ᑎᔪᑕᕒᐊᓇᒥ 23
23
1ᐊᓇ ᑳ ᒥᓵᐧᑲᓂᑳᑎᐦᐟ ᐅᐟ ᐊᓯᓂᒥᕽ ᐊᐦᐳ ᑳ ᑭ ᒪᓂᓱᐦᐟ ᐁᑯᑐᐃᐧᕽ, ᓇᒪᐃᐧᔭ ᑭᑕ ᐱᐦᑐᑫᐤ ᐅ ᒫᐊᐧᒋᐦᐃᑐᐃᐧᓂᔨᕽ ᑳ ᑎᐯᔨᐦᒋᑫᔨᐟ.
2ᑭᒥᓂᒑᑲᐣ ᓇᒪᐃᐧᔭ ᑭᑕ ᐱᐦᑐᑫᐤ ᐅ ᒫᐊᐧᒋᐦᐃᑐᐃᐧᓂᔨᕽ ᑳ ᑎᐯᔨᐦᒋᑫᔨᐟ; ᐊᐦᐳ ᒥᑖᑕᐦᑖᐧᐤ ᐁ ᐊᑎ ᐋᔮᓂᐢᑫ ᓂᐦᑖᐃᐧᑭᐃᑐᐟ ᓇᒪᐃᐧᔭ ᑭᑕ ᐱᐦᑐᑫᔨᐊᐧ ᐅ ᒫᐊᐧᒋᐦᐃᑐᐃᐧᓂᔨᕽ ᑳ ᑎᐯᔨᐦᒋᑫᔨᐟ.
3 #
ᓂᐦᐃᒫᔭ 13:1,2 ᐊᓇ ᐋᒪᓇᐃᐟ ᒥᓇ ᒧᐊᐸᐃᐟ ᓇᒥᐃᐧᔭ ᑭᑕ ᐱᐦᑐᑫᐤ ᐅ ᒫᐊᐧᒋᐦᐃᑑᐃᐧᓂᔨᕽ ᑳ ᑎᐯᔨᐦᒋᑫᔨᐟ; ᐊᐦᐳ ᒥᑖᑕᐦᑖᐧᐤ ᐁ ᐋᔮᓂᐢᑫ ᐱᒫᑎᓯᒋᐠ ᓇᒪᐃᐧᔭ ᐊᐃᐧᔭᐠ ᐁᑯᑕ ᐅᐦᒋ ᑭᑕ ᐱᐦᑐᑫᐤ ᐅ ᒫᐊᐧᒋᐦᐃᑐᐃᐧᓂᔨᕽ ᑳ ᑎᐯᔨᐦᒋᑫᔨᐟ ᑳᑭᑫ; 4#ᓇᒼᐸᕒᐢ 22:1-6ᒋᑫᒫ ᓇᒪᐃᐧᔭ ᑯᐦ ᓇᑭᐢᑳᑯᐋᐧᐊᐧᐠ ᑭᑭ ᐸᐦᑫᐧᓯᑲᓇ ᒥᓇ ᓂᐱ ᐃᐢᐱ ᐃᒋᑊᑎᕽ ᑳ ᐯ ᐅᐦᑐᑌᔦᐠ; ᒥᓇ ᒋᑫᒫ ᑭ ᐊᑐᑌᐊᐧᐠ ᐯᓬᐋᒪ ᐅᑯᓯᓴ ᐱᐋᕒ, ᐯᐦᑖᕒ ᐅᐦᒋ ᒣᓴᐳᑌᒥᔭ ᐊᐢᑭᕽ, ᑭᑕ ᓈᓂᐳᒥᑯᔦᐠ. 5#ᓇᒼᐸᕒᐢ 23:7—24:9ᒫᑲ ᐋᑕᐃᐧᔭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᓇᒪᐃᐧᔭ ᐃᐧ ᓇᑐᐦᑕᐁᐧᐤ ᐯᓬᐋᒪ; ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑫᐧᐢᑭᓇᒼ ᓈᓂᐳᒥᐁᐧᐃᐧᐣ ᑭᑕ ᓴᐁᐧᔨᒥᑯᔦᐠ, ᐊᔨᐢ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑭ ᓵᑭᐦᐃᐠ. 6ᓇᒪᐃᐧᔭ ᑭ ᑲ ᓇᑐᓀᐣ ᑭᑕ ᐃᓯ ᐯᔭᑕᑫᔨᒧᒋᐠ ᐊᐦᐳ ᑭᑕ ᐃᓯ ᓇᓇᐦᐃᐸᔨᒋᐠ ᑳᑭᑫ.
