎᓈᑲᓇ, ᒥᓇ ᐊᓂᐦᐃ ᑳ ᐸᑳᐧᑎᐢᑭᐠ, ᑳ ᑭ ᑯᑕᑭᐦᐃᐢᑭᐠ. 8ᑭ ᑲ ᑭᐋᐧᐣ ᒫᑲ ᒥᓇ ᑭ ᑲ ᓇᓇᐃᑕᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᑭ ᑲ ᐃᑐᑕᒫᐧᐟ ᑲᐦᑭᔭᐤ ᐅᐟ ᐃᑕᓱᐁᐧᐃᐧᓇ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ. 9ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᐁᐧᔪᒋᐃᐠ ᑲᐦᑭᔭᐤ ᑭᐟ ᐊᑐᐢᑫᐃᐧᐣ ᑭᒋᐦᒋᕽ, ᐁ ᐃᓯ ᓂᐦᑖᐃᐧᑭᐊᒋᐠ ᑭᔭᐃᐧᕽ ᐅᐦᒋ, ᒥᓇ ᐁ ᐃᓯ ᓂᐦᑖᐃᐧᑭᐃᑐᒋᐠ ᑭ ᐱᓯᐢᑭᒪᐠ, ᒥᓇ ᐁ ᐃᓯ ᓂᐦᑖᐃᐧᑭᒋᑫᒪᑲᕽ ᑭᐟ ᐊᐢᑭ, ᑭᑕ ᐅᐦᒋ ᒥᔪᐊᔮᔭᐣ; ᒋᑫᒫ ᑳ ᑎᐯᔨᐦᒋᑫᐟ ᑳᐃᐧ ᑭᑕ ᒪᒪᐦᑖᑯᓯᐤ ᑭᑕ ᒥᔪᑐᑖᐢᐠ, ᑳ ᑭ ᐃᓯ ᒪᒪᐦᑖᑯᓯᐟ ᑯᑖᐃᐧᔭ ᐅᐦᒋ; 10ᑭᐢᐱᐣ ᓇᓇᐃᑕᒪᐧᒋ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᑕ ᑲᓀᐧᔨᑕᒪᐧᐟ ᐅᐟ ᐃᑕᓱᐁᐧᐃᐧᓇ ᒥᓇ ᐅ ᑲᑫᐢᑫᐧᐃᐧᓇ ᑳ ᒪᓯᓇᐃᑳᑌᑭ ᐅᑕ ᐅᔭᓱᐁᐧᐃᐧ ᒪᓯᓇᐦᐃᑲᓂᕽ; ᑭᐢᐱᐣ ᑫᐧᐢᑭᐢᑕᐊᐧᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓯᐁᐧ ᑭᑌᐦᐃᕽ ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ.
11ᒋᑫᒫ ᐅᒪ ᐃᑕᓱᐁᐧᐃᐧᐣ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ, ᓇᒪᐃᐧᔭ ᐅᓵᒼ ᐋᔨᒪᐣ ᑭᔭ ᐅᐦᒋ, ᓇᒪᐃᐧᔭ ᒥᓇ ᐅᓵᒼ ᔮᐃᐧᓈᑲᐧᐣ. 12#ᕒᐅᒪᓇ 10:6-8ᓇᒪᐃᐧᔭ ᑭᓯᑯᕽ ᐊᔮᐤ ᑭᑕ ᐃᑌᐧᔭᐣ, ᐊᐁᐧᓇ ᑫ ᐃᑐᐦᑌᐢᑕᒫᑯᔭᕽ ᑭᓯᑯᕽ ᑭᑕ ᐯᑕᒫᑯᔭᕽ, ᑭᑕ ᐯᐦᑕᒧᐃᑯᔭᕽ ᒫᑲ ᑭᑕ ᐃᑐᑕᒪᕽ? 13ᓇᒪᐃᐧᔭ ᒥᓇ ᐊᑳᒥᑭᐦᒋᑲᒥᕽ ᐊᔮᐤ ᑭᑕ ᐃᑌᐧᔭᐣ, ᐊᐁᐧᓇ ᑫ ᐋᓱᐊᐧᐦᐊᕽ ᑭᐦᒋᑲᒥ ᑭᔮᓇᐤ ᐅᐦᒋ ᑭᑕ ᐯᑕᒫᑯᔭᕽ, ᒥᓇ ᑭᑕ ᐯᐦᑕᒧᐃᑯᔭᕽ ᑭᑕ ᑭ ᐃᑐᑕᒪᕽ? 14ᒫᑲ ᐊᓂᒪ ᐃᑌᐧᐃᐧᐣ ᒥᑐᓂ ᑭ ᐯᓵᐧᐸᒥᑯᐣ ᑭᑐᓂᕽ ᒥᓇ ᑭᑌᐦᐃᕽ, ᑭᑕ ᐃᑐᑕᒪᐣ.
