ᑎᔪᑕᕒᐊᓇᒥ 29
29
1ᐁᐊᐧᑯ ᐅᒪ ᐁᑌᐧᒪᑲᕽ ᐊᓂᒪ ᐃᐧᒋᐦᐃᓯᑫᒥᑐᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ ᑭᑕ ᐃᓯᒋᑳᑖᔨᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒧᐋᑊ ᐊᐢᑭᕽ, ᐋᑕᐃᐧᔭ ᒥᓇ ᐊᓂᒪ ᐃᐧᒋᐦᐃᓯᒋᑫᒥᑐᐃᐧᐣ ᑳ ᑭ ᐃᓯᐦᒋᑫᐋᐟ ᐊᓂᑕ ᐦᐋᕒᐃᑊ.
2ᒧᓯᐢ ᒫᑲ ᑭ ᓇᑐᒣᐤ ᑲᐦᑭᔭᐤ ᐃᐢᕒᐁᐃᓬᐊ, ᒥᓇ ᑭ ᐃᑌᐤ, ᑭ ᑭ ᐋᐧᐸᐦᑌᓈᐋᐧᐤ ᑭᐢᑮᓯᑯᐋᐧᕽ ᐅᐦᒋ ᑲᐦᑭᔭᐤ ᑳ ᑎᐯᔨᐦᒋᑫᐟ ᑳ ᑭ ᐃᑐᑕᐋᐧᐟ ᐃᒋᑊᐟ ᐊᐢᑭᕽ ᐯᕒᐅᐊᐧ ᒥᓇ ᑲᐦᑭᔭᐤ ᐅᐟ ᐊᑐᐢᑫᔮᑲᓇ, ᒥᓇ ᑲᐦᑭᔭᐤ ᐅᐟ ᐊᐢᑭ; 3ᐊᓂᐦᐃ ᑭᐦᒋ ᑲᑫᐧᒋᐦᐃᐁᐧᐃᐧᓇ, ᑭᐢᑭᓯᑯᕽ ᑳ ᑭ ᐅᐦᒋ ᐋᐧᐸᐦᑕᒪᐣ, ᐊᓂᐦᐃ ᐋᐧᐸᐦᑕᐦᐃᐁᐧᐃᐧᓇ, ᒥᓇ ᑳ ᑭᐦᒋ ᒫᒪᐢᑳᑌᔨᑖᑲᐧᐦᑭ; 4ᒫᑲ ᑳ ᑎᐯᔨᐦᒋᑫᐟ ᓇᒪᐃᐧᔭ ᑯᐦ ᒥᔨᑯᐋᐧᐤ ᒥᑌᐦ ᑭᑕ ᑭᐢᑫᔨᑕᒣᐠ, ᒥᓇ ᒥᐢᑭᓯᑲᐧ ᑭᑕ ᐋᐧᐸᐦᑕᒣᐠ, ᒥᓇ ᒥᐦᑕᐊᐧᑲᔭ ᑭᑕ ᐯᐦᑕᒣᐠ, ᐱᔨᐢ ᐊᓄᐦᐨ ᑫ ᑭᓯᑳᐠ. 5ᐁᑯᓯ ᑭ ᑭ ᑭᐢᑭᓄᑕᐃᑎᓈᐋᐧᐤ ᓀᒥᑕᓇᐤ ᐊᐢᑭ ᐱᑲᐧᑕᐢᑭᕽ; ᑭ ᑭᑭᐢᑳᒋᑲᓂᐋᐧᐊᐧ ᓇᒪᐃᐧᔭ ᑲᔮᓭᓂᑲᐧᓇᐧ, ᒥᓇ ᑭ ᒪᐢᑭᓯᐣ ᓇᒪᐃᐧᔭ ᑲᔮᓭᓂᑲᐧᐣ ᑭᓯᑎᕽ. 6ᓇᒪᐃᐧᔭ ᑯᐦ ᒧᐋᐧᐋᐧᐤ ᐸᐦᑫᐧᓯᑲᐣ, ᓇᒪᐃᐧᔭ ᒥᓇ ᑯᐦ ᒥᓂᑳᐧᓈᐋᐧᐤ ᓱᒥᓈᐳ ᐊᐦᐳ ᑳ ᒪᐢᑲᐊᐧᐠ ᒥᓂᐦᑫᐧᐃᐧᐣ; ᑭᑕ ᑭᐢᑫᔨᑕᒣᐠ ᓂᔭ ᑳ ᑎᐯᔨᐦᒋᑫᔮᐣ ᑭ ᑭᓭᒪᓂᑐᒥᐋᐧᐤ. 