7ᓇᒪᐃᐧᔭ ᑭ ᑲ ᐸᑳᐧᑖᐤ ᐃᑕᒪᐃᐟ; ᐊᔨᐢ ᐁᐊᐧᑯ ᑭᒋᐋᐧᒼ; ᓇᒪᐃᐧᔭ ᑭ ᑲ ᐸᑳᐧᑖᐤ ᐃᒋᑊᐟ ᐊᔨᓯᔨᓂᐤ ᒋᑫᒫ ᑭ ᑭ ᒫᓂᑌᐃᐧᐋᐧᐣ ᐅᐟ ᐊᐢᑭᕽ. 8ᐊᓂᐦᐃ ᐊᐋᐧᓯᓴ ᑳ ᓂᐦᑖᐃᐧᑭᐦᐋᒋᐠ ᓂᐢᑖᐧᐤ ᐁ ᐊᑎ ᐋᓂᐢᑫ ᓂᐦᑖᐃᐧᑭᐃᑐᔨᐟ ᑭᑕ ᐱᐦᑐᑫᐊᐧᐠ ᐅ ᒫᐊᐧᒋᐦᐃᑐᐃᐧᓂᔨᕽ ᑳ ᑎᐯᔨᐦᒋᑫᔨᐟ.
9ᑭᐢᐱᐣ ᐁ ᓇᑕᐃᐧ ᑲᐯᓯᔭᐣ ᐁ ᓇᑐᐸᔨᐢᑕᐊᐧᒋᐠ ᑭ ᓄᑎᓈᑲᓇᐠ, ᑭ ᑲ ᒥᑖᑫᐧᓇᒫᓱᐣ ᑲᐦᑭᔭᐤ ᑫᑲᐧᐩ ᑳ ᒪᒐᔨᐊᐧᕽ.
10ᑭᐢᐱᐣ ᐁᑯᑕ ᐊᔮᐤ ᐃᑕ ᑳ ᐊᔮᔦᐠ ᐊᐃᐧᔭᐠ ᐊᔨᓯᔨᓂᐤ ᐁᑳ ᐁ ᐯᑭᓯᐟ ᐊᓂᒪ ᐅᐦᒋ ᐁ ᐃᓯ ᐊᔮᐟ ᐁ ᑎᐱᐢᑳᔨᐠ, ᐁᑲᐧ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ ᑭᑕ ᐃᑐᐦᑌᐤ, ᓇᒪᐃᐧᔭ ᑭᑕ ᐯ ᐱᐦᑐᑫᐤ ᑲᐯᓯᐃᐧᓂᕽ; 11ᒫᑲ ᑭᑕ ᐃᐦᑭᐣ ᐊᑎ ᐅᑖᑯᓯᑭ, ᑭᑕ ᑭᒋᐢᑖᐸᐊᐧᔪ ᓂᐱ ᐅᐦᒋ; ᐃᐢᐱ ᒫᑲ ᐸᐦᑭᓯᒧᔨᑭ, ᑳᐃᐧ ᒥᓇ ᑭᑕ ᐱᐦᑐᑫᐤ ᑲᐯᓯᐃᐧᓂᕽ.
12ᒥᓇ ᒫᑲ ᑭ ᑲ ᐊᔮᐣ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ ᐃᑕ ᑭᑕ ᐊᐧᔭᐃᐧᔭᐣ; 13ᐁᑯᓯ ᒥᓇ ᑭ ᑲ ᐊᔮᐋᐧᐤ ᐊᓯᒋ ᑭᐟ ᐊᓱᐃᐧᓇ ᐱᐋᐧᐱᐢᑲᐳᐢ; ᐁᑯᓯ ᓀᐊᐱᔭᓂ ᐁ ᐊᐧᔭᐃᐧᔭᐣ ᑭ ᑲ ᒧᓇᐃᑳᐣ ᐁᐊᐧᑯ ᐁ ᐋᐸᒋᐦᑖᔭᐣ, ᐁᑯᓯ ᑭᑕ ᑫᐧᐢᑭᑳᐸᐃᐧᔭᐣ ᑭᑕ ᐊᑲᐧᓇᐊᒪᐣ ᐊᓂᒪ ᑭᔭᐃᐧᕽ ᑳ ᐅᐦᒋᐸᔨᐠ; 14ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐱᒧᐦᑌᐤ ᒣᑳᐧᐨ ᑭ ᑲᐯᓯᐃᐧᓂᕽ ᑭᑕ ᐸᐢᐱᐦᐃᐢᐠ, ᒥᓇ ᑭᑕ ᐸᑭᑎᓈᐟ ᑭ ᓄᑎᓈᑳᓇ ᑭ ᓂᑳᓂᒥᕽ; ᐁᐊᐧᑯ ᐅᐦᒋ ᐱᑯ ᑭᑕ ᑲᓈᑕᕽ ᑭ ᑲᐯᓯᐃᐧᐣ; ᐁᑳ ᑫᑲᐧᐩ ᑭᑕ ᐋᐧᐸᐦᑕᕽ ᐁᑯᑕ ᐁᑳ ᐁ ᐯᑲᓂᔨᐠ, ᐁᑯᓯ ᑭᑕ ᓇᑲᑎᐢᐠ.
