ᑎᔪᑕᕒᐊᓇᒥ 27
27
1ᒧᓯᐢ ᒫᑲ, ᒥᓇ ᑳ ᓂᑳᓀᔨᑖᑯᓯᒋᐠ ᐃᐢᕒᐁᐃᓬ ᑭ ᐃᑕᓱᐋᐧᑌᐊᐧᐠ ᐊᔨᓯᔨᓂᐊᐧ ᐁ ᐃᑌᐧᐟ, ᑲᓀᐧᔨᑕᒧᐠ ᑲᐦᑭᔭᐤ ᐃᑕᓱᐁᐧᐃᐧᓇ ᑳ ᐃᑕᓱᐋᐧᑎᑕᑯᐠ ᐊᓄᐦᐨ ᑳ ᑭᓯᑳᐠ. 2#ᒑᐢᔪᐊ 8:30-32ᑭᑕ ᐃᐦᑭᐣ ᒫᑲ ᐊᓂᒪ ᐁ ᑭᓯᑳᐠ, ᐃᐢᐱ ᐋᓱᐊᐧᐦᐊᒣᑯ ᒑᕒᑕᐣ ᑭᑕ ᓈᑕᒣᐠ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ, ᑭ ᑲ ᒋᒪᔮᐊᐧᐠ ᑭᔭ ᐅᐦᒋ ᑭᐦᒋᐊᓯᓂᔭᐠ, ᒥᓇ ᑭ ᑲ ᐸᓴᑯᐋᐧᐊᐧᐠ ᐸᓴᑯᐃᑲᐣ ᐅᐦᒋ; 3ᐁᑯᑕ ᒫᑲ ᑭ ᑲ ᒪᓯᓇᐁᐣ ᑲᐦᑭᔭᐤ ᐁ ᐃᑌᐧᒪᑲᕽ ᐅᒪ ᐅᔭᓱᐁᐧᐃᐧᐣ, ᐃᐢᐱ ᑭ ᐋᓱᐊᐧᐦᐊᒪᓂ; ᑭᑕ ᐅᑎᐦᑕᒪᐣ ᐊᓂᒪ ᐊᐢᑭ ᑳ ᒥᔨᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐊᓂᒪ ᐊᐢᑭ ᑳ ᐱᒥᒋᐊᐧᕽ ᑐᑐᓵᐳ ᒥᓇ ᐋᒧᓯᓯᐹᐢᑲᐧᐟ; ᑳ ᑭ ᐃᓯ ᐊᓱᑕᒪᐢᐠ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᑯᑖᐃᐧᔭᐠ. 4ᑭᑕ ᐃᐦᑭᐣ ᒫᑲ ᐃᐢᐱ ᑭ ᐋᓱᐊᐧᐦᐊᒪᓂ ᒑᕒᑕᐣ, ᑭ ᑲ ᒋᒪᔮᐊᐧᐠ ᐅᑭ ᐊᓯᓂᔭᐠ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ, ᐁᑯᑕ ᐃᐸᓬ ᐊᐧᒋᕽ, ᒥᓇ ᑭ ᑲ ᐸᓴᑯᐋᐧᐊᐧ ᐸᓴᑯᐃᑲᐣ ᐅᐦᒋ. 5#ᐁᐠᓴᑕᐢ 20:25ᐁᑯᑕ ᒫᑲ ᑭ ᑲ ᐅᓯᐦᑕᒪᐋᐧᐤ ᐸᑭᑎᓈᓱᐃᐧᓈᐱᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐊᓯᓂᐃᐧ ᐸᑭᑎᓈᓱᐃᐧᓈᐱᐢᐠ, ᓇᒪᐃᐧᔭ ᐱᐊᐧᐱᐢᑯ ᐋᐸᒋᐦᒋᑲᐣ ᑭ ᑲ ᐋᐸᒋᐦᑖᐣ. 6ᑭ ᑲ ᐅᓯᐦᑕᒪᐋᐧᐤ ᐸᑭᑎᓈᓱᐃᐧᓈᐱᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓯᐁᐧᔮᐱᐢᑲᐧ ᐅᐦᒋ; ᐁᑯᑕ ᒫᑲ ᑭ ᑲ ᐸᑭᑎᓇᒪᐋᐧᐤ ᑳ ᒪᒍᐢᑌᐃᑳᑌᑭ ᐸᑭᑎᓈᓱᐃᐧᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; 7ᒥᓇ ᑭ ᑲ ᐸᑭᑎᓇᒪᐋᐧᐤ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᐁᑯᓯ ᐁᑯᑕ ᑭ ᑲ ᒥᒋᓱᐣ; ᑭ ᑲ ᒥᔭᐋᐧᑌᐣ ᒫᑲ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 8ᑭ ᑲ ᒪᓯᓇᐁᐣ ᒫᑲ ᐁᑯᑕ ᐊᓯᓂᕽ ᒥᑐᓂ ᐸᔭᑌ, ᑲᐦᑭᔭᐤ ᐃᑌᐧᐃᐧᓇ ᐅᒪ ᐅᔭᓱᐁᐧᐃᐧᐣ.