7#ᓇᒼᐸᕒᐢ 21:21-30; ᓇᒼᐸᕒᐢ 21:31-35ᐃᐢᐱ ᒫᑲ ᐅᑕ ᑌᑯᓯᓀᐟ, ᓯᐦᐋᐣ ᐊᓇ ᐦᐁᐢᐸᐣ ᑭᐦᒋ ᐅᑭᒫᐤ, ᒥᓇ ᐋᐠ ᐊᓇ ᐯᓵᐣ ᑭᐦᒋ ᐅᑭᒫᐤ, ᑭ ᑭ ᐯ ᒪᐃᐧᓀᐢᑳᑯᓇᐊᐧᐠ ᑭᑕ ᓄᑎᓂᑯᔭᑯᐠ, ᐁᑯᓯ ᑭ ᑭ ᓂᐸᐦᐋᓇᐊᐧᐠ; 8#ᓇᒼᐸᕒᐢ 32:33ᑭ ᑭ ᐅᑎᓇᒫᐧᓇᐤ ᒫᑲ ᐅᐟ ᐊᐢᑭᐋᐧᐤ, ᐁᑯᓯ ᑭ ᑭ ᒥᔮᓇᐊᐧᐠ ᑭᑕ ᐊᔮᒋᐠ ᕒᐅᐱᓇᐃᑕᐠ, ᒥᓇ ᑳᑕᐃᑕᐠ, ᒥᓇ ᐋᐱᑕᐤ ᐁ ᐱᐢᑭᑐᑌᐃᐧᓯᒋᐠ ᒪᓈᓴᐃᑕᐠ. 9ᑲᓀᐧᔨᑕᒧᐠ ᒫᑲ ᐁᑌᐧᒪᑲᕽ ᐅᒪ ᐃᐧᒋᐦᐃᓯᒋᑫᒥᑐᐃᐧᐣ, ᐁᑯᓯ ᐃᑐᑕᒧᐠ, ᑭᑕ ᓇᓇᐦᐃᐸᔨᔦᐠ ᑲᐦᑭᔭᐤ ᑳ ᐃᑐᑕᒣᐠ.
10ᑲᐦᑭᔭᐤ ᑯᐦᑎᐢᑲᐃᐧᑳᐸᐃᐧᐢᑕᐊᐧᐋᐧᐤ ᐊᓄᐦᐨ ᑳ ᑭᓯᑳᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ; ᑭ ᑭᐦᒋᔨᓂᒥᐋᐧᐊᐧᐠ, ᑭ ᐱᐢᑭᑐᑌᐃᐧᓯᐃᐧᓂᐋᐧᐊᐧ, ᑳ ᓂᑳᓀᔨᑖᑯᓯᒋᐠ, ᒥᓇ ᑯᑭᒫᑲᑖᑯᔦᑯᐠ, ᑲᐦᑭᔭᐤ ᐅᑎ ᐃᐢᕒᐁᐃᓬ ᐊᔨᓯᔨᓂᐊᐧᐠ, 11ᑭᐟ ᐊᐋᐧᓯᒥᓯᐋᐧᐊᐧᐠ, ᑭᐃᐧᐋᐧᐊᐧᐠ, ᒥᓇ ᒫᓂᑌᐤ ᑭ ᑲᐯᓯᐃᐧᓂᕽ ᑳ ᐊᔮᐟ, ᐊᓇ ᑳ ᓂᑯᑖᐢᐠ ᐱᔨᐢ ᐊᓇ ᑳ ᑳᐧᐱᑳᐢᐠ; 12ᑭᑕ ᐱᐦᑐᑫᔭᐣ ᐊᓂᒪ ᐅ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᐅ ᑭᐦᒋᐃᑌᐧᐃᐧᐣ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᐃᓯᐦᒋᑫᐃᐢᐠ ᐊᓄᐦᐨ ᑳ ᑭᓯᑳᐠ; 13ᑭᑕ ᐋᔮᑕᔨᐢᐠ ᐊᓄᐦᐨ ᑳ ᑭᓯᑳᐠ ᑭᔭ ᑭᑕ ᐅᐟ ᐊᔨᓯᔨᓂᒥᐟ, ᒥᓇ ᐃᐧᔭ ᑭᑕ ᐅ ᑭᓭᒪᓂᑐᒥᔭᐣ, ᑳ ᑭ ᐃᑎᐢᐠ, ᒥᓇ ᑳ ᑭ ᐃᓯ ᑭᐦᒋᐃᑖᐟ ᑯᑖᐃᐧᐋᐧᐊᐧ, ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ. 