15ᓇᒪᐃᐧᔭ ᑭ ᑲ ᐸᑭᑎᓂᒪᐋᐧᐤ ᐅᐟ ᐅᑭᒫᒪ ᐊᓇ ᐊᑐᐢᑫᔮᑲᐣ ᑳ ᓇᑲᑖᐟ ᐅᐟ ᐅᑭᒫᒪ ᑭᔭ ᐁ ᓈᑎᐢᐠ. 16ᑭ ᑲ ᐃᐧᒋᐊᔮᒥᐠ, ᒣᑳᐧᐨ ᐃᑕ ᐁ ᐊᔮᔭᐣ, ᐃᑕ ᐊᓂᒪ ᑫ ᓇᐊᐧᓱᓇᕽ ᐱᐦᒋ ᓈᐣᑕᐤ ᑭᐟ ᐃᐢᑳᐧᑌᒥᕽ ᐃᑕ ᓇᐊᐧᐨ ᐁ ᒥᔦᐧᔨᑕᕽ; ᓇᒪᐃᐧᔭ ᑭ ᑲ ᑭᑎᒪᐋᐤ.
17 #
ᓬᐃᐱᑎᑲᐢ 19:29
ᓇᒪᐃᐧᔭ ᑭᑕ ᐃᑖᐤ ᐱᓯᑳᐧᑎᓯᐃᐧᐢᑫᐧᐤ ᐅᑖᓂᓴ ᐃᐢᕒᐁᐃᓬ, ᒥᓇ ᓇᒪᐃᐧᔭ ᑭᑕ ᐱᓯᐢᑭᐃᐧᐅᐊᐧᐠ ᐅᑯᓯᓴ ᐃᐢᕒᐁᐃᓬ. 18ᓇᒪᐃᐧᔭ ᑭ ᑲ ᐱᑐᑲᑖᐣ ᐅ ᑎᐸᐦᐊᒫᑯᐃᐧᐣ ᐱᓯᑳᐧᑎᐢ, ᐊᐦᐳ ᐅ ᑭᐢᐱᓇᒋᑫᐃᐧᐣ ᐊᑎᒼ, ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᓈᐣᑕᐤ ᑭᐦᒋᐃᑌᐧᐃᐧᐣ ᐅᐦᒋ; ᒋᑫᒫ ᑖᐱᐢᑯᐨ ᐅᐦᐃ ᐸᑳᐧᑕᒼ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ.
19 #
ᐁᐠᓴᑕᐢ 22:25; ᓬᐃᐱᑎᑲᐢ 25:36,37; ᑎᔪᑕᕒᐊᓇᒥ 15:7-11 ᓇᒪᐃᐧᔭ ᑭ ᑲ ᐊᐃᐧᐋᐤ ᑭᑕ ᐊᑭᐦᑕᒪᐊᐧᐟ ᑭᒋᐋᐧᒼ; ᑭᑕ ᐊᑭᐦᑕᒪᐊᐧᐟ ᓱᓂᔮᐊᐧ, ᑭᑕ ᐊᑭᐦᑕᒪᐊᐧᐟ ᒥᒋᐃᐧᐣ, ᑭᑕ ᐊᑭᐦᑕᒪᐊᐧᐟ ᓈᐣᑕᐤ ᑫᑲᐧᐩ ᑳ ᐊᑭᐦᑕᒫᑫᕽ ᐁ ᐊᐃᐧᐦᐃᐁᐧᕽ; 20ᑳ ᐱᑐᓯᐢᑳᓀᓯᐟ ᑭ ᑲ ᑭ ᐊᐃᐧᐋᐤ ᐁ ᐊᑭᐦᑕᒪᐊᐧᐟ; ᒫᑲ ᐃᐧᔭ ᑭᒋᐋᐧᒼ ᓇᒪᐃᐧᔭ ᑭ ᑲ ᐊᐃᐧᐋᐤ ᐁ ᐊᑭᐦᑕᒪᐊᐧᐟ; ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᓴᐁᐧᔨᒥᐢᐠ ᑲᐦᑭᔭᐤ ᑳ ᐊᑐᐢᑳᑕᒪᐣ, ᐁᑯᑕ ᐊᐢᑭᕽ ᐃᑌ ᑳ ᐃᑐᐦᑌᔭᐣ ᑭᑕ ᑎᐯᔨᐦᑕᒪᐣ.