9ᒧᓯᐢ ᒫᑲ ᒥᓇ ᐊᔭᒥᐦᐁᐃᐧᔨᓂᐊᐧᐠ ᓬᐃᐸᐃᑕᐠ ᑭ ᐊᔭᒥᐦᐁᐊᐧᐠ ᑲᐦᑭᔭᐤ ᐃᐢᕒᐁᐃᓬᐊ, ᐁ ᐃᑌᐧᒋᐠ, ᐁᑳᐃᐧᔭ ᓈᐣᑕᐤ ᐃᑌᐧ, ᒫᑲ ᓇᑐᐦᑕ ᐃᐢᕒᐁᐃᓬ; ᐊᓄᐦᐨ ᑳ ᑭᓯᑳᐠ ᐅᐟ ᐊᔨᓯᔨᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᐟ ᐃᑕᑭᒥᑲᐃᐧᐣ. 10ᑭ ᑲ ᓇᓇᐃᑕᒪᐧᐣ ᒫᑲ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᑭ ᑲ ᐃᑐᑕᒫᐧᐣ ᐅᐟ ᐃᑕᓱᐁᐧᐃᐧᓇ ᒥᓇ ᐅ ᑲᑫᐢᑫᐧᐃᐧᓇ, ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ.
11ᒧᓯᐢ ᒫᑲ ᑭ ᐊᔮᑳᐧᒥᒣᐤ ᐊᔨᓯᔨᓂᐊᐧ ᐁᐊᐧᑳᐧᓂᒪ ᐁ ᑭᓯᑳᐠ, ᐁ ᐃᑌᐧᐟ, 12#ᑎᔪᑕᕒᐊᓇᒥ 11:29; ᒑᐢᔪᐊ 8:33-35ᐅᑭ ᑭᑕ ᓂᐸᐃᐧᐊᐧᐠ ᑫᕒᐃᓯᒼ ᐊᐧᒋᕽ ᑭᑕ ᓴᐁᐧᔨᒫᒋᐠ ᐊᔨᓯᔨᓂᐊᐧ, ᐃᐢᐱ ᑭ ᐋᓱᐊᐧᐦᐊᒣᑯ ᒑᕒᑕᐣ; ᓯᒥᔭᐣ, ᒥᓇ ᓬᐃᐸᐩ, ᒥᓇ ᒍᑕ, ᒥᓇ ᐃᓵᑲᕒ, ᒥᓇ ᒍᓯᑊ, ᒥᓇ ᐯᐣᒋᒪᐣ; 13ᐁᑯᓯ ᐅᑭ ᑭᑕ ᓂᐸᐃᐧᐊᐧᐠ ᐃᐸᓬ ᐊᐧᒋᕽ ᓈᓂᐳᒥᐁᐧᐃᐧᐣ ᐅᐦᒋ; ᕒᐅᐱᐣ, ᒥᓇ ᑳᐟ, ᒥᓇ ᐋᓴᕒ, ᒥᓇ ᓭᑊᔪᓬᐊᐣ, ᒥᓇ ᑖᐣ, ᒥᓇ ᓈᑊᑕᓬᐊᐩ.
14ᐁᑯᓯ ᓬᐃᐸᐃᑕᐠ ᑭᑕ ᐱᑭᐢᑫᐧᐊᐧᐠ ᒥᓇ ᑭᑕ ᐃᑌᐊᐧᐠ ᑲᐦᑭᔭᐤ ᐃᐢᕒᐁᐃᓬ ᐊᔨᓯᔨᓂᐊᐧ ᐁ ᑭᓯᐁᐧᒋᐠ, 15#ᐁᐠᓴᑕᐢ 20:4; 34:17; ᓬᐃᐱᑎᑲᐢ 19:4; 26:1; ᑎᔪᑕᕒᐊᓇᒥ 4:15-18; 5:8ᑭᑕ ᓈᓂᐳᒫᐤ ᐊᔨᓯᔨᓂᐤ ᑳ ᐅᓯᐦᐋᐟ ᐅᔨᑯᒋᑲᓂ ᐊᐦᐳ ᑎᑭᓯᑲᓂ ᒪᓯᓂᒋᑲᓇ ᑳ ᐸᑳᐧᑕᒥᔨᐟ ᑳ ᑎᐯᔨᐦᒋᑫᐟ, ᐅᐟ ᐊᑐᐢᑫᐃᐧᐣ ᑳ ᐃᑕᑐᐢᑫᐟ, ᐁᑯᓯ ᑭᒧᐨ ᑳ ᒋᒪᔮᐟ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᓇᐢᑫᐧᐊᐧᓯᒧᐊᐧᐠ ᑭᑕ ᐃᑌᐧᒋᐠ, ᐋᒣᐣ.