14ᒫᑲ ᓇᒪᐃᐧᔭ ᑭᔭᐋᐧᐤ ᐱᑯ ᑳ ᐅᓯᐦᑖᐧᑕᑯᐠ ᐅᒪ ᐃᐧᒋᐦᐃᓯᒋᑫᒥᑐᐃᐧᐣ ᒥᓇ ᐅᒪ ᑭᐦᒋᐃᑌᐧᐃᐧᐣ; 15ᒫᑲ ᐊᓇ ᒥᓇ ᑳ ᐃᐧᒋᑳᐸᐃᐧᐢᑖᑯᔭᕽ ᐊᓄᐦᐨ ᑳ ᑭᓯᑳᐠ, ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ, ᒥᓇ ᐊᓇ ᐁᑳ ᐅᑕ ᑳ ᐃᐧᒋᐊᔮᒥᑯᔭᕽ ᐊᓄᐦᐨ ᑳ ᑭᓯᑳᐠ; 16(ᒋᑫᒫ ᑭ ᑭᐢᑫᔨᑌᓈᐋᐧᐤ ᑳ ᑭ ᐃᓯ ᐊᔮᔭᕽ ᐃᒋᑊᐟ ᐊᐢᑭᕽ ᒥᓇ ᑳ ᑭ ᐃᓯ ᓵᐳᐢᑲᐋᐧᔭᑯᐠ ᐊᓂᑭ ᐊᔨᓯᔨᓂᐊᐧᐠ ᐃᑕ ᑳ ᑭ ᐯ ᓵᐳ ᐱᒧᐦᑌᔦᐠ; 17ᑭ ᑭ ᐋᐧᐸᐦᑕᒫᐧᓈᐋᐧᐤ ᒫᑲ ᑳ ᐸᑳᐧᑎᑲᐧᓂᔨᑭ ᐅᐟ ᐁᓯᒋᑫᐃᐧᓂᐋᐧᐊᐧ, ᒥᓇ ᐅ ᒪᓂᑐᑳᓂᐋᐧᐊᐧ, ᒥᐢᑎᐠ ᒥᓇ ᐊᓯᓂ, ᐊᐧᐱᐢᑭᓱᓂᔮᐤ ᒥᓇ ᐅᓵᐃᐧᓱᓂᔮᐤ, ᑳ ᑭ ᐊᔮᐊᐧᒋᐠ;) 18#ᐦᐃᐸᕒᐅᐊᐧ 12:15ᐁᑳ ᓈᐣᑕᐤ ᐃᓯ ᑭᑕ ᐃᑖᐟ ᐃᑕ ᑳ ᐊᔮᔦᐠ ᓈᐯᐤ, ᐊᐦᐳ ᐃᐢᑫᐧᐤ, ᐊᐦᐳ ᐁ ᐃᓯ ᐋᐧᑯᑐᒋᐠ, ᐊᐦᐳ ᐁ ᐃᓯ ᐱᐢᑭᑐᑌᐃᐧᓯᒋᐠ, ᐅᑌᐦᐃᐋᐧᕽ ᐁ ᓇᑲᑖᒋᐠ ᐊᓄᐦᐨ ᑳ ᑭᓯᑳᐠ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒥᓇᐊᐧ; ᑭᑖ ᓇᑕᐃᐧ ᐊᑐᐢᑲᐋᐧᒋᐠ ᐅ ᒪᓂᑐᑲᓂᔨᐊᐧ ᐊᓂᐦᐃ ᐊᔨᓯᔨᓂᐊᐧ; ᐁᑳ ᓈᐣᑕᐤ ᐃᓯ ᑭᑕ ᐃᐦᑕᑲᐧᕽ ᐃᑕ ᑳ ᐊᔮᔦᐠ ᑳ ᐅᐦᒋ ᐅᐦᐱᑭᕽ ᐃᐧᓱᐱ ᒥᓇ ᒧᐦᑌᐋᑎᐠ. 19ᐁᑯᓯ ᑭᑕ ᐃᑭᕽ, ᐃᐢᐱ ᐯᐦᑕᑭ ᐁ ᐃᑌᐧᒪᑲᕽ ᐅᒪ ᓈᓂᐳᒥᐁᐧᐃᐧᐣ, ᑭᑕ ᓴᐁᐧᔨᒥᓱᐟ ᐅᑌᐦᐃᕽ ᐁ ᐃᑌᐧᐟ, ᓂ ᑲ ᐊᔮᐣ ᐯᔭᐦᑕᑫᔨᒧᐃᐧᐣ ᐋᑕ ᐁ ᐱᒧᐦᑌᔮᐣ ᐁ ᐃᓯ ᓴᓯᐱᑕᒧᒪᑲᕽ ᓂᑌᐦ, ᑭᑕ ᔭᑭᑖᔮᐣ ᑭᐢᑫᐧᐯᐃᐧᐣ ᓄᑌᔮᐹᑫᐧᐃᐧᓂᕽ. 