21 #
ᓇᒼᐸᕒᐢ 30:1-16; ᒫᐟᔪ 5:33 ᑭᐢᐱᐣ ᑭᐦᒋᐃᑌᐧᐃᐧᐣ ᑭᐦᒋᐃᑕᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᓇᒪᐃᐧᔭ ᑭ ᑲ ᐸᐧᐢᑕᐁᐧᔨᑌᐣ ᑭᑕ ᑎᐸᐦᐊᒪᐣ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫᐦᒋᓈ ᑭ ᑲ ᓇᑕᐁᐧᔨᑕᒫᐠ; ᐁᑯᓯ ᒫᑲ ᑭ ᑲ ᒪᒋᑐᑌᐣ. 22ᒫᑲ ᐃᐧᔭ ᒫᑲ ᑭᐦᒋᐃᑌᐧᔭᓂ ᓇᒪᐃᐧᔭ ᐁᐊᐧᑯ ᑭ ᑲ ᒪᒋᑐᑌᐣ. 23ᐊᓂᒪ ᑭᑐᓂᕽ ᑳ ᑭ ᐅᐦᒋ ᓯᐯᐧᐸᔨᐠ ᐁᐊᐧᑯ ᑭ ᑲ ᓈᑲᑌᔨᑌᐣ ᒥᓇ ᑭ ᑲ ᐃᑐᑌᐣ; ᐁ ᑭ ᐃᓯ ᑭᐦᒋᐃᑕᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᐣ, ᑌᐯᔨᒧᐃᐧ ᐸᑭᑎᓈᓱᐃᐧᐣ, ᑳ ᑭ ᐊᓱᑕᒪᐣ ᑭᑐᓂᕽ ᐅᐦᒋ.
24ᑭᐢᐱᐣ ᐁᑐᐦᑌᔭᓂ ᑭᒋᐊᔨᓯᔨᓂᐤ ᐅ ᓱᒥᓂᑭᐢᑎᑳᓂᕽ, ᑭ ᑲ ᑭ ᒧᐋᐧᐊᐧᐠ ᓱᒥᓂᓴᐠ ᐃᔨᑯᕽ ᑭᔭ ᐁ ᓇᐦᐃᐃᐧᓯᔭᐣ; ᒫᑲ ᓇᒪᐃᐧᔭ ᑭ ᑲ ᐊᓯᐊᐧᔮᐊᐧ ᓈᐣᑕᐤ ᐊᓯᐊᐧᒋᑲᓂᕽ.
25ᑭᐢᐱᐣ ᐁᑐᐦᑌᔭᓂ ᑭᒋᐊᔨᓯᔨᓂᐤ ᐁ ᒋᒪᓱᔨᐟ ᐅ ᐸᐦᑫᐧᓯᑲᓂᑳᓇ, ᑭᔮᒼ ᐃᐧᔭ ᑭ ᑲ ᑭᐢᑭᐢᑎᑳᐧᓀᐱᑖᐊᐧᐠ ᑭᒋᐦᒋ ᐅᐦᒋ; ᒫᑲ ᓇᒪᐃᐧᔭ ᑭ ᑲ ᑭᐢᑭᓱᒫᐊᐧ ᑭᒋᐊᔨᓯᔨᓂᐤ ᑳ ᒋᒪᓱᔨᐟ ᐅ ᐸᐦᑫᐧᓯᑲᓂᑳᓇ.
Currently Selected:
ᑎᔪᑕᕒᐊᓇᒥ 23: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