16 #
ᐁᐠᓴᑕᐢ 20:12; ᑎᔪᑕᕒᐊᓇᒥ 5:16 ᑭᑕ ᓈᓂᐳᒫᐤ ᐊᓇ ᑳ ᒫᔦᔨᒫᐟ ᐅᑖᐃᐧᔭ ᐊᐦᐳ ᐅᑳᐃᐧᔭ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
17 #
ᑎᔪᑕᕒᐊᓇᒥ 19:14
ᑭᑕ ᓈᓂᐳᒫᐤ ᐊᓇ ᑳ ᐃᑲᑌᓇᒫᐧᐟ ᐃᐧᒋᐊᔨᓯᔨᓂᐊᐧ ᐅ ᑎᐸᐦᐊᐢᑳᓂᔨᐤ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
18 #
ᓬᐃᐱᑎᑲᐢ 19:14
ᑭᑕ ᓈᓂᐳᒫᐤ ᐊᓇ ᑳ ᐊᐧᓂᓯᓄᑕᐋᐟ ᐁᑳ ᑳ ᐋᐧᐱᔨᐟ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
19 #
ᐁᐠᓴᑕᐢ 22:21; 23:9; ᓬᐃᐱᑎᑲᐢ 19:33,34; ᑎᔪᑕᕒᐊᓇᒥ 24:17,18 ᑭᑕ ᓈᓂᐳᒫᐤ ᐊᓇ ᑳ ᐊᐧᓈᑖᐋᐧᐟ ᐅᔭᓱᐋᐧᑎᑯᐃᐧᓂᔨᐤ ᒫᓂᑌᐊᐧ, ᐅᑭᐋᐧᑎᓴ, ᒥᓇ ᓯᑳᐃᐧᐢᑫᐧᐊᐧ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
20 #
ᓬᐃᐱᑎᑲᐢ 18:8; 20:11; ᑎᔪᑕᕒᐊᓇᒥ 22:30 ᑭᑕ ᓈᓂᐳᒫᐤ ᐊᓇ ᑳ ᐃᐧᒉᐋᐧᐟ ᐅᑖᐃᐧᔭ ᐃᐧᐃᐧᔨᐊᐧ; ᒋᑫᒫ ᐁ ᑭ ᒧᓭᓇᒫᐧᐟ ᐅᑖᐃᐧᔭ ᐅ ᒧᓭᐢᑲᑌᐃᐧᓂᔨᐤ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
21 #
ᐁᐠᓴᑕᐢ 22:19; ᓬᐃᐱᑎᑲᐢ 18:23; 20:15 ᑭᑕ ᓈᓂᐳᒫᐤ ᐊᓇ ᑳ ᐃᐧᒉᐋᐧᐟ ᓇᐣᑕᐤ ᑐᐃᐧ ᐱᓯᐢᑭᐊᐧ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
22 #
ᓬᐃᐱᑎᑲᐢ 18:9; 20:17 ᑭᑕ ᓈᓂᐳᒫᐤ ᐊᓇ ᑳ ᐃᐧᒉᐋᐧᐟ ᐅᑕᐁᐧᒫᐊᐧ, ᐅᑖᓂᓯᔨᐊᐧ ᐅᑖᐃᐧᔭ ᐊᐦᐳ ᐅᑖᓂᓯᔨᐊᐧ ᐅᑳᐃᐧᔭ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
23 #
ᓬᐃᐱᑎᑲᐢ 18:17; 20:14 ᑭᑕ ᓈᓂᐳᒫᐤ ᐊᓇ ᑳ ᐃᐧᒉᐋᐧᐟ ᐅᓯᑯᓴ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
24ᑭᑕ ᓈᓂᐳᒫᐤ ᐊᓇ ᑭᒧᐨ ᑳ ᐸᑲᒪᐋᐧᐟ ᐃᐧᒋᐊᔨᓯᔨᓂᐊᐧ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
25ᑭᑕ ᓈᓂᐳᒫᐤ ᐊᓇ ᑳ ᐅᑎᓇᕽ ᑎᐸᐦᐊᒫᑯᐃᐧᐣ ᑭᑕ ᓂᐸᐦᐋᐟ ᐁᑳ ᑳ ᐊᐧᓂᑐᑕᒥᔨᐟ ᐊᔨᓯᔨᓂᐊᐧ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
26 #
ᑲᓬᐁᓯᔭᓇ 3:10
ᑭᑕ ᓈᓂᐳᒫᐤ ᐊᓇ ᐁᑳ ᑳ ᐋᔮᑕᐢᑖᐟ ᑳ ᐃᑌᐧᒪᑲᕽ ᐅᒪ ᐅᔭᓱᐁᐧᐃᐧᐣ ᑭᑕ ᐃᑐᑖᕽ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐃᑌᐧᐊᐧᐠ, ᐋᒣᐣ.
Currently Selected:
ᑎᔪᑕᕒᐊᓇᒥ 27: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