20ᑳ ᑎᐯᔨᐦᒋᑫᔨᐟ ᓇᒪᐃᐧᔭ ᑭᑕ ᐳᓀᔨᑕᒫᐠ, ᒫᑲ ᐅ ᑭᓯᐋᐧᓯᐃᐧᐣ ᑳ ᑎᐯᔨᐦᒋᑫᐟ ᒥᓇ ᐅᐦᑌᔨᑕᒧᐃᐧᐣ ᑭᑕ ᐸᑲᒥᐢᑳᐠ ᐁᐊᐧᑳᐧᓇ ᐊᔨᓯᔨᓂᐤ, ᒥᓇ ᑲᐦᑭᔭᐤ ᓈᓂᐳᒥᐁᐧᐃᐧᐣ ᑳ ᒪᓯᓇᐃᑳᑌᐠ ᐅᒪ ᒫᓯᓇᐃᑲᓂᕽ ᑭᑕ ᐹᑕᑯᐢᑳᐠ ᐁᑯᓯ ᑳ ᑎᐯᔨᐦᒋᑫᔨᐟ ᑭᑕ ᑳᓯᐯᐊᒥᔨᐊᐧ ᐅ ᐃᐧᔪᐃᐧᓂᔨᐤ ᓯᐹ ᑭᓯᑯᕽ ᐅᐦᒋ. 21ᑳ ᑎᐯᔨᐦᒋᑫᔨᐟ ᒫᑲ ᑭᑕ ᐱᐢᑭᒋᐃᐠ ᒪᒑᔨᐃᐧᓂᕽ ᐃᓯ ᑲᐦᑭᔭᐤ ᐅ ᐱᐢᑭᑐᑌᐃᐧᓯᐃᐧᓂᔨᕽ ᐃᐢᕒᐁᐃᓬ ᐁ ᐃᑕᐢᑌᑭ ᑲᐦᑭᔭᐤ ᓈᓂᐳᒥᐁᐧᐃᐧᓇ ᐃᐧᒋᐦᐃᓯᒋᑫᒥᑐᐃᐧᓂᕽ ᑳ ᒪᓯᓇᐃᑳᑌᐠ ᐅᒪ ᐅᔭᓱᐁᐧᐃᐧᓂ ᒪᓯᓇᐦᐃᑲᓂᕽ. 22ᐁᑯᓯ ᐊᓂᑭ ᑫ ᐋᓂᐢᑫᐱᒫᑎᓯᒋᐠ, ᑭᐟ ᐊᐋᐧᓯᒥᓯᐋᐧᐊᐧᐠ ᑫ ᐋᓂᐢᑫᐢᑲᒫᑯᔦᑯᐠ, ᒥᓇ ᑳ ᐱᑐᓯᐢᑳᓀᓯᐟ ᐋᐧᔭᐁᐧᐢᑲᒥᐠ ᑫ ᐅᐦᑐᑌᐟ, ᑭᑕ ᐃᑌᐧᐊᐧᐠ, ᐃᐢᐱ ᐋᐧᐸᐦᑕᑳᐧᐃᐧ ᐋᔨᒫᐢᐱᓀᐃᐧᓇ ᐁᑯᑕ ᐊᐢᑭᕽ, ᒥᓇ ᐋᑯᓯᐃᐧᓇ ᐁᑯᑕ ᑫ ᐸᑭᑎᓇᕽ ᑳ ᑎᐯᔨᐦᒋᑫᐟ; 23#ᒉᓂᓯᐢ 19:24,25ᒥᓇ ᒥᓯᐁᐧ ᐁᐊᐧᑳᐧᓂᒪ ᐊᐢᑭ ᐃᐢᑯᑌᓯᑲᐣ ᒥᓇ ᓯᐃᐧᑖᑲᐣ, ᒥᓇ ᐁ ᑭᓯᑌᐠ, ᒥᓇ ᐁᑳ ᐁ ᑭᐢᑎᑳᒋᑳᑌᐠ, ᒥᓇ ᐁᑳ ᐁ ᐅᐦᐱᑭᒋᑫᒪᑲᕽ, ᐊᐦᐳ ᒪᐢᑯᓯ ᐁᑳ ᐁ ᓂᐦᑖᐃᐧᑭᕽ ᐁᑯᑕ, ᑖᐱᐢᑯᐨ ᑳ ᑭ ᓂᓯᐊᐧᓈᑕᕽ ᓵᑕᒼ ᒥᓇ ᑲᒫᕒᐊ, ᐋᐟᒪ ᒥᓇ ᓯᐹᔨᒼ, ᑳ ᑎᐯᔨᐦᒋᑫᐟ ᑳ ᑭ ᓂᓯᐊᐧᓈᒋᐦᑖᐟ ᐅ ᑭᓯᐢᑕᑫᐃᐧᓂᕽ ᒥᓇ ᐅ ᑭᓯᐋᐧᓯᐃᐧᓂᕽ; 24ᑲᐦᑭᔭᐤ ᐅᑎ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᑖᓀᐦᑭ ᑳ ᑎᐯᔨᐦᒋᑫᐟ ᐁᑯᓯ ᑳ ᑭ ᐃᑐᑕᕽ ᐅᒪ ᐊᐢᑭ? ᑖᓀᐦᑭ ᐅᒪ ᑳ ᐃᓯ ᑭᓯᑌᐠ ᐅᒪ ᑭᐦᒋᑭᓯᐋᐧᓯᐃᐧᐣ? 