15ᒫᑎᑲ, ᑯᐦᑎᐢᑲᐊᐧᐢᑖᐧᑎᐣ ᐊᓄᐦᐨ ᑳ ᑭᓯᑳᐠ ᐱᒫᑎᓯᐃᐧᐣ ᐊᓯᒋ ᑳ ᒥᔮᐧᓯᐠ, ᒥᓇ ᓂᐳᐃᐧᐣ ᐊᓯᒋ ᑳ ᒫᔮᑕᕽ; 16ᐊᓂᒪ ᐅᑎ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ ᑭᑕ ᓵᑭᐦᐊᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᑕ ᐱᒧᑖᑐᑕᒪᐧᐟ ᐅᐟ ᐃᑖᑎᓯᐃᐧᓇ, ᒥᓇ ᑭᑕ ᑲᓀᐧᔨᑕᒪᐧᐟ ᐅᐟ ᐃᑕᓱᐁᐧᐃᐧᓇ ᒥᓇ ᐅ ᑲᑫᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ, ᑭᑕ ᐱᒫᑎᓯᔭᐣ ᒥᓇ ᑭᑕ ᒥᐦᒉᑎᔭᐣ, ᒥᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᓴᐁᐧᔨᒥᐢᐠ ᐁᑯᑕ ᐊᐢᑭᕽ ᐃᑌ ᑳ ᐃᑐᐦᑌᔭᐣ ᑭᑕ ᑎᐯᔨᐦᑕᒪᐣ. 17ᒫᑲ ᑭᐢᐱᐣ ᑭᑌᐦ ᑫᐧᐢᑭᒪᑲᑫ, ᒥᓇ ᐁᑳ ᐃᐧ ᓇᑐᐦᑕᒪᓂ, ᒫᑲ ᐁᐧᐱᐃᑲᐃᐧᔭᓂ, ᐁᑯᓯ ᑳᑭᓯᒧᑐᑕᐊᐧᑖᐧᐃᐧ ᑯᑕᑲᐠ ᒪᓂᑐᐊᐧᐠ ᒥᓇ ᐊᑐᐢᑲᐊᐧᑖᐧᐃᐧ; 18ᑭ ᐃᐧᐦᑕᒫᑎᓈᐋᐧᐤ ᐊᓄᐦᐨ ᑳ ᑭᓯᑳᐠ ᑫᐦᒋᓈ ᑭ ᑲ ᓂᓯᐊᐧᓈᑎᓯᓈᐋᐧᐤ; ᓇᒪᐃᐧᔭ ᑭᓀᐧᐢ ᑭ ᑲ ᐅ ᑭᓯᑳᒥᓈᐋᐧᐤ ᐁᑯᑕ ᐊᐢᑭᕽ ᐃᑌ ᑳ ᐋᓱᐊᐧᐦᐊᒪᐣ ᒑᕒᑕᐣ ᑭᑕ ᓇᑕᐃᐧ ᑎᐯᔨᐦᑕᒪᐣ. 19ᓂ ᑌᐹᐧᑌᐣ ᑭᓯᐠ ᒥᓇ ᐊᐢᑭ ᑭᑕ ᐋᒋᒥᑯᔦᐠ ᐊᓄᐦᐨ ᑳ ᑭᓯᑳᐠ, ᐁ ᑭ ᐅᐦᑎᐢᑲᐊᐧᐢᑖᐧᑕᑯᐠ ᐱᒫᑎᓯᐃᐧᐣ ᒥᓇ ᓂᐳᐃᐧᐣ, ᓴᐁᐧᔨᑖᑯᓯᐃᐧᐣ ᒥᓇ ᓈᓂᐳᒥᑯᐃᐧᐣ; ᐁᐊᐧᑯ ᐅᐦᒋ ᐱᒫᑎᓯᐃᐧᐣ ᓇᐊᐧᓱᓇ, ᑭᑕ ᐱᒫᑎᓯᔭᐣ, ᑭᔭ ᒥᓇ ᑭ ᓂᐦᑖᐃᐧᑭᐦᐋᑲᓇᐠ; 20#ᒉᓂᓯᐢ 12:7; ᒉᓂᓯᐢ 26:3; ᒉᓂᓯᐢ 28:13ᑭᑕ ᓵᑭᐦᐊᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᑕ ᓇᓇᐃᑕᒪᐧᐟ ᐅᐟ ᐃᑌᐧᐃᐧᐣ, ᒥᓇ ᑭᑕ ᒥᒋᒥᓇᐟ; ᒋᑫᒫ ᐁᐊᐧᑯ ᑭ ᐱᒫᑎᓯᐃᐧᐣ, ᒥᓇ ᐁ ᐃᐢᑳᐧᐠ ᑭᑕ ᐅ ᑭᓯᑳᒥᔭᐣ; ᑭᑕ ᐅᐟ ᐃᐦᑖᐃᐧᓂᔭᐣ ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ ᑳ ᑭ ᑭᐦᒋᐃᑖᐟ ᑯᑖᐃᐧᐋᐧᐊᐧ, ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ, ᑭᑕ ᒥᔮᐟ.
Currently Selected:
ᑎᔪᑕᕒᐊᓇᒥ 30: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