25ᐁᑲᐧ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᒋᑫᒫ ᑭ ᓇᑲᑕᒪᐧᐠ ᐅ ᐃᐧᒋᐦᐃᓯᒋᑫᒥᐁᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᐅ ᑭᓭᒪᓂᑐᒥᔨᐊᐧ ᐅᑖᐃᐧᐋᐊᐧ, ᑳ ᑭ ᐃᓯᐦᒋᑫᐃᑯᒋᐠ ᐃᐢᐱ ᐁ ᐯ ᓯᐯᐧᑕᐃᑯᒋᐠ ᐃᒋᑊᐟ ᐊᐢᑭᕽ ᐅᐦᒋ; 26ᐁᑯᓯ ᑭ ᓇᑕᐃᐧ ᐊᑐᐢᑲᐁᐧᐊᐧᐠ ᑯᑕᑲ ᒪᓂᑐᐊᐧ, ᒥᓇ ᑭ ᑳᑭᓯᒧᑐᑕᐁᐧᐊᐧᐠ, ᒪᓂᑐᐊᐧ ᐁᑳ ᑳ ᑭᐢᑫᔨᒫᒋᐠ, ᒥᓇ ᐁᑳ ᑳ ᑭ ᒥᔨᑯᒋᐠ; 27ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᑭᓯᐢᑕᕽ ᐅᒪ ᐊᐢᑭ, ᑭᑕ ᐸᑭᑎᓇᕽ ᐁᑯᑕ ᑲᐦᑭᔭᐤ ᓈᓂᐳᒥᐁᐧᐃᐧᐣ ᑳ ᒪᓯᓇᐃᑳᑌᐠ ᐅᒪ ᒪᓯᓇᐦᐃᑲᓂᕽ; 28ᑳ ᑎᐯᔨᐦᒋᑫᐟ ᒫᑲ ᑭ ᒪᓂᒉᐱᑭᐱᑌᐤ ᐅᐟ ᐊᐢᑭᐊᐧᕽ ᐅᐦᒋ ᑭᓯᐢᑖᑫᐃᐧᓂᕽ ᒥᓇ ᑭᓯᐋᐧᓯᐃᐧᓂᕽ, ᒥᓇ ᑭᐦᒋ ᑭᓯᐁᐧᔨᑕᒧᐃᐧᓂᕽ, ᐁᑯᓯ ᑯᑕᐠ ᐊᐢᑭᕽ ᑭ ᐃᓯᐁᐧᐱᓀᐤ ᑳ ᐃᑭᕽ ᐊᓄᐦᐨ ᑳ ᑭᓯᑳᐠ. 29ᑳ ᐊᐧᓂᒧᑕᑭ ᐁᐊᐧᑯᓂ ᐊᔮᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ; ᒫᑲ ᐊᓂᐦᐃ ᑳ ᓄᑲᐧᑭ ᐁᐊᐧᑯᓂ ᑭᔮᓇᐤ ᑳ ᐊᔮᔭᕽ ᒥᓇ ᑭᐟ ᐊᐋᐧᓯᒥᓯᓇᐊᐧᐠ ᑳᑭᑫ, ᑭᑕ ᐃᑐᑕᒪᕽ ᑲᐦᑭᔭᐤ ᐁ ᐃᑌᐧᒪᑲᕽ ᐅᒪ ᐅᔭᓱᐁᐧᐃᐧᐣ.
Currently Selected:
ᑎᔪᑕᕒᐊᓇᒥ 29: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
